ཉེ་ཆར་རྒྱ་གཞུང་མི་དམངས་འཐུས་མིའི་རྒྱུན་ལས་ཚོགས་འདུ་ཚོགས་ཏེ། མི་མང་ལ་སྔར་བའི་བཀག་སྡོམ་བྱ་ཆེད་ཐོབ་ཐང་ལག་ཁྱེར་ཞིབ་བཤེར་གྱི་ཁྲིམས་འཆར་གསར་བ་ཞིག་བཏོན་ཡོད་འདུག
ཁ་སང་རྒྱ་ནག་མི་མང་འཐུས་མིའི་རྒྱུན་ལས་ཚོགས་འདུའི་སྟེང་<<རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་སྡོད་དམངས་ཐོབ་ཐང་ལག་ཁྱེར་གྱི་ཁྲིམས་གཞི>> ནང་གསེས་དོན་ཚན་ཐོབ་ཐང་ལག་ཁྱེར་ཞིབ་བཤེར་གྱི་ཁྲིམས་གཞི་བསྐྱར་བཅོས་ཀྱི་ཁྲིམས་འཆར་ཞིག་བཏོན་ཏེ། ཉེན་རྟོག་པས་མང་ཚོགས་ཀྱི་ཐོབ་ཐང་ལག་ཁྱེར་ཞིབ་བཤེར་གྱི་ཁྱབ་ཁོངས་རྒྱ་ཆེ་རུ་བཏང་སྟེ། སྔར་ཡོད་བཅའ་ཁྲིམས་དོན་ཚད་ ༡༥ ནང་གསེས་དང་པོའི་ཁྲོད་དུ། མེ་འཁོར་དང་རླངས་འཁོར་འབབ་ཚིགས། གནམ་ཐང་། གྲུ་ཁ། དེ་བཞིན། དུས་ཆེན་སོགས་ཀྱི་སྐབས་གྲོང་ཁྱེར་ཁུལ་དང་ས་གནས་སྲིད་གཞུང་གི་གཏན་འབེབས་བྱས་པའི་མི་ཚོགས་འདུ་འཛོམས་བྱ་ཡུལ་བཅས་སུ་མང་ཚོགས་ཀྱི་ཐོབ་ཐང་ལག་ཁྱེར་ལ་ཞིབ་བཤེར་འདྲི་གཅོད་བྱས་ཆོག་པའི་སྐོར་ཟུར་སྣོན་བྱས་ཡོད་འདུག
དེ་སྔའི་རྒྱ་གཞུང་གི་བཅའ་ཁྲིམས་ནང་མང་ཚོགས་ཀྱི་ཐོབ་ཐང་ལག་ཁྱེར་ཞིབ་བཤེར་བྱེད་ཕྱོགས་ཐད་གཏན་འབེབ་དོན་ཚན་བཞི་བཀོད་ཡོད་པ་ནི། དང་པོ། ཁྲིམས་འགལ་ཉེས་ཅན་དོགས་ཡོད་མི་སྣའི་ཐོབ་ཐང་ལག་ཁྱེར་ལ་ཞིབ་བཤེར་འདྲི་གཅོད། གཉིས་པ། ས་གནས་གང་རུང་དུ་གྱོན་ཁྲིམས་གཞི་ལག་བསྟར་སྐབས་འབྲེལ་ཡོད་མི་སྣའི་ཐོབ་ཐང་ལག་ཁྱེར་ལ་ཞིབ་བཤེར་འདྲི་གཅོད། གསུམ་པ། སྤྱི་ཚོགས་ལ་གཏོར་རྒོལ་དོན་རྐྱེན་ཆེན་པོ་བྱུང་སྐབས་ས་གནས་མང་ཚོགས་ཀྱི་ཐོབ་ཐང་ལག་ཁྱེར་ལ་ཞིབ་བཤེར་འདྲི་གཅོད། བཞི་པ། བཅའ་ཁྲིམས་ཀྱི་དོན་ཚན་གཞན་དག་ནང་གཏན་ལ་ཕབ་པའི་ཐོབ་ཐང་ལག་ཁྱེར་ཞིབ་བཤེར་དགོས་པའི་གནས་སྟངས་འོག་མང་ཚོགས་ཐོབ་ཐང་ལག་ཁྱེར་ལ་ཞིབ་བཤེར་འདྲི་གཅོད་བྱ་ཆོག་པ་བཅས་རེད།
རྒྱ་གཞུང་ཉེན་རྟོག་སྡེ་ཁག་གི་མགོ་གཙོ་གཞོན་པ་ཡཱང་ཧན་མཱེན་གྱིས། ཉེ་ཆར་རྒྱ་གཞུང་གིས་མི་མང་གི་ཐོབ་ཐང་ལག་ཁྱེར་ཞིབ་བཤེར་གྱི་ཁྱབ་ཁོངས་རྒྱ་ཆེ་རུ་གཏོང་བའི་ཁྲིམས་འཆར་བཏོན་པ་དེ་ནི། དེང་སྐབས་སྤྱི་ཚོགས་བདེ་འཇགས་གནས་སྟངས་རྙོག་འཛིང་ཆེ་རུ་འགྲོ་བཞིན་པར་བརྟེན། ཁྲིམས་གཞི་བསྐྱར་བཅོས་ཏེ་བརྒྱུད་ནས་ཉེན་རྟོག་སྡེ་ཁག་གིས་སྔར་ལས་ལྷག་པར་སྤྱི་དམངས་ཀྱི་བདེ་འཇགས་དང་སྤྱི་ཚོགས་བརྟན་ལྷིང་སྲུང་སྐྱོབ་བྱ་ཆེད་ཡིན་སྐོར་བརྗོད་ཡོད་པ་རེད། ཡིན་ནའང་། འགྲོ་བ་མིའི་ཐོབ་ཐང་སྲུང་སྐྱོབ་ཁྲིམས་རྩོད་པ་ཅཱང་ཐེན་ཡོང་གིས། “རྒྱ་གཞུང་གི་ཁྲིམས་འཆར་དེ་ནི་དོན་གྱིས་མི་མང་ལ་སྔར་བས་བཀག་སྡོམ་བྱ་ཆེད་ཡིན་པ་དང་། གལ་སྲིད་ཁྲིམས་འཆར་དེ་གཏན་འབེབ་བྱུང་ཚེ་ཉེན་རྟོག་པས་གནས་དུས་ངེས་མེད་ཀྱི་ཐོག་ནས་ཐོབ་ཐང་ལག་ཁྱེར་ལ་ཞིབ་བཤེར་བྱས་ཏེ། མང་ཚོགས་ལ་གང་བྱུང་འདྲི་གཅོད་བྱེད་པའི་རིགས་ཚང་མ་ཁྲིམས་མཐུན་ཆགས་རྒྱུ་ཡིན་པས། སྤྱི་དམངས་ཀྱི་རང་དབང་ཐོབ་ཐང་ཁེ་དབང་སྔར་བས་ཉམ་ཆག་ཏུ་འགྲོ་རྒྱུ་ཉག་གཅིག་རེད།” ཅེས་བརྗོད་འདུག
གསར་འགོད་པ། ཚེ་རིང་རྒྱལ།
![This satellite image shows Hurricane Melissa southeast of Jamaica at 12:10 GMT on October 27, 2025 [AFP]](https://tibettimes.net/wp-content/uploads/2025/10/Screenshot-2025-10-28-at-5.13.58-PM-360x180.png)
ཁྲིམས་རྩོད་པ་ཅཱང་ཐེན་ཡོང་གིས། “རྒྱ་གཞུང་གི་ཁྲིམས་འཆར་དེ་ནི་དོན་གྱིས་མི་མང་ལ་སྔར་བས་བཀག་སྡོམ་བྱ་ཆེད་ཡིན་པ་དང་། གལ་སྲིད་ཁྲིམས་འཆར་དེ་གཏན་འབེབ་བྱུང་ཚེ་ཉེན་རྟོག་པས་གནས་དུས་ངེས་མེད་ཀྱི་ཐོག་ནས་ཐོབ་ཐང་ལག་ཁྱེར་ལ་ཞིབ་བཤེར་བྱས་ཏེ། མང་ཚོགས་ལ་གང་བྱུང་འདྲི་གཅོད་བྱེད་པའི་རིགས་ཚང་མ་ཁྲིམས་མཐུན་ཆགས་རྒྱུ་ཡིན་པས། སྤྱི་དམངས་ཀྱི་རང་དབང་ཐོབ་ཐང་ཁེ་དབང་སྔར་བས་ཉམ་ཆག་ཏུ་འགྲོ་རྒྱུ་ཉག་གཅིག་རེད།” ཅེས་བརྗོད་པ་འདི་རྒྱ་ཆེན་པོ་རེད།
བོད་པ་ཚོས་འདི་བོད་གཅིག་པུའི་ཆེད་དུ་རེད་སྙམ། ཡང་སོག་པོ་ཚོའི་ཁོ་རང་ཚོའི་ཆེད་དུ་དང་ཡུ་གུར་བས་ཁོ་རང་ཚོའི་ཆེད་དུ་ཙམ་དུ་བསམས་པ་འདི་དག་ངོ་མ་ཀླད་པ་མེད་པ་རང་རེད།
ངས་དོགས་སློང་འདིས་གཙོ་བོ་གྲངས་ཉུང་མི་རིགས་ཚང་མར་གཟེས་ཡོད་པར་བསྟན་ཡོད། ནགས་ཚོགས་ལ་གུང་ཁྲན་ཏང་མི་སྐྲག་ན་ཡང་རྒྱ་ཆེ་བའི་མི་མང་མང་ཚོགས་སྐྲག་གིན་ཡོད་པ་རེད། མི་དམངས་ཀྱི་བདེ་འཇགས་རྒྱལ་ཁབ་ཀྱིས་འགན་སྲུང་མ་ཐུབ་ན་རྒྱལ་ཁབ་དེ་ལམ་སང་འཇིག་ངེས་པ་རེད། གནད་དོན་གྱི་ཆེ་སར་བློ་མིག་སྐྱེད། རང་ཉིད་གཅིག་པུར་བལྟས་བསྡད་ན་ནམ་ཡང་ཐར་ལམ་མེད། ལམ་ཁ་ཧ་ཅང་དོག
ཨ། ཆབ་བྲག རྒྱ་གཞུང་གིས་གང་བྱུང་སྡོད་དམངས་ལག་འཁྱེར་ཞིབ་བཤེར་བྱེད་པའི་ཁྲིམས་གཞི་བཟོས་པ་འདི་ནགས་ཚོགས་ཀྱི་ཆེད་དུ་མིན་པ་ཡང་མི་ཤེས་ཀི ཁོང་ཚང་ནགས་ཚོགས་ལ་རྩ་བ་ནས་སྐྲག་གི་མེད་ཀི ཁོང་ཚང་གི་དམིགས་ཡུལ་འདིའི་རྩ་དོན་ངོ་མ་བོ་རང་དབང་སྒེར་ལངས་པའི་ཆེད་དུ་བཟོས་པ་རེད། ཞིབ་བཤེར་བྱས་ནས་ཚང་མ་འཛིན་རྒྱུ་རེད། ཤེས་སོང་ངམ།
མཚམས་རེ་ཁྱོས་ཀྱང་གློའུ་བཤད་བརྒྱབས་ཡོང་དུས་རེ་བ་ཅན་པོ་ཁྱོད་ལའང་ཡི་ཆད་ཀི་ཡ།
རྒྱལ་ནང་གི་ནག་ཚོགས་རིགས་ལ་བལྟས་ན་དེ་འདྲ་ཞིག་ཀྱང་དགོས་ངེས་རེད། འོན་ཀྱང་འདིའི་དགོས་པ་དམིགས་ཡུལ་དེ་བོད་དང་ཡུ་གུར་སོག་པོ་སོགས་གྲངས་ཉུང་མི་རིགས་ཁག་ལ་གཟེས་ཡོད་ཚེ་དེ་ནི་གནོན་ཤུགས་སམ་བཀག་སྡོམ་གྱི་ཆ་རྐྱེན་ཞིག་ཡིན་ངེས།