རྒྱ་ནག་གི་ཟླ་བ་ནག་པོ།

ལས་བྱས་པ་ཆུད་མི་ཟ། མ་བྱས་པ་དང་མི་འཕྲད་ཅེས་པ་ནི་འདི་ལ་ཟེར་གྱི་ཡོད། ལུས་ཐོག་འདི་ནས་མགོ་ལ་གང་ཡོང་སྔ་མའི་བྱས་པ་རང་ལས་མི་འདའ་བ་དམ་པ་གོང་མ་རྣམས་ཀྱིས་ཡང་ཡང་གསུང་ཡོད་ཨང་།

དེ་ནི་རྒྱ་ནག་ཁོ་རང་ཚོས་བོད་མི་ཚོར་ཚད་ལས་འདས་པའི་སྡུག་སྦྱོང་བཏང་བའི་འབྲས་བུ་རེད

ཧ་བོ་སྙིང་རྗེ་རྒྱ་མི་མང་ནི་ང་ཚོ་དང་གཅིག་པ་རེད། རྒྱ་ནག་དབང་འཛིན་པའི་ལག་འོག་ཏུ་དཀའ་སྡུག་མྱོང་གི་ཡོད་པ་རེད། སྲིད་གཞུང་དེ་སྡུག་པོ་ཡིན་པ་རྒྱུ་མཚན་བྱས་ནས་ཁོང་ཚོར་མྱ་ངན་མི་ཞུ་རྒྱུ་དེ་ཡག་པོ་མ་རེད།

རྒྱ་ནག་གཞུང་གཅིག་བུ་པོ་མིན་པར་རྒྱ་མི་རིགས་ཡོངས་རྫོགས་ལ་འབྱུང་བཞིའི་གོད་ཆགས་འདི་ལས་བོད་མི་རིགས་ཀྱི་་ཡབ་མེས་ཚོས་མི་ལོ་སྟོང་ཕྲག་མང་པོ་རིང་ནས་སྲུང་སྐྱོབ་བྱས་པའི་མདོ་དབུས་མཐོ་སྒང་འདི་རྒྱ་ནག་དམར་པོ་སྲིད་གཞུང་གིས་ལོ་ངོ་ལྔ་བཅུའི་ནང་སླར་གསོ་བྲལ་བའི་གཏོར་སྐྱོན་ཆེན་པོ་བྱས་པའི་ཉེར་ལན་དུས་སུ་སྨིན་བཞིན་པའི་གནས་སྟངས་དངོས་ར་འཕྲོད་གསལ་ཐང་བྱས་པ་འདིས། རྒྱ་མི་རིགས་ལ་བོད་ཀྱི་ཁོར་ཡུག་སྐོར་གོ་རྟོགས་་གསར་པ་ཞིག་རྙེད་རྒྱུར་ཕན་ཐོགས་སྔར་ལས་ལྷག་པ་ཞིག་འབྱུང་ངེས།

ས་ཆུ་མེ་རླུང་འབྱུང་བའི་བར་ཆད་ཀྱིས། །
སྒྱུ་ལུས་ཉེན་ཅིང་འཇིགས་པའི་དུས་བྱུང་ཚེ། །
ཡིད་གཉིས་ཐེ་ཚོམ་མེད་པར་གསོལ་བ་འདེབ། །
ཨོ་རྒྱན་འབྱུང་བ་བཞི་ཡི་ལྷ་མོར་བཅས། །
འབྱུང་བ་རང་སར་ཞི་བར་ཐེ་ཚོམ་མེད། །

གོ་ཐོས་ལ་རྒྱ་ནག་ཡུལ་མི་ཚོས་རྒྱ་ནག་ལ་ཆུ་ལོག་གིས་མཚོན་པའི་གོད་ཆག་བྱུང་ཚད་ཏཱ་ལའི་བླ་མས་མཐུ་བཏང་བར་ངོས་འཛིན་བྱེད་བཞིན་ཡོད་པ་རེད་ཟེར། དེ་ནི་ངོ་མས་དགོ་བྲོ་བོ་ཞིག་མ་རེད་དམ། དོན་དག་འདི་དག་གི་བྱུང་རྐྱེན་ཡོད་ཚད་ཡང་ཏཱ་ལའི་བླ་མ་རེད་ཟེར་ཀི་ཡོད་ཚོད་ཡིན། ཨ། ངོ་མ་ཡུལ་མི་ཞིང་གྲོང་དཀྱིས་མ་རྣམས་རྒྱ་ནག་གཞུང་གི་རྩེད་སྤྱད་ཙམ་རེད་ཡ། སྙིང་རྗེ་བ་ཞིག་འདུག

མི་ཉམས་ཆུང་ཚོ་ཆུ་ལོག་གི་གནོད་ཚེའི་འོག་ཏུ་དཀའ་ངལ་སྣ་ཚོགས་འཕྲད་པར་སྙིང་རྗེ་བྱེད་དགོས་ངེས་རེད། འོན་ཀྱང་རྒྱ་ནག་གཞུང་གིས་ངེས་པར་དུ་ཤེས་དགོས་པ་ཞིག་ལ་བོད་ཀྱི་ས་ཁུལ་གང་སར་གཏེར་ཁ་བསྔོགས་འདོན་བྱས་ཏེ་བོད་མི་མང་ལ་གྱོང་གུད་སྣ་ཚོགས་བཟོས་པའི་ལས་འབྲས་སྨིན་འགོ་ཚུགས་པ་དེ་ཤེས་པ་བྱེད་དགོས
ངེས་རེད།

རྒྱ་ནག་གི་ཟླ་ནག་མ་རེད། རྒྱ་ནག་གི་ལོ་ནག་རེད། གང་ཡིན་ཟེར་ན་ད་ལོའི་ལོ་འགོ་ནས་བཟུང་མི་མང་གི་གླ་ཆ་རྩོད་རྙོག་དང་རང་ཤི་རྒྱབ་པ། གངས་རླུང་གི་གནོད་པ་དང་ཐན་པ་གོད་ཆགས་ཀྱི་རྒྱུན་འཐུད་ནས་དེང་སང་གི་ཆར་སྐྱོན་ཆེན་པོ་ནས་ལོ་འཇུག་ལའང་འབྱུང་བཞིའི་གོད་ཆགས་སད་སེར་དང་། མི་མང་གི་ངོ་རྒོད་རྔམས་སྟོན་སོགས་ཀྱི་གཉིས་སྟོང་བཅུ་ལོ་དེ་གནོད་སྐྱོན་རྐྱང་རྐྱང་གིས་སྐྱེལ་མ་བྱ་རྒྱུ་རེད།