མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

བོད་གཞུང་མང་ཚོགས་ཆེན་ཐེངས་གཉིས་པར་ཕུལ་བའི་བསམ་འཆར་འགའ།

བོད་ཀྱི་དུས་བབ།
༢༠༡༡/༠༥/༡༢
Share on FacebookShare on TwitterShare on EmailShare on Whatsapp







བོད་མི་མང་སྤྱི་འཐུས་ཆབ་བྲག་ལྷ་མོ་སྐྱབས།

            ཚོགས་ཆེན་འདིའི་དམིགས་བསལ་འགན་འཁྲི་ནི་བཅའ་ཁྲིམས་བསྐྱར་བཅོས་ཐད་ལ་བསམ་ཞིབ་གནང་རྒྱུ་དེ་ལགས་པས། གུས་པས་འདིར་གནད་དོན་འགའ་ཞིག་ཐོག་བསམ་འཆར་འགའ་འདོན་དགོས་བྱུང།

            སྔོན་འགྲོའི་ཆ་རྐྱེན་གཅིག༽ ཐེངས་འདིའི་འགྱུར་བ་འདི་༸གོང་ས་མཆོག་གི་རླབས་ཆེན་དགོངས་གཞི་ལགས་ཤིང། འདིའི་ཐད་ལ་མི་དམངས་ཀྱིས་ད་དུང་ཡང་ངོས་འཛིན་ཡང་དག་ཐུབ་ཀྱིན་མེད་པས། ཚོགས་ཆེན་གྱི་ཉིན་དང་པོར་ངེས་པར་༸གོང་ས་མཆོག་སྤྱན་འདྲེན་གནང་ནས་བཀའ་སློབ་ཟབ་རྒྱས་ཤིག་གནང་ན་ཚོགས་འདུ་ལམ་ལྷོང་ཡོང་བར་ཕན་རླབས་ཆེ་ངེས།

            གཅིག༽ བཙན་བྱོལ་བོད་གཞུང་ཞེས་པ་བཙན་བྱོལ་བོད་མིའི་གཞུང་གི་སྒྲིག་འཛུགས་ཞེས་པར་མིང་བསྒྱུར་ཐད་ལ།

            ད་ལྟ་བར་བོད་གཞུང་ ཟེར་བ་དེ་བོད་མིའམ་བོད་མི་རིགས་ཀྱི་གཞུང་ལ་གོ་ཞིང་དེ་ཡང་དགའ་ལྡན་ཕོ་བྲང་བའི་གཞུང་ལ་གོ་དགོས། མདོར་ན་བོད་རྒྱལ་ཁབ་ཅེས་པའི་གོ་དོན་ཡོད། གཞུང་དེ་ཉིད་བཙན་བྱོལ་དུ་འབྱོར་བས་ན་བཙན་བྱོལ་བོད་གཞུང་ངོ།

            བཙན་བྱོལ་བོད་མིའི་གཞུང་གི་སྒྲིག་འཛུགས་ཞེས་པར་ཡང་ཕྱོགས་གཅིག་ནས་གོ་དོན་དེ་རང་འཇགས་ཡོད་པའི་བཟོ་ཞིག་དང། ཕྱོགས་གཅིག་ནས་བཙན་བྱོལ་ན་ཡོད་པའི་བོད་མི་ཚོའི་སྒྲིག་འཛུགས་ཙམ་ཞིག་ལའང་གོ་བས། ཆབ་སྲིད་ཀྱི་ཐ་སྙད་འདི་རིགས་ལ་ངེས་པར་གོ་དོན་ཐག་གཅོད་གཅིག་གྱུར་ཅིག་དགོས་ན་བཅའ་ཁྲིམས་བསྐྱར་བཅོས་ཟིན་བྲིས་ཚོགས་ཆུང་ནས་མཆན་འགོད་གནང་རོགས་ཞུ།

            བདག་གི་བསམ་ཚུལ་ལ། རི་བོ་དགེ་ལུགས་པའམ་ཏཱ་ལའི་བླ་མ་སྐུ་ཕྲེང་རིམ་བྱོན་གྱི་དབང་འཛིན་ལམ་ལུགས་འདི་ཉིད་མཚམས་འཇོག་གིས་དེང་རབས་དམངས་གཙོའི་བོད་གཞུང་གསར་བ་ཞིག་གི་ལམ་ལུགས་ལ་ལེགས་སྒྱུར་གནང་བའི་ལོ་རྒྱུས་ཀྱི་དཀྱོག་མཚམས་ཤིག་ལ་ངོས་འཛིན་གྱིན་ཡོད་པས། བོད་གཞུང་ཟེར་བའི་ཡིག་འབྲུ་འདི་གཉིས་རང་སོར་བཞག་ན་འོས་པར་མཐོང།

            དེ་མཚུངས་གཞུང་ཐམ་ངོས་ལ། བདེན་པ་ཉིད་རྒྱལ་གྱུར་ཅིག ཅེས་པར་གོ་དོན་ཟབ་མོ་ཡོད་ཚོད་ཀྱང།་དེ་ལས། འཚེ་མེད་བདེན་སྐྱོང་བོད། ཡང་ན། བཙན་བྱོལ་མང་གཙོའི་བོད་གཞུང་། ཞེས་བཏགས་ན་མིང་དོན་མཚུངས་པར་འདོད།

             གཉིས།༽ བཅའ་ཁྲིམས་དོན་ཚན་བཅུ་དགུ་པའི་ནང།  གཞུང་གི་འགན་འཛིན་དབང་ཆ་༸གོང་ས་༸སྐྱབས་མགོན་ཆེན་པོ་མཆོག་ལ་ཡོད་་་ཅེས་པའི་ཚབ་ཏུ། བཀའ་བློན་ཁྲི་པ་ལ་ཡོད་ཅེས་པ་དང། ཡང།

            དོན་ཚན་སུམ་ཅུ་པའི་ནང་ལ། གཞུང་གི་འགན་འཛིན་ལས་དོན་ཐམས་ཅད་༸གོང་ས་༸སྐྱབས་མགོན་ཆེན་པོའི་མཚན་ཐོག་ནས་གནང་རྒྱུ་་་ཞེས་པར། སྒྲིག་འཛུགས་ཀྱི་ལས་དོན་ཐམས་ཅད་བཀའ་བློན་ཁྲི་པའི་མིང་ཐོག་ནས་བྱ་རྒྱུ་དང་། ཞེས་པ་འདི་ལྟར་ན། བཀའ་ཁྲིའི་དབང་ཚད་༸གོང་ས་མཆོག་གི་དབང་ཚད་དང་དོ་མཉམ་པར་སླེབས་ཡོད་ལ། ཡང་།

