༡༽ བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེས་བོད་གཞུང་མང་རྒྱལ་ཡོངས་ཚོགས་ཆེན་ཐོག་བོད་ཀྱི་མི་འབོར་དེ། ལོ་རྒྱུས་ཐོག་དུས་ནམ་ཡང་ས་ཡ་དྲུག་ལས་བརྒལ་མྱོང་མེད་པ་ཞིག་རེད་ཅེས་ཚིག་ཐག་ཆོད་པོས་གསུངས་འདུགའདི་ནི་དཔྱད་པར་བྱ་བའི་གཞི་སྟེ། སྔོན་ཆོས་རྒྱལ་མེས་དབོན་རྣམ་གསུམ་གྱི་སྐབས་སུ། ད་ལྟ་རྒྱ་གར་ཁོངས་སུ་ཡོད་པའི་ལ་དྭགས་དང་མ་ན་ལི། ཁུ་ནུ། གར་ཤ། སྤི་ཏི། མོན་རྟ་དབང་སོགས་བོད་ཁོངས་ཡིན་ལ་དེ་ཁུལ་གྱི་མི་རྣམས་ཀྱང་བོད་རིགས་ཡིན་ཞིང་། དེ་བཞིན་དེང་སྐབས་བལ་ཡུལ་གྱི་ཁོངས་གཏོགས་ཡིན་པའི་རྟ་མང་དང་ཤར་པ། གློ་སྨོན་ཐང་སོགས་ཀྱང་བོད་ས་ཡིན་པ་གང་ཞིག་དེར་གནས་པའི་སྐྱེ་བོ་རྣམས་ཀྱི་རིགས་ཀྱང་བོད་རིགས་ཡིན། དེ་མིན་དེང་གི་འབྲས་ལྗོངས་དང་འབྲུག་ཀྱང་གནའ་སྔ་མོ་བོད་ཁོངས་ཡིན་པ་བཤད་མི་དགོས། ཤར་རྒྱ་ནག་གི་ཕྱོགས་ནས་བཤད་ན། དེང་རྒྱ་རིགས་སུ་གྱུར་ཟིན་པ་མང་པོ་ཞིག་སྔོན་བོད་རིགས་ཡིན་ཏེ། ༢༠༠༨ལོར་ས་འགུལ་ཚབས་ཆེན་འབྱུང་ཡུལ་སི་ཁྲོན་གྱི་འུན་ཁྲོན་ཡང་སྔར་ས་བོད་ས་དང་མི་བོད་མི་ཡིན། དེང་སྐབས་རྒྱ་ནག་གཞུང་གིས་གྲངས་ཉུང་མི་རིགས་གཞན་ཞིག་ཏུ་ངོས་འཛིན་བྱས་པའི་སྟེང་པ་དང་ཤར་པ།མོན་པ། ཀློ་པ་སོགས་ཀྱང་སྔར་བོད་རིགས་ཡིན་པར་རྩོད་པ་མེད་པས།བཀའ་ཁྲིས་ལོ་རྒྱུས་ཐོག་བོད་མིའི་གྲངས་འབོར་ས་ཡ་དྲུག་ལས་བརྒལ་མྱོང་མེད་པར་གསུངས་པ་ནི། དོན་ལ་གནས་དཀའོ།། ལར་ནས་མཁས་པས་ལོ་རྒྱུས་ཀྱི་ཡིག་ཚགས་ཁག་གཞི་ལ་བཞག་སྟེ་དཔྱད་གླེང་བྱ་དགོས་པའི་ལོ་རྒྱུས་ཀྱི་དོན་རྩ་འདིའི་རིགས། གཞུང་འབྲེལ་གྱི་གསུང་བཤད་ནང་ནེམ་ནུར་ཙམ་ཡང་མེད་པར་ཚིག་ཐག་ཆོད་པོས་བཀོད་པ་ནི། གཞུང་གི་ལངས་ཕྱོགས་ནང་མཁས་དབང་སྒེར་གྱི་ལྟ་བ་བསྲེ་ཆེ་བའི་སྐྱོན་དུ་མཐོང་ངོ་།།
