དགའ་ལྡན་ཕོ་བྲང་བསྡུ་གསོག་རྒྱག་རྒྱུ་མ་རེད། དགའ་ལྡན་ཕོ་བྲང་ངོས་ཀྱི་བླ་བྲང་ཆགས་ཡོད། ངོས་བསྡད་པའི་རིང་བླ་བྲང་ཆུང་ཆུང་ཞིག་དགོས་ཀྱི་ཡོད། དེའི་སྟབས་ཀྱིས། དགའ་ལྡན་ཕོ་བྲང་མུ་མཐུད་གནས་ཀྱི་རེད། དགའ་ལྡན་ཕོ་བྲང་གི་ཆབ་སྲིད་འགན་དབང་དེ་བཞག་པ་རེད་མ་གཏོགས་དགའ་ལྡན་ཕོ་བྲང་ད་དུང་གནས་ཡོད། ཅེས་༧གོང་ས་མཆོག་གིས་གསུངས།
ཁ་སང་ཕྱི་ཚེས་ ༡༩ ཉིན་ཏེ་བོད་ལུགས་ཀྱི་ཆོ་འཁྲུལ་སྨོན་ལམ་ཆེན་མོའི་ཉིན། ༧གོང་ས་མཆོག་གིས་བཀའ་ཆོས་གྲུབ་རྗེས་མང་ཚོགས་ལ་དམིགས་བསལ་བཀའ་སློབ་ཞིག་གནང་ཡོད་ཅིང་། སྐབས་དེར་༧གོང་ས་མཆོག་གིས། བོད་པའི་ཁ་རྒྱུན་ལ་༧རྒྱལ་བ་རིན་པོ་ཆེས་མང་གཙོ་གསོལ་རས་གནང་བྱུང་ཞེས་ཤོད་ཀྱི་ཡོད་པ་ལྟར། ད་བར་དེ་འདྲ་བྱས་ནས་ཕྱིན་པ་རེད། ལོ་བཅུའི་གོང་ནས་ངོས་ནས་བཀའ་ཁྲིའི་མིང་བཏོན་ཏེ་བསྐོས་ན་འགྲིག་གི་མི་འདུག་ཅེས་བརྗོད་ཡོད།
བཀའ་ཁྲི་མི་མང་གིས་འོས་འདེམས་བྱས་ནས་ལོ་བཅུ་ཕྱིན་ཡོད་དུས། བཀའ་ཁྲི་འོས་བསྡུ་བྱས་པའི་ཉིན་ནས་༧རྒྱལ་བ་རིན་པོ་ཆེས་དགའ་ལྡན་ཕོ་བྲང་བླ་བྲང་གི་ལུགས་གཉིས་སྲིད་དབང་འཛིན་རྒྱུར་འགྱུར་བ་ཕྱིན་ཡོད། དེར་བརྟེན། ངོས་རང་ཕྱེད་རྒས་ཡོལ་ཡིན་ཞེས་ཤོད་ཀྱི་ཡོད། ལོ་བཅུ་ཕྱིན་པའི་རྗེས་སུ་དངོས་གནས་མང་གཙོ་མཚན་ཉིད་ཚང་བ་ཡོང་དགོས་པ་རེད། རྒྱལ་པོ་དང་བླ་ཆེན་གྱིས་སྲིད་དབང་འཛིན་རྒྱུ་དེ་དུས་ཚོད་རྙིང་པའི་སྐད་ཆ་ཞིག་ཆགས་ཡོད། ད་ལྟ་ང་ཚོ་འཛམ་གླིང་འགྲོ་སའི་ལམ་ཁ་དེར་འགྲོ་དགོས་ལ། མང་གཙོའི་ཐོག་འོས་བླུགས་ཏེ་འགྲོ་རྒྱུ་དེ་ལམ་ཁ་ཡག་ཤོས་རེད། ཅེས་གསུངས་སོང་།
