རྒྱ་ནག་གི་གནོན་ཤུགས་ལ་མ་ལྟོས་པར་ནོ་བྷེལ་ཞི་བདེ་གཟེངས་རྟགས་ཚོགས་ཆུང་གིས་འདི་ལོའི་ནོ་བྷེལ་གཟེངས་རྟགས་དེ་རྒྱ་ནག་གི་བཙོན་འོག་ཏུ་ཡོད་པའི་སྲིད་དོན་བཙོན་པ། རྩོམ་པ་པོ་ལིག་ཞོ་པོ་ལ་སྤྲོད་རྒྱུའི་ཐག་གཅོད་བྱུང་མ་ཐག འཛམ་གླིང་གི་དབུ་ཁྲིད་མང་པོ་ཞིག་གིས་དགའ་བསུའི་རྟེན་འབྲེལ་ཞུ་ཡིག་ཕུལ་ཡོད།
ཁ་སང་ཕྱི་ཚེས་ ༨ ཉིན་ཕྱི་ལོ་ ༢༠༡༠ ལོའི་ནོ་བྷེལ་ཞི་བདེ་གཟེངས་རྟགས་དེ་ད་ལྟ་རྒྱ་ནག་གི་བཙོན་འོག་ཏུ་ཡོད་པའི་སྲིད་དོན་བཙོན་པ། རྩོམ་པ་པོ་ལིག་ཞོ་པོ་ལ་སྤྲོད་རྒྱུའི་གསལ་བསྒྲགས་བསྐྱངས་མ་ཐག ༧གོང་ས་མཆོག་དང་བོད་གཞུང་བཀའ་ཤག་གཉིས་ནས་འཚམས་འདྲིའི་བཀྲ་ཤིས་བདེ་ལེགས་ཀྱི་གསུང་འཕྲིན་བསྩལ་ཡོད་ཅིང་། ནོར་ཝེ་སྲིད་འཛིན་གཙོས་པའི་འཇར་མན་དང་ཧྥ་རན་སི། ཐེ་ཝན། བྷེལ་རྗམ་སོགས་རྒྱལ་ཁབ་ཁག་གི་དབུ་ཁྲིད་དང་རྒྱལ་སྤྱིའི་ཉེས་ཡངས་ཚོགས་པ། དེ་བཞིན་རྒྱལ་མཚམས་མེད་པའི་གསར་འགོད་མཐུན་ཚོགས་དང་འགྲོ་བ་མིའི་ཐོབ་ཐང་ཚོགས་སྡེ་ཁག་བཅས་ནས་གཅིག་རྗེས་གཉིས་མཐུད་དུ་རྟེན་འབྲེལ་ཞུ་ཡིག་ཕུལ་ཡོད།
ནོ་བྷེལ་ཞི་བདེ་གཟེངས་རྟགས་ཚོགས་ཆུང་གི་གསལ་བསྒྲགས་ནང་བཀོད་དོན། ང་ཚོས་འགྲོ་བ་མིའི་ཐོབ་ཐང་དང་ཞི་བདེ་གཉིས་བར་འབྲེལ་བ་ཟབ་མོ་ཞིག་ཡོད་པར་ཡིད་ཆེས་བྱེད་ཀྱི་ཡོད་ལ། འདས་པའི་མི་ལོ་བཅུ་ཕྲག་འགའི་རིང་རྒྱ་ནག་གི་དཔལ་འབྱོར་འཕེལ་རྒྱས་ཆེན་པོ་ཕྱིན་ཡོད་ཀྱང་། དཔལ་འབྱོར་འཕེལ་རྒྱས་དང་འགྲོ་བ་མིའི་ཐོབ་ཐང་གི་གནས་སྟངས་ཆ་སྙོམས་ཐོག་ཡར་རྒྱས་ཕྱིན་མེད་པར་ངོས་འཛིན་བྱེད་ཀྱི་ཡོད། ད་ཆར་རྒྱ་ནག་འཛམ་གླིང་གི་དཔལ་འབྱོར་སྟོབས་ཤུགས་ཆེ་ཤོས་ཨང་གཉིས་པར་བསླེབས་ཏེ། མི་དམངས་ས་ཡ་མང་པོ་དབུལ་ཕོངས་ཀྱི་དཀའ་སྡུག་ལས་གྲོལ་བཞིན་ཡོད་ཅིང་། གོ་སྐབས་འདི་དང་བསྟུན་ཏེ་ཆབ་སྲིད་གནས་བབ་ཀྱང་གུ་ཡངས་སུ་གཏོང་རྒྱུའི་གོ་སྐབས་ཡོད་པ་མ་ཟད། འདི་དང་ཆབས་ཅིག་རྒྱ་ནག་གི་ཆབ་སྲིད་ལ་འགན་འཁྲི་ཆེན་པོ་ཞིག་ཀྱང་ཡོང་གི་ཡོད། ཅེས་དང་།
རྒྱ་ནག་རྒྱལ་སྤྱིའི་འགྲོ་བ་མིའི་ཐོབ་ཐང་སྐོར་གྱི་གྲོས་ཆོད་མང་པོར་ས་རྟགས་བསྐྱོན་པའི་གྲས་སུ་ཡོད་ཀྱང་། དུས་ཡུན་རིང་པོར་རྩིས་མེད་རྡོག་རོལ་དང་ཆབ་སྲིད་ཐོབ་ཐང་ལ་གཏོར་བཤིག་གཏོང་གི་ཡོད། རྒྱ་ནག་གི་རྩ་ཁྲིམས་དོན་ཚན་ ༣༥ ནང་། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་འབངས་ཡོངས་ལ་སྨྲ་བརྗོད་རང་དབང་ལོངས་སུ་སྤྱོད་རྒྱུ་དང་། གསར་འགོད་རང་དབང་། འདུ་འཛོམས་རང་དབང་། དེ་བཞིན་བསམ་ཚུལ་མི་མཐུན་པ་དང་ལྟ་གྲུབ་མི་མཐུན་པའི་རིགས་ཀྱིས་གཞུང་ལ་གཏུག་བཤེར་དང་། ངོ་རྒོལ་སྐད་འབོད་སོགས་ཀྱི་ཐོབ་ཐང་ཡོད་པ་སོགས་བཀོད་ཡོད། ཅེས་བསྟན་འདུག
