ལོ་ངོ་ཉི་ཤུའི་རྗེས་ཀྱི་འབར་མའི་རྒྱལ་ཡོངས་འོས་བསྡུ་ཆེན་མོ་དེ་ཁ་སང་ཕྱི་ཚེས་ ༧ ཉིན་དངོས་སུ་མགོ་འཛུགས་བྱས་ཡོད་ཀྱང་། དེ་ནི་འབར་མ་དྲག་མིའི་སྲིད་གཞུང་གཅིག་པུའི་སྟངས་འཛིན་འོག་འོས་བསྡུ་བྱས་པ་ཞིག་ཡིན་ཞིང་། རྒྱལ་ཁབ་གཞན་དང་ཆབ་སྲིད་ཚོགས་པ་གཞན་སུ་གང་ཡང་འོས་བསྡུའི་ཟུར་དཔང་དང་གྲུབ་དོན་དཔྱད་ཞིབ་ཚོགས་ཁོངས་སུ་འཛུལ་ཞུགས་བྱེད་བཅུག་ཡོད་མི་འདུག
དཔྱད་རྗོད་པ་ཚོས་ཐེངས་འདིའི་འོས་བསྡུ་དེ་ད་ལྟའི་འབར་མ་དམག་མིའི་གཞུང་འཛིན་ཕྱོགས་ཁག་གི་དབང་ཤུགས་འོག་ཤོར་ཡོད་སྟབས། འོས་བསྡུའི་གྲུབ་འབྲས་ཁྱབ་བསྒྲགས་བྱ་དུས་ཀྱང་ཁ་གསལ་བོ་ཞིག་འབྱུང་གི་མེད་པར་ཚོད་དཔག་བྱེད་ཀྱིན་ཡོད་འདུག འོས་ཤོག་འཕེན་མཁན་ཞིག་གིས་བྷི་བྷི་སི་གསར་ཁང་ལ་ཐེངས་འདིའི་འོས་ཤོག་དེ་སོ་སོའི་རང་དབང་ཐོག་ལྡུག་ཐུབ་མེད་སྐོར་བརྗོད་འདུག་ཅིང་། གཞུང་དང་ལྟ་བ་མི་ཐུན་པའི་ཚོགས་སྡེ་ཁག་གིས་ཀྱང་། ཐེངས་འདིར་གཞུང་གི་ལས་བྱེད་མང་པོ་ཞིག་གིས་གནོན་ཤུགས་སྤྲད་དེ། མང་ཚོགས་ཀྱི་འོས་ཤོག་འཕེན་ཡུལ་ལ་བཀོལ་བྱུས་བཏང་ཡོད་སྐོར་བརྗོད་ཡོད།
༢༠༠༨ ལོའི་འབར་མའི་རྩ་ཁྲིམས་བསྒྱུར་བཅོས་ནང་། འོས་བསྡུའི་ལམ་ལུགས་ལག་བསྟར་བྱ་རྒྱུ་འདི་གཙོ་བོ་དམངས་གཙོའི་སྒྲིག་གཞི་གོང་མཐོར་བཏང་སྟེ། འབར་མའི་གཞུང་འདི་ཕྱིར་མང་ཚོགས་ཀྱི་དབང་སྒྱུར་འོག འཛིན་སྐྱོང་སྤེལ་གསུམ་བྱ་ཐུབ་པར་དམིགས་པ་ཞིག་ཡིན་ཚུལ་བཀོད་ཡོད་ཀྱང་། ཐེངས་འདིར་གྲོས་ཚོགས་གསར་བ་གོང་འོག་གཉིས་ཀྱི་རྐུབ་སྟེགས་བརྒྱ་ཆ ༢༥ དམག་ཕྱོགས་ཀྱི་འཐུས་མིར་ཟུར་འཇོག་བྱས་ཡོད་འདུག་ཅིང་། གཞུང་གི་རྩ་ཁྲིམས་ལ་བསྒྱུར་བཅོས་གཏོང་དགོས་ན། གྲོས་ཚོགས་ཀྱི་འཐུས་མི་བརྒྱ་ཆ་ ༧༥ ཡན་གྱི་རྒྱབ་སྐྱོར་ཐོབ་དགོས་སྟབས། རྐུབ་སྟེགས་བརྒྱ་ཆ་ ༢༥ ཙམ་ཟུར་འཇོག་བྱས་ཡོད་པ་དེ་ནི། གཞུང་འཛིན་གསར་པའི་ངོས་ནས་རྩ་ཁྲིམས་སྒྱུར་བཅོས་བྱ་རྒྱུར་འགོག་རྐྱེན་བཟོ་ཆེད་དང་། དམག་མིའི་དབང་ཤུགས་རྒྱུན་གནས་ཡོང་ཐབས་བཅས་ཀྱི་སྲིད་ཇུས་ཤིག་ཡིན་འདུག་ལ། གནད་ཡོད་བློན་ཆེན་ཁག་གི་འགན་དབང་དེ་ཡང་ད་ཡོད་མཐོ་རིམ་དམག་སྤྱི་ཁག་ཅིག་གིས་འཛིན་རྒྱུ་ཡིན་འདུག
ཐེངས་འདིའི་འོས་བསྡུའི་ཁྲོད་འགྲན་རྩོད་བྱེད་མཁན་གྱི་ཚོགས་པ་ཆེ་ཤོས་གཉིས་ ( USDP and NUP) ད་ལྟའི་དམག་མིའི་གཞུང་དང་འབྲེལ་བ་དམ་ཟབ་ཡོད་པ་མ་ཟད། ཚོགས་པ་དེ་གཉིས་ཀྱི་མགོ་ཁྲིད་ཀྱང་དམག་སྤྱི་ཟུར་བ་ཁག་ཅིག་ཆགས་ཡོད་འདུག ཨིང་སན་སོ་ཀཱེའི་རྒྱལ་ཡོངས་དམངས་གཙོ་ཐུན་ཚོགས་ལ་ཕྱི་ལོ་ ༡༩༩༠ ལོའི་རྒྱལ་ཡོངས་འོས་བསྡུའི་སྐབས་རྒྱལ་ཁ་ཆེན་པོ་ཐོབ་ཡོད་ཀྱང་། འོས་བསྡུ་རྩིས་མེད་ཀྱིས་དབང་འཛིན་གནས་རིམ་ནང་བསླེབས་བཅུགས་མེད། ཐེངས་འདིའི་རྒྱལ་ཡོངས་འོས་བསྡུ་ལས་ཀྱང་ཕྱིར་ཕུད་བཏང་ཡོད།
ཤཱན་རྒྱལ་ཡོངས་དམངས་གཙོ་ཚོགས་པའི་ཚོགས་གཙོ་སཱའེ་ཨེ་པའོ་ Sai Ai Pa O ལགས་ཀྱིས། གཞུང་གིས་མང་ཚོགས་ལ་སྔོན་ཆད་ནས་བཙན་ཤུགས་ཀྱིས་འོས་ཤོག་འཕེན་བཅུག་ཡོད་པ་མ་ཟད། ང་ཚོའི་འོས་མི་རྣམས་དངོས་གཞིའི་འོས་ལྡུག་ཡུལ་དུ་འགྲོ་བཅུགས་མ་སོང་། གལ་སྲིད་ཐེངས་འདིའི་འོས་བསྡུ་རང་དབང་དང་དྲང་བདེན་ཐོག་འགྲོ་ཐུབ་ཡོད་ཚེ། ཉུང་མཐར་འོས་གཞིའི་བརྒྱ་ཆ་ ༨༠ ང་ཚོར་འཐོབ་རྒྱུའི་གདེང་ཚོད་ཡོད། ཅེས་འགྲེལ་བརྗོད་བྱས་འདུག
འབར་མའི་རྒྱལ་ས་རན་གྷོན་ Rangoon གྱི་ཉེ་འཁོར་དམག་མི་ཞིག་གིས་བྷི་བྷི་སི་ས་གནས་གསར་འགོད་པར་གནས་ཚུལ་མཁོ་སྤྲོད་བྱས་པ་ལྟར་ན། ཐེངས་འདིའི་འོས་བསྡུའི་སྐབས་སུ་དམག་མིའི་རུ་ཁག་ ༡༠ ཡི་དམག་མི་ཚོས་གོང་རིམ་གྱི་འཆར་འགོད་ལྟར་འོས་ཤོག་འཕེན་དགོས་པའི་བཀའ་རྒྱར་ངོས་ལེན་བྱས་མ་སོང་། ཞེས་བརྗོད་ཡོད།