༢༽སྤྱི་འཐུས་ཚོགས་གཙོས།བོད་གཞུང་མང་རྒྱལ་ཡོངས་ཚོགས་ཆེན་འདི་བཅའ་ཁྲིམས་ཀྱི་དགོངས་དོན་མ་ཡིན་པས།འདིའི་རྒྱབ་གཉེར་ལ་ཁྲིམས་ཀྱི་ནུས་པ་མེད་ཅེས་བསྒྲགས་འདུག དེ་སྔོན་ ༢༠༠༨ ལོར་བཅའ་ཁྲིམས་ཀྱི་དངོས་བསྟན་དགོངས་དོན་ལྟར་གྱི་དམིགས་བསལ་ཚོགས་ཆེན་བསྐོངས་སྐབས་སུའང་། དམིགས་བསལ་ཚོགས་ཆེན་གྱི་རྒྱབ་གཉེར་ལ་ཐག་གཅོད་དང་ཁྲིམས་ཀྱི་ནུས་པ་མེད་རབས་གསུངས་ཡོད། ད་ལྟའི་བཤད་སྟངས་ལྟར་ན། བཅའ་ཁྲིམས་ཀྱི་དགོངས་དོན་ལྟར་གྱི་ཚོགས་ཆེན་ཡིན་ན་ད་གཟོད་ཁྲིམས་ནུས་ཡོད་འདྲ་ཞིག་བཤད་ཀྱང་། སྔོན་མ་༢༠༠༨ལོར་དེ་ལྟར་བཤད་མེད། ལར་ནས་ད་ལྟའི་བོད་གཞུང་མང་རྒྱལ་ཡོངས་ཚོགས་ཆེན་དེ་བཅའ་ཁྲིམས་ཀྱི་དགོངས་དོན་གཞི་བཟུང་བོད་མི་མང་སྤྱི་འཐུས་ལྷན་ཚོགས་ནང་། ཚོགས་ཡུལ་དང་ཚོགས་ཚེས།ཚོགས་བཅར་བ་ཚུན་ནས་བགྲོ་གླེང་གིས་ཐག་བཅད་དེ་འཚོགས་པ་ཞིག་ཡིན་པས། ཚོགས་ཆེན་འདི་བཅའ་ཁྲིམས་ཀྱི་དགོངས་དོན་མིན་པ་ཇི་ལྟར་ཆགས་པ་རེད།
བཅའ་ཁྲིམས་ནང་རྩ་བ་ནས་མ་གསལ་བ། ཕྱི་རྒྱལ་སྐུ་ཚབ་དོན་གཅོད་ཁག་གི་ཚོགས་འདུ་དང་། བོད་རྒྱ་ཞི་མོལ་གྲ་སྒྲིག་ཚོགས་ཆུང་གི་ཚོགས་འདུ། ཤེས་རིག་ཚོགས་ཆེན། ཆོས་ལུགས་བླ་ཆེན་རྣམ་པའི་ལྷན་ཚོགས་སོགས་ཀྱི་གྲོས་ཆོད་དེ་དག་ངེས་པར་ལག་ལེན་དུ་བསྟར་དགོས་པའི་གྲོས་ཆོད་དུ་བརྩིས་ནས་འགྲོ་བཞིན་འདུག་པས། ཚོགས་གཙོས་ཁྲིམས་དང་ཐག་གཅོད་ཀྱི་ནུས་པ་མེད་པའི་རྒྱུ་མཚན་དུ་བཅའ་ཁྲིམས་དགོངས་དོན་མ་ཡིན་པ་གསུངས་པ་འདི་ཁུངས་འཁྱོལ་བའི་བཀའ་མོལ་ཞིག་གཏན་ནས་མ་རེད་སྙམ། འདི་ནི་མཐར་གཏུགས་ན། གཞུང་མང་རྒྱལ་ཡོངས་ཚོགས་ཆེན་གྱི་ཁ་ཕྱོགས་གང་དུ་འགྲོ་གདེང་ཚོད་མེད་སྟབས་ཉེན་ཁ་ལས་གཡོལ་ཆེད་ཙམ་རེད།། །།
མཁས་དབང་དགེ་ཆོས་མཆོག་གིས་གསུངས་དོན།
ཡོད་པའི་རྩ་བ་བཙལ་བས་མེད་དམ་སྙམ༎
མེད་པའི་རྩེ་མོ་མཐོང་བས་ཡོད་དམ་སྙ༎
