རང་གི་རྒྱལ་ཁབ་དང་མི་རིགས་ཀྱི་དོན་དུ་ཟླ་བ་གཅིག་ཁྲོད་ཀྱི་ཉིན་གཅིག་གི་དགོང་ཟས་སྤངས་ཏེ། བོད་མི་རེ་རེས་ཟླ་རེར་ཧིན་སྒོར་སུམ་བཅུ་རེ་བོད་སྤྱི་པའི་དོན་དུ་ཞལ་འདེབས་འབུལ་རྒྱུའི་རེ་སྐུལ་ཞུ་བཞིན་ཡོད་ཟེར།
ཕྱི་ཚེས་ ༡༠ ཉིན་གྱི་ཞོགས་པར་གངས་སྐྱིད་བོད་ཀྱི་དཔེ་མཛོད་ཁང་གི་ཚོགས་ཁང་དུ་རྒྱ་གར་བྱང་ཤར་ཤིས་ལོང་ས་གནས་སུ་གནས་བཞུགས་སྐུ་ཞབས་བཀྲ་ཤིས་སྟོབས་རྒྱལ་ལགས་དང་ཐུབ་བསྟན་ཡེ་ཤེས། སིམ་ལའི་ཉེ་འཁོར་ཌོ་ལན་ཇི་གནས་སྡོད་སྐུ་ཞབས་བློ་ལྡན་ཉི་མ་བཅས་གསུམ་གྱིས་གསར་འགོད་གསལ་བསྒྲགས་ཤིག་སྤེལ་ཏེ། འདི་ལོའི་ཕྱི་ཟླ་ ༧ པའི་ཚེས་ ༦ ཉིན་ནས་བཟུང་ཁོང་གསུམ་གྱིས་རང་ངོས་ནས་རང་གི་རྒྱལ་ཁབ་དང་མི་རིགས་ཀྱི་དོན་དུ་ཟླ་གཅིག་གི་ནང༌། ཉིན་གཅིག་གི་དགོང་ཟས་སྦངས་ཏེ། ཟླ་རེར་ཧིན་སྒོར་ ༣༠ བོད་སྤྱི་པའི་དོན་དུ་ཞལ་འདེབས་འབུལ་རྒྱུ་དང་། ཟླ་རེའི་བོད་ཚེས་བཅོ་ལྔ་ནམ་ཡིན་ལ་དགོང་ཟས་སྤངས་ཏེ། རྒྱལ་ཁབ་དང་མི་རིགས་ཀྱི་ཆེད་དུ་ཞལ་འདེབས་སུ་འབུལ་རྒྱུའི་ལས་འགུལ་ཞིག་མགོ་འཛུགས་གནང་ཡོད་པ་ལྟར། མ་འོངས་པར་བོད་མི་མང་པོ་མཉམ་ཞུགས་གནང་བ་དང་མ་དངུལ་མང་དུ་ཕྱིན་ཚེ། རང་གཞུང་གི་མཛད་གཙོ་རྣམ་པར་འབྲེལ་བ་གནང་སྟེ། རྒྱ་མཚོའི་ཆུ་ཐིགས་ཀྱི་ཚུལ་དུ་རྒྱལ་ཁབ་དང་མི་རིགས་ཀྱི་ལས་དོན་ཆེད་གཏོང་རྒྱུ་ཡིན་འདུག
ལས་འགུལ་གྱི་དམིགས་ཡུལ་གཙོ་བོ་ནི། དགོང་ཟས་སྤོང་བའི་ཉིན་མོར་ནང་མི་ཕན་ཚུན་བར་བོད་ཀྱི་འདས་དང་ད་ལྟའི་གནས་སྟངས་དྲན་གསོ་དང་སྐུལ་ལྕག བགྲོ་གླེང༌། སློབ་གསོ་བཅས་བརྒྱུད་མི་རིགས་ཀྱི་གནས་སྟངས་ངོ་འཕྲོད་པ་བྱ་རྒྱུ་དང་། མ་འོངས་པར་སོན་རྩ་རྣམ་པས་མི་རབས་རིམ་བརྒྱུད་ཀྱི་རྗེས་སྐྱོང་ཚུལ་བཞིན་ཡོང་ཆེད། རང་ངོས་ནས་རྒྱ་མཚོ་ཆུ་ཐིགས་ཀྱི་ཚུལ་དུ་དཔལ་འབྱོར་མཐུན་རྐྱེན་གལ་ཆེན་ཡིན་པ་ཤེས་པར་བྱས་ཏེ་དགོང་ཟས་ཀྱི་དོད་དངུལ་དེས་རང་རེའི་ཤེས་ཡོན་ལ་ཕན་ཐོགས་ཇི་བྱུང་དྲན་སྐུལ་ཞུ་རྒྱུ་བཅས་ཡིན་འདུག་ལ། ལས་འགུལ་འདི་ལམ་ལྷོང་ཡོང་ཆེད་རྒྱ་ཆེ་མང་ཚོགས་གང་མང་མཉམ་ཞུགས་གནང་སྟེ། ༸གོང་ས་མཆོག་གི་དགོངས་གཞི་ལྟར། བོད་ཕྲུག་ཚོའི་ཤེས་ཡོན་སྤྱི་དང་བྱེ་བྲག་རིགས་གཅིག་རྐང་འཛིན་དང་ཆེད་ལས་པ་མི་ཉུང་བ་ཞིག་བསྐྲུན་རྒྱུའི་མཐུན་རྐྱེན་བསྐྲུན་རྒྱུ། རང་རེའི་བོད་རྒྱལ་ཁབ་ཀྱི་འདས་དང་ད་ལྟའི་ཆོས་སྲིད་ལུགས་གཉིས་ཀྱིས་མཚོན་བོད་མིའི་སྤྱི་ཚོགས་གཞིས་བྱེས་གཉིས་སུ་ཇི་ལྟར་གྱེས་པ་དང་དར་རྒུད་ཀྱི་གནས་སྟངས། བུ་རབས་ཚ་རྒྱུད་ལ་ངོ་སྤྲོད་ཞུ་རྒྱུའི་ལས་འགུལ་ཞིག་ཡིན་ཅིང༌། འདི་ཡི་བརྒྱུད་ནས་འབྱུང་འགྱུར་གྱི་གྲ་སྒྲིག་ལ་སྨན་ཕྱིར་རྒྱ་མཚོ་ཆུ་ཐིགས་ཀྱིས་འབྲེལ་ཞིང༌། འོས་ཤིང་འཚམ་པའི་དཔལ་འབྱོར་མཁོ་སྒྲུབ་ཀྱི་ལས་འགུལ་ཞིག་ཡིན་འདུག
འབྲེལ་བ་གནང་ཡུལ་གྱི་གློག་འཕྲིན་ཁ་བྱང་། Email:gyatsochuthik@gmail.com དང་།
དྲ་རྒྱའི་ཁ་བྱང་། www.gyatsochuthik.blogspot.com
གསར་འགོད་པ། དོན་གོ
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
གལ་སྲིད་ངའི་དགོང་ཟས་ཀྱི་རིན་གོང་སྒོར་༡༥ལས་མ་ཟིན་ན། ༡༥ཡིས་འཐུས་སམ།
ཡག་པོ་རེད། ཡིན་ན་ཡང་མི་འདི་དག་གི་དམིགས་ཡུལ་ཡག་པོ་མེད་ཐག་ཆོད་རེད། གང་ཡིན་ཟེར་ན་མི་ཁོ་རང་ཚོའི་ལོ་རྒྱུས་གཙང་མ་ཡོད་མཁན་རྐྱང་བ་མ་རེད། ད་རེ་རེ་བཞིན་མི་ཞུ་དགོས་མེད་ཀྱི་གཏམ་རེད། སྒོར་རྡོག་སུམ་ཅུ་དེ་ཡང་རྟག་པར་ཕུལ་ཐུབ་མིན་ཁག་པོ་རེད།
ལགས་སོ་འགོ་ནས་མཇུག་བར་ཡག་པོ་ཞིག་རྒྱུན་སྐྱོང་རྒྱུ་དང་ལྷག་པར་ཞལ་འདེབས་རིག་གོ་རྒྱུ་རིག་རྒྱུ་བྱུས་ན་ཡག་ཐོག་ཡག་བཞག་རེད་བསྙམ།
རང་ངོ་ནས་ཞལ་དཔག་ཚོག་ཞིག་འབུལ་གི་ཡིན།
ཁྱེད་རྣམས་ཀྱིས་སྤེལ་བཞིན་པའི་ལས་འགུལ་དེ་ཁ་ཞེ་གཉིས་མེད་ཅིག་ཡིན་ངེས་ལ་ཡིན་ཡང་དགོས། དེས་ན་བདག་གིས་ཀྱང་རྗེས་སུ་ཡི་རངས་དང་ལྷན་ཅིག་ཏུ་ཕྱ་གྲུ་མཉམ་འདེགས་ཞུ་རྒྱུའི་ཆོད་སེམས་གཙང་མ་ཡོད།
རྒྱ་མཚོ་ཆུ་ཐིགས་ཀྱི་ལས་འགུལ་སྤེལ་གནང་མཁན་རྣམ་པ་གསུམ་ལ་སྙིང་དབུས་ནས་ཐུགས་རྗེ་ཆེ་ཞུ་རྒྱུ་མ་ཟད། ལས་དོན་ལ་རྒྱབ་བསྐྱོར་དང་ཡི་རང་ཞུ་རྒྱུ་ཡིན་ཞལ་འདེབས་ཀྱང་གཅིག་མཐུན་འབུལ་འདུན་ཡོད། ཁྱོད་རྣམས་པས་ལས་དོན་འགོ་འཛུགས་གནང་མ་ཐག་སྐྱོན་བརྗོད་དང་ངོ་རྒོལ་བྱ་མཁན་རེ་གཉིས་ཡོངས་སྲིད་པས་དེ་དག་གིས་རྐྱོན་པས་བློ་སྟོབས་ནམ་ཡང་མ་ཞུམ་རོགས། མཉམ་མཐུན་གྱི་ལས་འགུལ་རེ་སྤེལ་དང་། གཅིག་མཐུན་གྱི་དམ་བཅའ་རེ་འཇོག་དང་། དམིགས་དོན་ཞིག་སྒྲུབ་པ་འདོན་མི་བཟའ།
མི་འདི་ཚོས་དཔལ་འབྱོར་མཁོ་སྒྲུབ་བྱེད་པའི་ལས་འགུལ་གྱི་རྒྱབ་ལྗོངས་དམིགས་ཡུལ་ནི་རྒྱལ་ཁབ་དང་མི་རིགས་ཁ་ལ་གཡར་ནས་མ་དངུལ་མང་དུ་བསགས་ཏེ་རང་གི་མཐུན་རྐྱེན་བསྒྲུབ་རྒྱུ་དེ་རེད། དེང་སྐབས་བོད་ནང་གི་ཛ་དྲག་གི་གནས་བབ་ལ་བསམ་གཞིགས་ཅི་ཡང་བཏང་མེད་པ་དང་བོད་སྤྱི་བའི་ཤེས་ཡོན་ཡར་རྒྱས་དང་རིགས་གཅིག་རྐང་འཛིན་གྱི་ཆེད་ལས་བ་གསོ་སྐྱོང་གི་ལས་འགན་ནི་བཙན་བྱོལ་གཞུང་གིས་བསྒྲུབ་དགོས་པ་ལས་མི་སྒེར་གྱི་ཚོགས་པས་ནུས་པ་འདོན་ཐུབ་ཀྱི་མ་རེད།
འགྱུར་མེད་སྟན་འཛིན་ཡག་པོ་མ་རེད ་ཆབ་བྲག་ལྟར་བྱུང་ན་འགྲིག་ཀ. ཐེ་ཚོམ་སེལ་ངེས་རེད. སྙུང་གནས་ངས་དྲན. ལས་ཀའི་ཞོར་ལ་ཡོང་དཀའ་. ཁོང་གསུམ་གྱིས་སྙུང་གནས་མི་ཟེར་བར་རྒྱུ་མཚན་ཡོད་སྙམ. ཧིན་སྒོར་༣༠རེ་བློས་མི་མཐོང་བ་གང་འདུག. བྱ་བ་གང་ལ་ཚོད་ལྟ་བྱོས. མི་ལེགས་ར་འཕྲོད་ཚེ་ཚམ་འཇོག་མི་ཆོག་པ་ག་ལ་སྲིད.
བློ་སྐྱེད་དང་ཐབས་གསར. འཐུས་ཚང་ལ་རིག་པ་འདོན་རོགས. སྤྱིར་ངེས་པར་རིག་པ་འདོན་དགོས་མེད་ལ. མར་འཐེན་ལ་དེ་བས་ཀྱང་ངོ. དུས་བབ་ཀྱིས་ཀྱང་བརྗོད་གཞི་དང་འབྲེལ་བ་ཡོད་ཙམ་ལ་མི་བལྟ་བར་དགེ་མཚན་ལ་བལྟ་རོགས་. མཆན་ཉོག་མང་དྲག་འདུག
ཆུ་ཡི་ཐིག་པ་བསགས་ན་རྒྱ་མཚོར་འགྱུར་བའི་དཔེ་དང་། མེ་སྟག་ཆུང་ངུས་རྩ་ཕུང་རི་ཙམ་སྲེག་ཐུབ་པའི་ཚུལ་ལ་བསམ་ནས། ཞུམས་པ་མེད་པའི་སྙིང་སྟོབ། དྭངས་གཙང་ཁ་དར་ལས་ཀྱང་གཙང་བའི་བརྩེ་བ་ཞིག་ཁ་བ་ཅན་ལ་བཞག་ནས་མུན་པའི་གླིང་གསལ་པོ་བྱེད་པའི་ཆེད་དུ་སྐུ་ལུས་མཆོད་མེ་རུ་ཕུལ་མཁན་དེ་རྣམས་བོད་ཀྱི་མི་རབས་རྒྱུན་མ་སྟོང་བར་བོད་མིས་མི་བརྗེད་པ་ཡོངས་པའི་ཆེད་དུ་བྱ་བཞག་སྣ་མང་སྐྲུན་དགོས་དང་དགོས། དེ་དག་གི་ཆེད་དུ་ཞབས་འདེབས་དེ་ལྟར་འབུལ་བའི་ཆོད་སེམས་ལ། ཡིད་རངས་དང་རྒྱབ་སྐྱོར་ཡོད
དམིགས་ཡུལ་དང་ལས་འགུལ་ཡག་པོ་རེད། བསྔགས་བརྗོད་ཡོད། ཞལ་འདེབས་ཀྱང་ལོས་འབུལ། ཞལ་འདེབས་འབུལ་ས་དང་དངུལ་དོ་དམ་བྱེད་སྟངས་གསལ་བཤད་ཅིག་གནང་རོགས། བོད་མིའི་སྒྲིག་འཛུགས་རང་ལ་འབུལ་རྒྱུ་ཡིན་ན་བཟང་གི མཉམ་ཞུགས་པ་མང་པོ་ཡོང་ངེས།
ལས་འགུལ་འདི་རྣམ་དཔྱོད་ལྡན་པའི་བོད་སྤྱི་བའི་ཆེད་དུ་ཕན་ཐོགས་པའི་ལས་ཀ་ཞིག་མཐོང་མ་སོང།
ལས་འགུལ་འདིའི་རྒྱབ་ལོགས་སུ་དམིགས་ཡུལ་ཅི་ཞིག་སྦས་ཡོད་ཀྱང་ཐེ་ཚོམ་གྱུར་སོང།
བཙན་བྱོལ་ནང་ནས་བོད་སྤྱི་བ་དང་མི་རིགས་ཁ་ལ་ཁྱེར་ནས་དོན་ངོ་མའི་སོ་སོ་ལ་ཁེ་ཕན་ཞིག་ཐོབ་ཆེད་ལས་བོད་ནང་གི་མི་ཚོ་ནང་བཞིན་མི་རིགས་ཀྱི་དོན་དུ་ཡོད་ཚད་བློས་བཏང་ཐུབ་མཁན་ཞིག་མཐོང་མ་སོང།
དོགས་པ་ཆེན་པོ་ཡོད
ལོ་གཅིག་གི་ནང་དུ་ཚེ་བཅུ་ལྔ་ནམ་ཡིན་ལ་བོད་པ་ཚོས་ཟས་བཅད་ངོ་རྒོལ་གྱི་སྙུང་གནས་རེ་ཉིན་བརྒྱ་དུས་གཅིག་ལ་འཛམ་གླིང་ས་ཕྱོགས་གང་སར་ཡོད་པའི་བོད་པ་ཚོ་འདུག་ཐུབ་ན་དེས་ཤི་གསོན་གཉིས་ཀ་ལ་ཕན་ཐོགས་པའི་ལས་ཀ་ཞིག་ཆགས་ཀྱི་རེད་བསམ་གྱི་ཡོད།
གཞོན་སྐྱེས་ཚོས་བོད་ཡིག་ལ་དོ་སྣང་མི་བྱེད་པས། གཞོན་སྐྱེས་ཚོར་བོད་ཡིག་དང་བོད་ཀྱི་རིག་གཞུང་ལ་དབྱིངས་དབེན་པས། གཞོན་སྐྱེས་མང་པོ་ཞིག་དབྱིན་ཇི་དང་རྒྱ་ཡིག་གི་དབང་འོག་ཏུ་ཚུད་དང་ཚུད་བཞིན་པས། བོད་དོན་གྱི་ལས་འགུལ་སྤེལ་དུས་བོད་མི་ལྐུག་པའི་ཚུལ་འཛིན་མཁན་གཡས་གཡོན་ཀུན་ནས་ཡོད་པས།
ཁྱེད་ཅག་གསུམ་གྱི་ཐབས་བཟང་དམིགས་བཟང་གི་ལས་འགུལ་དེར་བརྒྱ་ཆ་བརྒྱ་ཐམ་པར་གུས་བརྩི་དང་བསྔགས་བརྗོད་གློ་སྙིང་བྲང་གསུམ་གྱི་གཏིང་དབུས་དེ་ནས་འབུལ་ལོ། །
ཡག་པོ་རེད་ཐུགས་རྗེ་མི་རང་ཉིད་ནས་ནུས་ཚོད་ཀྱི་རྒྱབ་སྐྱོར་གནང་པ་མཚོན་གྱི་ཡོད་པ་རེད། གང་ལྟར་བོད་མི་ཞིག་ཡིན་པས་འགན་བླང་བ་མཚོན་གྱི་ཡོད་པ་ཡིན་པས་རླབས་ཆེན་དུ་བརྗོད་འོས་པ་ཞིག་མ་ཡིན།