ལྡི་ལིར་རང་ལུས་མེར་བསྲེགས།

རུ་གསར་ཚང་ལགས། གལ་ཆེ་ཤོས་ནི་ཁོང་གི་མཛད་རྗེས་ལ་བསྔགས་བརྗོད་ཞིག་ཡིན་པ་ལས། རང་ངོས་ནས་ཀུན་སློང་ལ་སྐྱོན་གང་ཡང་མེད། ནོར་འཁྲུལ་ཡོང་སྲིད། གལ་སྲིད་ཁྱེད་རང་ལ་སྣང་ཚུལ་མི་འདྲ་བ་བྱུང་ཡོད་ན་དགོངས་སེལ་ཞུ་རྒྱུ། དེ་ཙམ་ཡིན།

དངོས་གནས་རྒྱལ་གཅེས་པ་ཁོང་གི་བྱས་རྗེས་ལ་བསྔགས་བརྗོད་བླ་མེད་ཞུ།

དེ་ནས་བཙན་བྱོལ་པ་ཟེར་མཁན་ལ། ཁྱོད་ཀྱིས་སྐད་ཆ་བཤད་དུས་གསལ་པོར་མི་ཤེས་ན་ཐག་བཅད་ནས་མ་ལབ་རོགས། འདི་ལྟར་བཤད་ན་ལྷག་བསམ་ཅན་གཞན་ལ་དོ་ཕོག་འགྲོ་ཡི་རེད། ཁྱེད་ཀྱིས་དཔའ་བོ་ཐུབ་བསྟན་དངོས་གྲུབ་ཀྱི་རྗེས་ནས་ད་རེའི་ཁོང་རེད་ཟེར་ནས་ཐག་བཅད་ནས་ལབ་འདུག་ག འོ་ན། སྔོན་བྷོམ་བྷེ་ནས་ད་ལྟའི་དབུས་བོད་ཀྱི་གཞོན་ནུའི་རྒྱུན་ལས་ཟུར་པ་ལྷག་པ་ཚེ་རིང་གིས་རང་ལུས་མེར་བསྲེགས་ཀྱི་ལས་འགུལ་སྤེལ་བ་དེ་ག་རེ་རེད། ལས་འགུལ་འདི་རིགས་ཀྱི་ནང་དུ་མི་ཚུད་པ་རེད་དམ། ཁོང་ལ་ད་རེའི་ནང་བཞིན་བསྟོད་བསྔགས་མེད་ཁར་རང་ལུས་མེར་བསྲེག་ལས་འགུལ་གྱི་ལོ་རྒྱུས་ལེའུ་ནས་ཕུད་དགོས་དོན་གང་ཡིན་ནམ། དཔའ་བོ་ཐུབ་བསྟན་དངོས་གྲུབ་རྗེས་ཀྱི་བཙན་བྱོལ་ནང་རང་ལུས་མེར་བསྲེག་གི་ལས་འགུལ་སྤེལ་དང་པོ་ཁོང་རེད། དེ་ནས་པ་ད་རེའི་དཔའ་པོ་ཁོང་རེད།
བཙན་བྱོལ་པའི་བསམ་བློར་ཕྱོགས་སླད་ཀྱི་སྐྱོན་ཏོག་ཙམ་ཡོད་པའི་ཚོར་སྣང་བྱུང་། གང་ཡིན་ཟེར་ན། མི་དགོས་པའི་ཚིག་ཁ་ཤས་རྩད་འདོན་བྱས་ནས་བཤད་འདུག་པས་ཡིན།

བོད་རྒྱལ་ལོ། བདེན་པ་ཉིད་རྒྱལ་གྱུར་ཅིག

བོད་ཀྱི་དཔལ་བོ་དཔལ་མོ་རྣམས་ཀྱི་སྙིང་བསྟོད་དང་ཁྱད་མི་འདུག །
སྙིང་བསྟོད་དེ་ལ་རྗེས་སུ་ཡི་རང་ཡོད།

བསམ་ཚུལ་ཐད་ཀ་གཏོང་གནང་བ་དུས་བབ་དྲ་བདག་པ་ལ་དམིགས་གསལ་ཐུགས་རྗེ་ཆེ་ཞུ་བ་ཡིན། ང་ཚོ་མང་མས་དུས་ཐོག་མཉམ་རུབ་བྱེད་དགོས་པ་དེ་གལ་ཆེན་ཞིག་རེད།

དེ་རིང་གི་ཁོང་གི་སྙིང་སྟོབས་བཤད་མི་དགོས་པར་ཡིད་སྨོན་སྐྱེས་ཐལ། སྤྱིར་བཏང་ཁོ་རང་ལྡི་ལི་ནས་ལས་འགུལ་ཞིག་ག་དུས་སྤེལ་ན་དེ་དུས་མདུན་དུ་ཐོན་ནས་འབོད་སྒྲ་སྒྲོག་མཁན་ཞིག་དང་། གོ་སྒྲིག་ཚོགས་པ་ཁག་ལ་རམ་འདེགས་བྱེད་མཁན་ཞིག་རེད། ཉིས་སྟོང་བརྒྱད་དང་ཁ་སང་གི་ལས་འགུལ་གཉི་གའི་སྐབས་སུ་ཁོང་ཡར་མར་ལ་བརྒྱུགས་པས་ཚང་མས་ཤེས་གསལ་རེད། མི་རྒྱགས་པ་ཞིག་རེད། སེམས་ཤུགས་ཅན་གྱི་དཔའ་བོ།

ཤེས་རབ་ལགས། ཁྱེད་ནི་བུ་སྐྱེས་པ་གོ་ཆོད་འདུག་ལ། བོད་རྒྱལ་ཁབ་ཀྱི་རྒྱལ་གཅེས་དཔའ་བོ་ངོ་མ་དེ་ཁྱོད་དང་ཁྱོད་ལྟ་བུའི་དེང་སང་གི་གཞིས་བྱེས་གཉིས་ཀྱི་བོད་མི་དག་རེད་འདུག ཁྱེད་རང་སྐུ་ལུས་ལ་གནོད་སྐྱོན་མེད་པར་དྲག་བསྐྱེད་ཡོང་བར་སྨོན། རང་ལུས་གཅེས་དགུ་མེ་ལ་བསྲེག་པའི་དོན་སྙིང་དང་། ད་དུང་ཁྱེད་ཀྱིས་ཕྱག་ལས་དེ་འཛམ་གླིང་ཐོག་ཏུ་ན་ཟུག་གི་འབོད་སྒྲ་ཡོད་ཚད་སྒྲོག་སྦྱང་བྱེད་རྒྱུ་ལྷག་ཡོད་པས་མྱུར་དུ་ལྡིང་ཆའི་སྟེང་དུ་འབྱོན་པར་སྨོན། སྙིང་ནས་རྗེས་སུ་ཡི་རང་ཡོད།

རྒྱལ་གཅེས་དཔའ་བོ་ཁོང་ལ་ཧ་ཅང་བསྔགས་བརྗོད་དང་རྗེས་སུ་ཡི་རངས་ཞུ་བཞིན་ཡོད།
ཁོང་གིས་ངོ་དེབ་ནང་དུ་ཁ་ཆེམས་བཞག་ཡོད་པ་དེ་ངོ་མ་གཟི་བརྗིད་ཆེ་ཀི
ང་རང་གི་ཡང་སྔོན་ནས་བོད་ནང་དུ་རང་ལུས་མེར་བསྲེགས་བྱེད་ཀྱིན་ཡོད་པ་ཁོང་ཚོ་ལ་བརྗོད་འདོད་བྱུང་།
སོ་སོའི་རང་སྲོག་གཏོང་དགོས་བའི་རྒྱུ་མཚན་གསལ་བོར་རེ་ཡིག་ཐོག་ཏུ་འཇོག་ཐུབ་ན་དགེ་མཚན་ཞེ་དྲག་གི་ཆེ་ཀི་བསམ་ཡོད།
རྒྱ་གཞུང་གིས་འཁྱོགས་གཏམ་བརྗོད་ས་མེད་པ་ཞིག་གསལ་བོར་ཆགས་ཡོང་གི་རེད།
དཔའ་བོ་དཔའ་མོ་ཚང་མ་ལ་གདུང་སེམས་མཉམ་བསྐྱེད་ཞུ་དང་ཞུ་བཞིན་ཡོད།
བོད་རྒྱལ་ལོ།

