ཕྱི་ཚེས་ ༢༥ ཉིན་གྱི་ཧི་མཱ་ཅལ་མངའ་སྡེའི་ཧིན་རྡུ་ཉིན་རེ་ཚགས་པར་སྟེང་ཐོན་པའི་གནས་ཚུལ་ལྟར་ན། མཚོ་པདྨའི་ཉེ་འཁོར་གྱི་བོད་མི་གསུམ་ཡིག་ཆ་རྫུན་མའི་ཐོག་ནས་ས་ཆ་ཉོ་ཚོང་བྱས་ཡོད་པའི་ཁྲིམས་འགལ་ཉེས་མིང་ཐོག་འཛིན་བཟུང་བྱ་གཏན་འཁེལ་ཡོད་འདུག གྱོད་དོན་དེ་ནི་ ༢༠༠༥ ནས་མན་ཌི་ Mandi རྫོང་ས་གནས་ཁྲིམས་ཁང་དུ་བོད་མི་ཚོས་ཁྲིམས་མཐུན་མིན་པའི་ཐོག་ནས་ས་ཆ་ཉོ་ཚོང་བྱེད་ཀྱི་ཡོད་པའི་ཞུ་གཏུགས་བྱས་ཡོད་ཀྱང་། དེ་ཙམ་དོ་སྣང་སྤྲད་མེད་ན་ཡང་། ཉེ་ཆར་ཕྱི་ཚེས་ ༡༧ ཉིན་གྱི་ཧིན་རྡུ་སི་ཊན་ཚགས་པར་སྟེང་སིམ་ལཱ་ཁྲིམས་ཁང་གིས་༧གོང་ས་མཆོག་ལ་དོ་སྣང་ཞེས་པའི་གནས་ཚུལ་ཞིག་ཐོན་པ་ནས་བཟུང་། ཞིབ་འཇུག་སྡེ་ཚན་ཞིག་གིས་གནད་
དོན་འདིའི་རིགས་ལ་ཆེད་དུ་ཞིབ་བཤེར་བྱས་དོན་ལྟར་ན། དེ་སྔོན་ནས་བོད་མི་ས་ཆ་ཉོ་ཚོང་བ་དེ་ཚོས་ས་གནས་ཁྲིམས་ཁང་ལ་ཉེས་པ་འདག་ཐབས་ཀྱི་དངུལ་སྤྲད་ཡོད་འདུག
ཕྱི་ཚེས་ ༡༧ ཉིན་༧གོང་ས་མཆོག་ལ་དོ་སྣང་ཞེས་པ་དེ་ནི། མན་ཌི་ས་གནས་ཡུལ་མི་ཡིན་པ་པཱ་ཝན་ཀོ་མར་ Pawan Kumar ཞེས་པ་ཞིག་གིས་རྒྱ་གར་གཞུང་འབྲེལ་ཡོད་སྡེ་ཚན་དང་མངའ་སྡེ་ཁྲིམས་ཁང་བཅས་ལ། བོད་མི་རེ་ཟུང་གིས་ས་ཆ་ཉོ་ཚོང་བྱེད་ཀྱི་ཡོད་པ་འདི་འགྲིག་གི་མེད་སྐོར་ཞུ་གཏུགས་བྱས་པའི་སྐོར་ཞིག་ཡིན་འདུག གསར་གནས་དེར་མུ་མཐུད་དུ་བསྟན་དོན། ཁོ་ཚོས་ཧི་མ་ཅལ་མངའ་སྡེའི་མི་སེར་ལག་འཁྱེར་བཟོས་ཏེ། ཡུལ་མིའི་མིང་ཐོག་ནས་ས་ཆ་ཉོ་ཚོང་བྱས་ཡོད་སྐོར་བཀོད་འདུག་ལ། ཞིབ་འཇུག་སྡེ་ཚན་དེས་ད་ཆར་བོད་མི་དེ་དག་གིས་ས་ཆ་ཉོ་ཚོང་བྱས་པ་དེ་ཁྲིམས་འགལ་ཡིན་པ་ཁ་གསལ་བཟོ་བཞིན་ཡོད་པ་མ་ཟད། བོད་མི་གསུམ་འཛིན་བཟུང་བྱ་རྒྱུ་ཡིན་པའི་གསལ་བསྒྲགས་ཀྱང་བྱས་ཡོད་འདུག་མོད། འོན་ཀྱང་བོད་མི་དེ་གསུམ་གྱི་མིང་དང་ཞིབ་ཕྲའི་ལོ་རྒྱུས་ཁ་གསལ་མི་འདུག
