ད་ལྟའི་གོ་ལའི་ཚ་དྲོད་ཨང་ ༣༩༠ ལས་ ༣༥༠ ལ་མར་ཆག་སྟེ་གོ་ལའི་ཚ་དྲོད་རྒྱུན་ལྡན་དུ་འགྱུར་རྒྱུར་རེ་བ་རྒྱག་གི་ཡོད་ཟེར།
དེ་རིང་ནི་ཕྱི་ལོ་ཉིས་སྟོང་བཅུ་ལོའི་ཟླ་བཅུ་བའི་ཚེས་བཅུ་ཉིན་ཡིན་ལ། འཛམ་གླིང་གི་རྒྱལ་ཁབ་འདྲ་མིན་ནང་ཡོད་པའི་ཁོར་ཡུག་སྲུང་སྐྱོབ་པའི་ཚོགས་སྡེ་ཁག་དང་མི་སྒེར་བ་རྣམས་ཀྱིས་ས་ཕྱོགས་གང་སར་དེ་རིང་གི་ཉིན་མོ་འདི་སྲུང་གཙི་བྱེད་ཀྱི་ཡོད་པ་ལྟར། བོད་ཀྱི་བུད་མེད་ལྷན་ཚོགས་ཀྱི་ཁོར་ཡུག་སྡེ་ཚན་ངོས་ནས་ཀྱང་དེ་རིང་གི་ཉིན་མོ་འདི་སྲུང་གཙི་བྱས་ཡོད་ཅིང་། ཉིན་དེར་བུད་མེད་ལྷན་ཚོགས་ཀྱིས་གོ་སྒྲིག་འོག ལྕགས་རྟ་སུམ་ཅུ་སོ་ལྔ་ཙམ་གྱིས་ངྷ་ས་མེག་གྷན་རླངས་འཁོར་ས་ཚིགས་ནས་བྷག་སུ་བར་དང་། དེ་ནས་ཕྱིར་འཁོར་ཏེ་ཐེག་ཆེན་ཆོས་གླིང་གཙུག་ལག་ཁང་བར་དུ་བསྐོར་སྐྱོད་བྱས་ཡོད།
དེ་ནི་འཛམ་གླིང་འདིར་རླངས་འཁོར་དང་འཕྲུལ་རྟའི་རིགས་མང་དུ་དར་ཏེ། དུ་བས་ཁོར་ཡུག་ལ་སྦག་བཙོག་བཟོ་བ་དང་གོ་ལའི་ཚ་དྲོད་འཕར་བཞིན་པར་བརྟེན། དེ་ལ་སྔོན་འགོག་བྱེད་པའི་ཆེད་དུ་ཡིན་འདུག
བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་ཀིརྟི་སྒྲོལ་དཀར་ལྷ་མོ་ལགས་ཀྱིས་འཛམ་གླིང་གི་གནམ་གཤིས་འགྱུར་ལྡོག་ནི་མིས་བཟོ་གི་ཡོད་ལ། འདི་ལ་བདག་པོ་རྒྱག་མཁན་ཡང་མི་ཡིན་པས་ངེས་པར་དུ་གནམ་གཤིས་དང་གོ་ལའི་ཚ་དྲོད་འཕར་བཞིན་པར་བདག་པོ་རྒྱག་དགོས། ཐེངས་འདིའི་ལྕགས་རྟ་བསྐོར་སྐྱོད་ཀྱི་ལས་འགུལ་ལྟ་བུར་མཚོན་ན་འཛམ་གླིང་གི་ཁོར་ཡུག་ལ་དོ་ཕོག་མི་འབྱུང་བ་དང་གོ་ལའི་ཚ་དྲོད་ལ་སྲུང་སྐྱོབ་བྱེད་ཐུབ་ཀྱི་ཡོད་པར་མ་ཟད། ལྕགས་རྟ་ཞོན་ན་དུ་བས་སྦག་བཙོག་མི་བཟོ་བ་དང་གཟུགས་པོ་བདེ་ཐང་ཡོང་བ་བཅས་ལ་ཕན་གྱི་ཡོད་སྟབས། འདི་ནི་དཔེ་མཚོན་ཆུང་ས་ནས་མགོ་བཙུགས་ཏེ་རྒྱ་ཆེ་སར་ཁྱབ་ཐུབ་པའི་རེ་བ་ལྟ་བུ་ཡིན་ཞེས་གསུངས།
