བཀའ་སྤྱི་གླེང་བ།

བོད་པ་ལགས། སྤྱི་འཐུས་ནི་མི་མང་གི་སྐུ་ཚབ་ཡིན་པ་ངས་ཀྱང་ལོས་ཤེས། ཡིན་ནའང་ཆོས་རྒྱུད་ཁག་གི་སྤྱི་འཐུས་ཀྱི་གྲྭ་མང་ཚབ་མཚོན་ཐུབ་ཀྱི་མི་སྙམ། ཁོང་ཚོས་གྲ་ཚང་གི་དཀའ་ངལ་ལམ་གྲྭ་མང་གང་ཡང་སེལ་ཐབས་བྱེད་མྱོང་མེད། ཁོང་ཚོ་སྤྱི་འཐུས་ཀྱི་འོས་འདེམས་སྔོན་དེ་མ་ཐག་ལ་གྲྭ་སར་ཡོང་ནས་གཏོང་སྒོ་རེ་རེ་གཏོང་གི་ཡོད་ཁྱེད་ཀྱི་ཤེས་སོང་ངམ།
ཁྱེད་ཀྱི་གཏམ་དེ། མགོ་ག་རི་བྱས་སོང་ངམ་ཞེས་པའི་ལན་དུ་རྐུབ་ལུག་གིས་བརྡུང་བྱུང་ཞེས་པའི་དཔེ་ལྟར་སོང་མི་འདུག་གམ་གམ་གམ།ཧ་ཧ་ཧ་ཧ་ཧ།

བོད་པ་ལགས། བོད་གཞུང་ཆོས་དོན་ལྷན་ཁང་ཡོད་བཞིན་དུ་དམིགས་བསལ་ཆོས་ལུགས་ཀྱི་སྤྱི་འཐུས་ཤིག་ཟུར་དུ་དགོས་གལ་ཅི་ཡང་མི་འདུག་སྙམ། གལ་ཏེ་ཆོས་ལུགས་ཀྱི་སྤྱི་འཐུས་ཤིག་ཡོད་ན་སངས་རྒྱས་ཀྱི་བསྟན་པ་དར་ཞིང་རྒྱས་ནས་ཡུན་རིང་དུ་གནས་ཐུབ་པ་དང་། དེ་མེད་ན་དེ་ལྟར་གནས་མི་ཐུབ་ཨེ་ཡིན། ཡང་ན་ཆོས་དོན་ལྷན་ནས་ཚང་མར་སྟངས་འཛིན་མི་བྱེད་ཐུབ་པ་རེད་དམ། ན་ནིང་ཆོས་རྒྱུད་ཁག་གི་སྤྱི་འཐུས་རྣམ་པར་ལྟོས་དང། ཆོས་འདྲིས་ཆོས་ཀྱི་མ་ཐུལ། མར་ལྐོག་མར་གྱི་མ་ཐུལ་ཞེས་པའི་དཔེ་ལྟར་ཆོས་ལུགས་ཀྱི་ཞབས་སྟེགས་སྟེང་ལ་བཞུགས་པའི་ཆོས་རྒྱུད་ཁག་གི་སྤྱི་འཐུས་རྣམ་པས་ངུར་སྨྲིག་གོས་བཟང་གི་འོག་ནས་ཉོན་མོངས་དུག་གསུམ་གྱི་ཀུན་ནས་བསླངས་ཏེ་ཆགས་སྟངས་རགས་པའི་གཞན་དབང་དུ་སོང་ནས་སྒོ་གསུམ་གྱི་སྤྱོད་པ་ཁྱིམ་པ་ལས་ཆེས་ཞན་པ་སྟོན་མཁན་གྱི་སྤྱི་འཐུས་དེ་ཚོས་ཆོས་ལུགས་རྨ་འབྱིན་པ་མ་ཟད་གྲྭ་མང་གི་མཚན་སྙན་ལའང་སྤྱི་ཚོགས་སྟེང་མཐོང་སྣང་ངན་པ་ཞིག་བཟོ་ཡི་ཡོད་པས། དེ་ཚོ་ཡོད་པ་ལས་མེད་ན་དགའ་སྙམ་སྙམ་སྙམ།

ད་རྙོགས་འཛིང་གི་ཁྲོད་དུ་ལྷུངས་བ་ཞིག་བསྐྱར་དུ་འོས་མིར་སྟོན་པ་ནི་ཕྱོགས་རིས་་ནད་ཀྱིས་ཟིན་པའི་མི་སྣ་རེ་ཟུང་གིས་ཚོགས་པ་ཁག་གི་མིང་པེད་སྤྱོད་བྱས་ནས་མི་དམངས་ཀྱིས་མངོན་འདོད་ཡིན་ཁུལ་བྱས་ཁོ་ན་རེ་ཨང་།

གསུངས་བཤད་གནངས་མཁན་ཚོར་ཐུགས་རྗེ་ཆེ་ལགས།
མ་འོང་པའི་བཀའ་ཁྲི་ནི་ངེས་པར་དུ་གཞོན་ཞིག་སླེབས་དགོས་པ་ནི་བོད་ཀྱི་རྩ་དོན་ཆགས་ཡོད། གོང་ས་མཆོག་དང་ཟམ་གདོང་རིན་པོ་ཆེ་སོགས་སློབ་སྟོན་པ་རྣམས་འཚོ་བཞུགས་སྐབས་ངེས་པར་དུ་གཞོན་སྐྱེས་རྣམས་ཀྱིས་འགན་ཁུར་ལེན་དགོས་པ་ཡིན། གོང་ས་མཆོག་གི་དགོངས་དོན་ཡང་དེ་བཞིན་ཡིན་པ་ནི་བཀའ་སློབ་ལས་ཤེས་ཐུབ།
རྒྱ་མི་ངོས་ནས་བཤད་བཞིན་པ་དང་རེ་བ་ནི་གོང་ས་མཆོག་གཙོ་པའི་བོད་མི་རྒན་པརྣམས་ཀྱི་རྗེས་སུ་མི་རབས་གསར་པ་རྣམས་ཀྱིས་བོད་དོན་འགན་ཁུར་མི་ཐུབ་པ་རརྩིས་རྒྱག་བཞིན་ཡོད་རྒྱུ་མཚན་དེས་ན་ད་ལྟ་ནས་གཞོན་སྐྱེས་རྣམས་ལ་གོ་སྐབས་གནངས་དགོན་པ་ནི་བོད་ཀྱི་རྩ་དོ་ཡིན།

གཞོན་སྐྱེས་ལ་གཞོན་སྐྱེས་ཀྱི་བསམ་བློ་དང་སེམས་ཁམས་ལོགས་སུ་ཡོད་དགོས་པ་དེ་གཅིག་རེད། གཉིས་ཐད་ནས། གཞོན་སྐྱེས་ཚོར་གཞོན་སྐྱེས་ཚོའི་ཚོར་སྣང་ཞིག་ཡོད་དགོས་པ་དེའི་སྟེང་ནས་བལྟས་པ་ཡིན་ན། གཟོད་ང་ཚོས་གོམ་སྟབས་ཤིག་དང་། གོམ་སྒྲ་ཞིག་གི་སྣེ་མཐོང་གི་རེད། ཡིན་ནའང་། ད་ལྟའི་ང་ཚོར་མཚོན་ན། དེ་ནི་ཐག་རིང་ཞིག་ཏུ་ཡོད་སྣང་འཆར། གང་གིས་ན། བཤད་པའི་སྐབས་ན་ཐག་ཉེ་ཐག་ཉེ་ཞིག་ནས་གླེང་གིན་གླེང་གིན་ལ། དོན་དངོས་ཀྱི་ཆ་ནས་བཤད་པ་དང་དོན་དངོས་གཉིས་དེ་ཐག་རིང་ཐག་རིང་ཞིག་ཆགས་འགྲོ་བ་འདི་བཅོས་དགོས་པའི་ནད་ཅིག་རེད་སྙམ་དུ་འདོད།

ཞར་ལ་ཞུ་རྒྱུ་གཅིག་ཡོད། ད་ལྟའི་གསར་འགྱུར་འདི་འགོད་པ་པོས། བསྟན་འཛིན་བརྩོན་(འགྲུས་)ལ་(འགྲོས)་ཞེས་དང་། ཆོས་(བརྒྱུད)་སྤྱི་འཐུས་ལ་ཆོས་(རྒྱལ)་སྤྱི་འཐུས་ཞེས་ཨ་ནན་ཨུ་ཚུགས་ཀྱིས་བྲིས་ཡོང་སྟངས་འདི་ལྟ་བུ་ནི་བཅོས་དགོས་སུ་མཐོང་། མ་གཞི་བྱས་ན། དུས་བབ་ཀྱི་ཡིག་ནོར་ལ་འབོད་སྐུལ་གྱི་རེ་ཐག་ཆད་ནས་ཡོད་དེ། ད་ནི་མིང་གི་དག་ཆ་ཚུན་ནས་ནོར་ནས་བྲིས་ཡོང་སྐབས་སུ། ཞུ་སྐུལ་ཞིག་ཐལ་ལོ།། དགོངས་སུ་གསོལ་ལོ།།

བོན་རྒྱལ་དང་བསྟན་འཛིན་བརྩོན་འགྲུས་གཉིས་ཀྱིས་རང་འཚམས་སྟོན་གྱི་འདུག་ཁོང་རང་གཉིས་ཆབ་སྲིད་རྒྱུས་ལོན་ཞེ་པོ་ཡོད་མདོག་སྟོན་ཡང་དོན་ངོ་མ་ཐོག་ནས་ཁོང་རང་གཉིས་རྒྱལ་སྒྲོན་གྱི་གཏམ་སྙན་གྱི་གཡོ་སྒྱུར་འོག་བསླུས་ཚ་མི་འདུག་གམ། བོན་རྒྱལ་ཁོང་རང་མི་ཆེན་ཞིག་གིས་ཁ་ལོ་བསྒྱུར་ནས་ཁྱེད་ཀྱི་ཆོས་བརྒྱུད་སྤྱི་འཐུས་མི་དགོས་ལབ་ཐུབ་ན་དགེ་མཚན་ཡོད་ལུགས་ཀྱི་ཁོང་ལ་ཡང་བསླུ་ཚིགས་ཤིག་རག་ཡོད་ངེས་དེ་ནས་ཁོང་འགྲོག་མགོ་རྩམས་སོང་།