ལས་བྱེད་ཁོངས་སུ་འཛུལ་རྒྱུར་ངོས་འཛིན་བྱ་ཐབས་མེད་ཟེར།

བསམ་གདོང་བླ་ནི་ང་ཚོ་འགྲོ་བ་མིའི་སྤྱི་ཚོགས་ནང་དུ་མཁོ་བའི་གང་ཟག་ཞིག་མ་རེད། ཁོས་བཤད་པ་ཚང་མ་སྤྱི་ཚོགས་དང་དུས་རབས་ལས་མི་འཚམས་པ་ཤ་སྟག་རེད

མ་གཞི་དྲ་གྲོགས་ཚོས་གནད་དོན་དེ་འདྲའི་ཐོག་བསམ་ཚུལ་བཤད་པ་དེས་དངོས་གནས་སྐྱེ་བོ་གང་ཟག་ལ་ཤུགས་རྐྱེན་ཐེབས་ཐུབ་ཀྱི་ཡོད་དམ།

དྲ་གྲོགས་དག་གིས་བཀའ་ཁྲི་མཆོག་ལ་སྡིགས་མོ་མ་གནང་རོགས། ཁོང་གི་བྱེད་ཐབས་དེ་ཁོང་རང་གིས་གསུངས་པ་བཞིན་རྒྱ་ནག་གི་རྩ་ཁྲིམས་དང་མཐུན་པ་རེད། གང་ཡིན་ཟེར་ན། རྒྱ་ནག་གི་སྲིད་ཇུས་ནི་བོད་པ་ཕྱི་གྱར་བ་དག་ཕྱིར་འགུག་བྱེད་རྒྱུ་དང་། གཞིས་བཞུགས་སྤུན་ཟླ་རྣམས་བཙན་བྱོལ་གཞུང་ལ་ཞེན་པ་ལོག་པ་ཞིག་བྱེད་རྒྱུ་དེ་མིན་ནམ། དེས་ན་ཁོང་གིས་རྒྱ་ནག་གི་མཐའ་སྲུང་དམག་མི་ཚོའི་དཀའ་སྡུག་ཆུང་དུ་གཏོང་གནང་གི་ཡོད་པ་རེད་ལ། རྒྱ་ནག་གི་སྲིད་ཇུས་ལ་མཐའ་གཅིག་ཏུ་རྒྱབ་སྐྱོར་གནང་གི་ཡོད་པ་རེད། རིང་བོར་མི་ཐོགས་པར་༼མེས་རྒྱལ་གྱི་ཕང་དུ་ལོག་༽རྒྱུར་མཐུན་རྐྱེན་སྒྲུབ་ཀྱིན་པ་རེད། དེས་ན་ཁོང་ལ་ནང་འགལ་ག་ལ་ཡོད།

ཟམ་གདོང་བླ་མས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཁས་ལེན་བྱས་ནས་དེའི་ཐོབ་ཐང་རྣམས་རྩོད་ལེན་བྱེད་ཀྱི་ཡོད་ཀྱང་གསར་དུ་བཙན་བྱོལ་ལ་ཕེབས་པའི་བོད་རིགས་གཞོན་སྐྱེས་ཚོའི་རྒྱ་ནག་གི་སློབ་ཐོན་ལག་འཁྱེར་ཁག་ངོས་ལེན་བྱེད་པར་བཀག་འགོག་བྱེད་ཅིང་སོ་སོའི་སྤྱི་དམངས་ཀྱི་དམངས་གཙོ་དང་རང་དབང་གི་ཐོབ་ཐང་ལ་ཚོད་འཛིན་བྱས་ནས་གཞུང་གི་ཞབས་ཞུའི་ཁོངས་སུ་འཛུལ་ཞུགས་བྱེད་པ་དང་གཞུང་གི་ལས་དོན་བསྒྲུབ་པར་འགོག་རྐྱེན་ཚབས་ཆེན་ཞིག་བཟོས་ཡོད་པ་འདི་ནི་ཁོ་རང་གི་ནང་འགལ་ཆེན་པོ་ཞིག་དང་འཛམ་གླིང་མིའི་རིགས་ཀྱི་ཐོབ་ཐང་དང་རྒྱབ་འགལ་བྱས་པ་མ་ཡིན་ནམ།

