དེ་རིང་ཞོགས་པར་རྒྱལ་བ་ཀརྨ་པ་མཆོག་གིས་རྡོ་རྗེ་གདན་གཏེར་སྒར་དགོན་པའི་ཉེ་འགྲམ་གྱི་ཐང་ཆེན་དུ་བོད་ནས་ཕེབས་པའི་ཆོས་ཞུ་བ་རྣམས་གཙོ་བོར་བཟུང་སྟེ། བོད་ནང་གི་ཁོར་ཡུག་སྲུང་སྐྱོབ་སྲོལ་རྒྱུན་ལ་བདག་གཅེས། བོད་པའི་རིག་གཞུང་ལ་བདག་ཉར་བཅས་གནང་དགོས་པའི་བཀའ་སློབ་གནང་སོང་།
དེ་རིང་ཕྱི་ཚེས་ ༥ ཉིན་གྱི་ཞོགས་པའི་ཆུ་ཚོད་ ༧།༣༠ ཡས་མས་སུ་དཔལ་རྒྱལ་བ་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གིས་རྡོ་རྗེ་གདན་གཏེར་སྒར་དགོན་པའི་ཉེ་འགྲམ་བཀའ་རྒྱུད་སྨོན་ལམ་ཚོགས་རྭའི་ནང་བོད་ནས་ཕེབས་པའི་ཆོས་ཞུ་བ་ ༡༡༠༠༠ ལྷག་ལ་ད་ལྟའི་བར་བོད་ནང་གི་བོད་མི་ཚོས་བོད་ཀྱི་ཐུན་མོང་མ་ཡིན་པའི་རིག་གཞུང་དང་ཁོར་ཡུག་སྲུང་སྐྱོབ་ཐད་རང་ནུས་གང་ཡོད་བཏོན་ཡོད་པ་ལྟར། མ་འོངས་པར་རིག་གཞུང་སྲུང་སྐྱོབ་དང་མི་རིགས་མཐུན་སྒྲིལ། རི་དྭགས་དང་ཁོར་ཡུག་སྲུང་སྐྱོབ་བཅས་ཀྱི་ཐད་འབད་པ་བྱ་དགོས་པའི་སྐོར་གསུངས་སོང་། སྐབས་དེར་ཀརྨ་པ་མཆོག་གིས་དུས་དབང་ཐེངས་ ༣༢ པའི་སྟེང་བོད་ནས་ཆེད་དུ་ཕེབས་པའི་ཆོས་ཞུ་བ་རྣམས་ལ་འཚམས་འདྲི་དང་འབྲེལ། ཆོས་རྒྱལ་མེས་དཔོན་རྣམ་གསུམ་གྱི་སྐབས་སུ་མཐའ་བཞིའི་རྒྱལ་ཁམས་མང་པོ་དབང་དུ་བསྡུས་ཏེ། བོད་འདི་སྲིད་འབྱོར་རིག་གསུམ་ཡར་རྒྱས་ལྡན་པའི་རྒྱལ་ཁབ་དང་མི་རིགས་ཤིག་ཆགས་པ་དང་། ལྷག་པར་དུ་བོད་མི་ཚོས་ད་ལྟའི་བར་ནང་པའི་ཆོས་ལ་ཐོས་བསམ་ཉམས་ལེན་བྱས་ཏེ། ད་ལྟའི་དུས་སྐབས་འདིར་རྒྱལ་ཁབ་གཞན་དང་གོམ་པ་མཉམ་སྤོ་བྱེད་ཐུབ་ཀྱིན་ཡོད་པའི་སྐོར། བཙན་པོའི་གདུང་རྒྱུད་ཆད་པ་དང་བོད་ཁམས་སིལ་བུར་འཐོར་བ་བཅས་ལས་བོད་མི་ཚོ་གཅིག་གྱུར་མེད་པའི་དཀའ་རིམ་པ་བྱུང་ཡོད་ཀྱང་། ༸གོང་ས་མཆོག་གིས་ཐུགས་རྗེ་བཀའ་དྲིན་ལ་བརྟེན་ནས་ད་ལྟའི་དུས་འདིར་བོད་མི་ཚོ་གོང་བུ་གཅིག་གྱུར་དང་རྡོག་རྩ་ཆིག་སྒྲིལ་གྱི་དུས་སྐབས་གསར་བ་ཞིག་མགོ་ཚུགས་ཡོད་ཚུལ། ཁོང་གི་ངོས་ནས་ང་དགུ་ལོའི་ཡར་སྔོན་གྱི་བོད་མི་ཚོས་སོ་སོའི་ས་ཆ་དང་ཆོས་ལུགས་ཆོས་རྒྱུད་ལས། བོད་སྤྱི་དོན་ལ་བསམ་བློ་བཏང་ཡོད་མཁན་དཀོན་པོ་ཡིན་པའི་ཚོར་སྣང་ཡོད་ཀྱང་། ད་ལྟའི་ཆར་བོད་ཕྱི་ནང་གཉིས་ཀྱི་བོད་མི་ཚོས་བོད་ཀྱི་གནས་སྟངས་ལ་དོ་འཁུར་མཉམ་ལེན་བྱེད་ཀྱི་ཡོད་པ་དང་། ལྷག་པར་དུ་བོད་ནང་གི་བོད་མི་ཚོ་རང་དབང་ལུང་པའི་བོད་མི་ལྟར་བོད་མིའི་གཤིས་ཀ་དང་ཡ་རབས་བཟང་སྤྱོད་མ་འགྱུར་བའི་ཐོག ཆོས་ལུགས་དང་ཆོལ་ཁའི་འཐེན་འཁྱེར་མེད་པར། བོད་མི་ཕན་ཚུན་ལ་རོགས་རམ་དང་མཐུན་ལམ་ཡག་པོ་ཡོད་པ། ཁོང་རྣམ་པའི་རང་བཞིན་དང་ལྷག་བསམ། སྙིང་སྟོབས་བཅས་ལ་བསྟོད་བསྔགས་བཅས་གནང་སོང་།
ཁོང་གིས་བོད་མིའི་མཐུན་ལམ་སྐོར་གསུངས་དོན “ དེང་སང་བོད་ནང་བོད་རིགས་ནང་ཁུལ་ཏུ་མི་གསོད་ཁྲག་སྦྱོར་བྱེད་ཀྱིན་པའི་གནས་ཚུལ་མང་པོ་ཞིག་གོ་ཡོང་གི་འདུག ངའི་ཕ་ཡུལ་ལྟ་བུར་མཚོན་ན། དུད་ཚང་ ༡༠༠ ཙམ་ལས་མེད་པའི་ལུང་པ་ཁུག་ཀྱོག་ཅིག་ཡིན་ཡང་། སྔ་ལོར་ནང་ཁུལ་འཁྲུག་པ་ཤོར་ཏེ་མི་ ༣ བསད་པའི་གནས་ཚུལ་འདུག རྒྱུ་མཚན་མེད་པའི་ནང་ཁུལ་གྱི་འཁྲུག་འཛིང་དེའི་རིགས་ང་ཚོ་བོད་ཀྱི་ཆོས་དང་རིག་གཞུང་ཉམས་ཆག་དང་གཉན་འཕྲང་གི་དུས་སྐབས་འདིར་དུས་ཚོད་མ་རེད། དེར་བརྟེན། ཁྱེད་རང་ཚོས་བོད་མི་ནང་ཁུལ་འཆམ་མཐུན་བྱ་དགོས་པ་རེད། གནད་དོན་དེ་དག་སྤྱི་ཚོགས་ཀྱི་སློབ་གསོ་དང་ལྟ་བ་འཁུར་སྟངས་སོགས་ལ་རག་ལས་སྟབས། ཚང་མས་དོ་སྣང་དང་མཉམ་དུ་དམ་ཚིག་རྡོག་རྩ་གཅིག་སྒྲིལ་བྱ་རྒྱུའི་རེ་སྐུལ་བྱས་པ་ཡིན། རི་དྭགས་སྲུང་སྐྱོབ་ཀྱི་ཐད་ནས། ང་ཚོ་ཚང་མ་ནང་པ་སངས་རྒྱས་པའི་ཐེག་པ་ཆེན་པོའི་ལམ་ལ་ཞུགས་ཏེ། བྱམས་དང་སྙིང་རྗེ་ཉམས་ལེན་དང་མ་གྱུར་སེམས་ཅན་ཐམས་ཅད་ཀྱི་དོན་དུ་བསྔོ་བ་སྨོན་ལམ་བྱེད་ཀྱི་ཡོད། སྔོན་ཆད་སྒོ་ཟོག་སེམས་ཅན་གསོད་པའི་གནས་ཚུལ་ཡོད་ཀྱང་ཉུང་ཉུང་རེད། དེང་སང་བོད་ནང་སེམས་ཅན་གསོད་པ་དེ་བཟོ་ལས་ཅན་ཏུ་གྱུར་ཏེ། ཉིན་རེར་ཁྲི་ཕྲག་མང་པོའི་སྲོག་གཅོད་ཀྱིན་པའི་གནས་ཚུལ་གོ་ཡོང་གི་འདུག