དེར་མུ་མཐུད་བཀོད་དོན། འདས་པའི་མི་ལོ་བཅུ་ཕྲག་གཉིས་རིང་། ལིག་ཞོ་པོ་ཡིས་རྒྱ་ནག་ནང་གི་འགྲོ་བ་མིའི་ཐོབ་ཐང་ཡར་རྒྱས་གཏོང་ཐབས་སུ་ལས་དོན་ཤུགས་ཆེན་སྤེལ་ཞིང་ ༡༩༨༩ ལོའི་དམངས་གཙོའི་ལས་འགུལ་ནང་ཞུགས་ཡོད། ༢༠༠༨ ལོར་བརྩམས་པའི་རྒྱ་ནག་ནང་འགྲོ་བ་མིའི་ཐོབ་ཐང་ཡར་རྒྱས་དང་། ཆབ་སྲིད་ལམ་ལུགས་བཅོས་སྒྱུར་དགོས་པའི་རྩོམ་ཡིག་སྤེལ་ཡོད། འོན་ཀྱང་རྒྱ་ནག་གཞུང་གིས་ཁོང་ལ་རྒྱལ་ཁབ་མགོ་རྟིང་སློག་མཁན་གྱི་ཉེས་མིང་བཏགས་ཏེ། མི་ལོ་ ༡༡ གི་ཁྲིམས་ཆད་དང་ལོ་ ༢ ཀྱི་ཆབ་སྲིད་དབང་ཆ་འཕྲོགས་ཡོད། དེ་ནི་རྒྱ་ནག་གཞུང་གིས་མུ་མཐུད་རྩ་ཁྲིམས་ཀྱི་ནང་དོན་དང་། གཞི་རྩའི་འགྲོ་བ་མིའི་ཐོབ་ཐང་དང་འགལ་འཛོལ་བྱེད་ཀྱི་ཡོད། གནས་སྟངས་དེ་དག་འོག་ལིག་ཞོ་པོ་ནི་མིག་དཔེར་བལྟ་འོས་པའི་རྒྱ་ནག་ནང་འགྲོ་བ་མིའི་ཐོབ་ཐང་བརྩོན་ལེན་བྱེད་མཁན་རླབས་ཆེན་ཞིག་ཡིན། ཞེས་བཀོད་ཡོད།
ལིག་ཞོ་པོ་ཡི་བཟའ་ཟླ་ལིག་ཞོ་ཞཱ་ཡིས་ཐེངས་འདིར་ལིག་ཞོ་པོ་ལ་རྒྱབ་སྐྱོར་གནང་མཁན་ཅཱེག་སྤྱི་མཐུན་རྒྱལ་ཐུབ་ཀྱི་སྲིད་འཛིན་ཟུར་བ་བཱ་ཟི་ལ་ཧྭ་ཝར་དང་། ༧གོང་ས་ཏཱ་ལའི་བླ་མ། ཡུ་ཤེའི་བླ་ཆེན་ཁྲོའུ་ཁྲོའུ་བཅས་ལ་ཐུགས་རྗེ་ཆེ་ཞུས་འདུག་ལ། ཁོང་མོས་བཟའ་ཟླ་ལིག་ཞོ་པོ་ལ་ནོ་བྷེལ་ཞི་བདེ་གཟེངས་རྟགས་ཐོབ་པ་འདི་ལ་བརྗོད་མི་ཤེས་པའི་དགའ་ཚོར་ཞིག་བྱུང་ཞིང་། འདི་དང་མཉམ་དུ་སྐྱོ་སྣང་ཞིག་ཀྱང་སྐྱེས་བྱུང་། དེ་ནི་ལིག་ཞོ་པོ་ཁོང་དང་མཉམ་དུ་གཏམ་བཟང་འདིར་རོལ་བའི་གོ་སྐབས་མེད་སོང་བ་དེ་རེད་ཅེས་དང་། རྒྱ་ནག་གཞུང་ལ་ལིག་ཞོ་པོ་འཕྲལ་དུ་ཀློད་གྲོལ་གཏོང་དགོས་པའི་འབོད་སྐུལ་ཞུ་རྒྱུ་ཡིན། ལིག་ཞོ་པོ་ཁོང་ད་ལྟ་རྒྱ་ནག་བྱང་ཤར་ལེའོ་ཉིན་ཞིང་ཆེན་ནང་ཁྲིད་ཡོད་པའི་གནས་ཚུལ་ཉེན་རྟོག་པའི་ཁ་ནས་གོ་སོང་། ཟླ་རྗེས་མར་ང་ཁོང་ལ་ཐུག་འཕྲད་དུ་བསྐྱོད་རྒྱུ་ཡིན་ལ། སྐབས་དེར་ཁོང་ལ་ནོ་བྷེལ་ཞི་བདེ་གཟེངས་རྟགས་ཐོབ་ཡོད་པ་བཤད་ཐུབ་གི་རེད། ཅེས་བརྗོད་འདུག
རྒྱ་རིགས་རྩོམ་པ་པོ་ལིག་ཞོ་པོ་ལགས་ནི་ད་ལྟ་རང་ལོ་ ༥༤ ཡིན་ཞིང་། ཕྱི་ལོ་ ༡༩༨༩ ལོའི་གནམ་བདེ་སྒོ་མོ་ཆེ་ཐང་ཆེན་གྱི་སློབ་ཕྲུག་གི་དམངས་གཙོའི་ལས་འགུལ་སྐབས་ཁོང་ཨ་རིར་ཡོད་ཀྱང་། གནས་ཚུལ་དེ་ཐོས་མ་ཐག་འཕྲལ་དུ་རྒྱ་ནག་ནང་ཕྱིར་ལོག་བྱས་ཤིང་། ལས་འགུལ་དེའི་ནང་མཉམ་ཞུགས་ཀྱིས་སྣེ་འཁྲིད་པའི་འགན་བཞེས་ཡོད། འོན་ཀྱང་། སྐབས་དེར་རྒྱ་གཞུང་གིས་ལས་འགུལ་དེར་དྲག་གནོན་བྱས་ཏེ་སློབ་ཕྲུག་སྟོང་ཕྲག་མང་པོ་བསྡེབས་གསོད་བྱས་ཤིང་། ལིག་ཞོ་པོ་ཡང་འཛིན་བཟུང་བྱས་ཏེ་ལོ་གཉིས་ལ་བཀག་ཉར་གྱིས་ ༡༩༩༡ ལོར་ཀློད་གྲོལ་བཏང་ཡོད། ཁོང་གིས་དུས་རྒྱུན་རྒྱ་ནག་གི་འགྲོ་བ་མིའི་ཐོབ་ཐང་ཡར་རྒྱས་སུ་གཏོང་དགོས་པ་དང་། ཚོགས་པ་གཅིག་གིས་སྒེར་སྡོམ་བྱས་པའི་སྲིད་ལུགས་དེར་ངོ་རྒོལ་གྱི་བསྒྲགས་གཏམ་སྤེལ་ཏེ་ ༡༩༩༦ ལོར་སླར་ཡང་འཛིན་བཟུང་བྱས་ཏེ་ལོ་གསུམ་ལ་ཏེ་ངལ་རྩོལ་བསྒྱུར་བཀོལ་གྱི་བཙོན་དུ་བཅུག
༡༩༩༩ ལོར་ཀློད་གྲོལ་ཐོབ་ཀྱང་མུ་མཐུད་དེ་གཞུང་གི་སྲིད་ཇུས་ལ་ངོ་རྒོལ་དང་། ལྷག་པར་དུ་བོད་ཀྱི་གནད་དོན་གཙོས་པའི་གྲངས་ཉུང་མི་རིགས་ཐོག་འཛིན་པའི་སྲིད་བྱུས་དེ་དྲང་བདེན་མིན་པའི་སྐྱོན་བརྗོད་སྔར་ལས་ཤུགས་ཆེ་རུ་བཏང་ཞིང་། ཕྱི་ལོ་ ༢༠༠༨ ལོར་ ༼ ཕྱི་ལོ་ ༢༠༠༨ ལོའི་རྩ་འཛིན་ཡིག་ཆ ༽ ཞེས་པའི་ཡིག་ཆ་དེ་རྩོམ་སྒྲིག་བྱས་ཏེ། ཁོང་གཙོས་པའི་རྒྱ་རིགས་རྩོམ་པ་པོ་དང་དམངས་གཙོ་དོན་གཉེར་བ། དེ་བཞིན་ལས་རིགས་འདྲ་མིན་སྟེང་གི་ཤེས་ཡོན་ཅན་དང་། གཞི་རིམ་མང་ཚོགས་དཀྱུས་མ་བཅས་ཁྱོན་མི་གྲངས་ ༣༠༠ ལྷག་གིས་ས་རྟགས་བསྐྱོན་པ་ཞིག་ཁྱབ་བསྒྲགས་བྱས་ཡོད་སྟབས། རྒྱ་གཞུང་གིས་བསྐྱར་དུ་འཛིན་བཟུང་བྱས་ཏེ་ལེའོ་ཉེན་ཞིང་ཆེན་ཁྲིམས་ཁང་གིས་རྒྱལ་ཁབ་ཀྱི་སྲིད་དབང་མགོ་རྟིང་སློག་མཁན་གྱི་ཉེས་མིང་བཏགས་ཏེ་ལོ་ ༡༡ གི་ཁྲིམས་ཐག་བཅད་ཡོད།
གསར་འགོད་པ། དོན་འགྲུབ་བཀྲ་ཤིས།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
མི་ཤེས་མི་ཤེས། དགྱ་རྒན་ཁ་སྣ་ཚང་བ་ཞིག་འདུག་ཟེར་བར་ཧ་ལས་ནས་རྒྱུས་ལོན་བྱེད་རྒྱུ་མ་བྱུང་།
རྒྱ་ནག་གི་སྐུ་ཞབས་ལིག་ཞོ་པོ་ལ་འཛམ་གླིང་ཆེ་མཐོའི་ནོ་བྷེལ་ཞི་བདེའི་གཟེངས་རྟགས་ཐོབ་པར་ཁོང་ལ་དགའ་བསུའི་བརྟེན་འབྲེལ་སྙིང་ནས་ཞུ་བཞིན་ཡོད།
སྐུ་ཞབས་ལིག་ཞོ་པོ་ནི་དམངས་གཙོ་དང་རང་དབང་དོན་གཉེར་བ་ཚད་ལྡན་ཡིན་པའི་དཔང་རྟགས་སུ་ནོ་བྷེལ་ཞི་བདེའི་གཟེངས་རྟགས་ཕུལ་གནང་བ་ལ་ང་ཚོ་ཤར་ཕྱོགས་ཨེ་ཤ་ཡ་དང་འཛམ་གླིང་ཞི་བདེ་ལ་སྐྱོད་ཐུབ་པའི་མོས་པ་ཡོད་མཁན་ཡོངས་ཀྱི་སེམས་ནང་ལ་ཞི་བདེའི་མེ་ཏོག་གསར་བ་ཞིག་འཁྲུངས་སུ་གཅུག་ཡོད་པས་སྐུ་ཞབས་ཁོང་ལ་དགའ་བསུ་དཔག་མེད་ཞུ་རྒྱུ་དང་ཁོང་གི་མ་འོང་པའི་མདུན་སྐྱོད་ལ་བར་ཆད་མེད་པར་སྨོན། བཀྲ་ཤིས་བདེ་ལེགས་ཁྲི་ཁྲི་འབུམ་འབུམ་ཞུ།
རྒྱ་རིགས་དམངས་གཙོ་དོན་གཉེར་བ་ལེའོ་ཞོ་པོ་མཆོག་ལ་ཞི་བདེའི་གཟེང་རྟགས་ཐོབ་པར་དགའ་སུ་ཞུ།
བཀུར་བར་འོས་པའི་སྐུ་ཞབས་ལིག་ཞོ་པོ་ལ་རྟེན་འབྲེལ་ཞུ།།
དོན་དངོས་ཐོག་ནས་སྐུ་ཞབས་ལིག་ཞོ་པོར་འཚམས་འདྲི་ཞུ་བཞིན་ཡོད་ད།
དྲང་བདེན་གྱི་་གནས་ལུགས་རང་སྲོག་ལྟར་འཛིན་མཁན་རྩོམ་པ་པོའམ་མང་གཙོ་འཐབ་རྩོད་པ་གྲགས་ཅན་ལེའོ་ཞུ་པའུ་ལགས་ལ་་ནོ་སྦེལ་ཞི་བདེ་གཟེངས་རྟགས་འབུལ་བ་དེར་ནོ་སྦེལ་ཞི་བདེ་གཟེངས་རྟགས་ཚོགས་ཆུང་གི་འབྲེལ་ཡོད་ལས་བྱེད་ཡོངས་ལ་ཐུགས་རྗེ་ཆེ་ཞུ་རྒྱུ་དང་། རྩོམ་པོ་ཁོང་ལ་་བཅོས་མིན་གྱི་འཚམས་འདྲིའི་བཀྲིས་བདེ་ལེགས་ཞུ་རྒྱུ་ཡིན།
རྩོམ་པ་པོ་ལིག་ཞོ་པོ་ལ་མཆོག་ལ་ལོ་འདིའི་ནོ་བྷེལ་ཞི་བདེ་གཟེངས་རྟགས་ཐོབ་པར་འཚམས་འདྲིའི་བཀྲ་ཤིས་བདེ་ལེགས་དང་ཁོང་མྱུར་དུ་ཀློད་གྲོལ་ཡོང་བའི་རེ་བ་ཡོད།
རྒྱ་ནག་གཞུང་ཙམ་མ་ཡིན་པར་རྒྱ་ནག་མཁས་པའི་ཁྲོད་ལྟ་སྟངས་གཉིས་ཐོན་ཡོད་པ་རྒྱ་ཡིག་གི་བརྒྱུད་ལམ་ཁག་ཏུ་འདུག ཕྱོགས་གཅིག་གིས་རྒྱ་ནག་མང་གཙོ་བསྒྱུར་བའི་དེད་དཔོན་དུ་བཤད་ཀྱི་ཡོད་པ་དང་། ཕྱོགས་གཅིག་གིས་ཁོང་གི་བརྩམས་ཆོས་དང་གཏམ་བཤད་གཙོ་བོ་འགའ་ལུང་དྲངས་ནས་རྒྱ་ནག་དམར་ཤོག་ཚོགས་པར་མཉམ་འབྲེལ་གྱིས་སྲིད་དབང་དེ་ཡུན་བསྲིངས་ཐབས་ཀྱི་ལག་ཆ་གཞན་ཞིག་ཏུ་འགྱུར་སྲིད་པར་བརྗོད་བཞིན་པས། ཉུང་མཐར་རྒྱ་ནག་པ་ཡོངས་ལ་གུས་བརྩི་ཡོད་མཁན་ཞིག་ཏུ་འགྱུར་ཁག་པོ་རེད། ཀློག་པ་པོ་ཡོངས་དང་དྲ་མཁན་ལྷན་རྒྱས་ནས་དེ་ལུགས་ཞོར་དུ་ཤེས་གལ་ཆེ་བར་འདོད།
དེ་རིང་གནས་ཚུལ་དགའ་སྐྱོ་འདྲས་མའི་ངང་ཚུལ་ཞིག་མངོན་འདུག
རྩོམ་པ་པོ་ལེའོ་ཞོ་པོ་ལགས་ཁྱེད་ཀྱིས་དངོས་སུ་གཟེངས་རྟགས་འདི་བཞེས་ཐུབ་པའི་རེ་བ་དང་ཡིད་ཆེས་གཙང་མ་ཡོད།
དྲང་བདེན་དང་གནས་ལུགས་ཀྱི་ཞི་བདེ་ཡི་གཟེངས་རྟགས་ཁྱེད་ངོ་མ་གོམ་ཁ་གང་ལ་སྤོ་ན་ང་ཚོའི་མི་རིགས་འདི་ཁྱེད་ཀྱི་རྗེས་བསྙེགས་ཡོང་ངེས་ཡིན།