གསོག་སྒར་སློབ་གྲྭའི་ནང་ཡོད་པའི་སློབ་མ་རྣམས་བོད་ཀྱི་སྐད་ཡིག་ཐོག་ལ་གང་ལ་གང་ཙམ་ཡག་པོ་ཡོད་པ་ནི་བརྗོད་མི་དགོས་ཞིང། སློབ་གྲྭ་དེ་ནས་ཐོབ་པའི་སློབ་མ་རྣམས་རང་གཞུང་གི་ཤེས་ཡོན་སྲིད་བྱུས་ལ་མཁོ་བའི་མིའི་ནུས་ཤུགས་ཀྱི་འབྱུང་ཁུངས་ཤིག་ཏུང་འགྱུར་རྒྱུའི་ཁྱད་ཆོས་ཆེན་པོ་ལྡན་ཡོད། དེ་འདྲ་སོང་ཙང་བོད་གཞུང་ནས་སློབ་ཕྲུག་དེ་ཚོའི་ཤེས་ཚད་ལ་དཔག་པའི་དམིགས་བསལ་གྱི་དགེ་རྒན་འོས་སྦྱོང་སོགས་ཀྱི་སྦྱོང་བརྡར་སྤྲད་དེ་ཁོང་ཚོའི་ཤེས་ནུས་བེད་སྤྱོད་གཏང་ཐུབ་པ་ཡིན་ན་སློབ་ཕྲུག་སྒེར་དང་ གཞུང་ཚང་མར་ཕན་པའི་དགེ་ཚན་ཆེན་པོ་ཡོད། དེས་ན་བཀའ་ཁྲི་ཟམ་གདོང་རིན་པོ་ཆེས་དབུ་འཁྲིད་གནང་པའི་བཙན་བྱོལ་བོད་གཞུང་ནས་ཆབ་འབངས་ཀྱི་གཟིགས་སྐྱོང་སྲིད་བྱུས་ལག་བསྟར་གནང་སྟེ་རང་གི་མི་མང་གི་བློ་འགུགས་ཐབས་གནང་དགོས་ཞིང། ད་མང་པོ་བཤད་ཀྱི་མིན། ཚང་མས་ཤེས་གསལ་རེད།།

ཨ་ཁ་ད་ལམ་སློབ་གྲྭའི་ལས་བྱེད་རྣམས་ནས་སྐུ་ངོ་ཟམ་གདོང་རིན་པོ་ཆེ་གདན་ཞུས་པས་ལས་མ་ཞུས་པ་དགའ་བ་ཞིག་སྔོན་ཚུད་ནས་ཤེས་མེད་པ་དེ་ཁོང་ཚོར་དེ་ཙམ་གྱིས་རྣམ་དཔྱོད་མེད་པར་བསྟན་འདུག
དོན་མེད་པར་སློབ་གྲྭའི་ལས་བྱེད་དང་སློབ་ཕྲུག་ཚོའི་སེམས་ཤུགས་ཆག་སྟེ་མ་འོང་པའི་མདུན་ལམ་ལ་བཀག་རྡོ་ཆེན་པོ་ཞིག་བཟོས་སོང།
བཙན་བྱོལ་བོད་གཞུང་གི་ལས་བྱེད་ཁོང་དུ་བཞུགས་ཆོག་དང་མི་ཆོག་བཙན་བྱོལ་བོད་གཞུང་གི་ན་འཛིན་སྐྱོང་ནས་ཐག་ཆོད་བྱེད་ཐུབ་པའི་གནས་འགག་ཞིག་ལས་རྒྱལ་སྤྱིའི་ཁྲིམས་དང་མཐུན་དང་མི་མཐུན་ལས་སོགས་རང་བཙན་ཡོད་པའི་རྒྱལ་ཁབ་ཀྱི་བྱེད་སྟངས་དང་བསྟུན་དགོས་ཚེ་ཤིན་ཏུ་ནས་ཁག་པོ་ཞིག་རེད།
བཙན་བྱོལ་གཞུང་གིས་ཁྲིམས་ཁང་ནས་བཀའ་རྒྱ་བཏང་བར་བརྩིས་མེད་གཏོང་མཁན་ག་ཚོད་ཅིག་ཡོད།
ད་ངོ་མ་སློབ་གྲྭ་དེ་འཇའ་ལྟར་ཡལ་རྒྱུ་ཉག་ཅིག་རེད།
ལྡི་ལི་ཅན་དྷི་གྷར་ལྷོ་ཕྱོགས་ཀྱི་སློབ་ཕྲུག་དེ་ཚོས་་་་་་་ལྟ་རྒྱུ་རེད།
ཝར་ནའི་སློབ་ཕྲུག་དེ་ཚོས་་་་་་ལྟ་རྒྱུ་རེད།

ངོས་རང་གསོག་སྒར་སློབ་གྲྭའི་སློབ་མ་ཞིག་མིན་ནའང་ ང་ཚོའི་བཀའ་ཁྲི་མཆོག་གིས་སློབ་གྲྭའི་ལག་འཁྱེར་ངོས་འཛིན་མེད་པའི་གསུང་གནང་བར་དངོས་གནས་སེམས་གཏིང་ནས་བློ་ཕམ་ཆེན་པོ་བྱུང། གསར་འབྱོར་དང་ ཡང་སྙིང་འབྱོར་གང་འདྲ་ཡིན་རུང་ རང་གཞུང་གིས་གནང་པའི་ལག་འཁྱེར་རང་གཞུང་གིས་ངོས་འཛིན་མ་གནང་ན་ལག་འཁྱེར་ཡོད་ན་དགོས་ག་ལ་ཆོད། བོད་གཞུང་ནས་ཁོང་ཚོའི་ལག་འཁྱེར་དེ་གཞུང་ཞུབས་ནང་འཛུལ་བཞུགས་ཆོག་པའི་ཆོག་མཆན་ངེས་པར་དུ་གནང་སྟེ་ཁོང་ཚོ་ཡིག་རྒྱུགས་ནང་ཞུགས་རྒྱུའི་གོ་སྐབས་ངེས་པར་དུ་ཕུལ་དགོས། ཚུད་མ་ཚུད་ཞེས་པ་ནི་ཡིག་རྒྱུགས་ནས་ཐག་ཆོད་ཐུབ་ཅིང། གལ་ཏེ་དབུས་གཞུང་གིས་དེ་འདྲ་གནང་མ་ཐུབ་ན་ གསོག་སྒར་སློབ་གྲྭ་སློབ་རྣམས་ནས་རང་ཉིད་ཀྱི་ལག་འཁྱེར་དེ་བཀའ་ཁྲི་མཆོག་ལ་ཕྱིར་སྤྲོད་བྱེད་དགོས། བོད་ལ་འཁྱེར་ཏེ་འགྲོ་ན་རྒྱ་གཞུང་གིས་ངོས་ལེན་བྱེད་རྒྱ་ཕར་ཞོག་བཙོན་དུ་བཅུག་ངེས་རེད། བཀའ་ཁྲི་མཆོག་ནས་ཁེངས་དྲེགས་སྤངས་ཏེ་བསྐྱར་དུ་བསམ་ཞིབ་གནང་བའི་རེ་བ་ཞུ་གི་ཡོད།

བཀའ་ཁྲི་ཧོན་ལོག་འདུག་སྙམ། མི་ལེགས་པ་དང་མི་འགྲིག་པ་ཞིག་ཡིན་ན་ཁྱེད་རང་བཀའ་ཁྲི་བསྡད་ནས་ལོ་བཅུའི་རིང་བཅོས་སྒྱུར་མ་བྱས་དོན་ཅི་ཡིན།
རང་ཉིད་ཀྱི་ལས་ཤོར་སྐྱུར་ནས་ཅིག་མ་འགྲིག་མི་འདུག་ལ། ཉུག་འགྲིག་མི་འདུག་ཟེར་ནས་རང་ཉིད་ཀྱི་འགན་འཁྲི་ཡིན་པ་ཡིན་ཤེས་ཀྱིན་མེད་པ་འདྲ།

ད་བར་དུའམ། བཀའ་ཁྲིའི་ལས་རིམ་སྐབས་གཉིས་ལ་འདི་རྐྱང་རྐྱང་བཤད་ནས་བསྡད་པ་རེད། ངས་ཟམ་གདོང་བླ་མའི་དགོངས་གཞི་འདི་གོ་ལོག་ཆེན་པོ་ཞིག་རེད་ཅེས་བཤད་མྱོང་ཡོད། ག་དུས་ཡིན་ནའང་གསོག་སྒར་སློབ་གྲྭའི་སློབ་མ་དག་སྲུང་སྲུང་བར་འདུག་གི་ཡོད། མདོར་བསྡུས་ནས་བཤད་ན། ཟམ་གདོང་བླ་མའི་རིང་བཙན་བྱོལ་གཞུང་ལ་ཕན་ག་རེ་ཐོགས་ཡོད་མེད་མ་ངེས་ཏེ། གསར་འབྱོར་བར་གནོད་མང་བོ་བསྐྱལ་ཡོད།

༡ གསར་འབྱོར་བ་དག་བཙན་བྱོལ་དུ་ཡོང་ནས་གསོག་སྒར་དང་སུ་ཇཱ་ནས་ལོ་གཅིག་དང་གཉིས་ལ་སློབ་སྦྱོང་ཙམ་བྱས་ཏེ་ཕྱིར་བོད་དུ་ལོག་རྒྱུའི་འཆར་གཞིའི་སྟེང་ནས་སྐྱབས་བཅོལ་ལག་ཁྱེར་སོགས་བཟོ་རུ་མ་བཅུག་པར། ཉམ་ཆུང་སྐྱབས་བཅོལ་བ་རྣམས་ཀྱིས་ཐབས་ཤེས་འདྲ་མིན་འོག་བཟོས་པའི་དཀའ་ངལ་དང་། ཁ་ཤས་ལམ་འགྲོ་མ་རྒྱུག་པར་བཙོན་དུ་ཚུད་པ་སོགས་ཡོད། དེ་ནི་བྱས་ཉེས་ཆེན་པོ་གཅིག་དང་།
༢ གསོག་སྒར་སློབ་གྲྭར་བོད་ནས་སློབ་ཆེན་ནམ་འཛིན་གྲྭ་བཅུ་གཉིས་ནས་བཅོ་ལྔ་ཐོན་མཁན་མང་བོ་ཡོད་ལ། སློབ་གྲྭའི་དགེ་རྒན་དང་སྲིད་འཛིན་སྡེ་ཁག་ནས་ལས་ཀ་བྱས་མྱོང་མཁན་ཡང་མང་བོ་ཡོད། ཁོང་ཚོ་འདིར་ཡོང་ནས་དབྱིན་ཡིག་ཏོག་ཙམ་སྦྱོང་དུ་བཅུག་ནས་བཙན་བྱོལ་གཞུང་གིས་ངེས་པར་དུ་རང་རང་གི་འཇོན་ཐང་སོགས་ལ་དཔག་ནས་ལས་ཀ་ཞིག་སྤྲོད་དགོས་ཀྱང་། དེ་ལས་ལྡོག་སྟེ་ལས་ཀ་སོགས་ལ་བཀག་འགོག་འདྲ་མིན་བྱེད་ཀྱི་ཡོད། ཐ་ན་བོད་རང་གི་ལས་ཁུངས་སོགས་སུ་བོད་ཡིག་གིས་ཁུངས་མི་འཁྱོལ་བ་དག་ཕུང་གསོག་བརྒྱབ་ནས་གོ་ལོག་རྐྱང་རྐྱང་བྱེད་ཀྱི་ཡོད་པ་མངོན་སུམ་ཡིན། ཐ་ན་སློབ་གྲྭའི་དགེ་རྒན་དག་ལའང་སློབ་དེབ་ཙམ་ངོ་སྤྲོད་བྱེད་རྒྱུའི་ཆུ་ཚད་མེད་ན། ཤེས་ཡོན་འཐུས་ཤོར་ཟེར་ནས་སྐད་བརྒྱབ་པས་མི་ཚད་མགོ་བོ་ཐང་ལ་གཡུག་ཀྱང་ཅི་ལ་ཕན། དེ་ཡང་ཟམ་གདོང་བའི་བྱས་ཉེས་སུ་ངོས་འཛིན་མི་བྱ་ག་མེད་ཡིན།
༣ ཟམ་གདོང་བླ་མ་ཁོང་གིས་ག་དུས་ཡིན་ནའང་། གཏམ་བཤད་སོགས་གནང་སྐབས། མང་ཚོགས་རང་ཉིད་ལ་དགའ་རུ་འཇུག་པ་དང་། རང་ཉིད་མཁས་པ་ཡིན་པ་ངོ་འཕྲོད་ཐབས་ཀྱིས་དགོས་མཁོར་མི་བལྟ་བར་ཆོས་བཤད་སར་ཆབ་སྲིད་དང་ཆབ་སྲིད་བཤད་སར་ཆོས་ཁོ་ན་བཤད་ངེས། དེ་ལྟར་ན་མི་མང་གིས་བཀའ་ཁྲི་མཁས་པ་རེད་ཟེར་རྒྱུ་ལས། བཀའ་ཁྲིའི་དམིགས་བསལ་གྱི་ལས་འཆར་འདི་རེད། གནད་དོན་འདིའི་སྒང་ནས་མང་ཚོགས་ཀྱིས་ལམ་ཁ་འདི་བདམས་དགོས་ཟེར་རྒྱུ་ཞིག་རྙེད་མི་བཏུབ། དེ་ཡང་སྲིད་བློན་ཞིག་ལ་མཚོན་ན་བྱས་ཉེས་ཆེན་པོར་ངོས་འཛིན་ཆོག

གོང་གི་དོན་ཚན་དེ་དག་ལ་བརྟེན་ནས་ཟམ་གདོང་བས་གསར་འབྱོར་རྣམས་ལ་ཕན་ལས་གནོད་བསྐྱལ་ཡོད། ད་ཐེངས་ཀྱང་ཅག་ཅག་ག་འདྲ་བྱས་འདུག སྤྱིར་བཏང་གིས་གསར་འབྱོར་མེད་ན། བཙན་བྱོལ་གཞུང་འདི་གནས་ཐུབ་མིན་བརྗོད་དཀའ་བའི་གནས་མ་ཡིན་ནམ།

ནུབ་ཕྱོགས་ཡུལ་གྲུ་མང་པོའི་ནང་དུ་ལོ་ན་སོན་རིམ་བཞིན་སློབ་ཡོན་དང་ཤེས་ཚད་ངོས་འཛིན་སོགས་ལ་གུ་ཡངས་ཆེན་པོ་འདུག ང་ཚོའི་བཙན་བྱོལ་གཞུང་དང་དེ་འབྲེལ་གྱི་ཚོགས་སྡེ་ཚོས་ལོ་ན་ཡར་སོན་རིམ་བཞིན་ཉེས་ཆད་གཅོད་ཀྱིན་འདུག བོད་དུ་ལོག་དགོས་པ་དེ་དེ་འདྲའི་གལ་ཆེན་ཡིན་པ་ཤེས་ཡོད་ན་ཟམ་གདོང་སྤྲུལ་སྐུ་ཁོ་རང་བོད་དུ་མི་ལོག་དོན་ག་རེ་ཡིན་ནམ།

རྒྱ་དཀར་ནག་གི་འབྲེལ་བ་ཡར་རྒྱས་ལྟར་སྣང་ནའང་དོན་དངོས་ཐོག་ནས་འདི་རྒྱལ་ཁམ་འདི་གཉིས་ཀྱི་མཛའ་མཐུན་དང་འབྲེལ་ལམ་གོང་འཕེལ་འགྲོ་མི་ཐུབ།
རྒྱ་ནག་གིས་ནི་ཟ་རྒྱུ་ཞིག་གཅོད་རྒྱུ་ཞིག་ལ་བསམ་བློ་གཏོང་བཞིན་ཡོད། རྒྱ་གར་པའི་ཕྲག་དོག་དང་ང་རྒྱལ་ཞེན་ལྟ་སུས་འདྲན་དཀའ།

གཞིས་ལུས་བོད་མི་ལག་ཆ་དང་། བྱེས་བོད་བཀོད་འདོམས་གནང་མཁན་གྱི་གནས་སྟངས་འདིར་ངེས་པར་དུ་འགྱུར་བ་གཏོང་དགོས་པས། ལྷན་རྒྱས་ནས་སྤྱི་འཐུས་གདམ་ག་མ་ནོར་བ་གནང་ནས་སྲིད་ཇུས་འདི་རིགས་ལོ་རྒྱུས་ཀྱི་གད་སྙིགས་ནང་གཡུགས་འཇུག་རོགས། དེ་ལྟ་མིན་ན་གསར་འབྱོར་ག་དུས་ཀྱང་བཀའ་ཁྲིའི་མཚོན་པའི་ཁེ་ཕན་ཕྱོགས་ཁག་གི་རྩེད་ཆས་དང་། ཚོང་རྫས། སྲིད་ཁེ་ཟ་བྱེད་རེད་མ་གཏོགས་ལམ་ཁ་ལྷག་མེད་པས། ཆོལ་ཁ་ཆོས་ལུགས་ཀྱི་ཕྱོགས་ཞེན་སྤང་ནས་སྲིད་ཇུས་འདི་རིགས་ལ་འགྱུར་བ་གཏོང་བར་འདུན་ཡོད་པའི་སྤྱི་འཐུས་སྐོར་ཞིག་གདམ་རྒྱུ་ནི་གསར་འབྱོར་ཚོས་རང་ཉིད་ཀྱི་ཁེ་དབང་དངོས་དེ་ལེན་འདོད་ཡོད་མེད་ལ་ཐུག་ཡོད་འདོད། དྲ་མཁན་ཚོར་ཁུ་སིམ་མེར་འདུག་རན་རེད་དམ།