རྡ་སའི་རི་ངོགས་ན་ཚ་ཚ་འུར་འུར་གྱིས་གླེང་གིན་པ་ནི་ད་ལོའི་བཀའ་སྤྱིའི་འོས་གཞི་བདམས་རྒྱུ་དང་སང་ལོའི་དངོས་གཞིའི་འོས་ཤོག་གི་སྐོར་རེད། བསམ་བློ་ཞིབ་ཏུ་བཏང་ན། འདི་འདྲའི་ལས་འགུལ་ལ་ཚོར་བ་ཤུགས་ཆེར་ལྡན་མཁན་ནི་རྒན་རྒོན་ལོ་ལོན་དེ་ཚོ་རེད། ཁོང་ཚོས་སྔ་མོ་ནས་རང་བཙན་ལག་དེབ་དེབ་སྐྱེལ་སོགས་སྔོན་འགྲོའི་ཆ་རྐྱེན་ཚང་མ་སྒྲུབ་ནས་འོས་ཤོག་འཕེན་རྒྱུར་གྲ་སྒྲིག་ནན་མོ་བྱེད་ཀྱི་ཡོད། འོན་ཀྱང་ཡིད་ཕངས་པ་ཞིག་ལ། རྒན་རྒོན་གྱི་བརྒྱ་ཆའི་དྲུག་ཅུ་ཡིག་རྨོངས་པ་ཡིན་སྟབས། འོས་གཞི་དང་དངོས་གཞི་གང་གི་སྐབས་སུ་ཡང་ཕ་རོལ་བ་ཞིག་ལ་འབྲི་རུ་འཇུག་རྒྱུ་དེ་རེད། འདིའི་ཐད་ནས་འབྱུང་སླ་བའི་ཉེན་ཁ་རིགས་གཉིས་སུ་བགར་ནས་བཤད་ན།
བཀའ་ཁྲིའི་ཐད་ནས་འོས་གཞི་དང་དངོས་གཞི་གང་ཡིན་ཡང་འོས་ཤོག་འཕེན་སྐབས། མི་རེ་རེ་བྱས་ནས་རང་བཙན་ལག་དེབ་ཐོ་འགོད་བྱས་ཏེ་འོས་ཤོག་འཁུར་ནས་ཁང་བ་སྟོང་བ་ཆེན་པོ་ཞིག་ཏུ་ཅོག་ཙེ་གྲ་སྒྲིག་བྱས་ཡོད་པ་དེར་སོང་ནས་བདམས་བྱ་འདེམས་དགོས་པ་ཡིན། ཁང་བ་དེའི་ནང་དུ་ཞིབ་བཤེར་བྱེད་མཁན་གྱི་ལས་བྱེད་སོགས་གང་ཡང་གྲ་སྒྲིག་བྱས་མེད། དེའི་སྟབས་ཀྱིས་ཡིག་རྨོངས་པ་རྒན་རྒོན་ལོ་ལོན་དེ་ཚོས་འོས་ཤོག་བཟུང་ནས་ཡིག་འབྲི་བ་ཞིག་གི་མདུན་དུ་རུབ་འཚོགས་བརྒྱབ་ནས་སྒུག་འདུག་རྒྱུ་དེ་རེང། གལ་སྲིད་ཡིག་འབྲི་བ་དེས་རང་གི་འདོད་མོས་ཀྱི་བདམས་བྱ་དེའི་མིང་བྲིས་ཚེ་མི་གཅིག་གིས་མ་མཐའ་ཡང་འོས་ཤོག་བཅུ་གྲངས་ཤིག་སྦྱོང་ཐུབ་ངེས་ཡིན། དེ་འདྲའི་སྐབས་སུ་ཡང་སྟངས་འཛིན་བྱེད་མཁན་ཞིག་མེད་པ་ནི་ཉེན་ཁ་ཞིག་ཏུ་མཐོང་།
སྤྱི་འཐུས་ཀྱི་ཐད་ནས་ང་ལ་ཉམས་མྱོང་འདི་འདྲ་ཞིག་ཡོད། སྐབས་སྔོན་མའི་སྔོན་འགྲོའི་འོས་གཞིའི་སྐབས་སུ་མདོ་སྨད་ཀྱི་བཟའ་ཚང་གཉིས་དང་ཁོང་གི་བུ་མོ་བཅས་མི་གསུམ་གྱིས་འོས་ཤོག་འཕེན་སྐབས་ང་ལ་འབྲི་རུ་བཅུག་སོང་། དེ་དུས་ཁོང་ཚོ་གསུམ་ཆའི་འོས་ཤོག་གི་ངོས་སུ་སྤེན་པ་ཚེ་རིང་དང་ཧོར་གཙང་འཇིགས་མེད་གཉིས་འབྲི་རོགས་ཟེར། དེ་ནས་ངས་སུ་འབྲི་དགོས་ཞེས་དྲིས་སྐབས། ད་ཁྱོད་རང་གི་འདོད་པ་བཞིན་ཕྲིས་ཤོག་ཟེར། དེ་ནི་ང་རང་མི་གཅིག་ལ་འོས་ཤོག་བཞིའི་ཐོབ་ཐང་རེག་པ་མ་རེད་དམ། དེ་ནས་ད་དུང་ངས་དལ་འགོར་ཅུང་ཙམ་བྱས་ན་དེ་འདྲའི་ཡིག་རྨོངས་པ་འགའ་རེ་མི་ཡོང་བའི་ངེས་པ་ག་ལ་ཡོད། གལ་སྲིད་སྐབས་འཚོལ་བ་ཞིག་ཡིན་ན་དེ་འདྲའི་བྱ་སྤྱོད་མི་སྤེལ་བའི་ངེས་པ་མེད་ལ། དེ་ལྟའི་བྱ་སྤྱོད་ནི་སྟབས་བདེ་བོའི་བྱ་སྤྱོད་ཅིག་ཀྱང་ཡིན།
གོང་དུ་ཞུས་པའི་ཉེན་ཁ་འདིའི་རིགས་ནི་དབུས་གཙང་དང་མདོ་སྟོད་ཀྱི་ནང་ལ་མང་དུ་འབྱུང་སྲིད་པ་འདྲ། རྒྱུ་མཚན་ནི་འོས་ཤོག་འཕེན་སྐབས་རྒན་རྒོན་མང་བོ་སླེབས་ཀྱི་འདུག་ལ།
སྔ་འབྱོར་གཞིས་ཆགས་མང་བའི་ཆོལ་ཁ་གཉིས་ཡིན་པས་སོ།།
མང་གཙོའི་རྒྱལ་ཁབ་གཞན་གྱི་འོས་བསྡུའི་སྐབས་སུ་དམག་དང་མེ་མདའ་གྲལ་སྒྲིག་པ་ལའང་རྒྱུ་མཚན་ཞིག་ལོས་ཡོད། ང་ཚོར་ཡང་དེ་ལྟ་བུའི་དམ་དྲག་ཅིག་མེད་ནའང་ཡིག་རྨོངས་འོས་འཕེན་པ་དག་ལ་ཁོང་ཅག་གི་ཚོད་ཀྱིས་གྲ་སྒྲིག་ཅིག་ངེས་པར་མཁོ། དེ་མེད་དུས་བློ་བཟང་སེང་གེ་ཕྲིས་ཟེར་ན་བཀྲས་མཐོང་བསྟན་འཛིན་རྣམ་རྒྱལ་འབྲི་སྲིད་ལ། བཀྲས་མཐོང་བསྟན་འཛིན་རྣམ་རྒྱལ་ཕྲིས་ཟེར་སར་བློ་བཟང་སེང་གེ་ཡང་འབྲི་སྲིད། དེ་ལྟ་བུའི་གནས་ཚུལ་བྱུང་ཡང་འོས་ཤོག་གི་བདག་པོ་ཁོང་འཛུམ་འཚེར་འཚེར་གྱིས་ལོག་དགོས་པ་མ་རེད་དམ།
ཕྲན་གྱིས་ཁ་ན་ཊའི་རྒྱལ་ཡོངས་འོས་བསྡུའི་ལས་རིམ་ཆེ་ཆུང་ཁ་ཤེས་ནང་དུ་ལས་ཀ་བྱེད་མྱོངས། ལྷ་ཆབ་ལགས་ཀྱིས་ཐུགས་སྣང་སྣང་བཞིན་བའི་གནད་དོན་དེ་མི་འབྱུང་བའི་ཕྱིར། འོས་གཞིའི་ནང་ཡོད་པའི་དོ་བདག་སོ་སོས། རང་གི་འོས་ཤོག་གཞན་ལ་མ་ཤོར་བའི་ཆེད་དུ། བློས་ཐུབ་གྱི་མི་སྣ་རེ་འོས་བླུག་སར་དེར་རྟོག་ཞུབ་བྱེད་དུ་མངག་སྲོལ་འདུག། ལྷག་པར་དུ་ཁ་གྲངས་བརྩི་བའི་སྐབས་སུ། གལ་ཆེན་དོན་ཆེན་ལ་བརྩི་གི་འདུག།
ངས་ཀྱང་སྔོན་མ་སྤྱི་འཐུས་འདེམས་སྐབས་ཤིག་ལ་མི་མང་པོ་ཞིག་ལ་ཡི་གེ་འབྲི་རོགས་བྱེད་དགོས་བྱུང་སོང་། ཁྱེད་ཀྱིས་གསུངས་པ་ཅི་མ་ཅི་བཞིན་རེད། ཁོ་རང་ཚོ་ལ་འོས་གཞི་རེ་ཟུང་ཞིག་འདུག དེ་མིན་ཚང་མ་ང་ལ་གཞི་ནས་སྐད་ཆ་འདྲ་ཞིག་དྲིས་ནས་ངས་གང་ཡག་པོ་ཡོད་རེད་ལབ་ན་དེ་གདམ་ཞོག་ལབ་ཀྱིན་འདུག
ནོར་བཅོས།
མ་དག་པ། མགོ་འདྲེན་རྣམ་དཔྱོད་ཅན་ཞིག་ཅིས་མཁོ།།
དག་པ། མགོ་འདྲེན་རྣམ་དཔྱོད་ཅན་ཞིག་ཅིས་མི་མཁོ།།
ད་ཐེངས་ཨ་མྱེས་ལྷ་ཆབ་ཀྱིས་གང་གསུངས་པ་དེར་མངོན་པར་བསྟོད་དོ་ཟེར་རྒྱུ་ཡིན། འདི་ལྟ་བུའི་སྐད་ཆ་མང་དུ་བཤད་རྒྱུ་ཡོད་ན་མ་མཐར་ཡང་གྲ་སྒྲིག་བྱེད་མཁན་ཚོར་བརྡ་ཞིག་ཐོངས་ཀི་རེད། ཐུགས་རྗེ་ཆེ།
བཀའ་སྤྱི་གཉིས་ཀྱི་འོས་བསྡུའི་གྲ་སྒྲིག་ཁྲོད།།
དྲང་བདེན་བློ་མིག་ཐོགས་པ་ཇི་ཙམ་ཡོད།།
ཕྱོགས་རིས་ལིང་ཏོག་བྲལ་བ་ཇི་ཙམ་ཡོད།།
བཀའ་སྤྱིའི་འོས་མི་དོན་དམ་ཇི་འདྲ་ཞིག།
བཀའ་སྤྱི་གཉིས་ནི་ནང་གི་ཕ་མ་ཡིན།།
བཀའ་སྤྱི་གོང་བཀུར་བྱིས་པ་ང་ཚོ་ཡིན།།
བཀའ་སྤྱི་གཉིས་པོ་ང་ཚོའི་མགོན་སྐྱབས་ཡིན།།
བཀའ་སྤྱི་གཉིས་པོས་དེ་དོན་ཐུགས་ལ་ཞོག།
བྱིས་པའི་མདུན་ལམ་འོད་སྟོང་ལྡན་དགོས་ན།།
ཕ་མ་བློ་གཏད་ཆོག་པ་ཅིས་མཁོ།།
བདེ་སྐྱིད་ལམ་སྣ་ཟིན་འདོད་བོད་མི་ཚོར།།
མགོ་འདྲེན་རྣམ་དཔྱོད་ཅན་ཞིག་ཅིས་མཁོ།།
གངས་ཕྲུག་ལགས་ཀྱིས་བདམས་པའི་འོས་གཞི་དག་ཕལ་ཆེར་བདག་གི་འོས་གཞི་དག་དང་འདྲ་བོ་འདུག འདི་ལྟར་མི་ངོ་བཅུ་མེད་ནའང་ཡོད་པ་དག་ནི་རྡོག་རྡོག་རེ་ཡོད་ན། མ་འོངས་པའི་མདོ་སྨད་སྤྱི་འཐུས་ལ་རེ་བ་ཆེན་པོ་ཡོད།
གངས་ཕྲུག་ལགས། ཁྱེད་ཀྱིས་མི་འདི་བཞི་ལ་ཕྱི་ནང་གི་ཤེས་ཡོན་གང་ཞིག་འཛོམས་པ་དང་། འཇོན་ཐང་གང་ཞིག་ཡོད་པ་གསལ་པོ་གསུངས་ན་ཚང་མས་འོས་འཕེན་པ་ལ་རྒྱབ་སྐྱོར་བྱེད་ཆོག བདག་གི་གོ་ཐོས་ལ་ཁོ་ཚོའི་ཁྲོད་ཀྱི་མི་ཕལ་ཆེ་བར་སྐད་ཡིག་གཉིས་པའི་མཐུན་རྐྱེན་ཙམ་ཡང་ཚང་མེད་པའི་ཁར། འཇོན་ཐང་ཐད་ནས་བཤད་ན་བོད་སྤྱི་བའི་རྩ་དོན་ཕར་ཞོག་ཐ་ན་རང་གི་ལྟོ་གོས་ངན་ངོན་ཙམ་ཡང་འགྲིག་གི་མེད་ཚུལ་འདུག་པས་འཇོན་ན་འཇོན་ཚུལ་དེ་གང་ལ་ཆ་བཞག་དགོས་སམ།
སྐུ་ཞབས་ལྷ་ཆབ་སྤྱིན་པ་ལགས་ད་སྐབས་མི་མང་པོ་ཞིག་གིས་སྤྱི་འཐུས་ཀྱི་འོས་མི་འདོན་གྱིན་འདུག དེ་ཡང་ན་གཞོན་ཤེས་འཇོན་ཅན་ཞིག་དགོས་ཞེས་གླེང་སློང་དྲགས་པོ་བྱེད་ཀྱིན་འདུག བདག་གིས་ཀྱང་བསམ་བློ་བཏང་ཡིན། ན་གཞོན་ཤེས་འཇོན་ཅན་ཞིག་སླེབས་ན་བསམ་གྱིན་ཡོད། དེས་ཆ་ནས་ན་གཞོན་ཤེས་ཡོན་ཅན་མང་པོ་ཞིག་ལ་བསམ་བློ་བཏང་ཡིན། ད་སྐབས་མདོ་སྨད་སྤྱི་འཐུས་ཀྱི་འོས་གཞིར་རུང་བ་ན་གཞོན་ཤེས་འཇོན་ཅན་བཞི་ཙམ་བརྙེད་སོང་དེ་དག་ནི།
༡ བསོད་ནམས་རྒྱལ་མཚན། ས་རཱ་སློབ་དཔོན་ཆེན་མོ། ས་རཱ།
༢ ལུང་རིགས་རྒྱལ། དུས་བབ་རྩོམ་སྒྲིག་པ། དྷ་ས།
༣ ཚངས་དབྱངས་རྒྱ་མཚོ། ཇོ་ནང་ལྷན་ཚོགས་ཀྱི་ཚོགས་གཙོ། དྷ་ས།
༤ ཨ་ཚོགས་ཀླུ་མཁར་བྱམས། བོད་གནས་ཉམས་བཞི་པ། དྷ་ས།
བཅས་ཡིན་པས་ཁྱོད་ཀྱིས་བལྟས་ན་ག་འདྲ་འདུག བསམ་ཚུལ་ཞིག་ཤོད་རོགས་ཞུ། ཐུགས་རྗེ་ཆེ།