མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

རྒྱ་ནག་གི་ཕྱི་སྐྱོད་ལག་འཁྱེར་བརྒྱུད་ཕྱིར་བོད་ནང་ལོག་བསམ་གྱི་འདུག

བོད་ཀྱི་དུས་བབ།
༢༠༡༠/༠༩/༢༡
Share on FacebookShare on TwitterShare on EmailShare on Whatsapp

ངོས་རང་ལོ་ ༡༦ གི་ཐོག་ང་རང་མི་སྒེར་གྱི་རང་དབང་ཤོར་བ་དང་། ལོ་ ༢༤ ཐོག་ང་རང་གི་རྒྱལ་ཁབ་ཤོར་ཏེ། འདས་པའི་ལོ་ ༥༡ རིང་སྐྱབས་བཅོལ་བའི་གནས་བབ་ཐོག་འཚོ་བ་སྐྱེལ་བཞིན་ཡོད་པ་རེད། འོན་ཀྱང་ང་རང་གི་ངོས་ནས་རེ་བ་ཡག་ས་ཞིག་ལ་རྒྱག་གི་ཡོད། ངས་རྒྱ་ནག་གི་ཕྱི་སྐྱོད་ལག་འཁྱེར་བརྒྱུད་དེ་ཕྱིར་བོད་ནང་ལོག་བསམ་པ་དེ་འདྲ་ཡང་ཡོང་གི་འདུག ཅེས་༸གོང་ས་མཆོག་གིས་ཧང་གྷ་རིའི་གྲོས་ཚོགས་སུ་གསུངས་ཡོད།

ཟླ་འདིའི་ཕྱི་ཚེས་ ༡༩ ཉིན་གྱི་ཕྱི་དྲོ་༸གོང་ས་མཆོག་གིས་ཧང་གྷ་རིའི་རྒྱལ་ས་བྷུ་ཌ་པེ་སིར་གྱི་ཉིན་གྲངས་གཉིས་རིང་གི་ཆོས་འབྲེལ་ལེགས་པར་གྲུབ་སྟེ། ཁ་སང་ཕྱི་ཚེས་ ༢༠ ཉིན་ཧང་གྷ་རིའི་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པ་དང་ཆབ་སྲིད་ཚོགས་པ་ Lahet Mas a Politika གཉིས་ཀྱིས་གནད་ཡོད་མགོ་ཁྲིད་ཀྱིས་ཕེབས་བསུའི་ཁྲོད་གྲོས་ཚོགས་སུ་ཆིབས་བསྒྱུར་བསྐྱངས་ཏེ། ཆབ་སྲིད་ཚོགས་པའི་ཚོགས་གཞོན་ལྕམ་སྐུ་ Szabo Timea ལགས་ཀྱིས་ཐེངས་འདིར་ཧང་གྷ་རི་གྲོས་ཚོགས་ཀྱི་ངོས་ནས་༸གོང་ས་ཏཱ་ལའི་བླ་མ་མཆོག་གྲོས་ཚོགས་སུ་གདན་ཞུ་གནང་བ་དེ་གྲོས་ཚོགས་ཀྱི་ངོས་ནས་བོད་ཀྱི་གནད་དོན་ལ་རྒྱབ་སྐྱོར་ཡོད་པ་མཚོན་གྱི་ཡོད་ལ། འདས་པའི་ལོ་ངོ་སྟོང་ཕྲག་ལྷག་གི་ཡར་སྔོན་ནས་བྱུང་བའི་བོད་མིའི་རིག་གཞུང་དང་བོད་པའི་ཁོར་ཡུག་སྲུང་སྐྱོབ། གནམ་གཤིས་འགྱུར་ལྡོག་གི་གནད་དོན་སོགས་ལའང་སེམས་འཁུར་བྱེད་ཀྱི་ཡོད། ལྷག་པར་དུ་བོད་མིའི་ངོ་བོ་སྲུང་སྐྱོབ་ཡོང་བར་མིང་དོན་མཚུངས་པའི་རང་སྐྱོང་ཡོང་ཐབས་ཐད་རྒྱབ་སྐྱོར་བྱེད་ཀྱི་ཡོད་ཅེས་གསུངས་ཡོད།

