གསེར་རྟ་རྫོང་དུ་སྐད་འབོད།

མགྲིན་པ་ཟབ་མོ་ལགས། སྤྱི་ལོ་ ༡༩༥༩ ནས་ལོ་ རབས་དོན་ཅུའི་བར་དུ་བོད་རང་བཙན་ཟེར་བའི་མིང་ཚིག་འདི་བེད་སྤྱད་སྟབས་གཞི་ལུས་མི་དམངས་མང་པོས་རང་བཙན་དོན་དུ་ཚེ་སྲོག་བློས་བཏང་བྱས་ཡོད།

ལོ་ རབས་དོན་ཅུ་ནས་རང་སྐྱོང་ཟེར་བའི་དགོས་འདུན་བཏོན་འགོ་ཚུགས་ཀྱང་དབུ་མའི་ལམ་ཟེར་བའི་ཐ་སྙད་དེ་ད་དུང་མི་དམངས་འཁྲོད་དུ་གསལ་བཤད་གསལ་པོ་ཞིག་བྱུང་མེད།
ལོ་རབས་གོ་བཅུའི་ནང་ནས་དངོས་སུ་མི་དམངས་ལ་དབུ་མའི་ལམ་ཟེར་བའི་མིང་ཚིག་འདི་བེད་སྤྱད་ཡོད་པ་རེད།

དེར་བརྟེན་ལོ་རབས་ ༣༠ ནས་ ༤༠ ཙམ་གྱི་རིང་བོད་མི་རྣམས་ཀྱི་རྣ་བར་རང་བཙན་ཟེར་ཚིག་འདི་གཏིང་གཟབ་གཅིག་བླུགས་ཡོད་སྟབས། ད་ལྟའི་འཆར་ཡང་བོད་མི་མང་བའི་རྣ་བ་དང་སེམས་པ་གཉིས་ཀྱི་ནང་དུ་བོད་རང་བཙན་ཟེར་བ་ལྷན་སྐྱེས་ཀྱི་ང་ཚོའི་མིག་དང་རྣ་བ་ལྟ་བུ་ཞིག་ཆགས་ཡོད།

དེར་བརྟེན་ང་ཚོས་ད་ཆ་དབུ་མའི་ལམ་ཟེར་བའི་མིང་ཚིག་གཅིག་བོད་མི་རྨས་ཀྱི་རྣ་བར་བླུགས་ཐབས་བྱེད་བཞིན་ཡོད་ཀྱང་གཞི་ལུས་བོད་མིར་མཚོན་ཤེས་ཡོན་དང་ཅུང་ཟད་མཇོང་རྒྱ་ཆེ་བའི་བོད་མི་ཉུང་ཤས་ཤིག་ལས་མི་དམངས་མང་ཆེ་བས་དབུ་མ་ཟེར་བའི་མིང་ཚིག་དེ་ཧ་གོ་མེད་ཙང་དེ་རིང་ཁ་སང་ཡང་བོད་རང་བཙན་ཡིན་ནས་སྐད་འབོད་བྱེད་བཞིན་ཡོད།

འདི་ནི་ང་ཚོའི་ཆབ་སྲིད་གནད་ལུགས་ཐད་ནས་བཤད་ན་ཆེས་ཧ་ཅང་གི་སྐྱོན་གནད་གཅིག་ཆགས་ཡོད་སྟབས། ད་ལྟའི་འཆར་ང་ཚོས་བོད་རང་བཙན་རྩོད་བཞིན་མེད་ཀྱང་གཞི་ལུས་བོད་མི་ཚོས་ག་དུས་ཡིན་ཀྱང་ཁ་ནས་རང་བཙན་ཡིན། རང་བཙན་ཡིན། ཟེར་བཞིན་ཡོད་སང་རྒྱ་ནག་གཞུང་ཡང་གནད་དོན་དེར་སེམས་འཚབ་སྣོན་མ་ཞིག་སྐྱེ་གཞི་ཆགས་ཡོད།

གང་ཡིན་ན་བོད་གཞུང་གིས་ངོས་ནས་དབུ་མའི་ལམ་ཁོ་ན་ཡིན། ཟེར་བ་དང་ཡང་མི་དམངས་ཀྱི་ངོ་རྒོལ་བྱེད་དུས་ཁ་ནས་བོད་རང་བཙན་ཁོ་ན་ཡིན་ཟེར་བཞིན་ཡོད་སྟབས། སོ་སོའི་ཁ་དང་ལག་པ་གཉིས་ཀྱི་དབར་ལ་ཧེ་བག་ཧ་ཅང་གི་ཆེན་པོ་ཞིག་ཤོར་བར་སོང་རྒྱ་མིས་རང་སྐྱོང་ཟེར་བ་ཞིག་ཀྱང་སྤྲོད་མི་ཐུབ་པའི་ཚོད་དུ་སླེབས་པ་རེད།

སྐད་འབོད་ནི། བོད་རང་བཙན་དགོས། རྒྱལ་བ་རིན་པོ་ཆེ་མཆོག་བོད་དུ་གདན་འདྲེན་ཞུ་དགོས་ཞེས་པ་འདི་གཉིས་རེད། སྔ་ཕྱི་གང་དུ་ཡང་འདི་འདྲ་ཞིག་རེད། དབུ་མའི་ལམ་ངོས་ལེན་བྱེད་དགོས་ཞེས་པ་ཞིག་ད་བར་དུ་ངག་ནས་ཐོན་མྱོང་མེད་པ་འདི་དག་ལ་བལྟས་ན་བཙན་བྱོལ་བ་ཚོར་དགོས་པ་དང་གཞིས་ལུས་པ་ཚོར་དགོས་པ་གཉིས་ཁ་ཁ་རེད། འདི་ལྟའི་བར་ཁྱད་ཅིག་ཤོར་དོན་གང་ཡིན་ནམ།

༸གོང་ས་མཆོག་ལ་མཇལ་འདོད་ཀྱི་ཚོར་ཤུགས་དྲགས་པོ་སུས་ཀྱང་གནོན་དཀའ་བ་དེ། དེ་རིང་འགོ་ལོག་གསེར་རྟ་ནས་འཕྱུར་སོང་ངོ།།

བོད་མའི་སྐད་འབོད་ནི།
་་་་“ ༸གོང་ས་མཆོག་བོད་ནང་གདན་འདྲེན་ཞུ་དགོས། བོད་རང་བཙན་ཡིན། ” ་་་་ཟེར།