མ་སུ་རིའི་སློབ་ཕྲུག་དགུ་བོ་བསྐྱར་དུ་སློབ་གྲྭར་འཇུག་རོགས།

སྐུ་ཞབས་བློ་དགའ་ལགས། ཁྱེད་ཀྱི་ཐུགས་ཁུར་ཆེ་བཞེད་ཀྱི་སློབ་ཕྲུག་ཚོ་སྐྱོབས་ལ་བཀའ་དྲིན་ཆེ། མ་སུ་རིའི་སློབ་སྤྱིའི་ངན་སེམས་ཅིང་པ་དེ་ཞེན་ཁོག་དང་སོ་སོའི་སྐུབ་སྟག་བརྟན་པོར་གནས་ཐབས་ཞིག་ཡིན་པ་ལ་ཐེ་ཚོམས་མེད།
གཞན་སྔོན་མ་མ་སུ་རིའི་རྒེན་དགེ་ཕྲུག་བར་འཕྲིག་སྤྱོད་རིག་བྱུང་ཡོད་ནའང་སྣང་མེད་དུ་བཞག་ཡོད། དེ་རིང་སློབ་མ་དེ་ཚོ་ལ་ཤ་ཚ་དང་སྙིང་རྗེ་ཁྱོན་ནས་མེད་མཁན་འདི་འདྲིའི་སློབ་སྤྱི་ཞིག་གི་བཙན་བྱོལ་བའི་རང་དབང་དང་ཐོབ་ཐང་འཕྲོག་པ་དེ་ཧ་ཅང་ཐེལ་དྲག་པ་ཞིག་རེད་སྙམས། འདི་ཚོའི་ཐོག་ལ་དུས་རྟག་ཏུ་བོད་གཞུང་གི་ལྟ་ལྟོག་ཡག་པོ་བྱེད་དགོས། ༸གོང་ས་མཆོག་གིས་སློབ་ཕྲུག་གི་སློབ་སྦྱོང་ཟླ་བ་གཅིག་ཐོས་ཤོར་སོང་ན་མི་ཚེ་གཅིག་ལ་ཐོས་ཤོར་འགྲོ་གི་ཡོད་ཞེས་ཐུགས་རེས་ཆེན་པོ་གནང་ཡོད་པས་ཚང་མས་འདིའི་རྒྱབ་སྐྱོང་གནང་རོག

སྐུ་ཞབས་བློ་དགའ་ལགས་ཀྱི་བྱེད་སྟངས་དེ་ལ་མོས་མཐུན་མཁན་་དེ་ཚོ་ལྐུགས་པའི་ཨུ་ཚུགས་མ་བྱེད
གང་ཡིན་ཞུས་ན་ཁོང་ནི་ཐ་ཤལ་ཞིག་རེད་འདུག

སློབ་གྲའི་སྒྲིག་འཛུགས་གལ་གནད་ཆེ་བ་ལས་སྒྲིག་འགལ་གྱི་སློབ་ཕྲུག་དེ་ཚོ་གལ་གནད་ཆེ་བ་ཞིག་ག་ལ་ཡིན།
དེ་དོན་་ཕྱིར་འབུད་བཏང་བ་ནི་ནོར་མི་འདུག

ཡག་ཤོས་བྱུང་ན་སློབ་གྲྭ་ཐོངས། དེ་མ་བྱུང་ན་དམག་མི་ལ་མངགས། འུ་ཐུག་ཐབས་ཟད་ན་གྲྭ་པ་བཏང་རྒྱུ་ཡིན་ཟེར་པ་དེ།
ད་ངོ་མ་དུས་མཐའ་ཟེར་བ་དེ་སླེབས་ལ་ཉེར་བ་ཡིན་པ་འདྲ། བློ་བཟང་ལགས་ཁྱེད་ཀྱིས་གྲྭ་པ་དང་དགོན་པ་ལ་ལྟ་སྟངས་ཡག་པོ་ཞེ་དྲག་འདུག་ཐུགས་རྗེ་ཆེ།

ཡ་ཡ། ད་རབ་བྱུང་ན་སློབ་གྲྭ་ཐོངས། དེ་མ་བྱུང་ན་དམག་མི་ལ་མངགས། འུ་ཐུག་དུས་གྲྭ་པ་གྱིས་ཟེར་བའི་བཙན་བྱོལ་བོད་མིའི་གདམས་ངག་དེ་བློ་དགའ་ལགས་ཀྱིས་ཕྱག་བསྟར་མ་གནང་མཐུ་མེད་ཡིན་པ་འདྲ། སྤྱིར་བཏང་མགོ་ཡི་འཁྲུ་མ་སྐམ་གོང་ནས། རྐུབ་ཀྱི་ཤེ་མནར་འདུག་མཁན་དེ་ཚོ་ལ་གྲྭ་ཆས་གཡོག་དགོས་བྱུང་ན་ག་འདྲ་ཡོད་འགྲོ།

དེ་ནི་གྲྭ་པའི་འོས་པའི་ལས་འགན་ཞིག་མིན་ཡང་དུས་ལ་བབ་པ་འདྲ་ཡིན་ན་ཡང་བློ་དགའ་ལགས྄ཀྱི་རེ་བ་དེ་ལམ་སང་འགྲུབ་པ་དཀའ་བའི་ཚང་མས་སྨོན་ལམ་གནང་རོགས་ཞུ།།

