ཁ་སང་གཟའ་ཉི་མའི་ཉིན་ཅེག་སྤྱི་མཐུན་རྒྱལ་ཁབ་ཀྱི་སྲིད་འཛིན་ཟུར་པ་སྐུ་ཞབས་ཧཱ་ཝེལ་ལགས་དགོང་གྲངས་ ༧༥ སྟེང་རང་ཤག་ཏུ་འདས་གྲོངས་སུ་གྱུར་འདུག
ཕྱི་ཚེས་ ༡༨ ཉིན་ཅེག་སྤྱི་མཐུན་རྒྱལ་ཁབ་ (Czech Republic) ཀྱི་སྲིད་འཛིན་ཟུར་པ་སྐུ་ཞབས་ཧཱ་ཝེལ་ (Vaclav Havel) ལགས་འདས་གྲོངས་སུ་གྱུར་ཡོད་ཅིང་། ཁོང་འདས་གྲོངས་སུ་གྱུར་པའི་གནས་ཚུལ་ཐོན་རྗེས་ཅེག་མི་མང་གིས་སྒྲོན་མེ་དང་མེ་ཏོག་ཁྱེར་ཏེ་ཁོང་ལ་མྱ་ངན་རྗེས་དྲན་བྱས་ཡོད་པ་དང་། དེ་བཞིན་དབྱིན་ཇིའི་སྲིད་བློན་ཁཱམ་མེ་རོན་དང་འཇར་མན་སྲིད་བློན་ལྕམ་མེར་ཀེལ་སོགས་ཀྱིས་དམ་པ་ཁོང་གིས་མི་ཚེ་གང་པོ་རང་དབང་དང་དམངས་གཙོའི་དོན་དུ་ཕུལ་པའི་མཛད་རྗེས་ལ་རྗེས་དྲན་དང་མྱ་ངན་ཤིས་ཚིག་ཕུལ་ཡོད་འདུགཧཱ་ཝེལ་འདས་གྲོངས་སུ་གྱུར་རྗེས་༧གོང་ས་མཆོག་གིས་དམ་པ་ཁོང་གི་སྐུ་ཟླ་ཧཱ་ཝིལོ་ཝ་(Dagmar Havlova) ལགས་ལ་སེམས་གསོ་དང་མྱ་ངན་ཞུ་ཚིག་བསྐུར་ཏེ། འཛམ་གླིང་གི་མི་སྣ་རླབས་ཆེན་ཁོང་གིས་ཅེག་རྒྱལ་ཁབ་ལ་རང་དབང་དང་དམངས་གཙོའི་རྒྱལ་ཁ་བླངས་པ་དང་། ༧གོང་ས་མཆོག་སྐུ་སྒེར་དང་བོད་ཀྱི་གྲོགས་པོ་ཡག་ཤོས་ཤིག་ཡིན་པ་མ་ཟད།སྐུ་སྒེར་ངོས་ནས་ཁོང་ལ་བརྩི་བཀུར་དང་མིག་དཔེར་ལྟ་ས་ཞིག་ཡིན་ཞིང་། རྗེས་ཕྱོགས་ཁོང་ལ་བཀའ་དྲིན་རྗེས་དྲན་ཕྱིར་དྲང་བདེན་དང་གུ་ཡངས། ཞི་བདེའི་འཛམ་གླིང་ཞིག་བསྐྲུན་རྒྱུར་ཤུགས་གནོན་རྒྱག་དགོས་པར་གསུངས་ཡོད་འདུག་ལ།
དེ་བཞིན་དབུས་བོད་མིའི་སྒྲིག་འཛུགས་ཀྱིས་དམ་པ་ཁོང་གི་སྐུ་ཟླར་སེམས་གསོ་དང་མྱ་ངན་ཞུ་ཚིག་ཕུལ་ཏེ། བོད་དང་བོད་མིའི་གྲོགས་པོ་སྲིད་འཛིན་ཟུར་པ་ཧཱ་ཝེལ་ཁོང་འདས་གྲོངས་སུ་གྱུར་པའི་གནས་ཚུལ་ལ་སེམས་སྡུག་དང་མྱ་ངན་ཡོད་པར་བརྗོད་ཡོད་འདུག
