ད་ལྟ་རང་བྷེ་བྷེ་སི་( BBC)བརྙན་འཕྲིན་ཁང་གིས་གནས་ཚུལ་ཐད་གཏོང་བྱེད་བཞིན་པ་ལྟར་ན། ཆུ་ཚོད་སྐར་མ་ ༦ གི་གོང་དུ་ལེ་བྷེ་ཡའི་སྲིད་དབང་སྒེར་གཅོད་པ་གྷ་ཌ་ཧྥེ་(Gaddafi )ལེ་བྷེ་ཡའི་རྒྱལ་ས་ཊི་རེ་པོ་ལེ་ཡི་(Sirtefalls)ཞེས་པའི་ས་གནས་ཀྱི་ས་འོག་གི་ཆུ་ཡུར་སྦུབས་ལམ་ཞིག་ཏུ་སྦེད་སྐུང་བྱས་ཡོད་པ་རྒྱལ་ཁབ་བར་བརྒལ་ཚོགས་པ་( NTC )ཞེས་པའི་འཐབ་མོ་བ་དག་གིས་དམར་གསོད་བཏང་ཡོད་འདུག དེ་བཞིན། གྷ་ཌ་ཧྥེ་ཡི་བུ་མའུ་ཊ་སེམ་( Mutasim)ཟེར་བ་བསད་པའི་ཕུང་བོ་ཡང་རག་ཡོད་ཚུལ་རྒྱང་སྲིང་བྱེད་བཞིན་འདུག
གྷ་ཌ་ཧྥེ་བསད་པའི་གནས་ཚུལ་ཕྱིར་བསྒྲགས་བྱས་མ་ཐག་ལེ་བྷེ་ཡའི་རྒྱལ་ས་ཊི་རེ་པོ་ལེ་གྲོང་ཁྱེར་གྱི་སྲམ་ལམ་ཁག་ཏུ་མི་མང་དང་དམག་མི་ཚོས་དགའ་སྤྲོའི་མཆོངས་ལྡིང་བྱེད་པ་དང་སྤྲོ་སྐྱིད་གཏོང་བ། ཤོག་སྦག་སྒྲོན་པ། གྷ་ཌ་ཧྥེ་ཡི་པར་མེར་བསྲེགས་གཏོང་བ་སོགས་བྱས་ཏེ་དགའ་སྤྲོའི་རྣམ་པ་ཤུགས་ཆེན་སྟོན་བཞིན་འདུག
དབྱིན་ཡུལ་གྱི་སྲིད་བློན་ཁ་མེ་རོན་(David Cameron)དང་། མཉམ་འབྲེལ་རྒྱལ་ཚོགས་ཀྱི་དྲུང་ཆེ་བྷན་ཁེ་མོན་བཅས་ཀྱིས་གསར་འགོད་གསལ་བསྒྲགས་བསྐྱངས་ཏེ། དེ་རིང་ལེ་བྷེ་ཡའི་སྲིད་འཛིན་གྷ་ཌ་ཧྥེ་བསད་པ་ནི། ལེ་བྷེ་ཡའི་མི་མང་ལ་སྤྲོ་སྐྱིད་ཀྱི་དུས་ཚོད་གསར་པ་ཞིག་འཆར་བ་རེད་ལ། ལོ་རྒྱུས་རང་བཞིན་གྱི་ལེ་བྷེ་ཡའི་སྲིད་དབང་སྒེར་འཛིན་གཞུང་མཇུག་བསྒྲིལ་ཏེ། མི་མང་ལ་དམངས་གཙོ་དང་ཞི་བདེ་ཡོང་རྒྱུར་རེ་བ་གསར་པ་ཞིག་བསླེབས་པ་རེད། མ་འོངས་པར་རྒྱལ་སྤྱི་དང་མང་ཚོགས་ཀྱི་རྒྱབ་སྐྱོར་འོག་གཞུང་གསར་པ་བཙུགས་ཏེ། དམངས་གཙོའི་འོས་བསྡུ་ཡི་ལམ་ནས་མགོ་འཁྲིད་གསར་པ་བསླེབ་རྒྱུར་རེ་བ་བྱེད་ཀྱི་ཡོད་ཅེས་ཀྱི་བསྒྲགས་གཏམ་སྤེལ་སོང་།