དེའི་ཐད་བོད་མི་ཚོས་བསམ་བློ་གཏོང་རྒྱུ་གལ་ཆེན་པོ་རེད། ང་ཚོས་ཁ་ནས་སེམས་ཅན་ཐམས་ཅད་སྡུག་བསྔལ་དང་བྲལ་ན་བསམ་པའི་སྨོན་ལམ་རྒྱག་གི་ཡོད་ཀྱང་། ལག་ལེན་གྱི་ཐོག་ནས་སེམས་ཅན་གཞན་ལ་བཙོང་སྟེ་སྡུག་ལ་སྦྱོར་གྱིན་པ་དེ་སྨོན་ལམ་དང་མཐུན་གྱི་མེད། ཚང་མས་བསམ་བློ་བཏང་སྟེ་འཚེ་བ་སྤོང་བའི་ཐད་ལ་འབད་པ་བྱ་དགོས་པ་རེད། ཁོར་ཡུག་གི་ཐད་ནས། བོད་ཀྱི་གངས་རི་དང་འཁྱགས་རོམ་བཅས་ཀྱིས་ཨེ་ཤ་ཡའི་ཡུལ་གྲུ་ཁག་གི་སེམས་ཅན་མང་པོ་ཞིག་གི་འཐུང་ཆུ་ཆགས་ཏེ། བོད་ཀྱི་ཁོར་ཡུག་ཏེ་ཨེ་ཤ་ཡའི་ཡུལ་གྲུ་ཁག་གི་སེམས་ཅན་ཚོའི་ཚེ་སྲོག་གི་འབྱུང་གནས་ལྟ་བུ་ཆགས་ཡོད་སྟབས། བོད་ནང་གི་བོད་མི་ཚོས་རང་ས་ནས་ཁོར་ཡུག་དང་རི་དྭགས་སྲུང་སྐྱོབ་དང་། ཆུ་དང་ཁ་དབུགས་འབག་བཙོག་མི་ཡོང་བའི་ཐད་ལ་འབད་པ་བྱས་ཏེ། མི་རབས་རྗེས་མ་རྣམས་ལ་བདེ་སྐྱིད་དང་ལྡན་པའི་ཁོར་ཡུག་ཅིག་བསྐྲུན་པའི་ཐད་ལ་འབད་པ་བྱ་རྒྱུ་གལ་ཆེན་པོ་རེད། དེང་སང་ཤ་བོའི་རྭ་བཙོང་ཆེད་ཤྭ་བ་མང་པོ་གསོད་པའི་པའི་གནས་ཚུལ་འདུག དེ་དག་གི་ཐད་ལ་དོ་སྣང་བྱས་ཏེ། རི་སྐྱེས་སྲོག་ཆགས་སྲུང་སྐྱོབ་བྱ་དགོས ” ཞེས་གསུངས་བྱུང་།
ཡང་ཀརྨ་པ་མཆོག་གིས་བོད་ཀྱི་སྲོལ་རྒྱུན་རིག་གནས་སྲུང་སྐྱོབ་དང་བོད་རྒྱའི་མཐུན་ལམ་སྐོར་ལ་གསུང་དོན། “ དེང་སང་བོད་པའི་ནང་ཤེས་ཡོན་པ་མང་དུ་ཕྱིན་ཏེ། མང་པོ་ཞིག་གིས་བོད་ཀྱི་སྲོལ་རྒྱུན་ལ་དགག་པ་བྱས་པ་དེ་ཡག་པོ་མ་རེད། སྔོན་མའི་ལུགས་སྲོལ་དེ་དག་མིས་བཟོས་པའི་དབང་གིས་དུས་དང་བསྟུན་ཏེ་འགྱུར་བ་བཏང་ཆོག་གི་རེད། ཡིན་ནའང་། དེ་དག་ལོ་ངོ་སྟོག་ཕྲག་རིང་བརྟག་དཔྱད་དང་ཉམས་མྱོང་བརྒྱུད་དེ་ཡོང་བ་སྲོལ་རྒྱུན་གྱི་ཤེས་ཡོན་ཞིག་ཡིན་སྟབས། ང་ཚོའི་ངོས་ནས་དེ་ལ་དོ་སྣང་བྱ་རྒྱུ་གལ་ཆེན་པོ་རེད། སྲོལ་རྒྱུན་གྱི་ཤེས་ཡོན་དེ་ང་ཚོའི་མིག་ལྟ་བུ་དང་དེང་དུས་ཀྱི་ཤེས་ཡོན་དེ་ལག་པ་ཟུང་ལྟ་བུ་རེད། དེང་དུས་ཀྱི་ཤེས་ཡོན་གཅིག་པུའི་བོད་མི་རིགས་ཀྱི་ཆོས་དང་རིག་གཞུང་སྲུང་སྐྱོབ་བྱ་རྒྱུ་ཁག་པོ་ཆགས་ཡོད་སྟབས། ཚང་མས་དོ་སྣང་བྱ་དགོས་པ་རེད། དེ་དང་ཆབས་ཅིག ང་ཚོའི་བོད་མི་རིགས་དེ་རྒྱ་དཀར་ནག་གཉིས་ཀྱི་ཁྱིམ་མཚེས་ཆགས་བསྡད་ཡོད་པ་རེད། ད་ལྟའི་བར་ནང་པ་སངས་རྒྱས་པའི་ཆོས་དེ་རྒྱ་གར་ནང་བོད་ནང་དར་སྤེལ་བྱས་ཡོད་སྟབས། རྒྱ་གར་དང་བོད་གཉིས་འབྲེལ་བ་གཏིང་ཟབ་མོ་ཡོད་པ་རེད། རྒྱ་ནག་ལ་མཚོན་ནའང་། སྔོན་མ་ནས་ང་ཚོར་མཛའ་བརྩེའི་འབྲེལ་བ་ཡོད་བསྡད་པ་རེད། རྒྱ་བཟའ་ཀོང་ཇོ་བོད་ལ་ཕེབས་པ་དང་ཇོ་ཤག་རྣམ་གཉིས་བོད་ལ་གདན་འདྲེན་ཞུས་པ་ནས་བཟུང་འབྲེལ་བ་ཡོད་ཀྱང་། ཆབ་སྲིད་ཀྱི་གནས་ཚུལ་མང་པོ་ཞིག་བྱུང་སྟེ་གནས་ཚུལ་འདི་འདྲ་ཞིག་ཆགས་ཡོད་ཀྱང་། ༸གོང་ས་མཆོག་ཆོས་ལུགས་ཀྱི་དབུ་ཁྲིད་ཅིག་ཡིན་པའི་ཆ་ནས་ཞི་འཇམ་དང་མཛའ་བརྩེ་བཅས་ལ་དམིགས་ཏེ། དགོངས་གཞི་རྒྱ་ཆེན་པོ་གནང་ཡོད་པ་རེད། བོད་ནང་གི་བོད་མི་ཚོར་དཀའ་ངལ་འཕྲད་ཀྱིན་པ་དེ་ང་ཚོས་ཤེས་ཀྱི་ཡོད། གཙོ་བོ་བོད་ཀྱི་རིག་གཞུང་ཁོར་ཡུག་དང་བཅས་པའི་རྩ་བ་ཁྱེད་རང་ཚོ་ཆགས་ཡོད་སྟབས། ཁྱེད་རང་ཚོས་རྒྱ་མི་རིགས་དང་མཐུན་ལམ་དམ་ཟབ་བྱ་རྒྱུ་དང་། འཁོན་འཛིན་མེད་པའི་ཐོག་མུ་མཐུད་འབད་པ་བྱ་རྒྱུ་གལ་ཆེན་པོ་རེད” ཅེས་གསུངས་བྱུང་།
མཐར་ཁོང་གིས། “ ང་ཚོ་ཚང་མས་དམིགས་ཡུལ་གཙོ་བོ། ༸གོང་ས་མཆོག་བོད་ནང་གདན་འདྲེན་ཞུ་རྒྱུ་དང་བོད་གཞིས་བྱེས་མཉམ་འཛོམས་བྱ་རྒྱུ་དེ་རེད། ང་རང་ལ་མཚོན་ན། ༸གོང་ས་མཆོག་སྐུ་འཚོ་བཞུགས་ཀྱི་སྐབས་འདིར་བོད་ནང་ཕེབས་ཐུབ་པའི་ཡིད་ཆེས་ཆེན་པོ་ཡོད། ང་རང་ ༢༠༠༠ ལོར་འདིར་ཡོང་སྟེ་ལོ་ ༡༡ རིང་གང་ཐུབ་ཀྱིས་སློབ་སྦྱོང་བྱས་པ་ཡིན། ད་ལྟའི་བར་ཁྱེད་རང་ཚོ་མ་བརྗེད་པར་དྲན་བསྡད་ཡོད། ང་རང་གི་ངོས་ནས་གཞིས་སྡོད་བོད་མི་ཚོར་ཞབས་འདེགས་བསྒྲུབ་ཐུབ་པར་ཤོག་ཅེས་སྨོན་ལམ་རྒྱག་གི་ཡོད། ད་ལོ་ང་རང་ལོ་ ༢༦ ཡིན་པ་དང་ད་ལྟ་ལོ་ཆུང་ཆུང་ཡིན་སྟབས། ངའི་རེ་བ་འགྲུབ་རྒྱུ་རེད་བསམ་གྱི་ཡོད། སྤྱིར་བཏང་ཀརྨ་པ་ཞེས་པ་དེ་བོད་ཀྱི་ལོ་རྒྱུས་ཐོག་བླ་མ་གལ་ཆེན་པོ་ཞིག་ཆགས་བསྡད་ཡོད་སྟབས། ལས་འགན་དེ་ང་ལ་ཡོད་པ་རེད། ང་རང་མི་ཞིག་ཡིན་པའི་དབང་གིས་ལས་དོན་ཆ་ཚང་འགྲུབ་མི་ཐུབ་ཀྱང་ངས་གང་ཐུབ་ཐུབ་བྱེད་རྒྱུ་ཡིན། གཙོ་བོ། ཁྱེད་རང་ཚོས་ཚེ་སྲོག་སྲུང་སྐྱོབ་བྱས་པའི་ཐོག་ནས་ཆོས་དང་རིག་གཞུང་ལ་བདག་པོ་རྒྱག་རྒྱུ་དང་། ང་ཚོ་རང་དབང་ལུང་པའི་ནང་ཡོད་པའི་བོད་མི་ཚོས་འཛམ་གླིང་ཐོག་བོད་ཀྱི་གནས་སྟངས་ངོ་སྤྲོད་དང་ཁྱབ་བསྒྲགས་བྱ་རྒྱུ་དེ་ཡིན་སྟབས། ཁྱེད་རང་ཚོའི་ངོས་ནས་དེའི་ཐད་ལ་འབད་པ་བྱ་དགོས། “ ཞེས་གསུངས་བྱུང་།
གསར་འགོད་པ། དོན་གོ
རྟགས་སྤྱོད་པས་བསྟན། ཞེས་པ་དེ་རྙོག་དྲ་མུ་མཐའ་མེད་རེད། །
ཚད་རྨི་ལམ་གྱིས་བཟུང་། ཞེས་པ་དེ་རྫུན་ལ་འཛད་མཐའ་མེད་པ་ལ་ཟེར།
