ཨོ་བྷ་མ་སྲིད་གཞུང་གིས་བོད་དོན་ཐོག་ཤུགས་སྣོན་རྒྱག་དགོས་ཞེས་ཨ་རིའི་གྲོས་ཚོཊ་འཐུས་མི་ཧྥུ་རན་ཁུ་ཝོལ་ཧྥོ་ཡིས་བཤད་འདུག
བོད་གཞུང་དྲ་རྒྱའི་ཐོག་གནས་ཚུལ་སྤེལ་བ་ལྟར་ན། ཟླ་འདིའི་ཚེས་ ༢༣ ཉིན་ཨ་རིའི་ཊོན་ལིན་ཊོ་སི་འགྲོ་བ་མིའི་ཐོབ་ཐང་ཚོགས་པའི་ཚོགས་གཞོན་དང་ཨ་རིའི་གྲོས་ཚོགས་འོག་མའི་འཐུས་མི་སྐུ་ཞབས་ཧྥུ་རན་ཁུ་ཝོལ་ཧྥོ་ཡིས། ཡུལ་དེའི་གྲོས་ཚོགས་ནང་ཨོ་བྷ་མའི་སྲིད་གཞུང་གིས་འཛམ་གླིང་གི་འགྲོ་བ་མིའི་ཐོབ་ཐང་གི་གནས་སྟངས་ཐད་ཤུགས་སྣོན་རྒྱག་དགོས་ཚུལ་བརྗོད་ཡོད་པར་མ་ཟད། ལྷག་དོན་དུ་ཁོང་གིས་བོད་ཀྱི་གནས་སྟངས་ཐོག་ཨ་རིའི་ལངས་ཕྱོགས་ཅི་ཡིན་སྐོར་བརྗོད་དོན། ༢༠༠༢ ལོར་ཨ་རིའི་གྲོས་ཚོགས་ནང་བོད་དོན་དང་འབྲེལ་བའི་དམིགས་བསལ་འབྲེལ་མཐུད་ཁང་ཞིག་གསར་འཛུགས་བྱ་རྒྱུའི་གྲོས་ཆོད་བཞག་ཡོད་ལ། འབྲེལ་མཐུད་ཁང་དེར་རྒྱུན་ལས་གསུམ་དང་ལས་བྱེད་འཕར་མ་གཅིག་བཅས་བསྐོ་གཞག་བྱ་རྒྱུའི་ཐག་གཅོད་ཀྱང་བྱུང་ཡོད། ཡིན་ནའང་། ད་ལྟའི་ཆར་ལྷན་ཁང་དེར་ལས་བྱེད་མ་འདང་པའི་དཀའ་ངལ་འཕྲད་བཞིན་ཡོད་ཅེས་དང་། ལོ་རེའི་ཕྱི་ཟླ་ ༣ ཚེས་ ༣༡ ཉིན་གྲོས་གྲོས་ཚོགས་ནང་བོད་དོན་སྐོར་གྱི་སྙན་ཐོ་ཞིག་འདོན་གྱིན་ཡོད་ནའང་མིག་སྔར་སྙན་ཐོ་དེ་ཕྱི་བཤོལ་བྱས་ཡོད་འདུག བོད་ཀྱི་གནད་དོན་དེ་ཧ་ཅང་གལ་ཆེན་ཞིག་ཡིན་སྟབས་ཨོ་བྷ་མའི་སྲིད་གཞུང་གིས་དེའི་གལ་ཆེའི་རང་བཞིན་ལ་ངོས་འཛིན་བྱ་ཐུབ་པའི་རེ་བ་ཡོད་ཅེས་བརྗོད་ཡོད།
གསར་འགོད་པ། དཔལ་ལྡན།
བོད་རེ་བའི་ཕངས་བྱས་གསུངས་བ་ལྟར་བོད་ནི་ནམ་ཡང་རེ་བ་དང་རེ་སྒུག་ད་དུང་སྐྱབས་སྐྱོལ་སོགས་ཀྱིས་འདས་མ་ད་གསུམ་ཀྱི་འཚོ་བ་བསྐྱེལ་ནས་ཡོད་རེ་བ་ལ་མཐའ་མེད་པ་འདི་ཅི་ཡིན་ནམ།བོད་དོན་ལ་རྒྱབ་སྐྱོལ་བྱེད་བའི་ཚོགས་པ་དག་གིས་ནུས་བ་མིི་ལོ་ལྔ་བཅུའི་མི་ཡུལ་འདི་ཡིན་ནམ།
ཨ་རིའི་ཁ་ནི་དངུལ་ལ་ཕྱོགས། །
མ་ཟད་རང་གི་རང་དོན་ཆེད། །
བོད་དང་བོད་འདྲའི་རྒྱལ་ཁབ་འགའ། །
བེད་སྤྱོད་བེད་པའི་ཚུལ་ལ་ལླལལྟོས། །
གསར་འགོད་པ་༼བོད་དོན་རེ་སྐུལ།༽ བོད་དོན་རེ་བསྐུལ། བོད་ཀྱི་སུམ་རྟགས་གཞིར་བཞག་ན་༼བསྐུལ༽འབྲི་དགོས།
བོད་དོན་རེ་ཡུལ་མང་མོད་ཀྱང་། །
ལུས་སྡོད་རེ་ས་རྒྱ་གར་དང་། །
སེམས་རེ་བྱེད་ས་ཨ་རི་རེད། །
རེ་ས་གཉིས་པོ་ནོར་མི་འདུག །