ཡང་༧གོང་ས་མཆོག་གིས་རྒྱལ་དབང་སྐུ་ཕྲེང་རིམ་བྱོན་གྱིས་བོད་ཀྱི་བསྟན་སྲིད་ལ་ཕན་ཐོགས་བྱུང་ཡོད་སྐོར་ཐད། རྒྱལ་དབང་ལྔ་པ་ནས་བོད་ཀྱི་ཆོས་སྲིད་དབུ་ཁྲིད་གནང་ཡོད་པ་ལྟར། ངོས་རང་སྐྱེ་ཕྲེང་བཅུ་བཞི་པ་ཆགས་ཡོད་དུས། རྒྱལ་དབང་སྐུ་ཕྲེང་གཅིག་གིས་ཆོས་སྲིད་དབུ་ཁྲིད་ཕྱིར་བསྡུ་བྱས་ན་ཤིན་ཏུ་འོས་པ་རེད། དེ་ནི་མི་སུ་ཞིག་གིས་བྱ་ཐུབ་པ་ཞིག་མིན་པར་ངོས་ནས་ཐག་གཅོད་ཐུབ་པ་ཞིག་ཡིན་པས་ཐག་བཅད་པ་ཡིན། དེ་ངེས་པར་དུ་བསྒྱུར་བཅོས་གཏོང་དགོས་ཀྱི་འདུག་ལ། ད་ལྟ་བསྒྱུར་བཅོས་གཏོང་རྒྱུའི་དུས་ལ་སླེབས་པ་རེད།
འདིར་ཅུང་ཧམ་བཤད་བྱས་ན། ད་བར་༧རྒྱལ་བ་རིན་པོ་ཆེས་བྱས་རྗེས་གང་ཙམ་བཞག་ཡོད། གཙོ་ཆེ་ཤོས་གཞིས་ལུས་མི་མང་གིས་ངོས་ལ་ཡིད་ཆེས་བྱེད་ཀྱི་ཡོད། བཙན་བྱོལ་བོད་པ་ཚོས་ཀྱང་ཡིད་ཆེས་བྱེད་ཀྱི་ཡོད། དེ་བཞིན་འཛམ་གླིང་སྟེང་ཏཱ་ལའི་བླ་མ་ཞེས་བརྗོད་དུས་ཡིད་ཆེས་དང་ཆ་འཇོག་བྱེད་མཁན་ཧ་ཅང་མང་པོ་ཡོད། ༧རྒྱལ་དབང་ལྔ་པ་ནས་ཆོས་སྲིད་ཀྱི་དབུ་ཁྲིད་བྱས་ཏེ་ལོ་ ༤༠༠ ལྷག་ཕྱིན་པ་དེ་རྒྱལ་ཁའི་ངང་ནས་མཚམས་འཇོག་བྱ་རྒྱུ་བྱུང་ན་གཟི་བརྗིད་རེད། ཅེས་གསུངས།
ཡང་ཁོང་གིས་བགྲེས་ཡོལ་དུ་ཕེབས་ན་ཁེ་ཕན་ཡོད་སྐོར་གསུངས་དོན། འཛམ་གླིང་སྟེང་ང་ཚོར་རྒྱབ་སྐྱོར་བྱེད་མཁན་ཚོས་ཏཱ་ལའི་བླ་མ་ཁ་ཞེ་གཉིས་མེད་ཐོག་དམངས་གཙོ་མཚན་ཉིད་ཚང་བའི་ཐོག་ཕྱིན་སོང་ཞེས་བརྗོད་ན། འཛམ་གླིང་སྟེང་ཆ་འཇོག་ཡག་ཏུ་འགྲོ་ཐུབ་རྒྱུ་དང་རྒྱ་མི་ཡིན་ནའང་བོད་ལ་དཀའ་ངལ་གང་ཡང་མེད། དཀའ་ངལ་ཏཱ་ལའི་བླ་མ་རེད། ཏཱ་ལའི་བླ་མའི་ཐོབ་ཐང་སྐོར་རེད་ཟེར་བའི་སྐྱག་རྫུན་དེ་འཛམ་གླིང་ཐོག་གསལ་པོ་ཆགས་གི་རེད། ཅེས་དང་།
