ལྡི་ལི་གསར་པའི་བོད་གཞུང་ཤེས་རིག་དཔར་ཁང་གི་ཁང་བརྩེགས་འོག་ཤོད་དཔེ་མཛོད་ཁང་དུ་ཆུ་ཤོར་ཏེ། བཀའ་བསྟན་གྱི་དཔེ་ཆ་དང་། སློབ་གྲྭ་ཁག་གི་སློབ་དེབ་སོགས་བཅའ་དངོས་མང་པོ་ཞིག་འཕྲོ་བརླག་ཏུ་ཕྱིན་ཡོད་འདུག
ཟླ་འདིའི་ཚེས་མགོ་ནས་ཆར་ཞོད་ཆེན་པོ་བབ་པའི་རྐྱེན་གྱིས་ཚེས་ ༡༠ ཉིན་ནས་རྒྱ་གར་རྒྱལ་ས་ལྡི་ལིའི་ཡཱ་
དེ་ནི་ཕྱི་ཚེས་ ༡༡ ཉིན་གཟའ་སྤེན་པ་གཉིས་པ་དང་། ཚེས་ ༡༢ ཉིན་གཟའ་ཉི་མ་བཅས་ཉིན་གཉིས་རིང་གཞུང་འབྲེལ་གུང་གསེང་ལ་འཁེལ་ཡོད་སྟབས། ཚེས་ ༡༣ ཉིན་ཏེ་གཟའ་ཟླ་བའི་ཞོགས་པ་བར་ཤེས་རྟོགས་བྱུང་མི་འདུག་ཅིང་། ལས་བྱེད་དག་ཚེས་ ༡༣ ཉིན་གྱི་ཞོགས་པར་ཁུངས་སུ་འཛོམས་སྐབས། ཁང་བརྩེགས་འོག་ཤོད་ཧྲིལ་བོར་ཆུའི་མཐོ་ཚད་ཕུ་ཊི་ ༢ ལྷག་འཁྱིལ་ཡོད་པ་དང་། ཆུ་དེ་ནི་ཕྱི་ལོགས་ནས་ནང་དུ་འཛུལ་བ་ཞིག་མིན་པར། ཡཱ་
གོང་གི་གནས་ཚུལ་འདིའི་ཐད་དེ་རིང་ཉིན་གུང་འདི་གའི་གསར་འགོད་པས་ཁ་པར་བརྒྱུད་ལྡི་ལི་ཤེས་རིག་དཔར་ཁང་གི་འགན་འཛིན་བློ་བཟང་དཀོན་མཆོག་ལགས་སུ། ཁང་བརྩེགས་འོག་ཆུ་ཤོར་བའི་རྒྱུ་རྐྱེན་གང་ཡིན་དང་། ཐེངས་འདིའི་དོན་རྐྱེན་ཁྲོད་དཔེ་དེབ་དང་བཅའ་དངོས་ག་ཚོད་འཕྲོ་བརླག་ཏུ་སོང་ཡོད་མེད་བཀའ་འདྲི་ཞུས་པར་ཁོང་གིས་ལན་འདེབས་གནང་དོན། ཐེངས་འདིར་ཤེས་རིག་དཔར་ཁང་གི་འོག་ཤོད་ཀྱི་དངོས་ཟོག་འཇོག་སར་ཆུ་ཤོར་དོན། ཕྱི་ཚེས་ ༡༡ ཉིན་གཟའ་སྤེན་པ་གཉིས་བ་དང་། ཚེས་ ༡༢ ཉིན་གཟའ་ཉི་མ་ཡིན་སྟབས། ཚེས་ ༡༣ ཉིན་བར་ཧ་གོ་ཐུབ་ཡོད་པ་མ་རེད། དཔེ་དེབ་དང་བཅའ་དངོས་མང་པོ་ཞིག་འཕྲོ་བརླག་ཏུ་སོང་ཡོད་ཀྱང་། ད་དུང་ཆུ་གཙང་མ་བཟོ་མ་ཐུབ་པའི་དབང་གིས་འཕྲོ་བརླག་ཏུ་སོང་པའི་དཔེ་དེབ་ཀྱི་གྲངས་ཚད་ལ་ཞིབ་བཤེར་བྱེད་ཐུབ་ཀྱི་མི་འདུག ཐེངས་འདིར་མ་དངུལ་ག་ཚོད་ཀྱི་གྱོང་གུད་ཕོག་ཡོད་མེད་ཀྱང་ཚོད་དཔག་ཐུབ་ཀྱི་མི་འདུག ས་འོག་གི་ཆུ་བུར་underground water བརྡོལ་བ་དེ་ད་དུང་མཚམས་ཆད་ཀྱི་མི་འདུག་ལ། གཙང་མ་ཐེངས་གཅིག་བཟོས་རྗེས་ཆུད་ཚོ་གཉིས་ལྷག་མ་འགོར་བར་མགོ་ནས་ཆུ་ཁེངས་ཡོང་གི་འདུག ད་བར་རྒྱ་གར་གཞུང་གི་ལྟ་རྟོགས་འདྲ་སླེབས་མ་སོང་། ང་ཚོའི་ལས་བྱེད་དག་ཚེས་བཅུ་གསུམ་གྱི་ཉིན་གུང་ཆུ་ཚོད་ ༢:༤༥ ནས་དགོང་མོའི་ཆུ་ཚོད་ ༩:༡༠ བར་ཁག་གསུམ་དུ་བགོས་ཏེ་གཙང་མ་བཟོས་པ་ཡིན་ལ། ད་དུང་མུ་མཐུད་དུ་ཆུ་ཕྱི་ལོགས་སུ་ཕོ་བཞིན་ཡོད། ཅེས་ངོ་སྤྲོད་གནང་བྱུང་།
