མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

འཐབ་རྩོད་གསར་བའི་ནང་ཞུགས་པའི་རྔ་བ།

བོད་ཀྱི་དུས་བབ།
༢༠༡༡/༡༠/༡༩
Share on FacebookShare on TwitterShare on EmailShare on Whatsapp

གསལ་བཤད།


གཤམ་གསལ་འདི་ནི་ཕྱི་ཚེས་༡༣ཉིན། ཧྥ་རན་སིའི་རྒྱལ་སྤྱིའི་རླུང་འཕྲིན་ལས་ཁང་གིས་ཉེ་ཆར་བོད་ནས་ཉམས་ཞིབ་རྗེས་ཕྱིར་ཕེབས་མ་ཐག་པའི་བོད་རིག་པ་བ་ལྕམ་སྐུ་ཁྰ་ཐི་ཡ་བྷོ་ཧྥུ་ཐིར་ལགས་སུ་ད་ལྟའི་རྔ་བའི་ཛ་དྲག་གི་གནས་སྟངས་དང་། དེ་བཞིན་བསྟུན་མར་བྱུང་བའི་དགེ་འདུན་པའི་རང་ལུས་མེར་སྲེག་གི་ལས་འགུལ་འདི་དག་ལ་གོ་བ་ལེན་སྟངས་སམ། ཡང་ན། བོད་པ་ཚོས་བོད་དོན་འཐབ་རྩོད་ལས་འགུལ་དེ་ད་ལྟ་ཐབས་ལམ་གཞན་ཞིག་ཐོག་འགྲོ་གི་ཡོད་མེད་སོགས་ཀྱི་ཐད་བཅར་འདྲི་བྱས་པ་ཞིག་རེད། རྩོམ་མིང་བཅར་འདྲིའི་ནང་དོན་ལྟར་སྒྱུར་བ་པོས་བཏགས་པ་ཡིན།

རླུང་འཕྲིན་ཁང་། ཉེ་ཆར་བྱུང་བའི་དགེ་འདུན་པའི་རང་ལུས་མེར་སྲེག་གི་དོན་རྐྱེན་ཕལ་ཆེ་བ་རྔ་བ་ཀིརྟི་དགོན་པ་དང་འབྲེལ་བ་ཡོད་པ་རེད། འདི་གནས་ཚུལ་གྱི་སྟབས་ཀ་འགྲིག་སྟངས་སམ་སྟེས་དབང་འདྲ་རེད་དམ།

ཁྰ་ཐི་ཡ། རེད་རེད། ཕྱི་ཟླ་༩ ནས་བཟུང་། ས་གནས་དེར་མི་ལྔས་རང་ལུས་མེར་སྲེག་གི་ལས་གཞི་བརྩམས་པ་རེད། ཁོང་ཚོ་ཚང་མ་ཀིརྟི་དགོན་པའི་ལོ་གཞོན་དགེ་འདུན་པའམ། ཡང་ན་དེ་སྔ་དགོན་པ་དེར་གྲྭ་བ་བྱས་མྱོང་བ་རྐྱང་རེད། ཕྱི་ཟླ་༩ ནང་མི་གཉིས་དང་། གཞན་གསུམ་ཕྱི་ཟླ་༡༠ ནང་རེད། འོན་ཀྱང་། དེ་སྔོན་དཀར་མཛེས་ཁུལ་གྱི་དགོན་པ་ཞིག་ནང་ཡང་རང་ལུས་མེར་སྲེག་གི་དོན་རྐྱེན་བྱུང་མྱོང་ཡོད་པ་རེད།
རང་ལུས་མེར་སྲེག་གི་དོན་རྐྱེན་ཐེངས་དང་པོ་དེ་ད་ལོའི་ཕྱི་ཟླ་༣ ནང་ལ་རེད། སྐབས་དེའི་གནས་ཚུལ་ཐོན་གསལ་ལ། ཁོང་མ་གྲོངས་པའི་སྔོན་ལ་ཉེན་རྟོག་པས་ཉེས་རྡུང་དྲག་པོ་བཏང་ཡོད་འདུག དེར་བརྟེན། མེར་སྲེག་དོན་རྐྱེན་གྱི་རྗེས་ཏག་ཏག་དེར་ངོ་རྒོལ་རྔམ་སྟོན་བྱུང་བ་རེད། སྲིད་གཞུང་གིས་དམག་མི་བཏང་ནས་དྲག་གནོན་དང་། དགོན་པར་དམ་དྲག་ཤུགས་ཆེན་བྱས་འདུག

