རང་ལོ་ ༢༠ ཡིན་པའི་མདོ་སྨད་རྔ་བ་ཀིརྟི་དགོན་གྱི་གྲྭ་ཕུན་ཚོགས་ལགས་ཀྱིས། རྒྱ་གཞུང་གིས་བོད་མིར་དྲག་གནོད་དང་འགྲོ་བ་མིའི་ཐོབ་ཐང་སྤྲོད་ཀྱི་མེད་པར་ངོ་རྒོལ་གྱིས་རང་ལུས་མེ་རུ་སྒྲོན་ཏེ། བོད་རྒྱལ་ཁབ་དང་མི་རིགས་ཀྱི་རྩ་དོན་ཆེད་སྐུ་སྲོག་བློས་གཏོང་གནང་འདུག
ཁ་སང་ཕྱི་དྲོའི་བོད་ནང་གི་ཆུ་ཚོད་༤ ཡས་མས་ཙམ་ལ་བོད་མདོ་སྨད་རྔ་པ་རྫོང་རྨེའུ་རུ་མ་ནས་ཡིན་ཞིང་། ད་ལྟ་རྔ་པ་ཀིརྟི་དགོན་དུ་ཡོད་པའི་གྲྭ་ཕུན་ཚོགས་ཀྱིས་ཀིརྟི་དགོན་པའི་ཉེ་འདབས་ཀྱི་ཁྲོམ་གཞུང་ནས། བོད་ལ་འགྲོ་བ་མིའི་ཐོབ་ཐང་དགོས་ཞེས་འབོད་ཚིག་སྒྲོག་གིན་རང་ལུས་མེ་རུ་སྒྲོན་ཏེ། རྒྱ་ནག་གཞུང་ལ་ངོ་རྒོལ་སྐད་འབོད་བྱས་ཡོད་ཅིང་། ས་གནས་རྒྱ་ནག་ཉེན་རྟོག་པས་མེ་གསོད་ཁུལ་གྱིས་ཁོང་ལ་རྡུང་རྡེག་བཏང་སྟེ། མེ་གསོད་ཐུབ་ཙམ་བྱུང་རྗེས་ཉེན་རྟོག་པས་ཁོང་རླངས་འཁོར་ནང་བཅུགས་ཏེ་བཙན་འཁྲིད་བྱ་རྩིས་བྱས་པར། དེར་ཡོད་གྲྭ་བ་དང་མི་མང་གིས་སོ་སོའི་སྲོག་གཏོང་དགོས་ཀྱང་སྐུ་ལ་མེར་བསྲེགས་ཐེབས་ཏེ་འཚོ་གནས་ཐུབ་མིན་གྱི་བར་མཚམས་ན་ལྷག་ཡོད་པའི་གྲྭ་ཕུན་ཚོགས་ལགས་རྒྱ་ལག་ཏུ་གི་མིན་ཞེས་ཉེན་རྟོག་པའི་ལག་ནས་ཕྱིར་འཕྲོག་ཏེ་སྲུང་སྐྱོབ་བྱས་སྟབས། ཉེན་རྟོག་མི་སྣས་གྲྭ་པ་དང་མང་ཚོགས་ཚོར་བཅར་རྡུང་བྱས་ཏེ་མི་མང་པོར་རྨས་སྐྱོན་བཟོས་ཡོད་འདུག དོན་རྐྱེན་དེ་ཀིརྟི་དགོན་པས་གྲྭ་མང་གིས་ཐོས་ཏེ་ཤོར་ཡོང་སྐབས། དགོན་པའི་གླིང་མདུན་ནས་མང་ཚོགས་ཀྱིས་དགེ་འདུན་པ་མང་པོ་ཞིག་གི་ཚེ་སྲོག་ལ་ཉེན་ཁ་ཡོང་རྒྱུར་དོགས་ཏེ་གྲྭ་མང་ལ་ཞུ་བ་ཞུས་ཏེ་བཀག་ཡོད་འདུག
དེ་ནས་གྲྭ་ཕུན་ཚོགས་ལགས་ཐོག་མར་ཕྱིར་ཁོང་གི་གཟིམས་ཤག་ཏུ་ཁྱེར་རྗེས། རྫོང་ས་གནས་སྨན་ཁང་ཞིག་ཏུ་མྱུར་སྐྱོབ་བྱ་བར་ཁྱེར་ཡོད་ཅིང་། སྐབས་དེར་གྲྭ་བ་དང་མི་མང་ཆིག་སྟོང་༡༠༠༠ ལྷག་འདུ་འཛོམས་ཀྱིས། རྒྱ་གཞུང་ལ་ངོ་རྒོལ་སྐད་འབོད་ཐོག་དགོན་པའི་ཉེ་འདབས་ཀྱི་ཁྲོམ་གཞུང་ནས་གོམ་བཀྲོད་བྱས་ཏེ། སྤྱི་ལེ་ཕྱེད་ཀ་ཙམ་གྱི་རིང་འབྱོར་སྐབས་རྒྱ་ནག་གི་དྲག་ཆས་ཉེན་རྟོག་དམག་དཔུང་བསླེབས་ཏེ་ལྕགས་དབྱུག་གློག་རྒྱུག་སོགས་ཀྱིས་མང་ཚོགས་ལ་རྡུང་རྡེག་ཚ་ནན་བཏང་སྟེ་གོམ་བགྲོད་བྱེད་བཅུགས་མེད་པར་མ་ཟད། མི་མང་པོ་ཞིག་འཛིན་བཟུང་བཀག་ཉར་བྱས་ཡོད་འདུག
དེ་རྗེས་གྲྭ་པ་དང་མི་མང་མང་པོ་མཉམ་འཛོམས་ཐོག་འཛིན་བཟུང་བྱས་པ་རྣམས་གློད་གྲོལ་མ་བྱས་པར་ཕྱིར་མི་ལོག་ཅེས་བརྗོད་དེ། མ་ཎི་བགྲང་ཞིང་མཆོད་མེ་སྒྲོན་ནས་སྡོད་སྐབས། དགོན་པའི་ཆོས་ལུགས་དོ་དམ་ཁང་གི་འགན་འཛིན་དང་དགེ་སྐུལ་སོགས་ཡོང་སྟེ། ས་གནས་རྒྱ་གཞུང་ལ་འབྲེལ་བ་བྱས་ཏེ་དགེ་འདུན་པ་རྣམས་གློད་གྲོལ་གཏོང་རྒྱུ་བྱས་ཡོད་སྐོར་དང་། གྲྭ་པ་དང་མི་མང་རྣམས་ཡར་འགྲོ་རོགས་ཞེས་ནན་སྐུལ་བྱས་ཡོད་ཀྱང་། གྲྭ་པ་དང་མི་མང་དགོན་པའི་གླིང་དཀྱིལ་གྱི་འདུ་ཁང་མདུན་ཐང་དུ་འཛོམས་ནས་འཛིན་བཟུང་བྱས་པའི་གྲྭ་པ་རྣམས་གློད་གྲོལ་མ་བྱས་བར་ཕྱིར་མི་ལོག་ཟེར་ནས། བོད་ནང་གི་མཚན་མོའི་དུས་ཚོད་༡༡ ཡས་མས་བར་བསྡད་ཡོད་པ་དང་། སྐབས་དེར་དགོན་པའི་དགེ་འདུན་པ་བདུན་གློད་གྲོལ་བྱས་ཡོད་འདུག སྐབས་དེར་དགོན་པའི་ཆོས་ལུགས་དོ་དམ་ཁང་གི་འགན་འཛིན་དང་དགེ་སྐུལ་སོགས་འབྲེལ་ཡོད་ཉེན་རྟོག་ལས་ཁུངས་སུ་བཅར་ཏེ། ཀིརྟི་དགོན་པ་མིན་པའི་དགོན་པ་གཞན་ཁག་གི་གྲྭ་བ་འཛིན་བཟུང་བཀག་ཉར་བྱས་ཡོད་པ་རྣམས་ཀྱང་གློད་གྲོལ་གཏོང་དགོས་པའི་འབོད་སྐུལ་ཞུས་ཡོད་ཀྱང་། འབྲེལ་ཡོད་དགོན་པ་ཁག་གི་འགན་ལེན་མེད་པར་གཏོང་གི་མིན་ཚུལ་བརྗོད་ཡོད་འདུག
འདི་གའི་གསར་འགོད་པས་ད་ལྟའི་ཀིརྟི་དགོན་པའི་གནས་སྟངས་གང་འདྲ་ཆགས་ཡོད་མེད་སྐོར། ཀིརྟི་བྱེས་པ་གྲྭ་ཚང་གི་གྲྭ་བློ་བཟང་ཡེ་ཤེས་ལགས་ཀྱིས་བརྗོད་དོན། ཁ་སང་ཕྱི་དྲོའི་དོན་རྐྱེན་བྱུང་རྗེས་གྲྭ་ཕུན་ཚོགས་ལགས་སྨན་ཁང་དུ་བསྐྱལ་ཡོད་ཀྱང་། མྱུར་སྐྱོབ་བྱེད་མ་ཐུབ་པར་བོད་ནང་གི་དགོང་མོའི་དུས་ཚོད་ ༤ ཙམ་ལ་སྐུ་གྲོངས་ཡོད་པ་དང་། ད་ལྟ་དགོན་པར་དམག་མིས་དངོས་སུ་སྐོར་སྲུང་བྱས་མེད་ཀྱང་། ཉེ་འདབས་ཀྱི་གྲོང་སྡེ་ལམ་གཞུང་སོ་སོར་ཉེན་རྟོག་དམག་མི་ཤུགས་ཆེན་འགྲེམ་འཇོག་བྱས་ཏེ། ད་ཆར་ནང་མི་ཕྱི་རུ་འགྲོ་སྐྱོད་དང་ཕྱི་མི་ནང་དུ་ཡོང་མི་ཆོག་པའི་དམ་དྲག་བྱས་འདུག ཅེས་བརྗོད་བྱུང་སོང་།
ཡང་དོན་རྐྱེན་འདིའི་ཐོག་མའི་རྒྱུ་རྐྱེན་ཐད་ལ་བརྗོད་དོན། སྤྱིར་བོད་རིགས་ཚང་མར་སྤྱི་མཚུངས་ཀྱི་དཀའ་ངལ་ཡོད་པ་ནི་རྒྱ་ནག་གི་དབང་སྒྱུར་འོག་འགྲོ་བ་མིའི་ཐོབ་ཐང་དང་སྐད་ཡིག་རང་དབང་། སྨྲ་བརྗོད་ཀྱི་རང་དབང་སོགས་མེད་པ་དེ་རེད། ལྷག་པར་དུ་ ༢༠༠༨ ལོའི་ཕྱི་ཟླ་ ༣ པའི་ཚེས་ ༡༦ ཉིན་རྔ་བ་ཁུལ་གྱི་ཞི་རྒོལ་ལ་རྒྱ་གཞུང་གིས་དྲག་གནོན་དང་དམར་གསོད་ཚབས་ཆེན་བྱས་ཡོད་པ་དེ་ནི། ད་ལྟ་སྐུ་སྲོག་བློས་གཏོང་མཛད་ཟིན་པའི་གྲྭ་ཕུན་ཚོགས་ལགས་གཙོས་ཡུལ་མི་ཀུན་གྱི་སེམས་ནང་གི་ན་ཚ་དང་སྡུག་བསྔལ་ཆགས་ཡོད་པ་རེད། དེ་བཞིན་ཉེ་ཆར་རྔ་བ་ཁུལ་གྱི་གྲྭ་པ་དང་མི་མང་ཚོས་རྒྱ་ལོའི་ལོ་སར་སྲུང་གཙི་མ་བྱས་པར་བོད་ཡོངས་ཀྱི་ལོ་སར་གཅིག་འགྱུར་ཡོང་རྒྱུར་འབད་པ་དང་། གསུམ་བཅུའི་དུས་དྲན་ཉིན་ས་གནས་ཁག་ཅིག་ཏུ་མར་མེ་ཁྲོམ་སྐོར་བྱས་པ་སོགས་ལ་བརྟེན། ཟླ་འདིའི་ཕྱི་ཚེས་ ༡༣ དང་ ༢༤ ནས་རྔ་བ་ཁུལ་དུ་རྒྱ་གཞུང་གིས་དམ་དྲག་ཤུགས་ཆེར་བྱས་ཡོད་པ་བཅས་ནི་ཐེངས་འདིའི་དོན་རྐྱེན་གྱི་རྒྱུ་རྐྱེན་ཞིག་ཆགས་ཡོད་པ་རེད་ཟེར།
གསར་འགོད་པ།བནྡེ་སྐྱབས།
![[1/4] A screen capture from video shows trekkers leaving their campsite, as unusually heavy snow and rainfall pummeled the Himalayas, in the Tibet Region, China, October 5, 2025. Geshuang Chen/Handout via REUTERS Purchase Licensing Rights](https://tibettimes.net/wp-content/uploads/2025/10/Untitled-3-360x180.jpg)
ཡ་ཡ་དྲ་འབུ་རིགས་བཟང་གིས་གཙོ་གྱུར་བའི་དེའི་རིགས་རྒྱུད་དག་ལ་ཞུ་རྒྱུར། ཁྱེད་ཚོས་རང་མགོ་གང་ཐོན་བྱོས་ལ་བདེ་སར་སྐྱིད་སར་ཞིག་ཚོལ་ཏེ་སྐྱིད་ལ་ཉོལ་ནས་བསྡོད།ཨེ་གོ་ཐ། ཁ་ལ་ཟ་རྒྱུ་ཞིག་འབུ་གྲོག་མ་ཡན་ནས་རག་ཡོད་པས་ཁྱེད་ཅག་ལ་དེའི་དཀའ་ངལ་སྤྲད་རྒྱུ་མ་རེད། ཕྱི་རོལ་གཅེར་བུ་བ་མ་གཏོགས་རྒྱབ་ལ་གྱོན་རྒྱུ་རེད་ཡོད་པས་ཁྱེད་ཅག་གཅེར་བུ་འདུག་དགོས་རྒྱུ་་མ་རེད་ཡ་ཨ་རོག་ཚོ་གོ་སོང་ངམ
རྒྱལ་གཅེས་དཔའ་བོ་ཕུན་ཚོགས་ལགས་ཀྱི་སྙིང་སྟོབས་ལ་གུས་བཀུར་བླ་མེད་ཞུ་རྒྱུ་དང་། ཁོང་གི་སྐུ་སྲོག་ཤོར་བར་མྱ་ངན་གུས་འདུད་ཞུ་རྒྱུ་ཡིན།
རང་སྲོག་མི་དགོས་པའི་མི་དེར་འགྲན་ཟླ་ཅང་མེད་པས། ལས་འགུལ་འདིར་ཞེད་སྣང་སྐྱེ་བ་ཞིག་རེད། ང་ཚོར་འདི་ལྟ་བུའི་རྒྱ་གཅེས་ཀྱི་བསམ་བློ་ཞིག་ནམ་འཁོར་ཐུབ་ན།???
ང་ཚོ་བོད་མི་རིགས་ཆེད་དུ་རང་ལུས་མེ་གསེགས་གཏང་བ་གྲྭ་ཕུན་ཚོགས་
ལགས་མྱ་ངན་ཚད་མེད་ཞུ་
བོད་མི་དམངས་དང་བོད་པའི་ཆོས་དང་རིག་གཞུང་གི་ཆེད་དུ་རང་ལུས་མེར་བསྲེགས་བཏང་བའི་བོད་ཀྱི་དཔའ་བོ་ཕུན་ཚོགས་ལགས་ལ་གུས་འདུན་དང་མཆོག་གསུམ་ལ་སྨོན་འདུན་ཞུ་རྒྱུ་དང་ཆབས་གཅིག་ནང་མི་ལ་མཛའ་བརྩེ་མཚམས་འདྲི་ཞུ་རྒྱུ་ཡིན།
མདོ་སྨད་རྔ་བ་ཀིརྟི་དགོན་གྱི་གྲྭ་ཕུན་ཚོགས་ལགས་ཀྱི་མཚན་སྙན་སྲིད་མཐར་བརྟན་འགྱུར་ཅིག དལ་འབྱོར་མི་ལུས་རྟེན་བཟང་བརྒྱུད་ནས། སངས་རྒྱས་མྱུར་དུ་ཐོབ་པའི་སྨོན་ལམ་ཞུ། །
2008ལོར་ནས་བཟུང་ཨ་མདོ་བས་ལྐུགས་རྟགས་སྟོན་ཡ་ཇེ་མང་ནས་ཇེ་མང་རེད།
བསམ་བློ་ཞིབ་ཏུ་གཏོང་རོགས་ལྐུགས་པ་ཚོ།
མདོ་སྨད་རྔ་བ་ཀིརྟི་དགོན་གྱི་རྒྱལ་གཅེས་སྐུ་གཤེགས་དཔའ་བོ་ཕུན་ཚོགས་མཆོག་ལ་སྙིང་ཁོང་རུས་པའི་སྟེང་ནས་མྱ་ངན་ཚད་མེད་ཞུ་རྒྱུ་དང་། ཁོང་གིས་བོད་བསྟན་སྲིད་མི་རིགས་ཀྱི་ཆེད་དུ་རང་སྲོག་བློས་བཏང་བའི་རྒྱལ་སྲས་ཀྱི་སྤྱོད་པ་རླབས་པོ་ཆེའི་མཐུ་ལ་བརྟེན་ནས་ཐར་བ་དམ་པའི་གྲོང་ཁྱེར་ལ་ལོངས་སྤྱོད་པའི་སྐལ་བ་དང་ལྡན་པ་དང་འཕགས་མཆོག་ཕྱག་ན་པདྨོའི་གསུང་གི་བདུད་རྩི་རྒྱུན་མི་འཆད་པར་མྱོང་བར་གྱུར་ཅིག །