བགྲེས་ཡོལ་ཆ་ཚང་ཞུས་པ་དེ་སེམས་ཤུགས་ཆག་པ་མིན་སྐོར་ལ། ངོས་སེམས་ཤུགས་ཆགས་པ་དང་ངོས་ཀྱིས་བོད་སྤྱི་དོན་བློས་བཏང་བ་རྩ་བ་ནས་མིན། ངོས་ལ་ཆ་བཞག་ན་བོད་མི་ཞིག་དང་ཨ་མདོའི་ཡུལ་ནས་ཡོང་པའི་བོད་གངས་ཅན་པ་ཞིག་ཆགས་ཡོད་དུས། ངོས་རང་མ་འཆི་བར་འགན་དེ་ཡོད་པ་རེད། ད་ལྟ་ངོས་ཀྱི་གཟུགས་པོ་བདེ་པོ་ཡོད་སྐབས་ཁྱེད་ཚོས་འགན་ཆ་ཚང་འཁྱེར་དགོས། དམིགས་བསལ་དཀའ་ངལ་འཕྲད་དེ་མི་འགྲིག་པ་བྱུང་ན་ངོས་རང་འདིར་ཡོད་པ་རེད། ཅེས་དང་། དེ་ནི་ངོས་ཀྱི་བློས་བཏང་བ་མ་རེད་ལ་ངོས་རང་སེམས་ཤུགས་ཆག་སྟེ་བསྐྱུར་བའང་མ་རེད། ཅེས་ཞེས་གསུངས།
༧གོང་ས་མཆོག་གིས་སྲིད་ཀྱི་འགན་མི་བཞེས་ནའང་ཆོས་ཕྱོགས་ཀྱི་བླ་བྲང་ཆུང་ཆུང་ཞིག་དགོས་པའི་ཐད། དགའ་ལྡན་ཕོ་བྲང་བསྡུ་གསོག་རྒྱག་རྒྱུ་མ་རེད། དགའ་ལྡན་ཕོ་བྲང་ངོས་ཀྱི་བླ་བྲང་ཆགས་ཡོད། ངོས་བསྡད་པའི་རིང་བླ་བྲང་ཆུང་ཆུང་ཞིག་དགོས་ཀྱི་ཡོད། དེའི་སྟབས་ཀྱིས། དགའ་ལྡན་ཕོ་བྲང་མུ་མཐུད་གནས་ཀྱི་རེད། དགའ་ལྡན་ཕོ་བྲང་གི་ཆབ་སྲིད་འགན་དབང་དེ་བཞག་པ་རེད་མ་གཏོགས་དགའ་ལྡན་ཕོ་བྲང་གནས་ཡོད། ཅེས་དང་།
ད་ལྟ་བྲེལ་བ་གང་ཡང་ཡོད་མ་རེད། ལོ་ཉི་ཤུ་སུམ་ཅུའི་རྗེས་ངོས་ཀྱི་མི་ཚེའི་མཐར་བསླེབ་ཚེ། བོད་པ་གཙོས་པའི་༧རྒྱལ་དབང་སྐུ་ཕྲེང་དང་དམིགས་བསལ་འབྲེལ་བ་ཡོད་མཁན་གྱི་ནང་པའི་ཡུལ་གྲུ་ཁག་ཚོས་༧རྒྱལ་དབང་སྐུ་ཕྲེང་མུ་མཐུད་དགོས་ཀྱི་འདུག་བརྗོད་ན་དགའ་ལྡན་ཕོ་བྲང་མུ་མཐུད་གནས་ཀྱི་རེད་ལ། སྐུ་ཕྲེང་བཅོ་ལྔ་པ་དང་བཅུ་དྲུག་པ། བཅུ་བདུན་པ་སོགས་མུ་མཐུད་ནས་ཡོང་ཆོག་གི་རེད། ཅེས་བཀའ་བསྩལ་སོང་།
