འདི་
ཕྱི་ཟླ་ ༡ ཚེས་ ༡༥ ཉིན་༧གོང་ས་མཆོག་གི་དམིགས་བསལ་སྐུ་ཚབ་རྣམ་པ་རྒྱ་ནག་ཧུ་ནན་ཞིང་ཆེན་གྱི་རྒྱལ་ས་ཁྲང་ཧྲ་རུ་བསྐྱོད་དེ་རྒྱ་ནག་གི་སྐུ་ཚབ་དག་དང་ཐུག་འཕྲད་ཀྱིས་༼ བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ ༽ ཞེར་པར་འགྲེལ་བཤད་ཀྱི་ཡིག་ཆ་གཉིས་པ་དེ་ཕུལ་ཡོད་ལ། དེ་དང་མཉམ་དུ་རྒྱ་
ཟླ་ ༨ ཚེས་ ༢༦ ནས་ ༣༠ ཉིན་བར་ལྷོ་ཕྱོགས་སྦེལ་ཀོབ་བོད་མིའི་གཞིས་སྒར་དུ༼བོད་རྒྱལ་ཡོངས་གཞུང་དམངས་ཚོགས་ཆེན་ཐེངས་དང་པོ ༽ཚོགས་ཏེ། ཆོས་རིག་དང་གཞིས་ཆགས་སྲ་བརྟན། ཆབ་སྲིད་བཅས་ཀྱི་ཐད་བགྲོ་གླེང་གནང་སྟེ་བསམ་ཚུལ་ཕྱོགས་བསྡོམས་བྱས་ཤིང་། མཇུག་བསྡོམས་སྟེང་༧གོང་ས་མཆོག་གིས་གདན་ས་ཁག་གི་དགེ་བཤེས་ཚོར་ནང་ཆོས་དང་མུ་སྟེགས་པའི་གཞུང་། ཚན་རིག་བཅས་ནས་༼ ཚན་རིག་ཀུན་བཏུས ༽ ཀྱི་གཞུང་ཞིག་དང་། རྒྱ་གར་གྱི་ལྟ་གྲུབ་དང་ནུབ་ཕྱོགས་པའི་ལྟ་གྲུབ། ནང་པའི་ལྟ་གྲུབ་བཅས་ལས་༼ ལྟ་གྲུབ་ཀུན་བཏུས ༽ ཀྱི་གཞུང་ཞིག་བཅས་རྩོམ་དགོས་པའི་བཀའ་ཕེབས།
ཕྱི་ཟླ་ ༡༠ ཚེས་ ༣ ཉིན་རྒྱ་བལ་འབྲུག་གསུམ་དང་ཕྱི་རྒྱལ་ཡུལ་གྲུ་ཁག་ཏུ་གནས་སྡོད་བོད་མི་ཚོས་ཉིན་བརྒྱ་དུས་གཅིག་ལ། སྐབས་བཅུ་བཞི་བའི་བཀའ་ཁྲི་དང་སྐབས་བཅོ་ལྔ་བའི་སྤྱི་འཐུས་ཀྱི་འོས་བླུགས་ཡོད་ཅིང་། ཐེངས་འདིར་འོས་བསྡུའི་དེབ་སྐྱེལ་ཟིན་པ་ ༧༩༤༤༩ ཙམ་བྱུང་ཡོད་ཀྱང་། འོས་བསྡུའི་ཆ་ཤས་ལེན་མཁན་ ༤༧༩༩༨ ཙམ་ལས་བྱུང་མེད། དེ་ནི་སྐབས་སྔོན་མ་དང་བསྡུར་ན་མི་ ༦༦༧༨ ཙམ་ཇེ་མང་དུ་ཕྱིན་ཡོད་ཀྱང་། ཉིན་དེར་བལ་ཡུལ་འཕགས་ཤིང་དང་མཆོད་རྟེན་བྱ་རུང་ཁ་ཤོར་ས་གནས་གཉིས་དང་། འབྲུག་ཡུལ་བཅས་ཀྱི་འོས་སྒམ་རྣམས་གཞུང་བཞེས་བཏང་བའི་གནས་ཚུལ་བྱུང་ཡོད།
ཕྱི་ཟླ་ ༡༡ པའི་ཚེས་ ༥ ནས་ ༧ ཉིན་བར་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་དྲུག་པ་དེ། རྒྱ་གར་ཧ་རི་ཡ་ནཱ་མངའ་སྡེར་ཚོགས་ཡོད་ཅིང་། ཚོགས་འདུའི་སྟེང་༧གོང་ས་མཆོག་དང་རྒྱ་གར་སྲིད་བློན་ཟུར་པ། བོད་གཞུང་བཀའ་ཁྲི་སོགས་རྒྱལ་ཁབ་ཁག་ ༥༧ ཙམ་ནས་ཚོགས་བཅར་བ་ ༢༥༧ ཙམ་ཚོགས་ཞུགས་བྱས་ཏེ། བོད་ཀྱི་འགྲོ་བ་མིའི་ཐོབ་ཐང་དང་ཁོར་ཡུག རིག་གཞུང་། རྒྱ་རིགས་དང་འབྲེལ་བ་གོང་མཐོར་གཏོང་ཐབས་སྐོར་གྲོས་བསྡུར་བྱུང་ཡོད།
ཕྱི་ཟླ་ ༩ པའི་ཚེས་ ༡༥ ནས་ཉིན་ལྔའི་རིང་ཁེ་ན་ཌའི་གྲོང་ཁྱེར་ཝན་ཁོ་ཝུར་དུ་རྒྱལ་སྤྱིའི་བོད་རིག་པའི་ཚོགས་ཆེན་ཐེངས་ ༡༢ པ་དེ་ཚོགས་ཡོད་ཅིང་། ཚོགས་འདུ་དེའི་སྟེང་བོད་ཕྱི་ནང་གཉིས་གཙོས་པའི་རྒྱལ་ཁབ་ ༢༠ ཁག་ནས་བོད་རིག་པའི་ཞིབ་འཇུག་པ་དང་ཆེད་མཁས་པ་ ༤༠༠ ཙམ་ཚོགས་ཞུགས་བྱས་ཏེ། བོད་ཀྱི་ལོ་རྒྱུས་དང་རིག་གནས་བཅས་ཀྱི་ཐོག་ཆེད་རྩོམ་སྒྲོག་སྦྱོང་གནང་ཡོད།
ཕྱི་ཟླ་ ༡༢ པའི་ཚེས་མགོར་བོད་གཞུང་འཆར་འགོད་ལྷན་ཁང་གིས་བཙན་བྱོལ་བོད་མིའི་མི་འབོར་ཞིབ་བཤེར་ཐེངས་གཉིས་པའི་སྙན་ཐོ་གསལ་བསྒྲགས་བྱས་པའི་ནང་། ད་ཆར་བཙན་བྱོལ་ཁྱོན་ཡོངས་སུ་བོད་མི་ ༡༢༧༩༣༥ ཙམ་ཡོད་ཅིང་། དེ་དག་ཁྲོད་ཕོ་ ༧༠༥༥༦ དང་མོ་ ༥༧༣༧༩ བཅས་ཡོད་ཅིང་། རྒྱ་གར་དུ་མི་ ༩༤༢༠༣ དང་། བལ་ཡུལ་དུ་ ༡༣༥༡༤། འབྲུག་ཏུ་ ༡༢༩༨། ཕྱི་རྒྱལ་ཁག་ཏུ་ ༡༨༩༢༠ བཅས་ཡོད་འདུག
ཕྱི་ཟླ་ ༡༢ པའི་ཚེས་ ༨ ཉིན་རྡོ་རྗེ་གདན་དུ་ཀརྨ་སྐུ་ཕྲེང་དང་པོ་དུས་གསུམ་མཁྱེན་པ་སྐུ་འཁྲུངས་ནས་མི་ལོ་ ༩༠༠ འཁོར་བའི་རྗེས་དྲན་མཛད་སྒོ་ཚོགས་ཡོད་ཅིང་། མཛད་སྒོའི་སྟེང་ཀརྨ་པ་མཆོག་གི་དབུས་སྐུ་མགྲོན་དུ་བོད་གཞུང་བཀའ་ཁྲི་དང་སྤྱི་འཐུས་ཚོགས་གཙོ་སོགས་རྒྱལ་ཁབ་ཕྱི་ནང་གི་སྐུ་མགྲོན་ ༦༠༠༠ ལྷག་འཛོམས་ཡོད་ལ། ༧གོང་ས་མཆོག་དང་ཆོས་བརྒྱུད་ཁག་གི་བླ་ཆེན་ཚོས་གསུང་འཕྲིན་ཡང་བསྩལ་ཡོད།
ཕྱི་ཟླ་ ༡༢ ཕྱི་ཚེས་ ༡༨ ཉིན་ཁེ་ན་ཌའི་མི་སེར་དང་ཡུལ་མི་གནས་སྤོར་ལས་ཁུངས་ཀྱིས་གསར་འགོད་གསལ་བསྒྲགས་སྤེལ་ཡོད་པའི་ནང་། ཁེ་ན་ཌ་གཞུང་གིས་འབྱུང་འགྱུར་གྱི་ལོ་ ༥ རིང་རྒྱ་གར་ཤར་ཕྱོགས་ཀྱི་ཨ་རུ་ན་ཅལ་མངའ་སྡེ་ནས་བོད་མི་ ༡༠༠༠ སྐྱབས་བཅོལ་དུ་ལེན་རྒྱུ་ཡིན་སྐོར་བསྒྲགས་ཡོད་ཀྱང་། བཙན་བྱོལ་བོད་གཞུང་གི་ངོས་ནས་ད་སྔ་གཞུང་གཉིས་བར་སྐད་ཆ་བྱུང་མེད་སྟབས། གནས་ཚུལ་དེ་གཞུང་འབྲེལ་ཆགས་མེད་སྐོར་བརྗོད་ཡོད།
གསར་འགོད་པ། དཔལ་ལྡན།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ལོ་འདིའི་ནང་བཙན་བྱོལ་ཡག་ཐག་ཆོད་བྱུང་འདུག སླད་ཕྱིན་ཡང་དེ་མཚུངས་ཡོང་བར་སྨོན་འདུན་ཞུ།