ལིའུ་ཞའོ་པོ། ལེའུ་ཞོ་པོ། ལི་ཞ་བོ། ལི་ཞོ་པོ། ལིའུ་ཞོ་པོ། ལི་ཞི་པོ། ལེའོཞོ་པོ། ལེའོ་ཞོལ་པོ། ལིག་ཞོ་པོ། ལོའོ་ཞོ་པའོ།
གཟེངས་རྟགས་གཅིག་རང་དེ་མི་འདི་འདྲའི་མང་པོ་ཞིག་ལ་ཇི་ལྟར་སྤྲོད་དགོས་སམ། རྩེད་མོ་ཡིན།
འདི་ལྟར་བསྟུན་མེད་རང་མགོ་གང་མཐོ་བྱས་ནས་འགྲོ་རྒྱུ་ཡིན་ན་བརྡ་ཆད་གཅིག་གྱུར་ཟེར་བ་ཕ་རིའི་སྤང་རྒྱན་མེ་ཏོག་རེད་དོ། །འབྲི་ཚུལ་མི་འདྲ་བ་འདི་དག་རྩོམ་ཡིག་འདི་དང་འོག་མཆན་འདི་དག་གཅིག་པུའི་ནང་ནས་རྙེད།
རྒྱ་ནག་གི་བཙོན་འོག་ཏུ་མནར་གཅོད་སྡུག་གྱོང་མྱོང་བཞིན་པའི་བཙོན་པ་ཞིག་ལ་ཞི་བདེ་གཟེངས་རྟགས་ཐོབ་པ་འདིས་དྲང་བདེན་ཟེར་བ་ཞིག་བཙལ་ན་རྙེད་རྒྱུ་ཡོད་པ་ཞིག་བསྟན་འདུག་ལ ཕྱོགས་གཞན་ཞིག་ནས་བརྗོད་ན་སྐུ་ཞབས་ལིག་ཞོ་པོའོ་ཡིས་ཀྱང་ལོ་མང་རིང་དཀའ་ངལ་མོད་པོ་གདོང་དུ་བླངས་པར་གྲུབ་འབྲས་བླ་ན་མེད་པ་ཞིག་ཐོབ་པ་རེད། གང་ལྟར། རྒྱ་ནག་གི་ལོ་རྒྱུས་སུ་ནམ་ཡང་བསུབ་ཏུ་མེད་པའི་མི་བུའི་ཐོབ་ཐང་གི་སྒོ་མོ་ཞིག་གསར་དུ་བྲིས་པར་འདོད་ཡོད།
ཁ་སང་རྒྱ་རིགས་ལོའོ་ཞོ་པའོ་ལ་ནོ་སྦེལ་ཞི་བདེ་གཟེངས་རྟགས་ཐོབ་གནས་ཚུལ་བཙན་བྱོལ་གྱི་གསར་ལམ་དུ་སླེབས་པ། བོད་ཀྱི་དུས་བབ་ཨང་དང་པོ་ཆགས་ཡོད་ལ། དེ་རིང་ཞིབ་ཕྲའི་གནས་ཚུལ་བཀོད་པ་ཡང་ཧ་ཅང་རྒྱས་བསྡུས་འཚམས་པ་ཞིག་ཆགས་འདུག་པས་ཐུགས་རྗེ་ཆེ་ཞུ་རྒྱུ་ཡིན།
བོད་རྒྱལ་ལོ།
ལོའོ་ཞོ་པའོ་རྒྱལ་ལོ།
སྐུ་ཞབས་ལིག་ཞོ་པོ་ལ་རྟེན་འབྲེལ་ཞུ། གཟེངས་རྟགས་འདི་ལིག་ཞོ་པོ་ལ་ཐོབ་པ་རེད་ལ། དམངས་གཙོ་དང་འགྲོ་བ་མིའི་ཐོབ་ཐང་གི་རིན་ཐང་དེ་ལའང་ཐོབ་པ་རེད། དེ་བས་ཀྱང་ཚོགས་པ་གཅིག་གི་སྒེར་སྡོམ་འོག་གི་ལུས་ངག་ཡིད་གསུམ་བསྡམས་བཀྱིགས་བྱས་ཀྱང་འགུལ་གྱིན་པའི་དམངས་གཙོ་དང་རང་དབང་དོན་དུ་གཉེར་པའི་རྒྱ་བོད་ཀྱི་དཔའ་བོ་དཔའ་མོ་ཡོངས་ལ་ཐོབ་པ་ཞིག་ཀྱང་ཡིན་པས་དངོས་གནས་དགའ་འོས་པ་ཞིག་རེད།
ཁ་སང་ཕྱི་དྲི་ནས་༼ཞིབ་ཕྲའི་གནས་ཚུལ་ད་ལྟ་འབྲི་བཞིན་ཡོད།༽ཅེས་བྲིས་འདུག དྲ་བ་གཞན་པ་ཚང་མས་གནས་ཚུལ་ཅུང་ཞིབ་ཕྲའི་ངང་བཀོད་ཚར་འདུག ཁྱེད་ཚང་གིས་ད་དུང་ཡང་ཞིབ་ཕྲ་མ་ཕྲིས་སམ།
དྲ་གྲོགས་གསར་འགྱུར་ལ་བལྟས་ཏེ་མཆན་བུའང་སུམ་ཅུ་སོ་གྲངས་ལ་སླེབས་འདུག ད་ཞིབ་ཕྲའི་གནས་ཚུལ་ནམ་འབྲི་གི་ཡིན། ཧ་ཧ་ཧ
རྩེད་མོ་ཡིན་ལགས།
ད་ལོའི་ཞི་བདེ་གཟེངས་རྟགས་སྐུ་ཞབས་ལེའོ་ཞོ་པོ་ལ་ལགས་ལ་སྤྲད་དེ་ནོར་མི་འདུག་སྙམ། ན་ནིང་ཨོ་བྷ་མར་སྤྲད་པ་དེ་ད་ཅིག་ཅིག་ནོར་སོང་བར་སྙམ། ནག་རྡོ་བོ་དེར་ད་སྟེར་དགོས་ནས་མིན་མོ། ཧེ་ཧེ་ཧེ
འཛམ་གླིང་ཞི་བདེའི་དེད་དཔོན་སྐུ་ཞབས་ལེའོ་ཞོ་པོ་ལ་བཀྲིས་བདེ་ལེགས་ཞུ།།
fཁོང་གི་བཟའ་ཟླ་ལོའུ་ཞ་ཡིས་དེ་རིང་་AFPགསར་ཁང་ལ་ཁ་པར་བརྒྱུད་བཤད་པ་ལྟར་ན་མོས་ཧ་ཅང་གི་གཏམ་བཟང་འདི་ཐོས་བས་དགའ་སྤོབས་ཀྱིས་བསྡོད་ཐུབ་ཀྱི་མི་འདུག དེར་བརྟེན་དེ་རིང་གི་གཏམ་བཟང་འདི་བརྒྱུད་ནས་ལོའུ་ཞོ་པོ་ལ་རྒྱབ་སྐྱོར་བྱེད་མཁན་ཚང་མར་སྙིང་ཐག་པ་ནས་ཐུགས་རྗེ་ཆེ་ཞུ། གོ་སྐབས་འདི་བརྒྱུད་ནས་ངས་རྒྱ་ནག་གཞུང་ལ་ཡང་བསྐྱར་ཚ་འདྲི་ཐེངས་གཅིག་བྱེད་ཟེར། ད་དུང་མོས་བཤད་པ་ལྟར་ན་ཉེན་རྟོགས་པས་སང་ཉིན་མོ་ལོའི་ཉིན་ལ་ཁྲིད་ཟེར། དེར་བརྟེན་གཟའ་སྤེན་པའི་ཉིན་མོས་ཁྱོ་
