ཁ་སང་ཕྱི་ཚེས་ ༢༡ ཉིན་ཨི་རག་ཁྲིམས་བཟོ་ལྷན་ཚོགས་ཀྱིས་སྐུ་ཞབས་ནུརེ་ཨལ་མཱ་ལེ་ཀེ་ Nuri Al-Maliki ལགས་སྲིད་བློན་དུ་མཐའ་མའི་ཐག་གཅོད་བྱུང་ཡོད་འདུག་ལ། སྐབས་དེར་ཁོང་གིས་སྲིད་གཞུང་གསར་པའི་ཕྱི་སྲིད་བློན་ཆེན་དང་། རྡོ་སྣུམ་ཐོན་ཁུངས་བློན་ཆེན་སོགས་ཀྱི་མཚན་གཞུང་གསལ་བསྒྲགས་བྱས་པར་གྲོས་ཚོགས་ཀྱིས་རྒྱབ་སྐྱོར་ཐོབ་ཡོད། དེ་མིན། ལྷན་ཁང་གཞན་ཁག་དག་གི་བློན་ཆེན་རྣམས་ད་དུང་ཐག་གཅོད་བྱུང་མི་འདུག ཐེངས་འདིར་ཨི་རག་གི་སྲིད་བློན་གསར་པ་བདམས་ཐོན་བྱུང་མ་ཐག ཨ་རིའི་སྲིད་འཛིན་ཨོ་བྷ་མས་ཀྱང་གཞུང་འབྲེལ་གྱིས་སྲིད་བློན་གསར་པར་འཚམས་འདྲིའི་ཞུ་ཡིག་ཕུལ་འདུག
ཕྱི་ལོ་ ༢༠༠༣ ལོར་ཨ་རིས་ཨི་རག་ལ་དམག་འཁྲུག་བརྒྱབ་སྟེ། ཨི་རག་སཱ་ཌམ་སྲིད་གཞུང་མགོ་རྟིང་སློག་རྗེས། སྐབས་དེའི་ཨ་རིའི་སྲིད་འཛིན་བྷུ་ཤི་ཡིས་དམངས་གཙོའི་ལམ་སྲོལ་ཐོག་ཨི་རག་གི་གཞུང་འཛིན་མི་སྣ་འོས་འདེམས་བྱ་རྒྱུར་སྐུལ་མ་བཏང་ཡོད་ལ། དེའི་རྗེས་ཨི་རག་སྲིད་གཞུང་གསར་པའི་སྲིད་བློན་དང་པོ་དེ་ཨ་ཡེཌ་ཨལ་ལཱ་ཝེ་ Iyad Allawi ཟེར་བ་ཁོང་ཆགས་ཡོད་ལ། སྐབས་གཉིས་པའི་གཞུང་འཛིན་འཕོ་འགྱུར་གྱི་འོས་བསྡུ་དེ་ད་ལོའི་ཕྱི་ཟླ་གསུམ་པའི་ནང་བྱས་ཡོད་ཀྱང་། ནང་ཁུལ་གྱི་རྙོག་གླེང་ཞིག་གི་དབང་གིས་ད་བར་ཟླ་དགུའི་རིང་སྲིད་བློན་བསྐོ་འཇོག་བྱེད་ཐུབ་མེད།
གསར་འགོད་པ། བནྡེ་སྐྱབས།
གང་ལྟར་ཨེ་རག་མི་མང་ལ་ཕན་ན་འགྲིག་གི་ཡོད་པ་རེད། ཁོ་ལ་ཡང་བསྐྱར་བཀྲ་ཤིས་བདེ་ལེགས་ཞུ།།
ཀློག་པ་པོ་ནམ་མཁའ་བསྟན་འཛིན་ལགས་ཀྱིས་མཛུབ་སྟོན་གནང་བར་ཐུགས་རྗེས་ཆེ་ཞུ།