གྲོགས་པོ་རྣམ་པ་འདི་ནི་ང་ཚོ་ལ་ཆེས་ཐོབ་པར་དཀའ་བའི་གོ་སྐབས་ཞིག་རེད་།༧གོང་ས་མཆོག་ནམ་ཡང་ང་ཚོའིི་བླ་མ་རེད་ལ་ང་ཚོར་སྐུ་དྲིན་བཞལ་བར་དཀའ་བ་ཞིག་རེད་།འོན་ཀྱང་༧གོང་ས་མཆོག་གིས་ང་ཚོ་ལ་དམངས་གཙོ་གསོལ་རས་གནང་སོང་ཟེ་བ་དེ་ནི་ཅུང་མི་ལེགས་པ་ཞིག་རེད་གང་ཡིན་ཟེར་ན་དམངས་གཙོ་ནི་དུས་ཚོད་ཀྱིས་གནང་བ་ཞིག་རེད་།གལ་ཏེ་ཁྱིད་ཚོས་གསུངས་པ་ལྟར་ཡིན་ན་བོད་རྒྱལ་ཁབ་དེ་ཡང་༧གོང་ས་མཆོག་གིས་བོད་རིགས་མི་དམངས་ལ་གནང་བར་འགེྲལ་བརྗོད་བྱེད་དགོས་ངེས་རེད་།གང་ལྟར་ཡང་༧གོང་ས་མཆོག་གི་དགོངས་པ་སྟོང་ཟད་དུ་མི་འགྲོ་བ་ཞིག་ང་ཚོས་བྱེད་དགོས་པ་རེད།།།
དྲ་གྲོགས་ཚོགས་ང་ཚོས་༸གོང་ས་༸ཡིད་གཞིན་གྱི་ནོར་བུ་འགྲོ་བའི་མགོན་པོ་མཆོག་གི་གསུང་ལ་མངོན་པར་བསྟོད་ཀྱང་། ཁྱེད་ཀྱི་བཀའ་དྲིན་ནི་བོད་མི་རིགས་འདིས་ནམ་ཡང་གཞལ་ཐབས་བྲལ། ཁྱེད་ཀྱི་རླབས་ཆེ་བའི་དགོང་བཞི་འདི་ལ་གལ་ཏེ་གཟུགས་སུ་གྲུབ་ན་གནམ་ས་འདིའི་བར་ལ་ཤོང་མི་སྲིད། ཁྱེད་སྐུ་ཚེ་བརྟན་གྱུར་གཅིག། ངའི་སྙིང་གི་ཉི་མ། མུན་སེལ་གྱི་སྒྲོན་མེ། ཞེས་བསྟོད་བསྔག་དང་མཉམ་དུ་༸གོང་ས་མཆོག་ལ་བོད་གངས་ཅན་གྱི་ཆབ་སྲིད་ཀྱི་བདག་དབང་མ་བཞེས་ཀྱང་བླ་ན་མེད་པའི་དབུ་ཁྲིད་དུ་བཞུགས་རྒྱུའི་ལམ་སྲོད་ཡོད་དམ། གཞིས་བྱེས་ཀྱི་འབྲེལ་ལམ། འཕགས་པ་སྤྱན་རེས་གཟུགས་དང་བོད་གངས་ཅན་ལྗོངས་ཀྱི་འབྲེལ་ལམ། ད་ལྟའི་གཞིས་བྱེས་གཉིས་ཀྱི་སེམས་ཁམས་ཀྱི་གནས་བབ་གང་ལ་ལྟོས་ཀྱང་༸གོང་ས་མཆོག་བོད་ཀྱི་མི་སེར་དཀྱུས་མ་ཞིག་བྱས་ན་བློ་མི་བདེ་བ་ཞིག་མི་འདུག་གམ། ༸གོང་ས་མཆོག་གིས་ང་ཚོར་དམངས་གཙོ་ཡོང་རྫོགས་གནང་ཟིན་པ་རེད། མང་ཚོགས་ཀྱིས་༸གོང་ས་མཆོག་ལ་སྲིད་ཀྱི་བདག་དབང་དང་མ་འབྲེལ་བའི་གོ་ཐོབ་ཞིག་སྤྲོད་མི་དགོས་སམ།