གསར་འགོད་པ། བནྡེ་སྐྱབས།
གནས་ཚུལ་དེ་ངོ་མ་ཡིན་པ་འདྲ།མི་སེར་ལག་འཁྱེར་དེ་ཡང་རྫུན་མ་རེད་ཟེར་གྱི་འདུག།ཁོང་ཚོས་རྒྱུ་ངོམ་བྱེད་དེ་ལས་ཀ་དེ་འདྲ་བྱེད་ཀྱི་ཡོད་པ་རེད་འདུག།དེ་ཡི་རྒྱབ་ལྗོངས་ལ་བླ་མ་སྤྲུ་སྐུ་ཡིན་ཟེར་མཁན་ཡང་ཡོད་པ་ཡོད་པ་རེད་ཟེར་གྱིས་འདུག།གྲོགས་པོ་ཚོས་གཟིགས་དང་མཚོ་པདྨ་གཅིག་བུ་མ་ཡིན་པར་ཧི་མ་ཅལ་མངའ་སྡེ་ནང་བོད་མི་ཚོས་ཁྲིམས་འགལ་གྱི་ས་ཆ་ཉོ་ཚོང་བྱས་ཡོད་པ་ཚང་མའི་མྱོང་ཡག་ཡིན་པ་འདྲ།
ཁ་བའི་མེ་ཏོག་ལགས།ཁྱོད་ཀྱིས་སྨོན་ངན་བྱས་པ་ནི་གང་ཡང་བྱེད་མི་ཐུབ་མཁན་གྱིས་ལས་ཞིག་རེད།
ཧཧཧཧཧ དེ་ནི་རྒྱ་གར་གྱི་མི་རེ་ཟུང་ནས་ང་ཚོ་བོད་མི་རྣམས་ལ་མཐོང་ཆུང་དང་ཁྲ་དོག་བྱེད་པ་ལྟ་བུ་ཞིག་དང་ཡང་ཁོ་རང་ཁྲིམས་དཔོན་དང་ཡུལ་མི་རེ་ཟུང་ནས་ངན་ཇུས་གཤམ་ནས་ང་ཚོ་བོད་རིགས་དཔལ་འབྱོར་ཡག་པ་རྣམས་ནས་དངུལ་འབོར་ཆེན་ཞིག་འཕྲོག་འདོད་ཀྱི་བསམ་པ་བཅངས་ཞིང་ཡོད་པ་ཞིག་ཡིན་གྱི་རེད། མ་གཞི་ནས་གནས་ཚུལ་ཁ་གསལ་མ་བྱུང་གོང་ནས་བོད་མིས་ཁྲིམས་འགལ་ལས་ཀ་བྱེད་གི་འདུག་ཟེར་ནས་གང་བྱུང་གིས་བོད་རིགས་ལ་སྐྱོན་འཛུག་བྱེད་པ་དང། ཐ་ན་མིང་དང་ལོ་རྒྱུས་ཙམ་ཡང་མ་གཏོན་པར་གང་བྱུང་དུ་བོད་རིགས་གསུམ་འཛིན་བཟུང་དགོས་པའི་གསལ་བསྒྲགས་བྱེད་པ་དེ་ནི་མ་འོས་པ་ཞིག་རེད། དེ་ནི་ཁོ་རང་ཚོས་ཁྲིམས་བརྒལ་ལས་ཀ་བྱེད་ཀྱི་ཡོད་པ་ཞིག་མཐོང་གི་འདུག།
བཀའ་དྲི་བཞུ་རྒྱུར་ ང་ཚོ་བཙན་བྱོལ་བོད་པ་ཚོར་རྒྱ་གར་ནང་ས་ཆ་ཉོ་བའི་ཐོབ་ཐང་ཡོད་མ་རེད་དམ།།།།།།།།།
