བོད་ཀྱི་སྤྱི་སྐད་མཐུན་ཚོཊ།

བོད་ལ་སྤྱི་སྐད་དགོས་དོན་ཡོད་པ་མ་རེད། སྔོན་ཆོས་རྒྱལ་རྣམས་དང་ཕྱིས་ཀྱི་མཁས་གྲུབ་དག་གི་སྐབས་སུ་ཡང་སྤྱི་ལ་འཁོར་བའི་སྐད་ཅིག་མེད་པ་ད་ལྟའི་གནས་བབ་འདིས་གསལ་བཤད་བྱས་ཡོད་ཚོད་རེད། རང་རང་གི་སྐད་ཀྱི་ཁྱད་ཆོས་བཟུང་ནས་སོང་ན་དེ་གས་དགེ་མཚན་ཆེན་པོ་ཞིག་གྲུབ་པ་མ་རེད་དམ། དོན་མེད་དཀའ་ལས་དགུ་བརྩེགས།

ཡག་པོ་རེད་དངོས་གནས་ཡག་པོ་རེད
འདི་ཕྱོགས་ནས་ཡང་ང་ཚོར་འདི་ལྟ་བུའི་སེམས་ཤུགས་རེ་ཡོད་ན་ཅི་མ་རུང་།
གང་ལྟར་ཁོ་ཚོས་ང་ཚོ་ངོ་ཚ་དགོས་པའི་གནས་སུ་བསྐྱལ་ཐལ

བསྟོད་བསྔགས་ཡོད། ལས་དོན་འདི་འདྲའི་རིགས་དེ་གེགས་མེད་བདེ་ལགས་འགྲུབས་པའི་སྨོན་ལམ་ཡོད། སྤྱི་སྐད་གཅིག་འགྱུར་ཞིག་གཏན་ལ་ཕེབས་པ་ལ་ཐོག་མ་ཅ་དངོས་རྣམས་ཀྱི་ཐ་སྙད་གཅིག་བསྒྱུར་ཞིག་གཏན་ལ་ཕེབས་དགོས་པ་དེ་གལ་ཆེན་པོ་ཡིན།

ཚོགས་པ་འདི་དངོས་གནས་ཡག་པོ་འདུག། དེང་སངརེས་གཟའ་ལྷ་པ་དང་པ་སངས་ཀྱི་བོད་ཀྱི་གསར་འགྱུར་བལྟ་དུས་གོ་་བརྡ་མི་འཕྲོད་པའི་དཀའ་ངལ་མི་ཆུང་བ་ཞིག་ཡོད་པ་དེ་ཡང་མི་རིགས་སྤྱི་ལ་དབང་བའི་སྐད་ཅིག་མེད་པའི་ཞན་ཆ་ཞིག་ཡིན་འདུག་པས་ངེས་པར་དུ་གཅིག་ཅར་གྱི་སྤྱི་སྐད་ཅིག་དགོས།

སྐད་གཅིག་གྱུར་ཡོང་བ་ལ་སོ་སོའི་ལྟ་བ་རེ་འཛིན་ནས་མ་སྡོད་པར་མི་མང་ཕན་ཚུན་འབྲེལ་བ་མང་ཙམ་བྱས་ན་་དཀའ་ངལ་ཡོང་གི་མ་རེད།གང་ལ་ཞེ་ན་མི་ང་བོད་ཆོལ་གསུམ་གྱི་མི་དང་འབྲེལ་བ་ཆེ་པོ་ཡོད་པའི་སྐད་ལ་དཀའ་ངལ་གང་ཡང་མི་འདུག།
མི་མང་པོ་ཞིག་ལ་དཀའ་ངལ་ཡོང་ས་གཙོ་བོ་དེ་མདོ་ཁམས་པ་དང་དབུས་པའི་བར་རེད།དེ་ཡི་དཀའ་ངལ་སེལ་ཐབས་ནི་མི་དང་མི་ཡི་བར་ལ་འབྲེལ་བ་བྱ་རྒྱུ་དང་དེང་དུས་བོད་ཆོལ་གསུམ་གྱི་སྐད་ཀྱི་ཐོག་བརྙན་འཕྲིན་མང་པོ་ལྟ་རྒྱུ་ཡོད་པའི་སོ་སོས་ལྟ་བ་རྭ་ཅོ་ལྟ་བུ་ཞིག་བཟུང་ནས་མ་བསྡད་པར་མི་ཤེས་པའི་སྐད་དེ་ལ་དོ་སྣང་བཟོས་ན་དཀའ་ངལ་དེ་སེལ་མི་ཐུབ་པ་གང་ཡང་མེད།
ཁྱེད་རང་ཚོས་ལས་འགུལ་དེ་ཡག་པོ་རེད་ཀྱང་སྐད་བརྡ་གོ་དགོས་ན་མི་སྒེར་སོ་སོས་དོ་སྣང་བཟོ་དགོས་པ་ཞིག་རེད་མ་གཏོགས།ཚོགས་པ་ཞིག་འཛུགས་ནས་ལས་འགུལ་སྤེལ་ས་སླེབས་དུས་ང་ཚོའི་སྐད་དེར་རྔ་མ་ལ་འཛིན་ནས་སྡོད་ཡོད་ཟེར་བ་དང་གཅིག་པ་མ་རེད་དམ།བོད་གཅིག་གྱུར་སྐད་ཟེར་བ་དེ་ཕར་ཙམ་བཞག་ཞོག་དེ་ལས་བཙན་བྱོལ་བོད་མི་མང་པོས་བོད་སྐད་ཡག་པོ་ཤེས་ཀྱི་མེད་ལ་ཤེས་པ་དེ་ཡང་གཙང་མ་དང་ཕྱུགས་པོ་ཞིག་མི་འདུག་པས།དེར་ཡར་རྒྱས་རེ་གཏང་ཐུབ་ན་ངས་སེམས་གཏིང་ནས་ཐུགས་ཆེ་ཞུ་རྒྱུ་ཡིན།

ལོ་འགས་ནང་ཚུད་ལ་བཞེས་བཞུགས་བོད་རིགས་སྤུན་ཟླ་ཁྱོན་ཡོངས་ཀྱིས་ལྷག་འགན་མཉམ་བཞེས་ཀྱིས་བོད་མི་རིགས་ཀྱི་སྲོག་རྩ་སྐད་ཡིག་གོང་སྤེལ་དང་གཅིག་འགྱུར་ཡོངས་བ་ལ་འབད་བརྩོན་ལྷོད་མེད་བྱེད་བཞིན་ཡོད་པས་ན་དེ་ལ་ཁ་ཁོག་གཉིས་ནས་བཀའ་དྲིན་ཆེ་ཞུ་ཞུ།།

མཁས་དབང་དགེ་འདུན་ཆོས་འཕེལ་གྱིས་བརྩམས་པའི་དེབ་ཐེར་དཀར་པོ་ལས།

དེ་མིན་དེང་སང་མཐར་མི་འགའ་ཞིག་གིས། དབུས་ཀྱི་ཕལ་སྐད། ལ་དྭགས་ཀྱི་ཕལ་སྐད་ལ་སོགས་སྣང་བ་གང་དྲན་གྱི་སྐད་མཛོད་དང་གླེབས་བམ་སྡེབ་པ་འདིའི་རིགས། བརྒྱ་ལ་དར་སྲོལ་ཆེ་རུ་སོང་ན། ཡུལ་སོ་སོའི་ཕལ་སྐད་མི་འདྲ་བའི་རྐྱེན་གྱིས། བོད་ཀྱི་སྤྱི་སྐད་ཡང་དུམ་བུར་ཆད་དེ། ནམ་ཞིག་ན་ཡུལ་སོ་སོའི་སྐད་དང་ཡི་གེ་ཕན་ཚན་བརྡ་མི་འཕྲོད་པ་ཞིག་འོང་ངེས་ལ། སྐད་ཡིག་སོ་སོར་གྱེས་པས། བསམ་འཁྱེར་དང་སྤྱོད་ལམ་སོགས་ཀྱང་ཐ་དད་དུ་སོང་སྟེ། མཐར་བོད་ཀྱི་རྒྱལ་ཁབ་རྩ་བ་ཉིད་ནས་སིལ་བུར་འཐོར་བའི་རྐྱེན་དུ་འགྲོ་བ་ལགས་ཞེས་ལུང་བསྟན་སྔོན་ནས་བརྒྱབས་ཡོད་ཀྱང་།
བཟང་ངན་དབྱེ་བ་མ་ཤེས། དཀར་ནག་མིག་གིས་མ་མཐོང་བ་མ་ཟད་མཁས་དབང་ཁོང་ཉེས་མེད་བཙོན་བཅུག་བྱས་མྱོང་ཡོད་པ་འདིར་བསམ་བློ་འཁོར་དུས་བཟོད་ཐབས་མེད་པའི་སྡུག་བསྔལ་རེ་དང་ཁོང་ཁྲོ་རེ་སྐྱེས་ཡོང་བ་ནི་ང་ཅོ་རིའི་སྒེར་སྡུག་ཤིག་ཡིན་ས་རེད།

གནད་དོན་འདིའི་ཐད་དུ་ཁོ་བོས་རིག་པའི་གཞུང་ལུགས་ཤིག་བརྩམས་ཡོད་སྟབས་ཞབས་འདེགས་ཆེ་ཤོས་དེ་ངས་འབུལ་ཐུབ་དགོས་ཚོད་ཡིན་ཡང་། ཁོ་བོ་མཁོས་འབྱོར་ཞན་པའི་དབང་གིས་ལོ་བཞི་ལྔ་ཞིག་ཚུན་ཆད་ནས་བསྟན་བཅོས་དེ་འོད་སྡེར་གྱི་ནང་དུ་བཟིམ་ནས་བཞུགས་པ་ལས་ཕྱིར་འདོན་མ་ཐུབ་པར་ལུས་ཡོད་དོ།

ངས་ལྷག་བསམ་དང་ཤེས་ཡོན་གྱི་ཕྱུག་པའི་གཞི་ལུས་བོད་ཀྱི་སློབ་ཆེན་དེ་རྣམས་ལ་སྙིང་ཐག་པ་ནས་དགའ་བསུ་ཞུ་རྒྱུ་དང་། ངས་ལྟ་བ་དང་ལང་ཕྱོགས། མ་འོང་པའི་བོད་ཀྱི་འཐུན་འབྲེལ་བྱེད་ཕྱོགས་སྐོར་འདི་དང་འདི་འདྲ་བ་ལ་ཞབས་འདེགས་གང་ཐུབ་ཞུ་ངེས་ཡིན།

གཅིག་འགྱུར་གྱི་སྤྱི་སྐད་ཡོང་མིན་ནི་ནང་ཕན་ཚུན་འབྲེལ་འདྲུས་མང་ཙམ་བྱེད་རྒྱུ་དེ་རེད།