རྩོད་རྙོག་མེད་སར་རྩོད་རྙོག་སློང་། བཤད་མ་དགོས་སར་བཤད་པ་འཐེན། གླེང་མ་དགོས་སར་གླེང་མོལ་བྱེད། ཇུས་མི་དགོས་སར་ཇུས་གཏོགས་བྱེད། གྲོགས་པོ་ཚོ་གཞན་མང་པོ་བཤད་དགོས་པར་མི་སེམས།
རྒྱ་རི་བློ་གྲོས་རྒྱ་མཚོས་བཤད་པ་བཞིན། ང་ཚོས་༧གོང་ས་སྐྱབས་མགོན་ཆེན་པོ་ལ་དད་པ་མ་བྱས་ན་འགྲིག་གི་རེད། དག་སྣང་མ་བྱེད་ན་འགྲིག་གི་རེད། ང་ཚོས་ཤེས་དགོས་པ་ནི། སྒང་བ་བོད་ཀྱི་ཡུལ་འདིར་བུ་བསྟན་འཛིན་རྒྱ་མཚོ་ཞེས་པ་ཞིག་ཡོད་བསམ་ན་དེས་འགྲིག་གི་འདུག་དེ་ཡིན་གཅིག་ཤེས་དགོས་ཀྱི་འདུག་ལབ་སོང་། དཔེ་དེ་བཞིན་དད་པ་ཡོད་མེད། བརྟག་ཡིག་ཡིན་ལ་མ་ཡིན་ལ་དེ་ཚོ་ཡོད་མེད་ཀྱི་རྩོད་རྙོག་དེ་ཕར་བཞག་ནས། ང་ཚོ་བོད་གངས་ཅན་པའི་མི་རབས་གསར་པ་འདི་ནང་ལ་བུ་ཨུ་རྒྱན་ཕྲིན་ལས་རྡོ་རྗེ་ཡོད་རེད་བསམ་ན་དེས་འགྲིགས་ཀྱི་འདུག དེ་ངེས་པར་དུ་ཤེས་དགོས་ཀྱི་འདུག རྟགས་སྤྱོད་པས་བསྟན། ཚད་རྨི་ལམ་གྱིས་བཟུང་། ཞེས་པ་བཞིན་༧རྒྱལ་དབང་ཀརྨ་པ་ཡིན་མིན་གྱི་སྐད་ཆ་དེ་ཚོ་འདིར་འཁོ་དགོས་གཏན་ནས་མི་འདུག ཞིབ་དཔྱོད་དགོས་ཀྱི་མི་འདུག ཚར་ཚར་ཚར་བ་རེད། བུ་མོ་མ་གི་མི་བསྟོད་གནས་ཀྱིས་བསྟོད། བུ་ཕས་མི་བསྟོད་དགྲ་གི་བསྟོད་ཞེས་པ་བཞིན། ཕྱོགས་ཞན་མ་བྱེད་ང་ཚོ་དེས་ཕུང་སོང་། འཁྲུགས་རྩོད་མ་བྱེད་ང་ཚོ་དེས་ཕུང་གི་འདུག འཐེན་ཁྱེར་མ་བྱེད་ང་ཚོ་དེས་ཕུང་གི་རེད། བཟང་ངན་མ་ནོར་ང་ཚོ་དེས་རྗེས་ལུས་ཐེབས་ཀྱི་འདུག གྲོགས་པོ་ཚོ་ང་ཚོའི་ནོར་འཁྲུལ་སྡུག་ཤོས་དེ་འདི་རེད། དཔེར་ན་དོལ་རྒྱལ་ཚོགས་པ་བཞིན། མི་ཕུང་རང་བརླག་རེད། འདི་ཕྱི་གཉིས་མེད་བཟོ། གྲོགས་པོ་ཚོ་ང་བཟང་ཁྱོད་སྡུག་གཏན་ནས་མ་གསུང་རོག བསམ་བློ་བསྐོར་དང་གྲོགས་པོ་ཚོ། སེམས་གཏིང་ནས་བསམ་བློ་ཡག་པོ་ཞིག་བསྐོར་གནང་དང་། ང་ཚོའི་ཇུས་ཉེས་དེ་ཚོ་གླེང་རིན་འདུག་གམ། ལྟོས་དང་ཁ་སང་དེ་རིང་ཡང་ཕ་ཡུལ་ནས་བོད་རྒྱལ་ཁབ་འདིའི་དོན་དུ་གཅེས་དགུའི་རང་སྲོག་དམར་པོ་འདི་བློས་བཏང་ག་འདྲ་བྱེད་ཀྱི་འདུག དོན་དག་མེད་པའི་གླེང་མོལ་མཚམས་འཇོག་བྱེད་རོག་ཡང་ཡང་ཞུ་གི་ཡོད། བདེན་འདྲ་གཉིས་མེད་ན་ཁ་མཆུ་མེད་པ་རེད་པས། རྙོག་གླེང་མ་བྱེད་རོག
ཤེས་བྱ་རིག་ལམ་ལ་རྨོངས་ཤིང་ཧམ་པས་རི་བོ་ཟ་སེམས་འཆང་བའི་ཐོ་རེངས་ལགས། ཁྱོད་ཀྱི་ང་ལ་ཤེས་བྱ་ཡོན་ཏན་གྱི་ཚད་གཞི་དང་བོད་ཡིག་གི་ཕྲད་ཀྱི་འཇུག་པའི་སྐོར་གྱི་སྐད་ཆ་མ་བཤད་ན་བཟང་། དྲྭ་རྒྱ་འདི་འཛམ་གླིང་ནང་བོད་ཡིག་ཤེས་ཚད་རྣམས་ཀྱི་ལྟ་ཀློག་བྱེད་བཞིན་ཡོད་པས་སུའི་བོད་ཡིག་བཟང་དང་མི་བཟང་ང་རང་གཉིས་ལས་ཤེས་ཚད་ཡག་པ་ཞིག་གིས་ཐག་ཆོད་གནང་གི་རེད། ཁྱོད་ཀྱིས་བྲིས་པའི་བོད་ཡིག་ལ་ལྟོས་དང་འབྲི་བ་པོ་རོང་པ་དང་བོད་པ་ནོར་ཉེན་ཆེ་བས་མཛུབ་མོ་མི་ལ་མ་བཙུགས་པར་རང་ཉིད་ཀྱིས་བྲིས་པའི་ཡི་གེ་དེ་ལ་ཚུགས་ནས་ཀློག་དང་ཧ་གོ་ངེས་རེད། ད་ནས་བཟུང་རླན་པ་ཁྱོད་འདྲ་བ་དང་ཁ་བརྡ་བྱེད་རྒྱུར་མཚམས་འཇོག་དང་། བྱེ་མ་བཙིར་ནས་མར་འདོན་པའི་རེ་མི་བྱའོ། བདེ་མོ་བྱོས།
འབྲོང་བུ་སོག་ཚ། མ་གཞི་སྔར་ནས་ཁྱེད་རང་ཚོས་ཡིག་ཆ་མང་པོ་རྫུན་བཟོ་བྱས་ཡོད་ཀུན་གྱི་མཁྱེན་གསལ་རེད། གང་ལྟར་ཡང་དེའི་སྐོར་བདག་ལ་གླེང་འདོན་མི་འདུག་ལ་དགོས་པ་ཡང་མི་གདའ།
ཨ་ཨ་ངོ་མེད་པས་ ༼ འབྲོང་བུ་སོག་ཚ། ༽ ཁྱེད་ཀྱིས་བོད་ཡིག་གི་ཕྲད་དང་རྣམ་དབྱེ་སྦྱར་ཚུར་ཕར་ཞོག ཐ་ན་སུམ་རྟགས་དག་གསུམ་གྱི་མིང་ཙམ་ཡང་མ་ཤེས་པར་འདི་ལྟར་འབྲི་ཁུལ་བྱས༼ དག་སུམ ༽ ཁྱེད་ཀྱི་ཤེས་ཡོད་ཀྱི་ཆུ་ཚད་ནི་ལོ་རིམ་ལྔ་པའི་སློབ་ཆུང་ཞིག་གི་ཚད་ལ་སླེབ་མེད་ཀྱང་། ཧམ་པ་ནི་གཞུང་ལུགས་རབ་འབྱམས་པ་ཞིག་ཡིན་སྣང་ཤར་འདུག དེ་ནི་སེམས་ཁམས་རང་བཞིན་དུ་མ་གནས་པའི་ན་ཚ་ཧ་ཅང་ཆེན་པོ་ཞིག་རེད།
ད་དུང་བོད་སྤྱི་པའི་ལས་དོན་སྒྲུབ་མདོག་གི་ངོ་ཚ་མ་ཤེས་པས་སྐད་ཆ་བཤད། ད་ནི་བདག་གི་སྨྱོན་པ་དང་མཉམ་དུ་སྐད་ཆ་བཤད་ཚོད་མི་འདུག ང་རང་གི་དུས་ཚོད་སྐར་མ་ཁ་ཤས་ཞིག་ལ་བྱམས་སེམས་ཆེན་པོས་སྒོ་ནས་ཁྱོད་ལ་རོགས་རམ་བྱས་པ་ཡིན། བདག་གིས་སྔ་ཕྱིར་བཤད་པའི་བསླབ་བྱ་རྣམས་ལ་སེམས་ལ་ཟུངས་ཞིག །
ཤེས་ཡངས་དྲྭ་གྲོགས་རྣམ་རྒྱལ་ལགས། ཁྱེད་ཀྱིས་དངོས་ཐོག་བདེན་འཚོལ་དགོས་པའི་གསུང་ལ་མོས་མཐུན་དང་རྒྱབ་སྐྱོར་ཡོད། ཡིན་ནའང་དེང་སང་ཐོ་རེངས་ལྟ་བུའི་དྲྭ་འབུ་འགས་རང་ཉིད་བོད་ཡིག་གི་ཤེས་ཚད་དེ་རི་བོང་གི་རྭ་ལྟར་དག་སུམ་གྱི་འགྲོས་སོགས་གང་ལའང་གཞི་འཛིན་ས་ཞིག་མེད་པ་མ་ཚད། ལོ་རྒྱུས་ལའང་ལོང་བའི་འཁར་རྒྱུག་བཞིན་གར་བཙུགས་འདིར་བཙུགས་མེད་པར་གཞན་ཟེར་ཅལ་འདྲོགས་ཙམ་གྱི་རྗེས་སུ་བསྙེག་བཞིན་དུ། མི་གཞན་ལའང་བོད་ཡིག་མི་ཤེས་པའི་སྙོན་འཛུགས་བྱས་པ་དེ་ནི་རྐུ་མ་ཧམ་ཆེན་གྱིས་མི་ཟ་ཟེར་བའིབོད་ཀྱི་གཏམ་དཔེ་ལས་མ་འདས་པས་མི་གཙང་དཀྲུག་ན་དྲི་ངན་ཆེ་བ་ལས་གཞན་མ་མཆིས་པས་རེ་ཞིག་བཏང་སྙོམས་སུ་བཞག རང་ཉིད་ལ་མཚོན་ན་བོད་སྤྱིའི་ལས་དོན་ལས་བཀའ་བརྒྱུད་པའི་རྩོད་གཞིའི་ནང་ཞུགས་རྒྱུའི་འདུན་པ་དེ་ཙམ་མི་ཆེ་ནའང་། ༧སྐྱབས་མགོན་རིན་པོ་ཆེ་ལ་བློ་གཏད་ལིང་འགེལ་དང་དད་པ་རྨ་མེད་མཁན་ཞིག་ཡིན་སྟབས། ཁོང་གིས་བཀའ་ཐག་གཙང་བཅད་གནང་བའི་ཡང་སྲིད་ཞིག་ལ་ངོས་ལེན་དང་རྒྱབ་སྐྱོར། དད་པ་བྱ་རྒྱུ་དེ་བཟང་སྤྱོད་ཀྱི་ལས་འགན་ཞིག་ཏུ་མཐོང་བའི་རྐྱེན་གྱིས་ཀརྨ་པ་དང་འབྲེལ་བའི་ཡིག་ཆ་ཁག་དཔེར་ན། ཀརྨ་པ་མཁྱེན་ནོ་ཞེས་པའི་དེབ་དང་། དེ་བཞིན་དུ་ཀརྨ་པའི་ཤོག་བུ་ཞེས་པ་སོགས་བོད་དབྱིན་ཁག་མང་ཙམ་ཞིག་ལ་རང་མོས་ཀྱིས་ལྟ་ཁུལ་བྱས་ཀྱང་། ཁྱེད་ཀྱི་གསུང་པ་བཞིན་ ༢༠༠༡ ལོར་བལ་ཡུལ་དུ་ཀརྨ་པ་ལ་དད་འདུན་ཆེ་བའི་བཀའ་བརྒྱུད་པའི་དགོན་ཁག་རྣམས་དང་། འཛམ་གླིང་རྒྱལ་ཁབ་ཁག་གི་ཆོས་ཚོགས་ནས་ཕེབས་པའི་སློབ་མའི་རིགས་ཚང་འཛོམས་ཀྱིས་༧སྐྱབས་མགོན་རིན་པོ་ཆེ་ལ་ཞུ་ཡིག་སྙན་སྒྲོན་ཞུས་པ་མ་ཚད། ༧སྐྱབས་མགོན་ཆེན་པོའི་ཀྱང་འགྲིག་པའི་དབུག་དབྱུང་ཟབ་མོའི་བཀའ་རྒྱ་རིན་པོ་ཆེ་ཕྱིར་ཕེབས་བྱུང་བའི་ལོ་རྒྱུས་དེ་རྩ་བ་ནས་གོ་ཐོས་མ་བྱུང་བས། ཁྱེད་ཀྱི་ང་དང་ང་ལྟ་བུའི་མི་རྣམས་ཀྱི་བློ་དྭོགས་སེལ་ཕྱིར་༧སྐྱབས་མགོན་རིན་པོ་ཆེའི་བཀའ་ཤོག་དེ་པར་གློག་ཞིག་སྐྱོན་ནས་དྲྭ་ལམ་དུ་འགོད་ཐུབ་ན་ཕན་པ་ཤིན་ཏུ་ཆེ་བས་དེ་དོན་སྐྱབས་འཇུག་ཞུ་རྒྱུ་དང་། ངའི་གོང་གསལ་དེབ་ཁག་ལ་ཞིབ་འཇུག་ལྟ་སློག་བགྱིས་འབྲས་ཀརྨ་པའི་ཡང་སྲིད་ཨོ་རྒྱན་ཕྲིན་ལས་རྡོ་རྗེ་ལ་ཀཾ་ཚང་རྒྱལ་བ་ཡབ་སྲས་རྣམ་པ་བཞིས་ངོས་ལེན་གཙང་མ་གནང་བ་མ་ཚད། སྐྱབས་རྗེ་ཞྭ་དམར་རིན་པོ་ཆེ་ནས་ཀྱང་དོ་འཁུར་ཆེན་པོའི་ངོས་ལེན་གྱི་ཕྱག་བྲིས་ཡང་བསྩལ་ཏེ་དེབ་ནང་བཀོད་འདུག་སྟབས་ཚང་མའི་ངོས་ལེན་ཡོད་ཤག་བྱེད་བཞིན་ཡོད། ཡིན་ནའང་ཞུ་ཧམ་དུ་མ་དགོངས་པར་བློ་སྐྱེད་ཀྱི་ཁུངས་ལྡན་བཀའ་ལན་འདྲ་ཡོད་ན་གནང་རོགས།
འབྲོང་བུ་སོག་ཚ། བདག་གིས་ཁྱེད་ལ་ཁ་བཙུམ་ནས་བརྡད་ན་ཡག་པོ་རེད་ཅེས་སྨྲས་པ་ཡིན། དེ་ནི་ཁྱེད་ལ་ཁྲིམས་བཏང་བ་མ་རེད། བསླབ་བྱ་བྱས་པ་རེད་ཨེ་གོ དེ་གང་ཡིན་ཞེ་ན་ཀརྨ་པའི་ཡང་སྲིད་ཐད་ལ་རྩོད་སྙོག་ས་ཁར་མི་ཤོང་བ་ཞིག་འོངས་ཚར་བ་དེ། ད་སྐབས་ཡང་བསྐྱར་གླེང་ན་བོད་སྤྱི་བ་དང་། མ་ཟད་བསྟན་པའི་ཞབས་འདྲེན་ཆེན་པོ་རེད། དེ་ལས་ཁ་བཙུམ་བརྡད་ན་ཡག་པོ་རེད་ཅེས་ཁྱེད་ལ་བསླབ་བྱ་གོ་སྟོན་ཡིན།
ཁྱོད་འདྲ་བའི་བོད་ཡིག་ཙམ་ཡང་ཡག་པོ་འབྲི་མི་ཤེས་མཁན་ཞིག་གིས། སྟོན་པའི་དགོས་པ་འགྲེལ་བ་དང་། ཚད་མའི་ལུང་སོགས་དྲངས་ཁུལ་བྱེད་ལུགས་ལ་བལྟས་ན་ངོ་ཚ་མི་ཤེས་པའི་༼འབྲོང་བུ་སོག་ཚ༽་ཞིག་ཡིན་ངེས་རེད།
ཡང་ཕྱོགས་གཅིག་ནས་བསམ་ན། ཀརྨ་པའི་ཡང་སྲིད་ཐད་ལ་རྩོད་གླེང་བྱུང་། བཀའ་རྒྱུད་པ་དུབ་བུ་གཉིས་ཆག རྒྱ་གར་པས་ནམ་རྒྱུན་བརྙས་བཅོས་བཏངས་བའི་སྐྱེན་གྱིས། སེམས་རྣལ་དུ་གནས་མི་ཐུབ་པའི་ན་ཚ་ཆེན་པོ་ཞིག་རག་ཡོད་པ་འདྲ།
དེས་ན་རྡོར་གདན་མཆོད་རྟེན་ཆེན་མོ་ལ་ཕྱག་སྐོར་དང་སྒྲིབ་སྦྱངས། དགེ་འདུན་པ་ལ་ཞབས་ཕྱི་ཡག་པོ་ཀྱིས་དང་སེམས་ཁམས་མ་དྭངས་བའི་ནད་ལས་གྲོལ་ངེས།
ཐོ་རེངས་ཁྱོད་ཀྱི་བཤད་པ་དེ་ངས་གོ་རྟོག་ཐུབ་མ་སོང་། གང་ལགས་ཤེ་ན། ཕྱོགས་གཅིག་ནས་ངས་དྲངས་པའི་ལུང་འདྲེན་ལ་འགོ་གཞུག་ནོར་བའི་ནོར་བཅོས་བྱས་ཁུལ་དང་། ཕྱོགས་གཞན་ཞིག་ནས་ལུང་དེ་ངོས་ལེན་མེད་པར་གང་ཟག་གི་ཚོད་གང་ཟག་གི་ཐིག་པར་མི་འགྱུར་ཞེས་པ་གཉིས་མཉམ་དུ་གསེས་ནས་མི་ཤེས་ཤེས་ཁུལ་བྱས་འདུག་པར་ཡིད་རེ་སྐྱོ། སྟོན་པས། གང་ཟག་གི་ཚོད་གང་ཟག་གིས་མི་ཤེས་གསུང་པ་དེ། གང་ཟག་གང་ཡང་རུང་བའི་གདུལ་བྱའི་བློ་ཚོད་དེ་རང་འདྲ་བས་ཁ་ཐུག་ཤེས་པར་མི་འགྱུར་གསུང་པ་ལས། རྒྱུད་ནས་རྟོགས་པར་མི་འགྱུར་གསུང་པ་མ་ཡིན་པའི་ཕྱིར་དང་། དེ་ལྟར་ཡིན་ན་གོང་གསལ་ལུང་དེ་ནང་འགལ་དུ་འགྲོ་བའི་ཕྱིར། དེ་ཙམ་དུ་མ་ཚད། ཁྱོད་ཀྱིས་ང་རྩོད་རྙོག་ལ་དགའ་བ་དེ་༧རྒྱལ་བ་ཀརྨ་པའི་མཚན་བེད་སྤྱོད་དུ་བཏང་ནས་ཁོང་གིས་གསུང་བྱུང་ངམ་ཞེས་པའི་ཚིག་དེའི་ཁྱོད་ཀརྨ་པ་ལ་དགའ་སྡུག་གཉིས་གང་ཡང་མེད་ཟེར་བའི་ཚིག་དེ་རྒྱང་རིང་དུ་སོང་ནས་མི་དགའ་བའི་ཕྱོགས་ལ་བློ་ལྷག་པར་ཉེ་བར་གསལ་པོར་བསྟེན་འདུག ད་དུང་ཧམ་པ་ཆེ་མདོག་ལ། རྒྱ་གར་དམངས་གཙོ་ཡང་དག་པའི་ལུང་པའི་ནང་སྐྱབས་བཅོལ་དུ་བསྡད་ནས་དམངས་གཙོའི་སྤྱི་དམངས་ཀྱི་ཐོབ་ཐང་གང་ཡིན་མི་ཤེས་པར་གཞན་ལ་ཁ་བཙུམ་ནས་སྡོད་ཟེར་བ་དེ་ཧ་ཅང་ཐལ་ཆ་ཆེ་བས་དེར་ལེགས་བཅོས་དང་བློར་འཇགས་གྱིས། ༧གོང་ས་སྐྱབས་མགོན་ཆེན་པོས་ཀྱང་དོལ་རྒྱལ་ཚོགས་པ་ལ་ཁ་བཙུམ་ནས་སྡོད་ཞེས་པའི་ཚིག་དེ་བེད་སྤྱོད་ག་དུས་གནང་གི་མི་འདུག་པས་ཁྱོད་འདྲ་བའི་་་་་་་་་་་་་
༡༩༩༧ཡས་མས་སུ་སི་ཌྷུ་རིན་པོ་ཆེ་དང་༧གོང་ས་མཆོག་འབྲེལ་ལམ་སྐོར་ལ་གཟིགས་ན་ཤེས་སོ།།
ཁྱེད་ནི་རྒྱལ་བ་ཀརྨ་པ་རིན་པོ་ཆེའི་ཡང་སྲིད་ངོས་འཛིན་སྐོར་ལ་རྒྱུས་མངའ་གང་ཡང་མེད་བ་འདྲ། དེའི་སྐོར་དོགས་གཅོད་དགོས་ན། བདེ་སྲུང་ལས་ཁང་ལ་འབྲེལ་བ་གནང་ན་གསལ་པོ་རྟོགས་ངེས་སོ།།
ཁྱེད་ཀྱི་དྲི་བ་འདི་ད་ལྟ་མ་གཏོགས་མཐོང་མ་སོང་། ང་ནི་ལས་བྲེལ་ཤིན་ཏུ་ཆེ་བས་དུས་བབས་ནང་མཆན་འབྲི་བ་ཙམ་ལས་བོད་ཡིག་ལ་ལྟ་ཀློག་བྱ་བའི་གོ་སྐབས་མེད། ཟུར་མཆན་འདི་ཡང་ལག་འཁྱེར་ཁ་དཔར་ནང་ཞར་དང་ཞོར་ལ་འབྲི་བཞིན་ཡོད་དོ།
གུས་པ་འོས་པའི་འབྲོང་བུ་སོག་ཚ་ལགས།
ཉིད་ནས་གསུང་པ་བཞིན། རང་རིགས་རྣམས་རི་བོང་ཅལ་བྲོས་མི་གནང་པ་གནས་ལུགས་རྒྱུ་མཚན་སྒྲུབ་ན་ཡག་པོ་འདུག
༢༠༠༡ ལོ་རུམ་སྟེག་གྲྭ་ཚང་ངོས་ནས་བལ་ཡུལ་རྒྱལ་ས་ལ་བཀའ་བརྒྱུད་རྒྱལ་ཡོངས་ཚོགས་འདུ་ཞིག་ཚོགས་འདུག་པ། དེའི་ནང་ཚོགས་ཞུགས་མཁན་འབྲས་ལྗོངས་དང་ལ་དྭགས་སོགས་རྒྱ་གར་ནང་ཁུལ་དང་། བལ་ཡུལ། འབྲུག དེ་བཞིན་འཛམ་གླིང་ཤར་ནུབ་རྒྱལ་ཁབ་སུམ་བཅུ་ལྷག་ཚོས་ཚོགས་ཁག་གི་ཚོགས་མི་ལྔ་བརྒྱ་ལས་མི་ཉུང་པ་ཡོད་ཚོད་ལ། དེའི་སྐབས་དགོན་ཁག་སུམ་བཅུ་ལྷག་གི་མིང་བྱང་འཁོད་པའི་ཡིག་གེ་ཅིག་གོང་ས་མཆོག་དང་ཚོས་དོན་ལས་ཁང་ལ་ཕུལ་འདུག་པ་ཡོངས་གྲགས་རེད། དེའི་སྐབས་ཆོས་དོན་ལས་ཁང་ནས་ཡིག་ལེན་ཞིག་གནང་འདུག་པའི་ནང་འཁོད། སུ་རྡི་རིན་པོ་ཆེ་དང་རྒྱལ་ཚ་རིན་པོ་ཆེ་རྣམས་པ་གཉིས་རྡ་ས་དུ་གོང་ས་མཆོག་ལ་འཇལ་བཅར་སྐབས་གོང་ས་མཆོག་ཨ་རི་འཕེབས་སྐབས་དང་ཁེལ་ནས་སྐུ་ངོ་ཏ་ར་བདྱུད་སུ་རྡི་པའི་འགུལ་བསྲུང་ཞལ་ཆེན་གཞི་བཞག་ཀརྨ་པ་སྐུ་འཕྲེང་བཅུ་བདུན་པའི་ཡང་སྲིད་བཙད་རྙེད་བྱུང་བ་ལ་བཀའ་བདྱུད་པའི་བླ་སྤྲུལ་ཡོངས་བརྫོགས་དང་དགོན་ཁག་ཡོངས་བརྫོགས་གཅིག་སྒྱུར་གི་ཡིད་ཆེས་གཏན་པོ་བྱུང་སོང་། དེ་བཞིན་མཆོག་མཆན་ཞུས་སོང་བ་གོང་ས་མཆོག་གི་ཁྱོད་རང་ཚོ་བཀའ་བདྱུད་པའི་བླ་སྤྲུལ་ཡོངས་བརྫོགས་དང་དགོན་ཁག་ཡོངས་བརྫོགས་གཅིག་སྒྱུར་ཡིན་ཚེ་དེ་བཞིན་མཆོག་གི་རེད་གསུང་པ་ལས། གོང་ས་མཆོག་མངོན་ཤུགས་རྗེས་གསུམ་གི་འབྲེལ་བ་མེད། ཁྱོད་རང་ཚོ་བཀའ་བདྱུད་པའི་ཁ་ནང་གི་རྨ་དེ་ཁ་ནང་ནས་སོས་ཐབས་བྱེད་དགོས་གི་རེད་ཅེད་འཁོད་འདུག་ཞུ། བདེན་པ་ཡིན་མིན་ཆོས་དོན་ལས་ཁང་ལ་བཀའ་འདྲི་གནང་རོགས།།
འབྲོང་བུ་སོག་ཚ།
ཁྱེད་ཀྱིས་དེའི་མགོ་སྔ་ནོར་འདུག་ལགས། ༼ ༢ དུ་བ་ལས་ནི་མེ་ཤེས་ལྟར། ༡ཆུ་སྐྱར་ལས་ནི་ཆུ་ཤེས་ལྟར། ༣བྱང་ཆུབ་སེམས་དཔའ་བློ་ལྡན་གྱི། ༤རིགས་དང་མཚན་མ་དག་ལས་ཤེས།༽
གང་ཟག་སུ་ཞིག་བྱང་ཆུབ་སེམས་དཔའ་ཡིན་མིན་ཤེས་དཀའ། སངས་རྒྱས་ཉིད་ཀྱིས། ང་དང་ང་འདྲ་བ་མ་གཏོགས་གང་ཟག་གི་ཚོད་གང་ཟག་གཞན་གྱིས་འཛིན་མི་ནུས་ཞེས་པ་དེ་ཀོ་ཨེ་མྱོང་།
ཁྱེད་དེ་འདྲའི་ང་རྒྱལ་དང་རྩོད་སྙོག་ལ་སྤྲོ་བ་དེ་ཀརྨ་པའི་སར་ནས་སྦྱངས་པ་ཡིན་ནམ།
དངོས་གནས་བཤད་ན་བདག་ལ་དམིགས་བསལ་ཀརྨ་པ་ལ་དད་གུས་དང་མ་དད་པ་གང་ཡང་མེད་མོད། རྒྱུ་མཚན་མི་ཤེས་མཁན་འབྲོང་བུ་སོག་ཚ་ཉིད་ཁ་བཙུམས་ནས་བརྡད་ན་མི་ཡག་གམ། །
ཐོ་རེངས། དུ་བ་ལས་ནི་མེ་ཤེས་ལྟར། ཆུ་སྐྱར་ལས་ནི་ཆུ་ཤེས་ལྟར། བྱང་ཆུབ་སེམས་དཔའ་བློ་ལྡན་གྱི། རིགས་དང་མཚན་མ་དག་ལས་ཤེས། གསུངས་པ་ལས་ཤེས་པར་ནུས་སོ། མ་གཞི་ཁྱེད་རང་གི་ཁོང་བྱང་སེམས་མ་ཡིན་པའི་སྒྲུབ་བྱེད་གང་ཡོད།
ཡང་རྣམ་རྒྱལ་ཞེས་པས། ༧སྐྱབས་མགོན་རིན་པོ་ཆེའི་བཀའ་བརྒྱུད་པ་ཡོངས་རྫོགས་གཅིག་བསྒྱུར་ཡིན་ན་ཞེས་པ་རྒྱུ་མཚན་དུ་བཀོད་ནས་ཉི་གསལ་སྒྲོན་འདེགས་བྱས་ཁུལ་ཞིག་གནང་འདུག་ཀྱང་། དེ་ལྟ་བུ་༧སྐྱབས་མགོན་རིན་པོ་ཆེའི་བཀའ་ལ་ཁྱེད་རང་གཙིས་སྲུང་བྱེད་མཁན་ཞིག་ཡིན་ན། ༡༩༩༧ ལོར་ཀརྨ་པའི་ཡང་སྲིད་གཅིག་ལས་གཉིས་གསུམ་མེད་ཞེས་པའི་བཀའ་ཡང་ཡོད་སྐད་འདུག་པས་ཚང་མ་དྲྭ་ཐོག་ཏུ་དཔོད་ན་མི་མང་ཚང་མའི་བདེན་པ་གང་ཡིན་ཤེས་རྟོགས་ཐུབ་པས་དེ་བཞིན་ཅིའི་ཀྱང་གནང་གྲུབ་ཞུ།