ཡ་ཡ། ད་རབ་བྱུང་ན་སློབ་གྲྭ་ཐོངས། དེ་མ་བྱུང་ན་དམག་མི་ལ་མངགས། འུ་ཐུག་དུས་གྲྭ་པ་གྱིས་ཟེར་བའི་བཙན་བྱོལ་བོད་མིའི་གདམས་ངག་དེ་བློ་དགའ་ལགས་ཀྱིས་ཕྱག་བསྟར་མ་གནང་མཐུ་མེད་ཡིན་པ་འདྲ། སྤྱིར་བཏང་མགོ་ཡི་འཁྲུ་མ་སྐམ་གོང་ནས། རྐུབ་ཀྱི་ཤེ་མནར་འདུག་མཁན་དེ་ཚོ་ལ་གྲྭ་ཆས་གཡོག་དགོས་བྱུང་ན་ག་འདྲ་ཡོད་འགྲོ།

གྲོགས་པོ་བློ་དགའ་ལགས་ཀྱིས་བྱེད་ཕྱོགས་འདི་ནི་བསམ་བློ་ཇི་ལྟར་བཏང་ཡང་གཞི་རྒྱ་ཆེ་བའི་རྒྱུ་མཚན་ཞིག་གཏན་ནས་མཐོང་མི་ཐུབ། ཁོ་བོས་འཇོན་འདོག་གིས་ཕྱིར་འབུད་ཟིན་པའི་སློབ་ཕྲུག་དེ་ཚོའི་སློབ་སྤྱོངས་ཀྱི་མདུན་ལམ་ལ་བསམ་བློ་གཏོང་ཁུལ་བྱས་པ་ལས། སྤྱི་ཚོགས་ཤིག་གི་སྒྲིག་འཛུགས་དང་གནས་བབས་ལ་བསམ་བློ་གཏན་ནས་བཏང་མི་འདུག ཚུལ་མཐུན་མིན་པའི་བྱ་སྤྱོད་དང་སྤྱི་ཚོགས་ཀྱི་ཡར་རབ་གོམས་གཤིས་ལ་ཐུར་བཤོས་དང་གནོད་སྐྱོན་ཐད་པའི་བྱ་བཞག་ལ་རྒྱབ་སྐྱོར་བྱེད་པ་ནི་མི་རིགས་ཤིག་འཆི་ལམ་ཏུ་འཁྲིད་པ་དང་གཉིས་སུ་མེད་ལ། ཐེངས་འདིའི་གནས་ཚུལ་འདི་ཉིད་འདི་ལྟར་བསམ་བློ་ཆེ་ཁུལ་གྱིས་གུར་ཡངས་གཏང་པ་ཡིན་ན། ཕྱིས་སུ་བཙན་བྱོལ་སྤྱི་ཚོགས་ནི་བཟང་སྤྱོད་ཀྱི་དྲི་ཙམ་མེད་པ་དུད་འགྲོའི་བྱ་སྤྱོད་འབའ་ཞིག་ཁངས་བའི་ངོ་ཚ་ཁྲལ་མེད་ཀྱི་སྤྱི་ཚོགས་ཤིག་ཏུ་འགྱུར་རྒྱུར་ཤིན་ཏུ་ཉེས།
གལ་སྲིད་དངོས་གནས་སློབ་མ་དེ་ཚོ་བོད་དུ་ཕྱིར་གཏང་འདོད་མེད་ན། བསམ་བློ་དང་སྤྱོད་པ། ད་དུང་རིག་གནས་སོགས་གོང་མཐོར་གཏང་པའི་ཁོར་ཡུག་ཅིག་གསར་སྐྲུན་བྱེད་དགོས་པ་ལས་སློབ་གྲྭའི་སྒྲིག་འཛུགས་གཏོར་གཤིག་བཏང་ནས་སློབ་ཕྲུག་དེ་ཚོ་ཕྱིར་སློབ་གྲྭར་བཅུག་ཐབས་བྱེད་པ་དེ་ཇུས་བཟང་ཞིག་མིན་པ་མ་ཚད། དེ་ནི་བོད་གཞུང་སྤྱི་ཚོགས་ཀྱི་སྒྲུག་འཛུགས་གཏོར་གཤིག་གཏང་པ་དང་བཙན་བྱོལ་སྤྱི་ཚོགས་ནང་དཀྲུགས་ཤིང་གི་ས་བོན་འདེགས་པ་རེད།

