གཟའ་ཟླ་བའི་ཉིན་རྒྱ་ནག་ཧྲང་ཧེ་གྲོང་ཁྱེར་ནང་ཐོག་བརྩེགས་ ༢༨ ཅན་གྱི་ཚོང་ལས་ལྟེ་གནས་ཤིག་ལ་མེ་སྐྱོན་ཆེན་པོ་བྱུང་སྟེ། ད་བར་མི་ ༥༣ ཡི་ཚེ་སྲོག་ཤོར་ཡོད་པ་དང་མི་ ༧༠ ཙམ་ལ་རྨས་སྐྱོན་ཕོག་སྟེ་སྨན་ཁང་དུ་བསྐྱལ་ཡོད་འདུག སྐབས་དེར་མྱུར་སྐྱོབ་རུ་ཁག་དང་ཉེན་རྟོག་པ་ཚོས་སྲོག་ཉེན་འོག་གི་མི་རྣམས་སྐྱོབ་ཐབས་བྱས་པ་དང་། ཐད་འཕུར་གནམ་གྲུ་འགས་ཐོག་རྩེག་སྟེང་གི་མི་རྣམས་མྱུར་སྐྱོབ་ཀྱིས་བདེ་འཇགས་ས་ཁུལ་དུ་སྐྱེལ་འདྲེན་བྱས་ཡོད།
ཁང་བརྩེགས་དེར་མེ་སྐྱོན་བྱུང་པའི་རྒྱུ་རྐྱེན་ད་སྔ་གསལ་བོ་ཤེས་རྟོགས་ཐུབ་མི་འདུག་ཅིང་། མེ་སྐྱོན་གྱི་ཐོག་མའི་མཐོང་ཚུལ་བརྗོད་མཁན་ཞིག་གིས། དང་པོ་ཁང་བརྩེགས་ཀྱི་ཟུར་ངོས་ཤིག་ནས་འོད་ཆེན་པོ་ཞིག་དང་ལྷན་དུ་མེ་འབར་སོང་། དེ་ནས་རིམ་བཞིན་མེ་ཤུགས་ཆེ་རུ་ཕྱིན་ཏེ། ཁང་བརྩེགས་ཡོངས་ལ་མེ་ཤོར་སོང་ཟེར། རྒྱ་ནག་བདེ་འཇགས་བློན་ཆེན་གྱིས། ཐེངས་འདིའི་མེ་སྐྱོན་ལ་འབྲེལ་བ་ཡོད་མཁན་སུ་འདྲ་ཞིག་ཡིན་རུང་ཁྲིམས་ལུགས་ལྟར་ཉེས་ཆད་གཅོད་རྒྱུ་ཡིན་ཞེས་བརྗོད་འདུག ཁང་བརྩེགས་འདི་ཉེ་སྔོན་ནས་བཟོ་བཅོས་རྒྱག་བཞིན་ཡོད་པ་དང་། དོན་རྐྱེན་དེ་བྱུང་མ་ཐག་ཉེན་རྟོག་པ་ཚོས་བཟོ་པ་ལག་འཁྱེར་མེད་མཁན་འགའ་འཛིན་བཟུང་བཀག་ཉར་བྱས་པའི་ཐད་མང་ཚོགས་ཚོས་སྐྱོན་བརྗོད་བྱེད་ཀྱི་ཡོད་འདུག
ཉིན་དེ་རང་ལ་རྒྱ་གར་རྒྱལ་ས་ལྡི་ལིར་ཡང་ཁང་བརྩེགས་བརྡིབས་པའི་དོན་རྐྱེན་བྱུང་སྟེ་ད་བར་མི་ ༦༦ ཙམ་གྱི་ཚེ་སྲོག་ཤོར་ཡོད། དོན་རྐྱེན་འདི་རིགས་ཐད་དཔྱད་བརྗོད་པ་དག་གིས། ལོ་ལྟར་རྒྱ་ནག་གིས་སྤྱི་ལེ་གྲུ་བཞི་མ་ཐེར་འབུམ་ ༢་༤ ལྷག་གི་ས་ཆའི་སྟེང་ཁང་པ་འཛུགས་སྐྲུན་བྱེད་ཀྱི་ཡོད་པ་དང་། དེ་དག་ཕལ་ཆེ་བ་ཚོང་སྒྱུར་དང་ཁེ་ཕན་ཁོ་ནར་དམིགས་ཏེ་སྲ་བརྟེན་དང་བདེ་འཇགས་ལ་འགན་ལེན་མེད་སྟབས་དོན་རྐྱེན་དེ་རིགས་འབྱུང་བཞིན་ཡོད་སྐོར་བརྗོད་འདུག
གསར་འགོད་པ། བནྡེ་སྐྱབས།
ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ།
འབྱུང་བའི་གནོད་འཚེ་མེད་པར་གྱུར་ཅིག ཞི་བར་གྱུར་ཅིག
ཁང་རྩེག་ཉེར་བརྒྱད་འབར་ཟིན་ཡང་མི་ང་གསུམ་ལས་ཤི་མི་འདུག་དངོས་གནས་ཡ་མཚན་ཞིག་རེད། ཕལ་ཆེར་ཐོག་ཁང་དེའི་ནང་གི་མི་དག་ལ་གཤོག་པ་ཐོགས་ཡོད་པ་འདྲ། དེ་མིན་ན་རྒྱ་གཞུང་གི་གསར་འགྱུར་ལ་གཤོག་པ་ཐོགས་ཡོད་པ་ཐག་གཅོད་རེད།