བོད་ཀྱི་དུས་བབ་གསར་ཤོག་སྤྱིའི་འདོན་ཐེངས་ ༤༩༠ སྟེང་གི་རྩོམ་སྒྲིག་པའི་གཏམ།
ང་ཚོའི་དམངས་གཙོ་འདི་ལ་སྲིད་དོན་ཚོགས་པ་མེད་པའི་དཀའ་ངལ་གཅིག་ནི་ད་ལོར་ཡང་གསལ་གསལ་ཐིང་ཐིང་རེད།
ཉེ་སྔོན་སྐུ་ཞབས་བློ་བཟང་སེང་གེ་ལགས་ལ་མེག་རྒན་ནས་ཐུག་བྱུང་། ཁོང་གིས་རྒྱ་གར་ལྷོ་ཕྱོགས་ཀྱི་བོད་མིའི་གཞིས་ཆགས་ཁག་དང་། རྒྱ་གར་གྱི་གྲོང་ཁྱེར་ཁག་ནང་ཡོད་པའི་བོད་རིགས་མཐོ་སློབ་པ་རྣམས། བཙན་བྱོལ་བོད་མིའི་མཐོ་སློབ་ཁག་ཅིག་བརྒྱུད་དེ་ངྷ་སར་འབྱོར་འདུག མདོ་དོན་ཁོང་གིས་ས་གནས་དང་སྡེ་ཚན་དེ་དག་ཏུ་བཀའ་ཁྲིའི་འོས་འགྲན་གྱི་ལས་འགུལ་དག་སྤེལ་ནས་ཡོང་བ་རེད།
སྐབས་དེར་ཁོང་ཁེར་རྐྱང་རེད། ངེད་གཉིས་ཀྱིས་འཚིག་ཇ་རེ་བཏུང་བ་ཡིན།
ཉིན་དེར་ངས་ཁོང་གི་སྟེང་ནས་ང་ཚོའི་དམངས་གཙོའི་ཁྱད་ཆོས་དེ་མཐོང་། བཀའ་ཁྲི་ལ་ལངས་འདོད་ཡོད་ན་སོ་སོ་ཁེར་རྐྱང་དུ་ལོངས། འགྲོ་སོང་ཡོད་ན་རང་གི་གློ་ཁུག་ནང་གི་སྒོར་རྡོག་དེ་ཚོ་ཐོངས། ང་ཚོའི་སྒོ་རའི་ནང་བསླེབ་ན་དེ་དུས་ཁྱོད་ལ་ག་རེ་བཤད་རྒྱུ་ཡོད་མེད་ཉན་ཆོག བོད་མི་རིགས་ཀྱི་ཆག་འཇིག་གཉན་འཕྲང་གི་སྐབས་འདིར་ཁྱོད་ལ་འཆར་སྣང་ག་རེ་ཡོད། ཁྱོད་ཀྱི་ལྷག་བསམ་སྟོན་དང་། ཁྱོད་ཀྱི་ཤེས་འཇོན་ཤོད་དང་། བོད་ཀྱི་གནད་དོན་ཇི་ལྟར་སེལ་ག ཨ། ཤོད་དང་། ཤོད་དང་།
ང་ཚོ་ནི་ཇི་འདྲའི་བྱབ་ཆུང་ཞིག་རེད་ཨང་། ད་དུང་ཨ་རིའི་ཨོ་བྷ་མ་ནང་བཞིན་ཞིག་དགོས་པའི་ཧམ་པ་འདི་འདྲ་བཤད་ཐུབ་པའང་བློ་ཁོག་རེད། ལོ་ན་གཞོན་པ། ཤེས་ཡོན་ཡོད་པ། འཇོན་ཐང་ཆེ་བ་ཞིག་བདམ་གི་ཡིན་ཟེར།
ད་སྐབས་དཀའ་ངལ་ངོ་མ་ནི་འོས་འཕེན་མཁན་དག་ལ་འཕྲད་གི་མི་འདུག ལོ་དང་ཟླ་བར་མཐུད་ཅིང་། ཁྲག་དང་སྣག་གིས་རང་གི་མི་ཚེ་ཞིག་ཡར་སྐྱོར་ནས་ལངས་མཁན་གྱི་འོས་མི་ཁོ་རང་ཚོར་འཕྲད་གིན་འདུག ཁོང་ཚོ་ནི་རང་རང་གི་ལག་པ་ལ་ཁེན་ནས་ལངས་དགོས་པ་རེད། རང་རང་གི་རྣམ་དཔྱོད་ལ་བརྟེན་ནས་ཁ་ཚ་བོ་དང་གཏིང་ནག་པོ་ཡོད་པའི་དྲི་བ་མཐའ་དག་གི་ལན་ཐོབ་དགོས་པ་རེད། དྲི་བ་དེ་དག་ནི་སྤྱི་ཚོགས་ཧྲིལ་བོ་འདིའི་གཏིང་དུ་ཡོད། དམངས་གཙོ་ཡིན་ཡང་། ཁེར་རྐྱང་དུ་ལངས་སྟངས་འདི་ནི་ཧ་ལས་པའི་ངམ་གནག་རེད།
རྒྱབ་སྐྱོར་ཡོད་ཟེར་མཁན་དག་གིས་ཀྱང་ཁ་གཡང་རེ་དང་འོས་ཤོག་རྐང་གཅིག་པོ་དེའི་ཕན་ནས་རྒྱབ་སྐྱོར་གྱི་མཛུབ་མོ་རྐང་གཅིག་ཡར་འགྱོག་གི་མ་རེད།