ད་ལོ་ང་ཨ་མདོའི་ཁུལ་ལ་ཉམས་ཞིབ་ཏུ་འགྲོ་སྐབས། རྔ་བ་ཁུལ་དུ་སོང་མྱོང་བའི་ཡུལ་སྐོར་བ་ཞིག་དང་འཕྲད་སོང་། ཁོས་ཀིརྟི་དགོན་པའི་ཉེ་འཁོར་ནས། ཕྱེ་སྒྱེས་འཛིང་རག་བརྩིགས་པའི་ནང་མེ་མདའ་བཟུང་བའི་དམག་མིས་བཀག་འདོམ་བྱེད་བཞིན་པ་མཐོང་འདུག ངས་གོ་ཐོས་ལ་ཕལ་ཆེར་དམག་མི་སུམ་ཁྲི་ནས་བཞི་ཁྲི་ལྷག་ཡོད་ཚུལ་འདུག ཀིརྟིའི་དགོན་པའི་དགེ་འདུན་པ་འགས་ང་ལ་དགོན་པའི་གནས་སྟངས་གསུང་སྐབས། ཁོང་ཚོ་ཧ་ཅང་གི་ཞེད་སྣང་སྐྱེ་གི་འདུག་ཟེར། ཕྱི་ལོག་ལ་གནས་ཚུལ་མཁོ་སྤྲོད་བྱེད་མཁན་ཤེས་རྟོགས་བྱུང་ན་ལོ་བཅུ་ལྷག་གི་ཁྲིམས་གཅོད་གཏོང་གི་རེད་ཟེར། ཁོ་ཚོས་བཤད་རྒྱུར། ཕྱི་ཟླ་༣ ནས་བཟུང་། དགེ་འདུན་པ་ཕལ་ཆེ་བ་དགོན་པ་ནས་ཕྱིར་ཕུད་བྱས་སོང་། ཀིརྟི་དགོན་པར་དེ་སྔ་དགེ་འདུན་པ་ཉིས་སྟོང་བརྒྱད་བརྒྱ་ལྷག་ཡོད་པའི་ནང་། རང་ལོ་བཅོ་བརྒྱད་མ་ལོན་པའི་དགེ་འདུན་པ་ཚོ་ཕྱིར་རང་ཁྱིམ་དུ་ལོག་བཅུག་ཡོད་པ་རེད། རྒྱ་ནག་གི་ཁྲིམས་ལུགས་ནང་གྲྭ་བའི་ལོ་ཚོད་རང་ལོ་བཅོ་བརྒྱད་ལ་གཏན་འབེབས་བྱས་ཡོད་འདུག གཞན་དགེ་འདུན་པ་ཆིག་སྟོང་ལྷག་ས་གནས་གཞན་ནས་ཕེབས་པའི་སློབ་གཉེར་པ་རེད། ཁོ་ཚོ་ཕྱིར་རང་གི་ས་གནས་སུ་ལོག་དགོས་པའི་རེ་འདུན་བཏོན་པ་རེད། དགེ་འདུན་པ་མང་པོ་ཞིག་ལ་ལོ་གསུམ་གྱི་ཁྲིམས་ཐག་བཅད་པ་རེད། བརྒྱ་ལྷག་གར་སོང་ཆ་མེད་དུ་གྱུར་བ་རེད། ཁོང་ཚོས་ད་དུང་ང་ལ་གསུངས་རྒྱུར། སྲིད་གཞུང་གིས་ཕྱིར་སྐྱ་སར་འབབ་མཁན་ཚོར་རྒྱ་སྒོར་༤༠༠ སྤྲོད་རྒྱུ་དང་། དེ་ལ་ངོས་ལེན་མི་བྱེད་མཁན་རྣམས་བཙོན་འཇུག་བྱེད་རྒྱུ་ཡིན་ཟེར། སོང་ཙང་། དགེ་འདུན་པ་མང་ཤོས་ཀྱིས་ཆ་རྐྱེན་དེ་ཁས་ལེན་བྱས་པ་རེད། ཡིན་ནའང་བཞི་བཅུ་ལྔ་བཅུ་ཞིག་གིས་ངོས་ལེན་མ་བྱས་པ་རེད། ཁོ་ཚོའི་ནང་ནས་འགའ་ཤས་བཀག་ཉར་དང་། ཁ་ཤས་ཕྱིར་དགོན་པར་ལོག་བཅུག་འདུག་ཟེར།

དགེ་འདུན་པ་ཚོས། སྲིད་གཞུང་ལ་ཁོ་ཚོར་སྨྲ་བརྗོད་རང་དབང་དང་ཆོས་དད་རང་དབང་དགོས་པའི་རེ་འདུན་བཏོན་པ་རེད། སྲིད་གཞུང་གིས་ཕྱིར། ཁོ་ཚོར་རྒྱ་ནག་གཞུང་གིས་བོད་ལ་ཁྱེར་ཡོང་བའི་དཔལ་འབྱོར་འཕེལ་རྒྱས་དང་བདེ་སྐྱིད་ངོས་འཛིན་ཐུབ་ཀྱི་མེད་པའི་ལན་སྤྲད་པ་རེད། དེ་བཞིན་དགེ་འདུན་པ་ཚོ་གྲོང་ཁྱེར་ཡར་རྒྱས་ཀྱི་རྣམ་པ་མཐོང་ཆེད་ལྟ་སྐོར་དུ་འཁྲིད་རྒྱུའི་གྲོས་གཞི་བཏོན་པ་རེད།

ང་ཐུག་མྱོང་བའི་དགེ་འདུན་པ་འགས་ད་དུང་བཤད་རྒྱུར། དགེ་འདུན་པ་ཚོ་དགོན་པའི་ནང་དམ་དྲག་དང་བཀག་ཉར་བྱས་རྗེས། ཕྱི་ལོག་ལ་འགྲོ་དགོས་ཚེ་ཕྱི་བསྐྱོད་ལག་འཁྱེར་ལེན་དགོས། འོན་ཀྱང་ལག་འཁྱེར་དེ་རིགས་ལས་ཁུངས་གཉིས་ནས་མ་གཏོགས་རེག་ཐབས་མེད་པ་དང་། དེ་ཡང་ས་གནས་རང་གི་དགེ་འདུན་པ་ལ་མ་གཏོགས་སྤྲོད་ཀྱི་མེད་འདུག ཁོ་ཚོས་ད་དུང་བཤད་རྒྱུར། དམག་མིས་བྱ་སྤྱོད་ཧ་ཅང་གི་དྲག་པོ་དང་གདུག་རྩུབ་རེད་ཟེར། དམག་མི་ཚོ་དགོན་པའི་ནང་འཛུལ་ནས་དགེ་འདུན་པ་སྒེར་གྱི་རྒྱུ་དངོས་བཙན་འཁྱེར་བྱེད་ཀྱི་འདུག དགེ་འདུན་པ་ཚོས་དེ་སྐོར་ཞུ་གཏུག་བྱས་ནའང་སྒང་ནས་དམག་མི་དེ་དག་གི་མིང་བཤད་དགོས་ཚུལ་བཤད་དེ་བདག་སྤྲོད་བྱེད་ཀྱི་མི་འདུག སོང་ཙང་། དམག་མི་སུ་ཞིག་ལའང་ཉེས་ཆད་ཕོག་ཡོད་པ་མ་རེད་ཟེར།

གཞན། དྲག་པོས་དམ་དྲག་བྱས་པ་དེས། དགོན་པའི་ནང་ཟས་རིགས་མ་འདང་བའི་དཀའ་ངལ་ཚབས་ཆེན་བྱུང་ཡོད་འདུག

རང་ལུས་མེར་སྲེག་གི་ངོ་རྒོལ་དོན་རྐྱེན་ཕལ་ཆེ་བ་ཀིརྟི་དགོན་པ་དང་འབྲེལ་བའི་སྐོར་ལ། ང་ཚོས་ཤེས་དགོས་པ་ཞིག་ནི། ཀིརྟི་དགོན་པ་ནི་གནའ་ནས་ད་བར་དུ། བོད་ཀྱི་ནང་བསྟན་ཆོས་ལུགས་དང་། བོད་པའི་རིག་གཞུང་ལ་མཐའ་གཅིག་ཏུ་འགན་སྲུང་བྱེད་མཁན་གྱི་དགོན་སྡེ་ཞིག་རེད། ཕྱི་ལོ་ ༢༠༠༨ལོར། དགོན་པ་འདིའི་ནང་ངོ་རྒོལ་ལས་འགུལ་བྱུང་མྱོང་བ་མ་ཟད། ངོ་རྒོལ་ལས་འགུལ་དེའི་ནང་བོད་མི་འགའ་ཤས་འདས་གྲོངས་སུ་ཡང་གྱུར་ཡོད་པ་རེད།

རླུང་འཕྲིན་ཁང་། རང་ལུས་མེར་སྲེག་གི་ལས་འགུལ་དེ་དག་ལ་འགྲེལ་བཤད་གང་འདྲ་བྱེད་དགོས་པ་རེད། སྤྱིར་བཏང་བོད་པ་ནི་ཞི་བདེའི་མི་རིགས་ཤིག་ལ་ངོས་འཛིན་བྱེད་ཀྱི་ཡོད་པ་རེད། དོན་རྐྱེན་འདིས་བོད་པ་ཚོས་འཐབ་རྩོད་ལས་འགུལ་དེ་ཐབས་ལམ་གཞན་ཞིག་ནས་མགོ་འཛུགས་བཞིན་པ་མཚོན་གྱི་ཡོད་དམ།

ཁྰ་ཐི་ཡ། གང་ལྟར། ཀིརྟི་དགོན་པའི་ནང་། དགེ་འདུན་པ་ཚོ་རྦད་དེ་རེ་ཐག་ཆད་པ་རེད། གནས་སྟངས་མུ་མཐུད་ནས་སྡུག་ནས་སྡུག་ཏུ་འགྲོ་བཞིན་ཡོད་པ་རེད། གནས་སྟངས་འདི་རིགས་ལ་སྲིད་གཞུང་གི་ཐབས་ལམ་ཉག་ཅིག་ནི་དྲག་གནོན་རེད། ད་ལོ་ཕྱི་ཟླ་༣ ནང་རང་ལུས་མེར་སྲེག་གི་དོན་རྐྱེན་བྱུང་རྗེས། འདས་གྲོངས་སུ་འགྲོ་མཁན་ཁོང་གི་ཨ་ཁུ་ལ་ལོ་༡༡ གི་ཁྲིམས་ཐག་བཅད་པ་རེད། མེར་སྲེག་མཁན་གྱི་སྐུ་ཕུང་སྦས་ནས་དུས་ཐོག་སྨན་བཅོས་ལ་འགོག་རྐྱེན་བཟོས་པའི་ཉེས་མིང་བཙུགས་པ་རེད། སྲིད་གཞུང་གི་བྱེད་སྟངས་འདི་རིགས་ཀྱིས་གནས་སྟངས་ཛ་དྲག་དང་སྡུག་ཕྱོགས་སུ་སྐྱེལ་བཞིན་ཡོད་པ་རེད། ངས་གོ་གསལ་ལ། ས་གནས་དེར་སྦྱར་ཡིག་བཀྲམས་པའི་ནང་། གལ་སྲིད་མུ་མཐུད་ནས་གནས་སྟངས་ལ་བཟང་ཕྱོགས་ཀྱི་འགྱུར་བ་མེད་ཚེ། ད་དུང་དགེ་འདུན་པ་གང་མང་ཞིག་གིས་རང་སྲོག་གཏོང་འཆར་ཡོད་ཚུལ་བཀོད་ཡོད་འདུག

བདེན་པ་རེད། སྲོལ་རྒྱུན་གྱི་ངོས་ནས་བཤད་ན། བོད་པ་ཚོར་རང་ལུས་མེར་སྲེག་གི་ལུགས་སྲོལ་ཡོད་པ་མ་རེད། མ་ཟད། ནང་པའི་ཆོས་ལུགས་ཀྱི་ངོས་ནས་ཀྱང་རང་སྲོག་གཅོད་རྒྱུར་གནང་བ་ཡོད་མ་རེད། གསོན་པོ་ཚོའི་ཕན་བདེའི་ཆེད་བྱ་བཞག་སྒྲུབ་རྒྱུ་དེ་ནང་བའི་ཚད་མཐོ་བའི་རེ་སྙེག་ཅིག་རེད། ཕྱི་ལོ་ ༡༩༩༨ ལོར། བཙན་བྱོལ་བོད་མི་ཞིག་གིས་རང་ལུས་མེར་སྲེག་གནང་སྐབས། ཏྰ་ལའི་བླ་མས་ཞལ་གསལ་བོའི་ཐོག་ནས་བྱ་སྤྱོད་འདི་རིགས་ལ་ཁོང་གིས་ངོ་རྒོལ་གནང་གི་ཡོད་ཚུལ་གསུངས་ཡོད་པ་རེད། འོན་ཀྱང་། བོད་མི་འགས་ཁོང་གི་དགོངས་ཚུལ་ལ་ཉན་འཇོག་བྱས་ཡོད་པ་མ་རེད། ངས་བོད་ནང་ནས་གང་མཐོང་བ་དང་གང་ཐོས་པ་ནི། ཀིརྟི་དགོན་པའི་དགེ་འདུན་པ་ཚོ་རྦད་དེ་རེ་ཐག་ཆད་ཚར་ཡོད་པ་དེ་ཡིན།

རླུང་འཕྲིན་ཁང་། དེས་ན། ས་གནས་རང་གི་བོད་པ་ཚོས་ལས་འགུལ་འདི་ལ་ལྟ་སྟངས་གང་འདྲ་འདུག

ཁྰ་ཐི་ཡ། ང་རྔ་བའི་ས་ཆར་འགྲོ་མྱོང་མེད། སོང་ཙང་། རྔ་བ་རང་གི་མི་དང་ཐུག་ནས་ཁ་བརྡ་བྱས་མྱོང་མེད། ཡིན་ནའང། ཐུག་ནས་ཁ་བརྡ་བྱས་མྱོང་བའི་ས་གནས་གཞན་གྱི་བོད་མི་སུ་ཞིག་ཡིན་ཡང། ཚང་མར་ཧ་ཅང་གི་བརྡབ་གསིག་ཐེབས་འདུག ཧ་ཅང་གི་སེམས་ལ་རྨ་ཁ་བཟོས་འདུག མི་སུ་ཞིག་གིས་ཀྱང་རང་ལུས་མེར་སྲེག་གི་ལས་འགུལ་འདི་མ་འགྲིག་པ་བཤད་པ་ངས་གོ་མ་སོང་། ངས་གང་གོ་ཐོས་བྱུང་བ་ནི། ཚང་མས་གསོན་རེ་ཆད་པའི་མི་ཞིག་གི་བྱེད་སྟངས་ལ་དེ་འདྲིའི་སེམས་འགུལ་དང་སེམས་སྡུག་མྱོང་བཞིན་པ་རྐྱང་རེད།

ཨ་རབ་དཔྱིད་ཀའི་ལས་འགུལ་གྱིས་བོད་པ་ཚོར་ཤུགས་རྐྱེན་ཐེབས་པའམ། ཡང་ན། ཉེ་ཆར་པེ་ཅིན་སྲིད་གཞུང་དང་ཏྰ་ལའི་བླ་མའི་བར་ཡོང་བཞིན་པའི་ཁོང་གི་ཡང་སྲིད་རྩོད་རྙོག་གི་གནད་དོན་གྱིས་ཡིན་ནམ། དེ་ངས་གསལ་བོ་མི་ཤེས། གང་ལྟར། བོད་མིའི་གནད་དོན། མ་མཐར་ཡང་རྔ་བ་ཁུལ་གྱི་དགེ་འདུན་པ་ཚོར་མཚོན་ནས་བཤད་ན། ཕལ་ཆེར་འཕེལ་རིམ་གསར་བ་ཞིག་ནང་འཛུལ་ཚར་ཡོད་པ་རེད།

ཟླ་བ་ཚེ་རིང་གིས་བསྒྱུར། འགྱུར་ཡིག་ལ་དོགས་པ་ཡོད་ན་http://www.chinese.rfi.fr/ གཟིགས་རོགས།

འབྲེལ་ཡོད་གསར་འགྱུར།

Front Slider

འཇམ་དབྱངས་བཀྲ་ཤིས་ཀྱི་གླུ་གཞས་སྒྱུ་རྩལ་གྱི་ལམ་བུ།

ཆུ་ཚོད་ ༡༢ སྔོན་ལ།
རྒྱལ་སྤྱིའི་བོད་ཀྱི་གཞོན་སྐྱེས་ཚོགས་ཆེན་ཐེངས་གསུམ་པ་འཚོག་བཞིན་པ། བོད་ཀྱི་དུས་བབ་གསར་ཁང་གི་པར། ༢༠༢༥།༧།༣
Mobile App

རྒྱལ་སྤྱིའི་བོད་ཀྱི་གཞོན་སྐྱེས་ཚོགས་ཆེན་ཐོག་རྒྱལ་ཁབ་ ༡༥ ནས་ཚོགས་ཞུགས་བྱས་འདུག

ཆུ་ཚོད་ ༡༥ སྔོན་ལ།
སིམ་ལའི་བོད་མི་ཡོངས་ཀྱིས་༸སྐུའི་གཅེན་པོ་ཞིང་གཤེགས་དམ་པ་རྒྱལ་ལོ་དོན་འགྲུབ་མཆོག་དང་༸སྐུའི་གཅུང་མོ་ཨ་མ་རྗེ་བཙུན་པདྨ་མཆོག་རྣམ་གཉིས་ལ་བཀའ་དྲིན་རྗེས་དྲན་གྱི་གཟེངས་རྟགས་རེ་ཕུལ་སོང་།  ༢༠༢༥།༠༧།༠༢ དུས་བབ་ཀྱི་པར།
Mobile App

༧སྐུའི་གཅེན་པོ་དམ་པ་རྒྱལ་ལོ་དོན་འགྲུབ་མཆོག་དང་བཀའ་ཟུར་རྗེ་བཙུན་པདྨ་མཆོག་རྣམ་གཉིས་ལ་གཟེངས་རྟགས་ཕུལ།

ཆུ་ཚོད་ ༡༨ སྔོན་ལ།
 ཚེ་དབང་དབྱངས་མཚོ་ལགས་དང་བསྟན་འཛིན་སྲི་སྒྲུབ་ལགས། པར་བོད་ཀྱི་དུས་བབ་ཀྱིས་བསྒྲིགས། ༢༠༢༥།༧།༣
Mobile App

བོད་མིའི་སྒྲིག་འཛུགས་ཀྱི་གཟེངས་ཐོན་སྲི་ཞུ་བ་གཉིས།

ཆུ་ཚོད་ ༡༨ སྔོན་ལ།
Front Slider

༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད།

༢༠༢༥/༠༧/༠༢
Mobile App

བོད་དང་བོད་མིའི་མགྲིན་ཚབ་ཀྱི་བོད་སྒྱུར་ཕྱག་དེབ་འབྱེད་གནང་སོང་། 

༢༠༢༥/༠༧/༠༢

མཆན། 3

  1. རང་དབང་རྒྱལ། says:
    ལོ་ 14 སྔོན།

    གཙོ་བོ་དྲ་ཚིགས་སྣ་བརྒྱུད་བོད་ཨ་མདོ་རྔ་བའི་སྐོར་ལ་བསམ་ཞིབ་མང་སེ་ཞིག་བྱས་པ་ཡིན་པ་མ་ཟད། ད་རུང་སློབ་གྲོགས་དྲ་རོགས་རྣམ་པ་དང་མཉམ་དུ་བསམ་ཚུལ་བརྗེ་རེས་གང་མང་བྱས་པ་ཡིན་མོད། བཙན་བྱོལ་ནང་གི་མི་ཁག་ཅིག་གིས་ཆེད་དུ། རྒྱ་གཞུང་གི་དགོས་དོན་འགྲུབ་ཀྱིན་འདུག དཔེར་ན། བོད་ནང་གི་མེར་བསྲེགས་ཆོད་སེམས་དེ་བོད་མི་རིགས་ཀྱི་དོན་དག་མིན་པར་དགེ་ལུགས་པའི་ཆོས་རྒྱུད་ཀྱི་དོན་དག་འདྲ་བོ་ཡིན་པ་ཁ་བརྡ་དྲ་ངོས་སུ་མང་དག་ཅིག་འདུག
    ཡང་ཁ་ཤས་ཀྱིས། མ་བྱས་མ་བརྟག་པའི་སྒོ་ནས་འུར་འགྲོགས་བྱས་ནས། ད་ལོའི་བོད་ནང་གི་དོན་རྐྱེན་དེ་༸རྒྱལ་བ་རིན་པོ་ཆེ་སྐུ་དབང་ཤོར་བས་ཡིན་ཚུལ་བརྒྱུད་བསྒྲགས་བྱེད་མཁན་འདུག
    ཁག་ཅིག་གིས ཕྲག་དོག་དང་མ་དགའ་བ་རྒྱུ་མཚན་དུ་བྱས་ནས། ད་ལོའི་དོན་རྐྱེན་གྱི་མགོ་བོ་གསུབ་ཐབས་ལ་འབད་མཁན་མི་ཉུང་བ་ཞིག་བྱུང་དང་འབྱུང་བཞིན་པ་རེད། མ་ཟད་ལས་འགུལ་གང་ཞིག་སྤེལ་ཡང་མཉམ་ཞུགས་སོགས་ཀྱི་རྣམ་འགྱུར་སྣ་གཅིག་ཀྱང་མི་སྟོན་མཁན་འདུག
    རེ་འགས་སྙིང་རྗེ་ཟེར་བ་ཙམ་ལས་བོད་རྒྱའི་དཀའ་རྙོག་འདི་སེལ་ཐབས་ལ་འབད་བསྒྲུབ་རྩ་བ་མི་བྱེད་མཁན་ཆེས་ཤིན་ཏུ་མང་པོ་ཞིག་འདུག
    དངོས་གནས་སྙིང་ན་བ་ཞིག་ལ་ད་ལོའི་བོད་ནང་གི་དོན་རྐྱེན་ནི། ཡུལ་ལུང་བྱེ་བྲག་པ་ཞིག་གིས་དོན་དག་ཡིན་པ་ལས་བོད་སྤྱི་བའི་དོན་དག་མི་ཚུལ་གླེང་མཁན་མི་ཉུང་བ་ཞིག་བྱུང་སོང་
    ད་ཡིན་ན འདི་འདྲས་ཁུངས་སྐྱེལ་བཙན་པོ་ཞིག་བྱས་ཡོད་དུས། ཁག་ཅིག་གི་དོགས་པ་སེལ་ན་ཆོག་གི ཡང་རེ་ཤས་ཀྱིས་བསྐྱར་ཞིབ་བྱས་ན་འགྲིགས་ཀི ཡིན་རུང་། ཕྲག་དོག་ཅན་གྱིས་ནམ་ཞིག་ཡིན་རུང་མིག་གཉིས་ཡོད་རུང་། བལྟ་དུས་མིག་གཅིག་གི་མ་གཏོགས་མི་བལྟ་བས་ན། དེ་ཚོའི་རིགས་ཀྱིས་ནམ་ནམ་ཞར་ཞར་དུ་དངོས་ཡོད་ཅིག་མཐོང་གི་མ་རེད།

    Reply
  2. ཆབ་བྲག་ལྷ་མོ་སྐྱབས། says:
    ལོ་ 14 སྔོན།

    དམག་དཔུང་གིས་བསྐོར་ནས་དྲག་གནོན་བྱས་མེད་ཚེ། རྔ་བའི་ཞི་རྒོལ་འདིའི་རྔ་སྒྲས་བོད་གངས་ཅན་གྱི་རི་ལུང་ཡོད་ཚད་བསྒུལ་ངེས་ལ་དེའི་མཚུངས་གངས་ཅན་པ་རྣམས་ཀྱང་རྔ་དང་བསྟུན་པའི་བྲོ་ཁྱད་པར་བ་ཞིག་འཁྲབ་ཡོད་པ་ཐག་ཆོད་ཡིན། དེ་ནི་༢༠༠༨ལོའི་དཔེ་མཚོན་དེས་གསལ་བོར་རྟོགས་ནུས།

    Reply
  3. བརྩོན་རྒྱམ། says:
    ལོ་ 14 སྔོན།

    གཅིག་རྗེས་གཉིས་མཐུད་བྱས་ནས་རང་ལུས་རིན་ཆེན་མེ་ལ་སྒྲོན་པ་འདི་དཀའ་སྡུག་ཞིག་གིས་མནར་བ་མ་ཡིན་ནམ།   གཅེས་བུའི་ཚེ་སྲོག་མེ་ལ་སྒྲོན་པ་འདི་རྒྱ་ནག་དམར་གཞུང་གི་དྲག་པོས་དབང་འོག་ཏུ་བཙུར་ནས་འདུག་མི་བཟོད་པ་བྱས་པ་གསལ་བོ་རེད།   འཛམ་གླིང་མིང་མང་ལ་མིག་ཡོད་ན་བོད་མིའི་སྡུག་བསྔལ་མཐོང་ངེས་རེད།   འཛམ་གླིང་མཉམ་འབྲེལ་རྒྱ་ཚོགས་འདི་ཉམས་ཆུང་གི་མགོན་སྐྱབས་ཡིན་ན་མཐོང་རན་རེད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese