དེབ་ཕྲེང་གཉིས་པའི་ནང་དུ་ཐ་སྙད་ ༢༥༠༠ ལྷག་ཡོད།

ཐ་སྙད་བོད་ནང་དང་བསྟུན་དགོས་ཞེས་བཤད་པ་དེ་རྒྱུ་མཚན་ཅུང་ཙམ་ཡོད་ཀྱང་། ཡིན་ནའང་བསྒྱུར་གཞིའི་སྐད་ཡིག་ལ་བརྟེན་ནས་ཅུང་མ་འདྲ་བ་ཡོང་བ་ཆོས་ཉིད་ཡིན། མཚམས་རེར་རྒྱ་ཡིག་དང་དབྱིན་ཡིག་གི་འགྱུར་གཞིའི་གོ་དོན་ལ་ཁྱད་པར་ཆེན་པོ་ཡོད། དེ་འདྲའི་སྐབས་སུ་ང་ཚོས་རང་ཉིད་ཀྱི་བསྒྱུར་གཞིའི་གོ་དོན་ལ་བསྟུན་པ་དེ་རྒྱུ་མཚན་ལྡན་པ་ཡིན། དེ་ལྟར་ཡོང་གི་ཡོད་མེད་བསྒྱུར་མཁན་ཚོས་ཧ་གོ་གི་རེད། དཔེར་ན། དབྱིན་ཇིའི་དཔེ་དེབ་བམ་ཐ་སྙད་སྐོར་ཞིག་བོད་ཡིག་ལ་འགྱུར་བའི་བོད་ཡིག་གི་འགྱུར་མ་དེ་གཞི་ལ་བཞག་ནས་སྐད་ཡིག་གསུམ་པ་ཧིན་དུ་ནང་བསྒྱུར་བ་དེ་དང། དབྱིན་ཡིག་གི་དཔེ་དེབ་དེ་གཞི་ལ་བཞག་ནས་ཧིན་དུ་ནང་བསྒྱུར་བ་གཉིས་ལ་ཁྱད་པར་ཆེན་པོ་ཡོད་པ་རེད། དེར་བརྟེན་དབྱིན་ཇི་ནས་བོད་ཡིག་ལ་བསྒྱུར་མཁན་ཚོས་རྒྱུ་མཚན་ལ་ལྟོས་བ་མེད་པར་བོད་ནས་ཡིན་པའི་ཐ་སྙད་ཡིན་ན་ཚད་མར་བཟུང་དགོས་ཀྱི་མེད་ལ།་དེ་ནི་རྒྱུ་མཚན་ཞིག་ཀྱང་ག་ལ་ཡིན། དེར་བརྟེན་འདིའི་ཐད་ཀྱི་དཀའ་ངལ་དེ་དག་སེལ་དགོས་ན་བོད་རྒྱ་དབྱིན་གསུམ་ལ་མཁས་པ་ཙམ་དུ་མ་ཟད། ཁྱད་ལས་ཕྱོགས་ལ་རྒྱུས་ཡོད་ཡིན་དགོས་པ་རེད། དེས་ན་བཙན་བྱོལ་ནང་དང་བོད་ནང་གང་ནས་ཀྱང་མི་དེ་འདྲ་མི་གཅིག་ཀྱང་སྟོན་རྒྱུ་མེད། དེར་བརྟེན་རང་གི་ཐུབ་ཚོད་ཅིག་བྱེད་རྒྱུ་ལས་མེད་པ་རེད། ཁ་ནས་བཤད་ན་སླ་ཡང། ལག་ལ་བཞག་ན་ལྐུག་པ་ཡིན་ཟེར་བ་རེད། དངོས་གནས་དེའི་སྐོར་གྱི་གནད་དོན་དེ་སེལ་འདོད་ཡོད་ན་དཀའ་ལས་རྒྱུན་རིང་པོ་ཞིག་རྒྱག་དགོས་པ་ལས། དེ་རིང་བརྗོད་གཞི་གསར་བ་ཞིག་ཡོང་ན་ཧོབ་ཏེ་དེར་འཇུས། སང་ཉིད་ཡང་གཅིག་སླེབས་ན་དེ་ལའང་རང་གིས་འཁྱོག་ཚད་ཅིག་བཤད། འདི་ལྟར་བྱས་ན་ང་ཚོར་ཅི་ཞིག་ཡོང་རྒྱུ་ཡོད་དམ། ངས་རེ་བ་ཡིན་ན་མཚམས་རེར་དུས་བབ་ཟིན་བྲིས་ནང་ལ་ཡོང་ནས་མིག་བཤེར་རེ་བྱེད་རྒྱུ་དང། དེ་མིན་གཙོ་བོ་ནི་རང་གི་སློབ་སྦྱོང་བྱེད་རྒྱུ་ལ་འབད་ན་རིགས་སོ།

