མ་འོངས་པར་རྒྱ་ནག་གིས་མུ་མཐུད་མི་དམངས་ཀྱི་འཚོ་བ་ཡར་རྒྱས་དང་། ཁྲིམས་སྲིད་དམངས་གཙོའི་ལམ་སྲོལ་ལག་བསྟར་ཡོང་གི་རེད། རྒྱ་ནག་གཞུང་ངོས་ནས་འབྱུང་འགྱུར་ཨ་རྒྱ་གཉིས་ཀྱིས་ཕན་ཚུན་ལ་བརྩི་འཇོག་བྱས་ཏེ། ཕན་ཚུན་གྱི་ནང་སྲིད་ལ་ཐེ་ཇུས་མི་བྱེད་པའི་ཐོག་ནས་འགྲོ་བ་མིའི་ཐོབ་ཐང་ཐད་གྲོས་མོལ་བྱ་རྒྱུ་ཡིན་ཟེར།
ཁ་སང་ཕྱི་ཚེས་ ༡༩ ཉིན་གྱི་ཕྱི་དྲོར་ཨ་རིའི་སྲིད་འཛིན་ཨོ་བྷ་མ་དང་རྒྱ་ནག་གི་སྲིད་འཛིན་ཧུའུ་ཅིན་ཐའོ་རྣམ་གཉིས་ཀྱིས་ཨ་རིའི་ཕོ་བྲང་དཀར་པའི་ཤར་ཕྱོགས་ཚོམས་ཁང་དུ་མཉམ་འབྲེལ་གསར་འགོད་གསལ་བསྒྲགས་ཤིག་སྤེལ་ཡོད་ལ། སྐབས་དེར་ཐེངས་འདིའི་གྲོས་མོལ་གྱི་ནང་དོན་ཐོག་བསྒྲགས་གཏམ་སྤེལ་རྗེས། གསར་འགོད་པའི་དྲི་བ་ཁག་ཅིག་ལ་ལན་འདེབས་བྱས་ཡོད།
ཨ་རིའི་སྲིད་འཛིན་ཨོ་བྷ་མས་ཐེངས་འདིའི་སྤྱི་བསྒྲགས་གཏམ་བཤད་སྐབས་བརྗོད་རྒྱུར། ངས་འདིར་ནན་སྐུལ་ཞུ་རྒྱུ་ཞིག་ནི། ཨ་རིས་འགྲོ་བ་མི་སྤྱི་ཡོངས་ཀྱི་གཞི་རྩའི་ཁེ་དབང་མངོན་འགྱུར་བྱ་རྒྱུ་ཡིན། དེའི་ཁྲོད་སྨྲ་བརྗོད་རང་དབང་དང་གསར་འགོད་རང་དབང་། འདུ་འཛོམ་རང་དབང་། མཉམ་འབྲེལ་རང་དབང་། ཁྲོམ་སྐོར་ངོ་རྒོལ་རང་དབང་། ཆོས་ལུགས་དད་མོས་རང་དབང་སོགས་འགྲོ་བ་མིའི་གཞི་རྩའི་ཐོབ་ཐང་ཁག་ཚུད་ཡོད་པར་མ་ཟད། ཁེ་དབང་འདི་དག་རྒྱ་ནག་གི་རྩ་ཁྲིམས་ནང་དུ་ཡང་བཀོད་ཡོད། ཨ་རིས་ཁེ་དབང་དེ་དག་དང་འགྲོ་བ་མི་རེ་རེའི་མཚན་མཐོང་གི་ཆེད་དུ་དུས་རྒྱུན་འབོད་སྒྲ་སྒྲོག་གི་ཡོད་ལ། དེ་ནི་ང་ཚོ་ཨ་རི་བ་ཡིན་པའི་གལ་ཆེའི་རྒྱུ་མཚན་རེད་ལ། མ་འོངས་པར་རྒྱ་ནག་ཚུད་པའི་འཛམ་གླིང་རྒྱལ་ཁབ་ཡོངས་མཚར་སྡུག་ལྡན་པ་ཞིག་ཏུ་མངོན་འགྱུར་ཡོང་ཐུབ་པར་ཡིད་ཆེས་བཅངས་ཡོད། ཅེས་དང་། ཨོ་བྷ་མས་བོད་རྒྱའི་གནད་དོན་ཐད་གསུངས་དོན། བོད་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཆ་ཤས་ཤིག་ཡིན་པར་ངོས་ལེན་ཐོག ཨ་རིའི་ངོས་ནས་ཏཱ་ལའི་བླ་མའི་སྐུ་ཚབ་དང་རྒྱ་ནག་གཞུང་བར་གྱི་འབྲེལ་ལམ་རྒྱུན་འཁྱོངས་ཀྱིས་གྲོས་མོལ་གནང་སྟེ། བོད་མི་རིགས་ཀྱི་ཐུན་མིན་ཆོས་ལུགས་དང་རིག་གནས་སོགས་ཕྱོགས་གཉིས་ཀྱིས་དོ་སྣང་བྱ་ཡུལ་གྱི་གནད་དོན་ཁག་ཐག་གཅོད་ཡོང་རྒྱུར་རྒྱབ་སྐྱོར་བྱ་རྒྱུ་ཡིན། ཞེས་བརྗོད་འདུག
དེ་རྗེས་ཨ་རིའི་ནེའུ་ཡོག་ཏུ་རྟེན་གཞི་བྱས་པའི་རྒྱལ་སྤྱིའི་མཉམ་འབྲེལ་གསར་འགོད་མཐུན་ཚོགས་ཀྱི་གསར་འགོད་པས་ཨོ་བ་མ་དང་ཧུའུ་ཅིན་ཐའོ་གཉིས་ལ་དྲི་བ་རེ་རེ་བཀོད་དོན། “སྲིད་འཛིན་ཨོ་བྷ་མ་ལགས། ཨ་རིས་ཅི་ལྟར་གསར་འགོད་རང་དབང་ལ་བཀག་སྡོམ་བྱེད་བཞིན་པའི་རྒྱལ་ཁབ་ཅིག་དང་མཛའ་འབྲེལ་བཙུགས་པ་ཡིན་ནམ” ཞེས་དང་། “སྲིད་འཛིན་ཧུའུ་ཅིན་ཐའོ་ལགས། ཁྱོད་ཀྱིས་འགྲོ་བ་མིའི་ཐོབ་ཐང་གི་བྱུང་འཕེལ་ལ་ཇི་ལྟར་ངོས་འཛིན་དང་འགྲེལ་བཤད་རྒྱག་རྒྱུ་ཡིན་ནམ” ཞེས་དྲིས་པའི་ལན་དུ་ཨོ་བྷ་མས། རྒྱ་ནག་གི་ཆབ་སྲིད་ངོ་བོ་དེ་ཨ་རི་དང་མི་འདྲ་ཞིང་། སྤྱི་ཚོགས་འཕེལ་རྒྱས་ཀྱི་གནས་བབ་ཀྱང་མི་འདྲ་བ་གཉིས་རེད། ད་དུང་རྒྱལ་ཁབ་གཉིས་ཀྱི་རིག་གནས་ལོ་རྒྱུས་ཀྱང་མི་འདྲ། འོན་ཀྱང་ཨ་རིའི་ངོས་ནས་སྨྲ་བརྗོད་རང་དབང་དང་། འདུ་འཛོམ་རང་དབང་། མཉམ་འབྲེལ་རང་དབང་བཅས་ལ་ཧ་ཅང་གཙིགས་འཛིན་བྱེད་ཀྱི་ཡོད་པར་མ་ཟད། རང་དབང་དེ་དག་ནི་རྒྱལ་ཁབ་སོ་སོའི་རིག་གནས་ཀྱི་ངོ་བོ་ལས་ཆེས་ཆེར་བརྒལ་ཡོད་སྟབས། ངས་ཧུའུ་ཅིན་ཐའོ་དང་ཐུག་འཕྲད་ཀྱི་སྐབས་སུའང་གནད་དོན་དེའི་ཐད་གླེང་མོལ་བྱས་ཡོད་ལ། འགྲོ་བ་མིའི་ཐོབ་ཐང་གནད་དོན་ཐོག་མུ་མཐུད་གྲོས་མོལ་གནང་རྒྱུར་ཧུའུ་ཡིས་ཀྱང་མོས་མཐུན་གནང་ཡོད། ཨ་རྒྱ་གཉིས་བར་འབྲེལ་བ་བྱུང་བ་ནས་ད་ལྟའི་བར་རྒྱ་ནག་ལ་འགྱུར་བ་བྱུང་ཡོད། ཅེས་ལན་འདེབས་བྱས་འདུག
ཨ་རིའི་དཔོན་རིགས་ཚོས་གསར་ལམ་ཁག་ཏུ་བརྗོད་པ་ལྟར་ན། ཁོ་ཚོས་འབད་བརྩོན་ལ་བརྟེན་ཏེ་ཐེངས་འདིར་ཧུའུ་ཅིན་ཐའོ་ཡིས་ཨ་རིར་འཚམས་འདྲིའི་སྐབས། ཡོངས་ཁྱབ་ཀྱི་སྒོ་ནས་ཨ་རིའི་གསར་འགོད་པའི་དྲི་བ་གཉིས་དང་རྒྱ་ནག་གི་གསར་འགོད་པའི་དྲི་བ་གཉིས་བཅས་ལ་ལན་འདེབས་བྱ་རྒྱུ་མོས་མཐུན་བྱུང་བ་ཞིག་ཡིན་སྐོར་དང་། ཧུའུ་ཅིན་ཐའོ་ཡི་ཡོངས་ཁྱབ་གསལ་བསྒྲགས་དེ་ནི་སྔར་ནས་གྲ་སྒྲིག་ཡོད་པའི་ཡིག་ཐོག་གཏམ་བཤད་ཡིན་སྐོར་བརྗོད་འདུག་ལ། ད་དུང་། མིང་འདོན་འདོད་མེད་པའི་ཨ་རིའི་དཔོན་རིགས་ཤིག་གིས། ཐེངས་འདིར་སྲིད་འཛིན་ཨོ་བྷ་མས་ཧུའུ་ཅིན་ཐའོ་ལ་ཐད་ཀར་སྐུ་ཞབས་ལིག་ཞོ་པའོ་ཡི་གནད་དོན་སྐོར་གླེང་སློང་བྱས་ཡོད་ཚུལ་བརྗོད་འདུག
གསར་འགོད་པ། ཚེ་རིང་རྒྱལ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཕོ་བྲང་དཀར་པོའི་དཔོན་རིགས་ཤིག་གིས་བཤད་པ་ལྟར་ན། ཕོ་བྲང་ཤར་ཕྱོགས་ཚོགས་ཁང་ནང་གསར་འགོད་གསལ་བསྒྲགས་ཚར་ཏེ་ཕྱིར་ལོག་རྗེས། ཧོ་ཅིན་ཐའོ་ཡིས་ཨོ་བྷ་མར་རྒྱ་ནང་དམངས་གཙོ་བཅོས་བསྒྱུར་ཐད་ད་དུང་ལས་དོན་མང་པོ་ཞིག་ཡར་རྒྱས་སུ་གཏོང་དགོས་མོད། ཁོས་ཕྱིའི་རྒྱལ་ཁབ་ནས་དེ་ལྟར་བསྒྲགས་ན་ཁེན་ཚ་བོ་ཞིག་འདུག་ཅེས་བརྗོད་སོང་ཟེར། ད་དུང་ཉིན་དེར། རྒྱ་ནག་སི་སི་ཌིས་ཝེ་བརྙན་འཕྲིན་གྱི་སྐར་མ་༣༠ རིང་གི་གསར་འགྱུར་མཉམ་བསྒྲགས་ལེ་ཚན་ནང། སྐར་མ་ ༢༦ རིང་ཧོ་ཅིན་ཐའོ་དང་སྲིད་འཛིན་ཨོ་བྷ་མའི་གྲོས་མོལ་དང་གསར་འགོད་གསལ་བསྒྲགས་སྐོར་བསྟན་ཡོད་པ་རེད། ཡིན་ནའང་། ཧོ་ཅིན་ཐའོ་ཡིས་འགྲོ་བ་མིའི་ཐོབ་ཐང་སྐོར་གྱི་ལན་འདེབས་དང་། དེ་བཞིན་འགྲོ་བ་མིའི་ཐོབ་ཐང་དང་འབྲེལ་བའི་སྲིད་འཛིན་ཨོ་བྷ་མའི་གཏམ་བཤད་སོགས་ཚིག་གཅིག་ཀྱང་གླེང་མེད་པ་རེད། ད་དུང་། ཧོ་ཡིས་འགྲོ་བ་མིའི་ཐོབ་ཐང་སྐོར་ལ་ཐད་ཀར་ལན་འདེབས་མ་བྱས་པར། རྗེས་ནས་བསྐྱར་འདེབས་བྱེད་དུས་ཡིག་ཐོག་ལ་བལྟས་ཏེ་ལན་འདེབས་བྱས་ཡོད་པ་དང་། ཧོ་ཁོ་རང་གི་ངོ་མདངས་ཡང་འགྱུར་ཡོད་པ་རེད། ཐེངས་ཧོ་ཡི་བྱ་སྤྱོད་འདི་དག་གིས་རྒྱ་ནག་གི་སྲིད་སྟེགས་སུ་ཧོ་ལ་དབང་ཤུགས་ག་ཚོད་ཅིག་ལྷག་ཡོད་མེད་མཐོང་ཐུབ་པ་མ་ཡིན་ནམ།
སྐབས་འདིར་སྲིད་འཛིན་ཧའུ་ཇིན་ཐའོ་ཡིས་ཁྲིམས་སྲིད་དམངས་གཙོའི་ལམ་སྲོལ་གསར་བཏོད་བྱ་རྒྱུ་ཡིན་སྐོར་བཤད་པ་དེ་སྐད་ཆ་གསར་པ་ཞིག་དང།་
འཛམ་གླིང་མི་མང་ལ་མགོ་སྐོར་གཏོང་རྒྱུའི་གཡུ་བྱུས་བའི་གཏམ་ཞིག་ལས་མ་འདས།་
སྔར་མེད་པའི་ཁྲིམས་སྲིད་དམངས་གཙོའི་ལམ་སྲོལ་ཟེར་བ་གང་ཡིན།
ལམ་སྲོལ་དེ་སུས་གསར་བཏོད་བྱས་པ་རེད།
འཛམ་གླིང་འདིའི་ནང་རྒྱལ་ཁབ་སུས་ལག་བསྟར་བྱེད་ཀྱི་ཡོད།
འོ་མ་རྒྱ་རྒན་འདི་ཚོས་ཁ་སྟོང་ནང་གོ་ཚིག་སྟོང་དང།་
ཚིག་གི་མེ་ཏོག་དང་དོན་གྱི་ཆུ་རྐྱང་ཁོ་ན་བཤད་ཀྱི་འདུག་
ང་ཚོ་ནམ་ཡང་མགོ་སྐོར་ཐེབས་མི་ཉེན་གི
ཅི་བཤད་ལ་མ་བལྟ། ཅི་ལས་ལ་ལྟོས།་ཞེས་པ་འདི་རང་ལ་བཤད་བསྡད་པ་ཞིག་ཡིན་མི་སྲིད་དོ།།།།
1.རྒྱ་དཔོན་ཧུའུ་ཡིས་འགོ་ཁྲིད་པའི་རྒྱ་ནག་དམར་ཕྱོགས་པའི་སྲིད་གཞུང་གིས་ཁ་ནས་མི་རིགས་མཐུན་སྒྲིལ་གླེང་བཞིན་དོན་དུ་མི་རིགས་དབྱེ་འབྱེད་ཀྱི་ཐོག་ནས་བོད་མི་རིགས་རྩ་མེད་བཟོ་ཐབས་བྱེད་བཞིན་ཡོད།
2.ཁ་ནས་ས་གནས་རང་སྐྱོང་གི་བཅའ་ཁྲིམས་སུ་གསལ་བ་ལྟར་གྲངས་ཉུང་མི་རིགས་ཀྱི་རིག་གནས་ཡར་རྒྱས་གཏོང་དགོས་བཤད་བཞིན་དོན་ཐོག་ཏུ་གྲངས་ཉུང་མི་རིགས་ཀྱི་ཤེས་ཡོན་ཅན་དང་དགེ་རྒན་རྩོམ་པ་པོ་བཅས་སུ་ཉེས་མེད་བཙོན་འཇུག་དང་སྲོག་ཁྲིམས་བཅད་དང་གཅོད་བཞིན་པ་རེད།
3.ཁ་ནས་ས་གནས་རང་སྐྱོང་གི་ཁྲིམས་ལུགས་ལྟར་གྲངས་ཉུང་མི་རིགས་ཀྱི་སྐད་ཡིག་ཡར་རྒྱས་དང་བེད་སྤྱོད་གཏོང་དགོས་ཟེར་ཞོར་དོན་དངོས་ཐོག་ཏུ་གྲངས་ཉུང་མི་རིགས་ཀྱི་སྐད་ཡིག་རྩ་མེད་གཏོང་ཐབས་བྱེད་ཀྱི་ཡོད།
4.ཁ་ནས་ས་གནས་རང་སྐྱོང་གི་ཁྲིམས་ལུགས་སུ་གསལ་བ་ལྟར་གྲངས་ཉུང་མི་རིགས་ཀྱི་དཔལ་འབྱོར་ཡར་རྒྱས་གཏོང་དགོས་ཞེས་ལབ་ཀྱི་ཡོད་ཀྱང་དོན་དངོས་ཐོག་ཏུ་བོད་གྲངས་ཉུང་མི་རིགས་ཀྱི་འཚོ་བ་རང་སྐྱོང་ཐུབ་མཁན་འབྲོག་པ་ཚོའི་འཚོ་རྟེན་རྩ་མེད་གཏོང་བཞིན་ཡོད།
ཁ་བཤད་ལག་ལེན་མེད་པའི་རྒྱ་ནག་འདིར།
གྲངས་ཉུང་མི་རིགས་བསད་པའི་ཤན་པ་རེད།
རྒྱུ་ནོར་ཧམ་འཕྲོག་བྱེད་མཁན་ཇག་པ་རེད།
མི་རིགས་ཉམ་ཐག་སྟོང་གི་གཉའ་གནོན་རེད།
དགྲ་ངོ་ཤེས་པ་བྱོས། བོད་མི་ཚོ། རྒྱ་རྐུབ་མ་ལྡག རྒྱ་མི་ཚོས་དགའ་ས་བོད་མི་མ་རེད། བོད་མིའི་རྒྱུ་ནོར་རེད། རྒྱ་མི་ཚོས་དད་ས་༧གོང་མཆོག་མ་རེད། མའོ་རེད།
ཐེངས་འདིར་རྒྱ་ནག་གི་སྲིད་འཇིན་གྱིས་འགྲོ་བ་མིའི་ཐོབ་ཐང་ཡར་རྒྱས་གཏོང་རྒྱུ་ཡིན་སྐོར་ལ་ཁས་ལེན་འདྲ་ཞིག་བྱས་ཚུལ་འདུག སྐབས་འདིར་སྲིད་འཛིན་ནག་པོ་ཆེན་པོས་ཀྱང་ཏཱ་ལའི་བླ་མའི་སྐུ་ཚབ་ལ་འབྲེལ་བ་བྱེད་དགོས་པའི་སྐད་ཆ་འདྲ་ཞིག་བཤད་ཚུལ་ཞིག་ཤོད་ཀྱིན་འདུག ཡག་པོ་རེད
ཨ་རིའི་སྟག་ཤར་ཨོ་པ་མས། རྒྱ་ནག་རྒྱ་རྒན་ཧུའུ་ལགས་ལ།
ཆེ་བའི་གཟི་བརྗིད་ངོམ་ཚུལ་འདི། དོན་གྱི་དཔའ་རྒོད་རང་མདངས་ལགས།
སྲིད་དོན་ཟློས་གར་སྨུག་ལུང་དུ། ཟུར་ཟའི་མདའ་མོ་འཕེན་ཚུལ་འདིས།
མ་བསམ་ས་ནས་རི་སྤྱང་གི མཇུག་མ་བཅད་པ་ཅིས་མི་མཚར།
གཅིག་ནས་བོད་ནི་རྒྱ་ཁོངས་དང་། གཉིས་ནས་བོད་དོན་ཐག་གཅོད་ཀྱི།
ཐབས་མཁས་དབུ་མའི་གསུང་འདི་འདྲ། ཀུན་ཕན་ཞི་བདེའི་སྨན་མཆོག་ཉིད།
༸གོང་ས་མཆོག་གི་བཀའ་དགོངས་དང། སྲིད་འཛིན་ཁྱེད་ཀྱི་ཕྱག་ལས་དག
གཅིག་ཕན་གཅིག་གྲོགས་ཞི་བདེ་ཡི། ལམ་བཟང་ཉིད་དུ་ངེས་པ་རྙེད།
ཨ་རི་ཤོག་བུའི་སྟག་ཡིན་ན། སྟག་ཤར་འདི་འདྲ་ག་ལ་སྐྱེ།
རྒྱ་ནག་རྒྱ་མཚོའི་ཆུ་སྲིན་ཡང། འདི་ཡི་མདུན་ན་བེམ་པོ་བཞིན།
རྒྱལ་ཁབ་གཞན་དང་གཞན་དག་གི གཙོ་འཛིན་ཆེ་དྲག་གང་དག་གིས།
འདི་ལྟར་དྲང་བདེན་སྐྱོང་རྒྱུ་ན། འཛམ་གླིང་ཞི་བདེ་ཉིན་ཤས་ཙམ།།
བོད་ཀྱི་གཞོན་ནུ་ལྷན་ཚོགས་ཀྱི་གཙོས་གཞུང་སྒེར་གྱི་ཚོགས་པ་ཅི་འདྲ་ཞིག་ཡིན་ཡང་རང་གི་བྱས་པའམ་རྒྱ་ནག་གི་དབུ་ཁྲིད་ཚོར་ངོ་རྒོལ་སྐད་འབོད་བྱས་རབས་ཤིག་གསར་འགྱུར་ཁག་ཏུ་ཐོན་པ་ན། ཚོགས་པ་སོ་སོའི་ཅི་འདྲ་འཇོན་རབས་དང་ཅི་འདྲའི་བྱས་པ་ཆེ་རབས་ཀྱི་གཏམ་རྫིག་པོ་རེ་སྤེལ་གསོལ་ཡོད་པ་དེ་བས། བོད་ནང་དང་ལྷག་པར་ས་ཆ་གང་སར་ཡོད་པའི་རྒྱ་རིགས་རྣམས་ཀྱིས་ཆབ་སྲིད་ཐོག་བཟུང་བའི་དྭོགས་པ་སེལ་རྒྱུ་དེ་ཧ་ཅང་གལ་ཆེའོ།།
མི་མང་པོ་ཞིག་གིས་རྒྱལ་ཁབ་གཉིས་ཀྱི་དབུ་ཁྲིད་ཐུག་འཕྲད་བྱུང་སྐབས་ཨ་རིའི་དབུ་ཁྲིད་ཀྱིས་འགྲོ་བ་མིའི་ཐོབ་ཐང་སྣ་ཚོགས་དང་ལྷག་པར་བོད་ཀྱི་གནད་དོན་ཐད་ནས་རྒྱ་ནག་གི་སྲིད་འཛིན་ཁ་སྐྱེངས་པ་ཞིག་གམ་གང་ལྟར་སྟབས་མི་བདེ་བ་ཞིག་བཟོ་རྒྱུའི་རེ་བ་མང་དུ་བཅངས། ཡིན་ན་ཡང་དཔོན་པོ་གཉིས་ཀྱི་ལྕེ་རྩེ་ན་བོད་ནི་སྔར་མུས་བཞིན་ཁ་ཡི་མེ་ཏོག་ཙམ་དུ་ལྷག་ཡོད་པས་བོད་དོན་རྒྱབ་སྐྱོར་བ་དང་ལྷག་པར་བོད་མི་རྣམས་ཀྱིས་དཔོན་པོ་དེའི་ཚོའི་ཁ་སྟོང་ནང་གི་ཚིག་སྟོང་ལ་རེ་བ་རྒྱག་མི་ཉན། དེ་བས་རང་རེའི་དབུ་ཁྲིད་ཀྱི་བཀའ་གསུང་དང་སྲིད་ཇུས་བཞིན་རྒྱ་ནག་གི་མི་དཀྱུས་མ་ཚུན་ཆད་ནས་བོད་རྒྱའི་གནད་དོན་ཐད་ཕན་ཚུན་དྭོགས་སེལ་དང་གུ་ཡངས་པོའི་ལམ་བུ་ཞིག་རེག་ཐབས་ལ་འབད་འབུངས་བྱེད་རྒྱུ་འདི་མ་འོངས་པའི་བོད་རྒྱའི་གནད་དོན་ཡག་ས་ནས་སེལ་བའི་ལྡེ་མིག་ཡིན།
རྒྱ་གཞུང་གིས། འུ་ཐུག་ཐབས་ཟད། ཚིག་གྲུབ་དེ་ནི། ༼ཕན་ཚུན་གྱི་ནང་སྲིད་ལ་ཐེ་ཇུས་མི་བྱེད་པ་་་༽འདི་མ་ཎི་འདོན་འདོན་བྱ་རྒྱུ་ལས་ལྷག་མི་འདུག མ་རབས་པ་ལ་ཨང་།