བདེན་པ་རེད། Iyad Allawi ཟེར་བ་ཁོང་༢༠༠༤ ལོའི་ཟླ་༤ ཚེས་ ༢༨ ནས་༢༠༠༥ ལོའི་ཟླ་༤ ཚེས་ ༧ བར་དུ་བར་རྒལ་སྲིད་བློན་ཡིན་ཞིང་། ༢༠༠༦ ནས་སྐུ་ཞབས་ Nuri Al-Maliki ལགས་སྲིད་བློན་དུ་བདམས་ཐོན་བྱུང་ཞིང་། ད་ལོའི་ཟླ་ ༣ པའི་ནང་གི་འོས་བསྡུ་ལས་ཚོགས་པ་ཕྱོགས་ཁག་གང་ལའང་གཞུང་འཛིན་འོས་གྲངས་མ་ལོངས་པ་དང་། དེ་བཞིན་དབང་འཛིན་ཐད་ཀྱི་རྩོད་རྙོག་རིགས་ལ་བརྟེན་ནས། འདས་པའི་ཟླ་དགུའི་རིང་དེ་ལྟར་ལྷག་པ་རེད། ཁ་སང་ཕྱི་ཚེས་ ༢༡ ཉིན་རྗེས་ནས་སྐུ་ཞབས་ Nuri Al-Maliki ལགས་སྲིད་བློན་དུ་བསྐོ་བཞག་བྱས་པ་ཞིག་རེད།
ཀློག་པ་པོ་པ་སང་ལགས། ཁྱེད་ཀྱི་བསམ་ཚུལ་ལ་དགའ་བསུ་ཡོད། དུས་བབ་ཀྱི་གསར་འགོད་པ་གཞན་ཚོར་ལོ་ངོ་གཉིས་གསུམ་རིང་གི་ཉམས་མྱོང་ཡོད་པར། ང་ཟླ་ངོ་གཉིས་གསུམ་རིང་གི་གསར་འགོད་པ་གསར་བ་ཞིག་གི་ངོས་ནས་སློབ་སྦྱོང་བྱ་དགོས་ས་མང་པོ་ཡོད་པ་བདེན་ངེས་རེད།
བློ་བྷེ་དང་ཁྱེད་གཉིས་ཀྱི་ངོས་ནས་མཉམ་འབྲེལ་རྒྱལ་ཚོགས་ཀྱིས་ཨི་རག་གི་སྲིད་བློན་གསར་བར་འཚམས་འདྲི་ཞུས་ཡོད་པ་དེ་ཆད་འདུག་པས་ནོར་འཁྲུལ་དང་དེའི་བརྗོད་དོན་ཐད་ནས་འབྲི་ཁུལ་བྱས་འདུག སྲིད་བློན་གསར་པར་འཚམས་འདྲི་ཞུ་མཁན་མཉམ་འབྲེལ་རྒྱལ་ཚོགས་ཀྱི་དྲུང་ཆེ་ཙམ་མ་ཡིན་པར་མང་པོ་ཡོད། འོན་ཀྱང་། ཚང་མས་ག་རེ་བཤད་ཀྱི་ཡོད་མེད་སྐོར་ལ་སྒྲུང་འབྲི་རྒྱུ་དེ་གསར་འགྱུར་སྙིང་བསྡུས་ཞིག་ལ་མཚོན་ན་ཚིག་ཚོགས་ལས་དགོས་མཚན་མེད། ཨི་རག་དྲག་པོའི་གཞུང་མགོ་རྟིང་སློག་པ་ནས་ད་ལྟའི་བར་གྱི་བརྒྱུད་རིམ་ནང་ཕྱི་ཕྱོགས་ཀྱི་ཐེ་བྱུས་ཤུགས་ཆེ་ཤོས་ཨ་རི་གཞུང་གིས་བྱེད་ཀྱི་ཡོད་པར་བརྟེན། ཨ་རིའི་སྲིད་འཛིན་གྱིས་སྲིད་བློན་གསར་པར་འཚམས་འདྲི་བྱས་ཡོད་པ་དམིགས་འདོན་བྱས་པ་ཡིན། དེ་ལ་རྒྱུ་མཚན་ངེས་ཅན་ཞིག་ཡོད་པས་སོ།
གོང་དུ་བློ་བྷེ་ལགས་ཀྱིས་མཉམ་འབྲེལ་རྒྱལ་ཚོགས་ཀྱི་དྲུང་ཆེ་གཅིག་པོས་གང་བཤད་ཡོད་པའི་སྐོར་ཞིག་བྲིས་འདུག་པ་དེ་ངའི་གསར་འགྱུར་ཧྲིལ་བོའི་མང་ཉུང་དང་གཅིག་པ་ཆགས་གྲབས་འདུག དེ་ན། འཚམས་འདྲི་ཞུ་མཁན་ཚང་མའི་བརྗོད་ཚིག་རེ་རེ་བཞིན་འབྲི་དགོས་བྱུང་ན། གསར་འགྱུར་འདི་གང་འདྲ་ཞིག་ཆགས་ངེས། དེ་བས་ཀློག་པ་པོ་དག་གིས་གསར་འགྱུར་གང་མང་ཞིག་ལ་བལྟ་ཀློག་བྱ་དགོས་སྟབས། དུས་ཡུན་ཐུང་ཐུང་ཞིག་གི་རིང་གནས་ཚུལ་གྱི་དོན་སྙིང་རྟོགས་ཐུབ་པ་ཞིག་འབྲི་དགོས་པ་ལས་སྒྲུང་འབྲི་རྒྱུ་དེ་མིན།
གང་ལྟར། ཁྱེད་རྣམ་པའི་བསམ་ཚུལ་ལ་དགའ་བསུ་ཡོད། ཐུགས་རྗེས་ཆེ།
གོང་གི་གསར་འགྱུར་ནང་དོན་དག་གལ་ཆེན་རིག་ཚུད་མི་འདུག
ཨི་རག་གི་གཞུང་འཛིན་གསར་འདེམས་ཐད། རྒྱལ་ཚོགས་ཀྱི་དྲུང་ཆེ་བྷེན་ཁེ་མོན་གྱིས་ཁོ་རང་གི་མགྲིན་ཚབ་པ་བརྒྱུད་དེ་རྟེན་འབྲེལ་ཞུ་བའི་གསལ་བསྒྲགས་ཤིག་སྤེལ་པའི་ནང་། ( ཨི་རག་གི་ཆབ་སྲིད་ཕྱོགས་ཁག་སོ་སོའི་མགོ་ཁྲིད་པས་མཉམ་དུ་ འབད་བརྩོན་བྱས་ཏེ་སྲིད་གཞུང་གསར་བར་བཟོད་སྒོམ་རང་བཞིན་དང་རྒྱ་ཆེར་ཟབ་ཞུགས་རང་བཞིན་ལྡན་ལ། ཨི་རག་མི་དམངས་ཀྱི་རྒྱབ་སྐྱོར་ཐོབ་པའི་བྱ་སྤྱོད་བསྟན་པར་རྟེན་འབྲེལ་ཞུ་བཞིན་ཡོད། ཨི་རག་གི་ཆབ་སྲིད་ཕྱོགས་ཁག་སོ་སོའི་མགོ་ཁྲིད་པས་མུ་མཐུད་དུ་མི་རིགས་མཐུན་སྒྲིལ་གྱི་སྙིང་སྟོབས་བཅངས་ནས་འབད་འབུངས་བྱས་ཏེ་གང་མགྱོགས་སྒོས་སྲིད་གཞུང་འཛུགས་པའི་བྱ་བ་ཡོངས་འགྲུབ་བྱས་ནས། རྒྱལ་ཁབ་ཀྱི་མི་རིགས་འགྲིག་མཐུན་དང་བསྐྱར་འཛུགས། ཡུན་རིང་བརྟན་འཇགས་སོགས་འདུས་པའི་འགྲན་རྩོད་གཙོ་བོ་ཐག་གཅོད་བྱ་དགོས། ཨི་རག་ཏུ་སྡོད་པའི་མཉམ་འབྲེལ་རྒྱལ་ཚོགས་ཀྱི་ཆེད་མངག་ཚོགས་པས་མུ་མཐུད་ཨི་རག་མི་མང་གི་བདེ་འཇགས་ཀྱིས་མཚོན་པའི་ཕྱོགས་ཡོངས་ལ་དོ་འཁུར་ནན་མོ་བྱ་དགོས་ལ། མ་འོངས་པའི་ཨི་རག་ཡར་རྒྱས་དང་ཞི་བདེ། རྒྱལ་ཁབ་འཛུགས་སྐྲུན་གྱི་ལས་དོན་ལ་མཐུན་འགྱུར་འབད་བརྩོན་ཞུ་དགོས ) ཞེས་བཤད་ཡོད་པ་རེད།
འོ། ད་དུང་ཨོ་བྷ་མ་གཙོ་བྱས་ཏེ་རྒྱལ་ཁབ་ཁག་ཅིག་གི་སྲིད་འཛིན་དང་སྲིད་བློན་ཚོས་ཀྱང་འཚམས་འདྲི་ཞུས་འདུག་ཀྱང་། ཡིག་བསྒྱུར་བྱ་རྒྱུའི་དུས་ཚོད་རེག་མ་སོང་།
གསར་འགོད་པ་ལགས། ཁྱོད་ཀྱིས་ཨེ་རག་གི་སྲིད་འཛིན་འོས་འདེམས་སྐོར་ཡག་པོ་ཞིག་མགོ་འཚོས་ཀྱི་མེད་པ་འདྲ། ཞིབ་ཏུ་གཟིགས་དང་གོང་གི་གསར་འགྱུར་ནང་དོན་དག་འགའ་ཤད་ཅིག་ནོར་འདུག ཨོ་དེ་དུང་ཨེ་རེག་གི་སྲིད་བློན་གསར་བདམས་ཐད། མཉམ་འབྲེལ་རྒྱལ་ཚོགས་ཀྱི་དྲུང་ཆེ་བྷན་ཁེ་མོན་མཆོག་གིས་ཀྱང་འཚམས་ཞུའི་གསུང་འཕྲིན་ཞིག་བསྩལ་ཡོད་ས་རེད།
གསར་འགོད་པ་བན་ཏེ་སྐྱབས་ལགས། ཁྱེད་རང་ད་དུང་བོད་ཀྱི་དུས་བབ་ཀྱི་གསར་འགོད་པ་གཞན་དག་གི་རྗེས་ཆོད་ས་མ་རེད།
གོང་གི་གསར་འགྱུར་ཅུང་འགོད་ནོར་ཐེབས་ཡོད་པ་འདྲ། Iyad Allawi ཟེར་བ་ཁོ་༢༠༠༣་ནས་༢༠༠༥བར་གྱི་བར་རྒལ་སྲིད་གཞུང་འཛུགས་སྐབས་ཀྱི་སྲིད་བློན་ཐོག་མ་དེ་རེད། ༢༠༠༦ནས་Nuri Al-Malikiལ་སྲིད་བློན་ཐོབ་ཡོད་པ་དང་ད་ལྟའི་འོས་འདེམས་འདི་ཁོ་ལ་ཐེངས་གཉིས་བའི་སྲིད་བློན་གྱི་འོས་ཐོབ་པ་རེད། Nuri Al Malikiཞིས་ཡ་མི་རིགས་སྟེ་ས་ཏམ་དང་དགྲ་ཟླར་ལངས་མཁན་གྱི་མི་རིགས་དེ་རེད། སྐུ་ཞབས་མ་ལེ་ཁེ་ལོ་ལ་༡༩༧༠ཡས་མས་སུ་སྲོག་ཁྲིམས་ཀྱི་བཅད་ཁྲ་བཏང་བ་ནས་ཁོ་ལོ་ངོ་༢༤ལྷག་ལ་ཨེ་རན་དང་སིའུ་རེ་ཡཱ་སོགས་སུ་བཙན་བྱོལ་དུ་སོང་ནས་བསྡད་པའི་རིང་ཁ་ཆེའི་ཌ་ཝ་ཞེས་བའི་ཆབ་སྲིད་ཚོགས་པ་དེ་བཙུགས་ནས་མཐར་ཁོང་ལ་ཆབ་སྲིད་ཚོགས་པ་དེའི་རྒྱབ་སྐྱོར་འོག་ཨེ་རག་གི་སྲིད་བློན་ཐོབ་པ་རེད།
ཧ་ལམ་ཧྭོས་རིགས་ཅིག་ལོས་ཡིན་བསམ། འདི་ཁྲི་ཁ་འཇོག་མཁན་གཙོ་བོ་བྷོས་ཤི་ཡིན་པ་ཁོ་ཚོས་ནམ་ཡང་བརྗེད་མི་ཉན།