གསར་འགོད་པ། བནྡེ་སྐྱབས།
བོད་མིའི་བླ་ན་མེད་པའི་༸ གོང་ས་མཆོག་དང་སྐུ་ཞབས་དམ་ཧ་ཝེལ་ལགས་ཀྱི་གཉིས་དབར་ཐུན་མོང་མ་ཡིན་པའི་ལས་དང་། ཐུགས་འདུན། དམ་ཚིག་ཁྱད་པར་ཅན་ཞིག་ཡོད།
ཁོང་སྐུ་མ་གཤེགས་པའི་ཉིན་ཤས་གོང་ནས་། གོང་ས་མཆོག་དང་མཇལ་འཕྲད་ཞུས་ཏེ་རྒྱལ་བས་ཐུགས་ཚད་མེད་མཉེས་པའི་གུས་འདུད་དང་ཞལ་མཇལ། དབུ་ཐུག ཕྱག་བཟུང་སོགས་ཚད་མེད་ཅིག་མཛད་པའི་སྐུ་པར་དྲ་ཐོག་ཏུ་མཇལ་རྒྱུ་འདུག
བོད་ཀྱི་གྲོགས་པོ་བློས་ཐུགས་ཞིག་དགོངས་པ་རྫོགས་པར་མྱ་ངན་དང་གུས་བཏུད་ཞུ།
བོད་ལ་ཁ་ཞེ་གཉིས་མེད་ཀྱི་རྒྱབ་སྐྱོར་གནང་མཁན་སྐུ་ཞབས་ཧེ་ཝེ་ལགས་འདས་གྲོངས་སུ་སོང་བར་མྱ་ངན་གུས་འདུད་ཞུ། དལ་འབྱོར་གྱི་མི་ལུས་དོན་ལྡན་ཞིག་ཐོབ་པའི་སྨོན་འདུག་ཞུ།
བོད་ལ་ཁ་ཞེ་གཉིས་མེད་ཀྱིས་རྒྱབ་སྐྱོར་གནང་མཁན་སྐུ་ཞབས་ཧ་ཝེ་མཆོག་ལ་མྱ་ངན་གུས་འདུད་ཞུ། ཁོང་ནི་༸གོང་ས་ཏཱ་ལའི་བླ་མ་མཆོག་གཞུང་འབྲེལ་གདན་འདྲེན་ཞུ་མཁན་གྱི་བོད་ཀྱི་གྲོགས་པོ་བརྩེ་སེམས་ཅན་ཞིག་ཡིན།
བོད་ཀྱི་གྲོགས་པོ་དྲིན་ཆེན་སྐུ་ཞབས་ཧཱ་ཝེ་ལགས་འདས་གྲོངས་སུ་སོང་བར་མྱ་ངན་གུས་འདུད་ཞུ། བདེ་ནས་བདེ་བར་བདེ་ནས་བདེ་བར་སྐྱེ་བར་ཤོག །
བོད་ཀྱི་གྲོགས་པོ་རྣམས་བོད་ཀྱི་མི་རབས་རྙིང་བ་རྣམས་དང་མཉམ་དུ་ཚར་གྱི་རེད།
ད་མི་རབས་གསར་བའི་གྲོགས་པོ་ཚོ་གང་དུ་ཡོད་ན།
བོད་ཀྱི་གྲོགས་པོ་སྐུ་ཞབས་ཧཱ་ཝེ་ལགས་འདས་གྲོངས་སུ་སོང་བར་མྱ་ངན་གུས་འདུད་ཞུ་རྒྱུ་དང་། ཁོང་གི་ཆེད་དུ་བསྔོ་སྨོན་ཞུ་རྒྱུ་ཡིན།