དེ་རིང་ཕྱི་ཚེས་ ༢༣ ཉིན་རྒྱ་ནག་ལ་ལྟ་བ་ཞེས་པའི་དྲ་བའི་སྟེང་གནས་ཚུལ་སྤེལ་བ་ལྟར་ན། ཉེ་བའི་ཟླ་གཅིག་གི་སྔོན་ནས་བཟུང་ཁམས་སྐྱེ་དགུ་མདོའི་གནམ་གཤིས་དྲོད་གྲང་ཀླད་གོར་མན་གྱི་ཏུའུ་ ༡༠ ལ་སླེབས་ཏེ་ས་གཞི་འཁྱག་པས་བསྡམས་ཡོད་འདུག ཡིན་ནའང་། ཧ་ཅང་གྲང་ལྷག་ཆེ་བའི་དགུན་ཁའི་དུས་ཚིགས་འདིར་ཁམས་སྐྱེ་དགུ་མདོའི་གནོད་ཐེབས་ས་ཁུལ་ཁག་ཅིག་ཏུ། ཞིང་འབྲོག་ཁུལ་གྱི་སློབ་གྲྭ་ཁག་ནང་སྔར་བཞིན་སློབ་མའི་སྡོད་ཁང་གསར་རྒྱག་བྱེད་མ་ཐུབ་པར་སློབ་ཕྲུག་རྣམས་དྲོད་ཆས་ཀྱི་མཐུན་རྐྱེན་མེད་པའི་སྡོད་གུར་ནང་འདུག་དགོས་བྱུང་ཡོད་པར་མ་ཟད། དགུན་ཆས་གྱོན་གོས་དང་ཟ་མའི་ཐད་ལའང་མུ་མཐུད་དཀའ་ངལ་འཕྲད་བཞིན་ཡོད་འདུག
ཉེ་ཆར་རྒྱ་ནང་གི་སྤྱི་ཚོགས་འབྲེལ་མཐུད་དྲ་རྒྱ་བའེ་པའོ་སོགས་སུ། ཁམས་སྐྱེ་དགུ་མདོའི་ས་ཁུལ་ཁག་ནང་སློབ་ཕྲུག་རྣམས་ལ་དགུན་ཆས་དང་ཟ་མའི་དཀའ་ངལ་འཕྲད་བཞིན་པའི་གནས་ཚུལ་དང་པར་རིས་སོགས་ཐོན་ཡོད་འདུག དྲ་མིང་ལ་རྒྱ་སེའི་བུམ་པ་ཟེར་བའི་ཟིན་བྲིས་པ་ཞིག་གིས་རང་གི་བའེ་པའོ་ཐོག་གནས་ཚུལ་སྤེལ་པ་ལྟར་ན། ཉེ་སྔོན་ཕྱི་ཟླ་ ༩ པའི་ཟླ་མཇུག་ལ་རྒྱ་ནག་ཞིན་ཧྭ་གསར་ཁང་གི་གསར་འགོད་པ་ཞིག་ཁམས་སྐྱེ་དགུ་མདོའི་ར་ཕྱུག་ཞོལ་མ་གྲོང་རྡལ་དུ་བསྐྱོད་སྐབས། ས་ཁུལ་དེར་སློབ་ཕྲུག་ ༡༥༥༡ ལ་ད་དུང་ཁང་པ་གསར་རྒྱག་བྱེད་མ་ཐུབ་པར་མུ་མཐུད་དྲོད་ཆས་མེད་པའི་སྡོད་གུར་ནང་གྲང་ལྷག་གི་འཚོ་བ་སྐྱེལ་བཞིན་པའི་གནས་སྟངས་བྱུང་ཡོད་པ་ངོས་ལེན་བྱས་ཡོད་པའི་སྐོར་དང་། དེ་མིན་ད་དུང་ས་ཡོམ་གནོད་འཚེ་ཐེབས་ཡུལ་ཞིང་འབྲོག་ཁུལ་གྱི་སློབ་གྲྭ་མང་པོ་ཞིག་ཏུ་དེ་མཚུངས་ཀྱི་དཀའ་ངལ་འཕྲད་བཞིན་ཡོད་པ་བཀོད་འདུག
