ཁ་སང་ཕྱི་ཚེས་ ༩ ཉིན་ནུབ་བྱང་མི་རིགས་སློབ་ཆེན་གྱི་སློབ་མ་སྐོར་ཞིག་གི་སྣེ་ཁྲིད་འོག སློབ་གྲྭ་དེ་གའི་བོད་སྐད་ཡིག་རིག་གནས་སློབ་གླིང་དུ། ༼ བོད་ཀྱི་སྤྱི་སྐད་མཐུན་ཚོགས ༽ ཞེས་པའི་སྐད་རིགས་གཅིག་གྱུར་ཐད་ཀྱི་མཐུན་ཚོགས་ཤིག་གསར་འཛུགས་གནང་ཡོད་འདུག
མཐུན་ཚོགས་འདི་ནི་སློབ་གྲྭའི་འཛིན་སྐྱོང་ལ་སྙན་ཞུ་ཕུལ་དོན་ལྟར་ཆོག་མཆན་ཐོབ་སྟེ། ཐེངས་འདིར་དངོས་སུ་ཚོགས་མི་བསྡུ་བའི་ལས་འགུལ་མགོ་བརྩམས་པ་ཞིག་ཡིན་ཞིང་། མཐུན་ཚོགས་འདིའི་དམིགས་ཡུལ་སྐོར་ངོ་སྤྲོད་བྱས་པའི་ནང་། ད་ལྟའི་བོད་ཆོལ་ཁ་གསུམ་དུ་མི་རིགས་གཅིག་གྱུར་ལ་སྐད་རིགས་གཅིག་གྱུར་མ་ཡོང་བའི་དབང་གིས་བོད་ཆོལ་ཁ་གསུམ་གྱི་སྲིད་འབྱོར་རིག་གསུམ་འཕེལ་རྒྱས་ལ་འགོག་རྐྱེན་འཕྲད་ཀྱི་ཡོད་པ་མ་ཟད། ཐ་ན་མཐོ་རིམ་སློབ་གྲྭ་ཁག་ཏུ་སློབ་གྲོགས་ཕན་ཚུན་བར་དང་། དགེ་རྒན་དང་སློབ་མའི་བར་བཅས་སུའང་གོ་བརྡ་མ་འཕྲོད་པའི་དཀའ་ངལ་མང་པོ་ཞིག་ལྷག་ཡོད་པར་གཞིགས་ཏེ། བོད་ཀྱི་སྤྱི་སྐད་མཐུན་ཚོགས་འདི་གསར་འཛུགས་བྱས་ཤིང་། མཐུན་ཚོགས་འདི་ལ་སློབ་གླིང་གི་འཛིན་སྐྱོང་དང་དགེ་ལས་སློབ་མ་ཡོངས་ཀྱིས་ཐུགས་ཁུར་དང་རྒྱབ་སྐྱོར་ཆེན་པོ་ཐོབ་ཡོད་ལ། མཐུན་ཚོགས་འདི་དང་བསྟུན་ཏེ་འབྱུང་འགྱུར་བོད་ཆོལ་ཁ་གསུམ་ནས་ཡོང་བའི་སློབ་གྲོགས་ཕན་ཚུན་བར་འབྲེལ་འདྲིས་སྟབས་བདེ་དང་། རིམ་གྱིས་བོད་དུ་སྤྱི་སྐད་ཅིག་ཆགས་ཐུབ་པར་སྟ་གོན་བྱས་པ་ཡིན་སྐོར་སོགས་བཀོད་འདུག