ཐ་སྙད་གཅིག་གྱུར་བྱེད་དགོས་ཟེར་ན་གང་འདྲ་ཞིག་ལ་གོ་བ་རེད་དམ། ཐ་སྙད་མི་འདྲ་བ་ཅུང་མང་པོ་ཞིག་ཡོད་ན་གཞི་ནས་ཐ་སྙད་དེ་དག་ལས་གང་ཞིག་འབྱོར་མིན་ལ་བགློ་གླེང་བྱས་ཏེ་གཏན་འབེབས་བྱེད་པ་ལས་ཐ་སྙད་གསར་བ་མི་འདྲ་མང་པོ་མེད་ན་ཐ་སྙད་གཅིག་གྱུར་ཡོང་ཤེས་ཀྱི་མ་རེད། དེར་བརྟེན་ད་དུང་བོད་ཕྱི་ནང་གཉིས་ཐ་སྙད་གཅིག་གྱུར་བྱེད་པའི་དུས་ཚོད་ལ་སླེབས་མེད་པར་ཐ་སྙད་གསར་བཟོ་བྱེད་པའི་སྒང་ཡིན། ཐ་སྙད་ཀྱི་འདེམས་ཀ་ཅུང་མང་ཙམ་ཡོད་སྐབས་གཞི་ནས་གཅིག་གྱུར་བྱེད་དགོས། གོང་གི་དྲ་གྲོགས་ཚོས་དབྱིན་དང་ཨིན་ལྟ་བུ་དང། ཀམ་པུ་ཊར་དང་རྩིས་འཁོར་ཟེར་བ་ལྟ་བུའི་རྒྱུན་ལྡན་གྱི་ཐ་སྙད་ཁ་ཤས་སྐོར་བ་བརྒྱབ་ནས་གླེང་གི་འདུག ཡིན་ནའང་ཐ་སྙད་གསར་བཟོ་ནི་དེ་ལས་ཧ་ཅང་རྒྱ་ཆེ་བ་ཞིག་ཡིན། དཔེར་ན། ཤེས་ལས་ཀྱི་ཐ་སྙད་གཏན་འབེབས་ནང་དུ་དངོས་ཁམས་རིག་པ་དང། རྫས་འགྱུར། སྐྱེ་དངོས། ས་ཁམས། རྩིས་རིག། གནམ་རིག་བཅས་ཕྱོགས་མང་པོ་ཞིག་ནས་བསྒྱུར་ཡོད་པས་ཞིབ་ཏུ་བརྟག་དགོས་པ་རེད། དེའི་ནང་གི་ཐ་སྙད་མང་ཆེ་ཤོས་ང་ཚོའི་ཟིན་བྲིས་པ་ཚོས་ཧ་གོ་བ་ཕར་ཤོག དྲི་མའང་སྣུམ་མྱོང་མེད་པ་ཤ་སྟག་རེད། དངོས་གནས་དྲང་གནས་དེའི་སྐོར་ལ་བཤད་འདོད་ཡོད་ན་ཞིབ་འཇུག་རྒྱ་ཆེན་པོ་ཞིག་བྱེད་དགོས་པ་རེད། དེ་མིན་ཁ་ལ་ཐོན་ཚད་ཅིག་གི་གང་ཡང་ཡོང་གི་མ་རེད། རྟག་པར་ང་ཚོས་གློག་ཀླཡིགཞད་དང་རྩིས་འཁོར། དབྱིན་ཇི་དང་ཨིན་ཇི། རིག་གཞུང་དང་ལེགས་བྱང་སོགས་སྤྱིར་བཏང་གི་ཐ་སྙད་སྐོར་ཞིག་ཁྱེར་ཡོང་ནས་ཐ་སྙད་གཅིག་གྱུར་བྱེད་ཐུབ་ཀྱི་མ་རེད་ལགས། ལྷག་པར་དུ་ཤེས་ལས་ཀྱི་ཐ་སྙད་གཏན་འབེབ་བྱེད་མཁན་གཙོ་བོ་ཀརྨ་སྨོན་ལམ་ཟེར་བ་དེ་ལོ་མང་པོར་ཡིག་སྒྱུར་ཐད་ལ་ཉམས་མྱོང་ཆེན་པོ་ཡོད་པ་ཞིག་ཡིན་པ་ཤེས་པར་གྱིས།

བོད་ནང་གི་རྒྱ་བོད་དབྱིན་གསུམ་གྱི་མིང་མཛོད་ལྟ་བུར་མཚོན་ན་ཐ་སྙད་གཅིག་ཁྲི་ལྷག་ཅིག་ཡོད་པས་ཚིག་རེ་ཟུང་གི་མཚོན་ཐུབ་ཀྱི་མ་རེད།

བོད་གཞུང་ཤེས་རིགས་ལས་ཁུང་ནི་དོན་དངོས་ཐོག་བོད་སྤྱི་ལ་བསམ་བློ་གཏང་གྱི་ཡོད་ན་བདག་གི་དྲན་སོང་། གང་ཡིན་ཟེར་ན། ཉེ་སྔོན་བོད་ནས་རྒྱ་བོད་དབྱིན་གསུམ་གྱི་བོད་ཀྱི་ཐ་སྙད་གསར་པའི་དེབ་ཞིག་བཙན་འབྱོར་ནང་འབྱོར་ཡོད་ན་ཡང་། ཤེས་རིགས་ལས་ཁུངགིས་ཨིན་བོད་ཤན་སྦྱར་གཏན་འབེབས་བརྡ་ཆད་ཞེས་པའི་དཔེ་དེབ་དེ་ནི་བོད་ནང་ནས་འགྲེམ་སྤེལ་བྱས་པའི་དཔེ་དེབ་དེ་དང་འགྲན་བསྡུར་བྱས་རྒྱུ་རེད། ཡིན་ན་ཡང་དཔེ་དེབ་དེ་ཡི་མིང་ལ་བརྗོད་བདེ་མོ་ཞིག་དང་། སྤྱི་སྐད་ཞིག་དང་མི་མཚུང་པའི་ཐ་སྙད་ཞིག་ཀྱང་བཀོད་འདུག གང་ལགས་ཞེ་ན། ཨིན་ཞེས་བརྗོད་ན་དེང་སང་མིང་མཛོད་ཕལ་མོ་ཆེ་དང་མི་མཐུན་པར་ཞིག་གྱུར་ཡོད།

རྩོམ་བྲིས་པའི་ཆེད་བརྗོད་རྩིས་ཆས་ཉེ་འགྲམ་གྱི་རྩིས་འཕྲུལ་འཁྲུལ་ནང་ལ་ལ་ལེགས་བྱང་དང་འཚོ་དབུགས་ཉམས་པའི་རྐྱེན་གྱིས་འབྲས་ནད་སྐྲན་ཁྱབ་འཕེལ་ཕྱིན་པའི་སྐོར་མཐོ་སློབ་ཁང་གིས་གསལ་བསྒྲགས་གནང་འདུག

ད་ཚར་ཅིག་ཀློགས་དང་། ཚིག་མཛོད་མེད་ནའང་། མི་གོ་བ་ཅི་འདུག

བོད་ནང་དང་བཙན་བྱོལ་སྤྱི་ཚོགས་གཉིས་ཀྱི་བར་འགྲན་རྩོད་ཧ་ཅང་ཆེ་བས་བོད་ནང་དུ་ཐ་སྙད་གསར་པ་ཞིག་སྟོན་ན་དེའི་རྗེས་སུ་བཙན་བྱོལ་ནང་དུ་ཐ་སྙད་གསར་པ་ཞིག་སྟོན་པ་དང་།

བཙན་བྱོལ་ནང་སྤྲུལ་སྐུ་ཞིག་ངོས་འཛིན་བྱས་ན་དེའི་རྗེས་སུ་བོད་ནང་དུ་ཡང་སྤྲུལ་སྐུ་ཞིག་ངོས་འཛིན་བྱེད་པ་སོགས་ནི་རྒྱུན་ལྡན་ཞིག་གི་གནས་ཚུལ་རེད།
དེ་སྔ་བོད་ནས་དབྱིན་བོད་ཞེས་པའི་ཐ་སྙད་ཞིག་སྤེལ་ཡོད་ཀྱང་། ད་རེས་བཙན་བྱོལ་གཞུང་ནས་ཨིན་བོད་ཀྱི་ཐ་སྙད་གསར་པ་ཞིག་གནང་ཡོད།

དེ་གཉིས་དོན་གཅིག་མིང་གི་རྣམ་གྲངས་ལྟ་བུ་ཞིག་ལ་ངོས་འཛིན་གནང་མཆོག་ཀྱང། དེ་འདྲ་མང་གྲགས་ན་བོད་ཀྱི་སྐད་ཡིག་ལ་ཕན་པ་ལས་གནོད་པའི་རྐྱེན་དུ་གྱུར་སྲིད་པས་གཅིག་འགྱུར་གྱི་ཐ་སྙད་བཟོ་འགྱུར་འབད་རྩོན་གནང་དགོས་སམ།

དེ་མིན་ད་ལྟ་བོད་ཡིག་ཐོག་བོད་ཕྲུག་རྣམས་མགོ་བོ་ན་ནས་དཀའ་ངལ་ཞིག་ཕྲད་བཞིན་པར་སོང་དགོངས་པ་ངེས་པར་བཞེས་དགོས་འདུག

དྲ་གྲོགས་འགའ་རེའི་འདིར་བོད་ནང་གི་ཐ་སྙད་དང་བཙན་བྱོལ་བའི་ཐ་སྙད་འདོགས་སྟང་སོར་ཡིན་པའི་ཚིགས་ཁ་ཤེས་རེ་བྲིས་འདུག འོན་ཀྱང་ད་དུས་རྗེས་ལོན་བྱེད་མ་ཐུབ་པའི་ཆ་མང་པོ་ཞིག་མཐོང་།
བོད་ནང་ལའང་མདོ་དབུས་ཁམས་གསུམ་གྱི་ས་ཆར་ཐ་སྙད་མི་འདྲ་མང་པོ་ཡོད་པ་དང་། བཙན་བྱོལ་གཤོལ་བོད་པའི་སྐད་ལ་ཡང་དེ་བཞིན་དུ་ཐ་སྙད་འདྲ་མིན་སྣ་ཚོགས་བེད་སྤྱོད་བྱེད་བཞིན་པ་རེད།
འོན་ཀྱང་ཐ་སྙད་གསར་བཟོ་བྱེད་སྐབས་ཅི་ཡང་མི་ཤེས་པའི་བླུན་པོ་རྣམས་ཀྱིས་སར་སོང་ནས་ཧིན་སྒོར་༣༠ རེད་སྤྲད་དེ་ཐ་སྙད་ཉོས་ནས་དེ་ཕྱོགས་བསྒྲིགས་ཕྱེད་པ་འདི་ནི་བོད་གཞུང་ཤེས་རིག་ལང་ཁུང་གི་འགྲོ་ལུགས་རེད།
བོད་ནང་ལ་མཚོན་ན་བོད་མདོ་དབུས་ཁམས་གསུམ་གྱི་མཁས་པ་རྣམས་ཚོགས་ནས། ཐ་སྙད་གསར་པའི་འབྱུང་ཁུངས་ཤེས་པའི་སྒོ་ནས་རྒྱུ་མཚན་བཙལ་ཞིང་དགག་དགོས་སོ་སོར་བྱེས་དེ་ཐ་སྙན་མིང་མཛོད་སོགས་བསྒྲིག་ཀྱིན་ཡོད།
གང་ལྟར་ཡང་ཐ་སྙད་གསར་པ་དེ་ཚོ་ལ་དཔྱད་ཞིབ་ལེགས་པོ་མ་བྱས་པར་གང་བྱུང་མ་བྱུང་བྲིས་ན་མ་འོངས་པའི་བོད་ཀྱི་ཤེས་རིགས་དང་གཅིག་འགྱུར་ལ་གནོད་པ་ཧ་ཅིང་ཆེ་བས་ཐུགས་གཟབ་གནང་རོགས།

བཙན་བྱོལ། calculator
བོད་ནང་། culculator = རྩིས་ཆས།

བཙན་བྱོལ། computer ཀམ་པུ་ཊར།
བོད་ནང་། computer འཕྲུལ་ཆས།

བཙན་བྱོལ། cancer འབྲས་ནད།
བོད་ནང་། cancer

བཙན་བྱོལ། Academic ཤེས་ཡོན་གྱི།
བོད་ནང་། Academic

བོད་ནང་། academy གཙུག་ལག་སློབ་ཁང་།
བོད་ནང་། academy སློབ་གླིང་།

བཙན་བྱོལ། college མཐོ་རིམ་སློབ་གྲྭ
བོད་ནང་། college སློབ་གླིང་།

བཙན་བྱོལ། editorial རྩོམ་སྒྲིག་པའི་གཏམ།
བོད་ནང་། editorial ཆེད་བརྗོད།

བཙན་བྱོལ། culture རིག་གཞུང་། ལེགས་སྦྱངས།
བོད་ནང་། culture

བཙན་བྱོལ། oxygen
བོད་ནང་། oxygen འཚོ་དབུགས།

ཕྱོགས་སྔ་མའི་ནམ་ལངས་སྔོན་ནས་དགག་པའི་ཉི་མ་ཤར། འདི་དེ་རིང་ངས་གསུང་རབས་ལས་མཐོང་བྱུང་། རང་རེའི་དྲ་སེར་འགས་བྱེད་སྟངས་ཀྱང་འདི་དང་འདྲ་སེ་བ་འདུག ཁ་ཤས་ཀྱིས་དཔེ་དེབ་མ་མཐོང་སྔོན་ནས་”ཤེས་རིག་ལས་ཁུངས་འདི། ཤེས་རིག་ལས་ཁུངས་འདི”ཞེས་ཤ་འཁོན་རྕད་རྩད་བྱེད་ཀྱི་འདུག

ཤེས་རིག་གི་ཐ་སྙད་གཏན་འབེབ་བྱེད་སྟངས་ལ་ངས་མཐོང་ཚུལ་ཙམ་ཞུ།ཁ་སང་ངའི་གྲོགས་པོ་ངོ་ཤེས་ཤིག་གིས་ང་ལ་ཁ་པར་ཡོང་སྟེ་བཤད་རྒྱུར།ང་ལ་ལས་ཀ་ཞིག་རག་སོང་།ཁྱོད་ཀྱི་གློག་གླད་ཅིག་གཡར་རོགས་ཟེར།ངས་ཁྱོད་ཀྱིས་ལས་ཀ་ཅི་ཞིག་རག་སོང་ཞེས་དྲིས་པར་།ཤེས་རིག་གི་གི་ཐ་སྙད་གཏན་འབེབ་ཀྱི་ལས་ཀ་རག་སོང་ཞེས་ཟེར་གྱི་འདུག་་་ངས་ཁྱོད་ལྟ་བུ་ཞིག་གིས་ཐ་སྙད་གཏན་འབེབ་ཀྱི་ལས་ཀ་ཇི་ལྟར་བྱེད་ཀྱི་ཡིན།ཁྱོད་ཀྱིས་རྨི་ལམ་རྨིས་པ་མིན་ནམ་ཞེས་དྲིས་སྐབས།དེ་ངོ་མ་ཡིན།ཐ་སྙད་ག་ཚོད་བཙལ་ན་སྒོར་མོ་དེ་ལས་མང་བ་སྤྲོད་ཀྱི་འདུག་་་ཐ་སྙད་གཅིག་ལ་སྒོར་སུམ་བཅུ་སྤྲོད་ཀྱི་འདུག་ཅེས་ཟེར།

ངའི་གྲོགས་པོ་ཁོ་ནི་འཛིན་གྲྭ་བརྒྱད་པ་ཙམ་ཀྱི་ཤེས་ཡོན་ལས་མེད་ལ།ད་སྔ་བར་ཟ་ཁང་ཡག་པོ་ཞིག་གི་ལས་ཀ་ཡང་མ་རག་པར་ལྷག་ཡོད་པ་ཞིག་ཡིན།མི་འདི་ལྟ་བུ་རེ་རེའི་ལག་ཏུ་བོད་ཀྱི་ཐ་སྙད་གསར་བཟོ་དང་གཏན་འབེབ་ཀྱི་ལས་ཀ་བཞག་པ་ནི་སུས་བལྟས་ཀྱང་ལན་པོ་ཞིག་དང་བློ་འཁེལ་བ་ཞིག་ཡིན་མི་སྲིད་མོད།ཁོས་ད་སྔ་བར་ཐ་སྙད་སུམ་བརྒྱ་ལྷག་བཙལ་ཏེ་སྤྲད་ཚར་བ་ཡིན་ཟེར་ནས་སྐྱིད་གླུ་ལེན་གྱི་འདུག་་འདི་ནི་དངོས་ཡོད་གནས་ཚུལ་ཡིན་་་་ངའི་གྲོགས་པོ་འདིའི་མིང་ལ་ཟ་ཕུག་ཟེར།མི་རློམ་ན་ཁོ་ལ་དྲིས་ཀྱང་ཆོག

ང་ཚོའི་དཀའ་ངལ་གཙོ་བོ་དེ་མིང་ཚིག་གསར་པ་བཟོ་མི་ཤེས་པ་དེ་མ་ཡིན་པར་བཟོས་པ་དེ་གཅིག་གྱུར་གྱིས་ཁྱབ་སྤེལ་འགྲོ་མི་ཐུབ་པ་དེ་རེད། སྤྱིར་ན་གནད་དུ་ཁེལ་མིན་ལ་མ་ལྟོས་པར་མིང་ཚིག་རེ་བཟོས་ཟིན་པ་དེ་ཚོ་བསྐྱར་བཅོས་ཀྱིས་མིང་གསར་འདོགས་ཐབས་མ་བྱས་ན་ཡག་འདུག

བོད་སྐད་གཉིས་བཤད།

གཤམ་གྱི་ཐ་སྙད་འདི་དག་ནི་བོད་ཕྱི་ནང་ནས་གཏན་འབེབས་བྱས་པའི་ཐ་སྙད་དག་རེད། ཤེས་རིག་གི་ཨིན་བོད་ཤན་སྦྱར་གཏན་འབེབས་བརྡ་ཆད་དང་། བོད་ནང་གི་རྒྱ་བོད་དབྱིན་གསུམ་གསར་བྱུང་རྒྱུན་བཀོལ་མིང་མཛོད་གཉིས་ཀྱི་ནང་དུ་འདུག གཤམ་གྱི་འདི་དག་ནི་དཔེ་མཚོན་ཙམ་ཡིན། ད་དུང་འགྱུར་མི་གཅིག་པ་གྲངས་ཀྱིས་མི་ལངས་པ་ཞིག་འདུག ཕལ་ཆེར། བོད་ཕྱི་ནང་གཉིས་ནས་བོད་སྐད་གཉིས་བཤད་རྒྱུ་ཡིན་པ་གཏན་འཁེལ་ལྟ་བུ་རེད། བོད་ཕྱི་ནང་གཉིས་ནས་ཐ་སྙད་གཏན་འབེབས་བྱེད་དུས་ཐ་སྙད་གཅིག་གྱུར་བེད་སྤྱོད་ཀྱི་ཕྱོགས་ལ་བསམ་བློ་བསྐྱར་ཏུ་གཏོང་དགོས་པར་འདུག

བཙན་བྱོལ། calculator རྩིས་རྒྱག་འཕྲུལ་ཆས། རྩིས་རྒྱག་མཁན།
བོད་ནང་། culculator གློག་རྩིས། རྩིས་ཆས

བཙན་བྱོལ། computer ཀམ་པུ་ཊར།
བོད་ནང་། computer རྩིས་འཕྲུལ།

བཙན་བྱོལ། cancer འབྲས་ནད། འབྲས།
བོད་ནང་། cancer ངན་སྐྲན།

བཙན་བྱོལ། Academic ཤེས་ཡོན་གྱི། གཙུག་ལག་གི
བོད་ནང་། Academic རིག་གཞུང་།

བོད་ནང་། academy གཙུག་ལག་སློབ་ཁང་།
བོད་ནང་། academy སློབ་གླིང་།

བཙན་བྱོལ། college མཐོ་རིམ་སློབ་གྲྭ
བོད་ནང་། college སློབ་གླིང་།

བཙན་བྱོལ། editorial རྩོམ་སྒྲིག་པའི་གཏམ།
བོད་ནང་། editorial ཆེད་བརྗོད།

བཙན་བྱོལ། culture རིག་གཞུང་། ལེགས་སྦྱངས།
བོད་ནང་། culture རིག་གནས།

བཙན་བྱོལ། oxygen འཚོ་རླུང་། སྲོག་འཛིན་རླུང་།
བོད་ནང་། oxygen འཚོ་དབུགས། དབྱང་དབུགས།

བོད་ཡིག་ལ་དོ་སྣང་ཡོད་མཁན་ཚོས་ལྷོད་ལྷོད་ཡིན་དུས་ཤིག་ལ་ད་ཕན་གཏན་འབེབས་བྱས་ཟིན་པ་དག་གཤིབ་བསྡུར་བྱོས་མ་གཏོགས། རྗེས་མ་བོད་ཕྱི་ནང་གཉིས་ཀྱི་བར་གོ་བརྡ་མི་འཕྲོད་པའི་དཀའ་ངལ་ཡོང་མི་སྲིད་པ་མ་རེད།

ཨིན་བོད་ཡིན་ནམ་དབྱིན་བོད་ཡིན། གང་ལྟར་ཡང་ཁོང་ཚོའི་ལས་གཞི་འདི་བོད་ནང་གི་གཞི་གཞུགས་མཁས་པ་ཚོས་ཐ་སྙད་གསར་བཟོའི་ལས་གཞི་མགོ་བརྩམས་གྲུབ་པའི་རྗེས་སུ་གསར་དུ་དྲན་ཡོང་བ་དང་། གསར་དུ་ལས་གཞི་འདིའི་ཆེད་འཚོགས་འདུ་བསྐོང་བ་ཞིག་རེད། མ་གཞི་ཐ་སྙད་གང་ཞིག་ལ་ཁྱད་ཆོས་འབུར་དུ་ཐོན་བ་དེ་འདྲ་ཡོད་ན་རྩེ་གྲས་ལེགས་འདེམས་བྱས་ན་འགྲིག་གི་རེད་དེ། བོད་ནང་གི་བོད་ཕྲུག་གཞོན་སྐྱེ་ཚོ་རྒྱ་མིའི་སློབ་གྲྭ་ནས་འཚར་ལོངས་བྱུང་བ་རེད། ཁོག་ཚོས་རྒྱ་ཡིག་སྒང་གི་ཐ་སྙད་ཚོར་འདི་ལ་བོད་སྐད་ཀྱི་ཐ་སྙད་གང་ཟེར་གྱི་ཡིན་སྙམ་པའི་བློ་ཞིག་འཁོར་ཡོང་གི་རེད། དེར་བརྟེན་གནད་འགག་ཆེས་ཤོས་བོད་ནང་གི་བོད་ཕྲུག་ཚོའི་དགོས་མཁོ་བསྐོང་རྒྱུ་དེ་རེད་ལ་རྒྱ་ཡིག་གི་ཐ་སྙད་བོད་བསྒྱུར་བྱེད་ཀྱི་ཤིན་ཏུ་གལ་ཆེན་དོན་ཆེན་རེད་སྙམ།

གཞིས་ལུས་སྤུན་ཟླས་སྤྱི་སྐད་དུ་གཏན་འབེབས་བྱས་པའི་མིང་མཛོད་ལ་མི་བཟོད་པའི་བློས་མིང་གཉིས་པ་ཞིག་བྱས་པ་མིན་པར་ཐ་སྙད་གསར་བའི་རིགས་ཡིན་ན་སྙིང་ནས་དགའ་བསུ་ཡོད་མོད་འོན་ཀྱང་ད་དུང་གང་ཡིན་རྔོ་མི་ཐོག་གོ།