བློ་དགའ་ལགས་སུ་བསྟོད་བསྔགས་ཡོད། མི་མང་གི་ཁ་ཟེར་བ་འདིའི་ནང་ནས་གང་ཡང་ཐོན་གྱི་རེད། གཙོ་བོ་རང་ཉིད་ཀྱི་དམིགས་ཡུལ་ལྟར་སློབ་ཕྲུག་ཚོར་རོགས་པ་ཡག་པོ་གནང་ཐབས་བྱེད་ཀྱི་དེ་རེད། ངས་ཁྱེད་ཀྱི་ལས་རིམ་དང་པོ་འགྲུབ་ཐུབ་པའི་རེ་བ་ཡོད་ལ། དེའི་ཐོག་ལ་ཕྱོགས་ཡོངས་ནས་ཐབས་ཤེས་བྱེད་དགོས་ངེས་རེད། དེ་མ་བྱུང་ཡང་ལས་རིམ་གཉིས་པ་རེད། དེ་ཡང་མ་བྱུང་ན་ང་ཚོས་ཐབས་ཤེས་བྱེད་ཆོག་གི་རེད། ང་ཚོ་དང་པོ་བོད་ནས་ཡོང་དུ་སྒོར་མོ་ཡོད་མཁན་དང་རྒྱབ་རྩ་ཡོད་མིན་ཡང་། ༸གོང་ས་མཆོག་གི་བཀའ་དྲིན་ཁོ་ན་བརྟེན་ནས་རང་འགོ་ཐོན་ནས་ཡོད་པ་རེད། སྒྲིགས་འཛུག་གི་ལས་ག་ཟེར་བ་ཐག་ཆོད་པོ་དགོ་དུས་སློབ་མས་སྒྲིགས་འགལ་བྱུང་བར་སློབ་གྲྭས་ཐག་གཅོད་བྱེད་རྒྱུ་འོས་བབ་རེད། མ་སུ་རུའི་བྱེད་སྟངས་ལ་འཁང་ར་བྱེད་རྒྱུ་གང་ན་ཡོད། འོན་ཀྱང་། ང་ཚོས་སློབ་ཕྲུག་ཚོ་ཡང་ངན་པ་ཐ་ཤལ་ཁོ་ནར་ངོས་བྱེད་རྒྱུ་མེད། སོར་མོའི་ཕྲེང་བའི་གཏམ་རྒྱུད་ལྟར་ངན་པ་བཟང་པོར་སྒྱུར་ལོས་ཡོད།
ཁྱེད་ཀྱིས་ཁོང་ཚོ་བོད་དུ་ཕྱིར་ལོག་མི་དགོས་པའི་ཐབས་ཤེས་བྱས་པར་སྙིང་ཐག་པ་ནས་དགའ་བསུ་དང་བསྟོད་བསྔགས་ཡོད། སྙིང་སྟོབས་བསྐྱེད་དང་ལས་མང་པོ་བྱེད་ཆོག་གི་རེད།

སློབ་གྲྭའི་སྒྲིག་གཞི་དང་འགལ་ན་ཕྱིར་འབུད་གཏོང་དགོས་པ་ནི་ཁྲིམས་རང་ཡིན་པས། དོན་མེད་ཐེ་བྱུས་ནི་ཅུང་འ་ཆ་འུར་ལ་འདྲེས། རྒྱུ་མཚན་མང་མོད་བླ་རྒན་དེས་དགེ་བ་ཡིན་མདོག་ཞིག་བྱེད་བཞིན་འདུག དྲང་མོར་བཤད་ན་དེའི་ནང་དུ་ཆབ་སྲིད་ཀྱི་གཡའ་དྲི་ཞིག་འགོས་འདུག

སེར་སྨད་བློ་དགའ་ལེགས།ཁྱོད་ཀྱི་ཕྲུ་གུ་ཚོའི་མདུན་ལམ་གཅིག་བུ་ལ་བསམ་བླི་བཏང་བ་ཡིན་ནའང་སྤྱི་ཚོགས་ཀྱི་སྒྲིག་འཛུག་ལ་བསམ་བློ་གཏོང་ཐུབ་མི་འདུག
ད་དུང་སློབ་གྲྭ་གཞན་ཞིག་གི་ནང་ཚུལ་ཆེད་དཀའ་ངལ་བརྒྱབ་པ་ཡིན་ན་དེ་ཡང་སློབ་གྲྭ་དེ་དང་དེའི་སྒྲིག་ལམ་ལ་རྩིས་མེད་དང་ཁྲིམས་ལ་རྒྱབ་འགལ་བྱས་འདུག
རིམ་པ་གཉིས་པ་དེ་ཡང་དེ་ལས་ཐབས་སྐྱོ་བོ་ལས་དཀའ་ཞིག་རེད།གང་ཡིན་ཟེར་ན་གྲྭ་ས་ནི་ཕྱི་གཙང་ནང་གཙང་ཞིག་ཡིན་པས་དེ་འདྲ་བྱེད་མི་རུང།གྲྭ་ས་ནི་བྱིས་པའི་རྩེ་ར་མིན།ངས་བཤད་འདོད་པ་ནི་སྒྲོང་ཐུང་ཞིག་ཡིན།མི་སྒེར་སེམས་ཅན་ཞིག་གི་རང་ཉིད་ཀྱི་རྐུབ་སྟགས་རེག་ཆེད་ལས་འགལ་འདྲ་མིན་སྣ་ཚོགས་བྱས་ཤེས་ཡོན་ཀྱི་ཚོགས་སྡེ་མང་པོ་ཞིག་ནང་ཕན་ཚན་མི་མཐུན་པ་བཟོའི་མཐར་རང་ཉིད་ཀྱི་གཞན་མགོ་སྨོང་བ་ཞིག་བྱེད་དགོས་བསམ་ཀྱང་སྟབས་མ་ལགས་ནས་རང་ཉིད་ཕུང་བ་རེད།དེ་དཔེ་དོན་མཚུངས་པ་འདྲ་བོ་མཐོང་།