མ་ཤི་པ་ནི་ཡག་པོ་རེད། སྙིང་སྟོབས་ལ་ཡི་རིང་ཡོད། ད་དུང་རེ་གཉིས་ཡོང་མི་སྲིད་པ་མ་རེད།

མགོ་ཐུར་དུ་བསྟན་ནས་སྐྱེས་ལུགས་འདྲ་ན་ཡང་། འཆི་ལུགས་མི་འདྲ་ཟེར་བ་དེ་ནི་ངོ་མ་ཆེས་གཏམ་དཔེ་བདེན་པ་ཞིག་རེད། དཔའ་བོ་དཔའ་མོ་འདི་དག་གི་ཕེབས་སྟངས་ལ་ལྟོས་དང་། ངོ་མ་ཁྱེད་ཅག་ནི་ཇི་སྲིད་བསྐལ་བ་མ་སྟོང་གི་བར་དུ་འུ་ཚང་གི་ལོ་རྒྱུས་ཀྱིས་གླེང་གི་རེད།

ལས་འགུལ་དགའ་བསུ་ཡོད་ཀྱང་། དྲག་པོའི་སྒོ་ནས་དགྲ་བོའི་ལུས་དང་མཚོན་ཆ་མེར་བསྲེག་དགོས་རེད། ཡང་ན་ཞི་བའི་སྒོ་ནས་དགྲ་བོའི་གདུག་རྩུབ་དང་ངན་འཆར་ཞི་བར་བྱེད་དགོས་ལ་པ་ལས། ཐབས་ལམ་གསུམ་པ་ཞིག་ངས་ནི་མཐོང་བགྱིད་མི་འདུག་ལགས། ངས་ཚིག་འདི་ལོག་འགྲེལ་མ་གནོངས་རོགས། ཐུགས་རྗེས་གཟིགས།

དེ་རིང་གཏམ་བཟང་ཞིག་བཙན་བྱོལ་ནང་བྱུང་སོང་། རྗེས་སུ་ཡིད་རང་ཞུ་ཞུ་ཞུ།།

ཁོང་གི་སྙིང་སྟོབས་ལ་རྗེས་སུ་ཡི་རངས་ཞུ། ཡུན་རིང་སྙིང་ལ་བརྣག་པའི་བོད་ཀྱི་མེ་དཔུང་དག་ད་ནི་གཅིག་རྗེས་གཉིས་མཐུད་ཀྱིས་ཕྱི་ལ་སྦར་གྱིན་འདུག འདི་ནི་ཆད་དཀའ་བའི་མེ་དཔུང་ཞིག་རེད། འདི་ནི་རྒྱ་གཞུང་གི་དར་ཆ་སྲེག་པའི་མེ་དཔུང་ཞིག་རེད། བོད་རྒྱལ་ལོ།།

ངོ་མ་དཔལ་བོ་རེད། ངས་ཁོང་གི་ལོ་རྒྱུད་གསལ་བོ་ཤེས་ཀྱི་མེད་ལ་ཡིན་ན་ཡང་། ཁ་སྔོན་ཕྱི་ཟླ་བཞི་པའི་ནང་ཀིརྟི་གྲྭ་ཚང་གི་དགེ་འདུན་པས་ཞི་བའི་གོམ་བགྲོད་གནང་སྐབས། ཤེས་རབ་ལགས་ཀྱི་ང་ཚོ་ལ་ཉིན་ལྟར་རོགས་རམ་མཐུན་སྦྱོར་གང་ཐུབ་ཅི་ནུབ་ཞུས་སོང་། དེ་རྗེས་ཕྱི་ཟླ ༡༠ ནང་བཀའ་སྤྱི་མཐུན་མང་ནས་ལས་འགུལ་སྤེལ་སྐབས་ཡང་ཁོང་གི་ཉིན་ལྟར་རོགས་རམ་དང་ལས་དོན་ཆེ་ཕྲ་ཆུང་གསུམ་ཐོག་ཧུར་ཐག་ངང་གནང་གི་འདུག
ཁོང་ངོ་མ་ལྷག་བསམ་རྣམ་དག་གི་བོད་མི་རྒྱལ་གཅེས་དཔའ་བོ་རེད། ང་ཚོ་རང་དབང་ལུང་བ་ནང་སླེབས་ཡོད་པའི་བོད་མི་རྩམ་བཟའ་ཚང་མ་ལ་མིག་དཔེ་ཞིག་བཞག་པ་རེད།
དཔའ་རྒོད་ལགས་ལོངས་ཤོག ཁྱེད་ཀྱི་ཚེ་སྲོག་ལ་གནོད་སྐྱོན་མི་ཡོང་བའི་རེ་བ་སྙིང་ལ་བཅང་ཡོད།

ཁྱེད་ཀྱི་སྙིང་སྟོབས་བསམ་ཡུལ་ལས་འདས་. རང་དབང་ལུང་བའི་གཞོན་སྐྱེས་ཚོས་འདི་འདྲ་མི་གནང་བར་མུ་མཐུད་ལས་འགུལ་འདྲ་མིན་སྤེལ་ན་ལེགས་སྙམ།

ང་མི་འདི་ལ་ཐེངས་གསུམ་ཙམ་མཇལ་མྱོང་ཡོད། ཁོང་གི་མིང་དང་ལོ་རྒྱུས་གསལ་བོ་མི་ཤེས།
དང་པོ། ༢༠༠༨ ལོར་རྒྱ་གར་མཐོ་སློབ་བོད་རིགས་སློབ་མ་ཐུན་མོང་གིས་རྒྱལ་ས་ལྡི་ལིར་གཞི་རྒྱ་ཆེ་བའི་ལས་འགུལ་ཞིག་གོ་སྒྲིག་ཞུ་བཞིན་འདུག སྐབས་དེར་ཁོང་གིས་ལས་འགུལ་སྣེ་འཁྲིད་པ་དང་གསར་འགྱུར་འབྲེལ་མཐུད་ཀྱི་འགན་གཅིག་ལྕོགས་བཞེས་འདུག
གཉིས་པ། ༢༠༠༩ ལོར་དབྱར་གནང་གི་གུང་གསེང་དང་བསྟུན་ཏེ་ས་རཱ་མཐོ་སློབ་ཏུ་རྒྱ་གར་མཐོ་རིམ་སློབ་ཕྲུག་ཚོར་བོད་ཡིག་འཛིན་གྲྭ་ཞིག་ཚོགས་འདུག སྐབས་དེར་ཁོང་སློབ་གྲྭ་མཐོན་འདུག་ཀྱང་། མཐོ་རིམ་སློབ་ཕྲུག་སྐོར་ཞིག་འཁྲིད་དེ་བོད་ཡིག་ཟབ་སྦྱོང་འཛིན་གྲྭ་དེར་མཉམ་ཞུགས་གནང་འདུག་ལ། ཟབ་སྦྱོང་འཛིན་གྲྭའི་འགན་བདག་ཀྱང་ཁོང་རེད།
གསུམ་པ། ༢༠༡༠ ལྡི་ལི་བོད་སྒར་བསམ་ཡས་གླིང་དུ་ཡ་མཱ་ན་གཙང་པོ་རྒྱས་ཏེ་ས་གནས་བོད་རིགས་ཚོར་དཀའ་ངལ་ཆེན་པོ་ཞིག་འཕྲད་བཞིན་འདུག སྐབས་དེར་ཁོང་གིས་ཕོ་གསར་མོ་གསར་སྐོར་ཞིག་འཁྲིད་དེ་མི་ཚང་རེ་རེ་བཞིན་རྟོག་ཞིབ་དང་། ཁྱིམ་དུ་ཆུ་མེར་བ་དག་གི་ཅ་དངོས་གཞན་ལ་སྐྱེལ་རོགས་གནང་གི་འདུག

མིག་ཆུའི་ཀློང་ནས་བཀླགས་ཟིན། སྐྱེས་བུ་དམ་པ་འདི་དག་གི་སྙིང་སྟོབས་ཀྱི་གཟི་བརྗིད་ནམ་ཡང་ཉམས་པ་མེད།