 སྐབས་དེར་༸གོང་ས་མཆོག་གིས་ཧང་གྷ་རི་གྲོས་ཚོགས་གོང་མའི་ཚོགས་མི་དང་གྲོས་ཚོགས་ཀྱི་འགྲོ་བ་མིའི་ཐོབ་ཐང་གི་ཚོགས་མི་བཅས་ལ་འཚམས་འདྲི་དང་འབྲེལ་བཀའ་སློབ་གནང་དོན།  ངོས་རང་ལོ་ ༡༦ གི་ཐོག་ང་རང་མི་སྒེར་གྱི་རང་དབང་ཤོར་བ་དང་། ལོ་ ༢༤ ཐོག་ང་རང་གི་རྒྱལ་ཁབ་ཤོར་ཏེ། འདས་པའི་ལོ་ ༥༡ རིང་སྐྱབས་བཅོལ་བའི་གནས་བབ་ཐོག་འཚོ་བ་སྐྱེལ་བཞིན་ཡོད་པ་རེད། འོན་ཀྱང་ང་རང་གི་ངོས་ནས་རེ་བ་ཡག་ས་ཞིག་ལ་རྒྱག་གི་ཡོད། ངས་རྒྱ་ནག་གི་ཕྱི་སྐྱོད་ལག་འཁྱེར་བརྒྱུད་དེ་ཕྱིར་བོད་ནང་ལོག་བསམ་པ་དེ་འདྲ་ཡང་ཡོང་གི་འདུག་ཅེས་གསུངས་བ་དང་། དེ་བཞིན་ཁོང་གིས། རྒྱ་ནག་གི་བོད་ལ་འཛིན་པའི་སྲིད་བྱུས་འཁྲུག་འཛིང་ཆེ་བ་ཞིག་ཡིན་ཡང་། ད་ལྟའི་བར་ང་རང་གི་ངོས་ནས་བོད་རྒྱ་ནག་དང་ཁ་བྲལ་བྱ་འདོད་མེད། གཙོ་ཆེ་བ་རྒྱ་ནག་གཞུང་གིས་གུ་ཡངས་ཀྱི་སྲིད་བྱུས་ཤིག་ལག་བསྟར་བྱས་ཏེ་བོད་རྒྱ་གཉིས་ཕན་གྱི་ཐབས་ལམ་ཞིག་ངེས་པར་དུ་འཚོལ་དགོས་པ་རེད།

དེ་ལྟར་མ་བྱས་ཚེ་རྒྱལ་སྤྱིའི་སྤྱི་ཚོགས་ཀྱི་ངོས་ནས་རྒྱ་ནག་གི་མགོ་ཁྲིད་ཚོར་ཡིད་ཆེ་བརླག་པའི་ཉེན་ཁ་ཡོད་སྟབས། རྒྱ་ནག་གི་གནད་ཡོད་དཔོན་རིགས་ཚོས་སྲིད་བྱུས་གུ་ཡངས་མི་གཏོང་ཐབས་མེད་ཡིན་པ་ཤེས་དགོས་པ་རེད་ལ། བོད་རྒྱའི་དཀའ་རྙོག་སེལ་བ་དེ་ཕྱོགས་གཉིས་ཀར་ཕན་གྱི་ཡོད་པའང་ཤེས་དགོས་པ་རེད། ད་ལྟའི་དུས་འདིར་མེ་མདའི་ནུས་སྟོབས་ལས་དྲང་བདེན་གྱི་ནུས་སྟོབས་ཤུགས་ཆེ་བ་ཡོད། མེ་མདའི་ནུས་སྟོབས་དེ་གནས་སྐབས་ཀྱི་ནུས་སྟོབས་ཤིག་ཡིན་པ་དང། དེས་དྲང་བདེན་གྱི་ནུས་སྟོབས་མེད་པར་བཟོ་མི་ཐུབ་སྟབས། རྒྱ་ནག་གཞུང་གིས་ཀྱང་བོད་མི་རིགས་ཀྱི་གནད་དོན་དེ་བཙན་དབང་གིས་སེལ་ཐུབ་ཀྱི་མ་རེད། དེར་བརྟེན། ང་ཚོས་བོད་རྒྱ་གཉིས་ཕན་གྱི་ཁོར་ཡུག་བཙལ་ཏེ་བོད་རྒྱ་གཉིས་ཕན་ཐོག བོད་མི་ཡོངས་ལ་མིང་དོན་མཚུངས་པའི་རང་སྐྱོང་སྤྲོད་རྒྱུ་དེ་ཡིན་ཞེས་དང་། ཧང་གྷ་རིའི་གྲོས་ཚོགས་འཐུས་མི་རྣམས་བོད་ནང་གི་གནས་སྟངས་ཤེས་རྟོགས་ཆེད་གཟིགས་སྐོར་དུ་འགྲོ་དགོས་པའི་ར་བ་ཡང་བཏོན་ཡོད།