ཡིད་གཞིན་གྱི་ནོར་བུ་འགྲོ་བའི་མགོན་པོ་ཁྱེད་ཀྱི་གསུང་ལ་མངོན་པར་བསྟོད་དོ། ཁྱེད་ཀྱི་བཀའ་དྲིན་ནི་བོད་མི་རིགས་འདིས་ནམ་ཡང་གཞལ་ཐབས་བྲལ། ཁྱེད་ཀྱི་རླབས་ཆེ་བའི་དགོང་བཞི་འདི་ལ་གལ་ཏེ་གཟུགས་སུ་གྲུབ་ན་གནམ་ས་འདིའི་བར་ལ་ཤོང་མི་སྲིད། ཁྱེད་སྐུ་ཚེ་བརྟན་གྱུར་གཅིག། ངའི་སྙིང་གི་ཉི་མ། མུན་སེལ་གྱི་སྒྲོན་མེ།
༧རྒྱལ་བ་ཡིད་བཞིན་ནོར་བུ་ཞེས་བོད་གཞིས་བྱེས་གཉིས་ཀྱིས་ཁོག་པའི་སྙིང་དང་དཔྲལ་བའི་མིག་ཏུ་བཀུར་བ་ནི་ནོར་མེད་འཁྲུལ་མེད་ལོས་ཡིན།
དགའ་ལྡན་ཕོ་བྲང་མཚམས་བཞག་པ་དང་། བོད་ཀྱི་རྒྱལ་དར་འགྲེལ་བཤད་བརྗེས་དེ་བོད་མང་གཙོ་མཚན་ཉིད་པ་ཞིག་གི་ཐོག་འགྲོ་ཐུབ་པ་དེ་བོད་མའི་གཟི་བརྗིད་དང་། གོང་ས་མཆོག་གི་བཀའ་དྲིན་རེད།
དགའ་ལྡན་ཕོ་དྲང་པས་ཆབ་སྲིད་ཀྱི་ནུས་པ་དེ། བོད་དམངས་གཙོར་ཞལ་འདེབས་དང་། དགའ་ལྡན་ཕོ་བྲང་ཙམ་སྟེ། རྒྱལ་བ་དགེ་འདུན་གྲུབ་ནས་སྐུ་ཕྲེང་བཞི་པའི་བར་གྱི་བླ་བྲང་དེ། སླར་གསོས་ཀྱིས། ༸གོང་ས་མཆོག་གི་བླ་བྲང་ལ་རྩི་བཀུར་དགོས་པ་གསུངས་པ་ཡིན་ནམ། དེ་ལྟར་ཡིན་ན། བླ་བྲང་བླ་ན་མེད་ཅིག་ལ་གོང་བཀུར་དགོས་པ་ནི། བོད་མི་རིགས་ཀྱི་ཁྱད་ཕན་གྱི་ཆེད་དུ་རེད་དོ། །
༧གོང་ས་མཆོག་གིས་བོད་པ་ཚོར་ཕ་ཤི་ན་བུ་ཡིས་འཛིན། ཞེས་པ་ལྟར་ད་ནས་བོད་པ་ཚོས་རང་འགོ་ཐོན་པ་ཞིག་ཁོང་སྐུ་འཚོ་ཞུགས་རང་བཟོ་འདོད་པ་དང་སྐབས་དེ་དུས་རྒྱ་གཞུང་གི་ཁ་ཐོག་དུ་མི་འགྲོ་པར་བོད་ཚོ་རྒྱའི་མདུན་དུ་གྲོང་ངེར་ལངས་ཐུབ་པ་ཞིག་བྱུང་ན་དགོངས་ནས་དེ་ལྟར་གསུངས། ཡིན་ནའང་བོད་པ་ཚོས་འཇོན་རྒྱུ་ཁེགས་པོ་དང་བསམ་ཤེས་རྒྱུ་མིན་པ་འདྲ། ང་ཁ་སང་ཁ་བརྡ་ལས་སྤྱི་འཐུས་ཚོས་བགྲོ་གླེང་གི་བརྙན་འཕྲིན་དེ་མཐོང་ནས་བློ་ཕམ་ཆེན་པོ་བྱུང་། དེར་ཁོང་ཚོས་བགྲོ་གླེང་ནི་ང་ཆེ་ཁྱོད་མཐོའི་ང་རྒྱལ་དང་ཁེངས་དྲེག་གིས་ཕྱོགས་རུས་འཐེན་འཁྱེར་རྐྱང་ལས་བགྲོ་གླེང་གི་ངོ་བོ་གང་ཡང་མི་འདུག
དངོས་གནས་ཡིད་སྐྱོ་པ་ཞིག་རེད་གལ་སྲིད་ཁོ་ཚོས་མི་འཇོན་ན་ལས་གནས་ནས་དགོངས་ཞུ་ཞུས་ན་ཡག་ཤོས་ཡིན་པ་འདྲ།
རྒྱལ་བ་དོན་གྱི་བདག་པོས་ད་རེས་གསར་བརྗེ་གནང་བའི་ལམ་བུ་འདིས་བོད་དོན་ཐད་གསོན་ཤུགས་གསར་བ་ཞིག་སྦྱིན་སོང་།
གཞུང་དང་མི་མང་གི་ངོས་ནས་ཨུ་ཚུགས་དང་། ནན་ཞུ་བྱེད་པ་ནི་༸གོང་ས་མཆོག་ལ་ཇི་ལྟ་བུའི་བརྩི་བཀུར་དང་ཡིད་ཆེས་མཚོན་པ་ལས་ཐལ་ཆ་ཅི་ཡང་མི་འདུག འོན་ཀྱང་རྒྱ་ནག་ཧ་ཅང་སྐྲག་ས་ནི། གང་གི་ཆ་ནས་བལྟས་ནའང་འདི་ལྟ་བུའི་གསར་བརྗེ་དང་། གོ་རྟོགས་ཀྱི་རིགས་ཡིན། ང་ཚོས་ངེས་པར་དུ་ལྷོད་ཡངས་མེད་པའི་སྒོ་ནས་༸གོང་ས་མཆོག་གི་བཀའ་བཞིན་དང་། རྡོག་རྩ་གཅིག་སྒྲིལ། དཀའ་ངལ་གདོང་ལེན་གྱིས་བོད་དོན་ལ་སྔར་ལས་ཚགས་ཚུད་བྱེད་དགོས།
༸ཐམས་ཅད་མཁྱེན་པའི་བཀའ་ནན་པོ་དང་རླབས་ཆེན་འདི་འདྲ་རེ་ཡང་དང་སྐྱར་དུ་ཕེབས་ཀྱང་རང་རེས་ཁ་ཁོག་མི་མཚུངས་པའི་ལས་ཀྱི་སྣེ་མོ་བ་རྣམས་ནས་སོ་སོས་མིང་དང་དབང་ཁོ་ན་སྲུང་བར་འབད་ནས་ཉི་མ་ཕུད་པར་མཐོང་ན་ཡིད་སྐྱོ་བ་ཞིག་རེད་འདུག།
ངོ་མ་ང་ཚོའི་སྤྱི་འཐུས་གོ་མེད་ཚོ་ལ་གོ་བ་ཞིག་མི་འདུག ཞེ་ས་མ་བྱས་ན་ ༸གོང་ས་མཆོག་ག་ཚོད་ཅིག་ཨར་ལ་གཏད་སོང་། ད་ནི་གཞིས་བྱེས་ལྷ་མི་ཡོངས་ཀྱིས་བཀའ་བཞིན་བསྒྲུབ་པའི་མཆོད་པས་མཉེས་པར་བྱེད་དགོས་ངེས་རེད། ང་ལ་མཚོན་ན་དགོངས་དོན་བཀའ་ལྟར་བསྒྲུག་རྒྱུར་འཐད་པ་ཡིན།