གསལ་བསྒྲགས།
༄༅།། མདོ་སྨད་དབུས་སྤྱི་ཁྱབ་རྒྱུན་ལས་ཁང་གིས་མི་མང་གི་འཚོ་བའི་དགོས་མཁོ་འབའ་ཞིག་ཡར་རྒྱས་གཏོང་རྒྱུར་དམིགས་ནས་ཙོང་ཁའི་ཟ་ཁང་དེ་ཉིད་ཕྱི་ལོ་ ༢༠༡༡ ལོའི་ཟླ༡༢ཚེས་༠༡ཉིན་ནས་ཕྱི་ལོ༢༠༡༤ལོའི་ཟླ༡༡ཚེས་༣༠བར་གྱི་ལོ་ངོ་གསུམ་རིང་མདོ་སྨད་དབུས་རྒྱུན་ལས་ནས་གཏན་འབེབ་བོགས་གླའི་ཐོག་གཉིས་མོས་ཆོད་གན་འཇོག་གནང་གིས་བོགས་མ་གཏོང་རྒྱུ་ཡིན། མདོ་སྨད་པ་ཟ་ཁང་བོགས་མ་ལེན་འདུན་ཡོད་རིགས་ནས་མདོ་སྨད་དབུས་རྒྱུན་ལས་ཁུངས་ཀྱི་གཏན་འབེབས་ཟ་ཁང་བོགས་ལེན་ཞུ་སྙན་འགེངས་ཤོག་ཞུ་ལེན་གྱིས་ཞིབ་བསྐངས་དང་སྦྲགས་དགོས་ངེས་གཤམ་གསལ་ཡིག་ཆ་ཁག་དང་མཉམ་མདོ་སྨད་དབུས་རྒྱུན་ལས་ཁུངས་སུ་ངེས་འབུལ་ཞུ་དགོས།
༡ ༽དང་བླང་དཔྱ་དངུལ་ལག་དེབ་ཡོད་པ།
༢ ༽རྒྱ་གར་སྐྱབས་བཅོལ་ལག་དེབ་ཡོད་པ།
༣ ༽མདོ་སྨད་ལག་ཁྱེར་བྱང་བུ་ཡོད་པ།
༤ ༽ཁྱིམ་ཚང་གཅིག་ནས་ནང་མི་གཅིག་མ་གཏོགས་བོགས་གཏོང་ནང་འཛུལ་ཞུགས་མི་ཆོག
༥ ༽ ཕྱི་ལོ་༢༠༡༡ལོའི་ཟླ་༡༠ཚེས༡༢ཉིན་ནས་བཟུང་ཟ་ཁང་བོགས་ལེན་འགེངས་ཤོག་ཞུ་ལེན་ཐོ་འགོད་འགོ་འཛུགས་བྱ་རྒྱུ།
༦ ༽ བོགས་ཞུའི་མཐའ་མིའི་ཞུ་སྙན་མདོ་སྨད་དབུས་རྒྱུན་ལས་ཁུངས་སུ་འབྱོར་ཚེས་མཐའ་མ་ཕྱི་ལོ༢༠༡༡ལོའི་ཟླ་༡༡པའི་༡༢་ཉིན་གྱི་ཕྱི་དྲོའི་དུས་ཚོད་༥བར་ཡིན། དུས་བཅད་ལས་བརྒལ་རིགས་རྩིས་མེད་ཡིན་པས་དགོངས་མངའ་ཡོད་པ་ཞུ།
༧ ༽གཞན་ཞིབ་ཕྲའི་ཆ་རྐྱེན་ཁག་སྔ་མའི་གན་ཡིག་ལྟར་རྩ་འཛིན་ལག་བསྟར་བྱ་རྒྱུ། (ཞིབ་ཕྲའི་གནས་ཚུལ་མདོ་སྨད་དྲ་བ་ http://www.dhomay.net/ གཟིགས།)
མདོ་སྨད་དབུས་སྤྱི་ཁྱབ་རྒྱུན་ལས་ཁང་ནས།