ཁ་བའི་མེ་ཏོག་ལགས་སུ་བཞུ་རྒྱུར་ ཁྱེད་རང་བོད་པ་ཞིག་དང་ནང་པ་སངས་རྒྱས་ཞིག་ཡིན་ན་ རང་རང་གི་བོད་རིགས་སྤུན་ཟླ་རྣམས་ལ་དེ་ལྟ་བུའི་སྨོན་ངན་གནང་རྒྱུ་ཡོད་མ་རེད། གཅིག་བྱས་ན་མི་དེ་ཚོ་ཁྱེད་རང་གི་སྤུན་མཆེད་ཡིན་སྲིད་གི་རེད་།།།ཧཧཧ་ སྐུ་རྩེད་ཞུས་་་་་།
བོད་མི་རེ་བཟུང་གི་ནམ་ཡིན་ཡང་ཞབས་འདྲེན་ཞུ་གྱི་འདུག འདི་ད་ང་ཚོའི་བཙན་བྱོལ་བའི་ལས་དབང་ཞིག་རེད་འང་། མི་འདི་དག་དེ་ནམ་ཡང་ལམ་འགྲོ་མ་ཡོང་བར་ཤོག་་་་་་་་་་་་་་་་་་་་་་་།
གནས་ཚུལ་དེ་འདྲས་རྐྱེན་གྱིས་བོད་པ་ཚོ་ཕྱི་རྒྱལ་ལ་འདེད་ཀྱི་ཡོད། རྒྱ་གར་ཡུལ་དང་ཡུལ་མི་བོད་མིར་དྲིན་ཆེ་ཡང་ཡུལ་མི་ལ་ཤས་རང་གིས་མ་འཇོན་ཞིང་བོད་མི་བྱས་ཐུབ་པ་མིག་ནང་མ་གཤོངས་བ་བྱེད་ཀྱི་འདུག སྔོན་མ་དགུ་བཅུ་གོ་གྲངས་ནང་རྒྱ་གར་གྱི་ཚགས་པར་པཱན་ཇབ་ཀེས་རི་ཟེར་བའི་ནང་བོད་པ་ཚོས་ལྷམ་དང་གྱོན་གོས་གོང་ཆེན་པོ་གྱོན་གྱི་འདུག མོ་ཊ་གཏོང་གི་འདུག སྦག་སྦག་གཏོང་གི་འདུག་ཟེར་མང་པོ་ཞིག་བྲིས་སོང་། དེ་ནས་ངས་ཕྱི་རྒྱལ་ལ་འགྲོ་རྒྱུའི་གྲབས་བྱས་པ་ཡིན། འཚམས་ལ་ལར་ཡུལ་མི་ངན་པའི་ས་གནས་ལ་གནས་སྡོད་བྱེད་མཁན་བོད་པ་ཚོར་དངོས་གནས་སྙིང་རྗེ་གི་འདུག
གནས་ཚུལ་དེ་བོད་མི་གསུམ་ཡིག་ཆ་རྫུན་མའི་ཐོག་ནས་ས་ཆ་ཉོ་ཚོང་བྱས་ཡོད་པའིོ་ཁྲིམས་འགལ་གྱི་བྱ་སྤྱོད་ཡིན་མིན་ཞིབ་འཇུག་ནན་པོ་བྱེད་རྒྱུ་ནི་བོད་གཞུང་ནང་སྲིད་ལས་ཁུངས་དང་མཎ་ཌི་ས་གནས་འགན་འཛིན་གཉིས་ལ་འགན་འཁུར་ཡོད།
དངོས་རྫུན་གང་ཡིན་མིན་ཁ་གསལ་བཟོ་བཞིན་གལ་སྲིད་བདེན་པ་མིན་པར་རྫུན་མ་ཡིན་ན་ཁྲིམས་འགལ་ཉེས་དམིགས་ཐོག་ནས་ཁྲིམས་གཅོད་ནན་པོ་གཏོང་རོགས་གནང་རྒྱ་གར་གཞུང་ལ་འབོད་སྐུལ་ཞུ་དགོས།
བོད་གཞུང་ནང་སྲིད་ལས་ཁུངས་དང་མཎ་ཌི་ས་གནས་འགན་འཛིན་གཉིས་གནད་དོན་དེ་ཐོག་ལ་ཇུས་ཏོག་དང་བོད་མི་རེད་ཟེར་ནས་ཡ་ང་སྙིང་རྗེའི་རྒྱབ་སྐྱོར་བྱ་དགོས་མེད།
དེ་སྔོན་༧གོང་ས་མཆོ་གིས་ཨ་རིའི་གཞུང་ཚབ་ལ་བོད་མི་ཚོའི་ཁྲིམས་འགལ་ཐོག་ཕྱི་བསྐྱོད་ལག་འཁྱེར་རྫུན་མ་དང་བཙན་བྱོལ་བོད་གཞུང་མིང་ཐོག་ནས་ཡིག་ཆ་རྫུན་མ་བཟོ་བ་བྱ་བ་ཐབས་སྐྱོ་པོ་དེ་འདྲ་ཞིག་བྱེད་ཀྱི་འདུག་ཟེར་ནས་གོ་ཐོས་བྱུང་། བོད་མི་རིགས་ཀྱི་གོམས་གཤིས་དང་ཡིད་ཆེས་བརླག་འགྲོ་བ་རེད། དེ་ཞབས་འདྲེན་རེད་ཟེར་ནས་ཨ་རིའི་གཞུང་ཚབ་ན་དགོངས་དག་ཞུས་དགོས་ཐུབ།
རྒྱ་གར་ནང་ཁྲིམས་འགལ་ཐོག་ལས་ཀ་བྱེད་མཁན་རིགས་ལ་བཅའ་ཁྲིམས་གཞི་བཟུང་ཁྲིམས་ཆོད་ནན་པོ་གཏོང་དགོས།
རང་དབང་ལུང་པ་བསྡད་ནས་ད་དུང་ཁྲིམས་འགལ་ལས་ཀ་བྱས་པ་ཐབས་སྐྱོ་པོ་རེད།
བོད་མི་རིགས་ཀྱི་ཞབས་འདྲེན་རེད།
འདི་ནི་རང་ས་མེད་པའི་སྡུག་བསྔལ་དང་ཉེས་པ་རེད་ཡ། འདི་དག་གིས་འུ་ཚོར་སློབ་གསོ་ཅི་ཞིག་གཏོང་གིན་འདུག་གམ། ངོ་མ་ཡིད་གཏིང་ནས་སྐྱོ་གི
བོད་པ་ཚོས་རང་ཚོད་ཐུག་གི་མི་འདུག་་་་ཉིན་ཞིག་༸གོང་ས་མཆོག་གིས་ཀྱང་ཅི་ཞིག་བྱེད་དགོས་མི་ཤེས་པ་ཞིག་ལ་ཐུག་ས་རེད།
ང་ཚོས་གཞན་གྱི་ས་ཐོག་ནས་ཁྲིམས་འགལ་གྱི་ལས་ཀ་བྱས་ན་ནམ་ཞིག་གྲུབ་འབྲས་ཡག་པོ་ཞིག་མེད་པ་མཐོང་གི་རེད། ད་ཚོད་ཅིག་ཐུག་ན་རེད།
བཙན་བྱོལ་བོད་གཞུང་གིས་དེ་ཚོ་ལ་ཇུས་ཏོག་གནང་དགོས་པ་རེད། བོད་པ་ལ་རྒྱ་གར་ནང་ས་ཁང་ཉོ་ཆོག་པའི་ཐོབ་ཐང་མེད་དོན་གང་ཡིན་ནམ། རྒྱལ་ཁབ་མང་པོའི་ནང་རང་ལ་དངུལ་ཡོད་ན་རྒྱལ་ཁོངས་ག་རེ་ཡིན་མིན་ལ་མ་ལྟོས་པར་ས་ཁང་ག་རེ་ཡིན་ན་ཉོ་ཡ་འདུག རྒྱ་གར་ལ་དེ་མེད་དོན་ཅི་ཡིན་ནམ། དེའི་སྐོར་མཁྱེན་མཁན་ཚོས་བགྲོ་གླེང་རི་གནང་དང་གཞན་ལ་ཕན་ཐོགས་སྲིད།