ཞིབ་ཕྲའི་གནས་ཚུལ་རྗེས་ནས་འགོད་རྒྱུ་ཡིན།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
རྒན་པོ་འདི་ལ་སྙིང་རྗེ་སྐྱེས་པ་ཕྱི་མར་བདེ་འགྲོ་ཞིག་ནས་སྐྱེས་པར་སྨོན
དྲང་པོར་བཤད་ན་ངས་གྷ་དྷ་ཕྷི་ཡིས་རང་གི་མི་དམངས་ལ་སྡུག་སྦྱོང་དང་དབང་ཆ་གཅིག་བསྡུད་ཟེར་བ་ལས་སོགས་གང་ཞིག་བཏངས་ཡོད་མེད་རྒྱུས་མངའ་རྩ་བ་ཉིས་ནས་མེད་མཁན་ཞིག་ཡིན་བྱས་ཙང་ཁོ་ལ་སྐྱོན་བརྗོད་ཀྱང་བརྗོད་ཐུབ་པ་མི་འདུག
དར་གྲོགས་ཚོས་སྐྱོན་བརྗོད་མང་པོ་ཞིག་བྱེད་ཡོང་གི་འདུག་པས་ཁྱེད་ཚོས་ཞིབ་ཕྲའི་གནས་ཚུལ་མཁྱེན་གྱི་ཡོད་ན་གཅིག་གསུང་རོགས།
སྙིང་རྗེ། བླ་རྒན་ཞིག་འདྲ་བོ་དེ་བསད་པ་ལས་གསོན་པོར་བཞག་ན། སྡུག་བསྔལ་དེ་ལས་ཆེ་བ་ཡོང་གི་རེད། ཁོ་བསད་པ་ཅུང་ཟད་སྔ་དྲག་སོང་།
གྷ་ཌ་ཧྥེ་ཡི་ནོར་འཁྲུལ་ཆེ་ཤོས་ནི་རང་གི་མི་དམངས་ལ་རང་གིས་དགྲ་བསགས་པ་དེ་ཡིན་པ་རེད། གནས་ཚུལ་དེ་ལ་ཐུག་ཚར་དུས་དབང་ཆ་རྩིས་སྤྲོད་བྱས་ཏེ་མི་དམང་ལ་དགོངས་དག་ཞུས་ན་ལམ་ཁ་ཡོད་པར་འདོད། འདི་ནི་བྷན་ལ་དྷན་སྟོབས་ཆེན་ཨ་རི་བའི་ཁ་རྩ་ནས་མི་ལོ་བཅུ་གབ་ཐུབ་ཀྱང་གྷ་ཌ་ཧྥེ་རང་གི་གྱེན་ལོག་ཤོག་ཁག་ལ་ཟླ་བ་གཅིག་ལ་གབ་མ་ཐུབ་འདིས་མཚོན་ཡོད་པ་རེད་སྙམ།
གྷ་ཌ་ཧྥེ་འདིའི་ཤི་རྐྱེན་གྱིས་བོད་གཞུང་དམངས་ཀྱི་ལས་འགུལ་གྲགས་མེད་དུ་བཏང་སོང་། རྒྱལ་སྤྱི་གསར་འགོད་པ་དག་གི་དོ་སྣང་བོད་དོན་ལས་ཤོར་སོང་། ང་ཚོའི་བོད་མ་ཚང་ག་དུས་ཡིན་ཡང་བསོད་བདེ་སྐྱོ་སེ་ཡིན་ནོ་གང་ཞིག་མ་འགྲིག་པ་ཡིན་ན་་་་་
སྲིད་དབང་སྒེར་སྤྱོད་ཀྱི་འགག་ལམ་ལ་ནམ་ཡང་གོ་སྐབས་མེད། ཐེངས་འདིའི་གྷ་རྡ་ཧྥིའི་མཐའ་མའི་འཆི་སྐད་ཕྲ་མོ་ད་མདའ་མ་འཕེན་ཞེས་པའི་འདར་སིག་སིག་གི་སྐད་འདིས། རྒྱ་ནག་གི་དཔོན་ངན་ཚོར་ཚོར་བ་ཟབ་མོ་བྱིན་ཡོད་པ་ཁོ་ཐག་ཡིན།
