སྤྱིར་གསར་འགོད་པ་ཟེར་བ་དེ་དཀྱིལ་དུ་སྡོད་རྒྱུ་གལ་ཆེན་ཡིན་ཡང་། ང་ཚོ་བོད་པ་ཞིག་ཡིན་དུས་བོད་མི་དང་བོད་པའི་རྩ་དོན་ཐོག་ཕན་ཐོགས་པ་ཞིག་ལ་ཡིན་དགོས་ལ། བོད་པའི་རྒྱལ་རབས་ལོ་རྒྱུས་དང་ཆབ་སྲིད། ཆོས་དང་རིག་གཞུང་སོགས་ལ་ཡང་རྒྱུས་མངའ་གང་འཚམ་དགོས་པ་མ་ཟད། གསར་འགོད་པ་ཟེར་དུས་གནས་ཚུལ་གང་ཞིག་ཡིན་རུང་རྒྱབ་ལྗོངས་ཡག་པོ་མཁྱེན་མཁན་ཞིག་ངེས་པར་དུ་ཡིན་དགོས་ཟེར།
དེ་རིང་སྔ་དྲོའི་ཆུ་ཚོད་ ༩ སྟེང་ནོར་ཝེ་བོད་ཀྱི་རླུང་འཕྲིན་ཁང་གི་གོ་སྒྲིག་འོག བཞུགས་སྒར་ངྷ་རམ་ས་ལའི་གངས་སྐྱིད་སྤྱི་ཐབ་ཐོག་ཁང་དུ་བོད་པའི་གསར་འགོད་པའི་ཚོགས་འདུ་ཞིག་བསྐངས་ཡོད་ཅིང་། ཚོགས་འདུ་དེའི་སྐུ་མགྲོན་བཙོ་བོར་བོད་གཞུང་ཕྱི་དྲིལ་བཀའ་བློན་སྟག་ལྷ་སྐལ་བཟང་དབྱངས་སྐྱིད་མཆོག་དང་། ཚོགས་བཅར་བ་བཞུགས་སྒར་ཁུལ་དང་ལྡི་ལི་བཅས་ཀྱི་བོད་པའི་གསར་འགོད་པ་མང་པོ་ཞིག་ཕེབས་འདུག ཐེངས་འདིའི་ཚོགས་འདུ་དེ་ནི་ཕྱི་ཚེས་ ༢ ནས་ ༣ བར་གྱི་ཉིན་གཉིས་རིང་ཡོད་པ་དང་། གོ་སྐབས་འདི་དང་བསྟུན་ཏེ་བོད་གཞུང་ཕྱི་དྲིལ་དྲུང་ཆེ་ཐུབ་བསྟན་བསམ་འཕེལ་ལགས་ཀྱིས་༼ བཙན་བྱོལ་བོད་མིའི་མང་གཙོའི་འཕེལ་རིམ་ལོ་ངོ་ལྔ་བཅུ་འཁོར་བ་དང་གསར་འགོད་པའི་ལས་འགན ༽ ཞེས་པའི་བརྗོད་གཞིའི་ཐོག་གཏམ་བཤད་གནང་རྒྱུ་དང་། བོད་ཀྱི་གསར་འགོད་པའི་མཐུན་ཚོགས་ཀྱི་ཚོགས་གཙོ་བཀྲ་ཤིས་དབང་ཕྱུག་ལགས་ཀྱིས་༼ བོད་མིའི་གསར་འགྱུར་བརྒྱུད་ལམ་གྱི་འཕེལ་རིམ ༽ ཞེས་པའི་བརྗོད་གཞིའི་ཐོག་གཏམ་བཤད། སྐུ་སྒེར་དྲུང་ཆེ་རྔ་པ་ཚེ་རྒྱམ་ལགས་ཀྱིས་༼ རྒྱ་གཞུང་གི་གསར་འགྱུར་ནུས་སྟོབས་སྐོར ༽ ཞེས་པའི་བརྗོད་བཅས་གཏམ་བཤད་སོགས་གོ་སྒྲིག་བྱས་འདུག
ཚོགས་འདུའི་ཐོག་མར་ནོར་ཝེ་བོད་ཀྱི་རླུང་འཕྲིན་ཁང་གི་སྤྱི་ཁྱབ་རྩོམ་སྒྲིག་པ་ཀརྨ་ཡེ་ཤེས་ལགས་ཀྱིས་ངོ་སྤྲོད་གནང་དོན། དེ་རིང་ང་ཚོས་འདིར་ཟབ་སྦྱོང་གོ་སྒྲིག་ཞུ་དོན། ༢༠༠༦ ལོར་ནོར་ཝེ་བོད་ཀྱི་རླུང་འཕྲིན་ཁང་དབུ་བརྙེས་ཏེ་ལོ་ ༡༠ འཁོར་བའི་དུས་དྲན་སྐབས་ཟབ་སྦྱོང་ཞིག་གོ་སྒྲིག་ཞུས་ཡོད། སྐབས་དེར་ཕྱི་རྒྱལ་དང་རྒྱ་གར་གྱི་ཟབ་ཁྲིད་པ་མང་པོ་ཞིག་གདན་ཞུ་གནང་བ་ཡིན། ཐེངས་འདིར་དེ་འདྲ་མ་ཡིན་པར་བོད་པའི་གསར་འགྱུར་བརྒྱུད་ལམ་མཚོན་ན་རྩ་བའི་ཞེ་དྲག་རྙིང་པ་མིན་ཡང་། ང་ཚོར་འབབ་པའི་གང་འཚམ་གྱི་ལོ་རྒྱུས་དང་ཉམས་མྱོང་ཡོད་པ་ཞིག་ཆགས་ཡོད་སྟབས། ཐེངས་འདིའི་ཟབ་ཁྲིད་གནང་མཁན་ཚང་མ་བོད་པའི་གསར་ཁང་ཁག་ཏུ་ཕྱག་ལས་གནང་མཁན་ཚོ་ཡིན། ནོར་ཝེ་བོད་ཀྱི་རླུང་འཕྲིན་ཁང་གི་ལས་ཀ་གཙོ་བོ། བོད་ནང་ལ་རླུང་འཕྲིན་རྒྱང་སྲིང་བྱེད་པ་དང་། བོད་དོན་གནས་ཚུལ་འཛམ་གླིང་ཁྱོན་ཡོངས་ལ་དྲིལ་བསྒྲགས་བྱ་རྒྱུ། བོད་ཕྱི་ནང་གཉིས་བར་ཕན་ཚུན་འབྲེལ་མཐུད་བྱེད་པ་སོགས་རེད། ཅེས་དང་།
བོད་པར་ཆོས་དང་རིག་གཞུང་གི་ལོ་རྒྱུས་རྒྱ་ཆེན་པོ་དང་གཏིང་ཟབ་པོ་ཡོད་ཀྱང་། གསར་འགྱུར་བརྒྱུད་ལམ་གྱི་ལོ་རྒྱུས་དེ་འདྲའི་གཏིང་ཟབ་པོ་དང་རྒྱུན་རིང་པོ་ཞིག་མ་རེད། གསར་འགྱུར་བརྒྱུད་ལམ་དེ་དམངས་གཙོའི་ཀ་བ་བཞི་བ་ཆགས་ཡོད་སྟབས། བོད་པའི་དམངས་གཙོ་དབུ་བརྙེས་ལོ་ ༥༠ ཕྱིན་པ་དང་བསྟུན་ཏེ། གསར་འགྱུར་བརྒྱུད་ལམ་བེད་སྤྱད་དེ་བོད་པ་ཚོ་མཉམ་རུབ་དང་རྩ་དོན་ལ་ནུས་པ་འདོན་པ་སོགས་གནང་དགོས་པ་རེད། རྒྱ་ནག་ལ་མཚོན་ན་གསར་ལམ་བེད་སྤྱད་དེ། བོད་སྐད་ཀྱིས་བོད་ནང་ལ་དྲིལ་བསྒྲགས་དང་དབྱིན་སྐད་ཀྱིས་ཕྱི་རྒྱལ་ལ་དྲིལ་བསྒྲགས། དེ་བཞིན་རྒྱ་སྐད་ཀྱིས་རྒྱ་ནག་མི་མང་ལ་དྲིལ་བསྒྲགས་བྱེད་པ་སོགས་རྒྱ་ཆེན་པོ་ཞེ་དྲག་རེད། ང་ཚོས་དེ་འདྲ་ཞིག་ལ་བསྙབ་ཐབས་མེད་ཀྱང་། བོད་པ་བཙན་བྱོལ་བའི་གནས་སྟངས་ལ་འབབ་པའི་གསར་ལམ་ཁག་ཡར་རྒྱས་སུ་གཏོང་རྒྱུ་གལ་ཆེན་པོ་ཆགས་ཡོད་པ་རེད། ཅེས་ངོ་སྤྲོད་གནང་སོང་།
དེའི་རྗེས་སྐུ་མགྲོན་གཙོ་བོ་སྟག་ལྷ་སྐལ་བཟང་དབྱངས་སྐྱིད་མཆོག་གིས་གསུང་བཤད་གནང་དོན། ད་བར་གསར་འགྱུར་དང་ཚགས་པར་སོགས་བརྒྱུད་ལམ་རིགས་ཀྱི་སྐད་ཆ་ཞིག་བཤད་ཡོང་དུས་རྒྱ་གར་དང་ཕྱི་རྒྱལ་གྱི་གསར་འགོད་པ་དང་གསར་ལམ་ཁག་ཡིད་ལ་འཁོར་ཡོང་བ་ལས། བོད་པ་རང་གི་གསར་འགོད་པ་དང་གསར་འགྱུར་བརྒྱུད་ལམ་ཡིན་སྙམ་པའི་ཚོར་བ་དེ་ཙམ་མི་འདུག ད་ལྟའི་དུས་ཚོད་ལ་ཕྱོགས་ཡོངས་ནས་བོད་པའི་གསར་འགོད་པ་དང་། གསར་འགྱུར་བརྒྱུད་ལམ་ཁག་ཡག་པོ་ཆགས་ཡོང་གི་ཡོད། དེང་སྐབས་གནས་ཚུལ་གང་འདྲ་ཞིག་བྱུང་ཡང་། ཁ་གསལ་བོ་ཡོད་མེད་ལ་་མ་ལྟོས་པར། དྲ་རྒྱ་སོགས་བརྒྱུད་ལམ་ཁག་ཏུ་དུས་ཚོད་སྐར་མ་གཅིག་གཉིས་ནང་འཐོན་ཡོང་གི་ཡོད། ང་ཚོའི་སྤྱི་ཚོགས་ཀྱིས་ཀྱང་ག་ཚོད་ཐུབ་ཐུབ་ཀྱིས་བསྙབ་ཐུབ་པ་བྱ་རྒྱུ་གལ་ཆེན་རེད། ཅེས་དང་།
བོད་པའི་གནས་ཚུལ་ལ་མཚོན་ན་ཛ་དྲག་པོའི་གནས་སྟངས་འོག་ཡོད། བཙན་བྱོལ་བོད་མི་ཚང་མས་འཇོན་ཚོད་ཀྱིས་སྐུ་ངལ་བསྐྱོན་དགོས་པའི་རྒྱུ་མཚན་གང་ཡིན་ཟེར་ན། བོད་པའི་རྩ་དོན་རྩོད་རྒྱུ་དེ་བོད་པ་མི་རེ་ངོ་རེའི་ཕྲག་ཏུ་བབས་ཡོད་པ་ངོས་ཟིན་ཐོག་དཀའ་ལས་རྒྱག་གི་ཡོད། དེ་དག་ཚང་མ་ལ་བསྙབ་ཐུབ་པ་བྱ་རྒྱུ་གལ་ཆེན་པོ་རེད། ངས་འདི་ལྟར་བལྟས་པ་ཡིན་ན། ཚགས་པར་སྟེང་ཕྱག་ལས་གནང་མཁན་ཚོས་སྐབས་སྐབས་ཀྱི་གནས་ཚུལ་ཙམ་མ་ཡིན་པར་གནས་ཚུལ་དེའི་རྒྱབ་ལྗོངས་ལ་དོ་སྣང་བྱས་ཏེ་མཁྱེན་དགོས་པ་གལ་ཆེན་པོ་རེད་བསམ་ཡོད། གང་ཡིན་ཟེར་ན། གནས་ཚུལ་གང་ཞིག་བཏོན་ཡང་རྒྱབ་ལྗོངས་མཁྱེན་པའི་ཐོག་ནས་བཏོན་པ་ཡིན་ན། གསར་འགྱུར་དེ་ལ་རིན་ཐང་ཡོད་པ་དང་གཞན་པས་བརྩི་མཐོང་ཡོང་གི་རེད། ཅེས་གསུངས་སོང་།
ཁོང་མོས་མུ་མཐུད་དུ་བོད་པའི་གསར་འགོད་པ་ཚོས་དོ་སྣང་སྤྲོད་དགོས་པའི་གནད་དོན་ཐོག་གསུངས་དོན། གློ་བར་བའི་གནས་ཚུལ་གང་འདྲ་ཞིག་བྱུང་ཡང་། གནས་ཚུལ་དེ་ཁ་གསལ་བོ་དང་ཁུངས་དག་པོ་ཞིག་ཡོང་ཐུབ་པ་བྱ་དགོས། སྤྱིར་གསར་འགོད་པ་ཟེར་བ་དེ་དཀྱིལ་དུ་སྡོད་རྒྱུ་གལ་ཆེན་ཡིན་ཡང་། ང་ཚོ་བོད་པ་ཞིག་ཡིན་དུས་བོད་མི་དང་བོད་པའི་རྩ་དོན་ཐོག་ཕན་ཐོགས་པ་ཞིག་ཡིན་དགོས་ལ། དེ་དྲ་ཞིག་ཡོང་བར་བོད་པའི་རྒྱལ་རབས་ལོ་རྒྱུས་དང་ཆབ་སྲིད། ཆོས་དང་རིག་གཞུང་སོགས་ལ་ཡང་རྒྱུས་མངའ་གང་འཚམ་དགོས་པ་མ་ཟད། གསར་འགོད་པ་ཟེར་དུས་གནས་ཚུལ་གང་ཞིག་ཡིན་རུང་རྒྱབ་ལྗོངས་ཡག་པོ་མཁྱེན་མཁན་ཞིག་ངེས་པར་དུ་ཡིན་དགོས། ཞེས་གསུངས་སོང་།
གསར་འགོད་པ། དོན་འགྲུབ་བཀྲ་ཤིས།
བོད་ཡིག་གསར་འགོད་དག་ལ་སྙིང་ཐག་པ་ནས་ཐུགས་རྗེ་ཆེ་ཞུ་ལྷག་པར་ཏུ་དུས་བབ་དང་བང་ཆེན་རྩོམ་བསྒྲུགས་པ་ཡོངས་ལ་བཀའ་དྲིན་ཞུ་བ་དང་ཆབ་ཅིག་དུ་ལོ་གསར་བ་བཀྲིས་བདེ་ལེགས་ཞུ
ཡག་པོ་ཞེ་དྲག་རེད་
བཙན་བྱོལ་བོད་མིའི་གསར་འགོད་དང་ཆ་འཕྲིན་འཕེལ་རྒྱས་སུ་གཏོང་འདོད་ན་བོད་ཀྱི་དུས་བབ་དང་བང་ཆེན། འོད་དཀར་དྲ་ཚིགས། གཡུ་བྱིན་སོགས་དང་དབྱིན་ཡིག་གི་ཕ་ཡུལ་སོགས་གཞི་གཅིག་ཏུ་བཏང་ནས་གསར་འགོད་པའི་དཔུང་སྡེ་ཆེན་པོ་ཞིག་འཛུགས་རྒྱུ་ཧ་ཅང་གལ་ཆེ་བར་མཐོང་། དེ་མིན་དྲ་ཚིགས་སོ་སོའི་ཕར་བཤུ་ཚུར་བཤུ་བྱས་ནས་བསྡད་ན་འཕེལ་རྒྱས་ཅིག་ག་ལ་ཡོད། གྲངས་ཀ་མང་པོ་ཡོད་རྒྱུ་ལས་རྒྱུ་སྤུས་བཟང་བའི་དྲི་ཚིགས་ཡོད་ན་ཅི་མ་རུང་སྙམ།
ད་ལྟ་གནས་བབ་ལྟར་ན་དུས་བབ་ཚང་ལའང་ཉིན་རེར་ཆ་སྙོམས་ཀྱི་གསར་འགྱུར་གསུམ་ཡང་མི་འདུག
ཡག་པོ་བྱུང་འདུག་
རྒྱལ་ཁབ་ཁག་གི་གསར་འགོད་པ་ཚོ་བརྒྱ་ཆ་དགུ་བཅུ་ཞིག་ན་གཞོན་རེད
བོད་ཀྱི་གསར་འགོད་འམ་བཤད་མཁན་བརྒྱ་ཆ་དགུ་བཅུ་སྤོ་སྤོ་དང་སྨོ་སྨོ་རེད་འདུག
ངའི་བསམ་ན་འདི་ཡང་རྗེས་ལུས་རེད
ངོ་མ་ཟབ་སྦྱོང་སྤྲད་དགོས་པ་གལ་ཆེན་པོ་རེད་ གང་ཡིན་ཟེར་ན་བོད་པའི་གསར་འགོད་པ་མང་ཆེ་བ་ནི་གསར་འགོད་དང་འབྲེལ་བའི་ཐོག་ལ་སློབ་སྦྱོང་སྣ་གཅིག་ཀྱང་རག་མ་མྱོང་མཁན་ཤ་སྟག་རེད་ བོད་ཡིག་ཡག་པོ་ཡོད་ཟེར་བ་དང་ གསར་འགོད་པའི་ས་མིག་ཁོངས་སུ་འཛུལ་ཆོག་གི་ཡོད་ འདི་ནི་ང་ཚོ་བོད་པ་ཚང་རྗེས་ལུས་ཡིན་པའི་རྟགས་མཚན་རེད་ རྒྱལ་ཁབ་གང་དུ་ཡིན་ན་ཡང་གསར་འགོད་པ་ཞིག་དགོས་པའི་གསལ་བསྒྲགས་སྤེལ་སྐབས་ཆ་རྐྱེན་ནང་གསར་འགོད་དང་འབྲེལ་བའི་ཤེས་ཡོན་གྱི་ཆུ་ཚད་དེ་དང་ལྡན་པ་ཞིག་དགོས་ཟེར་བ་ཡོད་ ང་ཚོ་ལ་དེ་འདྲ་གང་ཡང་མེད་ གང་ཡོད་ཟེར་ན་ བོད་ཡིག་ཚགས་ཤོག་ཡིན་ན་བོད་ཡིག་རང་སྐྱ་འཕེར་བ་དང་ དབྱིན་ཡིག་གི་ཚགས་ཤོག་དང་ཕ་ཡུལ་གྱི་དྲ་ཚིགས་ལྟ་བུ་ཡིན་ན་དབྱིན་ཡིག་གི་ཤེས་ཚད་རང་སྐྱ་འཕེར་བ་དགོས་ཟེར་བ་ཡིན་ འདི་ནི་མི་འགྲིག་ གསར་འགྱུར་སྤེལ་སྐབས་ཁོང་ལ་འགྲོ་ལུགས་ཞིག་ཡོད་ དེ་མེད་ན་ཤེས་ཡོན་སྡེ་ཚན་གྱི་ཁོངས་སུ་ Journalism and Media གསར་འགྱུར་དང་འབྲེལ་བ་དེ་ཅིའི་ཕྱིར་སློབ་ཀྱིན་ཡོད་དམ་
ཐོག་མར་གསར་འགོད་པ་ལྷན་རྒྱས་ལ་བཀྲ་ཤིས་བདེ་ལེགས་ཞུའོ༎
ཁྱེད་གསར་འགོད་པ་རྣམས་ལ་རེ་སྐུལ་ཞུ་རྒྱུ་གལ་ཆེ་བ་ཞིག་ལ། གསར་འགྱུར་འགོད་སྐབས་རྗོད་བྱེད་ཀྱི་ཚིག་སྦྱོར་རྣམས་ཡིག་སྐད་གཙང་མར་མི་འབྲི་བ་ནི་བོད་ཡིག་གི་ཤེས་ཚད་ཞན་པའི་ཀློག་པ་པོ་རྣམས་ལ་དཀའ་ཚེགས་མི་འཕྲད་པའི་སླད་དུ་ཡིན་ངེས་ཀྱང༌། དེ་སྔོན་གང་དུ་མ་གྲགས་ཤིང་དགོས་མེད་ཀྱི་མིང་ཚིག་གསར་པ་དང༌། བོད་སྐད་ཀྱི་བརྡ་སྤྲོད་ཀྱི་གཤིས་དང་མི་མཐུན་པའི་བརྗོད་པ་སྡེབ་ཚུལ་སོགས་ཡང་ཡང་འབྱུང་བཞིན་འདུག་པ་རྣམས་ལ་ཐུགས་གཟབ་གནང་རོགས། དེ་མིན་དེང་བོད་ཀྱི་སྐད་ཡིག་ཉམས་བཞིན་པའི་སྟེང་ལ་འདི་འདྲ་བྱེད་ན་འགྱེལ་བའི་སྒང་ལ་རྡོག་བརྫིས་ཀྱི་དཔེར་འགྲོ་ཉེན་འདུག་གོ།
བཤད་སྟངས་ལ་ནོངས་པ་ཡོད་ན་བཟོད་པ་མཛོད།
གོང་གཉིས་ནས་བདེན་པ་བསུངས་འདུག་།་
གཟིགས་དང་བཙན་བྱོལ་ནང་གི་གསར་ཤོག་ཁག་དང་གཞུང་འབྲེལ་བསལ་བསྒྲགས་ཁག་ཅིག་ལ་ཡིག་ནོར་མང་ལ་མིང་ཚིགས་བསྡུ་ས་མེད་རུང་བསྡུ་བ་མི་མང་གི་ཤེས་ཚད་དང་མཉམ་པ་རྩ་་བ་ནས་མིན་འདུག་།
གསར་ཤོག་ཀློག་སྐབས་ཀློག་དཀའ་བ་རིག་གཞུང་ཉམས་གུས་ཀྱི་རྐྱེན་གཙོ་བོ་ཞིག་འདི་ཡིན་།
དགོངས་པ་ཡག་པོ་ཞེས་རོག་གནང་གསར་ཤོག་གི་ལས་སྣེ་ཚོ་།
རླུང་འཕྲིན་ནི་དུས་དང་བསྟུན་ན་ལེགས་ཆ་རེད་
རྡོ་རྗེ་ཚེ་རིང་ལགས།ཁྱོད་རང་གིས་བྲིས་པ་དེ་ལའང་ངོམ་རིན་གང་ཅི་ཡང་མི་འདུག།
གོ་རིམ་བཞིན་ཡར་རྒྱས་བཏང་ཐུབ་ན་ཡག་པོ་ཡོད་རེད་དགའ་བསུ་ཡོད།།། ཡིན་ན་ཡང་གནས་ཚུལ་ལེགས་པ་རྣམས་གཅིག་པོ་མ་ཡིན་པར་ཡག་སྡུག་ཚང་མ་འདོན་རྒྱུ་དང་དྲང་པོ་དྲང་མདེན་བཀོད་རྒྱུ་ནི་གནད་ཆེན་ཡིན།དེ་ནི་དམངས་གཙོའི་ངོ་བོ་ཞིག་མངོན་ཐུབ། དེ་མིན་ན་རྒྱ་མིའི་གསར་འགྱུར་བཞིན་ལེགས་པ་དང་ཡར་རྒྱས་འགྲོ་བ་གཅིག་པོ་བཏོན་ན་མི་དམངས་གི་བཤད་པ་བཞིན་ good news ཞེས་ཁྱད་གསོད་བྱེད་པ་དང་ཡིད་ཆེས་ཡོང་གི་མ་རེད།
ཆོ་ག་རེ་ཡོ་རེ། ཡིག་ནོར་གྱི་བཀང་བའི་དྲྭ་ངོས་ཚགས་ཤོག་ཁ་ཤས་དང་གོ་བརྡ་ཡང་འཕྲོད་མི་ཐུབ་པའི་རླུང་འཕྲིན་དང་བརྙན་འཕྲིན་གསར་འགྱུར་འགའ་ལ་ངོམ་རིང་ཅི་ཡང་མིན་འདུག
བོད་ཡིག་གསར་འགོད་པས་བོད་ཡིག་བརྡ་དག་ལ་སྣང་ཆུང་ཤོར་བགྱིད་འདུག འབྲེལ་ཡོད་དྲན་གསོའི་ཚུལ་དུ།