ཕར་བསྐྱལ་ལ་ཉེ་བའི་ཕྱི་ཟླ་ ༧ པ་ཧྲིལ་བོར་རྒྱ་ནག་གི་ལྷོ་ཕྱོགས་ས་ཁུལ་ཁག་ཏུ་དྲག་ཆར་བསྟུད་མར་བབས་ཏེ། གྲོང་ཁྱེར་ཆེ་གྲས་ཊེ་ཅང་དང་ཨན་ཧུའེ། ཧྥུ་ཅན། ཅང་ཞི། ཧུའུ་པེ། ཧུའུ་ནན། ཁྲུང་ཆིན། སི་ཁྲོན། ཀོས་ཀྲུག་སོགས་ཀྱི་ཞིང་ཆེན་བཅུ་གྲངས་ཤིག་ཏུ། ཆུ་ལོག་རྒྱུགས་པ་དང་རི་ཉིལ་བ། ལམ་དང་ཟམ་ཆད་པ། ཞིང་ཁར་ཆུ་ལོག་བརྒྱུགས་པ ཁང་པ་བརྡིབས་པ་སོགས་གནོད་སྐྱོན་ཚབས་ཆེན་ཐེབས་ཡོད་འདུག དེ་བཞིན་རྒྱ་ནག་གི་ནུབ་རྒྱུད་དུ་ཆར་ཞོལ་ཆེ་དྲགས་པའི་རྐྱེན་གྱིས་ཤར་ཕྱོགས་སུ་རྒྱུག་བཞིན་པའི་གཙང་བོ་རྣམས་རྒྱས་ཏེ། རྒྱ་ནག་གིས་བཀག་བསྐྱིལ་བྱས་ཡོད་པའི་ཆུ་མཛོད་དག་གི་རགས་ཁ་ཤོར་རྒྱུའི་ཉེན་ཁ་ཆགས་ཡོད་འདུག་ཅིང་། སྲིད་འཛིན་ཧུའུ་ཅིན་ཐའོ་དང་སྲིད་བློན་ཝོན་ཅ་པའོ་གཉིས་ཆུ་ལོག་ཚབས་ཆེ་བའི་ས་ཁུལ་དག་ལ་དངོས་སུ་ཕྱིན་ཏེ། གནོད་འགོག་གི་བྱ་བར་བཀོལ་འདོམ་བྱེད་ཀྱིན་ཡོད་འདུག
རྒྱ་ནག་རྒྱལ་ཁབ་ཆུ་ལོག་དང་ཐན་འགོག་གཞུང་སྒྲུབ་ཁང་གིས་སྡོམ་རྩིས་བྱས་པ་ལྟར་ན། ཕྱི་ཟླ་བདུན་པ་ཧྲིལ་བོར་རྒྱ་ནག་རྒྱལ་ཡོངས་ཀྱི་ཞང་ཆེན་དང་རང་སྐྱོང་ལྗོངས། གྲོང་ཁྱེར་སོགས་ས་ཁུལ་ ༢༨ ཙམ་ལ་ཆུ་ལོག་གི་གནོད་འཚེ་ཐེབས་ཏེ། ཁྱོན་སྡོམ་མི་ ༨༢༣ འདས་གྲོངས་དང་མི་ ༤༣༧ བོར་བརླག ཁང་པ་འབུམ་དྲུག་ ༦༠༠༠༠ ལྷག་བརྡིབས་ཡོད་འདུག གཞན་མི་དུང་ཕྱུར་ ༡ ལྷག་དང་ལོ་ཏོག་སྤྱི་རྒྱ་ ༧༨༧༤ ཙམ་ལ་གནོད་པ་ཐེབས་ཡོད་ཅིང་། ཟླ་འདིའི་རིང་གི་དྲག་ཆར་གྱི་གྱོང་གུད་སྡོམ་རྩིས་བྱས་ན། རྒྱ་སྒོར་དུང་ཕྱིར་སྟོང་ ༡༥༤༡ ལྷག་ཟིན་ཡོད་པ་དང་། ཕྱི་ལོ་ ༢༠༠༠ ནས་ ༢༠༡༠ བར་གྱི་ལོ་བཅུའི་ནང་ཚུད་དུ་དྲག་ཆར་གྱི་གྱོང་གུད་ཆེ་ཤོས་དེ་ཆགས་ཡོད་པ་མ་ཟད། རང་བྱུང་འབྱུང་བའི་གནོད་འཚེ་སྤྱི་ཡོངས་ཀྱི་གྱོང་གུད་ཚབས་ཆེ་ཤོས་དེ་ཡང་ཆགས་ཡོད་འདུག
གསར་འགོད་པ། དོན་འགྲུབ་བཀྲ་ཤིས།
ལས་བྱས་པ་ཆུད་མི་ཟ། མ་བྱས་པ་དང་མི་འཕྲད་ཅེས་པ་ནི་འདི་ལ་ཟེར་གྱི་ཡོད། ལུས་ཐོག་འདི་ནས་མགོ་ལ་གང་ཡོང་སྔ་མའི་བྱས་པ་རང་ལས་མི་འདའ་བ་དམ་པ་གོང་མ་རྣམས་ཀྱིས་ཡང་ཡང་གསུང་ཡོད་ཨང་།
མཐོ་སྒང་གི་ཡུལ་ལྗོང་ལ་གནོད་སྐྱོན་བཏང་ན་དེ་ལས་ཡོང་རྒྱུ་ཡོད་མ་རེད།མི་སེར་ཚོས་དེ་ཡི་རྒྱུ་རྐྱེན་མཐོང་ན་ཡག་པོ་རེད།
དེ་ནི་རྒྱ་ནག་ཁོ་རང་ཚོས་བོད་མི་ཚོར་ཚད་ལས་འདས་པའི་སྡུག་སྦྱོང་བཏང་བའི་འབྲས་བུ་རེད
བོད་མིར་ཚོས་རྒྱ་མིར་མནར་གཅོད་གཏང་ན་རྒྱ་མི་མང་གིས་སྙིང་རྗེ་ཟེར་བའི་ཚབ་ཏུ་ཁོང་ཁྲོ་བྱེད་མོད། བོད་ཕྲུག་སྐྱག་ཟན་ཁྱེད་ཚོ་དགྲ་ལ་སྙིང་རྗེ་དང་རང་གཞུང་ཁ་རྐྱང་རྐྱང་གཏང་ནས་སྡོད་ཨང་། མི་རབས་གསར་བ་འདི་རེད་དམ།
ཧ་བོ་སྙིང་རྗེ་རྒྱ་མི་མང་ནི་ང་ཚོ་དང་གཅིག་པ་རེད། རྒྱ་ནག་དབང་འཛིན་པའི་ལག་འོག་ཏུ་དཀའ་སྡུག་མྱོང་གི་ཡོད་པ་རེད། སྲིད་གཞུང་དེ་སྡུག་པོ་ཡིན་པ་རྒྱུ་མཚན་བྱས་ནས་ཁོང་ཚོར་མྱ་ངན་མི་ཞུ་རྒྱུ་དེ་ཡག་པོ་མ་རེད།
སེམས་ཅན་མི་བསྲུན་གང་ཞིག་གིས།
བདག་ལ་ཇི་སྲིད་གནོད་བྱས་ཀྱང་།
བསམ་ངན་སྦྱོར་བ་མ་ཡིན་པར།
སླར་ཡང་དེ་ལ་ཕན་ཐོག་ཤོག
རྒྱ་ནག་གཞུང་འདི་ཇི་འདྲའི་གདུག་རྩུབ་ཆེ་ཡང་། འབྱུང་བའི་འཇིགས་པ་ལ་དྲག་གནོད་བྱེད་ཐབས་མེད་ལ་བསླུ་བྲིད་བྱེད་ཐབས་ཀྱང་མེད། བྱེད་ཐུབ་པ་གཅིག་རང་ཡོད་པ་ནི་བོད་ཀྱི་ཡབ་མེས་ཚོས་ལུས་སྲོལ་ལྟར་རི་བརྒྱ་ཀླུང་བརྒྱ་བསྡོམ་རྒྱུ་དེ་རེད། བྱ་ངན་གཞུང་གིས་བྱས། རྐྱེན་ངན་དམངས་ལ་འཕྲད། འདི་ལས་རྒྱུ་འབྲས་མིན་པའི་ལས་རྒྱུ་འབྲས་ཤིག་རེད།
རྒྱ་ནག་གཞུང་གཅིག་བུ་པོ་མིན་པར་རྒྱ་མི་རིགས་ཡོངས་རྫོགས་ལ་འབྱུང་བཞིའི་གོད་ཆགས་འདི་ལས་བོད་མི་རིགས་ཀྱི་་ཡབ་མེས་ཚོས་མི་ལོ་སྟོང་ཕྲག་མང་པོ་རིང་ནས་སྲུང་སྐྱོབ་བྱས་པའི་མདོ་དབུས་མཐོ་སྒང་འདི་རྒྱ་ནག་དམར་པོ་སྲིད་གཞུང་གིས་ལོ་ངོ་ལྔ་བཅུའི་ནང་སླར་གསོ་བྲལ་བའི་གཏོར་སྐྱོན་ཆེན་པོ་བྱས་པའི་ཉེར་ལན་དུས་སུ་སྨིན་བཞིན་པའི་གནས་སྟངས་དངོས་ར་འཕྲོད་གསལ་ཐང་བྱས་པ་འདིས། རྒྱ་མི་རིགས་ལ་བོད་ཀྱི་ཁོར་ཡུག་སྐོར་གོ་རྟོགས་་གསར་པ་ཞིག་རྙེད་རྒྱུར་ཕན་ཐོགས་སྔར་ལས་ལྷག་པ་ཞིག་འབྱུང་ངེས།
མ་སུ་རིའི་བུ་མོ། ཀྱང་རྒྱ་ནག་གཞུང་གིས་བོད་ཀྱི་ས་ཁུལ་གང་སར་གཏེར་ཁ་བསྔོགས་འདོན་བྱས་ཏེ་བོད་མི་མང་ལ་གྱོང་གུད་སྣ་ཚོགས་བཟོས་པའི་ལས་འབྲས་སྨིན་དགོས་ན་རྒྱ་གཞུང་ལ་མི་སྨིན་པར། མི་མངས་ཉམས་ཆུང་ཚོ་ལ་སྨིན་ནས་ཆུ་ལོག་གི་འོག་ཏུ་དཀའ་ངལ་སྣ་ཚོགས་འཕྲད་དོན་འདི་ཅི་རེད།
ངས་བལྟས་ན་ལས་འབྲས་ཞེས་སྨྲ་ན་མི་འགྲིགས་པ་འདྲ།
ས་ཆུ་མེ་རླུང་འབྱུང་བའི་བར་ཆད་ཀྱིས། །
སྒྱུ་ལུས་ཉེན་ཅིང་འཇིགས་པའི་དུས་བྱུང་ཚེ། །
ཡིད་གཉིས་ཐེ་ཚོམ་མེད་པར་གསོལ་བ་འདེབ། །
ཨོ་རྒྱན་འབྱུང་བ་བཞི་ཡི་ལྷ་མོར་བཅས། །
འབྱུང་བ་རང་སར་ཞི་བར་ཐེ་ཚོམ་མེད། །
རྒྱ་ནག་ད་རྒྱ་ནག་རེད་དེ། ཕ་ཀི་སི་ཐན་ས་ཆུ་གཉིས་ཀྱི་འོག་ལ་དྲངས་འགྲོ་གིན་འདུག
གོ་ཐོས་ལ་རྒྱ་ནག་ཡུལ་མི་ཚོས་རྒྱ་ནག་ལ་ཆུ་ལོག་གིས་མཚོན་པའི་གོད་ཆག་བྱུང་ཚད་ཏཱ་ལའི་བླ་མས་མཐུ་བཏང་བར་ངོས་འཛིན་བྱེད་བཞིན་ཡོད་པ་རེད་ཟེར། དེ་ནི་ངོ་མས་དགོ་བྲོ་བོ་ཞིག་མ་རེད་དམ། དོན་དག་འདི་དག་གི་བྱུང་རྐྱེན་ཡོད་ཚད་ཡང་ཏཱ་ལའི་བླ་མ་རེད་ཟེར་ཀི་ཡོད་ཚོད་ཡིན། ཨ། ངོ་མ་ཡུལ་མི་ཞིང་གྲོང་དཀྱིས་མ་རྣམས་རྒྱ་ནག་གཞུང་གི་རྩེད་སྤྱད་ཙམ་རེད་ཡ། སྙིང་རྗེ་བ་ཞིག་འདུག
ཞག་ནག་ཟླ་ནག་ལོ་ནག་དུས་ནག་རྒྱུན་ཆད་ཤོག །
མི་ཉམས་ཆུང་ཚོ་ཆུ་ལོག་གི་གནོད་ཚེའི་འོག་ཏུ་དཀའ་ངལ་སྣ་ཚོགས་འཕྲད་པར་སྙིང་རྗེ་བྱེད་དགོས་ངེས་རེད། འོན་ཀྱང་རྒྱ་ནག་གཞུང་གིས་ངེས་པར་དུ་ཤེས་དགོས་པ་ཞིག་ལ་བོད་ཀྱི་ས་ཁུལ་གང་སར་གཏེར་ཁ་བསྔོགས་འདོན་བྱས་ཏེ་བོད་མི་མང་ལ་གྱོང་གུད་སྣ་ཚོགས་བཟོས་པའི་ལས་འབྲས་སྨིན་འགོ་ཚུགས་པ་དེ་ཤེས་པ་བྱེད་དགོས
ངེས་རེད།
ལོས་ཡིན་བོད་ཀྱི་ལྷ་སྲིན་སྡེ་བརྒྱད་ལ་མཐུ་བཙན་ནི་རེད་ཡ། གཟབ་གཟབ་མ་བྱས་ན་གྲོང་ཁྱེར་གྲོང་ཁྱེར་བཅེས་ཆུས་ཁུར་སྲིད།
རྒྱ་ནག་གི་ཟླ་ནག་མ་རེད། རྒྱ་ནག་གི་ལོ་ནག་རེད། གང་ཡིན་ཟེར་ན་ད་ལོའི་ལོ་འགོ་ནས་བཟུང་མི་མང་གི་གླ་ཆ་རྩོད་རྙོག་དང་རང་ཤི་རྒྱབ་པ། གངས་རླུང་གི་གནོད་པ་དང་ཐན་པ་གོད་ཆགས་ཀྱི་རྒྱུན་འཐུད་ནས་དེང་སང་གི་ཆར་སྐྱོན་ཆེན་པོ་ནས་ལོ་འཇུག་ལའང་འབྱུང་བཞིའི་གོད་ཆགས་སད་སེར་དང་། མི་མང་གི་ངོ་རྒོད་རྔམས་སྟོན་སོགས་ཀྱི་གཉིས་སྟོང་བཅུ་ལོ་དེ་གནོད་སྐྱོན་རྐྱང་རྐྱང་གིས་སྐྱེལ་མ་བྱ་རྒྱུ་རེད།