རྒྱ་རིགས་དམངས་གཙོ་དོན་གཉེར་བ་ལེའོ་ཞོ་པོ་ལ་ཞི་བདེའི་གཟེང་རྟགས་ཐོབ་པར་བཀྲ་ཤིས་བདེ་ལེགས་ཡོད། རྒྱ་ནག་གི་གནོན་ཤུགས་ལ་མི་འཇིགས་པར་ཞི་བདེའི་ཚོགས་ཆུང་ལ་ཡང་བཀྲ་ཤིས་བདེ་ལེགས་ཞུ། ད་ལན་རྒྱ་མིའི་གནོན་ཤུགས་ནུས་མེད་གྱུར་པ་དེའི་སླད་ཕྱིན་རྒྱལ་སྤྱིའི་ལས་འགུལ་གཞན་ལ་ཡང་འགྱུར་བ་ཐེབས་སྲིད་ལ་བོད་དོན་ལ་ཡང་ཕན་སྲིད།
རྩོམ་པ་པོ་ལེའོ་ཞོ་པོ་ལགས་ཁྱེད་ཀྱིས་དངོས་སུ་གཟེངས་རྟགས་འདི་བཞེས་ཐུབ་པའི་རེ་བ་དང་ཡིད་ཆེས་གཙང་མ་ཡོད།
དྲང་བདེན་དང་གནས་ལུགས་ཀྱི་ཞི་བདེ་ཡི་གཟེངས་རྟགས་ཁྱེད་ངོ་མ་གོམ་ཁ་གང་ལ་སྤོ་ན་ང་ཚོའི་མི་རིགས་འདི་ཁྱེད་ཀྱི་རྗེས་བསྙེགས་ཡོང་ངེས་ཡིན།
སྐུ་ཞབས་ལེའོ་ཞོལ་པོ་ལ་ནོ་བྷོལ་ཞི་བདེ་གཟེངས་རྟགས་པར་དགའ་བསུ་ཞུ།
བོད་ཀྱི་བུད་མེད་ཚེ་རིང་འོད་ཟེར་ལགས་ཀྱིས་མུ་མཐུད་དེ་འབད་འབུངས་བྱས་ན་ཁོང་ལ་སྙན་གྲགས་ཆེ་བའི་གཟེངས་རྟགས་འདི་ཐོབ་པའི་རེ་བ་ཆེས་ཆེར་ལྡན།
ལེའོ་ཞོ་པོར་ནོ་ཝེའི་གཟེངས་རྟགས་ཐོབ་པ་ནི་རྒྱ་མི་རིགས་ཀྱིས་མིའི་རིགས་ལ་ཡོངས་ཁྱབ་གསལ་བསྒྲགས་ཀྱི་དཔལ་ཡོན་ལ་ལེགས་སྐྱེས་ཆེན་པོ་ཞིག་ཕུལ་བ་ཡིན་པས།རྒྱ་མི་རིགས་གཙོས་འགྲོ་མི་ཡོངས་ཀྱིས་དགའ་བསུ་ཞུ་དགོས་པ་ཞིག་ཡིན་ཡང་།སྒེར་གཅོད་སྲིད་གཞུང་གིས་དེ་ལས་ལྡོག་སྟེ་རྒྱ་ནག་གི་ཁྲིམས་ལ་གཏོར་བཤིག་རྒྱག་མཁན་ཞིག་ལ་ནོ་ཝེའི་ཞི་བདེའི་གཟེངས་རྟགས་སྤྲད་པ་གཟེངས་རྟགས་ཀྱི་ཆེ་མཐོང་ལ་གནོན་ཚུལ་བཤད་པ་ནི་སྐྱུག་དྲི་ཁ་བའི་སྨྱོ་གཏམ་བསྒྲགས་པ་རང་རེད
དངོས་གནས་ཡག་པོ་ཞེ་དྲག་རེད་རྗེས་སུ་ཡི་རངས་ཡོད། ལེའོ་ཞོ་པོ་ལ་རྟེན་འབྲེལ་གྲངས་མེད་ཞུ།།
རྒྱ་རིགས་རྩོམ་པ་པོ་ལེའོ་ཞོ་པོ་ལ་བཀྲ་ཤིས་བདེ་ལེགས་ཡང་ཡང་ཞུ།
འདི་ནི་རྒྱ་ནག་གི་ལོ་རྒྱུས་ཐོག་རྒྱ་རིགས་ཤིག་ལ་ནོ་བྷེལ་ཞི་བདེ་གཟེངས་རྟགས་ཐོབ་པ་ཨང་དང་པོ་ཡིན་ལ། འདི་ནི་རྒྱ་རིགས་དུང་ཕྱུར་བཅུ་གཉིས་ཁྲོད་ཀྱི་མི་གཅིག་ལ་ནོ་བྷེལ་གཟེངས་རྟགས་ཐོབ་པ་ཐོག་མ་དེའང་ཆགས་ཡོད།
ཆུ་ཐིག་སྔོན་མོ་ལགས།
བོད་གཞུང་སྣེ་ལེན་ཁང་དུ་དོན་རྐྱེན་ཅི་ཞིག་ལྷག་འདུག་གམ།
ཁྱེད་ཀྱིས་གསང་བ་མིན་པའི་སྐད་ཆ་ཞིག་ཡིན་ན་ང་ཚོར་གསར་འགྱུར་གོ་རྒྱུར་གུགས་ནས་བསྡད་ཡོད་པས་གསུང་རོགས།
རྟེན་འབྲེལ་ཞུ།
རྟེན་འབྲེལ་ཞུ། རྟེན་འབྲེལ་ཞུ། རྟེན་འབྲེལ་ཞུ།
རྒྱ་རིགས་དམངས་གཙོ་ཐབས་རྩོད་པ་ལེའོ་ཞོ་པོ་ལ་འཛམས་གླིང་ཞི་བདེའི་བྱ་དགའ་གནང་རྒྱུའི་ཁྱབ་བསྒྲགས་་གནང་བའི་ཉིན་མོ་དེར་ང་རྒྱལ་པོ་གླང་དར་མས་སྙིང་དབུས་ནས་མཚམས་འདྲི་བཀྲིས་བདེ་ལེགས་ཞུ།།།
ད་ལོའི་ནོ་བྷེལ་ཞི་བདེ་གཟེངས་རྟཊ་རྒྱ་རིགས་ལེའོ་ཞོ་པོ་ལ་ཐོབ་པར་དགའ་བསུ་ཡོད།
སྐུ་ཞབས་ཁོང་ལ་བཀྲ་ཤིས་བདེ་ཞུ་རྒྱུ་ཡིན། འདི་ནི་འཛིན་གླིང་ལ་སྲིད་དོན་གྱི་ས་ཡོམ་ཆེན་པོ་ཞིག་རྒྱག་རྒྱུའི་སྔོན་བརྡ་ཞིག་ཡིན་ལ། བོད་མི་རིགས་གཙོས་དྲང་བདེན་གྱིས་འཕུང་པའི་མིའི་རིགས་ཡོངས་ལ་རྒྱལ་ཁ་ཐོབ་པའི་སྔོན་རྟགས་ཤིག་ཀྱང་ཡིན། ཧ་ཅང་དགའ་པོ་བྱུང་། དྲང་བདེན་ལ་རྒྱབ་བསྐྱོར་བྱེད་མཁན་རྣམས་ལ་བཀྲིན་ཆེ་ཞུ་བ་ཡིན།
