ཁམས་སྐད་བརྙན་འཕྲིན་ཤར་གཏོང།

ཁམས་སྐད་བརྙན་འཕྲིན་གསར་གཏོང་བྱས་པར་འཚམས་འདྲིའི་བཀྲ་ཤིས་བདེ་ལེགས་གྲངས་མེད་ཞུ། དེ་ལམ་ལྷུང་ཡོང་བའི་རེ་བ་ཡོད།

གཡག་རོག་ལགས།ཁམས་སྐད་བརྙན་འཕྲིན་ཁང་དང་མཚོ་སྔོན་བརྙན་འཕྲིན་ཁང་།བོད་ལྗོངས་བརྙན་འཕྲིན་ཁང་བཏགས་འདུག་པ་ལས།མདོ་སྟོད་མི་ཡི་ཆོལ་ཁའི་བརྙན་འཕྲིན།མདོ་སྨད་རྟ་ཡི་ཆོལ་ཁའི་བརྙན་འཕྲིན།དབུས་གཙང་ཆོས་ཀྱི་ཆོལ་ཁའི་བརྙན་འཕྲིན་སོགས་བཏགས་མི་འདུག་པའི་དེ་ལ་ནོར་བ་ཞིག་ཨེ་ཡོད་བསམས།

ཁམས་པའི་བརྙན་འཕྲིན་གཏོང་པར་བཀྲ་ཤིས་བདེ་ལེགས་ཞུ།

ཁམས་སྐད་བརྙན་འཕྲིན་ཤར་གཏོང་ཐུབ་པར་དགའ་བསུ་ཡོད། མི་རིང་བར་བཙན་བྱོལ་སྤྱི་ཚོགས་ནང་དེའི་ས་མིག་ཅིག་ད་ལྟ་ང་ཚོས་ལྟ་བཞིན་པའི་ལྷ་ས་དང་མཚོ་སྔོན་གྱི་བརྙན་འཕྲིན་ལྟར་བལྟ་ཉན་ཐུབ་པའི་རེ་བ་ཡོད།

སྤྱིར་སྟངས་ཆོལ་ཁ་ཆོས་ལུགས་ཀྱི་ཕྱོགས་ཞེན་མེད་ན་ཧ་ཅང་བཟང་མོད། དངོས་མིང་དང་བཏགས་མིང་འདོགས་ཚད་ལ་ཕྱོགས་ཞེན་གྱི་དྲི་མས་སྦགས་ཡོད་པ་ནམ་ཡང་ངོས་འཛིན་བྱེད་མི་ཐུབ། ཁམས་སྐད་ལ་ཁམས་སྐད་ཅེས་དང༌། དབུས་སྐད་ལ་དབུས་སྐད་ཅེས་རང་མིང་གིས་གདག་དགོས་པ་དཔེ་མཚོན་ཙམ་ཞུ་རྒྱུ་ཡིན་ད་དུང་དེའི་རིགས་མཚུངས་གཞན་ལ་འཁྱེར་དགོས་པ་མང་དུ་ཡོད་སྙམ།