དབྱིན་བོད་ཤན་སྦྱར་གཏན་འབེབས་བརྡ་ཆད་གསར་དུ་འདོན་སྤེལ་བྱས་ཡ་ལ་དགའ་མོད་ཀྱང་བོད་ནས་འགྲེམས་སྤེལ་བྱས་པའི་བོད་རྒྱ་དབྱིན་གསུམ་གསར་བྱུང་རྒྱུན་བཀོལ་མིང་མཛོད་ཅེས་པའི་ཐ་སྙད་གསར་པ་དེ་དང་མི་མཐུན་པ་ཞིག་བྱུང་ན་བོད་སྤྱི་སྐད་ལ་གནོད་ཀྱི་ཡོད་པ་མ་ཟད་བོད་རྒྱ་དབྱིན་གསུམ་གསར་བྱུང་རྒྱུན་བཀོལ་བཅས་པའི་ཐ་སྙད་གསར་པའི་དཔེ་དེབ་དེ་ཉིད་བོད་ནང་ལ་དར་ཁྱབ་ཆེན་པོ་ཡིན་པར་བརྟེན། དབྱིན་བདོ་ཤན་སྦྱར་དང་བོད་རྒྱ་དབྱིན་གསུམ་གསར་བྱུང་རྒྱུན་བཀོལ་མིང་འཛོད་བཅས་པ་གཉིས་ཀྱིས་དངོས་པོ་གཅིག་ལ་ཐ་སྙད་གསར་པ་མི་འདྲ་བ་གཉིས་བྱུང་ནས་མིང་དེ་ཉིད་དར་ཁྱབ་བྱུང་ཡིན་ན་བོད་ཀྱི་སྐད་ཡིག་གཅིག་གྱུར་ཡུང་བ་ལ་གནོད་ཀྱི་ཡོད་པས་ངེས་པར་དུ་དེ་དང་མཐུན་པ་ཞིག་མ་བྱུང་ན་འགྲེམ་སྤེལ་མ་བྱས་ན་བཟང་། བོད་ནས་འགྲེམས་སྤེལ་བྱས་པའི་བོད་རྒྱ་དབྱིན་གསུམ་གསར་བྱུང་རྒྱན་བཀོལ་གྱི་མིང་མཛོད་དེ་ཉིད་བོད་ནང་དར་ཁྱབ་ཤུག་ཆེན་པོ་ཕྱིན་ཡོད་པ་ལ་བརྟེན་ནས་དངོས་པོ་གཅིག་ལ་མིང་མི་འདྲ་བ་གཉིས་ཡོད་མཁན་རིགས་དེབ་དེ་གཉིས་ནང་ནས་ཐ་སྙད་ལེགས་ཤོས་ཞིག་འཇོག་ནས་གཅིག་ངེས་པར་དུ་མེད་པ་བཟོ་དགོས།

ཨིན་བོད་ཤན་སྦྱར་ཞེས་པའི་དོན་ཅི་ཞིག་རེད། གལ་སྲིད་དབྱིན་བོད་ཤན་སྦྱར་ལ་ཟེར་གྱིན་སྔར་ནས་གྲགས་ཟིན་དབྱིན་བོད་མི་འབྲི་བར་ཨིན་ཞེས་འབྲི་དགོས་དོན་ཅི་ཞིག་ཡིན།
ཨིན་བོད་ཤན་སྦྱར་གཏན་འབེབས་བརྡ་ཆད་འདི་རྣམས་བོད་ཆོལ་ཁ་གསུམ་གྱི་སྤྱི་སྐད་དམ་ཡིག་སྐད་ཡིན་པའི་རེ་བ་ཡོད། བརྡ་ཆད་གསར་པ་ཡིན་ཚེ། ཚིགས་དེ་དག་རྒྱུ་མཚན་ཡོད་པ་དང་། སྤུས་གཙང་བ། བརྗོད་བདེ་བ་ཞིག་ཡིན་པའི་རེ་བ་ཡོད།
དེ་མིན་ཁ་སྐད་ཕྱོགས་རེ་བ་དང་། བརྡ་ཆད་སྤུས་ཚད་མེད་པ་ཞིག་ཡིན་ན་འདི་ཡང་ཕན་པ་ལས་གནོད་པ་ཆེ་སྲིད།

༼ཨིན་༽དང་། ༼དབྱིན་༽གཉིས་ལ་ཁྱད་པར་གང་ཡོད་དམ།

ཨིན་ཡིག་དང། དབྱིན་ཡིག་ལྟ་བུ་གང་བརྗོད་པ་བདེ་བ་དང་། རྒྱུ་མཚན་མཐོང་གི་འདུག་གམ།

ཨིན་བོད་ཤན་སྦྱར་གསར་ཕེབས་ལ་ཕེབས་བསུ་ཞུ།