གསར་འགོད་པ། བནྡེ་སྐྱབས།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ལྡི་ལི་ཡཱ་མུའུ་ན་གཙང་བོ་རྒྱས་ཏེ་དེའི་ཉེ་འགྲམ་གྱི་སྡོད་ཁང་ཁག་ལ་ཉེན་ཁ་ཡོད་སྐོར་ཟླ་ཕྱེད་སྔོན་ནས་རྒྱ་གར་གྱི་བརྒྱུད་ལམ་ཁག་ཏུ་གསལ་བསྒྲགས་ཡང་ཡང་བྱེད་བཞིན་འདུག་པ་མ་ཟད། བོད་སྒར་བསམ་ཡས་གླིང་སོགས་ལ་ཉེན་ཁ་ཡོད་སྐོར་ཡང་རྒྱ་གར་གྱི་ Aaj Tak ཞེས་པའི་བརྙན་འཕྲིན་ལེ་རིམ་ཁྲོད་ཁྱབ་བསྒྲགས་བྱེད་བཞིན་པ་ངེད་ནས་དངོས་སུ་གོ བར་ལམ་ཡཱ་མུའུ་ནའི་གཙང་བོ་རྒྱས་བཞིན་ཡོད་པ་དང༌། བོད་སྒར་ལའང་ཉེན་ཁ་ཡོད་པ་ལྡི་ལིའི་བོད་མི་ཚང་མས་ཤེས་གསལ་ཡིན། འོན་ཀྱང་ལྡི་ལིའི་ཤེས་རིག་པར་ཁང་གི་འགན་འཛིན་དང༌། ཤེས་རིག་པར་ཁང་གི་དཔེ་ཉར་དོ་དམ་པ། དེ་བཞིན་ལས་བྱེད་རྣམས་སུ་ཞིག་གིས་ཀྱང་གནས་ཚུལ་འདིར་དོ་སྣང་བྱས་མེད་པ་ནི། གཞུང་རྒྱུ་ལ་སྣང་ཆུང་བྱས་པའི་ངང་ཚུལ་ཞིག་ཡིན་པ་ཐེ་ཚོམ་མི་འདུག་ན། སྒེར་སེམས་ཆེ་བའི་མི་འདི་དག་ལ་ཉེས་ཆད་བཏང་ན་འོས།
འདི་ནི་ལས་བྱེད་པ་ཚོ་ལ་ལྷག་བསམ་མ་ཡོད་པའི་རྟགས་རེད། ཉིན་གཉིས་ཀྱི་རང་ལ་བོད་གཞུང་ཤེས་རིག་དཔར་ཁང་གི་འཁོ་ཡུག་ན་མི་མེད་སོང་བ་རེད་དམ། འདི་འདྲ་རྩ་མ་ནས་ཡིན་ནི་མ་རེད། འདི་ལས་བྱེད་པ་ཁོང་ཚོར་ལྷག་བསམ་མ་ཡོད་པའི་རྟགས་ཤིག་ཡིན་པ་ལས་གཞན་གང་ཡང་མ་རེད།
སྤུན་ཟླ་ཚོ།རང་བྱུང་གི་འཇིགས་པ་ལ་ལྡོག་ཐབས་བྲལ།ཡིན་ནའང་བོད་ནང་ཁུལ་དུ་རང་བྱུང་གི་འཇིགས་པ་བྱུང་བ་དག་རྒྱ་གཞུང་རང་བྱུང་ཁོར་ཡུག་འབག་བཙོག་ཤུགས་ཆེན་བཟོས་རྐྱེན་ཡིན་ཚུལ་ཡོངས་གྲགས་བཤད་བཞིན་པ་རེད།འོ་ན་རང་དབང་ཡུལ་ལུང་འདིར་བལ་ཡུལ་དང་མི་འདྲ་པར་དེ་ཙམ་རྒྱ་གཞུང་གི་གནོན་ཤུགས་སོགས་མེད་སྟབས་བོད་པ་ཚོས་ག་རེ་མ་འཇོན་པ་རེད།ཕལ་ཆེར་མི་ལས་དགུ་ལས་བྱེད་པའི་ལས་འབྲས་ངན་པ་མངོན་སུམ་དུ་ཐོན་པ་རེད།ཧ་ཅང་ཡག་པོ་རེད།ད་ནས་བཟུང་བོད་པ་ཚོས་རང་མི་རིགས་ཀྱི་བླ་སྲོག་ཆེད་དུ་ནུས་ཤུགས་གཡོ་དགུ་སྤེལ་ཏེ་རང་ཡུལ་ལུང་པར་ལོག་ཐུབ་ཚེ་རང་བྱུང་གི་གནོད་འཚེ་དེ་ཙམ་གྱིས་ཉུང་བ་ཡོདོ།ང་ཚོ་ནི་འཛམ་གླིང་སྟེང་གི་མཐོ་སྒང་དུ་གནས་བའི་མི་རིགས་ཁྱད་འཕགས་ཞིག་གོ།་་་་་་་་་་་་་་་་་་་་་་་་་་