གལ་སྲིད་རྗེས་མ་ནས་བཀའ་ཁྲི་ལ་ངེས་པར་དུ་ལངས་དགོས་ན། ང་ཚོར་སྲིད་དོན་གྱི་ཚོགས་པ་དགོས་ཀྱི་འདུག དེ་མིན་བོད་མི་རིགས་ཀྱི་སྲིད་སྟེགས་མཐོ་ཤོས་དེར་ཁེར་རྒྱུག་དང་ཁེར་འདེད་བྱེད་པའི་རྣམ་པ་འདི་ནི་ཡིད་ཧ་ཅང་སྐྱོ་བ་ཞིག་རེད།
བསམ་ཚུལ་འདྲ་མིན་ཤོད་དགོས་ནི་སྦྱོང་ཅན་གྱི་དམིགས་བྱ་རྡོག་གཅིག་བུ་དེ་ཡིན་མོད། འོན་ཀྱང་། དོན་མེད་རྙོག་གཏམ་གྱིས་ཁ་བརྡར་ནས་འདུག་པ་ལས་དོན་བཟང་ཞིག་སྒྲུབ་པའི་ཆེད་དུ་བསམ་བློ་རེ་གཏོང་རོགས་གནང་ཞེས་ཞུ་རྒྱུ་ཡིན།
བསམ་ ཚུལ་གསར་བ་རེ་ཡོད་ན་ སྐར་མདའ་ལ་ཤོད་ཆོག
དགའ་བསུ་ཡོད།
ཨ་འཇམ་དབྱངས་ཚུལ་ཁྲིམས།
ཕུལ་བྱུང་རྩོམ་རྩལ་རིག་པའི་མངའ་ཐང་དེ༎
གངས་ཅན་ཡུལ་ནས་དར་འགོ་བཙུགས་པ་རེད༎
འཇོག་མེད་རྡ་སའི་སྐུ་ངོ་ཁ་བདེ་ཚོའི༎
ལག་གཡོག་རྒྱུགས་པའི་དགོས་པ་ཅང་མ་མཐོང་༎
དེ་བས་རང་ནུས་གསེར་གྱི་གཟི་འོད་ལ༎
གཅེས་སྤྲས་བྱེད་ཕྱིར་གནམ་འཕང་གཅོད་ན་དགའ༎
མི་ཁ་མདའ་ལས་རྣོ་པའི་ནོར་གླིང་ནས༎
བརྙས་བཅོས་ཟ་བའི་ཨ་ཕོ་ཁྱེད་མིན་པ༎
ང་ཡི་སེམས་ན་ཧ་ཅང་གསལ་བོ་ཡིན༎
བདེན་པ་ཡོད་ན་རྫུན་གཏམ་ཤོད་དགོས་དོན་མེད།
དེང་སང་བལ་ཡུལ་ན་བཀའ་བློན་ཁྲི་བའི་འོས་བསྡུའི་འཐད་ལ་བཤད་ཚུལ་འདྲ་མིན་སྣ་ཚོགས་ཤིག་ཡོང་གི་ཡོད། ཕྱོགས་གཅིག་ནས་བལྟས་ན་བསམ་བློའི་བློ་སྒོ་འབྱེད་པའི་རྟགས་མཚན་ཞིག་ཀྱང་རེད་སྙམ། འོན་ཀྱང་ཞིབ་ཚགས་ཀྱིས་བལྟས་ཡོང་དུས་དེའི་ཧྲག་ནས་ཆུ་དྭངས་མ་གཅིག་བུ་བཞུར་གྱིན་མེད་པར་ཆུ་རྙོགས་ཀྱང་འདྲེས་འོངས། འདི་ནི་གཟབ་གཟབ་མ་བྱས་པ་ཡིན་ན་ཁྲིམས་མཐུན་གྱི་འོས་བསྡུ་ཞིག་གི་ལམ་ལ་མི་འགྲོ་བར་ཁྲིམས་འགལ་གྱི་ལམ་ལ་འགྲོ་པའི་གཉེན་ཧ་ཅང་ཆེན་པོ་འདུག་སྙམ།
གང་ཡིན་ཟེར་ན་གོ་མྱོང་ཐོས་མྱོང་མེད་པའི་མིང་ཐོ་རེ་ཟུང་མང་ཚོགས་ལ་བཀྲམས་ཅི་ཐུབ་བྱེད་རྒྱུ་ཡོད་པ་དེ་རེད། ངས་བལྟས་ན་བཀའ་ཁྲི་ཟེར་བ་དེ་ནི་རིག་གནས་མེད་པའི་རྒྱགས་པ་ཞིག་མིན་ལ།
ཁང་པ་བསླངས་པའི་ཚོང་དཔོན་ཁེངས་དྲག་ཅན་ཞིག་དེ་བས་མིན།
ང་ཚོ་ལ་དགོས་པ་ནི་གྲུབ་འབྲས་གཡུར་དུ་ཟ་བ་མངོན་གྱུར་བྱེད་ཐུབ་པའི་འཇོན་ཐང་ཅན་ཞིག་དགོས། དེ་ནི་བོད་ཡོད་དོ་ཅོག་གི་བསམ་ཚུལ་ཡང་ཡིན་ངེས།