            དོན་ཚན་ཉེར་ལྔ་པར། བཀའ་བློན་ཁྲི་པའི་དམ་འབུལ་སྐོར།

་་་༸གོང་ས༸སྐྱབས་མགོན་ཆེན་པོའི་སྐུ་མདུན་དུ་ ཁྲིམས་ལུགས་སུ་གཏན་འབེབས་བྱས་པའི་ཚིག་གཞི་ལྟར་ལས་ཁུར་དང་གསང་བའི་དམ་བཅའ་འམ་ཁས་ལེན་ཞུ་དགོས། ཞེས་པ། ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བའི་མདུན་དུ། ཞེས་པར་མཚོན་ན། ཡང་ཁྲིམས་ཞིབ་པ་ཆེ་བ་གང་ཆེས་མཐོ་སར་འཕགས་ཡོད་ལ། དེ་བཞིན།

            དོན་ཚན་སོ་དྲུག་པར། ཁྲིམས་ལུགས་དེ་དག་ཁྲིམས་སུ་བཅས་པ་ལ་༸གོང་ས་༸སྐྱབས་མགོན་ཆེན་པོ་མཆོག་གི་ཆོག་མཆན་ཞུ་དགོས། ཞེས་པར། སྤྱི་འཐུས་ཚོགས་གཙོས་སྤྱི་ལྷན་ནས་གཏན་འབེབས་བྱས་པའི་ཚད་འཛིན་དང་མིང་རྟགས་བཀོད་དགོས། ཞེས་པའི་སྐབས་སུ་ཡང་སྤྱི་འཐུས་ཚོགས་གཙོ་ཆེས་མཐོ་སར་སླེབས་ཡོད།

            དེ་ལྟར་མང་གཙོའི་ཀ་ཆེན་གསུམ་པོ་སྐབས་སྐབས་སུ་གཅིག་ལས་གཅིག་མཐོ་བའི་རྣམ་པ་འདིའི་ཆ་ནས་བལྟས་ན། གཞུང་གི་འགན་འཛིན་དབང་ཆ་བཀའ་ཁྲི་ལ་ཡོད་་ཅེས་པ་མིང་དོན་མི་མཚུངས་པར་མ་ཟད་འགལ་བ་ལྟ་བུ་ཞིག་ཆགས་ཡོད།

འོ་ན་འདི་ནི་༸གོངས་མཆོག་བཀྲེས་ཡོལ་དུ་ཕེབས་པའམ་སྐུ་དབང་ཕྱིར་བསྡུས་པ་དང་ལྷན་དུ་ཁོང་གི་སྐུ་ཚབ་ལྟ་བུའི་དབང་འཛིན་པ་ཞིག་མེད་པའི་རྣམ་པའང་གསལ་བོ་ཆགས་པར་བརྟེན། བཙན་བྱོལ་མང་གཙོའི་བོད་གཞུང་གི་འགན་འཛིན་དབང་ཆ་མང་གཙོའི་ཀ་ཆེན་རྣམ་གསུམ་ལ་ཡོད་་་ཅེས་བཀོད་ན་མིང་དོན་ཡོངས་སུ་མཚུངས་ལ་མི་འོས་པ་ཡང་མེད་པར་འདོད།

            གསུམ།༽དོན་ཚན་ཉེར་གཉིས་པ། བཀའ་བློན་བསྐོ་བཞག
འོས་ཐོན་ཐོག་དམ་འབུལ་ཟིན་པའི་བཀའ་བློན་ཁྲི་པ་དེས་རང་གི་བཀའ་ཤག་ལྷན་ཚོགས་སུ་བཀའ་བློན་ཇི་དགོས་མང་མཐའ་བདུན་ལས་མ་མང་བརྒལ་བ་ཞིག་བསྐོ་གཞག་བྱ་དགོས།

དེ་སྔའི་བཀའ་བློན་འོས་གཞི་རྣམས་གྲོས་ཚོགས་ནང་མང་མོས་ཐག་གཅོད་གནང་དགོས་པ་དེ་བཀའ་ཁྲིས་ཐད་ཀར་བསྐོ་འཇོག་གནང་རྒྱུ་འདིར་ཡང་བསམ་ཞིབ་གནང་འོས། འདི་ནི་སྐབས་རེར་བཀའ་ཁྲིས་ཐད་བསྐོས་བཟང་ལ་སྐབས་རེར་གྲོས་ཚོགས་ནང་བརྒྱུད་ན་ཡང་བཟང། གཉིས་ཀ་ལ་དགེ་སྐྱོན་ཡོད་པ་ཞིག་རེད། བཀའ་ཁྲིས་འོས་གཞི་བཏོན་པར་གྲོས་ཚོགས་ནང་སྤྱི་མོས་དང་མང་མོས་ཐོན་ཚེ་གཟི་བརྗིད་ཆེ་བ་ཡོད།

            བཞི།༽དོན་ཚན་རེ་གསུམ་པ། ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ།

            སྤྱི་འཐུས་ལྷན་ཚོགས་ཀྱི་འོས་བསྡུའི་ལམ་ནས་མང་མོས་ཐོབ་པས། འདི་ན་དེ་སྔ་བཞིན་རྩ་འབོར་སུམ་ཆ་གཉིས་ཡན་གྱི་མང་མོས་ངེས་པར་དགོས། རྒྱུ་མཚན་བཀའ་བཀའ་སྤྱི་གཉིས་ཀས་དམ་བཅའ་འམ་ཁས་ལེན་ཞུ་ཡུལ་ཡིན་པས་སོ།

            འདིར་དམ་བཅའ་ཞེས་པ་དཀོན་མཆོག་དཔང་བཙུགས་ཀྱིས་མནའ་སྐྱེལ་དགོས་པ་ཞིག་དང་། ཁས་ལེན་ཞེས་པ་ཆོས་དད་མེད་མཁན་དག་གི་དམ་འབུལ་འཇོག་ཚུལ་ལ་གོ་དགོས།