བསོད་ནམས་རྒྱ་མཚོ་ལགས། གོང་ས་མཆོག་གི་ཀརྨ་པ་སྐུ་འཕྲེང་༡༧ ཡང་སྲིད་ག་དུས་ངོས་འཛིན་གནང་པ་རེད། བཀའ་བརྒྱུད་པའི་བླ་སྤྲུལ་ཡོངས་བརྫོགས་དང་དགོན་ཁག་ཡོངས་བརྫོགས་གཅིག་བསྒྱུར་གི་ཐག་མཆོད་ཡོད་ཚེ་ངས་ངོས་ལེན་ཡོད་གསུང་པ་ལས་ངས་ངོས་འཛིན་ཡིན་ག་དུས་གསུང་པ་རེད་གསུང་རོགས་གནང་།
དཔལ་རྒྱལ་བ་མཆོག་སྐུ་ཚེ་རིང་ཞིང་མཛད་འཕྲིན་ཀུན་ལ་ཁྱབ་པ་ཤོག
འབྲོང་བུ་སོག་ཚ། ཞི་བ་ལྷས། གསུངས་དེ་ཚད་མའི་གྲུབ་ནའང་ཁྱོད་ཀྱི་རྩོད་གཞི་ཆོས་ཅན་དེ་བྱང་སེམས་ཡིན་བའི་སྒྲུབ་བྱེད་ཅི་ཡོད། ཁྱེད་རང་ཚོས་རང་མགོ་ཐོན་ན་དེ་གང་མ་ཆོག་པ་མེད། མི་སུ་ཞིག་གི་བོད་སྤྱི་བའི་ཞབས་སྤྱི་སྒྲུབ་ན་ཡག་པོ་རེད།
ཞི་བ་ལྷས། གལ་ཏེ་རྒྱལ་སྲས་བྱང་ཆུབ་སེམས་རྣམས་ལ། ངན་སེམས་སྐྱེ་བའི་གྲངས་བཞིན་བསྐལ་པ་ནི། དམྱལ་བར་གནས་པར་འགྱུར་ཞིང་ཐུབ་པས་གསུངས། ཞེས་པའི་ཚིག་ལ་བསམ་བློ་རེ་ཐོངས་དང་རྣམ་རྒྱལ་སོགས་དྲྭ་འབུ་འགའ། བསོད་ནམས་བསག་བྱའི་རྟེན་འདི་ལྟ་བུ་ལ་དོན་མེད་སྡིག་པ་མ་གསོགས། དམྱལ་བ་མ་སྒྲུབས། ཞེན་སྐུལ་ཡིན། མ་གཞི་མིག་ལྡན་གཡང་དུ་མཆོངས་ན་ཅི་བྱེད། དཔེར་ན་དོལ་རྒྱལ་ཚོགས་པ་བཞིན།
༧རྒྱལ་བ་ཀརྨ་པ་མཆོག་གིས་བོད་མི་རིགས་ཀྱི་བདེ་སྡུག་དང་འབྲེལ་བའི་བཀའ་སློབ་ལམ་སྟོན་གནང་བར་ཐུགས་རྗེ་ཆེ། སྐུ་ཉིད་མཛད་འཕྲིན་རྒྱས་པའི་སྨོན་ལམ་ཡོད། ཞེན་ཁོག་གི་འཆིང་བ་དམ་པོས་ལུས་སེམས་གཉིས་ཆར་བཅིང་བའི་མི་ངན་དག་གི་ལོག་བཤད་དང་ངན་སྨོད་ཀྱིས་དུས་ནམ་ཡང་ཁྱེད་ཀྱི་མཛད་འཕྲིན་ལ་ནག་ནོག་གི་དྲི་མས་གོས་མི་སྲིད།
བླ་ཆེན་དང་དཔོན་ཆེན་ཚོས་ང་ཆེ་དང་ཁོ་ཆེ་སྙམ་ནས་རང་རང་གི་རྐུ་སྟེགས་ཐོག་ཏུ་འགྱིང་མ་བསྡད་པར་མི་རིགས་ཀྱི་བདེ་སྡུག་དང་འབྲེལ་བའི་ལམ་སྟོན་གནང་ཐུབ་ན་དགེ་མཚན་ཕན་ནུས་ཆེན་པོ་ཡོད་པ་མ་ཟད་རང་གར་གྱི་མི་ཚོས་བཤད་པའི་སྐད་ཆའི་ནུས་པ་དང་མི་འདྲ། མི་རིགས་ཀྱི་བདེ་སྡུག་འདི་༧་གོང་ས་ཡིད་བཞིན་ནོར་བུ་དང་༧རྒྱལ་བ་ཀརྨ་པ་བློ་བཟང་སེངྒེ་སོགས་མི་ཁ་ཤས་ཀྱི་ལས་འགན་ཙམ་མ་ཡིན་པར་བོད་མི་ཡིན་ཚད་པོར་འགན་འཁྲི་ཡོད་དུས་བླ་ཆེན་ཡིན་ཟེར་མཁན་དང་མི་ཆེན་ཡིན་ཟེར་མཁན་དག་གིས་མུ་འཐུད་གོ་སྐབས་དམ་འཛིན་བྱས་ནས་བཀའ་སློབ་ཕེབས་ཐུབ་པའི་རེ་བ་དང་སྨོན་ལམ་མི་ཉུང་བ་ཞིག་ཡོད། སྤྱིར་བོད་མི་རིགས་ལ་བློ་དཀར་ཞིང་བོད་མི་རིགས་ཀྱི་ཆེད་དུ་རྒྱུ་འབྲས་དང་བདེན་ལུགས་ཀྱི་མི་སྐད་བཤད་མཁན་དག་ལ་དངོས་ཤུགས་བརྒྱུད་གསུམ་ནས་འགོག་རྒོལ་བྱེད་མཁན་ནི་འུ་ཚང་ལ་སྔར་ཡང་བྱུང་མྱངས་ཡོད་ལ། ད་ལྟ་ཡང་དེ་བཞིན་རེད། དེ་ལྟར་ཐབས་སྡུག་གི་ལས་ཀ་སྒྲུབ་མཁན་དག་ནི་རང་སྐྱོན་མཐེ་བོང་ཙམ་ལ་བློ་མིག་གདང་མི་ཤེས་པར་དཔྱད་ཞིབ་མེད་པར་གཞན་ལ་སྐྱོན་དང་སྨད་ར་གཏོང་མཁན་གྱི་ཟབ་ཆུང་པ་དང་མིང་རྫུན་འོག་གི་དྲྭ་འབུ་དག་རེད། འདི་ཚོའི་རིགས་དེས་སྤྱི་ཚོགས་ཀྱི་འགན་མི་ཁུར་ཞིང་རང་ཉིད་ཀྱིས་བཤད་པའི་སྐད་ཆ་དག་བདག་པོ་རྒྱབ་མི་ཤེས་མཁན་གྱི་མི་ངན་དག་རེད། མི་ངན་འདི་ཚོའི་རིགས་དེ་ང་ཚོ་བོད་པ་ཚང་ལ་དགོས་མཁོ་མེད་པས་ཚར་གཅོད་དང་སུན་འབྱིན་བྱེད་པའི་འོས་བབ་ནི་དྲང་བདེན་དང་རྣམ་དཔྱོད་ཅན་གྱི་མི་བུ་དག་ལ་ཡོད་ངེས་པས་ལེགས་ཉེས་ཀྱི་བླང་དོར་མ་ནོར་བྱེད་དགོས་པ་དེ་གལ་ཆེན་ཡིན།
རྒྱལ་བ་ཀརྨ་པ་མཆོག ཁྱེད་ནི་ལོ་ན་ཆུང་ཞིང་། ཤེས་ཡོན་ལྡན། ཁྱེད་ནི་བཀའ་བརྒྱུད་བསྟན་པའི་བདག་པོ། མ་འོངས་བོད་མིའི་སྐྱབས་གནས། གནས་སྐབས་ཀྱི་ཁེ་ཕན་ལ་མ་ལྟོས་པར། བོ་མི་ས་ཡ་དྲུག་པོ་སྙིང་ལ་བཅངས་སྟེ་བཙན་བྱོལ་དུ་ཡོང་བར་བལྟས་ན། གངས་ཅན་གྱི་བླ་ཆེན་ངོ་མ་ཡིན་པ་རྟོགས་ཐུབ། ཕྱིའི་ཆབ་སྲིད་དང་། ནང་གི་ཕྱོགས་རེའི་འཐེན་འཁྱེར་གྱི་གནོན་ཤུགས་སོགས་ཇི་སྙེད་ཅིག་ཡོད་ནའང་གཡོ་འགུལ་མེད་པ་མཐོང་དུས། ༧གོང་ས་མཆོག་གིས་རྒྱལ་བ་ཀརྨ་པའི་སྐུ་ཕྲེང་བཅུ་བདུན་པར། ཡང་སྲིད་ངོས་འཛིན་གནང་བར། ཡིད་ཆེས་བརྟན་པོར་རྙེད་སོང་། ཁ་སང་ཁྱེད་ཀྱིས་བྱམས་བརྩེ་ལྡན་པའི་ཐོག་ད་ལྟའི་དུས་སུ་གནད་དུ་འཁེལ་བའི་བཀའ་སློབ་ཟབ་མོ་དེ་ཐོས་དུས། ༧གོང་ས་མཆོག་གིས་མ་འོངས་བའི་རེ་བ་དེ་ཁྱེད་དང་། གླིང་རིན་པོ་ཆེ་ལ་རྒྱབ་ཀྱིན་ཡོད། དེ་ཡང་རྒྱབ་རིན་ཡོད་པ་མཐོང་སོང་།
མཁྱེན་ནོ། མཁྱེན་ནོ། ཀརྨ་པ་མཁྱེན་ནོ། །ཁྱེད་ཀྱི་སྐུ་ཚེར་བར་ཆད་མེད་པའི་སྨོན་འདུན་ཞུ།
འཇིག་བརྟེན་གཏམ་དཔེ་ལ། དམན་ཁ་དགུ་འཁོར་བའི་དྲེད་མ་དེས། རང་ཚང་མི་དྲན་གཞན་ལ་སྨོད་ཟེར་བ་ལྟར་མ་ཡིན་ནམ། དང་པོ་ཁྱོད་རང་རྒྱུད་སྟོད་ཀརྨ་བླ་རང་གི་འཛིན་སྐྱོང་ཡག་པོ་གནང་ནས་རྒྱ་གར་རྒྱལ་ཁབ་གི་རྩ་ཁྲིམས་དང་མ་འགལ་བ་གནང་རྒྱུ་གལ་ཆེའོ།།
དེ་ལྟར་མ་བྱུང་ན་ཁྱོད་རང་རྒྱུད་སྟོད་ཀརྨ་བླ་རང་ཙམ་མ་ཡིན་པ་བོད་སྤྱི་བའི་ཞབས་འདྲེན་དུ་འགྲོ་གི་འདུག་གོ བཀའ་བརྒྱུད་པ་ཁྱོད་རང་རྒྱུད་སྟོད་ཀརྨ་བླ་རང་གི་རྗེས་འབྲོང་བཅས་པ་ཚང་མ་ངོ་ཚ་ཁ་སྐྱེམས་དགོས་པ་ཆགས་འདུག་གོ
ཨོ་རྒྱན་འཕྲིན་ལས་ཞལ་ནས་འབྲུག་གྲགས་གྲགས་གནང་གི་འདུག འདྲ་ཆགས་ཆགས་བཤད་གི་འདུག དོན་ངོ་མ་ཁོ་རང་རྒྱལ་གར་བའི་ཁྲིམས་དང་འགལ་འགལ་ནས། བརྫོགས་རྒྱུ་མེད་པའི་གཏམ་བརྒྱུད་རིང་པོ་འགྲོ་དང་འགྲོ་བཞིན་པ་བརྗེད་པ་འདྲ། ཀརྨའི་སྐུ་འཕྲེང་རིམས་བྱོན་བྱུང་མ་མྱོང་པའི་ཞབས་འདྲེན་ལུང་པ་གང་བཞག
བན་རྒན་རང་འགོ་མི་ཐོན་པ། ཤི་བོ་ཡར་འདྲེན་ཁག་པོ་རེད་དོ།
གཡུ་ལ་མ་ལྟ་མིག་ལ་ལྟོས་ བཀའ་སློབ་ལ་མ་ལྟ་མཚན་ལ་ལྟོས། དོན་དག་ལ་མ་ལྟ་གནང་སྟངས་ལ་ལྟོས། ལེགས་ཉེས་ལ་མ་ལྟ་བྱིན་རླབས་ལ་ལྟོས།
རྒྱལ་བ་ཀརྨའི་་གསུངས་ལ་མངོན་པར་བསྟོད་དོ། གང་ཉིད་སྐུ་ཚེ་བསྐལ་རྒྱར་བརྟན་ཏེ། མཛད་ཕྲིན་མཁའ་མཉམ་ཡོངས་ལ་མྱུར་དུ་ཁྱབ་པར་ཤོག།
ཕྱག་ཐལ་མོ་སྦྱར་ནས་ཞུ་རྒྱུ།།།།་་་ཚེ་སྲོག་སྲུང་སྐྱབས་ངང་རིགས་གཞུང་འཐབ་རྩོད་ཇི་ལྟར་བྱེད་་ཐབས་ལམ་ཅིག་གསུངས་རོགས་
བོད་གཞུང་གི་ངོས་ནས་སུ་ཏི་ཀརྨ་པ་ལ་ངོས་ལེན་བྱས་ནང་བཞིན་ཞ་དམར་ཀརྨ་པ་ལ་ངོས་ལེན་ཡོད་པ་ཞུ་གར་སྲིད་གར་དེ་ལྟར་མ་ཐུབ་ན་ངེས་པར་དུ་བདེན་རྫུན་གྱི་དབྱེ་བ་འབྱེད་དགོས་པའི་དུས་ལ་བབས་འདུག་
དཔལ་༸ རྒྱལ་བ་ཀརྨ་པ་རིན་པོ་ཆེས་ད་རེས་གནད་ལ་འཁེལ་བའི་བཀའ་སློབ་ཚིག་དོན་ཟབ་མོ་ཞིག་བསྩལ་འདུག
ཁོང་གིས་དུས་རྒྱུན་བཀའ་སློབ་གང་ཞིག་གནང་ཡང་ངས་རྟག་པར་བལྟ་ཀློག་བྱེད་ཀྱིན་ཡོད། ཡིན་ནའང་ད་བར་ཁོང་གིས་གནང་བའི་བཀའ་སློབ་ཀྱི་ནང་ནས་ད་རེས་ཀྱི་བཀའ་སློབ་འདིས་ང་ལ་མཚོན་ན་སེམས་ནང་རེ་བ་ཆེན་པོ་ཞིག་དང་། དགའ་འཚོར་ཆེན་པོ་ཞིག དད་གུས་ཆེན་པོ་ཞིག་བྱུང་སྟབས། ང་ཚོ་བོད་མི་རིགས་ཚོར་མཚོན་ན་ཆབ་སྲིད་དང་། ཆོས་ལུགས། རིག་གཞུང་། སྐད་ཡིག སྤྱི་ཚོགས་སོགས་གང་ནས་བལྟས་ན་དེ་ནི་བཀྲ་ཤིས་པའི་བྱ་བ་དང་དགེ་མཚན་ཆེན་པོ་རེད།
དྲ་གྲོགས་འབྲོང་བུ་སོག་ཚ་ལགས་ཁྱོད་ཀྱིས་ང་ལ་ཁོ་ཁའི་ཨ་མ་རྒན་མོ་བཞིན་དམོད་མོ་བྱ་བ་ལ་ང་གང་ཡང་གནོད་ཀྱི་མེད་་་་་་་་ཀརྨ་པ་བླ་མ་འདི་ཡག་པོ་ཞིག་ཆགས་རྒྱུ་ལ་རེ་བ་ཁྱོད་ལས་མང་བ་ང་ལ་ཡང་ཡོད་་་་་་་ཀརྨ་བླ་བྲང་གི་ཆ་རྒྱུས་ཁྱོད་ལས་མང་བ་ང་ལ་ཡོད་་་་་དེང་སང་ཀརྨ་བླ་བྲང་གི་ཕྱི་ནང་བར་གསུམ་ལ་བལ་ཡུལ་ལམ་་རོང་སྐད་ལས་བཤད་ས་མེད་པ་ཞིག་ཆགས་ཡོད་ཀརྨ་བླ་བྲང་གི་དབང་ཚད་མཐོ་བའི་མི་སྣ་ཚོ་བོད་ཀྱི་ཆོས་ལུགས་རིག་གནས་ཀྱི་གནས་ཚད་སྐྱོ་བོ་ཡིན་པ་མ་ཟད་ཕྱག་ལས་གནང་སྟངས་དཔེ་སྐྱོ་བོ་རེད་འབྲོང་བུ་ཁྱེད་རང་གི་གནས་ཚུལ་དེ་ཚོ་ཞིབ་པར་ཤེས་ན་བསྐུར་འདེབས་ཟེར་བ་དེ་གཞི་མེད་པ་རེད།
འདོ་ཚོ་ལ་བསམ་བློ་བཏངས་དུས་སེམས་འཚབ་ཆེན་པོ་ཡོད།
གནས་ཚུལ་འདི་ཚོ་ལ་བསམ་ཚེ་སེམས་འཚབ་ཆེ་རུ་འགྲོ་བཞིན་འདུག་་་་་
གཞི་ལུས་བོད་མི་རྣམས་ཀྱིས་བོད་ཀྱི་རང་བྱུང་འཁོར་ཡུག་དང་རི་སྐྱེས་སྲོག་ཆག་ལ་བདག་པོ་རྒྱག་དགོས་པ་ནང་བཞིན། ཀརྨ་པ་རང་ཉིད་སྐུ་འཁོར་དང་བཅས་པའི་ནང་ཆོས་དང་བོད་ཀྱིས་ཞབས་འདྲེན་མི་བྱེད་རྒྱུ་གལ་ཆེན་པོ་རེད།
རིམ་པ་བཞིན་དུ་རྒྱ་གར་ཚག་པར་ཐོག་ལ་བཤད་རྒྱུ་དང་གཏམ་མང་པོ་ཡོད་པ་ཀུན་གྱི་མཁྱེན་གསལ་རེད།
དེས་ན་གཞི་ཕྱིས་གཉིས་ཀྱིས་ཤུགས་རྒྱག་ཚད་ལ་སླེབས་འདུག་ལགས།
དྲྭ་འབུ་འགྱུར་བསྟན་ལྟ་བུ་རེ་ཟུང་། ཤེས་འཇོན་གྱིས་སྟོངས་ཤིང་། རུ་ང་ཕྲག་དོག་གིས་སྨྱོས་ནས་བླ་མ་ཚད་ལྡན་འདི་ལྟ་བུ་ལ་སྐུར་འདེབས་དང་ཆོས་ལུགས་ནང་ཁུལ་དཀྲུགས་ཤིང་གང་ཐུབ་གནང་སྟེ་དམ་ཚིག་རྡོག་རྩ་ཆིག་སྒྲིལ་གྱི་ནུས་པ་གཏོར་བཤིག་གཏང་རྩིས་ཀྱི་ཟུར་ཟའི་ཚིག་དམར་འབྱིན་བྱས་པར་ཡིད་རེ་སྐྱོ། ཀརྨ་པའི་བླ་བྲང་གི་ལས་བྱེད་ཚོའི་བོད་སྐད་མི་ཤེས་པར་ག་དུས་ཁྱེད་རང་ལ་སྐད་བསྒྱུར་གནང་རོགས་གྱིས་ཞེས་རེ་བསྐུལ་ཞུས་བྱུང་གསུང་རོགས་གནང་དང་། ཀརྨ་པ་དགུ་བརྒྱའི་མཛད་སྒོ་དབུ་འཛུགས་སྐབས་རང་རེ་བོད་ཀྱི་བཀའ་བློན་ཁྲི་པ་མཁས་དབང་ཟབ་གདོང་རིན་པོ་ཆེ་དང་། བཀུར་ཚོགས་གཙོ་སྐུ་ངོ་སྤེན་པ་ཚེ་རིང་རྣམ་གཉིས་སྐུ་མགྲོན་དུ་སྤྱན་དྲངས་ནས་ན་ལོ་རྡོར་གདན་དུ་མགོ་མཇུག་བར་གསུམ་ཚང་མ་བོད་སྐད་ཐོག་གནང་བ་ཁྱོད་ཀྱི་མ་མཐོང་མ་ཐོས་སམ། ད་ལོ་ལོ་འཇུག་གི་མཛད་སྒོ་དེ་གཙོ་བོ་རྒྱ་གར་འཕགས་ཡུལ་བ་རྣམས་ཀྱི་ཆེད་དུ་ཡིན་སྟབས་བོད་སྐད་དགོས་གལ་ཆུང་བས་གཙོར་འདོན་མ་བྱས་པ་ཙམ་ལས་མ་ཤེས་པ་ག་ལ་ཡིན། ཡིད་རྣལ་དུ་འཕབ་ནས་མཆན་འགོད་གནང་ན་མི་ལེགས་སམ།
་་་་་གཙོ་བོ། ཁྱེད་རང་ཚོས་ཚེ་སྲོག་སྲུང་སྐྱོབ་བྱས་པའི་ཐོག་ནས་ཆོས་དང་རིག་གཞུང་ལ་བདག་པོ་རྒྱག་རྒྱུ་དང་། ང་ཚོ་རང་དབང་ལུང་པའི་ནང་ཡོད་པའི་བོད་མི་ཚོས་འཛམ་གླིང་ཐོག་བོད་ཀྱི་གནས་སྟངས་ངོ་སྤྲོད་དང་ཁྱབ་བསྒྲགས་བྱ་རྒྱུ་དེ་ཡིན་སྟབས། ཁྱེད་རང་ཚོའི་ངོས་ནས་དེའི་ཐད་ལ་འབད་པ་བྱ་དགོས། གསུང་མཁན་ཀརྨ་པ་དེ་མཁྱེན་ནོ། །
།གང་གི་གསང་གསུམ་ཉིན་བྱེད་སྣང་ཟེར་གྱི་ཕྲེང་བའི། །རྣམ་བཞིའི་ཕྲིན་ལས་དགེ་ལེགས་འོད་འབུམ་གྱི་གྲིབ་བསིལ། །སྐལ་བཟང་གདུལ་བྱའི་ལང་ཚོར་ལྷུན་སྟུག་ཏུ་སྦྱིན་པས། །དགའ་བ་འབུམ་གྱི་པདྨོ་སྙིང་དབུས་སུ་བཞད་དོ།
བླ་མ་འདི་ལ་བོད་མི་རིགས་ཀྱི་རེ་བ་དེ་ཚད་ངེས་ཅན་ཞིག་འཛིན་འདུག་ཁོང་གིས་ཀྱང་རང་སྣང་གང་ཤར་གྱི་ཕྱག་ལས་མི་གནང་བར་མཁས་པ་ཉམས་མྱོང་ཅན་དང་མི་བུ་ལྷག་བསམ་ཅན་ཚོའི་རེ་བ་མ་ཤི་པ་ཞིག་བྱ་རྒྱུ་གལ་ཆེ།
ཁོག་གིས་གཞན་ལ་རིག་གཞུང་གལ་ཆེན་ཡིན་པ་གསུངས་གསུངས་འདུག་བསྔགས་བརྗོད་ཡོད་འོན་ཀྱང་ཁོང་གི་ཞབས་ཞུ་ཚོས་བོད་སྐད་བཤད་མཁན་དཀོན་པོ་ཡིན་པ་མ་ཟད་ཉེ་ཆར་ཀརྨ་མའི་དགུ་བརྒྱ་དུས་དྲན་དེ་ཡང་བོད་ཡིག་བོད་སྐད་ལ་འབྲེལ་བ་གཏན་ནས་མེད་ཞིག་སྲུང་བརྩི་ཞུས་སོང་དུས་དྲན་དེ་རུ་བོད་པ་ཡང་མཐོང་རྒྱུ་དཀོན་པོ་རེད་འདུག་་་་་་་ཀརྨ་པ་དེ་བོད་མི་རིགས་དང་འབྲེལ་མེད་པ་ཞིག་བཟོ་ཉེན་ཆེ་བས་གཟབ་གཟབ་དགོས་བ་གལ་ཆེ་་་་ཞབས་ཞུ་དེ་ཚོའི་ངོ་གདོང་སྐྱོ་བོ་དེ་མཐོང་ཡོང་དུས་སེམས་ལ་ན་ཟུགས་མང་ཀི་་་་
༧དཔལ་རྒྱལ་བའི་དབང་པོ་སངས་རྒྱས་ཀརྨ་པ། ཡིད་བཞིན་གྱི་ནོར་བུ་རིན་པོ་ཆེ། བཀའ་སློབ་སྙིང་གི་བདུད་རྩི་ལྟ་བུ་འདི་ལྟར་སྩལ་གནང་ཐུབ་པ་བཀའ་དྲིན་ཆེ། བོད་མི་གནམ་བསྟན་ཡོངས་ཀྱི་བསོད་ནམས་དང་། བསྟན་པ་དང་འགྲོ་བ་ཡོད་དོ་ལྕོག་གི་ཚོགས་གཉིས་ཀྱི་བདེན་འབྲས་བསླུ་བ་མེད་པས་ཇི་སྐད་གསུང་པ་དེ་དེ་བཞིན་འགྲུབ་པའི་ཆོས་སྐྱོང་ཡེ་ཤེས་ཀྱི་སྤྱན་ལྡན་དབྱིང་ན་བཞུགས་པའི་རྒྱལ་བ་སྲས་དང་བཅས་པའི་ཐུགས་རྗེ་དང་ནུས་མཐུའི་ཤུགས་མྱུར་དུ་ཕྱུང་ནས་བོད་གཞིས་བྱེས་མྱུར་བ་ནས་མྱུར་བར་མཉམ་འཛོམ་དང་།
མཉམ་གནས་ཡོང་པའི་ཐུགས་འདུན་ཟབ་མོ་དེ་དག་འགྲུབ་པའི་མཐུན་འགྱུར་སྡོང་གྲོགས་ནམ་ཡང་གཡེལ་བ་མེད་པར་མཛད་དུ་གསོལ་ཞེས་བསྐུལ་བ་མ་ཚད། ༈ །གང་ཞིག་ཡིད་ལ་དྲན་པ་ཙམ་གྱིས་ཀྱང་། །འདོད་པའི་དངོས་གྲུབ་མ་ལུས་སྩོལ་མཛད་པ། །ཆོས་སྐྱོང་ཡིད་བཞིན་ནོར་བུ་ཁྱེད་རྣམས་ཀྱིས། །ཇི་ལྟར་ཐུགས་དོན་སྒྲུབ་ལ་མ་གཡེལ་ཅིག མཆོག་གསུམ་བསླུ་བ་མེད་པའི་ཐུགས་རྗེ་ཡིས། །བདག་ཅག་རྩེ་གཅིག་སྒྲུབ་པའི་བདེན་མཐའ་འདི། །གེགས་མེད་ཇི་བཞིན་འགྲུབ་ལ་དབང་ཐོབ་པ། །ཕྱོགས་ལས་རྣམ་པར་རྒྱལ་བའི་བཀྲ་ཤིས་ཤོག་ཞེས་ཀྱང་ཞུ་གི་ཡོད་། ཕ་ཡུལ་གྱི་ནང་འཁྲུགས་མི་བསད་ཁྲག་སྦྱོར་མང་པོ་བྱུང་བ་དང་། མཚོན་ཆ་དེ་ཚོ་རྒྱ་མིའི་ལྐོགས་ནས་ཡིན་ཁུལ་བྱེད་ཀྱང་།
དོན་ངོ་མ་བོད་མི་ནང་འཁྲུགས་ཡོད་སར་གང་འདོད་འདོད་ལྟ་བུ་འཚོང་གི་ཡོད་པ་དེ། གླད་མེད་གླེན་པ་ཚོས་སྒོར་མོ་ཡོད་ཚད་དེའི་སྟེང་དུ་བཏང་ནས།
མཚོན་གསོར་ས་ནང་ཕུ་ནུ་དམར་གསོད་བྱེད་ས་ཤིག་གི་ལག་ཆ་འཇིགས་སུ་རུང་བ་དེ་ཚོས་བསད་བསད་ལ་ཡ་ང་བ་ཡི་མུག་པ་བྱེད་ཀྱི་འདུག་པ་མ་ཚད།
ལྷག་པར་དུ་ལྷ་ས་སོགས་ཀྱི་ས་མདོ་ཡོད་ཚད་སར། ཁམས་པའི་ཁྱོ་བང་ཇག་རྐུན་མང་པོས་ཉམ་ཆུང་འཕྲོག་བཅོམ་དང་།
རྐྱེན་ཆུང་ཆུང་ཞིག་ལ་སྙོན་འཛུགས་ཀྱིས། མི་ཉམས་ཆུང་ལ་ཧབ་རྒྱག་རེས་བྱེད་ནས་ཤོག་དངུལ་ཁྲི་ཚོ་མང་པོ་ཟ་རེས་འཕྲོག་རེས་སོགས་ཀྱིས་བོད་ཀྱི་ཡ་རབ་སྤྱོད་བཟང་ཞེས་པ་ཚིག་ཙམ་གྱི་ཉེན་ཁར་གཏུག་གི་ཡོད་ས་འདུག་པས། དམིགས་གསལ་གོ་འཇོ་དང་། གོ་འཇོ་ས་ངན་དེ་ཚོ་ལ་དམིགས་ཀྱིས་བཀར་བའི་ད་དུང་བཀའ་སློབ་ཞིག་བཀའ་དྲིན་མ་ཆུང་ཞེས་ཡང་ཡང་སྙན་བསྐུལ་ཞུ་གི་ཡོད།།།
རྒྱལ་བ་ཀརྨ་བ་མཆོག་ལ་བཀྲ་ཤིས་བདེ་ལེགས་ཞུ་བ་དང་ཁྱབ་ཅིག ཉིད་ཐོབ་ཐང་དང་ཆབ་སྲིད་ཀྱིས་མ་བསླུས་པར་བོད་མི་རིགས་ཀྱི་དབུ་ཁྲིད་དང་༧གོང་ས་མཆོག་གི་རྗེས་སྐྱོངས་པ་ཞིག་ཡོང་བའི་རེ་འདུན་ཞུ།
ཁྱེད་ལ་རེ་བ་ཆེན་པོ་བརྒྱབས་ཡོད། ཀརྨ་པ་མཁྱེན་ནོ།