ཕྱི་ཚེས་ ༡༣ ཉིན་ཇེ་ནི་ཝར་འགྲོ་བ་མིའི་ཐོབ་ཐང་ལྷན་ཚོགས་ཀྱི་སྒྲིག་གཞི་གཏན་འབེབས་ཚོགས་འདུ་ཚོགས་ཡོད་འདུག་ལ། དེར་རྒྱལ་ཚོགས་ཀྱིས་ཉིན་དེའི་ཆུ་ཚོད་ ༢༢ གྱི་སྔོན་ལ་འགྲོ་བ་མིའི་ཐོབ་ཐང་ཚོགས་པའི་ལག་སྟར་གྲོས་དོན་ཁག་གཏན་འབེབས་ཐུབ་བྱ་དགོས་པའི་བཀོལ་ཁྱབ་བཏང་ཡོད་པ་རེད། འོན་ཀྱང་ཚོགས་འདུའི་གྲོས་དོན་ཁག་ཅིག་ལ་རྒྱ་ནག་གི་འཐུས་མིས་ངོ་རྒོལ་བྱས་པར་བརྟེན། ཉིན་དེའི་སྔ་དྲོ་ཚོགས་འདུ་མུ་མཐུད་འགྲོ་མ་ཐུབ་པར་མཚམས་འཇོག་དགོས་བྱུང་ཡོད་འདུག
རྒྱལ་ཚོགས་ཀྱི་ཕྱི་འབྲེལ་བློན་ཆེན་གྱིས་བརྗོད་པ་ལྟར་ན། ཚོགས་འདུར་མཉམ་ཞུགས་གནང་མཁན་གྱི་རྒྱལ་ཁབ་ ༤༧ གྱིས་འགྲོ་བ་མིའི་ཐོབ་ཐང་རྡོག་རོལ་གནས་སྟངས་ཉམས་ཞིབ་པ་ ༡༢ ཙམ་རྩ་འཛུགས་བྱས་པའི་ཐད་བསམ་ཚུལ་འགལ་ཟླ་བྱུང་ཡོད་པ་དང་། རྒྱ་ནག་གིས་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་གཙོ་དང་མེག་སི་ཀོ་ཡི་མགྲིན་ཚབ་པས་བཏོན་པའི་གྲོས་དོན་ཁག་ལ་བཟོ་བཅོས་བྱ་དགོས་སྐོར་བརྗོད་ཡོད་འདུག ཡིན་ནའང་། འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་གཙོས་གྲོས་དོན་ཁག་ལ་བསྒྱུར་བཅོས་གཏོང་མི་དགོས་སྐོར་སྔར་ནས་གསལ་བསྒྲགས་བྱས་ཡོད་འདུག
ཚོགས་འདུའི་སྐབས་ཀྱི་རྩོད་གཞི་གཙོ་བོ་ནི། འགྲོ་བ་མིའི་ཐོབ་ཐང་ལྷན་ཚོགས་ཀྱི་གྲོས་དོན་ནང་། འོས་ཤོག་བརྒྱ་ཆ་ ༥༠ ལས་མང་བ་ཐོབ་ཚེ་གྲོས་དོན་ཁག་ལག་བྱ་རྒྱུ་ཡིན་པ་གཏན་ཁེལ་བྱས་ཡོད་ཀྱང་། རྒྱ་ནག་གིས་འོས་ཐོབ་ཀྱི་གྲངས་ཚད་སུམ་ཆ་གཉིས་ལས་མང་བར་བསྐྱར་བཅོས་བྱ་དགོས་སྐོར་བརྗོད་ཡོད་འདུག
གསར་འགོད་པ། ཚེ་རིང་རྒྱལ།
ཝ་རྒྱལ་ཝ་ལ་སྡང་བའི་རྒྱ་ནག་དཔོན་རིགས་ཀྱི་ཕོ་རོགས་དཀར་པོ་ཐོན་པའི་རྒྱ་མའི་བླུན་པོའི་འཐུས་མི་ཚོས་རང་གཤིས་ངན་པ་སྟོན་པར་འཛམ་གླིང་སྣོད་བཅུད་ཡོངས་ནས་བགད་མོ་ཤོར་བའི་གནས་སུ་འགྱར་བ་ངའི་བློ་ལ་དགའ་སེམས་ཆར་སོང་།
ཡག་པོ་ཞེ་དྲག་བྱུང་འདུག། མ་འོངས་པ་ཡང་རྒྱ་ནག་གིས་འོས་ཐོབ་ཀྱི་གྲངས་ཚད་སུམ་ཆ་གཅིག་ཙམ་ཡང་ཟིན་རྒྱུ་མ་རེད།
ཡག་པོ་རེད།
དངོས་གནས་རེད། རྒྱ་ནག་གི་སྡུག་རྩུབ་ལ་འོག་ལ་ཡོད་པའི་མི་རིགས་དེ་དག་བདེ་སྐྱིད་ཀྱི་ཉི་མ་ཞིག་འཆར་གི་རེད།
དཔེ་ཡག་པོ་བྱུང་འདུག་གང་ཞེ་ན་དམངས་གཙོ་འཕེལ་རྒྱས་ཡག་པོ་ཡོངས
བའི་རྟགས་ཡིན་པ་རེད་