ལོ་སྔོན་མའི་ཕྱི་ཟླ་ ༧ ཚེས་ ༩ ཉིན་རྒྱ་གཞུང་འབྲེལ་ཡོད་སྡེ་ཁག་གིས་ཁམས་སྐྱེ་དགུ་མདོའི་གནོད་སེལ་རོགས་དངུལ་བསྡོམས་རྩིས་གསལ་བསྒྲགས་སྐབས། ཁམས་སྐྱེ་དགུ་མདོའི་ས་ཡོམ་གནོད་འཚེ་ཐད་རྒྱ་གཞུང་གིས་རོགས་དངུལ་རྒྱ་སྒོར་དུང་ཕྱིར་ ༧༣་༠༢ བཏང་ཡོད་པ་དང་། མང་ཚོགས་ཀྱིས་ཞལ་འདེབས་སུ་ཕུལ་བའི་རོགས་དངུལ་རྒྱ་སྒོར་དུང་ཕྱུར་ ༡༠༦་༥༧ ལ་སླེབས་ཡོད་སྐོར་བསྒྲགས་ཡོད་པ་རེད། ཉེ་ཆར་བའེ་པའོ་དྲ་རྒྱུའི་སྟེང་བསམ་ཚུལ་སྤེལ་མཁན་མང་པོ་ཞིག་གིས་ཁམས་སྐྱེ་དགུའི་ས་ཡོམ་གནོད་སེལ་ཐད་ཁྱོན་བསྡོམས་རྒྱ་སྒོར་དུང་ཕྱིར་ ༡༧༩་༥༩ སྤྲོད་ཡོད་པ་དེ་དག་གིས། ས་ཁུལ་ཆུང་ཆུང་དེ་འདྲ་ཞིག་གི་སློབ་ཕྲུག་རྣམས་ལ་སྡོད་ཁང་གསར་བ་ཞིག་དང་དགུས་ཆས་དྲོན་མོ་ཞིག་གི་མཐུན་རྐྱེན་ཀྱང་བསྐྲུན་ཐུབ་མེད་པའི་རྒྱུ་རྐྱེན་གཙོ་བོ་ནི། རྒྱ་གཞུང་གི་འབྲེལ་ཡོད་སྡེ་ཁག་དག་གིས་མི་དམངས་ཀྱིས་ཕུལ་བའི་ཞལ་འདེབས་རྣམས་སྒེར་གཅོད་དང་། ས་གནས་དཔོན་རིགས་ཚོས་གཞུང་དངུལ་ལྐོག་ཟ་བྱས་པ་ལ་རྟེན་ནས་བྱུང་བ་ཞིག་ཡིན་སྐོར་བརྗོད་ཡོད་པ་རེད།
གཞན་ཡང་། ཕྱི་ཟླ་ ༡༡ ཚེས་ ༡ ཉིན་གྱི་དགོང་མོའི་ཆུ་ཚོད་ ༡༢ དང་སྐར་མ་ ༣ གྱི་སྟེང་། ཁམས་སྐྱེ་དགུ་མདོའི་གནོད་སེལ་སྡོད་གུར་མང་པོ་མཉམ་དུ་གོ་སྒྲིག་བྱས་ཡོད་པའི་ས་ཁུལ་ཞིག་གི་ཚོང་རར་མེ་ཤོར་ཏེ་དགོང་མོའི་ཆུ་ཚོད་ ༣ དང་ཕྱེད་ཀའི་བར་མེ་གསོད་ཐུབ་མེད་པ་རེད། དོན་རྐྱེན་དེའི་ཁྲོད་ས་ཁྱོན་རྨིད་གྲུ་བཞི་མ་ ༤༠༠༠ ལྷག་ལ་མེ་སྐྱོན་བྱུང་ཡོད་པ་དང་། ཤིང་ལེབ་དང་འགྱིག་གིས་བཟོས་པའི་སྡོད་ཁང་ ༢༠༠ དང་། སྡོད་གུར་ ༤༠ ལྷག་མེར་བསྲེགས་ཐེབས་ཡོད་འདུག
ཆབ་བྲག་ཕུད་པས་བསམ་བྲི་བ་ཚང་མས་བླ་སྤྲུལ་དག་ལ་བཤད
འདུག. སྲན་མ་མ་ཆོད་པས་ཡོས་ལ་རང་རེད. རྒྱ་སྒོར་དུང་ཕྱིར་༡༧༩:༥༩དེས་མ་འདེང་བ་རེད་དམ. བླ་སྤྲུལ་ཚོས་འཁྱེར་ནས་དེ་ཙམ་ལས་མ་སྤྲད་པ་རེད.
མ་གཞི་ནས་རྒྱ་སྒོར་༡༧༩༥༩༠༠༠༠༠༠:༠༠ཐམ་པ་དེ་བླ་སྤྲུལ་ཚོར
སྤྲོད་དང. ངེད་ཅག་གིས་གླ་མེད་ཐོག་འཆར་འགོད་ཇི་ཡོད་བཞིན
དུས་བཀག་ནང་འགྲུབ་པར་བྱོས་ཆོག་གོ ཧ་ཨེ་གོ་ཐལ
གནོད་ཐེབས་ས་ཁུལ་ལ་རོགས་དངུལ་རག་གིན་མེད་པ་དང་ལྷག་པར་སྡོད་གནས་ཀྱི་དཀའ་ངལ་དང་ལྟོགས་སྐོམ་འབྱུང་གིན་ཡོད་ན་ཐོག་མར་ས་གནས་མི་དམངས་ཀྱིས་གཏུགས་བཤེར་དང་སྐད་འབོད་གནང་དགོས་ངེས་ཤིག་རེད། འདི་ལ་ཆབ་སྲིད་ཀྱི་རྣམ་པ་ཐོན་དགོས་པ་མེད། ས་ཁུལ་གཞན་དག་ལ་མཚོན་ན་འདི་འདྲའི་འཚོ་བའི་དཀའ་ངལ་མེད་ན་ཡང་ངོ་རྒོལ་ཅི་འདྲ་བྱས་དང་བྱེད་བཞིན་པ་རེད་ཨང།
གཞིས་བཞུགས་ཀྱི་འབྱུང་བའི་གནོད་འཚེ་འོག་ཏུ་ཉམ་ཐག་པའི་སྐྱེ་དགུ་མདོའི་རྒན་བྱིས་ཡོངས་ལ། ཁྱེད་རྣམས་མྱུར་བ་ཉིད་དུ་སྡུག་བསྔལ་དེ་དག་ལས་གྲོལ་ཏེ་སྔར་རྒྱུན་བཞིན་འཚོ་བ་བཟང་པོ་ལ་རོལ་ཐུབ་པའི་སྨོན་འདུན་གྲངས་མེད་ཞུ། སྐུ་ཚེ་རིང་།
གདན་ས་ཁྱོད་རྫིག་ང་རྫིག
སྐུ་གདུང་ཁྱོད་ཆེ་ང་ཆེ།
སྐྱ་མིན་སེར་མིན་དག་ལས།
དྭ་ཕྲུག་གསོ་སྐྱོང་གནང་རོགས།
སེམས་མེད་གསེར་དངུལ་རག་སྐུར།
གཟུང་འཇུག་འབུལ་བ་དག་ལས།
སེམས་ལྡན་མི་བུའི་སྐུ་ལ།
གཟུང་འཇུག་འབུལ་ནེ་ལེགས་སྙམས།
འོག་འདི་ན་ཡང་སྙིང་རྗེ་དགོས་པ་འགའ་འདུག
བཀྲ་ཤེས་ལགས། ཡིག་ནོར་་་་ཡིག་ནོར་་
བོད་ཀྱི་བླ་སྤྲུལ་འདི་དག་གིས། །
འབྱོར་ལྡན་ས་ནས་སློང་བའི་དུས། །
འབྱོར་མེད་རྣམས་ཀྱི་སྐྱོབ་གསོ་ཞེས།།
བྱམས་བརྩེའི་གསུང་གིས་སློང་ན་ཡང་།།
རང་ལ་རོགས་དངུལ་ཐོབ་པ་དང་།།
འགའ་ཡིས་རླང་འཁོར་གཟིགས་པོ་དང་།།
འགའ་ཡིས་བླ་བྲང་གཟིགས་པོ་དང་།།
འགའ་ཡིས་ལྷ་ཁང་གཟིགས་པོ་དང་།།
ཀུན་གྱིས་བྱང་གསེར་ལས་གྲུབ་པའི།།
སྐུ་དང་མཆོད་རྟེན་སྣ་མང་དང་།།
འགྲན་དུ་མེད་པའི་མཆོད་ཆ་སོགས།།
རིན་བྲལ་ཅ་དངོས་སྒྲུབ་པ་ལས།།
འབྱོར་མེད་བྱིངས་ལ་སྨིན་པ་ཡི། །
མཐུན་རྐྱེན་མཁོ་སྤྲོད་བྱས་པ་མེད།།
མདོར་ན་ཚང་སོ་སོའི་ཆེད།།
དེས་ན་འབྱོར་མེད་འདི་ཚོ་ཡིས།།
བོད་ཀྱི་བླ་སྤྲུལ་མདུན་ས་ནས།།
ནམ་ཡང་རོགས་སྐྱོར་ཐུབ་པ་དཀའ།།
བོད་ཕྱི་ནང་གི་བླ་སྤྲུལ་འབྱོར་ལྡན་ཚོ་སྤྱན་གྱི་གཟིགས་རན་རེད།
སྙིང་རྗེ་ན་རྗེ་གྱི་དེ་ན་འདུག
བླ་སྤྲུལ་འབྱོར་ལྡན་ཚོའི་སྤྱན་གྱི་གཟིགས་རན་རེད།
བོད་ཕྱི་ནང་གཉིས་ཀྱི་བླ་སྤྲུལ་ཚོ་སྙིང་རྗེ་ན་རྗེ་གྱི་དེ་ན་འདུག
དམར་ཤོག་ཚོགས་པས། དྭ་ཕྲུག་དེ་དག་ལ་ལྟོ་གོས་ཙམ་གྱི་རོགས་སྐྱོར་དང་འགན་མི་འཁུར་བར།
སློབ་གྲྭ་གསར་བ་དང་། ཁྱིམ་གཞིས་གསར་བ་སྟེ། ཡུལ་ཤུལ་གསར་བ་འཛུགས་སྐྲུན་གྱི་ཁ་ཕོ་བསྒྲགས་པ་ཙམ་གྱིས། སྐྱེ་རྒུ་མདོའི་ས་ཡོམ་གོད་ཆག་གི་དཀའ་ངལ་སེལ་ཐུབ་པ་མ་ཞིག་རེད།
བླ་སྤྲུལ་དང་དད་ལྡན་སྦྱིན་བདག་ཚོས།
སངས་རྒྱས་གསེར་སྐུ་བཞེངས་པ་ལས། །
དད་ལྡན་ལུས་སེམས་བསོས་ན་ལེགས། །
ཡིན་དང་མིན་པ་ཐུབ་པར་དྲིས། །
ཡང་ན་ཁོང་གི་གསུང་ལ་དཔྱད། །
ལྟོག་བཀྲེས་ཚ་གྲང་ལས་གྲོལ་ཤོག །