ཕྱི་ལོ་ ༢༠༡༠ ལོའི་དབྱིན་ཇིའི་བརྩམས་སྒྲུང་རྟགས་མའི་བྱ་དགའ་དེ་རྩོམ་པ་པོ་ཧཱོ་ཝར་ཌ Howard Jacobson ལགས་ཀྱི་བརྩམས་སྒྲུང་སྤྲང་འཁྱམས་པ་ཞིག་གི་དྲི་ཚིག་ཅེས་པ་དེར་ཐོབ་འདུག
བརྩམས་སྒྲུང་རྟགས་མའི་དཔྱད་ཞིབ་ཚོགས་ཆུང་གི་ཚོགས་གཙོ་སྐུ་ཞབས་ཨན་ཌི་རེའོ་ Sir Andrew Motion ལགས་ཀྱིས། རང་ལོ་ ༦༨ སོན་པའི་རྩོམ་པ་པོ་ཁོང་གི་བརྩམས་སྒྲུང་འདི་ཧ་ཅང་དགོད་བྲོ་བ་ཞིག་ཡིན་པར་མ་ཟད། སེམས་སྐྱོ་བོ་དང་ཞིབ་ཕྲ་བ།དེ་བཞིན་སྤྱང་གྲུང་འཛོམས་པའི་ཁྱད་ཆས་མངོན་འདུག ཅེས་དང་། ལྷག་པར་དུ་བརྩམས་སྒྲུང་འདི་སྒྲ་དག་གསལ་གསུམ་གྱི་ཆ་ནས་གཟེངས་སུ་ཐོན་པ་སོགས། ཕྱོགས་གང་ཐད་ནས་ཆེས་ཕུལ་དུ་བྱུང་བའི་བརྩམས་སྒྲུང་ཞིག་རེད། ཅེས་བརྗོད་ཡོད།བརྩམས་སྒྲུང་འདི་གཙོ་བོ་མི་སྣ་གསུམ་ལས་གྲུབ་ཅིང་། དེའི་ནང་གི་མི་གཉིས་འཇིའུ་མི་རིགས་དང་གཞན་དེ་འཇིའུ་མི་ཞིག་ཆགས་འདོད་ཡོད་པས། ཁོང་ཚོ་གསུམ་གྲོགས་པོར་གྱུར་བའི་བརྒྱུད་རིམ་ལས་རྩོམ་པ་པོས་འཇིའུ་མི་རིགས་ཀྱི་དངོས་ཡོད་འཚོ་བའི་གཏིང་ཟབ་ས་ཞིག་ནས་མྱུལ་ཞིབ་ཀྱིས་གསལ་ཁ་བཏོན་ཡོད་པའི་བརྩམས་སྒྲུང་ཞིག་ཡིན་འདུག
རྩོམ་པ་པོས་རང་ཉིད་འཇིའུ་མི་ ( ཁོས་སོ་སོར་ཇཱ་ནེ་ཨོསུ་ཋན་ཞེས་འཇིའུ་མི་རིགས་ཀྱི་མིང་བཏགས་ཡོད ) ཞིག་གི་ངོ་བོར་བཟུང་སྟེ། བརྩམས་སྒྲུང་འདིས་གང་བརྗོད་པར་བྱ་བ་ནི་འཇིའུ་མི་རིགས་ཀྱང་མིའི་རིགས་སྤྱི་མཚུངས་ལྟར་སྣང་གི་ཡོད་པས། འཇིའུ་མི་རིགས་ཀྱི་བསམ་བློ་གཏོང་སྟངས་དེ་ངས་ཆེད་དུ་དབྱིན་ཡིག་གི་བརྩམས་སྒྲུང་འདིའི་བརྗོད་བྱར་བཞག་པ་ཡིན།ཞེས་འགྲེལ་བརྗོད་བྱས་ཡོད།
དབྱིན་ཡུལ་དུ་སྐྱེས་ཤིང་འཚར་ལོང་བྱུང་པ་ཧཱོ་ཝར་ཌ་ནི་སཱེལ་ཝན Selwyn college མཐོ་སློབ་ཀྱི་དགེ་རྒན་དང་། ལས་ཞོར་དུ་ཚགས་ཤོག་དང་དུས་དེབ་ཁག་ཏུ་ཆེད་བརྗོད་རིགས་སྤེལ་གྱི་ཡོད་པ་མ་ཟད། སྒྲུང་རྩོམ་རྩོམ་པ་པོ་ཕུལ་བྱུང་ཞིག་ཀྱང་ཡིན།
རྟགས་མ་འདི་ནི་རྒྱལ་སྤྱིའི་རྩོམ་རིགས་བྱ་དགའི་རྟགས་མ་ཕུད་པའི་ཆེས་མིང་གྲགས་ཅན་གྱི་རྩོམ་རིགས་ཐད་ཀྱི་རྟགས་མ་ཞིག་ཡིན་ལ། བརྩམས་སྒྲུང་རྟགས་མའི་བྱ་དགའ་ཁྱབ་ཆེ་ཤོས་ཀྱང་ཡིན། བྱ་དགའ་འདི་ལ་དབྱིན་སྒོར་སྟོང་ཕྲག་ལྔ་བཅུའི་ ༥༠༠༠༠ གཟེངས་རྟགས་ཡོད། བརྩམས་སྒྲུང་རྟགས་མའི་བྱ་དགའ་འདི་ཕྱི་ལོ་ ༡༩༦༩ ལོར་ནཱེའོ་བྷ་ཡེ་ཟེར་པའི་དབྱིན་ཇིའི་རྩོམ་པ་པོ་དེའི་བརྩམས་སྒྲུང་དྲི་ལན་འགའ་ཞེས་པ་དེར་ཐེངས་དང་པོར་ཐོབ་པ་ནས་དུས་ད་ལྟའི་བར་ལོ་རེ་བཞིན་འཛམ་གླིང་སྟེང་གི་བརྩམས་སྒྲུང་ལེགས་ཤོས་ཤིག་ལ་བརྩམས་སྒྲུང་རྟགས་མའི་བྱ་དགའ་འདི་སྤྲོད་བཞིན་ཡོད།
གསར་འགོད་པ། བནྡེ་སྐྱབས།
མིན། ངས་ལེན་རྒྱུ་ཡིན། དང་པོར་ངས་སུམ་རྟགས་སྦྱོང་གི་ཡིན། དེ་ནས་རྩོམ་ཡིག་ཅིག་འབྲི་ཨེ་ཤེས་ལྟ་གི་ཡིན། དེ་ནས་ནོ་སྦེལ་བྱ་དགའ་དེ་ལེན་གྱི་ཡིན། ལེན་ཐག་ཆོད་ཡིན།
སྐུ་ཞབས་ཧཱོ་ཝར་ཌ་མཆོག་ལ་རྟེན་འབྲེལ་ཞུ་བ་དང་ཆབས་ཅིག་ལོ་རྗེས་མའི་རྩོམ་སྒྲུང་གི་བྱ་དགའ་དེ་ངའི་རག་ཐབས་བྱེད་རྒྱུ་ཡིན།
དགའ་བསུ་ཞུ།