ཕྱི་ཟླ་ ༡༠ པའི་ཚེས ༤ ཉིན་ཧྥ་རན་སིའི་གསར་ཁང་གིས་གནས་ཚུལ་སྤེལ་བ་ལྟར་ན། ཉེ་ཆར་གོ་ལའི་ལྟེ་གནས་དུས་དེབ་ Global central magazine ཞེས་པའི་ཐོག་གནས་ཚུལ་ཞིག་སྤེལ་བའི་ནང་། རྒྱ་གར་གྱི་མི་འབོར་ཕྱི་ལོ་ ༢༡༠༠ ལོའི་མཚམས་སུ་མི་གྲངས་དུང་ཕྱུར་ ༡༨ ནས་ ༢༡ བར་འཕེལ་རྒྱུ་ཡིན་པ་དང་། འཛམ་གླིང་ཐོག་མི་གྲངས་དུང་ཕྱུར་ ༢༠ ལས་བརྒལ་བའི་རྒྱལ་ཁབ་གཅིག་པུ་དེ་ཆགས་རྒྱུ་ཡིན་པ་མ་ཟད། དབྱིན་ཇིའི་མི་འབོར་དེ་ཡང་ཕྱི་ལོ་ ༢༠༥༡ ལོའི་མཚམས་སུ་མི་འབོར་བྱེ་བ་བདུན་དང་ས་ཡ་བརྒྱད། འབུམ་བརྒྱད་ལྷག་ ༧༨༨༠༠༠༠༠ ལས་བརྒལ་ཏེ། ཡུ་རོབ་ཁུལ་གྱི་མི་འབོར་མང་ཤོས་ཀྱི་རྒྱལ་ཁབ་དེ་ཆགས་རྒྱུ་ཡིན་པ་རེད།
རྒྱ་ནག་གི་ལོ་ངོ་ ༣༠ རིང་གི་ཕྲུ་གུ་གཅིག་ལས་སྐྱེས་མི་ཆོག་པའི་སྲིད་བྱུས་དེའི་དབང་གིས་ད་ཆར་རྒྱ་ནག་རྒན་ཁོགས་ཆེས་མང་པའི་མི་རབས་ཤིག་ཆགས་ཡོད་ཅིང་། ཕྱི་ལོ་ ༢༠༣༣ ཙམ་ལ་རྒྱ་ནག་གི་མི་འབོར་དེ་དུང་ཕྱུར་ ༡༥ རུ་བརྒལ་རྒྱུ་ཡིན་པ་དང་། མ་འོངས་པའི་རྒྱ་ནག་གི་མི་འབོར་འཕེལ་ཚད་དེ་ཆ་སྙོམས་བྱས་ན། ལོ་རེར་མི་ས་ཡ་བདུན་ ༧༠༠༠༠༠༠ རེ་ཇེ་མང་དུ་འགྲོ་རྒྱུ་ཡིན་འདུག ཕྱི་ལོ་ ༢༠༤༠ ལོའི་མཇུག་ཏུ་ལོ་ན་ ༦༠ ལས་བརྒལ་བའི་བགྲེས་སོང་གི་གྲངས་ཚད་དེ་དུང་ཕྱུར་ ༤ རུ་འཕེལ་རྒྱུ་ཡིན་འདུག
ཕྱི་ལོ་ ༡༩༤༧ ལོར་རྒྱ་གར་དབྱིན་ཇིའི་དབང་སྒྱུར་འོག་ནས་རང་བཙན་ཐོབ་སྐབས། རྒྱ་གར་སྤྱིའི་མི་འབོར་དུང་ཕྱུར་གསུམ་དང་བྱེ་བ་ལྔ་ ༣༥༠༠༠༠༠༠༠ ཙམ་ལས་མེད་ཀྱང་། ད་ལོའི་ཕྱི་ཟླ་ ༤ པའི་ནང་རྒྱ་གར་གྱིས་རོབ་རྩིས་བྱས་པ་ལྟར་ན། མི་འབོར་ཐེར་འབུམ་གཅིག་དང་དུང་ཕྱུར་གཅིག བྱེ་བ་བརྒྱད་ ༡༡༨༠༠༠༠༠༠༠ ཙམ་ལ་སླེབས་ཡོད་འདུག་ལ། མི་འབོར་འཕར་ཚད་དེ་ཡིས་འཛམ་གླིང་སྤྱིའི་མི་འབོར་གྱི་བརྒྱ་ཆ་ ༡༧༌༣༡ ཙམ་ཟིན་ཏེ། མི་འབོར་མང་བའི་རྒྱལ་ཁབ་ཨང་གཉིས་པར་སླེབས་ཡོད། འདས་པའི་མི་ལོ་ ༦༣ རིང་རྒྱ་གར་གྱི་མི་འབོར་དེ་ལྡབ་གཉིས་ལྷག་འཕར་ཡོད་འདུག
གསར་འགོད་པ། དཔལ་ལྡན།
མིའི་སྐྱེ་སྒོ་བཀག་པ་དང་མངལ་ནས་མིར་ཆགས་པའམ་ཕྲུ་གུ་བཏོན་པ་གཉིས་ལ་ཁྱད་པར་ཤིན་ཏུ་ཆེ་བ་ནི། མིར་ཆགས་པའམ་ཕྲུ་གུ་བཏོན་པ་ནི། སྡིག་པ་ཤིན་ཏུ་ཆེ་བས་བྱེད་མི་རུང་ལ། དེས་ན་སྔ་མ་ཕྲུ་གུ་ཆགས་མི་བཅུག་པ་དེ་འོས་ཀྱང་། ཕྲུ་གུ་བཏོན་མི་འོས་སོ། །
རྒྱ་གར་ཡུལ་ལུང་འདི་བཞིན་རང་དབང་ཅན་གྱི་རྒྱལ་ཁབ་ཞིག་ཡིན་པས་མི་འབོར་འཕེལ་རྒྱས་འགྲོ་ངེས་རེད།
གཞུང་གིས་བརྟག་་འཛིན་མ་བྱས་པ་ལ་བརྟེན་ནས་བྱུང་་བ་རེད།
ལྷག་པར་དུ་མི་དམངས་ལ་ཤེས་ཡོན་གྱི་གནས་ཚད་མཐོན་པོ་མེད་ན་ད་དུང་ཡང་འཔེལ་རྒྱས་འགྲོ་ངེས་རེད།
ཁ་ཆེའི་ཆོས་རྒྱུད་པ་རྣམས་ཀྱིས་སྐྱེ་སྒོ་མ་བཀག་པ་དེ་ཡིས་ཉིན་གཅིག་ཡུལ་ལུང་འདི་བཞིན་ཁ་ཆེའི་རྒྱལ་ཁབ་ཞིག་ཏུ་འགྲོ་མི་སྲིད་པའང་མ་རེད།
བོད་རིགས་ནི་ཇེ་ཉུང་ནས་ཇེ་ཉུང་དུ་འགྲོ་ངེས་རེད།
ཕྱི་རྒྱལ་ནུབ་ཕྱོགས་པ་ཡིས་ལས་བཟློས་བྱེད་རྒྱུར་དགའ་དྲགས་ནས་བུད་མེད་རྣམས་སྐྱེ་སྒོ་འགོག་རྐྱང་བྱེད་བཞིན་འདུག
དངོས་གནས་བྱས་ན་ནང་པའི་གཞུང་ལས་བཤད་པ་ལྟར་བྱས་ན་སྐྱེ་སྒོ་འགོག་པ་ནི་སྡིག་པ་ཤིན་ཏུ་ཆེ་བར་མ་ཟད་མི་བསད་པའི་ཉེས་པའང་འབྱུང་གི་ཡོད།
མ་ཡི་མངལ་དུ་ཉིང་མཚམས་སྦྱར་མ་ཐག་ཏི་མི་ཡི་རྣམ་ཤེས་གྲུབ་ཟིན་ཡོད་པས་གལ་ཏེ་བུད་མེད་ཀྱི་མངལ་དུ་ནར་ནར་པོ་དང་ལྟར་ལྟར་པོ་ལས་སོགས་ཆགས་ཟིན་པའི་སྐབས་རྩ་མེད་དུ་བཏང་ན་མི་བསད་པའི་ལྟུང་བ་འབྱུང་གི་ཡོད།
ནང་པ་བ་རྣམས་ཐུགས་བསམ་བཞེས་རོགས།
ང་ཚོས་འཚེ་བ་བྱེད་ཀྱི་མེད་ཅེས་འགྲེལ་བཤད་ཅིག་རྒྱབ་ཡང་ཕྱོགས་གཅིག་ནས་བུད་མེད་ཀྱི་སྐྱེ་སྒོ་འགོག་པ་དང་བོད་གཞིས་རྣམས་སུ་དང་བླང་གི་ཁྱི་འཁྱམས་དེ་ཚོའི་སྐྱེ་སྒོ་འགོག་པའི་ཁབ་དང་བཤགས་བཅོས་བྱེད་པ་ནི་ནང་པའི་གཞུང་ལུགས་ནས་བཤད་པ་དང་འགལ་འགྲོ་གི་ཡོད་པར་ཤེས་དགོས་ཀྱི་འདུག
གོ་ལ་སྔོན་པོ་འདིའི་མི་འབོར་འཕེལ་ཐུགས་ལ་བཀག་སྡོམ་བྱེད་མི་རན་ནམ།