སྟོབས་ཟེར་བ་ཞིག་གིས་ཕྲུ་གུ་འདི་ཚོ་སྤྱི་ཚོགས་ནང་གི་གད་སྙིགས་སུ་ལྟ་བ་ནི་རྦད་དེ་ནོར་སོང་། ཁྱོད་ཀྱི་འདོད་པ་ལྟར་ན་སའི་གོ་ལ་འདིའི་སྒང་གི་འཁྲིག་སྤྱོད་མི་བྱེད་མཁན་མ་གཏོགས་མི་གཙང་མ་ཞིག་མེད་སོང་བ་ཨེ་ཡིན། དེར་ཁས་ལེན་ན། དེང་སང་གྲྭ་ས་ན་ངེས་པ་དོན་གྱི་འདུལ་བ་འཛིན་པ་རེ་གཉིས་མ་གཏོགས་ཨེན་ཆུང་དག་གི་བརླ་བར་ལ་འཁྲིག་པ་མི་སྤྱོད་མཁན་ག་ཚོད་ཡོད། ཁྱབ་པ་ཁས། གྲྭ་ས་ཚང་མ་གད་སྙིགས་སྤུངས་ས་ཡིན་པ་དོན་གྱིས་ཁས་ལེན་ཤོར་རོ།།

མིའི་གྲལ་དུ་འཚང་ནས་སྐད་ཆ་བཤད་སྐབས་གཟབ་གཟབ་བྱེད་རྒྱུ་མ་བརྗེད། འདིའི་སྐབས་ལ་སེར་སྨད་བློ་དགའ་ཟེར་བའི་མི་འདི་སུ་ཡིན་ན་ཚང་མས་དེའི་ལྷག་བསམ་ལ་ཡི་རངས་དང་ཐུགས་རྗེ་ཆེ་ཞུ་དགོས་ལ། རང་རེའི་གཞོན་རབས་པ་དག་སེར་སྨད་བློ་དགའ་ནང་བཞིན་བཟོ་རྒྱུར་འབད་པ་བྱས་ན། ད་གཟོད་བོད་མི་རིགས་དང་རྒྱལ་ཁབ་ལ་རེ་བ་ཆེན་པོ་ཡོད་པར་མཐོང་། དེའི་སྟབས་ཀྱིས་གུས་ནས་བྱིས་པ་འདི་དག་སློབ་གྲྭར་མ་ཚུད་ན་སེར་སྨད་བློ་དགའ་ལགས་ལ་རོགས་སྐྱོར་གཞན་ནས་མི་ཐུབ་རུང་དངུལ་ཏོག་ཙམ་གྱིས་བྱེད་རྒྱུ་ཐག་གིས་བཅད་པ་ཡིན།

ཉེ་ཆར་བློ་དགའ་ལགས་ཀྱིས་སློབ་ཕྲུག་ཚོ་བལ་ཡུལ་ནས་འཁྲིད་ཡོང་གི་ཡོད་པ་ལམ་སྐབས་ནས་མཐོང་སོང་། ངའི་སེམས་པར་ཕྲུག་གུ་ཆུང་ཆུང་དེ་ཚོ་བོད་ནས་གསར་པ་བསླེབ་པ་ཡིན་རྒྱུན་རེད་བསམ་བྱུང། ཇ་འཐུང་ས་ཞིག་ནས་བློ་དགའ་ཟེར་བའི་ཕྲུག་གུ་ཚོའི་བདག་བོ་ལ་སྐད་ཆ་དྲིས་ནས་རྒྱུ་མཚན་གསལ་བོ་ཤེས་བྱུང། བསམ་ཡུལ་ལས་འདས་པ་ཞིག་རེད། དངོས་སུ་ཕྲུག་གུ་ཆུང་ཆུང་ཚོའི་རྣམ་པ་མཐོང་རྒྱུ་ན་ཉེས་མེད་ཉེ་འགེབས་རང་རེད། སློབ་ཕྲུག་ཆུང་ཆུང་འདི་ཚོས་ཚུལ་མིན་གྱི་ཉེས་པ་བསག་ཡོད་ནའང་བཙན་བྱོལ་སྤྱི་ཚོགས་ནས་རྒྱང་ཕུད་གཏོང་མ་བཏང་པར་ཉེས་ཆད་གཞན་པ་རེ་བཏང་ན་མི་འགྲིགས་སམ། ལོ་རེ་བཞིན་བོད་ནས་བཙན་བྱོལ་ལ་ཡོང་མཁན་ཇེ་ཉུང་ཇེ་ཉུང་ཡིན་པ་སྐུ་ངོ་ཚོས་མ་ཁྱེན་པ་ཡིན་རྒྱུ་མ་རེད།

སེར་སྨད་བློ་དགའ་ལ་གཏམ་འདི་བཤད །
བུ་མོ་ཞིག་ལ་བཙན་ཤུད་ཀྱིས་འཁྲིག་སྤྱོད་བགྱིས་ན ། རྒྱལ་ཕྱི་ནང་ཀུན་གྱི་རྩ་ཁྲིམས་ཀྱིས་ངོས་ནས་ཐག་གཅོད་ཅི་ལྟར་བྱེད་སྲོལ་ཡོད ། གལ་སྲིད་བློ་དགས་སློབ་ཕྲུག་དེ་ཚོ་ཡང་བསྐྱུར་སློབ་གྲྭ་ནང་དུ་འཛུལ་ཐུབ་བྱས་ན་ཡུལ་མིའིཁྲིམས་ལུགས་ལ་གང་འདྲ་བྱས་ནས་གདོང་སྟོན་གྱི་ཡིན །
རྒྱ་གར་གྱི་ཁྲིམས་ལུགས་གཞིར་བཟུང་ཐོག་བཙན་བྱོལ་བོད་མིས་ཀྱང་ལེགས་ཉེས་དབྱེ་ཐག་གཅོད་རྒྱུ་ནི་འུ་ཚོ་སུའི་ཆབ་འོག་ཏུ་བཙན་བྱོལ་ཡིན་བ་ཡིན་པ་དེ་བརྟེན་ནས་ཐག་གཅོད་བྱ་དགོས་སམ། ཉེས་ཅན་འགེབས་སྲུང་གི་ཉེས་པ་བཙན་བྱོལ་གཞུང་ཕོག་ན །
ཁྲིམས་ཐོག་ཏུ་བསྐྱོད་མཁན་སུ་ཡིན་རྒྱུ་རེད་འདི་ལ་བསམ་བློ་བཏང་ཨེ་ཡོད །

གོམ་པ་གཉིས་པ་ལམ་འགྲོ་མ་སོང་ན ། གྲྭ་ས་ལ་འཛུལ་ཞུགས་བྱ་རྒྱུ་ཐབས་ཤེས་བྱེད་གྱི་ཡིན་ཟེར་བ་འདི། ཧ་ཅང་གི་ཞབས་འདྲེན་ཆེན་པོ་ཞིག་ཡིན་པ་ཚང་མས་ཤེས་དགོས ། གྲྭ་ས་ནི་ཕྱི་གཙང་ནང་གཙང་ཞིག་ཡིན་དགོས་ཞེས་༧་གོང་ས་མཆོག་གི་རྒྱུན་དུ་གསུང་གི་ཡོད། མིའི་ཁྲོད་ཀྱི་གད་སྙིགས་སྡུད་བསོག་བྱེད་ས་ཡིན་ན་ད་གཟོད་ཚུལ་མིན་གྱི་ཁྲིམས་ཆད་ཕོག་པའི་ཉེས་ཅན་ཡིབ་ས་ཞིག་བྱས་ན་ཆོག

སེར་སྨད་བློ་དགའ་ལགས་སྤྱིར་སྟངས་ནས་ཐུགས་རྗེ་ཆེ་ཞེས་ཞུ་ལོས་དགོས་
འོན་ཀྱང་སྐད་ཆ་འདིར་བསམ་གཞིགས་ཤིག་བྱས་ཡོས་དུས་དེ་རིང་གི་སློབ་
ཕྲུག་འདི་ཚོ་ངས་བསམ་པ་ཡང་བསྐྱར་སློབ་གྲྭ་གཞན་ཞིག་ཏུ་ཚུད་རྒྱུ་ཁ་པོ་
ཡིན་པ་མཁྱེན་གསལ་རེད་ གལ་སྲིད་སློབ་གྲྭ་གཞན་དག་ནང་མ་ཚུད་
ཚེ་ངས་བསམ་པ་དེ་རིང་གི་ཚུལ་མིན་གྱི་བྱ་སྤྱོད་སྤེལ་བིའི་སློབ་ཕྲུག་འདི་ཚོ་
སེར་སྨད་གྲྭ་ཚང་གི་གྲྭ་རྒྱུན་ཆགས་རྒྱུ་ཡིན་པ་གསལ་པོ་རེད་སྙམ་གྱིན་ཡོད་
དུས་དེར་ད་དུང་སློབ་ཕྲུག་འདི་ཚོས་འབྱུང་འགྱུར་བྱ་བ་གང་འདྲ་ཞིག་
བྱེད་ཡོང་བསམ་ནས་བསྡད་ཡོད།

དཔའ་གློ་དགའ་མཆོང་པའི་ཁ་ཞབས་ནས།
མི་ཉམས་ཆུང་གཤིན་རྗེའི་ཁ་ནས་བསྐྱབས།
བུ་དཔའ་བོ་གཅིག་གི་བྱས་རྗེས་རེད་།
དེ་མི་སྨོན་རང་སྐྱིད་གཉིས་ཀ་རེད་།

ལྷག་བསམ་ཟེར་མཁན་མང་མོད་དེ་།
ངོ་ཐོག་སྒྲུབ་མཁན་སྲིད་མཐའ་ཙམ།
དུག་སྦྲུལ་གཙུག་གི་ནོར་བུ་དེ་།
བསམ་མི་མང་སྟེ་ལོན་མི་དཀོན།

ར་ལོ་ཟེར་བའི་སྡང་སེམས་ཅན།
བྱུས་ཕྱི་ནང་བརྗེ་མཁན་སྔར་མ་ཁྱོད་།
བུ་བྱས་པ་ཅན་ལ་ཞེ་རེ་གནགས།
མི་སྨད་རང་སྡུག་གཉིས་ཀ་རེད་།

མཐོ་གོང་མ་གྲོས་ཚོགས་མན་ཆད་དང་།
དམའ་དྲ་གྲོགས་སྤུན་ཟླ་ཡན་ཆད་ཀྱིས།
ཉམས་ཆུང་རྒྱབ་རྩ་ལངས་པའི་དུས།
ཁྱོད་ར་ལོས་མི་བྱེད་མི་ཉན་ཟེར།

སྤྱིར་༧རྒྱལ་བའི་དགོངས་པ་འཁྲུགས་གཞི་དང་།
ནང་ཕུ་ནུ་དམ་ཚིག་གནོད་དོགས་ནས།
བུ་ང་ཡི་ཚིག་གཅིག་བཤད་པ་མེད་།
དུས་དེ་རིང་མི་བཤད་ཁག་མེད་བྱུང།

བོད་ཕྲུག་དེ་རྣམས་མ་འོངས་བདུན་ལམ་ལྟ་ཅི་ད་དུང་གཞིས་བྱེས་གཉིས་དང་། ཕ་མ་ཚོ་དང་༧གོང་ས་མཆོག་བར་གྱི་དད་པ་དམ་ཚིག་ལའང་ལུས་གནོད་ ད་དུང་བོད་ལ་ལོགས་འགྲོ་དགོས་ཡ་དེ་རང་གི་གཅེས་པའི་སྲོག་ལའང་འགན་ལེན་མི་བཟོད་པའི་ཚབས་ཆེན་གྱི་གནས་ཚུལ་དངོས་ཡོད་ཡིན་པར་བརྟེན་བཀུར་འོས་སྐུ་ཞབས་བློ་དགའ་ཡིས་ལྷག་བསམ་ཆེན་པོས་མ་འསྐུལ་དངས་བླངས་ཀྱིས་བོད་ཕྲུག་དེ་རྣམས་གཤིན་རྗེའི་ཁ་ནས་བླངས་པ་ལ་་་་་་་་་་་ཁྱོད་ཀྱིས་ལྡོག་ཕྱོགས་ནས་བཤད་དེ་་སྐུ་ཞབས་བློ་དགས་རྐང་བཙུགས་ནས་གནས་ཚུལ་ཚབས་ཆེན་གྱི་ངོ་བོར་བཟོ་བཞིན་པ་མ་གཏོགས། དངོས་ཡོད་གནས་ཚུལ་དེ་འདྲ་ཞིག་ཡོང་སྲིད་དོན་མེད་ཟེར། ཁྱོད་དེ་འདྲ་ཤོད་ཕོད་དམ། སྐུ་མཁྱེན་ཏོག་ཙམ་གཟབ་རོགས། རང་སེམས་གདོན་གྱིས་བསླུས་སམ་ ཡང་ན་ ལེགས་ཉེས་དཔྱོད་པའི་རྣམ་དཔྱོད་ཀྱིས་དབུལ་ལམ།

བློ་བཟང་ཐུབ་བསྟན་ལགས།
སེར་སྨད་བློ་དགའ་དམང་ཚོགས་ཚོགས་པས་སྤྱི་འཐུས་འོས་མིང་དུ་སྟོན་འདུག་པ་ཁྱེད་རང་གིས་གསུངས་པ་མ་གཏོགས་ངས་མི་ཤེས་ལ་མ་ཟད་ཕྲན་སྤྱི་འཐུས་དང་བཀའ་ཤག་གི་འོས་མི་སྐོར་ལ་ཅི་ཡང་མི་ཤེས་མཁན་ཞིག་གི་ངོས་ནས་བལྟས་ནའང་སྐུ་ཞབས་བློ་དགའ་སྤྱི་འཐུས་འོས་མི་ལུས་ཆོག་ བུ་དཔའ་བོ་ལ་དཔའ་དར་དང་ རྟ་མགྱོགས་པོ་མགྱོགས་དར་མི་དགོས་སམ།

སྐུ་གཞོགས་སེར་སྨད་བློ་དགའ་ལགས། སྙིང་ཐག་པ་ནས་བཀའ་དྲིན་ཆེ་ཞུ། ཁྱེད་ཀྱིས་གོམ་པ་དང་པོ་ཐོག་ཏུ་འགྲོ་ཨི་ཐུབ་བལྟ་རྒྱུ་དེ། སློབ་གྲྭ་ཡང་བསྐྱར་ཚུད་ཨི་ཐུབ་བལྟ་རྒྱུ་དེ་རེད། གཉིས་པ་དགོན་སྡེ་ཁག་ལ་བཏང་བའི་གོམས་པ་གཉིས་པ་དེ་སྤོ་བའི་སྔོན་དུ། ཕྲུག་གུ་དེ་དག་རེ་རེ་ནས་ཕ་ཡུལ་དང་ཕ་མའི་མིང་བཅས་གསར་འགྱུར་བརྒྱུད་ལམ་ཁག་ཏུ་ངེས་པར་ཅན་དུ་འཁོད་ཐུབ་དགོས། ལྷག་པར་དུ་ལོ་ན་བཅུ་གཅིག་ལས་མ་ལོན་པ་དེ། དགོན་སྡེ་གྲྭ་ཚང་དུ་འཛུད་སྐབས་སོ་སོའི་ཕ་མ་དང་གྲོས་བསྡུར་བྱེད་ནས་གཏང་མ་ཐུབ་ན། བཤད་རྒྱུ་གང་མང་སླར་ཡང་ལྷག་པའི་ཉེས་ཁ་ཆེ། གང་ལྟར་སྙྀང་ཐག་པ་ནས་ཐུགས་རྗེ་ཆེ་ཞུ

རྩོམ་སྒྲིག་པ་ལགས། ཡིག་ཆད་ཤོར་འདུག་པས། ནོར་བཅོས་གནང་རོགས། གཞིས་བྱེས་གཉིས་ཀྱི་དམ་༼ཚིག༽ དབང་ཆེན་རེ་ཟུང་༼གིས་༽ ནོར་༼འཁྲུལ་༽དེ་ཤོར་སྐབས། རོགས་སྐྱོར་གང་ཡང་མ་ཐུབ་༼མོད།༽ གུག་རྟགས་ནང་གི་ཡི་དེ་ཚོ་ཡར་བཅུག་རོགས་གནང།

བོད་པའི་སྤྱི་ཚོགས་ནང་སྤྱི་འཐུས་བྱེད་འདོན་ཡོད་མཁན་དང། མཚན་སྙན་དགོས་མཁན་ཧ་ཅང་མང་མོད། འདི་ལྟར་དཀའ་ལས་རྒྱག་མཁན་དཀོན་པོ་རེད། བོད་གཞིས་བྱེས་གཉིས་ཀྱི་དམ་ལ་འགལ་བ་འགྲོ་རྐྱེན་དུ་འགྱུར་མི་སྲིད་མོད། བཙན་བྱོལ་ནང་གི་དབང་ཆེན་རེ་ཟུང་བྱེད་སྟངས་ལ་བལྟས་ནས། ཁ་ཤས་ལ་དེ་ལྟར་སེམས་འཚབ་ཡོང་སྲིད་པ་ཞིག་རེད།
ངས་བློ་དགའ་སྤྱི་འཐུས་བྱས་ན་འགྲིག་འདུག་ཟེར་གྱི་མེད་མོད། མིའི་དཀའ་ལས་བརྒྱབ་པ་ལ་དོན་མེད་ཟུར་ཟ་བྱས་ན་ཡག་པོ་མ་རེད། ཕྲུ་གུ་ཚོའི་མདུན་ལམ་གཅིག་པུ་ལ་བསམ་བློ་བཏང་ན་དེ་ལྟར་ཕྱིར་ཕུད་བྱེད་ཐུབ་པ་ཞིག་མ་རེད། ཕྲུ་གུ་ཚོ་དང་མཉམ་དུ་ཕ་ཚབ་མ་ཚབ་ཡང་ཕྱིར་ཕུད་བྱས་པ་རེད། དབང་དང་ནུས་པ་མེད་པའི་ཕ་ཚབ་མ་ཚབ་ཀྱིས་ལྟ་སྐྱོང་ཡག་པོ་མ་བྱས་པར་ཁ་བརྙད་ན། མ་སི་རི་བོད་ཁྱིམ་དྲུང་ཆེ་དང། དེ་སྔོན་གྱི་དྲུང་ཆེ། དེ་བཞིན་སློབ་སྤྱི། སྒྲིག་འཛུག་འགན་འཛིན་སོགས་ལའང་འགན་མེད་པ་ཡིན་ནམ། ཁོང་ཚོ་ལ་ཉེས་པ་སུས་བཏང་ཡོད། ནོར་དེ་ཤོར་སྐབས་དྲུང་ཆེ་མེད་པ་ཡིན་ནམ།
དྲང་བདེན་མ་ཡིན་པའི་ཐུབ་ཚོད་ཀྱི་ཉེས་པ་དེ་དག་དྲན་ན་གཉོམ་ཆུང་ཚོས་ངུ་ངག་སུ་ལ་སྒྲོག་དགོས།
དུད་ནག་འཐེན་མཁན་ཚོ་དང་མཉམ་དུ་སྨྲེ་ངག་འདོན་བཞིན་སོང་ན་སྐྱིད་ས་རེད་བསམ་པའི་ཚོར་སྣང་ཡོང་གི་རེད། དེ་ལྟར་མ་དགོས་པར། གྲྭ་རྐྱང་ཞིག་གིས་ཁོང་ཚོའི་མདུན་ལམ་ལ་བསམ་བློ་བཏང་བ་ལ། རོགས་སྐྱོར་གང་ཡང་མ་ཐུབ་མེད། རྗེས་སུ་ཡི་རངས་དང་བསྔགས་བརྗོད་ཡོད། ཐུགས་རྗེ་ཆེ།

གང་ལྟར་ཕྱག་ལས་འདི་གནང་བར་རྗེས་སུ་ཡི་རིང་དང་ཐུགས་རྗེ་བླ་ལྷག་དུ་ཆེ་ཞུ་རྒྱུ་ཡིན

འོ་རེད། སློབ་ཕྲུག་དགུ་པོའི་མདུན་ལམ་ལ་བསམ་བློ་གཏོང་དགོས་པ་གལ་ཆེན་རེད། གལ་སྲིད་ཁོང་ཚོ་ལ་སློབ་སྦྱོང་དང་གསོ་སྐྱོང་ཡག་པོ་ཞིག་བྱེད་ཐུབ་ན་མ་འོངས་པར་ཁོང་ཚོ་དགུ་པོའི་ཁྲོད་ནས་བོད་ཀྱི་བཀའ་ཁྲི་དང༌། བཀའ་བློན། མཁས་དབང་སོགས་རེ་གཉིས་ཐོན་འོང་བ་སྲིད། དེ་ལྟར་བྱུང་ཚེ་ཁོང་ཚོ་ཕྱིར་འབུད་བྱས་པ་ལས་སློབ་གྲྭ་དང་དགོན་སྡེ་ག་གེ་མོ་ཞིག་ནང་སློབ་འཇུག་བྱས་ན་ཆེས་བཟང་བ་རེད་སྙམ།
སེར་སྨད་བློ་དགའ་ལགས། ད་དུང་མུ་མཐུད་ཤུགས་རྒྱག་རོགས། སྤྱིར་སྒེར་གཉིས་ཀ་ལ་སྨིན་པའི་དགེ་བཟང་རང་རེད།

དྲ་གྲོགས་སེར་སྨད་བློ་དགའ་ལགས་ཁ་མ་ཡིན་དོན་གྱི་ལག་ལེན་ཐོག་ནས་ཕྲུ་གུ་དེ་ཚོ་ལ་རོགས་བྱས་པར་སྙིང་ཐག་ནས་བཀའ་དྲིན་ཆེ་ཞུ་རྒྱུ་ཡིན།

རྡ་སྟེང་བོད་ཁྱིམ་སློབ་གྲྭ་ནང་དུ་བཞག་རོགས་བྱེད་ན་བསམ་དོན་འགྲུབ་པ་རེད། གལ་སྲིད་མ་བྱུང་ན་གྲྭ་ཆས་གྱོན་མ་བཅུག་རོགས། ཁུངས་མི་འཁྱོག་པའི་ལས་ལ་འཇུག་བཅུག་ན་འབྲས་བུ་བཟང་པོ་ཡོང་ཁག་པོ་རེད་སྙམ།

དེ་ལས་སྡུག་ཐུག་ན་༧གོང་ས་མཆོག་ལ་སྙན་ཞུ་ཕུལ་ན་དགའ་གི་རེད་སྙམ། བོད་མི་དམངས་སྤྱི་འཐུས་གྲོས་ཚོགས་ཀྱི་ངོས་ནས་རྒྱབ་སྐྱོར་བྱས་དང་བྱེད་བཞིན་པ་ཡིན་པས་སྤྱི་འཐུས་གྲོས་ཚོགས་ཀྱིས་ངོས་ནས་ཕྲུ་གུ་འདིར་ཚོ་སློབ་གྲྭ་གང་རུང་ཞིག་གི་ནང་དུ་བཅུག་ཐུབ་པ་མི་འདུག་གམ།

དྲ་གྲོགས་ཀརྨ་རྡོ་རྗེ་ལགས་སེར་སྨད་བློ་དགའ་གྲྭ་པ་གྲྭ་རྐྱང་ཞིག་ལ་སྒོར་མོའི་དཀའ་ངལ་ཡོད་པར་གསལ་པོ་རེད་འདུག་པས་ཐབས་ཤེས་འདྲ་འདུག་གམ།

སེར་སྨད་བློ་དགའ་ལ་སྤྱིར་བཏང་ལེགས་སོ་ཞུ། ཁྱོད་ཀྱི་ལྷག་བསམ་ལ་དོགས་འདྲི་ཡང་མི་ཞུ། ལྷག་པར་དུ་འོས་བསྡུའི་དུས་ཚོད་བསླེབ་ལ་ཉེ་དུས་ཤིག་ལ་ཟ་ངེ་ཟིང་ངེ་བཟོས་ན་ཡག་པོ་མ་རེད་བསམ་པ་ཡིན།

ཡིན་ནའང་། གལ་སྲིད་སློབ་གྲྭ་ཞིག་ལ་མ་ཚུད་ན་གྲྭ་སའི་སློབ་གྲྭར་འཁྲིད་རྒྱུ་ཡིན། དེ་དུས་གྲྭ་ཆས་གྱོན་དགོས་པ་རེད་ཅེས་པ་འདི་ལས་ལྷག་པའི་མིག་རྒྱང་དང་། ཐབས་ཤེས། འགན་ལེན་ཞིག་མེད་ན་ལས་ཀ་དེའི་རིགས་ལ་ལག་པ་མ་འཆང་ན་ཡག་གི་རེད།

ད་དུང་གཞིས་བྱེས་གཉིས་དང་། ཕ་མ་ཚོ་དང་༧གོང་ས་མཆོག་བར་གྱི་དད་པ་དམ་ཚིག་ལ་གནོད་ཀྱི་དོགས་ནས་ཕྱིར་ཁྲིད་ཡོང་བ་ཡིན་ཞེས་པ་འདི་ཚོ་སྐུ་ཉིད་ཀྱིས་རྐང་བཙུགས་ནས་ཚབས་ཆེན་གྱི་ངོ་བོར་བཟོ་བཞིན་པ་མ་གཏོགས། དངོས་ཡོད་གནས་ཚུལ་དེ་འདྲ་ཞིག་ཡོང་སྲིད་དོན་མེད་པ་བཅས། གནས་སྐབས་དེ་ཙམ་ཡིན།

སློབ་མ་འདི་དག་གི་ནག་ཉེས་ཞིག་བསག་པ་ཡིན་པས་ཁོ་ཚོ་ལ་ཉེས་ཆད་ཞིག་བཅད་ནས་སློབ་གྲྭ་གང་རུང་ཞིག་དུ་བཅུག་ན་ཏག་ཏག་རེད།    སློབ་མ་འདི་དག་་གི་མདུན་ལམ་དང་མ་འོངས་བར་མི་སྒར་བ་ཞིག་གིས་ལྷག་བསམ་རྣམ་དག་གིས་ཕྱག་ལས་གནང་བར་ཡི་རངས་དང་བསྔགས་བརྗོད་ཞུ་བ་ཡིན།

རྗེས་སུ་ཡི་རང་ཡོད།