བཀའ་སྤྱི་གཉིས་ཀྱི་འོས་བསྡུ་ཆེན་མོ་གཉིས་བསླེབ་ལ་ཉེ་བའི་མཚམས་འདིར་བཙན་བྱོལ་གྱི་སྤྱི་ཚོགས་ཆུང་ཆུང་འདི་ནི་ཆབ་སྲིད་ཀྱིས་འཁྲུགས་ཆ་དོད་ལ། ལམ་འགྲམ་གཡས་གཡོན་གྱི་བརྩིགས་པ་ཐམས་ཅད་སྦྱར་ཡིག་གིས་གང་བའི་ཕྱི་ལོ ༡༩༣༠ སོ་གྲངས་ཡན་མན་གྱི་རྒྱ་ནག་གི་གྲོང་ཁྱེར་ཧྲང་ཧེ་ལྟ་བུ་ཞིག་རེད་འདུག་ཅེས་བཤད་པ་ལྟར་རེད།
འདི་ནི་ཕྱོགས་གཅིག་ནས་རང་ཉིད་རང་དབང་ལུང་པར་ཡོད་པའི་བོད་མི་ཞིག་ཡིན་པའི་ཆ་ནས་རང་ཉིད་ཀྱི་རང་དབང་དང་། རང་ཉིད་ཀྱི་དམངས་གཙོ་ཡོངས་རྫོགས་རང་ཉིད་ཀྱིས་ལོངས་སུ་སྤྱོད་པའི་མདུན་སྐྱོད་ཀྱི་རྣམ་པ་ཞིག་དང་། དམངས་གཙོ་དང་ཆབ་སྲིད་ཀྱི་གོ་རྟོགས་མཐོ་རུ་འགྲོ་བའི་རྣམ་པ། བཙན་བྱོལ་བོད་མི་རྣམས་དེང་རབས་ཀྱི་རྗེས་སུ་སྙེགས་སྟེ། བོད་མིའི་རྩ་དོན་དང་སྤྱི་ཚོགས་ལ་དོ་སྣང་ཆེ་རུ་ཕྱིན་པའི་རྣམ་པ་བཅས་དེ་རིང་གི་འཁྲུགས་ཆ་དོད་པའི་འོས་བསྡུ་འདིའི་གསེང་ནས་མཐོང་ཐུབ་པ་ཞིག་རེད།
འོན་ཀྱང་ཡང་ཕྱོགས་གཞན་ཞིག་ནས་བལྟས་པ་ཡིན་ན། འཁྲུགས་ཆ་འདི་ནི་ཆོལ་ཁ་དང་ཆོལ་ཁའི་བར། ཆོས་ལུགས་དང་ཚོགས་པ། ལུང་ཚན་དང་ལུང་ཚན་བར་གྱི་ཕྱོགས་ཞེན་དང་། འཐེན་ཁྱེར་ཀྱིས་བཞེངས་པའི་འཁྲུགས་ཆ་ཞིག་ཀྱང་མིན་མི་སྲིད་པ་རེད། ད་དུང་འདིའི་ཁྲོད་ནས་དཔོན་པོས་དབང་ཤུགས་ཀྱིས་འོས་གཞི་སྒྱུར་བ། གྲོགས་པོ་དང་ཉེ་འབྲེལ་གྱིས་འོས་གཞི་སྒྱུར་བ། རྒྱུ་དང་དཔལ་འབྱོར་གྱིས་འོས་གཞི་སྒྱུར་བ་སོགས་གང་ཟང་སྒེར་གྱི་རང་དབང་དང་། ཐོབ་ཐང་ཡོད་ཚད་འཕྲོག་པའི་འཇམ་རྩུབ་སྣ་ཚོགས་ཀྱི་ལས་འགུལ་འདྲ་མིན་ཞིག་ཀྱང་འཁྲུགས་ཆ་འདིའི་ཁྲོད་ནས་མཐོང་ཐུབ་པ་ཞིག་རེད།
ད་ལྟ་འཁྲུགས་ཆ་དོད་པའི་ལས་འགུལ་འདི་དག་ནི་སུས་ཀྱང་ཡག་ཉེས་ཕྱེ་མི་ཐུབ་ཀྱང་། བསླེབ་ལ་ཉེ་བའི་སྐབས་གསུམ་པའི་བཀའ་ཁྲིའི་འོས་ཤོག་དེས་ཁ་ཚོན་གསལ་པོ་གཅོད་རྒྱུ་རེད། འདི་ལ་བརྟེན་ནས་རྒྱལ་སྤྱི་ཡི་སྤྱི་ཚོགས་དང་། ང་ཚོའི་ཁ་ཐེག་རྒྱ་ནག་མི་དམངས་སྤྱི་མཐུན་རྒྱལ་ཁབ། མ་ཟད་བོད་ནང་དུ་ཡོད་པའི་གཞིས་ལུས་རྒྱ་ཆེ་མི་དམངས་བཅས་ནས། བཙན་བྱོལ་བོད་མིའི་བཟང་ངན་གྱི་ངོ་གདོང་དངོས་གནས་དེ་བཀའ་ཁྲི་འོས་འདེམས་འདི་ལ་བརྟེན་ནས་མཐོང་ཐུབ་གྱི་རེད།
དེ་བརྟེན་ང་ཚོས་ངེས་པར་དུ་༧གོང་ས་མཆོག་གིས་དབུ་ཁྲིད་པའི་བཙན་བྱོལ་སྤྱི་ཚོགས་འདི་ཡི་ཞབས་འདྲེན་མི་ཞུ་བའི་ཆེད་དུ་དང་། མ་འོངས་པའི་བོད་ལ་བསམ་གཞིག་བྱས་ཏེ། མི་ངན་གྱིས་ཟེར་ཁ་རྗེས་དང་གཡོ་འོག་ཏུ་མ་ཚུད་པར་རང་ཉིད་ཀྱི་རང་དབང་རང་ཉིད་ཀྱིས་ལོངས་སུ་སྤྱད་དེ་བཀའ་ཁྲི་སྐབས་གསུམ་པ་དེ་འདེམས་སྟངས་མ་ནོར་བ་ཞིག་ངེས་པར་བྱ་དགོས་སྙམ།
༼ སྤེན་པ་ཚེ་རིང་གི་ཟིན་བྲིས་ལས་འདྲེན་བཀོད་བྱས ༽
དབང་སྒྱུར་ཅེས་པ་ནི་མི་གྲགས་དང་དཔོན་གྲགས་སོགས་ཀྱིས་རང་ཉིད་ཀྱི་འདོད་ཕྱོགས་དེར་རང་མངའ་འོག་གི་མི་རྣམས་ཀྱང་དེར་ཞུགས་རྒྱུའི་སྐུལ་འདེགས་སྣ་ཚོགས་བྱེད་མ་ཟད། གལ་སྲིད་དེ་ལྟར་མ་བྱེད་ན་ཞེས་རྗེས་ཕྱོགས་ཁོང་དང་འབྲེལ་བ་མེད་ཅེས་བརྗོད་ལྟ་བུ་སྒེར་ཤུགས་ཅན་གྱི་དབང་སྒྱུར་བྱེད་སྟངས་ཤིག་རེད།
དཔེ་ན་རྒྱ་རི་སྒྲོལ་མ་ལྷོ་ཕྱོགས་སུ་ནམ་རྒྱུན་རྒྱུ་དངོས་ཀྱི་འབྲེལ་ཡོད་ཚོར་སྐད་ཆ་བཤད་སྟངས་ཤིག་གི་མཚོན་ཆོག
དཔོན་པོས་དབང་སྒྱུར་ནི་དཔེ་ན་ལྷོ་ཕྱོགས་མོན་གྷོ་གཞིས་འགོ་ཡིས་གཞུང་འབྲེལ་མིན་པའི་རང་ཉིད་ཀྱི་འདོད་ཕྱོགས་དང་མཐུན་པའི་མི་ཡིན་ཚེ་མི་དམངས་རྣམས་ཡོངས་དགོས་པའི་བཀའ་བཏང་བ་དང་།
དགོན་པ་ཁག་ཏུ་གཞུང་འབྲེལ་མིན་པ་ལ་གཏམ་བཤད་བྱེད་མི་ཆོག་པར་ཁོང་གིས་ངོས་སྦྱོར་སྤྲད་དེ་གཞུང་འབྲེལ་དུ་བསྒྱུར་བ་སོགས་ཡོད།
ད་དུང་ཡོད་རྗེས་མ་ནས།
ད་ཆ་བྱེ་བྲག་དབྱེ་ནས་ཞིབ་མོ་རྣམ་འཐག་གིས་དཔྱད་དགོས་པ་ལས་བམ་བཤད་ཙམ་གྱིས་ཅི་ཕན། དཔེར་ན་ས་ཆ་གང་ན་དཔོན་པོ་སུས་གང་ལ་དབང་ཇི་ལྟར་བསྒྱུར་བ་ཁ་གསལ་འབྲི་དགོས་པ་ལས། ཇི་བཞིན་བརྗོད་པའི་རྩོམ་ཡིག་དག་ནི་མི་དཀྱུས་མ་གང་མང་ཞིག་ལ་འོས་བསྡུའི་ཆ་ཤས་ལེན་པའི་འགོག་རྐྱེན་ནོ།། ངའི་གྲོགས་པོ་ཉི་མ་དང་ཟླ་བ་གཉིས་ལ་མཚོན་ན། ཤེས་ཡོན་མེད་ཁར་དུས་རྒྱུན་དོ་སྣང་མེད། ངས་འོས་མ་བླུག་ན་བོད་མི་རིག་ལ་མཐོང་ཆུང་བྱས་ཚུལ། དེ་ཡང་གཞོན་སྐྱེས་ཤིག་ཡག་ཚུལ་སོགས་བཤད་པས་ད་ཆ་ཨང་གསར་རེད། འདི་ཡང་དབང་བསྒྱུར་ཅིག་གམ།
མགོ་ན་གིན་འདུག འོས་གཞི་འདོན་མཁན་མང་གྲགས་པས་མགོ་ན་གིན་འདུག
བཟང་རབ་རྒྱན་རབ་གིས་རྒྱུ་མཚན་རི་འདྲ་རེ་བཤད་རྒྱུ་འདུག ལུས་ངལ་སོང་བས་མི་ལྕོག་གི ད་མགོ་ཐིམ་རྒྱབ་དེ་ཉལ་བསྡད་ན་ཏག་ཏག་རེད
ཨ་ཀ་སྤེན་པ་ལགས་བདེན་གི་འདོད
ད་འདི་ལྟར་ཆས་ན་འབྱུང་འགྱུར་སྤྱི་མཐུས་དག་ཕར་ཆེར་ཡིད་ལ་ཤར་ཡོང་ཚོད་དུ་འདུག
བཀའ་སྤྱི་ཡང་དེ་མཚུངས་རེད
རེ་བ་ཞིག་ཡོད་པ་ནི འབྱུང་འགྱུར་གྱི་བཀའ་སྤྱི་དེ་ རྒན་གཞོན་ཉམས་མྱོང་སོགས་མང་དག་ཞིག་བཤད་བཞིན་པ་འདི་རེད དེར་བརྟན་དེ་དག་གི་རྟགས་མཐའ་དང་ཆད་མཐར་མ་ལྷོང་བ་ཞིག་གིས་ཐོག་ནས་བཀའ་སྤྱི་འདེམས་རྒྱུ་དེ་ཡིན