            བདག་གི་བསམ་ཚུལ་ལ། མང་གཙོའི་ཀ་ཆེན་གསུམ་པོས་གཙོས་དམ་འབུལ་བ་རྣམ་པས་༸གོང་ས་༸སྐྱབས་མགོན་ཆེན་པོའི་སྐུ་པར་མཐོང་གྲོལ་རིན་པོ་ཆེའི་མདུན་དུ་ཕྱག་འཚལ་དང་བཅས་བཅའ་ཁྲིམས་རིན་པོ་ཆེ་སྙིང་གར་སྦྱར་ནས་དམ་འབུལ་ཞུ་ལུགས་ཤིག་གཏན་འབེབས་གནང་ན་ལེགས་པར་འདོད། རྒྱུ་མཚན་གཙོ་བོ་དམ་བཅའ་འབུལ་ཡུལ་གང་ཟག་དེ་ལ་ཡིད་ཆེས་ཐུབ་མིན་ཅི་རིགས་འབྱུང་བ་དང། ༸གོང་ས་མཆོག་གི་སྐུ་དྲིན་རྗེས་དྲན་དང་བླ་མེད་མཚན་མཐོང་མཚོན་པ་སོགས་ཀྱི་དགོས་པ་ཆེ་སྙམ་མོ།།

 

༢༠༡༡ ། ༥ ། ༡༢ ཉིན་ཕུལ།

 

འབྲེལ་ཡོད་གསར་འགྱུར།

Mobile App

བཙན་འོག་གི་གྲོས་མཐུན་དོན་ཚན་ ༡༧ ནུས་མེད་ཆགས་པ་རྒྱལ་སྤྱིའི་ཐོག་ཁ་གསལ་བཟོ་དགོས།

ཆུ་ཚོད་ ༡༣ སྔོན་ལ།
དབྱིན་ཇིའི་རྒྱལ་ཁབ་སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་གནད་དོན་ཐད་ལངས་ཕྱོགས་གསལ་བོ་བཟོས་འདུག བོད་ཀྱི་དུས་བབ་གསར་ཁང་གིས་པར་སྒྲིག་སྦྱོར་བྱས། ༢༠༢༥།༥།༢༣
Mobile App

སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་བདག་དབང་ཐད་ལངས་ཕྱོགས་བརྟན་པོ་བཟོས་འདུག

ཆུ་ཚོད་ ༡༣ སྔོན་ལ།
ཧཱ་ཝར་ཌི་གཙུག་ལག་སློབ་གཉེར་ཁང་། དྲ་ལམ་གྱི་པར།
Mobile App

ཧཱ་ཝར་ཌི་གཙུག་ལག་སློབ་གྲྭར་རྒྱལ་སྤྱིའི་སློབ་མ་བཀག་སྡོམ་གནང་འཆར་ཡོད་འདུག

ཆུ་ཚོད་ ༡༧ སྔོན་ལ།
དྷ་ས་ས་གནས་མགོ་འཛིན་དཀོན་མཆོག་མིག་དམར། དུས་བབ་ཀྱི་པར། ༢༠༢༢།༦།༤
Mobile App

དཀོན་མཆོག་མིག་དམར་ལགས་བསྐྱར་དུ་དྷ་ས་ས་གནས་མགོ་འཛིན་དུ་འདེམས་ཐོན་བྱུང་།

ཆུ་ཚོད་ ༡༨ སྔོན་ལ།
བོད་ཀྱི་གནས་མཆོག་གངས་རིན་པོ་ཆེ། དྲ་ལམ་གྱི་པར།
Mobile App

རྒྱ་གར་གྱི་གནས་མཇལ་བ་ ༧༥༠ གངས་རིན་པོ་ཆེར་གནས་མཇལ་དུ་གཏང་རྒྱུ་ཡིན་འདུག 

༢༠༢༥/༠༥/༢༢
༸གོང་ས་མཆོག གསར་འགྱུར།

ཡེ་ཤུ་ཆོས་དཔོན་ཕོབ་ལེའོ་མཆོག་ལ་༧གོང་ས་མཆོག་དང་ལྷན་དུ་མགྱོགས་མྱུར་མཇལ་འཕྲད་གནང་བའི་འབོད་སྐུལ་ཞུས།

༢༠༢༥/༠༥/༢༢

མཆན། 10

  1. གངས་དཀར་རྒྱལ་སྲས says:
    ལོ་ 14 སྔོན།

    བཅའ་ཁྲིམས་ནི་རྒྱལ་ཁབ་ཀྱི་བརྟན་བརླིང་དང་འབྲེལ་བ་ཡོད་པས། བཅའ་ཁྲིམས་ཀྱི་དངོས་ཤུགས་བརྒྱུད་གསུམ་གྱི་གོ་བ་གཅིག་གྱུར་གྱི་ལམ་ལ་འཇོག་ཐུབ་ལ་བརྩོན་དགོས། སྤྱི་འཐུས་ཀྱི་ནང་ན་ལོ་མང་རིང་སྤྱི་འཐུས་བྱས་ནས་བསྡད་ཡོད་པ་ཙམ་ལས་བཅའ་ཁྲིམས་ཀྱི་དགོངས་དོན་ལ་ལ་དཔག་ན་བར་ཐག་ཧ་ཅང་རིང་བའི་མི་མང་བ་ཁོ་ཐག་ཡིན་ནི་རེད། ཡིན་ནའང་དེའང་མི་སྐྱོན་གི། གཙོ་བོ་བཤད་ཤེས་ནི་ཞིག་གིས་བཤད་དང་དུས་ཉན་ཤེས་ནི་ཞིག་ཉན་ནས་སྒྲུབ་ཐུབ་ནི་ཞིག་གིས་སྒྲུབ་ན་ཧྲ་གི་མ་གཏོགས། བོད་མི་མང་གིས་མགྲིན་གཅིག་ཏུ་ལགས་སོ་ཟེར་བ་ཞིག་སུ་གང་གིས་བཤད་མི་ཐུབ་པ་འདྲ་ལ། བཤད་ཐུབ་རུང་མི་ཉན་པའི་ཉེན་ཁའང་ཧ་ཅང་ཆེ། གང་ཟག་གིས་དབང་བསྒྱུར་ལ་མི་མང་གིས་དགའ་བསུ་མི་ཐོབ་ལམི་དམངས་ལ་བདེ་སྐྱིད་ཀྱང་མེད།་མི་བརྟན་ལ་དུས་ཡུན་ཐུང། ཁྲིམས་ཀྱི་དབང་བསྒྱུར་ལ་ཀུན་གྱིས་གུས་ཤིང་ཡུན་རིང་བརྟན།གཅིག་ཆོད་ཀྱི་ཁྱད་ཆོས་ཡོད་པས་བཅའ་ཁྲིམས་བསྒྱུར་བཅོས་ཀྱི་ལས་ཀ་འདི་ལ་འབྲེལཡོད་མེད་ཀུན་གྱིས་དོ་སྣང་དང་རྒྱབ་སྐྱོར་བྱས་ན་ལེགས།