ཚན་རིག་པས་གོ་ལའི་ཚ་དྲོད་ཀྱི་ཨང་རིམ་ ༣༥༠ ལྔ་བཅུ་ཡིན་ན་རྒྱུན་ལྡན་ཡིན་ཡང་། ད་ལྟ་ ༣༩༠ ཡིན་ཞེས་བརྗོད་ཡོད་པར་བརྟེན། བོད་ཀྱི་བུད་མེད་ལྷན་ཚོགས་ཀྱིས་མ་འོངས་པར་བསྐྱར་དུ་གོ་ལའི་ཚ་དྲོད་ཨང་ ༣༥༠ ལ་མར་ཆག་རྒྱུར་རེ་བ་རྒྱག་གི་ཡོད་ཟེར།
གསར་འགོད་པ། ཨ་རིག་འགྱུར་མེད།
ཡག་པོ་རེད་ཡིན་ན་ཡང་ཞི་མེ་ཤོར་རྗེས་ཁུང་བུ་བཀག་ཟེར་བ་དང་ཧ་མ་ལོག་གོང་ནི་ཧ་མི་གོ་ཟེར་བ་དེ་རེད་འདུག།
ཧ་ཧ་ཧ་འོ་རེད་་་་་་་་་་་་
གོ་ལའི་རླུང་ཁམས་ནང་སྣ་ཚོགས་རྡུལ་རྫས་ཀྱི་གྲངས་འབོར་ས་ཡ་རེ་རེའི་ནང་ནག་རྫས་འབར་རླངས་[Carbon Dioxide]ཀྱི་ཆ་གྲངས་༣༩༠ལྷག་འདུག་ཟེར་གྱིན་ཡོད།
འདི་ལྟར་རྫས་རྡུལ་ས་ཡ་རེ་རེའི་གྲངས་ཚད་ནང་ནག་རྫས་འབར་རླངས་ཀྱི་ཆ་གྲངས་དེ་སུམ་བརྒྱ་ལྔ་བཅུ་བརྒལ་བའི་སྐབས་ནག་རྫས་ཀྱིས་ཉི་དྲོད་སིམ་ཉར་བྱེད་ཚད་མང་དུ་ཕྱིན་ཏེ་རླུང་ཁམས་ཀྱི་ཕྱི་རོལ་དུ་གློད་གཏོང་བྱེད་ཐུབ་ཀྱིན་མེད་པ་རེད། ནག་རྫས་ནི་ཉི་དྲོད་སིམ་ཉར་བྱེད་པའི་ནུས་པ་ཆེ་ལ་ཚེ་ཚད་ཀྱང་ཧ་ཅང་རིང་པོ་ཡིན་སྟབས། གོ་ལའི་ཚ་དྲོད་འཕེལ་ཚད་ཀྱི་ཆ་ནས་བཤད་ན་ན་རླངས་དང་ཆུ་རླངས་སོགས་ཀྱི་རྫས་རྡུལ་ལས་འཇིགས་ཉེན་ཆེ་བར་བརྩི་ཡིན་ཡོད།
འདི་ལ་དབྱིན་སྐད་ཀྱི་བསྡུས་ཚིག་ནང་འདི་ལྟར་འབོད་ཀྱིན་ཡོད། [350 ppm CO2]
འདིས་གནམ་གཤིས་ཚ་དྲོད་ཆེ་རུ་འགྲོ་བའི་རྒྱུ་རྐྱེན་བྱེད་ཀྱིན་ཡོད་ཀྱང་། གྲངས་ཚད་འདི་ཚ་དྲང་གི་ཚད་གཞི་འཛིན་སར་བེད་སྤྱོད་བྱེད་ཀྱི་མེད། ཚ་དྲང་གི་ཚད་གཞི་ནི་Celsiusདང་ Fahrenheitགཉིས་ཀྱི་ཚད་གཞིའི་སྟེང་ནས་བརྩི་བཞིན་པ་ཡོངས་གྲགས་ཡིན།