དེ་རིང་ཕྱི་ཚེས་ ༦ ཉིན་ཨ་རིའི་སྲིད་འཛིན་ཨོ་བྷ་མ་ཐེངས་དང་པོར་རྒྱ་གར་ནང་རྒྱལ་དོན་འཚམས་གཟིགས་སུ་ཕེབས་ཀྱིན་ཡོད་པ་དང་། ད་ཐེངས་ཨོ་བྷ་མ་རྒྱ་གར་གྱི་སྲིད་བློན་གཙོས་པའི་མཐོ་རིམ་དཔོན་རིགས་ཁག་ཅིག་དང་། ཚོང་དོན་ལས་རིགས་ཁག་གི་མི་སྣ། དེ་བཞིན་རྒྱ་གར་ནང་ཡོད་པའི་ཨ་རིའི་ཕྱི་སྡོད་མཐོ་རིམ་ལས་བྱེད་ཁག་ཅིག་བཅས་ལ་ཐུག་འཕྲད་ཀྱིས་ཨ་རི་དང་རྒྱ་གར་རྒྱལ་ཁབ་གཉིས་བར་གྱི་ཚོང་ལས་མཉམ་འབྲེལ་དང་། འཇིགས་སྐུལ་རིང་ལུགས་པར་གདོང་ལེན་བྱ་ཕྱོགས། དེ་བཞིན་རྒྱ་གར་གྱི་རྡུལ་མཚོན་ལས་རིགས་བཅས་ཀྱི་ཐོག་གྲོས་མོལ་གནང་རྒྱུ་ཡིན་འདུག
དེ་སྔོན་ཨ་རིའི་ཕྱི་སྲིད་དྲུང་ཆེ་ཡིས། ཕྱི་ཟླ་ ༡༡ ནང་ཨོ་བྷ་མ་རྒྱ་གར་གཙོས་ཨེ་ཤ་ཡའི་རྒྱལ་ཁབ་ཁག་ཅིག་ཏུ་རྒྱལ་དོན་འཚམ་གཟིགས་སུ་སྐྱོད་འཆར་ཡོད་པ་དེ་གཙོ་བོ་ཨེ་ཤ་ཡའི་དམངས་གཙོ་དང་འགྲོ་བ་མིའི་ཐོབ་ཐང་ཐད་ཡིན་ཚུལ་བརྗོད་ཀྱང་། ཨོ་བྷ་མ་རྒྱ་གར་དུ་མ་ཐོན་གོང་ཙམ་ལ་ཁོང་གི་གཏམ་བཤད་ཅིག་ཏུ། ད་ལྟའི་ཨ་རིའི་དཔལ་འབྱོར་གྱི་གནས་བབ་བསྐྱར་གསོ་བྱ་རྒྱུའི་ཆ་ཤས་ཤིག་ནི། རྒྱ་གར་ནང་ཨ་རིའི་ཚོང་རའི་སྟོབས་ཤུགས་ད་ལྟ་ལས་ལྡབ་འགྱུར་གྱིས་རྒྱ་བསྐྱེད་བྱ་དགོས་སྐོར་དང་། ཉིས་སྟོང་ ༢༠༠༨ ལོར་མཚོན་ན། ཨ་རི་དང་རྒྱ་གར་བར་གྱི་ཚོང་ལས་ཁྲོམ་རའི་མ་དངུལ་ཐེར་འབུམ་ ༤༠ ཡས་མས་སུ་བསླེབས་ཡོད་ཀྱང་། ཡུ་རོབ་དང་རྒྱ་ནག་གཙོས་རྒྱལ་ཁབ་གཞན་དག་དང་ཨ་རིའི་བར་གྱི་ཚོང་ལས་ཁྲོམ་རའི་མ་དངུལ་དང་བསྡུར་ན། ད་དུང་དེ་ཙམ་རྒྱ་བསྐྱེད་ཐུབ་མེད་ཚུལ་སོགས་བརྗོད་ཡོད།
རྒྱ་གར་ཕྱི་སྲིད་དྲུང་ཆེ་ནའེ་རོ་པ་མཱ་ Nirupama Rao ཡིས་ཐེངས་འདིའི་ཨོ་བྷ་མ་རྒྱ་གར་དུ་ཕེབས་སྐབས། རྒྱ་ཁབ་གཉིས་ཀྱི་ཚོང་འབྲེལ་སྔར་ལས་དོན་འབྲས་ལྡན་པ་ཞིག་འབྱུང་ངེས་རེད། ཅེས་བརྗོད་འདུག ཨོ་བྷ་མ་སྲིད་གཞུང་གིས་ཐེངས་འདིའི་ཨོ་བྷ་མ་ཨེ་ཤ་ཡའི་ནང་སྐོར་བསྐྱོད་བྱ་སྐབས་དཔལ་འབྱོར་དང་རྒྱལ་སྲུང་བདེ་འཇགས། ཆབ་སྲིད་ཀྱི་གནད་དོན་སོགས་དོན་ཚན་ ༡༧ ནམ་ ༡༨ ཡོད་པ་ཁག་རིམ་བཞིན་ཁྱབ་བསྒྲགས་བྱ་ངེས་ཡིན་སྐོར་སོགས་བཀོད་འདུག
ཨོ་བྷ་མས་རྒྱ་གར་དང་ཧིན་རྡུ་ནི་ཤི་ཡ་བཅས་ཀྱི་གཟིགས་སྐོར་གྲུབ་རྗེས། ལྷོ་ཀོ་རི་ཡའི་རྒྱལ་ས་སེའོ་ Seoul དུ་སྟོབས་ཆེན་རྒྱལ་ཁག་ ༢༠ རྒྱལ་སྤྱིའི་དཔལ་འབྱོར་ཐད་ཚོགས་ཆེན་ཞིག་ཚོགས་འཆར་ཡོད་པའི་ཐོག་མཉམ་ཞུགས་བྱ་རྒྱུ་ཡིན་ཞིང་། མཐར་ཉི་ཧོང་དུ་ཨེ་ཤ་ཡ་ཞི་བདེ་རྒྱ་མཚོའི་མངའ་ཁུལ་གྱི་དཔལ་འབྱོར་གླེང་སྟེགས་ཞེས་པའི་ཚོགས་ཆེན་དུ་ཕེབས་འཆར་ཡོད་འདུག
གསར་འགོད་པ། བནྡེ་སྐྱབས།
ད་ལྟའི་དུས་ལ་ཨོ་བྷ་མ་ཁོ་ཁྱི་བཞིན་རྒྱུག་ཀྱང་། ནུས་པ་དང་འཇོན་ཐང་ངོ་མ་འདི་ལས་ལྷག་པ་ཧ་ལམ་མེད། སྲིད་འཛིན་བགྲེས་པོ་རྣམས་ཀྱི་སྐུ་ལས་བཀྱོན་ནས་མངའ་ཐང་བརྒྱ་བསྐྱེད་པ་རྣམས་ཨོ་བྷ་མ་ཁྲི་ལ་འཁོད་ནས་ལོ་གཅིག་གཉིས་ནང་ཉམས་སོང་བ་རེད་ལ་གསར་ཞེན་དག་གི་རྨི་ལམ་ཡང་སྐད་ཅིག་ཡལ་སོང་བ་རེད།
རེ་བ་བཟང་ས་དང་གྲ་བསྒྲིགས་སྡུག་ས་ནས་རྒྱོབས་ཞེས་པ་ལྟར་ང་ཚོས་མ་ལན་མ་འགྱོད་པ་བྱེད་རྒྱུ་ཤིན་ཏུ་གལ་འགངས་ཆེན་པོ་རེད། དམིགས་ཡུལ་ཇི་བཞིན་སྒྲུབ་ཐུབ་དང་མི་ཐུབ་དེ་གནས་ཚུལ་ཁག་ཁག་རེད། གང་ལྟར་ཡིད་ཐང་ཆད་ནས་སྡོད་པ་ལས་རེ་བ་རྒྱབ་ན་བཟང་གི་མ་རེད་པས།
དྲ་གྲོགས་ཚོ། རང་གི་རྒྱལ་ཁབ་རང་གིས་འཛུགས་སྐྲུན་བྱེད་དགོས་མ་གཏོག་གཞན་སུ་ཞིག་གི་ཀྱང་འཛུགས་སྐྲུན་བྱེད་མི་སྲིད།
ཉི་ཟླའི་མགྲོན་བདག་ཁྱོད་ཀྱི་ཐོག་མར་བོད་ཡིག་ཡག་པོ་ཞིག་སྦྱོངས་དང་དེ་ནས་མི་སྐད་ཆ་བཤད་ཐུབ།
རྒྱ་གར་གྱི་དམངས་གཙོའི་རང་དབང་དང་རྒྱ་ནག་གི་དམག་དོན་སྟོབས་ཤུགས་གཉིས་ཀྱི་རྒྱལ་ཕམ་གྱི་དབྱེ་བའི་ཁྲོད་དུ་ཨ་རིའི་སྣ་འདྲེན་མའི་ཐེ་ཇུས་ཡང་བསླེབས་སོང་།
དྲ་གྲོགས་སེར་གཙང་འཇམ་དབྱངས་ལགས་ཁྱེད་ཀྱིས་བཤད་པ་ཕྱོགས་གཅིག་ནས་བཤད་ན་བདེན་པ་རེད་དེ་ཚང་མ་ལ་བདེན་ཁ་སྟེར་མི་ཐུབ།
ཨོ་བྷ་མ་ལ་བོད་པའི་ཕར་ག་ཚོད་རེ་བ་དང་ཡིད་ཆེས་བྱས་ཡོད་ཁྱེད་ཀྱི་ཧ་གོ་ངེས་རེད།
དེ་ཚོད་ཀྱི་བོད་པའི་རེ་བ་དང་ཡིད་ཆེས་ཚང་ན་བརླག་སོང་བ་ཁྱེད་ཀྱི་ཤེས་ཨེ་ཡོད།
དྲ་གྲོགས་ཉི་ཟླའི་མགྲོན་བདག་ལགས་
ཁྱེད་ཀྱིས་དྲ་གྲོགས་ཡོངས་ལ་བསམ་ཚུལ་གླིང་བར་བསྔགས་བརྗོད་ཡོད།
རེད་དེ་ངྲ་གྲོགས་གཞན་ལ་རང་ཉིད་ཀྱི་བསམ་ཚུལ་གླིང་སྐབས་རྣམ་པར་མི་མཛེས་པའི་ཐ་སྙད་དག་བོད་སྤྱོད་བྱེད་སྟང་མི་ནོར་བ་ཤེས་གལ་ཆེ།།
རེ་བ་དང་ཡིད་ཆེས་ཡོད་ཙང་་ ད་ལྟའི་དུས་སྐབས་སུ་བོད་པའི་གནད་དོན་
འཛམ་བུ་གླིང་ལ་དར་རྒྱས་འགྲོ་བཞིན་པ་རེད་།
རེ་བ་དང་ཡིད་ཆེས་ངང་ནས་བོད་སྐྱོབས་དགོས་རེད་།
ཨོ་བྷ་མ་རྒྱ་གར་ཐེངས་ག་ཚོད་ཕེབས་ཀྱང་རེ་བ་དང་ཡིད་ཆེས་ཅུང་ཟད་ཀྱང་མེད།
བོད་མི་རྨོངས་རྒན་ཚོ་སྔོན་ཨོ་བྷ་མ་རེ་བ་རྒྱག་མཁན་ཚོས་ད་རུང་མུ་མཐུད་དུ་རེ་བ་རྒྱོབ་དང་།ལྕག་པ་དང་གཅུན་པ་མ་གཏོགས་ལྷག་གི་མ་རེད།
ཧ་ཧ་ཧ་་་་་་་་་་་་་་་ཧ་་་་་་་་་་་་་་་་་་་ཧ་།