    Reply
  2. རྨོག་རུ་བསྟན་པ། says:
    ལོ་ 14 སྔོན།

    རྒན་ལྷ་མོ་ལགས་ཀྱིས་དགོངས་ཚུལ་གནང་བར་བཟང་།སྐུ་ཉིད་དངོས་སུ་ཚོགས་ཕེབས་ཡོང་བས་རེ་བ་ཡོད།

    སེར་བྱེས་བྱ་བྲལ་ཁང་ཚན་གྱི་གྲྭ་རྒོད་ཀྱིས་བཏབ་པའི་མཆན་ཞིག་ཁོང་ལ་ཕྱིར་རྩིས་སྤྲད་ཡོད།
    བོད་མི་མང་གི་ངོ་འཚབ་སྤྱི་འཐུས་ཟེར་བ་གལ་ཆེན་པོ་ཡིན་པས་བསམ་ཚུལ་ཞིག་བཤད་འདོད་བྱུང་།སྤྱི་འཐུས་ཟེར་བ་དེ་ལ་ཤེས་འཇོན་གཉིས་ལྡན་དང་སྤྱི་སེམས་ངང་དྲང་པོར་བྱེད་པ།ལྷག་བསམ་དང་ཕྱོགས་ཞེན་མེད་པ་འདི་དག་ངེས་པར་ཚང་དགོས།རྨོག་རུ་བསྟན་པ་ལྟ་བུ་དང་སེར་སྨད་ལོ་དགའ་གཉིས་ལ་འདི་དག་ཚང་གཏན་ནས་མེད་པའི་མི་མང་ནང་དགོངས་བཞེས་གནང་རོགས།འདི་གཉིས་ལྟ་བུ་མང་བས་རྐྱེན་གྱི་བོད་མི་རིགས་མདུན་སྤྱོད་བྱེད་མ་ཐུབ་པ་རེད་དེ་ཤེས་དགོས།མི་འདི་གཉིས་ལ་དོན་དེ་དག་གང་ཡང་ཚང་མེད་པས་འོས་གཞི་ལ་མ་འོས་པ་ཞིག་རེད།སྤྱི་དོན་ལས་རང་དོན་ཡང་བྱེད་མི་ཐུབ་པ་འདི་ལྟ་བུ་སྤྱི་འཐུས་འོས་གཞི་ནང་འགྲོ་དགོས་ན་བོད་མི་ཡོངས་རྫོགས་ཡོད་པས་མང་གྲགས་པའི་སྐྱོན་མེད་དམ

    Reply
  3. ལྷ་མོ་དོན་གྲུབ། says:
    ལོ་ 14 སྔོན།

    ངོ་མ་བཅའ་ཁྲིམས་བསྐྱར་བཅོས་ཀྱི་དོན་གནད་གལ་ཆེའི་སྐོར་བཤད་འདུག འདི་འདྲ་ལ་ཉམས་རྒྱུས་ཅན་ཟེར་ཆོག དེ་བཞིན་སེར་བྱེས་བྱ་བྲལ་ཁང་ཚན་བླ་གྲྭ་ཡོངས་ཀྱི་བགྲོ་གླེང་མང་མོས་ཐག་གཅོད་དེ་ཚུལ་ཡང་འགན་ཁུར་སྟངས་ཡག་པོ་ཞིག་རེད།
    སྐབས་འདིར་ཁྲིམས་ལུགས་དང་དམངས་གཙོ་ལ་ཉམས་རྒྱུས་ཅན་ཚོས་དགོངས་ཚུལ་གླེང་རྒྱུ་གལ་ཆེ། ང་དང་ང་འདྲའི་གཡག་ཞ་རས་རྩྭ་ཟ་མཁན་རིགས་ཀྱིས་འཚང་ཁ་མ་བརྒྱབ་ན་བཟང། དཔེར་ན་བཀའ་ཁྲིས་བཀའ་བློན་ལས་རོགས་བསྐོ་རྒྱུ་དང་གྲོས་ཚོགས་ཀྱི་མང་མོས་ལ་ཚོགས་གཙོས་མཚན་རྟགས་འགོད་རྒྱུ་དེ་རིགས་ཀྱང་དམངས་གཙོའི་འགྲོ་སྟངས་ཤིག་ཆགས་ཡོད།
    ལྷག་པར་ཚོགས་ཆེན་ཐོག་༸གོང་ས་མཆོག་ཆིབས་སྒྱུར་བཀའ་སློབ་གནང་རྒྱུ་དེ་ངོ་མ་གལ་ཆེན་རེད། གསོལ་བ་འདེགས་རོགས་ཞུ།

    Reply
  4. ཅོ་རི་ཉི་མ། says:
    ལོ་ 14 སྔོན།

    སྤྱི་འཐུས་ལས་ཐོག་ལྷ་མོ་སྐྱབས་ལགས་ཁྱེད་རང་བཅའ་ཁྲིམས་ཟིན་ཚོགས་ཆུང་ནང་དུ་ཡོད་རེད་ཞེས་གསར་ལམ་ཁག་ཏུ་བསྒྲགས་སོང་། ཁྱེད་བཅའ་ཁྲིམས་ཟིན་བྲིས་ཚོགས་ཆུང་ནས་ཕུད་བྱུང་བས། ཁྱེད་ཀྱིས་བོད་གཞུང་ཞེས་པའི་མིང་ཚིག་འདི་ལ་འགྱུར་བ་གཏོང་འདོད་མེད་པ་ཡག་པོ་རེད། དགའ་པོ་བྱུང་། ཐུགས་རྗེ་ཆེ་ཞེས་ཀྱང་འབོད་ཀྱི་ཡིན།

    ཞོར་དུ་བསམ་ཚུལ་ཆུང་ཞིག་ཞུ་རྒྱུ་ཡིན།

    1་སྤྱིའི་ཆ་ནས་ཁྲིམས་ལུགས་དེ་དག་ཁྲིམས་སུ་བཅས་པ་ལ་རྒྱ་ཆེན་མི་དམངས་ཀྱིས་མང་མོས་བྱུང་ན་ཁྲིམས་སུ་བཅས་དགོས་པ་ནི་མང་གཙོ་ཡང་དག་པའི་རྒྱལ་ཁབ་ཀྱི་འགྲོ་ལུགས་རེད་འདོད།

    2བཅའ་ཁྲིམས་ཟིན་བྲིས་ཚོགས་ཆུང་གིས་དོན་ཚན་མང་པོ་ཞིག་ལ་འགྱུར་བ་བཏང་ཡོད་པ་དེ་དག་ཁྲིམས་སུ་བཅས་པ་ལ་བཙན་བྱོལ་རྒྱ་ཆེན་མི་དམངས་ཀྱིས་མང་མོས་དགོས་ཞེས་བཀོད་ན་་་་མང་གཙོ་ཚད་ལྡན་གྱི་འགྲོ་ལུགས་རེད་འདོད།

    3བཙན་བྱོལ་བོད་གཞུང་གི་བཅའ་ཁྲིམས་གཏན་འབེབས་བྱ་རྒྱུའི་དབང་ཆ་སྤྱི་འཐུས་གྲོས་ཚོགས་སུ་ཡོད་ཀྱང་ཁྲིམས་ལུགས་དེ་དག་ཁྲིམས་སུ་བཅས་པ་ལ་༧གོང་ས་མཆོག་གི་ཆོག་མཆན་ཐོབ་དགོས་ཞེས་བཀོད་ཡོད་པ་དེར་བཅའ་ཁྲིམས་ཟིན་བྲིས་ཚོགས་ཆུང་གིས་འགྱུར་བ་བཏང་ནས་ཁྲིམས་ལུགས་དེ་དག་ཁྲིམས་སུ་བཅས་པ་ལ་སྤྱི་འཐུས་ཚོགས་གཙོས་སྤྱི་ལྷན་ནས་གཏན་འབེབས་བྱས་པའི་ཚད་འཛིན་དང་མིང་རྟགས་བཀོད་དགོས་ཞེས་བསྒྱུར་འདུག་པས་༧གོང་ས་མཆོག་གི་དབང་ཚད་དེ་སྤྱི་འཐུས་གཙོ་ལ་སྤྲད་འདུག

    སྤྱི་འཐུས་ཚོགས་གཙོ་སྤུན་པ་ཚེ་རིང་གིས་མིང་རྟགས་བཀོད་པ་དང་འདོད་པ་ཡོད་པ་ཙམ་གྱིས་ཁྲིམས་ལུགས་དེ་དག་ཁྲིམས་སུ་བཅས་པ་ཡིན་ན་སྒེར་གཅོད་བྱེད་པ་རེད་འདོད་ཀྱི་ཡོད། ༧གོང་ས་མཆོག་གི་མིང་རྟགས་བཀོད་ན་ཁྲིམས་ལུགས་དེ་དག་ཁྲིམས་སུ་བཅས་ཀྱི་ཡོད་རེད། དེ་ལ་འགྱུར་བཏང་ནས་སྤྱི་འཐུས་ཚོགས་གཙོ་སྤུན་པ་ཚེ་རིང་གིས་མིང་རྟགས་བཀོད་ན་ཁྲིམས་ལུགས་དེ་དག་ཁྲིམས་སུ་བཅས་དགོས་པ་དེར་སྒེར་གཅོད་མ་རེད་དམ། བོད་མི་མང་དམངས་སུ་ཁྲིམས་ལུགས་དེ་དག་ཁྲིམས་སུ་བཅས་མིན་ལ་དབང་ཆ་ག་རེ་འདུག་གམ། ཁྲིམས་ལུགས་དེ་དག་ཁྲིམས་སུ་བཅས་པའི་རྗེས་སུ་བོད་རྒྱ་ཆེན་མི་དམངས་ཀྱིས་ཁུར་དགོས་པ་རེད། དམངས་ལ་དབང་ཆ་ག་རེ་འདུག་གམ། འདི་སྒེར་གཅོད་བྱེད་སྟངས་ཤིག་རེད།

    4་བཀའ་བློན་སྐོས་བཞག་བྱེད་དུས་སུ་སྤྱི་འཐུས་གྲོས་ཚོགས་ཀྱིས་འོས་བསྡུ་བྱ་དགོས་ཀྱི་ཡོད་པ་དེར་་་་་་་འགྱུར་བ་བཏང་ནས་བཀའ་ཁྲིས་སྐོས་བཞག་བྱེད་དགོས་ཞེས་བཀོད་འདུག་པས་འདི་མང་གཙོ་ལམ་ལུགས་རེད་དམ། འགྱུར་བ་བཏང་སྟངས་འདི་ནི་སྒེར་གཅོད་བྱེད་སྟངས་ཤིག་རེད་མ་གཏོགས་མང་གཙོ་འགྲོ་ལུགས་ཤིག་མ་རེད་འདོད། བཀའ་བློན་བདུན་པོ་བཀའ་ཁྲི་ཁོ་ན་ལ་སྐོས་དབང་སྤྲོད་པ་ཡིན་ན་ཡག་པོོ་མ་རེད་འདོད། སྐབས་འདིའི་རིང་གཅིག་པོ་མ་རེད། རྗེས་མ་ལམ་ལུགས་དེར་ཆགས་པ་ཡིན་ན་བོད་མི་དམངས་སུ་སྒེར་གཅོད་བྱ་ངེས་རེད་འདོད། བཙན་བྱོལ་བོད་གཞུང་གི་དབང་ཆ་དང་གོ་གནས་མཐོ་ཤོས་བཀའ་བློན་རྣམས་རེད། འདི་ཚོ་འོས་བསྡུ་མི་དགོས་པ་མི་གཅིག་གིས་སྐོས་བཞག་བྱེད་ཆོག་ན་མང་གཙོ་ཡག་དག་པ་ག་པ་ཡོད་རེད།

    5མདོ་བསྡུས་ནས་བཤད་ན་ཁྲིམས་ལུགས་དེ་དག་ཁྲིམས་སུ་བཅས་མིན་གྱི་དབང་ཆ་ཡོངས་རྫོགས་རྒྱ་ཆེན་མི་དམངས་ལ་དགོས་ཀྱི་ཡོད་རེད། དེ་ཡོད་ན་མང་གཙོ་རེད། དེ་མེད་ན་སྒེར་གཅོད་རེད། ཁྲིམས་ཁུར་དགོས་མཁན་རྒྱ་ཆེན་མི་དམངས་རེད།
    ཁྲིམས་ལུགས་དེ་དག་ཁྲིམས་སུ་བཅས་མིན་གྱི་དབང་ཆ་མེད་མཁན་བཙན་བྱོལ་མི་དམངས་རེད།

    Reply
  5. གནས་ཚང་། says:
    ལོ་ 14 སྔོན།

    ཆབ་བྲག་ལྷ་མོ་སྐྱབས་ལགས་སྤྱི་འཐུས་ཤིག་མ་རེད་པས། གསར་འགྱུར་ནང་བཅའ་ཁྲིམས་ཟིན་བྲིས་འདེབས་མཁན་གྱི་གྲས་སུ་ཐོན་ཡོད་པ་མ་ཡིན་ནམ། ད་ག་རེ་གནང་སོང་བ་རེད་དམ། ཟམ་གདོང་རིན་པོ་ཆེ་དང་ཚོགས་གཙོ་སྤེན་པ་ཚེ་རིང་ཡབ་སྲས་དྲན་འཕྲུལ་རྒོད་པོ་མ་རེད་དམ།

    Reply
  6. ཀརྨ་རྡོ་རྗེ། says:
    ལོ་ 14 སྔོན།

    བཙན་བྱོལ་བོད་མིའི་གཞུང་གི་སྒྲིག་འཛུགས། །
    བདེན་པ་ཉིད་རྒྱལ་གྱུར་ཅིག

    ཅེས་པའི་ནང་ལ་༼བོད་༽དང་༼གཞུང་༽ཚིག་དེ་གཉིས་མེད་པར་བཟོས་པ་ནི། གཉིས་སྨན་དབུ་མའི་ལམ་དང་ཤིན་ཏུ་མཐུན་ཤས་ཆེ་ལ་དགོས་པ་དང་བཅས་པ་རེད།
    བདེན་པ་ཉིད་རྒྱ་གྱུར་ཅིག ཅེས་པ་ཡང་མི་ཐད་པ་མེད་དེ། གལ་སྲིད་བདེན་པ་དེ་རྒྱ་གཞུང་ལ་ཡོད་ན་ཡང་དེ་རྒྱལ་དགོས་པའི་ཕྱིར་རོ། །དགེའོ། དགེའོ། དགེའོ། །

    Reply
  7. ཨ་རིག་དགེ་མཐོང་། says:
    ལོ་ 14 སྔོན།

    བཀུར་འོས་རྩོམ་པ་པོ་རྒན་རབས་པ་རྣམས་ཀྱིས་དཔྱད་གཏམ་སྤེལ་ན་ཧ་ཅང་བཟང་གི
    རང་ཉིད་ཆེན་པོར་རློམ་ནས་མི་འདུག་པར་རྒན་ལྷ་མོ་སྐྱབས་ནང་བཞིན་སྤྱི་ཚོགས་དང་གཤིབ་ནས་སྐད་ཆ་བཤད་ན་འོས་སོ། །དེ་མིན་ཁྱེད་ཚོའི་སྨྱུ་གུ་དེ་བེད་སྤྱོད་མི་འདུག

    Reply
  8. འབྲོང་བུ་སོག་ཚ། says:
    ལོ་ 14 སྔོན།

    ཤེས་ཡངས་ཆབ་བྲག་ལྷ་སྐྱབས་ལགས་ཀྱིས་དགོངས་ཚུལ་མང་ཆེ་བར་འདོད་མོས་བྱུང་ཡང་། མཐའ་མ་དེ་སྤྱི་འཐུས་དང་། བཀའ་བློན་དམ་འབུལ་དེ་༧གོང་ས་སྐྱབས་མགོན་ཆེན་པོའི་སྐུ་པར་མདུན་བྱེད་དགོས་ཞེས་པར་མི་འཐད་དེ། ༧གོང་ས་མཆོག་བོད་ཀྱི་དབུ་འཁྲིད་ནས་རྩ་དགོངས་གནང་ཟིན་པར་དེའི་སྐུ་པར་མདུན་དམ་འབུལ་བྱེད་པར་མི་ལེགས་ལ་དགོས་པའང་མེད། རྒྱ་ལ་གལ་སྲིད་དགོས་ན་སྐུ་པར་ལས་ལྷག་པའི་སྐུ་ངོ་མ་བཞུགས་ཡོད་པས་དེའི་མདུན་ནས་ལེན་ན་ཅི་རུང་། དེ་ལས་བོད་ཆོས་ལྡན་གྱི་ཞིང་ཁམས་ཡིན་པས་༧བདག་ཅག་གི་སྟོན་པའམ། སྟོན་པ་གཤེན་རབ་གང་ཡང་རུང་བའི་སྐུའི་མདུན་དམ་འབུལ་མཛད་ན་ཅིས་ཀྱང་རིགས་ལ་འཛམ་གླིང་མི་དམངས་སུའི་ལྟས་ཀྱང་ཚུལ་བཞིན་དུ་མཐོང་།

    Reply
  9. གྲྭ་རྒོད says:
    ལོ་ 14 སྔོན།

    ཕྱི་ལོ ༢༠༡༡ ལོའི་ཕྱི་ཟླ ༣ པའི་ནང་༸གོང་ས ༸སྐྱབས་མགོན་ཆེན་པོ་མཆོག་གིས་སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཅུ་གཅིག་པར་སྩལ་བའི་གསུང་འཕྲིན་རིན་པོ་ཆེ་ཕེབས་དགོངས་བཟློག་མ་ནུས་པར། བཀའ་སྤྱི་གཉིས་ལས་གྲུབ་པའི་ཆེད་བཙུགས་ལས་འཆར་ཚོགས་ཆུང་བསྐོ་བཞག་གནང་དོན་ལྟར། ཚོགས་ཆུང་གི་ཚོགས་མིར་ཚོགས་གཙོ་སྤེན་པ་ཚེ་རིང་མཆོག་དང་། བཀའ་ཁྲི་ཟམ་གདོང་རིན་པོ་ཆེ་མཆོག་དང་། ཚོགས་གཞོན་རྒྱ་རི་སྒྲོལ་མ་མཆོག་དང་། ཤེས་རིག་བཀའ་བློན་ཐུབ་བསྟན་ལུང་རིགས་མཆོག་དང་། སྤྱི་འཐུས་པདྨ་འབྱུང་གནས་མཆོག་བཅས་ལ་ཚོགས་གཙོ་སྦྲེལ་པོས་བསྐོ་བཞག་གནང་དོན་ལྟར། ཕྱི་ལོ་༢༠༡༡ ལོའི་ཟླ ༣ ཚེས་ ༢༩ ནས་ཟླ༤ ཚེས༩ བར་ཚོགས་ཆུང་ལས་དོན་ལེགས་གྲུབ་བྱུང་སྟེ། བཅའ་ཁྲིམས་བསྐྱར་བཅོས་ཟིན་བྲིས་གཏན་འབེབས་བྱུང་བའི་ཡིག་ཆ་ཁག་ས་གནས་སོ་སོར་བསམ་ཚུལ་བསྡུ་བཞེས་དགོས་རྒྱུའི་རང་གཞུང་གི་བཀའ་དགོངས་བཞིན། ཕྱི་ལོ ༢༠༡༡ ལོའི་ཟླ ༥ ཚེས ༡༡ ཉིན་གདན་ས་ཆེན་པོ་སེར་བྱེས་མཁས་སྙན་གྲྭ་ཚང་གི་ཁྲིམས་བདག་དགེ་བསྐོས་མཆོག་ནས་སྲོད་ཆོས་མཚམས་བཞག་གིས། གལ་ཆེ་དོན་ཆེའི་བཀའ་སློབ་ཕེབས་གསལ་ལྟར། ཁམས་ཚན་སོ་སོའི་མི་རེ་ངོ་རེས་ཡིག་ཆ་ཁག་གི་དགོངས་དོན་གོ་རྟོགས་རྒྱུས་ལོན་དང་འབྲེལ། ཟིན་བྲིས་སྙན་ཐོ་དང་། བཅའ་ཁྲིམས་བསྐྱར་བཅོས་ཁག་གཉིས་ལ་སེར་བྱེས་བྱ་བྲལ་ཁམས་ཚན་ནས་ཀྱང་བླ་གྲྭ་དགེ་བཤེས་དགེ་འདུན་འདུས་མང་ཡོངས་ནས་ཐུགས་སྣང་དོ་ཁུར་ཆེན་པོས་བསམ་འཆར་ཞུ་ཕྱོགས་ཐད། ཁམས་ཚན་སྤྱི་རྒན་གཉིས་དང་། ཁམས་ཚན་དགེ་ཆབ་རྣམ་པ་གསུམ་བཅས་ཀྱིས་བཀོོད་སྒྲིག་འོག དང་པོ་ཡིག་ཆ་ཁག་གཉིས་ཀྱི་དགོངས་དོན་གསེད་བཀྲོལ་ཆེད་ཟབ་སྦྱོང་ཞིག་དགོས་མཁོ་ཆེ་བར་གཟིགས་ཏེ། ཟབ་སྦྱོང་གནང་མཁན། སྤྱི་ཟུར་རོང་པོ་བློ་བཟང་སྙན་གྲགས་ལགས་དང་། གངས་ལྗོངས་རང་བདེན་རྩོད་ལེན་མཐུན་ཚོགས་ཀྱི་ཚོགས་གཙོ་རྭ་རྒྱ་བློ་བཟང་དཔལ་ལྡན་ལགས་གཉིས་གདན་ཞུས་ཀྱིས། ཚོགས་དྲུང་། ལྗང་རླུང་རྩོམ་སྒྲིག་པ། འཇམ་དབྱངས་རྣམ་གྲོལ་དང་། ལྗང་རླུང་རྩོམ་སྒྲིག་པ། གྲོལ་སྡེ་རྒྱ་མཚོ་གཉིས་བསྐོ་བཞག་ཐོག དགོང་དྲོའི་ཆུ་ཚོད ༦ ནས་མཚན་གུང་ཆུ་ཚོད ༡༢ བར་དྲི་བ་དྲིས་ལན་དང་བཅས་མཐའ་དོན་ཟིན་བྲིས་སྙན་ཐོའི་ནང་འཁོད་དོན་ཚན་དང་པོ་དོན་ཆུང་ཁག་བཞིའི་ཐོག་འོས་བསྡུ་དང་། བཅའ་ཁྲིམས་བསྐྱར་བཅོས་དང་། ཕྱིར་བསྡུ། གསར་བཟོས། ཁག་སོ་སོའི་ནང་གལ་གནད་ཆེ་གྲས་ཁག་ལ་འོས་བསྡུ་བྱས་པའི་ནང་དོན་ཁག་གཤམ་གསལ།
    ༸གོང་ས་མཆོག་ལ་སྔར་རྒྱུན་བཞིན་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་ཀྱི་ཐུགས་འགན་བཞེས་རོགས་ཞེས་གསོལ་བ་ཕུར་ཚུགས་སུ་འདེབས་དགོས་གསུངས་མཁན་མི་གྲངས ༡༢༧ དང་། དགག་བྱ་བྱེད་མཁན་མི་གྲངས ༧༥ བྱུང་བས་སླར་ཡང་གསོལ་བ་འདེབས་དགོས་ཞེས་མང་མོས་བྱུང་།

    ཟིན་བྲིས་སྙན་ཐོ་དང་། བཅའ་ཁྲིམས་བསྐྱར་བཅོས་ཡིག་ཆ་ཁག་གཉིས་ནང་༸གོང་ས་མཆོག་སྐུ་ཕྲེང་ཡོངས་ལ་ཁྱབ་པའི་ཆོས་ཕྱོགས་ཀྱི་མཚན་གནས་ས་སྟེང་རྒྱལ་བསྟན་ཡོངས་དང་། གངས་ལྗོངས་རྒྱལ་བསྟན་རིས་སུ་མ་མཆིས་པའི་བླ་ན་མེད་པའི་ཆོས་ཀྱི་རྒྱལ་པོ་ཆེན་པོར་མངའ་གསོལ་གྱི་རྗོད་ཚིག་བཅའ་ཁྲིམས་ཐོག་འཁོད་དགོས་ཞེས་གསུང་མཁན་མི་གྲངས ༡༨༥ བྱུང་། དེ་ལྟར་མི་དགོས་ཟེར་མཁན་མི་གྲངས༤ ། བར་གནས་མི ༡༨ བྱུང་བས་དེ་ལ་མང་མོས་བྱུང་།
    བཅའ་ཁྲིམས་བསྐྱར་བཅོས་ལ་དགག་བྱ་བྱེད་མཁན་དང་།
    རྒྱབ་སྐྱོར་བྱེད་མཁན་ཅི་བྱུང་།
    ༡༽དོན་ཚན་དང་པོ། བོད་མི་རིགས་ཀྱི་མགོན་སྐྱབས་དང་མཚོན་རྟགས།
    ༸གོང་ས ༸སྐྱབས་མགོན་སྐུ་ཕྲེང་བཅུ་བཞི་བ་ཆེན་པོ་མཆོག་ནི། ཞེས་པ་ནས་ཐུགས་འགན་དང་སྐུ་དབང་རྣམས་བཞེས་དགོས་ཞེས་པའི་བར་འདོད་པ་ཡོད་མེད་འོས་བསྡུ་ཞུས་པར། དགག་བྱ་བྱེད་མཁན་མི་གྲངས་ ༡༣། རྗོད་ཚིག་བསྐྱར་བཅོས་དགོས་པར་འདོད་མཁན་མི་གྲངས ༦། བར་གནས ༡༠ ། རང་འཇགས་འདོད་མཁན་མི་གྲངས ༡༧༣ བྱུང་བས་མང་མོས་བྱུང་།
    ༡༽བོད་མི་རིགས་ཀྱི་བདེ་དོན་དང་སོགས་དོན་ཚན་དང་པོར་སྤྱི་མོས་བྱུང་།
    ༢༽བོད་མི་རིགས་དང་སོགས་དོན་ཚན་གཉིས་པར་མང་མོས།
    དགག་བྱ་བྱེད་མཁན་ ༡ ། རང་འཇགས་འདོད་མཁན་མི་གྲངས༢༠༡།
    ༣༽ཡེ་ཤེས་དབྱིངས་དཔྱད་ཀྱིས་སོགས་དོན་ཚན་གསུམ་པར་མང་མོས།
    དགག་བྱ་བྱེད་མཁན་མི་གྲངས ༥། རང་འཇགས་འདོད་མཁན་མི་གྲངས ༡༩༧།
    ༤༽བཙན་བྱོལ་སྒྲིག་འཛུགས་སོགས་དོན་ཚན་བཞི་པར་མང་མོས།
    ཚིག་སྦྱོར་ལ་འགྱུར་བ་གཏོང་དགོས་ཟེར་མཁན་མི་གྲངས ༡། རང་འཇགས་འདོད་མཁན་མི་གྲངས ༢༠༡།

    བཅའ་ཁྲིམས་བསྐྱར་བཅོས་ནང་བསམ་ཚུལ།
    དོན་ཚན་ཉེར་གཉིས་པ། བཀའ་བློན་བསྐོ་བཞག
    རྗོད་ཚིག་རྙིང་བ་ནང་བཞིན་བསྐོ་དགོས་ཟེར་མཁན་མི་གྲངས ༧༧། རྗོད་ཚིག་གསར་བ་ནང་བཞིན་བཀའ་ཁྲིས་ཐད་ཀར་བསྐོས་ཆོག་པར་འདོད་མཁན་མི་གྲངས ༡༡༡། བར་གནས་མི་གྲངས ༡༤བྱུང་།
    དོན་ཚན་བཅུ་དགུ་བའི་ནང་ཚན་བརྒྱད་པ། ཕྱིར་བསྡུ་བྱས་པར་མོས་མཐུན་མེད་མཁན་མི་གྲངས ༡ ། ཕྱིར་བསྡུ་འདོད་མཁན་མི་གྲངས ༢༠༡ བྱུང་བས་མང་མོས།

    བཀའ་ཁྲིའི་ལས་ཁུར་གྱི་དུས་ཡུན།
    སྔོན་མ་ནང་བཞིན་ཐེངས་གཉིས་ལས་ལྷག་བཞེངས་མི་ཆོག་པའི་རྒྱས་བཅད་ཅིག་དགོས་ཀྱི་འདུག་ཟེར་མཁན་མི་གྲངས ༡༤༩། འདེམས་ཐོན་བྱུང་ན་མུ་མཐུད་ནས་བཞུགས་ཆོག་ཟེར་མཁན་མི་གྲངས༢༧ ། བར་གནས་མི་གྲངས༢༦ བྱུང་།
    སྤྱི་འཐུས་ཀྱི་ལས་ཁུར་དུས་ཡུན།
    སྤྱི་འཐུས་ཀྱི་ལས་ཁུར་དུས་ཡུན་ལ་རྒྱས་བཅད་བཟོ་དགོས་ཞེས་འདོད་མཁན་མི་གྲངས༡༦༤ ། དུས་ཡུན་ངེས་མེད་བྱེད་ཆོག་པར་འདོད་མཁན་མི་གྲངས༢༨ ། བར་གནས་མི་གྲངས༣ །
    བོད་གཞུང་དགའ་ལྡན་ཕོ་བྲང་ཕྱོགས་ལས་རྣམ་རྒྱལ་ཞེས་པའི་མིང་བྱང་གི་ཚབ་ཏུ་
    བདེན་པ་ཉིད་རྒྱལ་གྱུར་ཅིག་ཅེས་བཀོད་པ་ལ།
    དེ་ལྟར་བཅོས་བསྒྱུར་མོས་མཐུན་ཡོད་མཁན་མི་གྲངས༩ ། བར་གནས༡༦ ། མོས་མཐུན་མེད་པ་མི་གྲངས༡༦༣ གྱིས་བོད་གཞུང་དགའ་ལྡན་ཕོ་བྲང་ཕྱོགས་ལས་རྣམ་རྒྱལ་ཞེས་པའི་མིང་བྱང་གི་ཚབ་ཏུ་༸གོང་ས ༸སྐྱབས་མགོན་ཆེན་པ་མཆོག་ལ་མཚན་བྱང་ཞིག་གསོལ་སྩལ་ཞུ་དགོས་པར་མོས་མཐུན་བྱུང་།
    ཕྱི་ལོ༢༠༡༡ ཟླ༥ ཚེས ༡༡ ལ།
    སེར་བྱེས་བྱ་བྲལ་ཁང་ཚན་བླ་གྲྭ་ཡོངས་ནས།

    Reply
  10. ཁ་བ་སྐམ་པོ། says:
    ལོ་ 14 སྔོན།

    རྒན་ཆབ་བྲག་ལགས་ཀྱི་སྙན་ཞུ་དེ་ཡག་པོ་ཞེ་དྲག་རེད་འདོད།
    ཤེས་ཡོན་པ་ཟེར་བ་དེ་འདྲ་ཡིན་རྒྱུ་རེད་ཡ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese