ཟླ་འདིའི་ཕྱི་ཚེས་ ༡ ཉིན་དཔལ་ས་སྐྱ་བདག་ཁྲི་རིན་པོ་ཆེ་མཆོག་དང་ངོར་ཤར་ཆེན་ཀླུ་ལྡིང་མཁན་ཆེན་རིན་པོ་ཆེ་རྣམ་གཉིས་བཞུགས་སྒར་ར་སྤུར་ནས་ཆིབས་ཐོན་གནང་སྟེ། ཕྱི་ཚེས་ ༣ ཉིན་མཁའ་ལམ་བརྒྱུད་རྡོ་རྗེ་གླིང་དུ་ཞབས་སོར་བཀོད་ཡོད་པ་དང་། སྐབས་དེར་ཀ་སྤུགས་དང་རྡོ་རྗེ་གླིང་བཅས་ཀྱི་ས་གནས་མགོ་འཛིན་དང་གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ། དེ་བཞིན་ཧི་མ་ལ་ཡའི་རི་རྒྱུད་ཁུལ་གྱི་གནད་ཡོད་མི་སྣ་བཅས་ཀྱིས་ཕེབས་བསུའི་ཁྲོད་ས་སྐྱ་ཆོས་སྒར་དུ་ཞབས་སོར་བཀོད་ཡོད་འདུག
ཕྱི་ཚེས་ ༤ ཉིན་ཆོས་སྲུང་ཁག་གི་དུས་ཆེན་དང་སྟོ་ཉིན་གང་བསྐང་གསོལ་ཚོགས་གནང་ཞིང་། ཕྱི་ཚེས་ ༥ ཉིན་རྒྱབ་ལ་ཁུལ་དེའི་ཆོས་འབྲེལ་གྱི་ཐོག་མ་དཔལ་ཕྱག་ན་རྡོ་རྗེ་འབྱུང་པོ་གདུལ་བྱེད་རྗེས་གནང་བསྩལ། རྗེས་གནང་གྲུབ་རྗེས་སློབ་ཕྲུག་ཁག་ཅིག་གིས་ལེགས་བཤད་ཀྱི་མཆོད་འབུལ་གནང་བ་དང་དེའི་རྗེས་ཀ་སྤུགས་ས་སྐྱ་ཆོས་སྒར་གྱི་སློབ་ཕྲུག་རྣམས་ཀྱི་ལོ་འཁོར་ཡིག་རྒྱུགས་ཀྱི་ཨང་རིམ་རྩེ་སོན་རྣམས་ལ་ལེགས་གསོའི་བྱ་དགའ་བསྩལ་ཡོད་པ་དང་། ཕྱི་ཚེས་ ༦ ཉིན་གྱི་སྔ་དྲོར་གོང་མ་རིན་པོ་ཆེ་མཆོག་དང་ངོ་ཤར་ཆེན་ཀླུ་ལྡིང་མཁན་ཆེན་རིན་པོ་ཆེ་རྣམ་གཉིས་དབུ་བཞུགས་ཐོག་ད་ལྟ་ཀ་སྤུགས་སུ་གསར་བཞེངས་གནང་བཞིན་པའི་ས་སྐྱ་ཆོས་ཚོགས་ཀྱི་འདུ་ཁང་དང་གྲྭ་ཤག་སོགས་ཀྱི་ཆེད་ས་སློང་གནང་འཆར་ཡོད་འདུག
གཞན། མ་འོངས་པའི་ཉིན་འགའི་རིང་ཀ་སྤུགས་བོད་ཁྱིམ་སློབ་གྲྭས་གདན་ཞུ་ལྟར་དགེ་སློབ་ཡོངས་ལ་བཀའ་སློབ་ལམ་སྟོན་གྱི་གནང་རྒྱུ་དང་། དེའི་རྗེས་རྟ་མང་དགོན་པ་ཞིག་ཏུ་ཕེབས་ཏེ་ཆོས་འབྲེལ་མཛད་རྒྱུ་ཡིན་འདུག ཕྱི་ཚེས་ ༧ ཉིན་བློ་ལྡོག་རྣམ་བཞིའི་མཚོན་པའི་ནང་ཆོས་ངོ་སྤྲོད་དང་ཀུན་རིག་གི་ལྗགས་དབང་། ཕྱི་ཚེས་ ༨ ཉིན་གྱི་སྔ་དྲོར་ཚེ་དབང་། ཕྱི་ཚེས་ ༩ ཉིན་སྒང་ཏོག་ཏུ་ཆིབས་ཞལ་བསྒྱུར་འཆར་ཡོད་འདུག
གནས་ཚུལ་གཏོང་མཁན། ཐུབ་བསྟན་རྒྱལ་མཚན།
ཧེ་ཧེ་བཙན་བྱོལ་བས་རང་རྟ་མཆོག་འཛིན་དེས་ས་ཆེན་འགུལ་སོང།
སྲིད་དོན་དང་མ་འབྲེལ་བའི་ཆོས་ཀྱི་མཛད་འཕྲིན་སྐྱོང་མཁན་རེས་མེད་བསྟན་པོ་མངའ་བདག་ཆེན་པོ་ས་སྐྱ་གོང་མ་ཚང་དང་ཀླུ་ལྡིང་མཁན་རིན་པོ་ཆེ་རྣམ་གཉིས་ལ་སྒོ་གསུམ་གུས་ཕྱག་ཞུ།
ས་སྐྱ་བདག་ཁྲི་རིན་པོ་ཆེ་མཆོག་ནི་བཙན་བྱོལ་སྤྱི་ཚོགས་ཀྱི་༸གོང་ས་མཆོག་ཕུད་པའི་བླ་ཆེན་ཁྲོད་ནས་ཆེས་འཇོན་ཐང་ཆེ་ཤོས་དང་གུས་བཀུར་ཞུ་འོས་པ་ཞིག་ཡིན་པ་ནི་ཀུན་གྱིས་བརྗོད་བཞིན་པ་ཡིན། འདི་ནི་ངོ་དགའ་སྤྲེལ་ལས་དང་ཕྱོགས་ལྷུང་གི་གཏམ་མ་ཡིན་པར་དོན་དངོས་དང་མཐུན་པ་ཞིག་ཡིན། ཁོང་ནི་བོད་བཙན་བྱོལ་གནས་པའི་རིང་ལ་ཆོས་སྲིད་གཉིས་ཀའི་ཐད་ལ་བྱས་རྗེས་འཇོག་གནང་མཁན་ཞིག་རེད།
འཇམ་དབྱང་འདི་སེམས་ཚོར་ཆེ་སྟངས་པ་ལྟ་ན་ས་སྐྱ་ཡིན་ཐག་ཆོད་རེད།
དབུག་ཁ་ལྷོད་ལྷོད་དང་སེམས་པ་གུ་ཡང་གནང་རོགས།
ཧེ་ཧེ།
དཔལ་ས་སྐྱ་བདག་ཁྲི་རིན་པོ་ཆེ་༸སྐུ་ཚེ་ཡུན་དུ་བརྟན་འགྱུར་ཅིག །
ད་ལྟའི་བར་བཙན་བྱོལ་ནང་གི་དགོན་སྡེ་ཁག་དང་བཤད་གྲྭ་ཁག་ཧྲ་ཐག་ཧྲ་ཐག་ཡོད་པ་འདི་བླ་མ་རྣམ་པ་དང་མཁན་པོ། དགེ་བཤེས། དེ་མིན་འབྲེལ་ཡོད་རྣམ་པའི་བཀའ་དྲིན་ཉག་གཅིག་ཡིན་པས། ཁོང་རྣམ་པས་བོད་ཀྱི་ཆོས་རིག་གི་བསྟི་གནས་འདི་དག་སྲུང་སྐྱོབ་གནང་བར་སེམས་གཏིང་ནས་བཀའ་དྲིན་ཆེ་ཞུ་འོས་ལ། བོད་མི་རིགས་ཀྱི་འཇོན་ཐང་དུ་ཡང་ངོམ་ཆོག ཆོལ་ཁ་དང་ཆོས་ལུགས་ཀྱི་བར་ཇི་ལྟར་མཐུན་ལམ་ཡོང་ཐུབ་ཀྱི་ཐབས་ལམ་མི་འཚོལ་བར། རང་རྒྱལ་གཞན་ཕམ་གྱི་ལྕགས་སྒྲོག་ཏུ་ཚུད་པའི་མི་རྣམས་མཐར་མི་རིགས་ཀྱི་དགྲ་བོ་ཡང་ཆགས་སྲིད།
དད་པའི་སྟོབས་ཤུགས་ནི་གཟུགས་མེད་ཀྱི་ལྕགས་ཀྱུ་རྣོན་པོ་ཞིག་ཡིན་པས། འདི་སུ་ལ་ཐེབས་ན་དད་མོས་བྱ་ཡུལ་དེའི་ཆེད་དུ་རྒྱུ་ནོར་ལོངས་སྤྱོད་ལྟ་ཅི། རང་སྲོག་དམར་པོ་ཡང་འདོར་ཐུབ་པའི་ལྷག་བསམ་དང་སྤོབས་པ་རེ་སྐྱེ་བར་བྱེད། ལྷག་པར་བོད་ཀྱི་ནང་པའི་དད་ཤུགས་ལ་མཚོན་ན་རང་ལས་གཞན་གཅེས་པའི་སེམས་ཁམས་ཀྱིས་བརླན་ཡོད་དུས། བོད་མི་དཔའ་བོ་རྣམས་ཀྱིས་ཀྱང་རང་གི་གཅེས་པའི་སྲོག་ཕངས་མེད་དུ་འདོར་ཡང་། ཆོས་ལུགས་གཞན་གྱི་དད་མོས་པ་ལྟར་འབར་རྫས་སོགས་བཏགས་ནས་གཞན་གྱི་སྲོག་ལ་འཚེ་བའི་ལས་ལ་མི་འཇུག་པ་ཡིན། འདི་གཉིས་ནི་ཧ་ཅང་གི་མི་འདྲ་བའི་ཁྱད་པར་ཆེན་པོ་གཉིས་རེད། འདིའི་རྩ་བ་གང་ལ་ཐུག་པ་རེད་ཅེས་ན། སློབ་སྟོན་པ་ལ་རག་ལུས་ཡོད་པ་བཤད་ཅི་དགོས། སྤྱིར་བཏང་བོད་ཀྱི་བླ་མ་དང་བླ་རྫུན་ཚོའི་ནང་ན་ཀུན་སྤྱོད་མི་ལེགས་པ་དང་། ལམ་ལོག་སྟོན་མཁན་ཡོད་བདེན་པ་ཡིན་ཡང་། ས་སྐྱ་གོང་མ་ཚང་ནི་ད་བར་དྲང་བདེན་དང་ཡང་དག་པའི་ལམ་སྟོན་གནང་མཁན་གྱི་སྐྱེས་བུ་རྨད་དུ་བྱུང་བ་ཞིག་ཡིན་གཤིས། ང་ཚོས་ངོས་ནས་ཁོང་ལྟ་བུའི་བཀའ་དྲིན་ནམ་ཡང་དྲན་དགོས། ཐམས་ཅད་ལ་རྒྱུག་པ་ལེབ་བརྡུང་མི་བྱེད་པའི་སྙུག་ཐོགས་པ་ཞིག་ཡིན་ན་རང་ཉིད་གཟུར་གནས་ཀྱི་མཁས་པ་ཆགས་པའི་རེ་བ་བརྒྱབ་ཆོག
དཔལ་ས་སྐྱའི་བདག་ཁྲི་རིན་པོ་ཆེ་མཆོག་དང་ངོར་ཤར་ཆེན་ཀླུ་ལྡིང་མཁན་ཆེན་རིན་པོ་ཆེ་རྣམ་གཉིས་གཙོ་བོར་གྱུར་པའི་སྐུ་འཁོར་རྣམས་ཀ་རྡོར་སྒང་གསུམ་དུ་ཕེབས་ཏེ་འགྲོ་བ་རྣམས་ཀྱི་དོན་དུ་ཆོས་ཕྱོགས་ཀྱི་མཛད་འཕྲིན་སྐྱོང་བཞིན་པ་ལ་སྙིང་ཁོང་རུས་པའི་སྟེང་ནས་ཐུགས་རྗེ་ཆེ་ཞུ།
ཀ་རྡོར་སྒང་གསུམ་ལ་རྙིང་མ་བཀའ་བརྒྱུད་ཀྱི་བཟུང་ནས་དགེ་ལུགས་འཛུལ་ས་རེག་གི་ཡོད་པ་མ་རེད་ད་ས་སྐྱ་འཛུལ་འདུག་ག་བླ་མ་འདི་ཚོ་རང་དོན་ཀྱི་མཛད་པ་སྐྱོངས་དུས་སྤྱང་དྲུང་འཛོམ་པོ་ཡོད་རེད།
བླ་མ་འདི་ཚོ་ཟེར་བ་ཆོས་བརྒྱུད་སྤྱིའི་བླ་མ་ལ་གོ་བ་ལས་ས་སྐྱ་གཅིག་པུ་ལ་གོ་གི་མེད།