ཞེས་པའི་མན་ངག་རིན་ཆེན་རིལ་བུ་འཐུང་ཞོར་རི་མགོ་མཐོ་ས་ཞིག་ནས་ཁུ་སིམ་གྱི་ཁད་ཀྱིས་གྲོལ་ཞོར་སྡོད་ན་བཟང་།
འཇིག་རྟེན་ནས་འདུག་པའི་རིང་ལ་གང་ཟག་ཐ་མལ་པ་ཞིག་ཡིན་དུས་སྐྱོན་ཡོད་གཉིས་ལྡན་ཡིན་པ་སྨོས་ཅི་དགོས། དེ་ལས་རང་སེམས་བཅོས་སྒྱུར་བྱས་ཏེ་ཐར་བ་ཆུང་ཆུང་ཞིག་ཐོབ་རོགས་བྱས་ན་ཅི་མ་རུང་བསམ་གྱིན་འདུག
ཁག་པོ་རེད། སྐྱོན་མི་འདུག གང་ཡིན་ཟེར་ན་རྗེ་མི་ལ་རས་པས་གསུངས་དོན་[ཆོས་འདོད་བ་འདུལ་བ་ངས་མི་ཤེས]རང་སེམས་འདུལ་ན་འདུལ་བ་ཡིན་ཞེས་གསུངས་པ་དང་།
ཐར་བ་དང་ཐོར་བ་ངས་མི་ཤེས་གནས་འདི་གནས་ཐར་ན་ཐར་བ་ཡིན་ཟེར་ཞེས་ལེགས་བཤད་ལ་གཟིགས་ཞོར་མེ་ཏོག་ཚོའི་མཉམ་དུ་མངར་ཆུ་ལྡན་པའི་ཚིག་འགའ་རེ་བཤད་ཞོར་དུས་ཚོད་བསྐྱལ་བ་ཡིན་ན་ཡག་ཤོས་རེད།
ད་དུང་ཕྲན་བུ་ཞིག་ལུས་འདུག ཚོགས་གཙོས་བཅའ་ཁྲིམས་ཀྱི་དགོངས་དོན་ཡིན་མིན་གསུངས་པ་ནི། བཅའ་ཁྲིམས་ནང་ཆོགས་འདུ་འདི་རིགས་ཀྱི་ཐག་གཅོད་རྣམས་གཞུང་གིས་ལག་ལེན་དུ་བསྟར་དགོས་སྐོར་གསལ་མེད་ཅེས་པའི་དོན་མིན་འགྲོ། དེ་མིན་ཚོགས་འདུ་འདི་འདྲ་འཚོགས་དགོས་པ་བཅའ་ཁྲིམས་ནང་གསལ་ཡོད་མེད་ཀྱི་དོན་ཡིན་ཚེ། དམིགས་བསལ་ཚོགས་ཆེན་ནི་བཅའ་ཁྲིམས་ནང་གསལ་ཡོད་ལ། རྒྱལ་ཡོངས་ཚོགས་ཆེན་ནི་གསལ་མེད་པ་བདེན། སྤྱི་འཐུས་ལྷན་ཚོགས་ཀྱིས་གྲོས་བསྡུར་གཏན་འབེབས་གནང་བ་ཙམ་གྱིས་བཅའ་ཁྲིམས་ཀྱི་དགོངས་དོན་ཆགས་རྒྱུ་དེ་གང་འདྲ་ཡིན་ནམ། དེ་ཆགས་རྒྱུ་མ་རེད།
གཞན་ཡང། དོན་གཅོད་ཁག་གི་ཚོགས་འདུ་སོགས་ནི་གཞུང་ངམ་འཛིན་སྐྱོང་རང་གི་ཚོགས་འདུ་དངོས་སམ་དེ་ལ་གཏོགས་པ་ཤ་སྟག་ཡིན་པ་ལས་མི་མང་གི་ཚོགས་འདུ་མིན་པའི་ཁྱད་པར་ཞིག་འདུག དེ་རིགས་གཞུང་རང་གི་བཀོད་ཁྱབ་འོག་ལག་བསྟར་གནང་གི་ཡོད་པའང་ཡོད་ལ་མེད་པའང་ཡོད། བོད་རྒྱ་ཞི་མོལ་ཚོགས་ཆུང་ལྟ་བུ་ནི་བཀའ་ཤག་གི་ལམ་སྟོན་ཚོགས་ཆུང་ལྟ་བུ་ཞིག་ཡིན་པས་ཐག་གཅོད་རྣམས་ངེས་པར་ལག་ལེན་བསྟར་དགོས་པ་དེ་འདྲ་མིན་ནའང་བསམ་ཞིབ་བྱེད་ཀྱི་ཡིན་ཞེས་བཀའ་ཁྲིས་གསལ་པོ་གསུང་གི་ཡོད་པ་རེད། འགན་འཛིན་ཚོགས་ཆུང་ལྟ་བུའི་ཐག་གཅོད་ཡིན་ན་ལག་བསྟར་དགོས་ཀྱང། ལམ་སྟོན་ཚོགས་ཆུང་ལྟ་བུ་ལ་མི་དགོས་པ་སྤྱི་སྲོལ་རེད། བླ་ཆེན་ཁག་གི་ཚོགས་འདུ་ཡང་དེ་བཞིན་རེད།
༡༽བཀའ་ཁྲིས་ཚོགས་ཆེན་ཐོག་གསུངས་པ་དེ་ཚིག་འདི་ཇི་བཞིན་མིན་ནའང་དོན་དག་ཕལ་ཆེར་འདི་རང་ཡིན་པ་འདྲ། འདི་ཡིན་ཚེ་དཔྱད་གཞི་ཆེ། ད་དུང་བོད་མི་ས་ཡ་དྲུག་ཅེས་པའི་གྲངས་ཀ་འདི་དུས་རབས་བཅུ་གསུམ་པའི་ནང་སོག་པོས་བོད་ལ་ས་མི་དུད་རྩིས་བྱས་པའི་སྐབས་ནས་བྱུང་བ་ཡིན་ཚུལ་བཀའ་ཁྲིས་ད་ལན་གྱི་ཚོགས་ཆེན་ཙམ་མིན་པར་སྐབས་གཞན་དང་གཞན་དུའང་ལན་མང་གསུང་གི་ཡོད། འདི་ཡང་དཔྱད་གཞི་རེད། གང་ཡིན་ཞེ་ན། བོད་མི་ས་ཡ་དྲུག་ཅེས་པའི་གྲངས་ཀ་འདི་འབྲོམ་སྟོན་པའི་བསྟན་རྩིས་ནང་གསུངས་ཡོད་ལུགས་ཞྭ་སྒབ་པ་སོགས་ཀྱིས་བཤད་ཡོད། དེ་བདེན་ཚེ་(ངས་བསྟན་རྩིས་དེ་མཇལ་མ་མྱོང།)སོག་པོས་ས་མི་དུད་རྩིས་མ་བྱས་གོང་གི་ལོ་ངོ་ཉིས་བརྒྱ་ལྷག་གི་སྔོན་དུས་རབས་བཅུ་གཅིག་པའི་ནང་འབྲོམ་སྟོན་པས་གསུངས་པ་ཞིག་ཡིན་པ་ལས། དུས་རབས་བཅུ་གསུམ་པའི་ནང་སོག་པོས་བཤད་པ་ཞིག་མིན་པར་ངེས།
༢༽ཚོགས་གཙོས་གསུངས་པ་དེ་ལ་རྒྱུ་མཚན་ཞིག་ཡོད་པ་འདྲ། ཚོགས་འདུ་འདི་རིགས་ལ་ཁྲིམས་ཀྱི་ནུས་པ་མེད་པའི་རྒྱུ་མཚན་ནི།
1 འདི་རིགས་ལག་ལེན་དུ་བསྟར་དགོས་ཚུལ་ཁྲིམས་སྒྲིག་གང་གི་ནང་དུའང་གསལ་མེད།
2 གོ་སྒྲིག་གཞུང་ནས་གནང་བ་མ་གཏོགས་ཡིན་རྒྱུ་ནི་མི་མང་གི་ཚོགས་འདུ་རང་ཡིན་ཞིང། མི་མང་གིས་རང་དབང་སྒོ་ནས་བསམ་ཚུལ་བཏོན་པ་ཙམ་ཞིག་དང་། དེ་ལ་གཞུང་གིས་གསན་པ་ཙམ་ཞིག་རེད། འདིས་མི་མང་གི་བསམ་ཚུལ་གཞུང་གིས་གསལ་པོར་མཁྱེན་པར་ཕན་ཐོགས་ཡོང་གི་ཡོད་པ་དེ་ག་རང་ཚོགས་འདུའི་དགོས་དོན་ཡིན་པ་ལས། བསམ་ཚུལ་རྣམས་ངེས་པར་ལག་ལེན་བསྟར་དགོས་རྒྱུ་དེ་མ་ཡིན། 3ཚོགས་མི་རྣམས་མི་མང་གི་སྐུ་ཚབ་སྤྱི་འཐུས་ལྟ་བུའི་ཁྲིམས་ཐོག་ནས་དབང་ཚད་ཡོད་པ་དེ་འདྲ་མིན་པར་བརྟེན། དེ་རིགས་ཀྱི་བསམ་ཚུལ་ཕྱོགས་བསྡོམས་ལ་ཁྲིམས་ཀྱི་ནུས་པ་ཐོན་གྱི་མེད། 4 མི་མང་གི་བསམ་ཚུལ་ཕྱོགས་བསྡོམས་ཀྱི་མིང་ལའང་རྒྱབ་གཉེར་སྙན་ཐོ་ཟེར་བ་ལས་གྲོས་ཆོད་ཟེར་གྱི་མེད། རྒྱུ་མཚན་ངོ་མ་དེ་འདྲ་ཞིག་ཡིན་མིན་གསལ་པོ་མི་ཤེས་ཀྱང་ད་ལྟ་སེམས་ལ་ཤར་བ་ནི་དེ་འདྲ་ཞིག་རེད།
བོད་ཀྱི་མིའབོར་ས་ཡ་དྲུག་ལས་བརྒལ་མ་མྱོང་བའི་གནས་ཚུལ་འདིས་ག་རེ་བསྟན་པ་རེད་ཟེར་ན་བཙན་བྱོལ་བོད་གཞུང་གིས་རྒྱ་ནག་ལ་བོད་དེ་བོད་ཆེན་པོའི་སྐོར་གྱི་ལོ་རྒྱུས་གསལ་བཤད་བྱེད་ཀྱིན་མེད་པར་བོད་དེ་འགྲོ་མགོན་ཆོས་རྒྱལ་འཕགས་པའི་སྐབས་ནས་བོད་ཁྲི་སྐོར་བཅུ་གསུམ་དེ་དབང་ཡོན་ཏུ་ཕུལ་ཡོད་པའི་རྒྱུ་མཚན་གྱིས་གསལ་བཤད་བྱེད་ཁུལ་རེད།
བོད་བཙན་པོའི་སྐབས་སུ་འཛམ་གླིང་སྟེང་དྲག་ཤུགས་ཆེ་བའི་མཐོ་སྒང་བོད་ཀྱི་མཚན་སྙན་དེ་ད་ལྟའི་ཨ་རི་དང་འདྲ་བ་ཞིག་ཡིན་ལ་སྐབས་དེར་བོད་ཀྱི་མི་འབོར་ཇི་ཙམ་ཡོད་མེད་དང་། ས་ཆའི་རྒྱ་ཁྱོན་ཇི་ཙམ་ཡོད་མེད། སྟོབས་ཤུགས་ཇི་ཙམ་ཡོད་མེད་བཅས་ཀྱིས་བོད་ཀྱི་མི་འབོར་ས་ཡ་དྲུག་ལས་ལྡབ་མང་པོས་མང་བ་ཡོད་པ་དེ་རྒྱུ་མཚན་གྱིས་དཔྱད་ན་ཤེས་ཐུབ་པ་ཡིན།
ལ་དྭགས་ཀྱི་ཡུལ་དགུ་ཞེས་པའི་ས་ཆ་དག་དང་དེ་བས་ཀྱང་པ་ཀི་སི་ཐན་དང་ཨབ་གྷན། ལྷག་པར་དུ་ཧི་མ་ལ་ཡའི་རི་རྒྱུད་དུ་གནས་པའི་རྒྱལ་ཁབ་ཁག་སྟེ། ཨེ་ཅིབ་ལ་ཐུག་གི་བར་བོད་པའི་རིགས་རྒྱུད་ཡིན་པ་མ་ཟད། བོད་སྐད་ཀྱང་བཤད་ཀྱི་ཡོད་པ་ཝར་ཎའི་རྒན་བྱམས་པ་བསམ་གཏན་ལགས་ཀྱིས་དངོས་སུ་ང་ལ་གསུང་མྱོང་། དེ་ལྟར་ན་ཁང་གསར་བས་ཟམ་གདོང་གི་གསུང་དེར་ཡིད་མ་ཆེས་པར་ཁག་མི་འདུག་དྲན་སོང་། ངའི་ཚོད་དཔག་ལྟར་ན་ཕལ་ཆེར་ད་ལྟའི་དུས་སྐབས་འདིར་ཡང་ས་ཡ་དྲུག་ལས་བརྒལ་ཡོད་པར་སྙམ། འདི་ལ་རྒྱུ་མཚན་མང་ཡང་གནས་བཤད་པའི་དུས་ཚོད་ང་ལ་མི་འདུག
ཞིབ་འཇུག་གི་རིམ་པའི་གཏིང་ཟབ་ཀི གླེང་མོལ་གྱི་ཚིག་མདའི་སྣེ་མོ་རྣོ་ཀི བཙན་བྱོལ་བོད་གཞུང་གི་ཡབ་ཡུམ་ལ་བསམ་ཚུལ་ལྷུག་པོར་བརྗོད་འདུག་པས་ལུང་རིག་གཉིས་ཀྱི་རྒྱབ་བརྟེན་རི་འདྲ་བ་ཡོད་ཀྱི་རེད། ཟུར་ཉན་ལ་ཡོང་ཁོ་ཐག་ཡིན།
ཚོ་སྒོ་བ་ཕེབས་ཏེ། དོན་མཐུན་གྱི་དགོངས་འཆར་གནང་བར་ཐུགས་རྗེ་ཆེ།
ཤེལ་དཀར་བློ་བཟང་ལགས། ཟམ་གདོང་རིན་པོ་ཆེས་བོད་མིའི་རྩོམ་རིག་དང་མི་འབོར་བསྡུར་ཏེ། བོད་མིའི་རྩོམ་རིག་གི་ལག་རྗེས་འཛམ་གླིང་ནང་མི་རིགས་གཞན་ཚང་མ་ལས་ཆེ་ཤོས་ཡིན་པའི་གསུང་བཤད་མང་པོ་འདུག དེ་ཚོ་གོ་དུས། ངས་དང་པོ་ཁྱེད་ལྟར་ད་ལྟའི་གནས་སྟངས་ཙམ་ལ་དགོངས་ནས་གསུངས་པ་ཡིན་ས་རེད་དྲན་བྱུང་། འོན་ཀྱང་དེ་འདྲ་རེད་མི་འདུག བོད་གཞུང་མང་རྒྱལ་ཡོངས་ཚོགས་ཆེན་གྱི་སྐབས་ཀྱི་གསུང་བཤད་ཡིག་ཐོག་ཡོད་པའི་ནང་དུ་། བྱུང་རབས་ཀྱི་ནང་དུ་བོད་མིའི་མི་འབོར་ས་ཡ་དྲུག་ལས་བརྒལ་མྱོང་མེད་པའི་སྐོར་གསུངས་འདུག་པ་མ་ཟད། གསུང་བཤད་ཡིག་ཐོག་འཁོད་པ་དེ་ལ་རྒྱབ་རྟེན་རྒྱུ་མཚན་དུ། ངག་ཐོག་ནས་འགྲེལ་བཤད་གནང་གི་འདུག དེའི་ནང་ས་སྐྱའི་སྐབས་སོག་པོས་དུད་གྲངས་བརྩིས་པ་སོགས་གསུངས་འདུག མདོར་ན། ཁྱེད་རང་གིས་ཁོང་གི་གསུང་བཤད་ཡིག་ཐོག་ཡོད་པ་དེ་དང་། གཞུང་མང་རྒྱལ་ཡོངས་ཚོགས་ཆེན་གྱི་དབུ་འབྱེད་མཛད་སྒོའི་བརྙན་འཕྲིན་ལ་ལེགས་པར་གཟིགས་ཏེ་བཀའ་མོལ་གནང་རོགས། དེ་མིན་ཟམ་གདོང་རིན་པོ་ཆེས་དེའི་སྐོར་གསུངས་པ་ཉུང་ཉུང་མ་རེད། ངས་ཀྱང་གཞུང་གི་བཀའ་ལ་ཞིབ་དཔྱད་མ་བྱས་གོང་། འདི་ཚོ་ཚང་མར་ནན་ཏན་དུ་བལྟས་པ་ཡིན་ལོ།།
དྲ་གྲོགས་ཁང་གསར་ལགས།
༼བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེས་བོད་གཞུང་མང་རྒྱལ་ཡོངས་ཚོགས་ཆེན་ཐོག་བོད་ཀྱི་མི་འབོར་དེ། ལོ་རྒྱུས་ཐོག་དུས་ནམ་ཡང་ས་ཡ་དྲུག་ལས་བརྒལ་མྱོང་མེད་པ་ཞིག་རེད་༽ཅེས་པར་དངོས་གནས་གོ་བ་མ་བརྙེད་པ་ཞིག་རེད་དམ་དམ་ཡང་ན་ཚུལ་བསྟན་པ་ཡིན།
བཙན་པོའི་དུས་སྐབས་སུ་རྟ་དམག་ཁྲི་ཕྲག་འབུམ་ཕྲག་མང་པོས་ཁྱིམ་ཚེས་རྒྱལ་ཁབ་རྒྱ་ནག་དང་། བལ་ཡུལ། དེ་བཞིན་རྒྱ་གར་སོགས་ལ་དཔུང་འཇུག་བྱས་ཏེ་བོད་དེ་ཆོས་སྲིད་གང་གི་ཆ་ནས་ཀྱང་མངའ་ཐང་ཤིན་ཏུ་རྒྱས་པས་དེའི་སྐབས་བོད་མི་ས་ཡ་དྲུག་ལས་ལྷག་མེད་པ་སུ་ཞིག་འདོད།
མཁས་དབང་མཆོག་གིས་ལོ་རྒྱུས་མི་ཤེས་པ་ཅི་ལ་ཡིན།
བཀའ་ཁྲི་མཆོག་གིས་འདི་ལྟར་གསུང་དོན་ནི། བོད་ཀྱི་མི་འབོར་ས་ཡ་དྲུག་ཏུ་གྲགས་པ་ནས་བཟུང་སྟེ་ད་བར་ལ་ས་ཡ་དྲུག་ལས་བརྒལ་མྱོང་མེད་ཅེས་གསུངས་པ་ཟུར་བལྟས་ལེབ་མཐོང་རེད།
དབྱེ་ཞིབ་ཡག་པོ་གནང་འདུག་པས་ཁང་གསར་རྡོ་རྗེ་ལགས་སུ་ཐུགས་རྗེ་ཆེ་ཞུ་རྒྱུ་ཡིན། བོད་མི་མང་སྤྱི་འཐུས་ལྷན་ཚོགས་བསམ་བློ་དོགས་དྲགས་པ་ལས་བྱུང་བར་འདོད། དམིགས་བསལ་ཚོགས་ཆེན་སྐབས་ཚོགས་གཙོ་ལས་ཐོག་ཀརྨ་ཆོས་འཕེལ་གྱིས་དེ་ལྟར་གསུངས་སོང་ལ། ད་ཐེངས་ཚོགས་གཙོ་སྤེན་པ་ཚེ་རིང་ལགས་ནས་ཀྱང་དེ་ལྟར་གསུངས་དོན་སྤྱི་ལྷན་གྱི་དབང་ཆ་ཤོར་དོགས་ལས་བྱུངབའམ་ཡང་ན་ཁྱེད་ཀྱི་གསུངས་པ་ལྟར་ཚོགས་ཆེན་གྱི་ཁ་ཕྱོགས་གར་འགྲོ་ལ་གདེངས་སྤོབས་མེད་པ་ལས་བྱུང་བ་ཡིན་ལས་ཆེ། དེ་ལྟར་མིན་ཁྲིམས་བཟོ་ལྷན་ཚོགས་ནས་ཐག་གཅོད་དང་བཀོད་སྒྲིག་གནང་བའི་ཚོགས་ཆེན་དེ་བྱིས་པའི་ཁ་བརྩེ་བའམ། རྒྱུན་གྲོན་གཏོང་ས་མ་རག་པ། དུས་ཚོད་མ་འཁྱོལ་བ། དམངས་ཁྲོད་ཀྱི་བསམ་ཚུལ་བསྡུ་ལེན་ཆེད་དུ་ནི་ཨེ་ཡིན།
ཟམ་གདོང་རིན་པོ་ཆེའི་མཁས་ཉམས་སྟོན་པའི་གསུང་བཤད་རིགས་ཤིག་ལ་ནོར་འཁྲུལ་ཤོར་གྱིན་ཡོད་པའང་དངོས་བདེན་ཡིན་མོད། སྤྱི་འཐུས་རྣམ་པ་ཤེས་ཡོན་སྐྱོ་དྲགས་པས་དེ་རིགས་དག་སེལ་བྱེད་པའི་གནས་ཚུལ་ནི་གོ་མ་མྱོང་།