ཐེངས་འདིའི་ཧང་གྷ་རིའི་གྲོས་ཚོགས་སུ་ཆིབས་བསྒྱུར་གྱིས་གོ་སྐབས་འདི་བརྒྱུད་ཁོང་གིས་ཧང་གྷ་རིའི་གྲོས་ཚོགས་གོང་མའི་མགོ་ཁྲིད་དང་།  དེ་མིན་ཧང་གྷ་རི་གྲོས་ཚོགས་ཀྱི་འགྲོ་བ་མིའི་ཐོབ་ཐང་ཚོགས་པའི་ཚོགས་གཙོ། གྲོས་ཚོགས་བོད་དོན་རྒྱབ་སྐྱོར་ཚོགས་པའི་འཐུས་མི་ ༣༠ བཅས་ལ་མཇལ་འཕྲད་གནང་ཡོད་པར་མ་ཟད། ཡུ་རོབ་གྲོས་ཚོགས་ཀྱི་ཚོགས་གཙོ་གཞོན་པ་དང་ཆབ་སྲིད་ཚོགས་པའི་གནད་ཡོད་མི་སྣ་བཅས་ལ་མཇལ་འཕྲད་གནང་ཡོད་པ་རེད། ༸གོང་ས་མཆོག་ ༡༩༨༢ ལོར་ཐོག་མར་ཧང་གྷ་རིའི་ནང་ཆིབས་སྒྱུར་བསྐྱངས་ཡོད་པ་དང་། ཐེངས་འདི་ནི་ཕེབས་ཐེངས་བདུན་པ་དེ་ཆགས་ཡོད་པ་རེད།

 གསར་འགོད་པ་དོན་གོ

མཆན། 12

  1. རྫ་ཆུའི་ཟླ་བ། says:
    ལོ་ 12 སྔོན།

    གང་ལྟར་༧་གོས་ས་མཆོག་མྱུར་དུ་བོད་ལ་ཕེབས་ཐུབ་པའི་ཐབས་ཤེས་ག་རེ་ཡོད་ན་བྱེད་དགོས་ཀྱི་རེད་དྲན་གྱི་འདུག
    ཚང་མའི་རེ་བ་དེ་རེད།

    Reply
  2. མཁའ་དབུགས་གསར་བ says:
    ལོ་ 12 སྔོན།

    རྒྱ་ནག་གི་ཕྱི་སྐྱོད་ལག་འཁྱེར་བརྒྱུད་ཕྱིར་བོད་ནང་ལོག་ན་དུས་རབས་ཕྱེད་ཙམ་གྱི་འཐབ་རྩོད་ཀྱི་གྲུབ་འབྲས་སྟོང་བ་ཉིད་དུ་འགྱུར་སྲིད་དོ།
    ཡིན་ཡང་གོང་ས་མཆོག་གི་གཏམ་འདིའི་རྒྱལ་སྤྱིའི་སྤྱི་ཚོགས་ལ་གནོན་ཤུགས་ཅིག་སྟེར་ངེས་པར་འདོད།

    Reply
  3. གནས་ཚང་། says:
    ལོ་ 12 སྔོན།

    ཕྱི་སྡོད་བོད་རིགས་སྤུན་ཟླ་བོད་ནང་ཕེབས་པར་ཏང་གིས་ག་དུས་ཀྱང་སྒོ་ཕྱེས་ཡོད་ཅིང་། ལྡེ་མིག་ནི་བོད་དེ་གནའ་སྔ་མོ་ནས་རྒྱ་ཁོངས་ཡིན་པར་ངོས་ལེན་གནང་ན་སྔར་བྱས་གུ་ཡངས་གཏོང་རྒྱུ་དེ་ཡིན།

    Reply
  4. ཁ་བ་སྐམ་པོ། says:
    ལོ་ 12 སྔོན།

    རེད་ཡ་རྒྱལ་ལོ་དང་སྟག་་མཚེར་སོགས་ཀྱིས་བོད་དོན་དུ་ཁ་ཞེ་གཉིས་མེད་ཀྱི་ལས་དོན་བསྒྲུབས་ནས་མི་ཚེ་ཡང་རྫོགས་སོང་ཐལ། འོན་ཀྱང་འདི་དག་ཡང་ནག་ཉེས་ཤིག་མ་རེད་ཟེར་མཁན་ཉུང་གི་ཡ་་་་་ཤུཤུཤུ

    Reply
  5. ནད་པ says:
    ལོ་ 12 སྔོན།

    ༸ གོང་ས་སྐྱབས་མགོན་ཆེན་པོས་ཐུགས་དགོངས་དཀྱེལ་ཡངས་ཆེ་བ་འདི་འདྲ་ཞིག་གིས་རེ་འདུན་གནང་བཞིན་ཡོད་ཀྱང་དེར་རྒྱ་ནག་དབུས་གཞུང་གིས་དང་ལེན་བྱེད་ཐབས་བྲལ་བ་ཞིག་ཆགས་ཡོད།

    ཉེ་བའི་ཆར་ཨ་རིའི་དབུས་གསང་བའི་ལས་ཁུངས་ཀྱིས་བོད་མི་བརྒྱ་ལྷག་ལ་འཇབ་དམག་དང་གསང་བའི་སགྲིག་འཛུགས་སོགས་ཀྱིས་སྦྱོང་སྤྲད་དེ་བཅིང་གྲོལ་དམག་ལ་རྒོལ་བའི་ལས་གཞི་སྤེལ་བ་དེ་དག་ཆ་ཚང་༸ གོང་ས་མཆོག་གི་དབུ་ལ་བསྐྱལ་ཏེ་སྐྱོན་བརྗོད་ཚད་ལས་བརྒལ་བ་ཞིག་རྩོམ་ཡིག་སྤེལ་འདུག

    དོན་དངོས་ཐོག་ཨ་རིའི་དབུས་གསང་བའི་ལས་ཁུངས་དང་འབྲེལ་བ་བྱེད་མཁན་དེ་ཚོ་ཏྰ་ལའི་བླ་མའི་སྐུའི་གཅེན་པོ་རྒྱལ་ལོ་དང་། ཐུབ་བསྟན་འཇིགས་མེད་སོགས་བོད་མི་འགའ་ཤས་ཞིག་གིས་བྱས་ཡོད་པ་ལས་༸ གོང་ས་མཆོག་གིས་རྒྱ་བོད་གཉིས་ཕན་ཁོ་ནའི་ལམ་ནས་མཉམ་གནས་བྱེད་རྒྱུའི་ཐུགས་རེ་གནང་བཞིན་ཡོད།

    གནད་དོན་དེ་ཚོའི་གྲས་༸ གོང་ས་མཆོག་བོད་དུ་ཕེབས་རྒྱུའི་ཐད་ལ་འགོག་རྐྱེན་ཆགས་ཀྱི་ཡོད་སྟབས་འབྲེལ་ཡོད་རྒྱ་ལོ་སོགས་ཀྱིས་དུས་ཐོག་གསལ་བཤད་བྱེད་དགོས།

    Reply
  6. གནམ་ལྕགས། says:
    ལོ་ 12 སྔོན།

    གང་ལྟར་གང་མགྱོགས་ངང་༸རྒྱལ་བ་རིན་པོ་ཆེ་བོད་དུ་ཕེབས་ཐུབ་ན་བོད་གཞིས་ལུགས་རྒྱ་ཆེའི་མི་མང་ལ་རེ་བ་དེ་ལས་མེད།

    Reply
  7. རང་དབང་ཕོ་ཉ། says:
    ལོ་ 12 སྔོན།

    འོ་ད་ཡིན་ན།གོང་ས་མཆོག་ཁོང་གི་རྒྱ་ནག་གི་ཕྱི་སྐྱོད་ལག་འཁྱེར་མ་ལེན་སྔོན་ནས་ང་ཚོ་བོད་མི་རྣམས་ལེན་ཚར་བ་བྱེད་དགོས་རེད་མ་གཏོགས་རྒྱ་གར་གཞུང་གིས་སྡོད་བཅུག་གི་མ་རེད་ད།་

    Reply
  8. ཁ་བ་ནག་པོ། says:
    ལོ་ 12 སྔོན།

    རྒྱ་ནག་གི་བཅའ་ཁྲིམས་འོག་ གི་རང་སྲིད་རང་སྐྱོང་དང་རྒྱ་ནག་གི་ཕྱི་བསྐྱོད་ལག་ཁྱེར་གཉིས་ཀྱི་བར་དུ་ མཚུངས་རྟགས་ལས་འགལ་རྟགས་ཅི་ཡང་མེད། སྐད་ཆ་ཐག་ཉེ་ས་ནས་བཤད་ན་ང་ཚོས་ད་བར་རྒྱ་ནག་གི་ཕྱི་བསྐྱོད་ལག་ཁྱེར་མ་རག་པར་ ལོ་ངོ་ལྔ་བཅུ་ལྷག་ལ་དཀའ་ལས་བརྒྱབ་པ་མཁྱེན་པར་མཛོད།

    Reply
  9. ཀརྨ་རྡོ་རྗེ། says:
    ལོ་ 12 སྔོན།

    ༧གོང་ས་མཆོག་གང་མྱུར་བོད་ལ་གཟིགས་སྐོར་དུ་ཕེབས་ཐུབ་པའི་རེ་སྨོན་ཞུ། ཧང་གྷ་རི་ནས།

    Reply
  10. གླིང་ཚང་བྱ་གླག says:
    ལོ་ 12 སྔོན།

    གོང་ས་སྐྱབས་མགོན་ཆེན་པོ་མཆོག་གི་རེ་དོན་འགྲུབ་པར་ཤོག

    Reply
  11. ཤེལ་དཀར་བློ་བཟང་། says:
    ལོ་ 12 སྔོན།

    ༸མགོན་པོ་མཆོག་གིས། ད་ལྟའི་དུས་འདིར་མེ་མདའི་ནུས་སྟོབས་ལས་དྲང་བདེན་གྱི་ནུས་སྟོབས་ཤུགས་ཆེ་བ་དང་། མེ་མདའི་ནུས་སྟོབས་དེ་གནས་སྐབས་ཀྱི་ནུས་སྟོབས་ཤིག་ཡིན་པ་དང། དེས་དྲང་བདེན་གྱི་ནུས་སྟོབས་མེད་པར་བཟོ་མི་ཐུབ་པ་གསུངས་པ་དངོས་ཡོད་གནས་ཚུལ་ཡིན་པ་སྨོས་མེད་རེད།།
    འོན་ཀྱང་དེང་སང་འཛམ་བུ་གླིང་འདི་དཔལ་འབྱོར་གྱི་དུས་རབས་ལྟབུ་ཞིག་ཆགས་སྟབས་དྲང་བདེན་གྱི་ནུས་སྟོབས་ལས་དཔལ་འབྱོར་གྱི་ནུས་སྟོབས་ཤུགས་ཆེ་བ་དང་། རྒྱལ་ཁབ་ཆེ་ཆུང་མང་དག་ཅིག་གིས་ཚོང་འབྲེལ་གྱི་དགོས་མཁོའི་དབང་ལས་རྒྱ་དམར་ལ་བསྟུན་མཁས་ཀྱིས་མེ་མདའ་དང་དཔལ་འབྱོར་གྱི་ནུས་སྟོབས་ཀྱིས་དྲང་བདེན་གྱི་ནུས་སྟོབས་མེད་པར་བཟོ་མི་ཐུབ་པའི་ངེས་པ་མི་འདུག།
    དཔེར་ན་དྲང་བདེན་དང་དངོས་ཡོད་གནས་ཚུལ་ལ་སོ་སོར་དབང་པའི་ལོ་རྒྱུས་ལྡན་པའི་རྒྱལ་ཁབ་ཞིག་ཡིན་ཀྱང་དེར་འགྲོ་དབང་དང་སྡོད་དབང་མེད་པར་གཞན་ལ་ལག་ཁྱེར་སོགས་ཞུ་དགོས་པ་ནི་དྲང་བདེན་གྱི་ནུས་པ་ཉམས་པའི་རྟགས་སུ་མཐོང་།

    Reply
  12. བསེ་རུ། says:
    ལོ་ 12 སྔོན།

    དོན་གོ་ལགས།
    ར་བ་ཡང་བཏོན་ཡོད། ཅེས་པ། རེ་བ་ཡང་བཏོན་ཡོད། ཅེས་པར་བཅོས་རོགས།

    ༸གོང་ས་མཆོག་གི་ཐུགས་དགོངས་སུ་འཆར་བ་ལྟར། དོན་དངོས་སུ་རྒྱ་ནག་གཞུང་གིས་ཕྱི་བསྐྱོད་ལག་ཁྱེར་ཐོག་ནས་༸གོང་ས་མཆོག་བོད་ནང་དུ་ནམ་ཡང་གདན་འདྲེན་བྱེད་མི་སྲིད་པ་ཞིག་རེད། བོད་མི་དཀྱུས་མ་ཚོ་ལོ་རེ་ནས་ལོ་རེ་བཞིན་ལག་ཁྱེར་དེའི་ཐོག་ནས་བོད་དུ་གཉེན་འཕྲད་སོགས་ལ་བསྐྱོད་ཐུབ་ཀྱི་ཡོད་ཀྱང་། ༸གོང་ས་མཆོག་ལག་ཁྱེར་དེའི་ཐོག་ནས་བོད་ནང་དུ་ཕེབས་འདུན་འཆར་བ་ལྟར་དོན་དངོས་སུ་ཕེབས་རྩིས་གནང་ན། རྒྱ་ནག་གཞཱུང་གིས་དེར་འགྲེལ་བཤད་ལོག་པ་ཞིག་རྒྱག་མགོ་ཚུགས་ཀྱི་རེད། །

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist