མཚམས་རེར་དྲན་པའི་འགོ་སྔ་བཤད་མི་ཤེས།།
སྐྱོ་བའི་རི་མོ་པུར་རྩེ་གང་དུ་མེད།།
འདི་ཕྱིའི་བར་གྱི་འདང་བརྩེ་ཟབ་མོ་ནི།།
ནམ་ཡང་བརྗེད་དུ་མེད་པར་ཁྱེད་ལ་སྤྲིངས།།
གནམ་དང་སྤྲིན་པའི་བར་ནས་ཁྱེད་ལ་བོས།།
ས་དང་རྩི་ཤིང་ཁྲོད་ནས་ཁྱེད་ལ་བལྟས།།
གླུ་དང་རོལ་དབྱངས་གསེང་ནས་ཁྱེད་ལ་ཉན།།
ལྷིང་འཇག་སྐར་ཚོགས་ཤིག་གི་འདར་ཞིག་བསླེངས།།
མི་སེམས་ཤ་ཡི་གྲུབ་པ་བདེན་དུ་འཆི།།
ཤ་འདི་སྙི་ཞིང་སྲ་བའི་བར་རོལ་ན།།
གཅིག་ལ་སྙི་ཞིང་གཅིག་ལ་་སྲ་བ་འདིས།།
མི་སེམས་ཁྲིམས་ལ་བཅུགས་པའི་གནད་འདི་བྱུང་།།
རི་བོ་སྟོང་ཕྲག་མང་བོའི་ཕར་ཚུར་དུ།།
སྐད་ཆ་ཡག་ཉེས་ཁྲི་ཡི་འཇིག་རྟེན་ནས།།
དཀྲོགས་གཏམ་རླུང་ཁར་འཁུར་བའི་སྔ་གཞུག་ན།།
གཅིག་གི་དྲན་པ་བཟི་ནས་ཡོད་འདི་སྡུག།
སེམས་དང་བསམ་པའི་སྐད་ཆ་མང་བོ་ཞིག།
ཁྱེད་ཀྱི་བྲང་ཁར་ལག་པ་འཇོག་ཞོར་དུ།།
ཡུན་རིང་སྤས་པའི་སེམས་ཀྱི་སྡུག་བསྔལ་དག།
ཞིབ་མོར་ཐེངས་ཤིག་བཤད་ཉིན་འགྲུབ་པ་ཡིན།།
ཚེ་ཡི་རྒྱུན་ཐག་རྟ་སྔ་འདྲ་བོ་འདི།།
འཆི་བདག་སྤུ་གྲིའི་ནམ་གཅོད་སུ་ཡིས་ཤེས།།
སྐྱེ་མཐར་འཆི་བ་འགྱོད་པ་གཏན་མེད་ཀྱང་།།
ཐེངས་ཤིག་མ་འཕྲད་ཤི་དུས་ཅུང་རེ་འགྱོད།།
སྤྱིར་ན་འགོ་ནག་གཞན་ལྟར་ཧམ་སེམས་མེད།།
ཞེན་ཆགས་ལྕི་མོས་ཀུན་ལ་རྔམ་འདོད་མེད།།
སྙིང་གི་བཞག་པའི་སྐད་ཆ་དྲོན་མོ་དག།
བཤད་སར་མ་འཕྲོད་བཏང་ན་ཞེན་རེ་འདུག།
དམིགས་བསལ་གྱིས་བསེ་རུ་ལགས་ཀྱི་ལྷག་བསམ་དང་། གཞན་དག་གི་སྐད་ཆ་བཅས་སེམས་སུ་བཟུང་ཡོད། དུས་ཚོད་ཡོད་དུས་ཤིག་ལ་སློབ་ཚན་དེ་རང་གི་ཤུ་རེ་བྱེད་ཆོག་ལགས།
མཁས་མཛངས་དང་ཡོན་ཏན་གང་ས་ཅི་ཐད་ནས་ཆ་རྐྱེན་ལེགས་ཤོས་ཀྱི་མཁས་དབང་བློ་བཟང་སེངྒེ་ཉིད་བོད་རྒྱལ་ཁབ་ཆེན་པོའི་བཀའ་ཁྲི་ཡི་གསེར་འཁྲི་མཐོན་པོར་མངལ་གསོལ་གཟེང་སྟོད་ཐུབ་པའི་སྨོན་འདུན་ཞུ།།།
ཨ་རོགས། ཁྱོད་འདི་ལྟར་འཆི་མི་ཉན་ཁོ་ཐག་རེད། སྡུག་གཏམ་ལུང་བ་གང་བྲིས་འདུག་ག སྙན་ངག་ཇེ་ཡག་ལ་འགྲོ་གི་འདུག་ཀྱང༌། སེམས་པ་ཇེ་སྐྱོ་ལ་འགྲོ་གི་ཡོད་པ་འདྲ།
མགོ་སྔ་ཡང་མིན་པ་འདྲ།་ མགོ་རྔ་ཡིན་ས་རེད།
རྟ་སྔ་ཡང་རྟ་རྔ་རེད། ཞེན་རེ་འདུག་ཟེར་བ་འདི་ཞེ་རེ་སྡུག་ཡིན་པ་འདྲ།
དྲ་གྲོགས་ལགས་ཁྱེད་ཀྱིས་ང་ཚོ་ལ་ནང་ལས་བསྐུར་བ་ཐུགས་རྗེ་ཆེ།
ངའི་དྲ་གྲོགས་ལགས་སུ་ནང་སྦྱོང་གི་ཚུལ་དུ་ཕུལ།
འགོ་སྔ། མགོ་སྔ།
པུར་རྩེ། པིར་རྩེ།
ལྷིང་འཇག ལྷིང་འཇགས།
ཤིག་གི། ཤིག་གིས།
བསླེངས། བསླངས།
ཤ་ཡི། ཤ་ཡིས།
འཆི། མཆིས།
བཅུགས། བཅུག
དཀྲོགས་གཏམ། དཀྲོག་གཏམ།
སྤུ་གྲིའི། སྤུ་གྲིས།
འགོ་ནག མགོ་ནག