ལེ་བྷི་ཡའི་མི་དམངས་ཀྱིས་མིག་ཟུང་ཆེ་ཙམ་དང་། བྱེད་ཐབས་ཆེ་རུ་གཏོང་ན་ང་ཚོས་ཕན་འབྲས་གཡུ་དུ་ཟ་བ་ཞིག་འོང་རྒྱུའི་ལམ་སྟོན་བཟང་པོ་ཞིག་ཕྱིར་བཞག་བྱས་སོང་།
དགོན་པ་དང་ཚོགས་སྡེ་ཁག་ནས་སྤྱི་རྒྱུ་སྒེར་བདག་དང་སྤྱི་དབང་སྒེར་འཛིན་བྱ་མཁན་ཚོ་ཡང་གཟབ་གཟབ་་་་་་གྱིས་མ་གཏོགས་་་་་་གྷེ་ཌ་ཕྷེ་་་་་ནང་བཞིན་མྱང་ཡོང་་་་་་་་་་་་་་་་་་་་་
གྷ་རྡ་ཧྥེ་བསད་པ་ནི་ཡུན་རིང་རེ་སྒུག་བྱས་པའི་ཆེས་རྩེར་གསོན་གྱི་བྱ་བཞག་རླབས་ཆེན་གཅིག་པོ་དེ་ཡིན། ཡིན་ཡང་གསོད་སྟངས་ཐད་ནས་འདོད་པ་ཁེངས་མ་སོང་། ཁོས་མི་དམངས་ཐོག་སྙིང་རྗེ་སྤུ་ཙམ་མེད་པར་རྩེད་མོ་རྩེ་ནས་བསད་གཏུབ་མང་པོ་བྱས་ཡོད་སྟབས། ཁོ་རང་ཡང་ཡ་ང་བའི་དམར་གསོད་ཅིག་བྱེད་དགོས་པ་ལས་བྱེད་མ་ཐུབ་པ་ནི་བློ་ཕམ་ཆེ་ཤོས་ཡིན།
མཐུ་ཆེན་ལགས།
ངས་གྷ་ཌ་ཕྷེ་ཞེས་པ་དེ་སྤྱི་དབང་སྒེར་སྤྱོད་དང་་་་་་་་་་་་སྤྱི་རྒྱུ་སྒེར་བདག་བྱ་མཁན་གྱི་རིགས་ལ་གོ་གི་ཡོད་་་་་་་་་་་་་་་་་
ཁྱོད་ཀྱི་མ་མཐོང་ཤེས་བྱ་མང་།།
བོང་བུས་མ་མཐོང་ལམ་ཁ་མང་།།
ཟེར་བ་དེ་གོ་མྱོང་ཡོད་རྒྱུ་རེད།
དགོན་པའི་དགོན་བདག་དང་ཕྱག་མཛོད་འགན་འཛིན།
སློབ་གྲྭའི་སློན་སྤྱི་དང་དགེ་རྒན།
ཚོགས་པའི་དབུ་འཛིན་འདི་ཚོ་ནང་དུ་
ནུས་པ་ཡོད་མེད་ལ་མ་ལྟོས་པར་ཕྱག་ལས་གནང་སྟངས་ཀྱི་ཆ་ནས་་་་གྷ་ཌ་ཕྷེ་དང་ཆ་འདྲ་བ་མང་པོ་མཐོང་རྒྱུ་ཡོད་་་་་་་་་་་་་་་་་་་་་་་
མི་གསོད་པའི་ཁྲིམས་ལུགས་འདི་ཉིད་འགོ་མཉམ་འབྲེལ་རྒྱལ་ཚོགས་ཀྱི་དྲུང་ཆེ་ནས་དམའ་ལེ་བྷེ་ཡའི་མི་དམངས་བར་དུ་ལག་པ་ཚ་ཚ་ན་ན་བར་དུ་བར་དུ་ཐལ་མོ་རྡེབ་ཚུལ་ལ་བལྟས་ན། འུ་ཚོའི་དུས་རབས་འདིར་མི་གསོད་པའི་ལམ་ལུགས་རྙིང་བའི་ཁྲིམས་ཀྱང་མཇུག་རྫོགས་རྒྱུ་མིན་པར་སྣང་། ཤུ་་་་་་་་་་་་་་་་་་་་་་་།
ཨོྃ་མ་ཎི་པདྨེ་ཧུྃ
ང་ཚོའི་དགོན་སྡེ་རྣམས་བླ་རྒན་ཁ་ཤས་ཞིག་གིས་སྒེར་བཅོད་བྱེད་བཞིན་པ་ཡིན་དགོན་བདག་སོ་སོའི་མཚན་དང་དགོན་པའི་མཚན་གཉིས་ཁོ་ན་ལ་བསམ་ནས་ནང་གི་དགེ་འདུན་པ་རྣམས་ལ་རྡུང་རྡིག་དང་མི་གཞི་ལ་སྨ་འབེབ་བྱེད་པ་སོགས་དྲག་སྤྱོད་བྱེད་བཞིན་ཡོད་པ་ཚང་མས་མཁྱེན་གསལ་རེད།
འགྱུར་མེད་བསྟན་འཛིན།
༢༠༡༡/༡༠/༢༠ ཉིན་འདོན་སྤེལ་བྱས།
ང་ཚོའི་དགོན་པ་དང་ཚོགས་སྡེ་ཚོ་ལ་ཡང་གྷ་་ཊ་ཕྷེ་ཆུང་ཆུང་དེ་འདྲ་ཡོད་པས་
མཐའ་མ་ཕམ་རྒྱུ་ལས་གཞན་འགྲོ་ས་མེད་པ་ཤེས་དགོས།
ཤེས་པ་རྣལ་དུ་མི་གནས་པ་མི་ངན་འགྱུར་མེད་བསྟན་བཤིག་ཟེར་བ་ཁྱོད་ཀྱིས་བཤད་པའི་སྐད་ཆའི་དུམ་བུ་འདི་ལ་ཁུངས་ལུང་ཕྱི་གསལ་ནང་གསལ་ཞིག་བསྐྱལ་རྒྱུ་ཡོད་དམ།
དེ་ལས་དབང་རེད། ཅེས་སྡོམ་ཚིག་ཅིག་གང་སར་རྒྱག་ཆོག་ཆོག་རེད། འོན་ཀྱང་ལས་དབང་ཟེར་བ་དེ་ཡང་ཅི་ཞིག་ལས་ནས་གང་ཞིག་འབྱུང་རྒྱུ་རང་ཡིན་དུས། ང་ཚོས་ཀྱང་ཀྱང་ལས་དབང་རྙིང་པ་ཁོ་ནར་བསམས་ནས་མི་སྡོད་པར་ལས་གསར་བ་རེ་གསོག་རྒྱུར་འབད་བརྩོན་བྱེད་དགོས། གནའ་སྔ་མོར་རྒྱ་གར་དུ་མི་ནག་མདུང་ཐུང་ཅན་ཟེར་བ་ཞིག་དང་བོད་ལ་ཡང་ལྷ་ལུང་དཔལ་རྡོར་ཟེར་བའི་གནའ་བཤད་ཅིག་བྱུང་བ་ལོས་དྲན། མཚམས་མཚམས་ལ་གནའ་གཏམ་འདི་ད་གཏམ་ཞིག་ཆགས་ན་ཡང་འདོད།
ངའི་འདི་སྐབས་དོན་དང་འབྲེལ་བ་མེད་པ་འདྲ་ན་ཡང་་་སྐབས་དོན་དང་ཧ་ཅང་ཐག་ཉེ་ན་ཡང་སྲིད། གང་ལྟར་་་འཇིག་རྟེན་གྱི་སྲིད་ལུགས་ནང་ལ་་ནག་ཐིག་དང་དནར་ཐིག་གང་ཡང་མ་འདྲེས་པ་ཞིག་ཡོང་མི་སསྲིད་ལ་་་ཡོང་དགོས་ངེས་ཀྱང་ཡིན་པར་འདོད།
གསལ་ལེ་ལོ་ལོ། ངའི་སེམས་ལ་གདོན་ཞུགས་པ་འདྲ།
ཡོས་ལ་འབབ་རྒྱུ་རྩམ་པ་རེད། ཁོས་ལས་བསགས་པའི་འབྲས་བུ་ཁོས་མི་ཁུར་ན་སུས་འཁུར་དགོས་བ་རེད། མི་ནག་ཚང་གིས་འཁུར་ན་མ་གཏོགས། ངས་མི་འཁུར།
ང་ལ་ཏན་ཏན་སྐྱོན་ཞིག་ཡོད་པ་འདྲ། ད་ལོ་ ཨོ་ས་མིན་ བྷིན་ལ་ཌན་ བསད་རྗེས། མི་མང་པོ་ནེའུ་ཡོག་གི་རྐྱེན་ངན་བྱུང་སའི་ས་གནས་ལ་འཛོམས་ནས་ཞབས་བྲོ་འཁྲབ་སོང་། བསད་ཚར་བའི་རྗེས་ལ་ཕངས་སེམས་འདྲ་བོ་དང་། ཁོའི་ཤུལ་ལུས་ནང་མི་ཚོ་ཇི་འདྲ་བསམ་ནས་སེམས་ཁྲལ་འདྲ་ཡོང་གི་འདུག བྲོ་འཁྲབ་མཁན་ཚོར་སྣང་བར་མི་འགྲོ་བ་འདྲ་བོ་བྱུང་།
ད་ནི་གྷ་ཌ་ཧྥེ་ བསད་ཚར་བ་རེད། བུ་ཡང་བསད་འདུག ག་ཚོད་ཀྱི་ནག་ཉེས་ཡོད་རུང་། ཁྱིམ་ཚང་དེའི་ནང་ན་ཡང་བྱམས་སྙིང་རྗེ་དང་བརྩེ་བ་ཞེས་པ་ཞིག་ཡོད་ཀྱི་རེད། དེ་དག་ལ་ཅི་འདྲའི་སྡུག་བསྔལ་ཞིག་སྦྱིན་ཡོད་པ་བསམ་ན་དགའ་སྤྲོའི་ཐལ་མོ་རྡེབ་རྒྱུ་ལས་སྡུག་བསྔལ་གྱི་ཤུགས་རིང་ཞིག་འཐེན་རྒྱུ་འདུག མིའི་རིགས་ཡ་་་མིའི་རིགས། བྱིས་པ་ཡ་བྱིས་པ། ད་དུང་ཧ་ལས་པའི་ཐག་རིང་པོ་འདུག
གྷ་ཐ་ཕི་བསད་ཚར་འདུག ཧུ་གཅིན་འཐུང་འཆི་རྒྱུ་ལྷག་འདུག སྡིག་ཆེན་གཉིས་པོ་་་་་
དུས་བབ་རྩོམ་སྒྲིག་པ་ལགས།
ཁྱེད་རྣམས་ཀྱིས་ང་ཡི་མཆན་རྣམས་འགོག་བཞིན་འདུག་པས་རྒྱུ་མཚན་ཞིག་ཤོད་རོགས་དེ་མིན་རྒྱུ་མཚན་མེད་བཞིན་དུ་ཇི་ལྟར་བྱེད་ནས་འགོག་གི་ཡོད་དམ།
དྲང་པོ་རྩ་བ་ཉིད་ནས་བྱེད་ཀྱི་མི་འདུག་མི་འགའ་ཞིག་གིས་བྱེད་བབས་ཀྱིས་དུས་བབས་ཀྱི་མཚན་སྙན་ལ་མི་གནོད་པའི་རེ་བ་བྱེད་ཀྱི་ཡོད།
གལ་ཏེ་རྒྱུ་མཚན་ཡོད་ན་ངས་བཤགས་པ་བྱེད་རྒྱུ་དང་མེད་ཚེ་མཐོང་ཆུང་དང་རིས་ཕྱེད་བྱེད་པར་ངོས་འཛིན་ཞུ་གི་ཡོད།
རྒྱ་ནག་གི་སྲིད་དབང་སྒེར་འཛིན་པ་ཚོ་འདི་ལྟར་སྒྱེལ་སོང་ན་དགའ་བ་ལ། དམར་པོའི་གཞུང་གིས་བཙུར་ནོན་བྱེད་བཞིན་པའི་མི་མང་ཚོ་སྡེབ་གཅིག་ལ་ཡར་ལོངས་དང། ང་ཚོས་རང་དབང་གིས་འཚོ་བ་སྐྱིད་པོ་ཞིག་རོལ་ཆོག།
གནས་ཚུལ་འདིས། སྒེར་གཅོད་པའི་མཇུག་འབྲས་གསལ་བ་རེད། དེ་འདྲ་ཡིན་དུས། བོད་པའི་སྤྱི་ཚོགས་ཁྱོན་ཡོངས་ལ་འདི་འདྲའི་སྒེར་གཅོད་བྱེད་མཁན་མེད་ཀྱང་རུང་། ས་གནས་དང་དགོན་པ་བྱེ་བྲག་པར་འདིའི་རིགས་ཀྱིས་སྒེར་གཅོད་བྱེད་ཀྱིན་པ་མང་དུ་འདུག དེ་འདྲ་ཡིན་དུས། དེང་སང་གོ་སྐབས་ཡོད་དུས། རང་ངོས་ཟིན་པར་བྱས་ནས་རང་ཚོད་རང་གིས་བཟུང་ན་ནོར་འཁྲུལ་ངོས་ལེན་བྱེད་པའི་དུས་ཚོད་ཡོད་པ་འདྲ་ཡང་། ཕྱིས་དྲགས་ན་མཇུག་འབྲས་འདི་དང་ཨ་ན་མ་ན་འབྱུང་རྒྱུ་ཡིན་པ་སོམ་ཉི་མི་དགོས་པ་ཞིག་རེད།
བློ་བཟང་ཉི་མ་ལགས་ཀྱིས་བསྟོད་པ་ཡིན་དང་སྨད་པ་ཡིན་བཤད་མ་ཤེས་པའི་མཆན་ཞིག་བཏབས་པར་ཡང་ཐུགས་རྗེ་ཆེ་ཞུ་རྒྱུ་ཡིན།
དུས་བབ་ཀྱིས་བྷེ་བྷེ་སི་བརྒྱུད་དེ་གནས་ཚུལ་དེ་མཐོང་སྐབས་གྷ་ཌ་ཧྥེ་བསད་དེ་སྐར་མ་ ༦ ལས་ཕྱིན་མེད་རབ་བཤད་ཀྱི་འདུག སྐབས་དེར་ཁྱེད་ཅག་ཀློག་པ་པོ་དག་ལ་གནས་ཚུལ་ཚ་བོ་ཞིག་བསྐྱལ་ཆེད་ཚ་གེ་ཚིག་གེར་ཐར་འཐོར་ཞིག་བྲིས་པ་ཡིན།༼ ཞིབ་ཕྲའི་གནས་ཚུལ་རྗེས་ནས་འགོད་རྒྱུ་ཡིན༽ཞེས་བསྟན་ཡོད་པ་ལྟར། རྗེས་སུ་རིམ་གྱིས་བཟོ་བཅོས་བཏང་བ་ཡིན་ལ། ཡུལ་དངོས་ཀྱི་གནས་ཚུལ་འགྱུར་བ་དང་བསྟུན་ཏེ་ཁ་ཡང་ཇེ་གསལ་ཏུ་བཏང་བ་ཡིན། ད་དུང་གནས་ཚུལ་འཚོལ་བཞིན་ཡོད། གོ་སྐབས་ཡོད་ན་བསྐྱར་དུ་ཕེབས་དང་། གསར་འགྱུར་གྱི་ནང་དོན་ཇེ་རྒྱས་ཇེ་གསལ་དུ་གཏོང་གི་ཡོད།
དྲ་གྲོགས་འགྱུར་མེད་བསྟན་འཛིན་ནས་ང་ཚོའི་དགོན་པ་དང་། ཚོགས་སྡེ་ལ་ཡང་གྷ་དྷ་ཕི་ཆུང་ཆུང་དེ་འདྲ་ཡོད་པས། ཞེས་གསུང་འདུག་པས་མཛུབ་མོ་བཙུགས་ཐུབ་ན་ཡག་པོ་དང་གསལ་པོ་ཡོང་ས་རེད། དེ་མིན་ན་དཀྲུགས་ཤིང་ལས་མ་འདས།
སྲིད་དབང་སྒེར་གཅོད་པ་འདས་པོ་གྷ་ཌ་ཧྥེ་ཁོང་གི་མ་གཞི་ལས་ཀ་དྲང་པོ་མེད་ཀྱང་སེམས་ཅན་ཡིན་པའི་ཆ་ནས་འདས་པོ་ཁོང་ལ་སྔོ་སྨོན་ཞུ།
ཨོཾཾ་མ་ཎི་པདྨེ་ཧཱུཾཾ། ཨོཾཾ་མ་ཎི་པདྨེ་ཧཱུཾཾ། ཨོཾཾ་མ་ཎི་པདྨེ་ཧཱུཾཾ། ཨོཾཾ་མ་ཎི་པདྨེ་ཧཱུཾཾ། ཨོཾཾ་མ་ཎི་པདྨེ་ཧཱུཾཾ།
ལིས་བྷི་ཡའི་གཞུང་འདི་དམངས་གཙོའི་གཞུང་དྲང་པོ་ཞིག་ཡོང་བའི་རེ་སྨོན་ཞུ།
དུས་བབ་རྩོམ་སྒྲིག་པས་བཤད་པ་དེ་བདེན་པ་རེད། འཛམ་གླིང་གི་གསར་འགོད་པར་ཆས་ཕལ་ཆེ་བའི་ནང་ལ། ད་ནས་ཉིན་ཤས་རིང་ལ་གྷ་ཌ་ཧྤེ་དམར་གསོད་བཏང་བ་འདི་དཔར་ལེན་བྱེད་ཀྱི་རེད།
དེ་རིང་དུས་བབ་ཀྱི་པར་ཆས་དང་སྨྱུ་གུ་དེ་ཚོའང་གྷ་ཌ་ཧྥེ་དམར་གསོད་ཀྱི་གནས་ཚུལ་སྟེང་ལ་ཡང་བསྐོར་བསྐྱར་བསྐོར་ལན་གྲངས་མང་པོའི་བར་པའི་མཐའ་མ་འདིར།
ཐོག་མའི་གསར་འགྱུར་ནང་༼གྷ་ཌ་ཧྥེས་ཞེས་པ་ཡིས NTC དམར་གསོད་༽བཏང་གནས་སྤེལ་བ་ནས་པར་ཁ་སྨྱུག་ཁ་ཚུར་བསྐོར་ཐུབ་པ་བྱུང་སྟེ། ད་ཆ་ NTC དཔུང་དམག་གིས་གྷ་ཌ་ཧྥེས་བསད་པའི་དོན་དངོས་གནས་ཚུལ་སྟེང་ལ་བསྐོར་ཐུབ་པ་བྱུང་འདུག
དུས་བབ་རྩོམ་སྒྲིག་པས་གནས་ཚུལ་འདི་དུས་ཐོག་སྤེལ་བ་དང་ཞིབ་ཕྲའི་གནས་ཚུལ་དུས་ཐོག་ཁ་གསབ་གནང་སྟངས་འདི་ཡག་པོར་མཐོང་སོང་།
ང་ཚོའི་དགོན་པ་དང་ཚོགས་སྡེ་ཚོ་ལ་ཡང་གྷ་་ཊ་ཕྷེ་ཆུང་ཆུང་དེ་འདྲ་ཡོད་པས་
མཐའ་མ་ཕམ་རྒྱུ་ལས་གཞན་འགྲོ་ས་མེད་པ་ཤེས་དགོས།
འགྲོ་བ་མི་ཞིག་ཡིན་པའི་ཆ་ནས་མ་ནི་བརྒྱ་ཚར་ཞིག་འདོན་རྒྱུ་ཡིན། གང་ལྟར་འཇིག་རྟེན་གྱི་བྱས་འབྲས་ལས་བྱུང་བ་ཞིག་ལ་ངོས་འཛིན་བྱེད་དུ་རུང་།
སྙིང་རྗེ་ལས་འབྲས་ནོག་ན་མཇུག་འབྲས་མི་བཟང་ཟེར་བ་ཆི་མ་བདེན་ནས། གང་ལྟར་སྙིང་རྗེ་མ་ཎྀ་རེ་བགྲངས་ན་བཟང་།
དེ་རིང་གྷ་ཌ་ཧྥེ་དམར་གསོད་བཏང་བ་འདི། ཨ་རི་དང་ལེ་བྷེ་ཡའི་མི་མང་གི་རྒྱལ་ཁ་ཞིག་ཡིན་ཡང་། བོད་དོན་ལས་འགུལ་ཁྱབ་བསྒྲགས་ཀྱི་བར་ཆད་ཅིག་མིན་འགྲོ། རྒྱལ་སྤྱིའི་གསར་འགོད་པ་དག་གི་དཔར་ཆས་ཕར་འཁོར་ཐལ།
དངོས་གནས་ད་ལེ་བྷེ་ཡའི་མི་མང་དེ་ཚོ་སེམས་བདེ་བོ་ཆགས་རྒྱུ་རེད།
སྲིད་དབང་སྒེར་གཅོད་པ་འདི་ལྟ་བུ་མཆིས་ཚེ་ཚང་མ་མྱུར་དུ་མཇུག་བསྒྲིལ་བའི་སྨོན་ལམ་འདེབས་བཞིན་ཡོད་ལ། གཡོ་ཅན་རྒྱ་ནག་དམར་པོ་སྲིད་གཞུང་ཡང་མི་འགྱངས་བ་མཇུག་བསྒྲིལ་དགོས་པ་ང་ཚོས་ནུས་པ་ཅི་ནས་ཀྱང་འདོན་དགོས།
NTC ཞེས་བ་ད་ལྟའི་བར་བརྒལ་གྱི་གཞུང་ངམ་National transition Council ཞེས་བ་དེ་རེད། གྷ་ཌ་ཧྥེ་བསད་པ་དངོས་གནས་རེད། དེ་དང་མཉམ་དུ་ཁོའི་བུ་མོའུ་ཏ་སིམ་དང་དབུས་གསང་བའི་ལས་ཁུངས་ཀྱི་སྤྱི་ཁྱབ་པ་བཅས་བསད་འདུག གསོད་སྟངས་གསར་ལམ་ཚང་མར་གསལ་ཁ་མི་འདུག འོན་ཀྱང་གནས་ཚུལ་འདི་གཞུང་འབྲེལ་སྒོས་གསལ་བསྒྲགས་བསྐྱངས་མཁན་དབྱིན་ལན་གྱི་ལིས་བྷི་ཡའི་གཞུང་ཚབ་པ་ཆེན་མོ་རེད་འདུག བརྙན་པར་དག་ཐོག་མར་ཨ་རབ་ཀྱི་ཨད་ཇ་ཛྷ་རིས་གསར་ལམ་ནས་ཐོན་འདུག
འགྲིག་འདུག་་་་སྡུག་ཅན་ཚེ་ཐུང་བར་ཤོག་ཅིག་ཅེས་པའི་རྒྱལ་སྲས་སེམས་དཔའི་སྨོན་ལམ་དེ་ངས་འདི་ནས་བསྐྱར་དུ་ཞུ།
ངོ་མ་གསར་འགྱུར་ཚ་བོ་རེད་ད།
གསལ་ལེ་རྒྱལ་ལགས། སོ་སོའི་མིག་ལ་ཡིད་ཆེས་བྱོས། ཁྱེད་ཀྱི་མིག་འཕྲུལ་བ་མ་རེད། ཡུལ་དངོས་ཀྱི་གནས་ཚུལ་འགྱུར་བའི་ཚུལ་དུ་ཇེ་གསལ་སོང་བ་དང་བསྟུན་ཏེ། འདིར་ཡང་གསར་འགྱུར་ཁ་ཇེ་གསལ་དུ་གཏོང་བཞིན་ཡོད།
སྐྱིད་མདོག་ཁ་བོ་ཞིག་ཤི་འདུག
ལྟ་བ་མཁྲེགས འཛིན་བྱས་ན་ཡོང་རྒྱུ་དེ་རེད། ཧུའུ ཅིན་ཐོའོ་ཡང་གཟབ་ཟིག་གནང་ན་མ ་གཏོགས་ཡོང་རྒྱ་དེ་རིང་ལས་མེད།
ང་ལ་མིག་འཕྲུལ་བསྟན་པ་ཡིན་ས་རེད། གསར་འགྱུར་འདི་སྐར་ཆ་རེ་རེ་ལ་འགྱུར་འགྲོ་བཞིན་འདུག
དེས་ན་གསར་འགྱུར་གྱི་ཁ་བྱང་མ་རིག་ནས།
གྷ་ཌ་ཧྥེས་ཞེས་པ་ཡིས NTC དམར་གསོད་གནང་ཡོད་འདུག་ཅེས་གསལ་བོར་བྲིས་མི་འདུག་གམ།
གྷ་ཌ་ཕྷེ་བསད་པ་རེད་དམ་གྷ་ཌ་ཕྷེས་གཞན་ཞིག་བསད་པ་རེད།
ཨ་ཁ་ཁ་སྙིང་རྗེ་་་་་་་་་་་་་་་་་་་་