འབྲུག་ཆུ་རྫོང་དུ་མི་ ༡༡༡༧ ཤི་འདུག

ཆུ་ལོག་གིས་བསད་ཟིན་པ་རྣམས་ལ་སྨོན་ལམ་དང་ཤུལ་ལུས་རྣམས་ལ་སེམས་གསོ་དང་གདུང་སེམས་མཉམ་སྐྱེད་ཡོད།

ས་གནས་མང་ཚོགས་ཀྱིས་བརྗོད་པ་ལྟར་ན་མི་ཤི་གྲངས་ ༤༠༠༠ ལྷག་བརྒལ་ཡོད་པ་དང་། ཐེངས་འདིའི་གནོད་འཚེ་ཁྲོད་འབྲུག་ཆུ་རྫོང་མཁར་གྲོང་སློབ་ཆུང་དང་པོར་གནོད་སྐྱོད་ཐེབས་ཡོད་འདུག ཡུལ་འདིར་སྔོན་ཆད་ཤིང་ནགས་ཀྱིས་ཁེབས་ཡོད་ལ། རྗེས་སུ་རྒྱ་གཞུང་གིས་གྲོང་སྒྱུར་འཛུགས་བསྐྲུན་གྱི་ལས་གཞི་སྣ་ཚོགས་པའི་རྐྱེན་གྱིས་ཤིང་ནགས་ཕོན་ཆེན་པོ་གཏུབ་འབྲེགས་བྱས་སོང་སྐད། རང་བྱུང་ས་རྒྱུ་ལ་གནོད་སྐྱོན་ཚབ་ཆེན་ཐེབས་ཏེ་ཆུ་ལོག་ས་རུད་ཀྱི་གནོད་འཚེ་འབྱུང་ཉེན་ཁར་བཅར་ཡོད་པ་དང་། དེ་བཞིན་ཕྱི་ལོ་ ༢༠༠༢ ལོར་རྒྱ་ནག་གི་ས་གཤིས་ཞིབ་འཇུག་པས་རྟོག་ཞིབ་བརྒྱུད་ཡུལ་དེ་ས་གཤིས་ཉམས་ཆགས་སུ་གྱུར་བའི་རྐྱེན་གྱིས་ཡུལ་གཞན་དུ་གནས་སྤོ་དགོས་ཚུལ་ཞིབ་འཇུག་སྙན་ཐོའི་ནང་བཏོན་ཡོད་འདུག གཞན་ཡང་། ད་དུང་ཡུལ་ཕྱོགས་དེར་མུ་མཐུད་ནས་ཆར་ཞོད་ཆེན་པོ་བརྒྱག་རྒྱུ་ཡིན་པ་དང་། མུ་མཐུད་ས་རུད་འབྱུང་ཉེན་ཡོད་སྐོར་དཔྱད་བརྗོད་པ་དག་གིས་བརྗོད་འདུག

འབྲུག་ཆུ་རྫོང་ཐོག་རང་མི་འབོར་ཁྲི་བཞི་ལྷག་ཡོད་པའི་གནས་ཚུལ་འདུག་ལ་དེའི་ནང་ནས་མི་ཁྲི་གཉིས་ཙམ་ལ་གནོད་སྐྱོན་ཐེབས་འདུག་པའི་ཚོད་དཔག་བོད་ནང་དུ་བྱེད་བཞིན་འདུག

མངོན་པར་དགའ་བའི་ཞིང་ཁམས་སུ། །རྫོགས་པའི་སངས་རྒྱས་མི་འཁྲུགས་བཞུགས། །ངན་སོང་སྦྱངས་བའི་འཁྲུངས་ས་ཡི། །ཞིང་མཆོག་དེ་ན་སྐྱེ་བར་ཤོག །

གཡ་ལོ་བཀོད་པའི་ཞིང་ཁམས་སུ། །རྗེགབཙུན་འཕགས་མ་སྒྲོལ་མ་བཞུགས། །ཆགས་སྡང་སྤངས་པའི་འཁྲུངས་ས་ཡི། །ཞིང་མཆོག་དེ་ན་སྐྱེ་བར་ཤོག །

ཤངས་མདོགས་དཔལ་གྱི་རི་བོ་ལ། །གུ་རུ་པདྨ་འབྱང་གནས་བཞུགས། །སྐྱེ་འཆི་སྤངས་པའི་འཁྲུངས་ས་ཡི། །ཞིང་མཆོག་དེ་ན་སྐྱེ་བར་ཤོག །

པདྨ་འདམ་གྱིས་མའགོས་པར། །སྲིད་གསུམ་དྲི་མས་མ་འགོས་ཤིང་། །སྲིད་པའི་པདྨོ་ལས་སྒྲོལ་མ། །བདེ་བ་ཅན་དུ་སྐྱེ་བར་ཤོག །

བདེ་བ་ཅན་གྱི་ཞིང་ཁམས་སུ། །སངས་རྒྱས་འོད་དཔག་མེད་པ་བཞུགས། །སྣང་བ་མཐའ་ཡས་འཁྲུངས་ས་ཡ། །ཞིང་མཆོག་དེ་ན་སྐྱེ་བར་ཤོག །

རི་བོ་ཏྭ་ལའི་ཞིང་ཁམས་སུ། །ཡི་དམ་ཐུགས་རྗེ་ཆེན་པོ་བཞུགས། །སྙིང་རྗེ་ཅན་གྱི་འཁྲུངས་ས་ཡི། །ཞིང་མཆོག་དེ་ན་སྐྱེ་བར་ཤོག །ཨོཾ་མ་ཎི་དཝཔདྨེ་ཧུཾ།

དགེ་བ་འདི་ཡིས་ཚེ་འདས་དག །སྤྱན་རས་གཟིགས་དབང་འགྲུབ་གྱུར་ཅིག །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །

མི་ཡུལ་དམྱལ་ཡུལ་རེད་ལ། བོད་པ་ལས་ངན་ཡང་རེད། མ་ཎྀ་རེད་་་་་་