རྒྱ་རིགས་ལེའོ་ཞོ་པོ་ལ་ཞི་བདེའི་གཟེངས་རྟགས་ཐོབ་པར་བཀྲིས་བདེ་ལེགས་གྲངས་མེད་ཞུ། འདི་ནི་དགའ་དགོས་པའི་གནས་ཚུལ་རེད།
རྩོམ་པ་པོ་ཁོང་ལ་འཚམས་འདྲིའི་བཀྲ་ཤིས་བདེ་ལེགས་ཞུ། ཡག་པོ་རེད་དངོས་གནས་ཡག་པོ་རེད།
དྲ་གྲོགས་ཚོ་་་་དེང་སང་བོད་གཞུང་དབུས་སྣེ་ལེན་ཁང་དུ་དོན་རྐྱེན་ཞིག་ལྷག་འདུག་ཟེར་བ་ཞིག་གོ་ཐོས་འདུག་པས་ཁྱོད་ཚོས་གོ་སོང་ངམ། དོན་ཐག་འདི་སྐུ་ངོ་ཚོས་གཅིག་རྒྱབ་གཅིག་གིས་བཀབ་ཡོད་པས་ད་དུང་ཡོངས་ཁྱབ་ཅིག་བྱུང་མེད་པ་འདྲ།
༢༠༡༠ལོའི་ནོ་ཝེའི་ཞི་བདེའི་རྟགས་མ་རྒྱ་རིགས་དམངས་གཙོ་དོན་གཉེར་བ་ལེའོ་ཞོ་པོ་ལ་ཐོབ་པར་དགའ་བསུ་གྲངས་མེད་ཞུ་རྒྱུ་ཡིན།ཁོང་ལ་རྟེན་འབྲེལ་ཡོད།དྲང་བདེན་ལ་རྒྱབ་སྐྱོར་ཞུ་པ་ནོ་ཝེའི་ཞི་དབེའི་ཚོགས་ཆུང་ལ་ཐུགས་རྗེ་ཆེ་ཞུ་རྒྱུ་ཡིན།འདི་ནི་རྒྱ་མི་རིགས་ཀྱིས་མིའི་རིགས་ལ་ཕུལ་བའི་ལེགས་སྐྱེས་ཤིག་ཡིན་ཡང་རྒྱ་གཞུང་གིས་ངོས་ལེན་མི་ཐུབ་པ་ནི་ངོ་ཚ་ཞིག་ཅི་ལ་མིན།
རྒྱ་རིགས་དམངས་གཙོ་དོན་གཉེར་དེ་ལ་ཞི་བདེའི་གཟེང་རྟགས་ཐོབ་པར་དགའ་བསུ་ཞུ།
འོན་ཀྱང་དེ་ཙམ་གྱིས་དགའ་སྣང་ཐོབ་གྱི་མི་འདུག
དེ་ནི་རྒྱ་ནག་རྒྱལ་ཁབ་འདི་ཁྱབ་གྲགས་ཀྱི་གྲོགས་ལྟ་བུ་ཞིག་ལས་ཕན་ཐོགས་དེ་ཙམ་ཡོང་མདོག་ཁ་བོ་མ་རེད།
དཔེར་ན།་མི་ཚོས་ཏིང་ཤི་རྗེས་རྒྱ་ནག་དེ་གནམ་ས་བླ་ལོག་རྒྱབ་ཀྱི་རེད་ཅེས་བཤད་སོང།
གང་ཡང་བྱུང་མ་སོང།
དེ་ནས་ཧོང་ཀོང་ལེན་དུས་རྒྱ་ནག་གནམ་ས་བླ་ལོག་རྒྱབ་ཀྱི་རེད་ཅེས་བཤད་སོང་གང་ཡང་བྱུང་མ་སོང།
དེ་ནས་ཧུ་ཅིན་ཐའོ་ལོ་གཞོན་ཞིག་རྒྱ་ནག་གི་སྲིད་སྟེགས་སུ་སླེབ་པར་གནམ་ས་བླ་ལོག་རྒྱབ་ཀྱི་རེད་ཅེས་བཤད་སོང་གང་ཡང་བྱུང་མ་སོང།
དེ་ནས་རྒྱ་ནག་དམར་པོའི་གཞུང་བཙུགས་ནས་ལོ་ངོ་དྲུག་བཅུ་འཁོར་བར་གནམ་ས་བླ་ལོག་རྒྱབ་ཀྱི་རེད་ཅེས་བཤད་སོང་གང་ཡང་བྱུང་མ་སོང།
དེ་ནས་རྒྱ་ནག་ལ་ཨོ་ལིམ་བྷིག་རྩེད་འགྲན་སྐབས་གནམ་ས་བླ་ལོག་རྒྱབ་ཀྱི་རེད་ཅེས་བཤད་སོང་གང་ཡང་བྱུང་མ་སོང།
ད་རྒྱ་རིགས་ལི་ཞ་བོ་དེ་ལ་ནོ་ཝེལ་ཞི་བདེའི་གཟེངས་རྟགས་ཐོ་པར་ཡང་བོད་རེ་བ་ཅན་དེ་ཚོས་གནམ་ས་བླ་ལོག་རྒྱབ་རྒྱུའི་རེ་བ་བཅང་སོང་དེ་ཡང་གང་ཡང་འབྱུང་གི་མ་རེད།
དཔེར་ན།
རྒྱ་གར་ལ་མཚོན་ན་དམངས་གཙོའི་རྒྱལ་ཁབ་ཆེ་ཤོས་དང་སྨྲ་བརྗོད་རང་དབང་ཆེ་ཤོས་ཅན་གྱི་རྒྱལ་ཁབ་ཞིག་ཡིན་ཀྱང་ཀ་ཤི་མིར་རི་དང་འབྲས་ལྗོངས་སོགས་ལ་ཇི་ལྟར་བྱེད་ཀྱི་མི་འདུག་གམ།
ད་བོད་རེ་བས་ཕོངས།
བོད་རེ་བས་ཕོང།
བོད་རེ་བས་ཕོངས།
བོད་རེ་བས་ཕོངས།
བོད་རེ་བས་ཕོངས།
རྒྱ་རིགས་དམངས་གཙོ་དོན་གཉེར་དེ་ལ་ཞི་བདེའི་གཟེང་རྟགས་ཐོབ་པར་དགའ་བསུ་ཞུ།
འོན་ཀྱང་དེ་ཙམ་གྱིས་དགའ་སྣང་ཐོབ་གྱི་མི་འདུག
དེ་ནི་རྒྱ་ནག་རྒྱལ་ཁབ་འདི་ཁྱབ་གྲགས་ཀྱི་གྲོགས་ལྟ་བུ་ཞིག་ལས་ཕན་ཐོགས་དེ་ཙམ་ཡོང་མདོག་ཁ་བོ་མ་རེད།
དཔེར་ན།་མི་ཚོས་ཏིང་ཤི་རྗེས་རྒྱ་ནག་དེ་གནམ་ས་བླ་ལོག་རྒྱབ་ཀྱི་རེད་ཅེས་བཤད་སོང།
གང་ཡང་བྱུང་མ་སོང།
དེ་ནས་ཧོང་ཀོང་ལེན་དུས་རྒྱ་ནག་གནམ་ས་བླ་ལོག་རྒྱབ་ཀྱི་རེད་ཅེས་བཤད་སོང་གང་ཡང་བྱུང་མ་སོང།
དེ་ནས་ཧུ་ཅིན་ཐའོ་ལོ་གཞོན་ཞིག་རྒྱ་ནག་གི་སྲིད་སྟེགས་སུ་སླེབ་པར་གནམ་ས་བླ་ལོག་རྒྱབ་ཀྱི་རེད་ཅེས་བཤད་སོང་གང་ཡང་བྱུང་མ་སོང།
དེ་ནས་རྒྱ་ནག་དམར་པོའི་གཞུང་བཙུགས་ནས་ལོ་ངོ་དྲུག་བཅུ་འཁོར་བར་གནམ་ས་བླ་ལོག་རྒྱབ་ཀྱི་རེད་ཅེས་བཤད་སོང་གང་ཡང་བྱུང་མ་སོང།
དེ་ནས་རྒྱ་ནག་ལ་ཨོ་ལིམ་བྷིག་རྩེད་འགྲན་སྐབས་གནམ་ས་བླ་ལོག་རྒྱབ་ཀྱི་རེད་ཅེས་བཤད་སོང་གང་ཡང་བྱུང་མ་སོང།
ད་རྒྱ་རིགས་ལི་ཞ་བོ་དེ་ལ་ནོ་ཝེལ་ཞི་བདེའི་གཟེངས་རྟགས་ཐོ་པར་ཡང་བོད་རེ་བ་ཅན་དེ་ཚོས་གནམ་ས་བླ་ལོག་རྒྱབ་རྒྱུའི་རེ་བ་བཅང་སོང་དེ་ཡང་གང་ཡང་འབྱུང་གི་མ་རེད།
དཔེར་ན།
རྒྱ་གར་ལ་མཚོན་ན་དམངས་གཙོའི་རྒྱལ་ཁབ་ཆེ་ཤོས་དང་སྨྲ་བརྗོད་རང་དབང་ཆེ་ཤོས་ཅན་གྱི་རྒྱལ་ཁབ་ཞིག་ཡིན་ཀྱང་ཀ་ཤི་མིར་རི་དང་འབྲས་ལྗོངས་སོགས་ལ་ཇི་ལྟར་བྱེད་ཀྱི་མི་འདུག་གམ།
ད་བོད་རེ་བས་ཕོངས།
བོད་རེ་བས་ཕོང།
བོད་རེ་བས་ཕོངས།
བོད་རེ་བས་ཕོངས།
བོད་རེ་བས་ཕོངས།
ཞི་བདེའི་གཟེངས་རྟགས་ཀྱི་གོང་ཚད་ནི་དངོས་ནས་གང་ལ་ཐུག་ཡོད་པ་དེ་ལ་བསམ་བློ་ཞིབ་མོ་ཞིག་གཏོང་ཁག་པོ་འདུག མཚམས་རེར་ཆབ་སྲིད་ཀྱི་ལག་ཆ་ཁོ་ན་ལྟ་བུ་ཞིག་ཆགས་འདུག ན་ནིང་ཨོ་བྷ་ལ་མ་སྤྲད་སོང་། ད་ལོ་རྒྱའི་བཙོན་དུ་ཡོད་པའི་གཞོན་སྐྱེས་རྒྱ་རིགས་རྩོམ་པ་པོ་ཁོང་ལ་སྤྲད་པ་རེད། སང་ལོ་བོད་ནང་གི་ཉེས་མེད་བཙོན་པ་ལོ་མང་རིང་དུ་ཤི་གསོན་གར་གནས་མི་ཤེས་པའི་བྱིས་པ་ལོ་དྲུག་སྐབས་དུ་བོར་ཟིན་པའི་ཀུན་གཟིགས་པན་ཆེན་རིན་པོ་ཆེ་ཡི་ཡང་སྤྲུལ་ལ་གནང་ཐུབ་ན་ད་གཟོད་དངོས་ནས་ལྟད་མོ་ཡོད་པ་རེད། ཁོང་གིས་ལས་ཀ་གང་ཡང་བྱས་མེད་ཟེར་ན། ལས་ཀ་གང་ཡང་བྱས་མེད་ན་ཁོང་ཉིད་དོན་མེད་ཤི་གསོན་གར་ཡོད་མི་ཤེས་བཙོན་དུ་འགྲོ་དོན་མེད་པ་དེའོ།
ལིའུ་ཞོ་པོ་ལ་ཞི་བདེ་གཟེངས་རྟགས་ཐོབ་པ་ལ་བཀྲ་ཤིས་བདེ་ལེགས་གྲངས་མེད་ཞུ་བཞིན་ཡོད།
འདི་ནི་བདེན་དོན་གྱི་དར་ཆ་བསྒྲིང་བའི་དཔའ་རྒོད་ཁོང་གི་ཚེ་སྲོག་ལ་རིན་ཐང་ཡོད་པའི་རྣམ་འགྱུར་ཞིག་དང་། བདོན་དོན་དང་གནས་ལུགས་ནི་སུས་ཀྱང་བཅོས་སུ་མེད་པ་ཞིག་ཡིན་པའི་རྟགས་མཚན་དུ་གསལ་བ་རེད།
རྒྱ་རིགས་དེ་ལ་ནོ་སྦེལ་ཞི་བའི་བྱ་དགའ་ཐོབ་པར་དགའ་པོ་བྱུང་། ད་ལྟ་ཁོ་རང་དང་འདྲ་བའི་བོད་པའི་སྲིད་དོན་བཙོན་པ་སྒྲོལ་མ་སྐྱབས་དང་། ཞོགས་དུང་སོགས་བོད་གངས་ཅན་པའི་བདེ་སྡུག་གླེང་མཁན་དེ་དག་ལ་ཡང་ནོ་སྦེལ་ཞི་བའི་བྱ་དགའ་དང་། ཡང་ན་ནོ་སྦེལ་རྩོམ་རིག་བྱ་དགའ་སོགས་སྤྲོད་དགོས་པའི་ལས་འགུལ་སྤེལ་དགོས་ཀྱི་འདུག དེ་འདྲ་ཞིག་མ་རེད་དམ། ལི་ཞོ་པོ་ཁོ་རང་ལ་ཆ་བཞག་ན་རྒྱ་ནག་གི་སྡུག་བསྔལ་རྩོམ་རིག་གི་ལམ་ནས་གླེང་མཁན་ཞིག་རེད། དེ་ནི་བོད་མི་དེ་ཚོ་དང་གཅིག་པ་རེད། མ་རེད་པས།
ཨོ། དགྱ་ནག་གི་ཡ་ཁོག་ན་སྙིང་ཡོད་པ་དག་གིས་བསམ་བློ་གཏོང་ཤེས་ན། སྐུ་ཞབས་ཁོང་གིས་ལོ་ངོ་ལྔ་སྟོང་གི་ཟིན་ཐོ་གཏོར་བ་རེད་ལ། མི་གྲངས་དུང་ཕྱུར་བཅོ་ལྔའི་ཟིན་ཐོ་གཏོར་བ་རེད།
འདི་ནི་རྩོམ་སྒྲིག་པ་དོན་འགྲུབ་བཀྲིས་ཀྱིས་ད་ལྟ་རང་ཁ་པར་ཡོང་ནས་གབ་ཚིག་བཤད་པ་དེ་རེད་འདུག འདིས་ནི་དངོས་གནས་ཧུའུ་ཅིན་ཐའོ་ཡི་སྣ་གདོང་ལ་གཞུས་ནས་ཁྲག་དམར་ཙར་སེ་བཏང་བ་ལས་ཡན་རེད། དཔའ་རྒོད་ཁོང་གིས་མི་རིགས་དུང་ཕྱུར་བཅུ་ཕྲག་ཅིག་དང་ལྷག་པར་དུ་བོད་རང་གི་དོན་ལ་དྲང་བདེན་གྱི་སྐད་ཆ་བཤད་པ་དང་སྙན་ཞུ་བྲིས་པའི་གྲུབ་འབྲས་ལ་གནམ་རྒན་མས་ཁ་གྲག་པ་རེད་འདུག
མི་འདི་ལྟ་བུ་ལ་སྤྲོད་པ་ནི་ང་ཚོའི་དྲང་བདེན་གྱི་ཕྱོགས་ལ་བསམ་བློ་གཏོང་མཁན་དག་གི་རྒྱལ་ཁ་རེད།
དངོས་གནས་དྲང་གནས་དེ་རིང་ཡིན་ན། འཛམ་གླིང་དྲང་བདེན་གྱི་ལམ་ཁར་བསྐྱོད་པའི་བརྡ་རྟགས་ཤིག་ཐོན་འདུག ཁོང་་ལ་ཐོབ་པ་སེམས་གཏིང་ནས་དགའ་ཡོད་ལ། མང་གཙོ་དོན་གཉེར་གྱི་རྒྱ་རིགས་ཤིག་ལ་ཐོབ་པར་བཀྲ་ཤིས་བདེ་ལེགས་ཞུ།
ད་ལྟ་རང་བྷེ་བྷེ་སི་ཚང་གིས་༧གོང་ས་མཆོག་གིས་ནོར་བྷེལ་ཞི་བདེའི་གཟེངས་རྟོགས་སྐོར་ལ་བཀའ་སློབ་གནང་བ་དང་ཁོང་གི་དགོངས་ཚུལ་སྐོར་ཞིག་བཤད་ཀི་འདུག གང་ལྟར་དེ་རིང་བྷེ་བྷེ་སི་ཚང་གིས་རྒྱ་ནག་ལ་སྡིག་པ་དང་ལི་ཞོ་པོ་ལ་བསྟོད་པ་མཉམ་དུ་འཐེན་གི་འདུག ལྟོས་དང་ལྟད་མོ་ཡོད་ཁུ།
དེ་མིན་ང་བོད་རིགས་ཡིན་རུང་ངས་རྒྱལ་ཁོངས་གཅིག་ཡིན་པའི་མང་གཙོ་དོན་གཉེར་བ་ལི་ཞི་པོ་ལ་འཚམས་འདྲི་ཞུས་པ་ཡིན། ཁྱེད་ཞལ་བྲོ། མང་གཙོ་རྒྱལ་གྱུར་ཅིག
རྟེན་འབྲེལ་ཞུ། འདི་ནི་དགའ་བ་བརྒྱ་སྟོང་སྒོམ་དགོས་པའི་གནས་ཚུལ་རེད། བྱེད་སྟངས་འདི་ལ་སྙིང་ནས་དགའ་གི སེམས་ནས་དད་གི
ངོ་མ་དགའ་སོང་། ཚེ་རིང་རྒྱུ་བོ་ཁྱེད་ལ་འདི་ལོས་འབབ། དྲང་བདེན་གྱི་ཕྱོགས་ནས་ཁྱོད་ལ་ད་ཐེངས་ཁ་ཡ་ཞིག་བྱས་སོང་བ་དེར་སྙིང་ནས་དགའ་འོ།
རྒྱ་ནག་ནི་ལོ་རྒྱུས་ཡུན་རིང་ལ་ལྟ་གྲུབ་དང་རིག་གཞུང་གཏིང་གཟབ་གཅིག་ཡོད་པའི་རྒྱལ་ཁབ་ཞིག་ཡིན། རྒྱ་མི་རིགས་གཅིག་གི་ངོས་ནས་བཤད་ན་ཆེས་དགའ་སྤྲོ་སྐྱེ་དགོས་པའི་གསར་འགྱུར་གཅིག་ཀྱང་ཡིན།
ངས་སྔ་ཕྱི་མ་གཏོགས་ཨ་རིས་གཙོས་པའི་ནུབ་ཕྱོགས་ཚོས་རྒྱ་རིགས་བློ་མཐུན་ལིའུ་ཞའོ་པོ་ལ་ཞི་བདེའི་གཟེངས་རྟགས་སྤྲད་རྒྱུར་ཚོད་གམ་བྱས་པ་ཏག་ཏག་འཐིབས་སོང་།
འཛམ་གླིང་ཞི་བདེ་དང་ཞི་བའི་སྤྱི་ཚོགས་འཕེལ་རྒྱས་གཏོང་ཐབས་ཀྱིས་ངོས་ནས་བརྗོད་ན་ད་རེས་རྒྱ་ནག་དབུས་གཞུང་གིས་བཀྲིས་བདེ་ལེགས་ཞུ་དགོས་ཀྱང་དེ་ལས་ལྡོག་སྟེ། ཁོང་ལ་དགག་བྱ་དང་གདོན་བཙིར་མང་དག་གཅིག་བྱུང་དང་འབྱུང་ངེས་ཡིན།
ཡིན་ནའང་ང་ཚོ་བོད་རིགས་ཏེ་༸ སྟོན་པ་དང་། ཀླུ་སྒྲུབ། གྷན་དྷི། གོང་ས་མཆོག་བཅས་ཀྱི་འཚེ་མེད་ཞི་བདེའི་རྗེས་འཇུག་གཅིག་གིས་ངོས་བཤད་ན་སྙིང་དབུས་ནས་ཁོང་ལ་བཀྲིས་བདེ་ལེགས་ཞུ་དགོས།
ལེའོ་ཞོ་པོ་ལ་བཀྲ་ཤིས་བདེ་ལེགས་ཞུ། དྲང་བདེན་ལགས་ཤུགས་རྒྱོབ་ཁྱོད་ལའང་ལམ་ཞིག་ཡོད་ས་རེད།
གནས་ཚུལ་འདི་འདྲ་མཐོང་ཡོང་སྐབས། འཛམ་གླིང་འདི་ན་བདེན་དོན་ལ་བདག་པོ་ཞིག་ཡོད་པར་མཐོང་སོང་། རྒྱ་ནག་གི་གདོང་པར་ཁུ་ཚུར་གཅིག་གཞུས་སོང་། ཞི་བདེ་གཟེངས་རྟགས་ཚོགས་ཆུང་ཐུགས་རྗེ་ཆེ།
བཟང་བོར་དཔའ་དར་དང་། ངན་པར་སྐྱོན་བརྗོད་ཟེར་བ་འདི་རེད།
དགའ་བསུ་ཞུ། ང་ཤིན་ཏུ་དགའ་སོང་། སྐད་ཆ་ག་རེ་བཤད་དགོས་མིན་ཤེས་གི་མི་འདུག དངོས་གནས་དྲང་གནས་དགའ་གི
རྒྱ་རིགས་ལེའོ་ཞོ་པོ་ལ་ཞི་བདེའི་གཟེངས་རྟགས་ཐོབ་པར་བཀྲིས་བདེ་ལེགས་གྲངས་མེད་ཞུ། དེར་བརྟེན་ཁྱོད་ཀྱིས་དམར་པོའི་གཞུང་ལ་འགུལ་སྐྱོད་བྱེད་བྱས་ཏེ་ཤར་ཕྱོགས་ལ་ཞི་བདེ་བསྐྲུན་པའི་སྨོན་འདུན་ཞུ།