ཉིན་འདི་འགར་མུ་ན་ལིར་བོད་ཀྱི་བུད་མེད་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་བཅུ་པ་འཚོགས་བཞིན་པ་དང་། འགན་འཛིན་ལྷན་ཚོགས་འདིའི་མཇུག་མཐའི་ཉིན་དེར། ཉེ་ཆར་༧གོང་ས་མཆོག་གི་སྐུའི་འཁྲུངས་སྐར་ཉིན། ༢༠༡༡ ལོའི་བཀའ་བློན་ཁྲི་པའི་སྐོར་ལ་ཚོད་ལྟའི་འོས་བསྡུ་བྱས་པར་གྲངས་བཤེར་བྱ་རྒྱུ་ཡིན་འདུ
ཟླ་འདིའི་ཕྱི་ཚེས་ ༡༦ ཉིན་ནས་ ༢༢ ཉིན་བར་བདུན་ཕྲག་གཅིག་རིང་བོད་ཀྱི་བུད་མེད་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་བཅུ་པ་ ༡༠ དེ་མུ་ན་ལིར་འཚོགས་བཞིན་ཡོད་པ་དང་། ཐེངས་འདིའི་འགན་འཛིན་ལྷན་ཚོགས་ཀྱི་མཛད་སྒོའི་ཉིན་དང་པོར་ཀིརྟི་རིན་པོ་ཆེ་སྐུ་མགྲོན་དུ་ཕེབས་ཡོད་པར་མ་ཟད། ས་གནས་ཀྱི་གཞིས་མགོ་གཙོས་གནད་ཡོད་མི་སྣ་ཁག་ཅིག་ཕེབས་ཡོད་འདུག
ཉིན་མཐའ་མ་དེར་ཉེ་ཆར་༧གོང་ས་མཆོག་གི་སྐུའི་འཁྲུངས་སྐར་ཉིན་བུད་མེད་ལྷན་ཚོགས་ཀྱིས་ངྷ་ས་གཙོས་རྒྱ་གར་གྱི་མངའ་སྡེ་ ༡༢ ནང་གི་བོད་མི་འདུས་སྡོད་ཀྱི་ས་ཁུལ་ཁག་དང་། བལ་ཡུལ་དང་ཨ་རི། ཁེ་ན་ཌ། ཡུ་རོབ་སོགས་ཀྱི་བོད་མི་འདུས་སྡོད་ས་གནས་ ༤༠ ཙམ་གྱི་ནང་དུ་ ༢༠༡༡ ལོའི་བཀའ་ཁྲིའི་ཚོད་ལྟའི་འོས་བསྡུ་བྱས་པར་གྲངས་བཤེར་བྱ་རྒྱུ་ཡིན་འདུག
བོད་ཀྱི་བུད་མེད་ལྷན་ཚོགས་ཀྱི་ཟུང་དྲུང་བསྟན་འཛིན་སྒྲོལ་མ་ལགས་ཀྱིས་འདི་གའི་གསར་ཁང་ལ་ཁ་པར་བརྒྱུད་གནས་ཚུལ་ངོ་སྤྲོད་གནང་དོན། བུད་མེད་ལྷན་ཚོགས་ཀྱི་འགན་འཛིན་ལྷན་ཚོགས་འདི་ཉིན་བདུན་རིང་འཚོགས་རྒྱུ་ཡིན་པ་དང་། ཐེངས་འདིར་འབྱུང་འགྱུར་གྱི་བཀའ་བློན་ཁྲི་པ་དང་བོད་མི་མང་སྤྱི་འཐུས་དེ་གལ་ཆེན་པོ་ག་ཚོད་ཡིན་མིན་ཐད་ཤུགས་ཆེན་པོར་བགྲོ་གླེང་བྱ་རྒྱུ་ཡིན་ཞེས་དང་།
འགན་འཛིན་ལྷན་ཚོགས་མཇུག་སྒྲིལ་རྗེས། ཟླ་བདུན་པའི་ཟླ་མཇུག་ནས་མགོ་བརྩམས་ཏེ་ས་གནས་ས་ཐོག་ཏུ་བོད་ཀྱི་བུད་མེད་ཀྱི་ངོས་ནས་མང་ཚོགས་ལ། བཀའ་བློན་ཁྲི་པ་ཙམ་མིན་པར་བོད་མི་མང་སྤྱི་འཐུས་ཀྱང་དེ་མཚུངས་ཀྱིས་གལ་ཆེན་པོ་ཡིན་པའི་སྐོར་ལ་གོ་རྟོགས་སྤེལ་རྒྱུ་ཡིན་ཞེས་གསུངས།
ཡང་ཁོང་གིས། སྤྱིར་བཏང་ཉེ་ཆར་བོད་ཀྱི་བུད་མེད་ལྷན་ཚོགས་ཀྱི་ངོས་ནས་ ༢༠༡༡ ལོའི་བཀའ་བློན་ཁྲི་པའི་སྐོར་ལ་འོས་བསྡུ་ཞིག་བྱས་ཡོད། ཡིན་ནའང་། ང་ཚོའི་ངོས་ནས་གཞུང་འབྲེལ་ཐོག་བཀའ་བློན་ཁྲི་པའི་འོས་མིག་ཏུ་སུ་ཕེབས་ན་དེ་ལ་རྒྱབ་སྐྱོར་བྱ་རྒྱུ་ཡིན་ཞེས་གསུངས།
བོད་ཀྱི་བུད་མེད་ཀྱི་འགན་འཛིན་ལྷན་ཚོགས་འདིའི་སྟེང་བོད་ཀྱི་བུད་མེད་ལྷན་ཚོགས་ཀྱི་ས་གནས་ཁག་སུམ་ཅུ་ལྷག་གི་རྒྱུན་ལས་སོགས་ཁྱོན་མི་ ༨༠ ཙམ་མཉམ་ཞུགས་གནང་ཡོད།
གསར་འགྱུར་སྤེལ་མཁན། ཨ་རིག་འགྱུར་མེད།
བོད་ཀྱི་ཨ་མ་རྣམས་ཀྱི་བོད་ཀྱི་སྤྱི་ཚོགས་ལ་ཞབས་ཞུའི་པ་ཧ་ཅང་ཡག་པོ་རེད་ཐུགས་རྗེ་ཆེ། བོད་མི་ཞིག་ཡིན་ཕྱིན་བཀའ་བློན་དང་སྤྱི་འཐུས་ལ་དོ་སྣང་བྱེད་རྒྱུ་གལ་ཆེན་ཞིག་ཡིན་པ་མ་ཟད། མི་སུ་འདྲ་ཞིག་འདེམས་དགོས་མིན་མི་དེའི་རྒྱབ་ལ་ལྟ་རྒྱུ་གལ་ཆེན་པོ་རེད།
ལས་དང་གསུང་པ་དེ་དངོས་ཡོད་གནས་ཚུལ་རེད།
གཞི་ཆག་ཁ་ཤས་ནང་བུ་མེད་རྒྱུན་ལས་དེ་མྱོན་མ་ནང་བཞིན་འདུག
དེ་ལྟ་བུ་ཕྱོགས་རེས་ཅན་གྱིས་བཀའ་ཀྲི་ཚོལ་བ་ལ་དོན་མེད་ངལ་བ་ཁོན་ན་མ་གཏོག་དོས་འབྲས་མ་མཐོང་མཁྱེན་ལྡན་རྣམས་ཀྱིས་ཐུགས་ལ་འཇོག་འཚལ།།
བྱ་འགུལ་འདི་ཞེ་དྲག་ཡག་པོ་འདུག་
བུ་ཕྲུག་སྐྱོང་མི་ཤེས་པའི་ཨ་མ་ཞིག་གང་ན་ཡོད་
ངོ་མ་བཀའ་སྤྱི་གཉིས་ཚོལ་སྟངས་ཡག་པོ་འདུག་ཐུག་རྗེ་ཆེ་
བོད་ཀྱི་སྐྱེད་མ་ཚོ།
བུ་མེད་ཚོགས་པས་གནའ་ནས་ད་བར་གཡབ་གཞིའི་དམིགས་ཡུལ་གཙོ་གཟུང་བྱས་ཏེ་ལ་ལས་འགུལ་དང་ལས་དོན་བྱེད་ཀྱི་ཡོད་པས། ཚོད་བལྟའི་བཀའ་ཁྲིའི་འོས་གཞི་དེ་དྲང་པོ་ཞིག་ཕྱིར་བསྒྲགས་བྱས་ཨེ་ཡོང་བསམ་པའི་དོགས་པ་ཡོད། སྤྱིར་བུ་མེད་ཚོགས་པ་འདི་དམིགས་ཡུལ་དང་ལས་འཆར་ཡོད་པའི་ཚོགས་པ་ཚད་ལྡན་ཞིག་མ་རེད་ལ། ལས་དོན་ཡང་གྲུབ་འབྲས་ཡོད་པ་གང་ཡང་སྟོན་རྒྱུ་ཡོད་པ་མ་རེད།
ཧ་ཅང་ཡག་པོ་འདུག་པའི་མུ་མཐུད་ནས་ཕྱག་ལས་གནང་རོགས་ཞུ།
བཀྲ་་་ིས་བེད་ལེགས་དང་ཚོགས་ཆེན་ལེགས་པོ་ཡོང་བའི་སྨོན་ལམ་དང་མཉམ་དུ་བཀའ་སྤྱི་ཡག་པོ་ཞིག་རགས་པའི་རེ་བ་གྲངས་མེད་ཡོད་་་་་་་་་་་་་་་་་་་་་་་་་་་་་་་་
དེ་དང་ཆབས་ཅིག་ཁྱེད་རྣམས་ཀྱི་ཕྱག་ལས་ཡག་པོ་གནང་གི་འདུག་་་་་་་་་་་་་་
དེ་གུས་པའི་རྗེས་སུ་ཡི་རང་དང་ཐུགས་རྗེས་ཆེ་གནང་ཞུས་རྒྱུ་ཡིན་་་་་་་་་་་་་་་་་་་་་་་་
ལས་འགུལ་སྤེལ་སྟངས་དེ་ཡག་པོ་ཞེ་དྲག་མཐོང་སོང་། བོད་ཀྱི་ཨ་མ་རྣམས་ཀྱི་བོད་པའི་སྤྱི་ཚོགས་དང་རྩ་དོན་ལ་འགན་འཁུར་བའི་རྟགས་རེད།