བོད་ལ་སྤྱི་སྐད་དགོས་དོན་ཡོད་པ་མ་རེད། སྔོན་ཆོས་རྒྱལ་རྣམས་དང་ཕྱིས་ཀྱི་མཁས་གྲུབ་དག་གི་སྐབས་སུ་ཡང་སྤྱི་ལ་འཁོར་བའི་སྐད་ཅིག་མེད་པ་ད་ལྟའི་གནས་བབ་འདིས་གསལ་བཤད་བྱས་ཡོད་ཚོད་རེད། རང་རང་གི་སྐད་ཀྱི་ཁྱད་ཆོས་བཟུང་ནས་སོང་ན་དེ་གས་དགེ་མཚན་ཆེན་པོ་ཞིག་གྲུབ་པ་མ་རེད་དམ། དོན་མེད་དཀའ་ལས་དགུ་བརྩེགས།
གང་ལྟར་བོད་ཀྱི་སྤྱི་སྐད་མཐུན་ཚོགས་ཤིག་གསར་འཛུགས་གནང་བར་རྒྱབ་སྐྱོར་དང་སྙིང་ནས་ཐུགས་རྗེ་ཆེ་ཞུ་འོས།
མ་ཚད་གཞིས་བཞུགས་ཀྱི་སྤུན་ཟླ་རྣམས་ཀྱི་སེམས་ཤུགས་དང་སྙིང་སྟོབས་ལ་ཡི་རང་དང་བསྔགས་བརྗོད་ཡོད།
ཡག་པོ་རེད་དངོས་གནས་ཡག་པོ་རེད
འདི་ཕྱོགས་ནས་ཡང་ང་ཚོར་འདི་ལྟ་བུའི་སེམས་ཤུགས་རེ་ཡོད་ན་ཅི་མ་རུང་།
གང་ལྟར་ཁོ་ཚོས་ང་ཚོ་ངོ་ཚ་དགོས་པའི་གནས་སུ་བསྐྱལ་ཐལ
རེད་ཡ། ངས་བསམ་ན་ཨ་མདོ་བས་ཁམས་དང་དབུས་བའི་སྐད་ལ་སྦྱང་བ་དང་དེ་བཞིན་དུ་ཆོལ་ཁ་གཞན་གཉིས་ཀྱིས་ཡང་སྦྱང་ན་ད་བཟོད་ངེད་ཅག་གིས་དུང་ལྷང་ལྷང་གི་སྤྱི་སྐད་ཞིག་ལ་ངལ་བ་བརྟེན་མི་དགོས་སྙམ། བརྡ་སྤྲོད་གཞུང་ལུགས་ཀྱི་ཐད་ནས་ཆོལ་གསུམ་གཅིག་གྱུར་ཡིན་པས་ཕན་ཚུན་གྱི་སྐད་སྦྱང་བ་དེ་ཙམ་གྱི་དཀའ་ངལ་མེད་སྙམ། ངར་མཚོན་ན་ཡང་ཆོལ་གསུམ་གྱི་མི་སུ་འདྲ་ཞིག་སྐད་ཆ་བཤད་དགོས་ན་དཀའ་ངལ་དེ་ཙམ་མེད་པས་ད་ཡོད་ཀྱི་ཆོལ་གསུམ་ཁ་སྐད་ལ་སྦྱང་བ་ལས་སྤྱི་སྐད་རང་མཚན་པ་ཞིག་ལ་ངལ་བརྟེན་པ་ལ་དགོས་སྐྱོན་ལས་སྐྱོན་མང་བས་སོ། གལ་ཏེ། དེ་འདྲའི་སྐད་བྱུང་བའི་དབང་དུ་བཏང་ན་ཡང་ཆོལ་གསུམ་སྤྱི་ལ་ཁྱབ་ལ་ཇི་ལྟར་བྱེད་རྒྱུ་ཡིན་ནམ་ད་དུང་དེ་འདྲའི་རིགས་ཀྱི་དྲི་བ་མང་པོས་ངེད་ཅག་སྒུག་ནས་བཞུགས་ཡོད་པས་ཁྱོད་ཚོས་དེ་རིགས་བསམ་བློ་བཏང་མྱོང་ངམ།
བསྟོད་བསྔགས་ཡོད། ལས་དོན་འདི་འདྲའི་རིགས་དེ་གེགས་མེད་བདེ་ལགས་འགྲུབས་པའི་སྨོན་ལམ་ཡོད། སྤྱི་སྐད་གཅིག་འགྱུར་ཞིག་གཏན་ལ་ཕེབས་པ་ལ་ཐོག་མ་ཅ་དངོས་རྣམས་ཀྱི་ཐ་སྙད་གཅིག་བསྒྱུར་ཞིག་གཏན་ལ་ཕེབས་དགོས་པ་དེ་གལ་ཆེན་པོ་ཡིན།
བོད་རིགས་སྤྱི་སྐད་ཀྱི་གོ་དོན་ནི། བོད་ཀྱི་ཁ་སྐད་ཡིན་ལ་གནས་ཚད་མཐོ་ཤོས་ཞིག་ལ་འཇོག་དགོས། དཔེར་ན། ལྷ་སའི་སྐད་རྙིང་ནང་གི ཡོག་རེད། དང་། ཡིན་ནའང་ལ་ཡིན་ནའི་སོགས་ཀྱི་མ་དག་རྒྱུན་འཇགས་གཙང་སེལ་སྟེང་། དེང་གི་རྡ་སའི་སྐད་ནང་། བྱ་ཚིག བྱེད་དང་བྱེད་གནང་། གཏོང་དང་གཏོང་གནང་། བརྒྱབ་དང་བརྒྱབ་གནང་ཙམ་ལ་མགོ་མ་འཁོར་བར། བོད་སྐད་ནང་གི་བྱ་ཚིག་ཁྱད་པར་བ་ཁ་ཤས་ཡོད་པ་རྣམས་གསར་བསྣན་གྱིས་ཀུན་གྱིས་ཞལ་ནས་ཐོན་ཐབས་མཛད་གལ་ཆེ་བ་མི་འདུག་གམ།
ཚོགས་པ་འདི་དངོས་གནས་ཡག་པོ་འདུག། དེང་སངརེས་གཟའ་ལྷ་པ་དང་པ་སངས་ཀྱི་བོད་ཀྱི་གསར་འགྱུར་བལྟ་དུས་གོ་་བརྡ་མི་འཕྲོད་པའི་དཀའ་ངལ་མི་ཆུང་བ་ཞིག་ཡོད་པ་དེ་ཡང་མི་རིགས་སྤྱི་ལ་དབང་བའི་སྐད་ཅིག་མེད་པའི་ཞན་ཆ་ཞིག་ཡིན་འདུག་པས་ངེས་པར་དུ་གཅིག་ཅར་གྱི་སྤྱི་སྐད་ཅིག་དགོས།
བོད་མི་ཚོའི་ཡིག་རྨོངས་བརྒྱ་ཆའི་བདུན་ཅུ་ཡན་སེལ་མ་ཐུབ་ཚེ་སྤྱི་སྐད་ཡོང་མི་ཐུབ། ཕན་ཚུན་སྐད་བརྡ་སྤྲོད་ཐུབ་པ་ཙམ་གྱིས་སྤྱི་སྐད་ཡོང་ཐུབ་བྲལ། ༸རྒྱལ་བསྟན་གཞིར་བཞག་ཐོག་སྤྱི་སྐད་ལ་གླེང་མོལ་བྱས་ན་ཅུང་ལེགས་པར་སེམས།
ལམ་གཞན་ཞིག་ཡོད་པ་ནི་རྒྱ་ནག་དང་རྒྱ་གར། དབྱིན་སྐད་། བོད་སྐད་སོགས་འདྲེས་མིའི་སྐད་བེད་སྤྱོད་གཏོང་མཁན་གྱི་འཇུ་ཆེན་དང་བློ་བཟང་སེང་གེ ད་དུང་ཁོང་ཚོའི་རྗེས་འབྲངས་བ་མི་རབས་གསར་བ་ཚོའི་ལམ་ཁ་དེ་ཡག་ཤོས་རེད།
སྐད་གཅིག་གྱུར་ཡོང་བ་ལ་སོ་སོའི་ལྟ་བ་རེ་འཛིན་ནས་མ་སྡོད་པར་མི་མང་ཕན་ཚུན་འབྲེལ་བ་མང་ཙམ་བྱས་ན་་དཀའ་ངལ་ཡོང་གི་མ་རེད།གང་ལ་ཞེ་ན་མི་ང་བོད་ཆོལ་གསུམ་གྱི་མི་དང་འབྲེལ་བ་ཆེ་པོ་ཡོད་པའི་སྐད་ལ་དཀའ་ངལ་གང་ཡང་མི་འདུག།
མི་མང་པོ་ཞིག་ལ་དཀའ་ངལ་ཡོང་ས་གཙོ་བོ་དེ་མདོ་ཁམས་པ་དང་དབུས་པའི་བར་རེད།དེ་ཡི་དཀའ་ངལ་སེལ་ཐབས་ནི་མི་དང་མི་ཡི་བར་ལ་འབྲེལ་བ་བྱ་རྒྱུ་དང་དེང་དུས་བོད་ཆོལ་གསུམ་གྱི་སྐད་ཀྱི་ཐོག་བརྙན་འཕྲིན་མང་པོ་ལྟ་རྒྱུ་ཡོད་པའི་སོ་སོས་ལྟ་བ་རྭ་ཅོ་ལྟ་བུ་ཞིག་བཟུང་ནས་མ་བསྡད་པར་མི་ཤེས་པའི་སྐད་དེ་ལ་དོ་སྣང་བཟོས་ན་དཀའ་ངལ་དེ་སེལ་མི་ཐུབ་པ་གང་ཡང་མེད།
ཁྱེད་རང་ཚོས་ལས་འགུལ་དེ་ཡག་པོ་རེད་ཀྱང་སྐད་བརྡ་གོ་དགོས་ན་མི་སྒེར་སོ་སོས་དོ་སྣང་བཟོ་དགོས་པ་ཞིག་རེད་མ་གཏོགས།ཚོགས་པ་ཞིག་འཛུགས་ནས་ལས་འགུལ་སྤེལ་ས་སླེབས་དུས་ང་ཚོའི་སྐད་དེར་རྔ་མ་ལ་འཛིན་ནས་སྡོད་ཡོད་ཟེར་བ་དང་གཅིག་པ་མ་རེད་དམ།བོད་གཅིག་གྱུར་སྐད་ཟེར་བ་དེ་ཕར་ཙམ་བཞག་ཞོག་དེ་ལས་བཙན་བྱོལ་བོད་མི་མང་པོས་བོད་སྐད་ཡག་པོ་ཤེས་ཀྱི་མེད་ལ་ཤེས་པ་དེ་ཡང་གཙང་མ་དང་ཕྱུགས་པོ་ཞིག་མི་འདུག་པས།དེར་ཡར་རྒྱས་རེ་གཏང་ཐུབ་ན་ངས་སེམས་གཏིང་ནས་ཐུགས་ཆེ་ཞུ་རྒྱུ་ཡིན།
བོད་ཀྱི་སྤྱི་སྐད་འདི་ཐུ་མིའི་སུམ་རྟགས་ནང་གི་རྣམ་དབྱེ་བདུན་དང་གང་མཐུན་མཐུན་བྱེད་གལ་ཆེ་བ་འདུག
ལོ་འགས་ནང་ཚུད་ལ་བཞེས་བཞུགས་བོད་རིགས་སྤུན་ཟླ་ཁྱོན་ཡོངས་ཀྱིས་ལྷག་འགན་མཉམ་བཞེས་ཀྱིས་བོད་མི་རིགས་ཀྱི་སྲོག་རྩ་སྐད་ཡིག་གོང་སྤེལ་དང་གཅིག་འགྱུར་ཡོངས་བ་ལ་འབད་བརྩོན་ལྷོད་མེད་བྱེད་བཞིན་ཡོད་པས་ན་དེ་ལ་ཁ་ཁོག་གཉིས་ནས་བཀའ་དྲིན་ཆེ་ཞུ་ཞུ།།
འོ་གླག་རྒོད་འདི་ཚོས་ཚོད་ཏག་ཏག་འདུག་ག དེ་ནི་སེམས་དགའ་འོས་པ་ཞིག་རེད། རྒྱལ་བའི་ཐུགས་ལ་མཆོད་པ་ཟེར་ན་འདི་ཡིན་རྒྱུ་རེད།
མཁས་དབང་དགེ་འདུན་ཆོས་འཕེལ་གྱིས་བརྩམས་པའི་དེབ་ཐེར་དཀར་པོ་ལས།
དེ་མིན་དེང་སང་མཐར་མི་འགའ་ཞིག་གིས། དབུས་ཀྱི་ཕལ་སྐད། ལ་དྭགས་ཀྱི་ཕལ་སྐད་ལ་སོགས་སྣང་བ་གང་དྲན་གྱི་སྐད་མཛོད་དང་གླེབས་བམ་སྡེབ་པ་འདིའི་རིགས། བརྒྱ་ལ་དར་སྲོལ་ཆེ་རུ་སོང་ན། ཡུལ་སོ་སོའི་ཕལ་སྐད་མི་འདྲ་བའི་རྐྱེན་གྱིས། བོད་ཀྱི་སྤྱི་སྐད་ཡང་དུམ་བུར་ཆད་དེ། ནམ་ཞིག་ན་ཡུལ་སོ་སོའི་སྐད་དང་ཡི་གེ་ཕན་ཚན་བརྡ་མི་འཕྲོད་པ་ཞིག་འོང་ངེས་ལ། སྐད་ཡིག་སོ་སོར་གྱེས་པས། བསམ་འཁྱེར་དང་སྤྱོད་ལམ་སོགས་ཀྱང་ཐ་དད་དུ་སོང་སྟེ། མཐར་བོད་ཀྱི་རྒྱལ་ཁབ་རྩ་བ་ཉིད་ནས་སིལ་བུར་འཐོར་བའི་རྐྱེན་དུ་འགྲོ་བ་ལགས་ཞེས་ལུང་བསྟན་སྔོན་ནས་བརྒྱབས་ཡོད་ཀྱང་།
བཟང་ངན་དབྱེ་བ་མ་ཤེས། དཀར་ནག་མིག་གིས་མ་མཐོང་བ་མ་ཟད་མཁས་དབང་ཁོང་ཉེས་མེད་བཙོན་བཅུག་བྱས་མྱོང་ཡོད་པ་འདིར་བསམ་བློ་འཁོར་དུས་བཟོད་ཐབས་མེད་པའི་སྡུག་བསྔལ་རེ་དང་ཁོང་ཁྲོ་རེ་སྐྱེས་ཡོང་བ་ནི་ང་ཅོ་རིའི་སྒེར་སྡུག་ཤིག་ཡིན་ས་རེད།
དྲ་བདག་ལགས།་ངའི་མཆན་བུ་ངེས་པར་དུ་གཏོང་རོགས།
གནད་དོན་འདིའི་ཐད་དུ་ཁོ་བོས་རིག་པའི་གཞུང་ལུགས་ཤིག་བརྩམས་ཡོད་སྟབས་ཞབས་འདེགས་ཆེ་ཤོས་དེ་ངས་འབུལ་ཐུབ་དགོས་ཚོད་ཡིན་ཡང་། ཁོ་བོ་མཁོས་འབྱོར་ཞན་པའི་དབང་གིས་ལོ་བཞི་ལྔ་ཞིག་ཚུན་ཆད་ནས་བསྟན་བཅོས་དེ་འོད་སྡེར་གྱི་ནང་དུ་བཟིམ་ནས་བཞུགས་པ་ལས་ཕྱིར་འདོན་མ་ཐུབ་པར་ལུས་ཡོད་དོ།
བཀྲ་ཤིས་བདེ་ལེགས་ཡོད། རྗེས་སུ་ཡི་རིང་ཡོད། ངའི་ཡུན་རིང་པོའི་བར་རེ་སྒུགས་བྱས་པའི་དམིགས་འདུན་གཅིག་པུ་དེ་བོད་པའི་སྐད་ཡིག་གཅིག་གྱུར་བྱེད་ཀྱི་དེ་ཡིན། དངོས་གནས་བྱ་བ་འདི་ལ་རྒྱབ་སྐྱོར་ཡོད། ལྷག་དོན་མདོ་སྨད་ནས་ལས་འགུལ་འདི་འདྲ་བརྩམས་གནང་མཛད་པ་དེ་ཡག་རྟགས་ཞེ་དྲག་རེད། དེང་སང་ཨ་མདོའི་རྩོམ་པ་པོ་གང་ཞིག་གིས། རྟག་པར་སོ་སོའི་ཡུལ་སྐད་དང་། ལུང་ཚན་གྱི་སྐད་བེད་སྤྱོད་བྱས་ཏེ་རྩོམ་གང་མང་སྦེལ་བར་བརྟེན། བོད་པའི་སྤྱི་སྐད་འཕྲོ་བརླག་གཏོང་རྒྱུའི་ཉེན་ཁ་ཞིག་ཏུ་གཐོང་གི་ཡོད། བྱེས་སུ་འབྱོར་བའི་ཨ་མདོའི་རྩོམ་པ་པོ་སྨྱུག་ཐོག་རྣམ་པས་ཀྱང་བོད་ཀྱི་སྤྱི་སྐད་མཐུན་ཚོགས་ཀྱི་རྗེས་སུ་སློབ་སྟེ་བོད་སྤྱི་པའི་སྐད་ཡིག་སྲུ་སྐྱོབ་གནང་རོགས། ཞེས་རེ་སྐུ་ལན་བརྒྱར་ཞུ་བ་ཡིན།
བཀའ་བློན་ཁྲི་ཟུར་སྐུ་ངོ་འཇུ་ཆེན་ཐུབ་བསྟན་གྱིས་བོད་ནང་གི་ཨ་མདོ་དེ་ཚོ་ཧ་ལས་པའི་ཡག་པོ་འདུག རྒྱ་གར་གྱི་ཨ་མདོ་འདི་ཚོ་ཁེ་མཚར་ཞིག་འདུག ཅེས་གསུངས་མྱོང་ཡོད་པ་བཞིན་དགོས་གནས་རེད།
ངས་ལྷག་བསམ་དང་ཤེས་ཡོན་གྱི་ཕྱུག་པའི་གཞི་ལུས་བོད་ཀྱི་སློབ་ཆེན་དེ་རྣམས་ལ་སྙིང་ཐག་པ་ནས་དགའ་བསུ་ཞུ་རྒྱུ་དང་། ངས་ལྟ་བ་དང་ལང་ཕྱོགས། མ་འོང་པའི་བོད་ཀྱི་འཐུན་འབྲེལ་བྱེད་ཕྱོགས་སྐོར་འདི་དང་འདི་འདྲ་བ་ལ་ཞབས་འདེགས་གང་ཐུབ་ཞུ་ངེས་ཡིན།
འདི་འདྲ་བའི་ལས་འགུལ་ཞིག་སློབ་གླིང་འདིར་དེ་སྔ་ཕྱི་ལོ་༢༠༠༤ལོ་ནས་ཡོད། དེ་དུས་གཟའ་པ་སངས་ཉིན་འཛིན་གྲྭ་རེའམ་སློབ་མ་ཚོས་རེས་མོས་ཀྱིས་གོ་སྒྲིག་བྱེད་བཞིན་ཡོད། དེ་ཡང་འཛིན་ཁང་སྒོ་ཁར་ཤོག་བུ་བཀྲམ་པར་ཡོང་གི་ཡོད།
གཅིག་འགྱུར་གྱི་སྤྱི་སྐད་ཡོང་མིན་ནི་ནང་ཕན་ཚུན་འབྲེལ་འདྲུས་མང་ཙམ་བྱེད་རྒྱུ་དེ་རེད།