གྲོགས་ཚེ་དབང་ལགས།ཁྱོད་ཀྱིས་གསུངས་པ་བདེན་དུ་ཟེར་ཆོག།
གྲོགས་པོ་གཡག་རོག་ལགས།ཆོལ་ཁའི་མིང་མདོགས་སྟངས་དེ་ང་ཚོའི་བཙན་བྱོལ་བའི་བྱས་ལས་ཤིག་རེད།དེ་ལྟར་འདོགས་ན་བོད་མི་གཅིག་གྱུར་ཡོང་མི་ཐུབ་པ་རྒྱ་ནག་གཞུང་གིས་ཤེས་ཙང་དེ་ལྟར་བཏགས་པ་ཡིན་རྒྱུ་རེད།ཁོང་ཚོ་ལ་དབང་སྒྱུར་བྱེད་སྟངས་ལ་ཡང་ཕན་ཐོག་ཆེན་པོ་ཡོད་པ་རེད།
ད་དུང་ཅིག་ཞུས་ན་འབྲི་ཆུ་མར་ཕྱོགས་ཡོད་པའི་ཁམས་མི་ལ་ཁམས་པ་ཟེར་བའི་མིང་བཏགས་ཡོད་ལ་མཐའ་ན་མོ་ཀྲ་ཡིན་ཡང་ཁམས་པ་ཞེས་རྒྱ་བོད་ཡིག་གཟུགས་གཉིས་ཀྱི་བྲིས་ཡོད།རང་སྐྱོང་ལྗོངས་ཁུངས་སུ་ཡོད་པའི་ཁམས་པའི་མོ་ཀྲ་ལ་བོད་ལྗོངས་ཞེས་་བྲིས་ཡོད་པ་མ་ཚོད།ཆབ་མདོ་ཕྱོགས་སུ་ན་གཞོན་ཀླད་མེད་དེ་འདྲ་་ཡར་བསྡུས་ནས་དབང་ཆ་ཆུང་ཙིག་རེའི་སྤྲད།སྨད་ཕྱོགས་ཀྱི་ཁམས་མའི་མགོ་ཡི་ཐོ་བ་བཟོས་ཡོད།དཔེར་ན།སྨད་ཕྱོགས་ནས་ཁམས་མི་མོ་ཀྲོ་ཅག་ལ་དབོར་མཁན་ཞིག་ཁོང་ཚོའི་ས་ཁུལ་དུ་རླེབས་སོང་ན།ཁོང་ཚོས་བཀག་ནས་རྙོག་དྲ་མང་པོ་བཤད་་ཀྱིན་ཡོད་རེད།གལ་སྲིད་མོ་ཀྲས་ཁ་ལོག་བ་ཅུང་ཙམ་ངར་སོང་ན།ཁོང་ཚོས་ང་ཚོ་གཞུང་གི་དམིགས་གསལ་གྱི་ཁྱོད་ཚོ་ཁམས་པ་ཚོར་བཟོ་ལྟ་སྤྲོད་མཁན་བཞག་ཡོད་པ་རེད་ཟེར་ནས་རྒྱ་གཞུང་རྒྱབ་དུ་ཁྱེར་བ་དང་སོ་སོ་ཁམས་མི་ཞིག་ཡིན་པ་ཤེས་ཀྱིན་མེད་མཁན་མང་པོ་ཡོད་པ་རེད།
།བསམ་བློ་ཡག་པོ་ཞིག་བཏང་ན་ཁོང་ཚོ་ལ་ཁ་ག་བ་ཡོད་རེད།རྒྱ་གཞུང་གི་སེམས་པ་བསྒྱུར་ཚར་བ་རེད།བཙན་བྱོལ་ནང་གི་ཁམས་མི་ཚོ་ལ་གཟིགས་དང་སོ་སོའི་ཁེ་ཕན་གྱི་ཆད་དུ་ཁམས་མི་གཅིག་གྱུར་ཆགས་ཀྱི་མེད་པ་རེད།
བོད་མི་ནང་ལོག་ན་སྔར་ནས་ད་བར་རྒྱ་ནག་གཞུང་དང་བོད་མི་མ་རབས་དེ་ཚོས་གཅིག་གྱུར་གྱི་བརྡུངས་རེ་བྱས་ཆུགས་ཡོད་ལ་ད་ལྟའང་ཕྱིར་དགྲ་དང་ནང་གཉེན་སོགས་ཀྱི་ཅི་ཐུབ་གང་ཐུབ་ཀྱིས་ལག་ལེན་ལྟར་བཞིན་པ་རེད།

གོང་གི་གཡག་རོག་གི་སྐད་ཆ་དེ་ཏག་ཏག་བསྡད་མི་འདུག དེར་ཁམས་སྐད་ཀྱི་བརྙན་འཕྲིན་ཟེར་ན་སྐྱོན་གང་ཡང་མེད། འདི་ནི་ང་ཚོའི་བཙན་བྱོལ་ནང་གི་ཚོར་བ་ཞིག་རེད། འདི་ཕྱོགས་ནས་དེ་འདྲའི་རིགས་ལ་དོན་མེད་ཀྱི་ལས་ཀ་བྱེད་རྒྱུ་མང་དྲག་སྟབས། ཁམས་དང་ཨ་མདོ་སོགས་ཡུལ་མིང་ཁ་ལ་འཁྱེར་བ་ཙམ་གྱིས་སེམས་ལ་དོགས་གཞི་ཞིག་སླེབས་འོང་བ་རེད། ཡུལ་གྱི་ཁྱད་ཆོས་དེ་མང་དུ་བཏགས་ཀྱང་སྐྱོན་མི་འདུག་སྙམ།

འདི་འདྲའི་དོགས་མི་བདེ་བ་དེ་བཙན་བྱོལ་དུ་ཕེབས་མཁན་ཐོག་མའི་གྲས་དེ་རིགས་རེད་སྙམ། ཁོང་ཚོར་བསམ་བློ་དང་སློབ་སྦྱོང་གི་གནས་ཚད་སྐྱོ་བོ་ཡིན་པ་གང་ཞིག་ལ། སྤྱི་འཐུས་དང་དྲུང་ཆེ། བཀའ་བློན་ཚུན་ཆད་དུ་བསྐོས་པས་སྟབས་ཀྱིས། རང་རང་ལ་དེའི་རྐུབ་སྟེགས་དེ་བརྟན་པོ་བྱེད་རྒྱུའི་གདེང་ཚོད་མེད་པར་གྱུར་བས། རང་གི་ཉེ་རིང་འཁོར་དང་བཅས་པ། ལྷག་པར་ཡུལ་ལུང་གཅིག་པའི་དཔུང་ཡ་དབུ་འོག་ཏུ་འཇུག་རེས་བྱས་པ་རེད། དེ་འདྲའི་གནས་ཚུལ་གཅིག་བྱུང་གཉིས་བྱུང་གིས་ད་ལྟའི་གནས་སྟངས་འདི་ཆགས་པ། ད་ནི་བཙན་བྱོལ་ཁྲོད་ཀྱི་མི་རབས་གསར་བ་ཚོར་དེའི་ཞེན་ཁོག་དེ་ཇེ་ཆུང་དུ་འགྲོ་བཞིན་པ་མངོན་གསལ་དོད་པོ་རེད་ལ། རང་རེའི་མི་དྲག་གི་ཁྲོད་དུ་རྦད་དེ་དེའི་ཞེན་པ་དོར་ནས་རྒྱལ་ཁབ་དང་མི་རིགས་ཀྱི་ལས་དོན་ལ་འབད་པ་མང་བོ་མཐོང་གི་འདུག ད་དེ་འདྲའི་ཐོག་ནས་ང་ཚོར་དོགས་མི་བདེ་བ་ཡོང་དོན་མེད་པས། ང་ཚོའི་སུས་ཀྱང་དེར་སྣང་དོགས་བྱེད་དགོས་དོན་མི་འདུག་སྙམ།

སྤྱིར་བཤད་ན་དགའ་འོས་པའི་དོན་བཟང་ཞིག་ཡིན་སྲིད་ཀྱང་། མིང་འདོགས་སྟངས་ཐད་ནས་ད་དུང་ཆོལ་ཁའི་ཕྱོགས་ཞེན་གྱི་དྲི་མས་སྦགས་པའི་ཐ་སྙད་རྫོབ་པོ་འདི་རིགས་ལས་མེད་སོང་བ་ཡིན་ནམ། ཆོལ་ཁའི་མིང་ཐོག་ནས་བཏགས་དགོས་དོན་མེད་པར་སྙམ།