ཁ་སང་ཕྱི་ཚེས་ ༧ ཉིན་གྱི་འབར་མིའི་རྒྱལ་ཡོངས་འོས་བསྡུ་ཆེན་མོའི་ཐད། ཨ་རིའི་སྲིད་འཛིན་ཨོ་བྷ་མས། གཟའ་ཉི་མའི་ཉིན་གྱི་འབར་མའི་འོས་བསྡུ་དེ་རྒྱལ་སྤྱིའི་ངོས་ནས་ཁས་ལེན་བྱེད་ཐུབ་པའི་ཚད་གཞི་ཞིག་གི་སྟེང་བསླེབས་མི་འདུག ཅེས་དང་། དེ་བཞིན་དབྱིན་ཇའི་ཕྱི་སྲིད་དྲུང་ཆེ་ཝའེ་ལེམ་ William Hague གྱིས་ཀྱང་། ཐེངས་འདིའི་འབར་མའི་འོས་བསྡུ་དེ་ནི་གདུག་རྩུབ་ཅན་གྱི་སྲིད་དབང་ལ་ཁ་ཕྱིར་སློག་པ་ཞིག་ལས་མ་འདས། ཞེས་བརྗོད་ཡོད།
ཐེངས་འདིའི་འབར་མའི་རྒྱལ་ཡོངས་འོས་བསྡུའི་སྐབས་སུ་གསར་འགྱུར་རྒྱུད་ལམ་ཁག་དང་ལྷག་པར་དུ་ཕྱི་ཕྱོགས་ཀྱི་གསར་འགོད་པར་དམ་དྲག་ཤུགས་ཆེན་བྱས་ཡོད་འདུག་ལ། དེ་བཞིན་ཐེངས་འདིའི་འབར་མིའི་འོས་བསྡུ་འདི་ལྟར་རང་དབང་དང་དྲང་བདེན་མ་ཡིན་པ་ཞིག་གི་ངོ་བོའི་ཐོག་ནས་ཕྱིན་ཚར་ཡང་། ད་ནི་རྒྱལ་སྤྱིའི་ངོས་ནས་བློ་འཚབ་བྱེད་ཀྱིན་པའི་གནད་དོན་གཞན་ཞིག་ནི་ཟླ་འདིའི་ཕྱི་ཚེས་ ༡༣ ཉིན་ཏེ། ཨིང་སན་སོ་ཀཱེ་ཀློད་གྲོལ་འཐོབ་པའི་དུས་ཚིགས་དེར་གནད་དོན་གཞན་ཞིག་འབྱུང་མིན་གྱི་གནས་ཚུལ་དེ་ཡིན།
གསར་འགོད་པ། བནྡེ་སྐྱབས།
ལྷོ་ཕྱོགས་ཉི་ཟླ། རྒྱ་གུང་ཁྲན་ཏང་ལ་ནི་དངོས་གནས་བཤད་ན་འོས་བསྡུ་ཞིག་མེད། སྲིད་དབང་དགེར་འཛིན་ལམ་ལུགས་རེད། བདག་གིས་འོས་བསྡུ་ཞིག་ཡིན་ཁུལ་བྱེད་པ་ལ་འདི་འདྲ་མི་འདུག་ཅེས་བརྗོད་པ་ཡིན།
ལར་དོགས་སློང་བྱས་པ་ལ་ཐུགས་རྗེ་ཆེ་ཞུ།
མ་དག་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་དག་
དྲང་སྲོང་ལེགས་་་་་་་་་་་་་་་་་་་་་་་་་་་་་་་་་་་་་ལགས་
དྲག་བསྐྱོད་་་་་་་་་་་་་་་་་་་་་་་་་་་་་་་་་་་་་་་་་་་་་སྤྱོད་
སྐད་ཡིག་གཅིག་འགྱུར། ཐོབ་ཐང་འདྲ་མཉམ།
ཨོ་ཙི་སེམས་པ་སྐྱོ་བར་ འབར་མའི་འོས་བསྡུ་སྐབས་ཀྱི་འདྲ་པ་མཐོང་བ་དང་ཧ་ཅང་བློ་ཕམ་པའི་རང་བཞིན་འདུག་ལ་ གསར་འགོད་པས་ཡིག་ནོར་བཏང་འདུག་པས་ དེ་ལས་ཐབས་སྐྱོ་བ་ཞིག་ཏུ་མཐོང་
ཉེ་ཆར་གཞེས་ལུས་བོད་མི་སློ་ཕྲུག་རྣམས་ནས་རང་སྲོག་བློས་བཏོང་ཐོག་ གདུག་རྩུབ་ཇི་འདྲ་ཆེ་ཡང་
ཞུམཔ་མེད་པའི་སྙིང་སྟོབས་ཀྱིས་ངོ་རྒོལ་བྱེད་པ་མཐོང་གིན་མེད་པ་འདྲ་ གཞིས་ལུས་བོད་མི་མཐོང་བ་ཡིན་ན་ བློ་ཕམ་པ་དང་ སེམས་ཤུགས་ཆགས་པའི་རང་བཞིན་ཆགས་པའི་རྐྱེན་ལས་མ་འདས་སོ་།
རྗེས་མ་གཟབ་གཟབ་གནང་རོགས་།།
དྲང་སྲོང་ལེགས་འདི་ལྟ་བུའི་འོས་བསྡུ་འབར་མ་མ་གཏོགས་མི་སྲིད་པ་ཞིག་རེད་ལབ་ན་ཧ་ཅང་ཐལ་ཆེ་དྲག་རེད།
རྒྱ་གུང་ཁྲན་ཏང་ཁྱེད་ཀྱི་བརྗེད་སོང་བ་མ་རེད་དམ། དྲག་བསྐྱོད་ཀྱི་རྒྱལ་བོའི་རྒྱལ་ཁབ་ཞིག་ཆགས་བསྡད་ཡོད་པ་ཧ་གོ་ཡོད་དམ།
འདི་ལྟ་བུའི་འོས་བསྡུ་ནི་འབར་མ་མ་གཏོག་རྒྱལ་ཁབ་གཞན་ན་མི་སྲིད་པ་ཞིག་རེད།
འདི་ལྟ་བུའི་ཡིག་ནོར་ནི་དེང་སང་གི་གསར་འགོད་པ་མ་གཏོག་མི་སྲིད་པ་ཞིག་རེད།
པར་འདི་མཐོང་བ་ཙམ་གྱིས་ཤ་འདར་གྱིན་འདུག ཡིད་སྐྱོ་བ་ལ་ཨང་། འཇིག་རྟེན་ན་འདི་ལྟ་བུའི་འོས་བསྡུ་ཞིག་ནི་ཡོད་པ་ལས་མེད་ན་དགའ།
འབར་མའི་དམངས་གཙོའི་དབུ་ཁྲིད་ཨང་སན་སོ་སྐྱིད་དང་མི་དམངས་རྣམས་མགྱོགས་མྱུར་རང་དབང་དམངས་གཙོའི་ལམ་དུ་སྐྱོད་ཐུབ་པའི་སྨོན་ལམ་འདེབས།
བཙན་འོག་གི་འོས་བསྡུ་འདི་འཇིགས་སྣང་སྟེར་བ་ཞིག་འདུག
དམག་མི་དང་མེ་མདའ་འཇིགས་སྣང་སྟེར་བ་ཞིག་འདུག
གསར་འགོད་པའི་ཡིག་ནོར་འཇིགས་འཇིགས་སྣང་སྟེར་བ་ཞིག་འདུག