ཚེ་སྲོག་གི་ཉེན་ཁ།
ཕ་སྤྲེའུ་བྱང་ཆུབ་སེམས་པའི་རྒྱུད་པ་ཞིག་ཡིན་ཕྱིན།ཕན་སེམས་ཀྱི་བསམ་བ་རྒྱ་ཆེན་པོ་ཞིག་ཡོད་པ་གསལ་བོ་རེད། དེའི་ནང་ནས་ཀྱང་ལྟ་བ་དཀར་བཏགས་ཀྱི་ཕྱག་རྒྱ་བཞི་ཁས་ལེན་པའི་གང་ཟག་ཅིག་ཡིན་ན་རང་ལས་གཞན་གཅེས་ཀྱི་བསམ་བློའི་མིང་གཞི་བརྟན་པོར་ཡོད་པ་དེ་ལ།
ཐམས་ཅད་ཡིད་ཆེས་ཀྱིས་ཁེངས་པ་སྨོས་ཅི་དགོས།
དེ་ཡིན་ན་ངས་བཤད་བྱ་གཙོ་བོ་དེ་ནི།བལ་ཡུལ་གྱི་སྤོག་རའི་བཀྲིས་འཕེལ་རྒྱས་གླིང་གི་གཞི་ཆགས་ཀྱི་བོད་རིགས་ལོ་གཞོན་བུ་མེད་<སྲི་ཆོས་སྒྲོལ་མ>་ལ་ལོ་ན་བརྒྱད་ལ་
སོན་པའི་བུ་མོ་<ཉི་མ་དབང་མོ>་ཟེར་བ་ཞིག་ཡོད་པས་དེ་ལ་ཆེས་ཉེན་ཁ་ཅན་གྱི་
ཁྲག་གི་ནད་ཚ་Bloodcancerཕོགས་ཡོད་སྟབས་བལ་ཡུལ་སྨན་ཁང་གི་བརྟག་དཔྱད་ཀྱི་གྲུབ་འབྲས་ལ་གཞིགས་ན་ལོ་གཉིས་ཀྱི་རིང་ལ་སྨན་ཁང་ནས་སྨན་བཅོས་བྱས་ཏེ་
འདུག་དགོས་པའི་གྲུབ་འབྲས་འཐོན་འདུག་པས།ལོ་གཉིས་ཀྱི་རིང་ལ་འགྲོ་སོང་བལ་སྒོར་འབུམ་ལྔ་ཙམ་གྱི་འགྲོ་གྲོན་དགོས་ཀྱི་ཡོད་པ་ཡིན་དུས།མོའི་མི་ཚང་གི་ཆ་རྐྱེན་ནི་ཧ་ཅང་གི་སྐྱོ་པོ་ཡིན་པས་འབུམ་ལྔ་མ་དགོས་ཁྲི་གཅིག་ཀྱང་འགྲོ་སོང་གཏོང་རྒྱུ་མེད་ཙང་ད་སྐབས་ཧ་ལས་པའི་དཀའ་ངལ་གྱི་གནས་སུ་འཁྱར་ཡོད།ད་ལྟ་མོའི་བུ་མོའི་སྲོག་གི་ཉེན་ཁ་ལ་ཐུག་ཡོད་པ་ཡིན་དུས།གློ་བུར་དུ་འགྲོ་སོང་ཕོན་ཆེན་པོ་དེ་འདྲ་ཞིག་
གཏོང་ཐུབ་ཀྱི་མེད་ནའང་ལོ་ན་ཕྲ་པའི་བུ་མོ་དེའི་ཚེ་སྲོག་རྟ་རྔ་འདྲ་བོ་དེ་སྐྱོབ་ཕྱིར་
བལ་ཡུལ་གྲོགས་པོ་ཚོགས་པའི་ཚོགས་གཙོ་དེ་་་་བཀྲིས་ཚེརིང་་་་གིས་གནས་སྐབས་ཀྱི་འགྲོ་སོང་ཐད་ལ་ཐུགས་འཁུར་རྒྱ་ཆེན་བཞེས་ཏེ་ཚོགས་པ་དང་སྒེར་སོགས་སུ་ཞལ་འདེབས་སློང་བར་ཕྱིན་ནའང་དེ་འདྲ་བའི་ཕོན་ཆེན་པོ་ཞིག་རག་པ་ཤིན་ཏུ་ཁག་པོ་ཡོད།བོད་རིགས་ཀྱི་ཁྲོད་ན་ཆ་རྐྱེན་ཧ་ཅང་གི་ཡག་པོ་ཡོད་པ་དཔེ་མང་པོ་ཡོད། དེ་དག་གི་ཁྲོད་ན་བལ་སྒོར་འབུམ་ལྔ་ཙམ་གཏོང་ཐུབ་མཁན་ཡང་མང་པོ་ཡོད་པ་རེད།ཡིན་ནའང་།བྱམས་དང་སྙིང་རྗེ་ཡིས་ཀུན་ནས་བསླངས་དང་མ་བསླང་ལ་རག་ལས་ཡོད་པ་རེད་བསམ་གྱི་འདུག ང་ཚོ་བོད་རིགས་ཚོས་ཁ་ནས་ལྷག་བསམ་དང་སྙིང་རྗེ་ཟེར་བ་གཅིག་བུ་མ་ཡིན་པར་དོན་ལ་གནས་དགོས་པ་ཧ་ཅང་གི་གལ་ཆེན་པོ་མཐོང་གི་འདུག
༸གོས་ས་མཆོག་གིས་ཀྱང་ག་དུས་ཡིན་ནའང་གཞན་ཕན་དང་ལྷག་བསམ་ཟེར་བ་དེ་
དངོས་སུ་ལག་ལེན་ལ་བསྟར་བ་ཡིན་ན།དེ་ནི་བོད་མི་རྣམ་དག་ཟེར་བ་དང་ཆོས་ཟེར་ནའང་དེ་ཡིན་ཞེས་ནན་གཏན་གྱིས་གསུང་ཡོད། དེ་འདྲ་ཡིན་དུས།
འདི་འདྲ་བའི་གནས་སྟངས་ཚབས་ཆེན་དང་།མི་སྲོག་ལ་ཐུག་པའི་ཛ་དྲག་གི་གནས་
སྟངས་འདིའི་སྐབས་སུ་གཞན་ཕན་གྱི་བསམ་བློ་འཁོར་མ་ཐུབ་པ་ཡིན་ན།
གཞན་ཕན་གྱི་བསམ་བློ་དང་ལྷག་
བསམ་ཟེར་བ་སྟོང་བཤད་ཙམ་རེད།དངོས་སུ་ལག་ལེན་ལ་བསྟར་དགོས་པ་དལ་
འབྱོར་གྱི་ལུས་རྟེན་ཐོབ་པའི་དགོས་དོན་སྙིང་པོའང་ཡིན།དེ་འདྲ་སོང་ཙང་ད་རེའི་
བལ་ཡུལ་སྤོག་རིའི་གཞི་ཆགས་ཀྱི་ངོས་ནས་ཞལ་འདེབས་སློང་སྟེ་ཕལ་ཆེར་བལ་སྒོར་ཁྲི་གཅིག་ལྷག་ཙམ་བྱུང་འདུག་ནའང་།དེ་འདྲ་ཞིག་གིས་བོད་རིགས་ན་ཆུང་བུ་མོ་དེའི་ཚེ་སྲོག་སྐྱོབ་ག་ལ་ཐུབ།
ང་ཚོས་བྱམས་དང་སྙིང་རྗེ་ཁ་ལ་འཁྱེར་ཏེ་སོང་བ་ལས།ད་ལྟ་ཉམ་ཐག་མི་ཚང་འདི་ཡི་བུ་མོ་ཉི་མ་དབང་མོའི་ཚེ་སྲོག་དེ་སྐྱོབ་ཐབས་ལ་ཐབས་བྱས་ཡོད་དགུ་རྩལ་དྲུག་འདོན་རྒྱུའི་རེ་བ་དེ།ལས་དང་རྒྱུ་འབྲས་ལྷད་མེད་རྩི་མཁན་གྱི་བོད་རིགས་སྤྱི་ཡོངས་ཀྱི་མིག་དབང་གསེར་གྱི་པདྨོའི་དྲུང་དུ་སྤྱན་འབུལ་ཞུ་རྒྱུ་ལགས་ན་བོད་རིགས་ཡོད་དོ་ཅོག་གིས་བསམ་ཤེས་ཀྱི་རོགས་དངུལ་མང་ཉུང་ལ་མ་བལྟས་པར་གང་ཐུབ་ཐུབ་གནང་རོགས་ཞུ་རྒྱུ་ཡིན།གལ་སྲིད་བོད་རིགས་ལྷག་བསམ་ཅན་གང་དང་གང་གིས་རོགས་ཕན་ཞུ་འདོད་ཡོད་རིགས་རྣམས་ཀྱི་བལ་ཡུལ་གནས་སྡོད་བོད་གཞུང་སྤྱི་འཐུས་སྒྲོལ་མ་འཚོ་མོ་ལ་འབྲེལ་བ་གནང་པ་ཡིན་ན། ནད་པའི་སྨན་ཡོན་དུ་ཕན་ཐོག་ངེས་སོ།
གཅན་བཟོད་རྒྱམ་གྱི་མཆན་དེ་ལ་ལན་འབུལ་རྒྱུ་འདྲ་མི་འདུག ང་རང་ཡང་རྨོངས་ཚོགས་ཀྱི་གྲས་ན་ཡོད་པའི་དབང་གིས་ཡིན་པ་འདྲ།
བསྟོང་སྐོར་ཐུབབསྟན་ལགས། འོས་ཤོག་གལ་ཆེན་མ་རེད་རྩ་བ་ནས་ལབ་མེད། ང་ཚོ་དམངས་གཙོ་ལ་འགྲོ་རྒྱུ་ཡིན་ན་འགྲོ་ཤ་ཤ་བྱས་ཏེ། དམངས་གཙོའི་སྤྱི་ཚོགས་ཀྱི་གལ་ཆེའི་གྲུབ་ཆ་དེ་ཚོ་ཚང་དགོས་ཀྱི་འདུག་ལབ་གི་ཡོད།
སྲིད་དོན་ཚོགས་པ་ཞིག་ཡོད་ན་མ་མཐར་ཡང་ཚོགས་པ་དེའི་ཚོགས་མི་དག་གིས་རྒྱབ་སྐྱོར་བྱེད་གི་རེད། འོས་ཀྱང་འཕེན་གི་རེད།
ང་ཚོ་ནང་བཞིན་ཅི་བྱེད་འདི་བྱེད་མེད་པར་ཆགས་པ་དང་འོས་ཤོག་གཅིག་པུ་དེ་སུ་ལ་འཕེན་དགོས་རྩ་བ་ཉིད་ནས་བློ་ཐག་མི་ཆོད་པའི་དཀའ་ངལ་འདི་འདྲ་ཡོང་གི་མ་རེད།
ལུང་རིགས་རྒྱབ་ལགས།
སྲིད་དོན་ཚོགས་པ་ཡོད་ནའང་དགོས་གལ་ཆེ་རུང་། ག་སྲིད་འོས་ལ་ལངས་མཁན་དེ་ལ་རྒྱབ་སྒྱོརབྱེད་མཁན་དང་མཐུན་འགྱུར་སྤྲོད་མཁན་སྲིད་དོན་ཚོགས་པ་ཡོད་ནའང་འོས་ལ་ལངས་མཁན་དེ་ལ་འོས་ཤོག་རྐང་གཅིག་པོ་དེ་ཕན་མཁན་མེད་ན། འོས་ལ་ལངས་མཁན་དེའི་རྒྱབ་ཁ་ཐོབ་བོ།
འོས་ཤོག་གཅིག་པོ་དེ་གླད་ལ་བཅུག་ཅིང་མི་གཞན་གྱི་འོག་དུ་མ་འགྲོ་བ་དུས་ཚོད་ལ་བསླེབས་དུས་འཕེན་གི་ཡིན་ཟེར་བ་དེ་དམངས་གཙོ་རེད་ལ་འོས་ལ་ལངས་མཁན་ཁོང་ལ་རྒྱབ་སྐྱོར་ཡང་རེད། འོས་ཤོག་རྐང་གཅིག་པོ་དེ་ནི་ཤིན་ཏུ་ནས་དགོས་གལ་ཆེ།།
དམངས་གཙོ་མ་རེད་རྨོངས་གཙོ་རེད་ན་ཅི་འདྲ།
ང་ལའང་ལན་ཞིག་གནོངས་དང་།
བསེ་རུ་ལགས།
ཐུགས་རྗེ་ཆེ། ངོ་མ་ཡིན། རྗེས་ཕྱོགས་ཀྱང་རྗེས་སུ་འཛིན་རོགས།
ཁ་བ་ནག་པོ་ལགས།
༼ངས་ཁོ་འགྲོ་རུ་བཅུག་ནས་རྗེས་ལ་ལྟ་གིན་ཡོད། བཤད་དུ་བཅུག་ནས་ཁ་ལ་ལྟ་གིན་ཡོད། ༽གཏམ་དཔེ་འདི་ངའི་ཡུལ་ཕྱོགས་ནས་མི་ལ་བརྙས་བཅོས་བྱེད་དུས་བཤད་གི་རེད། སྐུ་ཉིད་ཀྱི་དགོངས་ཕྱོགས་ནི་དེ་འདྲ་ཡིན་རྒྱུ་མ་རེད་པ།
འོས་འཕེན་འདོད་མེད་ན་ཅི་ཁག ཡིན་ཡང་། བརྙས་བཅོས་བྱེད་བསམ་པ་ཡིན་ན་ཡག་པོ་མ་རེད་དོ།
སྟོང་བསྐོར་ ཐུབ་བསྟན་ལགས།
འོས་ཤོག་གཅིག་དེ་འཕེན་རྒྱུ་ལས་སླ་བོ་མ་རེད། དེ་་ལ་འགན་འཁྱེར་དགོས་པ་རེད། སྐབས་འདིར་འགན་འཁྱེར་སྟངས་ནི་འོས་འཕེན་པ་དེ་མ་རེད། སོ་སོས་འོས་འཕངས་པ་དེ་ལ་གྲུབ་འབྲས་ཤིག་དགོས་པ་རེད། རྒྱལ་ཁ་དགོས་པ་རེད།
ཁྱོད་ལ་རྒྱལ་ཁ་དགོས་ན་ཁྱོད་གཅིག་པུའི་འོས་ཤོག་གིས་ཐོབ་གི་རེད་དམ། མི་ཐོབ་ན་ག་རེ་བྱེད་དགོས་པ་རེད། འོས་ལ་ལངས་མཁན་དེ་ལ་རྒྱབ་སྐྱོར་བྱེད་དགོས་པ་རེད། རང་གི་མངོན་འདོད་དང་ཁ་མ་བྲལ་བའི་སྒོ་ནས་མཐུན་འགྱུར་སྤྲོད་དགོས་པ་རེད། དེ་དང་དེ་ལྟ་བུ་བྱས་ནས་མདོ་དོན་སོ་སོའི་རེ་བ་དེ་འགྲུབ་དགོས་པ་རེད།
འོས་ཤོག་གཅིག་པུ་དེ་སྔས་འོག་ལ་བཅུག་ཅིང་། དུས་ཚོད་བསླེབས་དུས་ཁོ་ལ་འཕེན་གི་ཡིན་ཟེར་བ་དེ་ངས་དེ་རིང་བཤད་ཀྱིན་པའི་ང་རང་ཚོའི་དམངས་གཙོ་རེད་ལབ་གི་ཡོད་དོ།
འོས་ཤོག་རྐང་གཅིག་པོ་དེའི་འཕང་ནས་རྒྱབ་སྐྱོར་བྱེད་མ་ཐུབ་ན་སྲིད་དོན་ཚོགས་པ་ཡོད་ཀྱང་ཅི་ལ་ཕན་
བློ་བཟང་དཔལ་ལྡན་ལགས།
ཉེ་སྔོན་ནས་ངས་བོད་ཀྱི་དམངས་ཁྲོད་ན་ཡོད་པའི་དམངས་གཙོའི་སེམས་ཚོར་ཅན་གྱི་གཏམ་དཔེ་རེ་བཙལ་བ་ཡིན། དེ་རིང་གི་གཏམ་དཔེ་ནི། ༼ཕྱར་བ་གྲུ་འདེགས་༽ཞེས་པ་འདི་ཡིན།
རྩོམ་སྒྲིག་པའི་གཏམ་གྱི་བརྗོད་གཞི་ཡང་འདི་ཡིན།
གཏམ་དཔེ་གཞན་རེ་ཟུང་ནི་ངའི་ངོ་དེབ་སྟེང་ལ་ཡོད། ད་ལྟ་མུ་མཐུད་ནས་འཚོལ་བཞིན་པའི་སྒང་ཡིན།
གཉའ་འབྲོང་ཐུ་བུས་སྐད་ཆ་གནད་འགག་ཅིག་བཤད་འདུག མང་ཚོགས་འདི་དོན་དག་རེ་ཟུང་གི་ཐད་གྲ་སྒྲིག་ཨང་གསར་ཡོད་པ་རེད། ཀི་ད་བཏབས་ན་རྡུལ་ད་ལངས་གི་རེད།
དོན་དག་ཁ་ཅིག་གི་སྟེང་ནམ་ཡང་གཉིད་ལོག་ལྟ་བུ་རེད། རྣ་ནང་དུ་ངུང་ཆེན་བུས་ན་ཡང་ཡ་མེད་རེད།
ན་ཚ་འདི་རང་ག་བ་ཞིག་རྩ་བ་ནས་མ་རེད། ཚབས་ཆེན་པོ་རེད། མི་རིགས་འདིའི་ཤི་གསོན་ནི་ན་ཚ་འདིར་འབྲེལ་བ་ཏན་ཏན་འདུག
ཨ་མཆོད་ལགས།
འདི་སྲིད་དོན་ཚོགས་པ་མེད་པ་དེར་འབྲེལ་བ་ ༡༠༠ ཆ་ ༡༠༠ འདུག་སྙམ། སྲིད་དོན་ཚོགས་པ་འཛུགས་མ་ཐུབ་པ་དེར་རྒྱུ་མཚན་ཡོད་ན་རྒྱུ་མཚན་གཞན་ཞིག་རེད།
རྒྱལ་ཡོངས་མང་གཙོ་ཚོགས་པ་སྲིད་དོན་ཚོགས་པ་མ་རེད། གལ་སྲིད་ཡིན་ན་ངོས་ལེན་གང་དུ་འདུག རྒྱལ་ཡོངས་མང་གཙོ་ཚོགས་པ་ནི་གཞུང་འབྲེལ་མ་ཡིན་པའི་ཚོགས་པ་གཞན་ ༩ དང་ཐག་ཞོར་འབྲེང་དྲུད་རེད། ཐོག་མའི་དམིགས་ཡུལ་གྱི་ཆ་ནས་བཤད་ན་ཡང་གཞུང་འབྲེལ་མ་ཡིན་པའི་ཚོགས་པ་དགུ་དང་དེའི་ཕན་གྱི་ཙ་རེ་ཙོར་རེ་དེ་དག་ཐམས་ཅད་གཅིག་པ་རེད།
རྒྱལ་ཡོངས་མང་གཙོ་ཚོགས་པར་འཆར་སྣང་ཡོད་པ་མ་རེད། ཕུགས་བསམ་རིང་པོ་མི་འདུག དེ་མ་གཏོགས། ད་ལོར་གྲགས་ཆེ་བའི་བཀའ་ཁྲིའི་འོས་འགྲན་པ་གཉིས་ཡོད་པ་རེད། དེ་གཉིས་ཀ་ཁྱེར་ཡོང་དོན་ཡོད་མ་རེད། ཁོང་གཉིས་ཀྱི་སུ་ཞིག་མང་གཙོ་ཚོགས་པའི་ཆབ་སྲིད་ཀྱི་ལངས་ཕྱོགས་ལ་མཐུན་ན་དེའི་ཆེད་དུ་ལས་འགུལ་སྤེལ་དགོས་པ་རེད།
མི་གཉིས་འདུག དེ་གཉིས་ཀ་མང་གཙོ་ཚོགས་པའི་འོས་མི་ཡིན་ཟེར་བའི་བཤད་སྟངས་འདི་ཚོ་སེམས་སྐྱོ་བྱེད་དང་རྐང་ན་བྱེད་རེད། ད་ག་རེ་ཡིན་ལབ་དགོས་པ་རེད།
རྩོམ་སྒྲིག་པའི་སྐད་ཆ་འདི་ལ་དངོས་གནས་ལྗིད་ཁོག་འདུག སོས་དལ་ན་ཡོད་དུས་མི་མང་ལང་རྒྱུ་ཤིན་ཏུ་དཀའ་མོ་ཞིག་ཡིན་པ་དེ་ངས་བལྟས་ན་གནད་འགག་གང་ཡིན་མི་མང་གིས་དོ་སྣང་བྱེད་ཀྱི་མི་འདུག་ལགས། དེ་མ་གཏོགས་ཟིང་ཆ་ཅུང་བྱས་ན་མི་མང་འུར་ལང་བྱེད་ཀྱི་འདུག དེ་མི་མང་ལ་གོ་རྟོགས་མེད་སོང་བས་རི་བོང་ཅལ་འདྲོག་རེད། དེར་བལྟས་ན་མི་མང་ལ་སེམས་ཤུགས་མེད་སོང་བ་ཡང་མ་རེད། ཤེས་ཡོན་པ་རེ་རེས་མི་རེ་རེའི་ལག་མགོ་ནས་བཟུང་སྟེ་འཁྲིད་དགོས་ན་དཀའ་ལས་ག་ཚོད་ཡོད་རྒྱུ་རེད། དེ་ནི་ཡོང་བ་ཞིག་མ་རེད། ད་བསམ་ན་གཙོ་བོ་ཤེས་ཡོན་འཐུས་ཤོར་ལ་སོང་བ་དེར་རག་ལས་པ་ཧ་ཅང་གསལ་བོ་རེད། མི་མང་གི་སྣེ་ཁྲིད་ཡག་པོ་རེ་ཡོད་ན་ཤུ་རེ་གོ ད་དུས་ལ་བབ་འདུག་དཱ།
ངའི་བསམ་ན་འདི་སྲིད་དོན་ཚོགས་པ་མེད་པ་ཁོ་ནའི་སྐྱོན་ཞིག་ཏུ་མི་མཐོང་། འདི་ནི་རང་རེའི་སྤྱི་ཚོགས་ལ་དམངས་གཙོའི་གཞི་རྩ་ལེགས་པར་ཚུགས་མེད་པའི་མངོན་རྟགས་ཙམ་དུ་སྣང་། ང་ཚོར་སྲིད་དོན་ཚོགས་པ་མེད་པ་མ་རེད། འདོད་པ་ཡོད་ན་རྒྱལ་ཡོངས་དམངས་ཚོགས་པར་ཞུགས་ཆོག དེར་མ་འཛུལ་བ་དེར་ཡང་གནད་དོན་ཞིག་ཡོད། ལར་ནས་སྲིད་དོན་ཚོགས་པ་ཡོད་པ་ཙམ་གྱིས་རང་ངོས་ནས་འགྲོ་སོང་གཏོང་མི་དགོས་པ་ཞིག་ཀྱང་མིན། ཨ་རིའི་ཨོ་བྷ་མ་དང་ཧི་ལི་རི་སོགས་ཀྱི་འོས་ཤོག་འགྲན་རྩོད་སྐབས་ཀྱི་འགྲོ་སོང་ལ་གཅིག་གཟིགས་དང་།
ལུང་རིག་རྒྱལ་ལགས་ཏོག་ཙམ་སྒུག་དང་ཁང་གསར་རྡོ་རྗེ་སླེབས་རན་སྡོད་ཡོད་རེད།
མི་ཉག་སྐལ་བཟང་ལགས།
འོས་ཤོག་གཅིག་པོ་གལ་ཆེན་རེད། གལ་ཆེན་དོན་ཆེན་དེ་འཕྲོ་བརླག་ལ་མི་འགྲོ་བའི་ཆེད་དུ་སོ་སོ་ཡང་ལངས་དགོས་པ་རེད། འོས་ཤོག་འཕེན་ཡུལ་དེ་གཅིག་པུ་མདུན་དུ་ལངས་དགོས་པ་རེད། རྒྱབ་སྐྱོར་བྱེད་མཁན་ཚོ་ཁོའི་རྒྱབ་ནས་ལངས་དགོས་པ་རེད། རང་གི་འོས་ཤོག་དེར་རྒྱལ་ཁ་ཐོབ་དགོས་ན་སོ་སོ་ཡང་ལངས་དགོས་པ་རེད།
ཚང་མ་མཉམ་དུ་མ་ལངས་ན་མི་གཅིག་ལངས་ནས་དོན་གོ་ཆོད་གི་མ་རེད།
ངའི་བསམ་པར། ད་ནི་བློ་བཟང་སེང་གེ་ལ་རྒྱབ་སྐྱོར་ཡོད་མཁན་ཚོས་ཁོང་ལ་མཐུན་འགྱུར་གང་དགོས་སྐྲུན་དགོས་པར་འདོད།
དེ་བཞིན་དུ། བཀྲས་མཐོང་བསྟན་འཛིན་རྣམ་རྒྱལ་ལ་རྒྱབ་སྐྱོར་ཡོད་མཁན་དང་། རྒྱ་རི་སྒྲོལ་མ་ལ་རྒྱབ་སྐྱོར་ཡོད་མཁན་ཚོས་ཀྱང་སོ་སོའི་འོས་གཞི་དེར་རྒྱབ་སྐྱོར་ཙམ་དུ་མ་ཟད། རོགས་རམ་དང་ནུས་པ་ག་རེ་དགོས་ན་དེ་སྐྲུན་དགོས་པའི་ཚོད་རེད།
ང་ཚོའི་འོས་གཞི་དག་ལ་སྲིད་དོན་ཚོགས་པ་མེད་པའི་དབང་གིས་དཀའ་ངལ་ནི་ཏན་ཏན་ཡོད་པ་རེད་འདོད།
ཉེ་ལམ་ངས་བློ་བཟང་སེང་གེ་ལ། ཁྱོད་ལ་བཀའ་ཁྲིར་ལངས་སྐབས་ཀྱི་ལས་འགུལ་སྤེལ་རྒྱུའི་མ་དངུལ་ཐད་ནས་གང་འདྲ་ཡོད་དམ་ཅེས་དྲིས་པར། ཁོང་ལ་དམིགས་བསལ་གྱི་སྔོན་རྩིས་མ་དངུལ་དེ་འདྲ་མི་འདུག
ཡང་། ཁྱོད་ལ་རྒྱ་བལ་འབྲུག་གསུམ་གྱི་བོད་མིའི་གཞིས་ཆགས་སོ་སོ་ན་རང་གི་ཆེད་དུ་གཏམ་བཤད་གོ་སྒྲིག་བྱེད་མཁན་དང་། ཁྱེད་ཀྱི་ལངས་ཕྱོགས་དང་སྲིད་བྱུས་བརྒྱུད་བསྒྲགས་བྱེད་མཁན་གྱི་ཚོགས་པ་འདྲ་ཡོད་དམ་ཅེས་དྲིས་པར། དེ་ཡང་མེད་ཟེར་གི།
ངས་ཁོང་ཁེར་རྐྱང་རེད་ཟེར་དོན་ཡང་དེ་ཡིན། སྲིད་དོན་ཚོགས་པ་མེད་པའི་ཁར། ས་གནས་ཁག་ན་འབྲེལ་མཐུད་པའམ་ལས་དོན་གོ་སྒྲིག་བྱེད་མཁན་རེ་ཡང་མེད་པ་ནི་ཐབས་སྐྱོ་བོ་རེད་འདོད།
མང་ཚོགས་ཉལ་ནས་བསྡད། ཤེས་ཡོན་པ་ཚོས་ཁ་རྒྱག་པ་བཤད་ནས་འདུག་རྒྱུའི་ཚོད་མ་རེད་སྙམ།
སྲིད་དོན་ཚོགས་པ་དགོས་གལ་ཆེ་རུང་། ཐོབ་ཤོར་དང་རྒྱལ་ཕམ་ཟེར་བ་ནི་འོས་ཤོག་རྐང་གཅིག་ལ་རག་ལུས་པ་ཡིན་པས་འོས་ཤོག་རྐང་གཅིག་པོ་དེ་ནི་ཤིན་ཏུ་ནས་དགོས་གལ་ཆེ།
བཀུར་འོས་ལུང་རིགས་རྒྱལ་ལགས། ཁྱོད་ཀྱིས་རྒྱབ་སྐྱོར་ཡོད་ཟེར་མཁན་དག་གིས་ཀྱང་ཁ་གཡང་རེ་དང་འོས་ཤོག་རྐང་གཅིག་པོ་དེའི་ཕན་ནས་རྒྱབ་སྐྱོར་གྱི་མཛུབ་མོ་རྐང་གཅིག་ཡར་འགྱོག་གི་མ་རེད།
གལ་སྲིད་རྗེས་མ་ནས་བཀའ་ཁྲི་ལ་ངེས་པར་དུ་ལངས་དགོས་ན། ང་ཚོར་སྲིད་དོན་གྱི་ཚོགས་པ་དགོས་ཀྱི་འདུག དེ་མིན་བོད་མི་རིགས་ཀྱི་སྲིད་སྟེགས་མཐོ་ཤོས་དེར་ཁེར་རྒྱུག་དང་ཁེར་འདེད་བྱེད་པའི་རྣམ་པ་འདི་ནི་ཡིད་ཧ་ཅང་སྐྱོ་བ་ཞིག་རེད།ཞེས་བཤད་འདི་ངས་སེམས་སུ་རྟག་པར་དྲན་བཞིན་ཡོད་འདི་ང་ཚོའི་སྐྱོན་གནས་ཆེན་པོ་ཞིག་རེད། རྩོམ་འདི་ལ་ང་ཧ་ཅང་དགའ་བོ་བྱུང་ཐུགས་རྗེ་ཆེ།
བཀུར་འོས་རྩོམ་སྒྲིག་པ་མཆོག་ལ།
གཤམ་གྱི་ཚིག་གསར་གཉིས་པོར་འགྲེལ་པ་ཞིག་བསྐྱོན་རོགས། གི་སྒྲའི་སྐོར་ད་གླེང་འདོད་མེད།
གཉན་ཕྲེང་།
ཡིད་ཕྱུང་བ།
བློ་བཟང་སེང་གེ་འདིས་གླིང་ཚ་ཞང་འདན་མ་བྱང་ཁྲ་ནང་བཞིན་དང་པོར་མི་འཐེང་རྟ་འཐེང་ཁྱི་གསུམ་དུ་བརྫུས། དེ་ནས་མི་རྒོད་རྟ་རྒོད་ཁྱི་རྒོད་གསུམ་དུ་གྱུར། མཐའ་མར་ཧོར་ཤན་པའི་ཀླད་པ་དེ་དམར་སྒོར་རེར་བཀོག་ན་འདོད་ནི་མིན་ནམ། ངས་ཁོ་འགྲོ་རུ་བཅུག་ན་རྗེས་ལ་ལྟ་གིན་ཡོད། བཤད་དུ་བཅུག་ནས་ཁ་ལ་ལྟ་གིན་ཡོད།