ལོ་འགའི་གོང་ཁམས་དཀར་མཛེས་ཁུལ་གྱི་བོད་མི་ཚོས་རྒྱ་གཞུང་ལ་ངོ་རྒོལ་བྱས་ཏེ་ལོ་གསར་མི་གཏོང་བ་དང་ས་ཞང་མི་འདེབས་པ་སོགས་བྱས་སྐབས། རྒྱ་དམག་གིས་ཉག་རོང་བླ་བྲང་གྲོང་ཚོའི་མི་མང་ཐོག་མེ་མདའ་བརྒྱབ་སྟེ་རྒོད་པད་ལགས་ཀྱི་གཟུགས་པོའི་སྟེང་མདེའུ་ ༩ ཕོག་སྟེ་རྐང་པ་ཡ་གཅིག་གཅོད་དགོས་བྱུང་ཡོད་པ་མ་ཟད། ད་ལྟ་མུ་མཐུད་བཙོན་འོག་ཏུ་དཀའ་སྡུག་མྱོང་བཞིན་ཡོད་འདུག
རྡོར་གདན་དུས་དབང་སྐབས་བོད་ཀྱི་དུས་བབ་འཕྲལ་སེལ་ལས་ཁུངས་ལ། བོད་ནས་ཕེབས་པའི་ཆོས་ཞུ་བ་མིང་བརྗོད་འདོད་མེད་མཁན་ཞིག་གིས་གནས་ཚུལ་མཁོ་སྤྲོད་གནང་པ་ལྟར་ན། ༢༠༠༨ ལོར་བོད་ཆོལ་ཁ་གསུམ་གྱི་ས་ཁུལ་མང་ཆེ་བའི་ནང་རྒྱ་ནག་གཞུང་ལ་ཞི་བའི་ངོ་རྒོལ་གནང་ཡོད་པ་དང་། སྐབས་དེར་རྒྱ་གཞུང་གིས་བོད་མི་མང་པོ་དམར་གསོད་དང་བཙོན་འཇུག་བྱས་ཡོད་པ་ལྟར། ༢༠༠༩ ལོར་དཀར་མཛེས་བོད་རིགས་རང་སྐྱོང་ཁུལ་ཉག་རོང་རྫོང་འོག་གི་གྲོང་ཚོ་མང་པོ་ཞིག་གིས་སྔར་ལོ་འདས་གྲོངས་སུ་ཕྱིན་པའི་དཔའ་བོ་དཔའ་མོ་རྣམས་ལ་མྱ་ངན་དང་རྒྱ་གཞུང་ལ་ངོ་རྒོལ་མཚོན་ཆེད། ལོ་དེའི་ལོ་སར་མི་གཏོང་བ་དང་ས་ཞིང་འདེབས་ལས་མི་བྱེད་པ་སོགས་བྱས་ཡོད།
ཉག་རོང་བླ་བྲང་གྲོང་ཚོའི་མི་མང་གིས་རྒྱ་གཞུང་གིས་ཆབ་སྲིད་བཙོན་པ་རྣམས་ཀློད་གྲོལ་དང་བོད་མིའི་ཐོག་བཟང་ཕྱོགས་ཀྱི་འགྱུར་བ་མ་བཏང་ཚེ། མུ་མཐུད་ས་ཞང་འདེབས་ལས་མི་བྱེད་པར་མ་ཤི་བར་རྒྱ་གཞུང་ལ་ངོ་རྒོལ་བྱ་རྒྱུ་ཡིན་ཚུལ་བརྗོད་ཡོད་སྟབས། ལོ་དེའི་ཕྱི་ཟླ་ ༤ པའི་ཚེས་ ༡༥ ཉིན་གྱི་ཕྱི་དྲོར་རྒྱ་ནག་གི་ཉེན་རྟོག་པ་ ༢༠ ཙམ་དང་དམག་མི་རླངས་འཁོར་ ༢༠ ཙམ་གྲོང་ཚོ་དེར་ཡོང་སྟེ་བོད་མི་མང་པོ་འཛིན་བཟུང་དང་གང་བྱུང་དུ་གཅར་རྡུང་བྱས་ཡོད་སྟབས། བོད་མི་མང་ཆེ་བ་ཡར་མར་བྲོས་ཡོད་ཀྱང་རྒོད་པད་ཞུ་བའི་སྡེ་བའི་མགོ་འཛིན་གཅིག་པུ་ཤུལ་དུ་ལྷག་ཡོད་འདུག
སྐབས་དེར་ཉེན་རྟོག་པ་ཚོས་རྒོད་པད་ལགས་འཛིན་རྩིས་བྱེད་སྐབས་ཁོང་གིས་རང་ཉིད་བྲོས་མཐར་ཆེད་གྲི་གཡུགས་ཏེ་ཉེན་རྟོག་གཉིས་ལ་རྨས་སྐྱོན་ཕོག་ཡོད་སྟབས། དེ་མ་ཐག་དམག་མི་ཚོས་འཛེམ་ཟོན་མེད་པར་གང་བྱུང་དུ་མེ་མདའ་བརྒྱབ་སྟེ། ཁོང་གི་རྐང་པ་གཡོན་པར་མདེའུ་ ༨ དང་། རྐང་པ་གཡས་པར་མེ་མདེའུ་ ༡ བཅས་ཕོག་ནས་སར་འགྱེལ་ཡོད་པ་དང་། སྐབས་དེར་ཉེན་རྟོག་པ་ཚོས་ཁོང་གི་རྐང་ལག་གཉིས་ལ་ལྕགས་སྒྲོག་བརྒྱབ་ཅིང་རླངས་འཁོར་ནང་བཅུག་སྟེ་ཉག་རོང་རྫོང་བཀག་ཉར་ཁང་དུ་འཁྲིད་ཡོད་འདུག
ཉག་རོང་རྫོང་བཀག་ཉར་ཁང་དུ་ནང་མི་གཉེན་འབྲེལ་སུ་གང་ལའང་ཐུག་འཕྲད་བྱེད་མ་བཅུག་པར་ཟླ་ ༣ ལྷག་རིང་གཅར་རྡུང་འདྲི་གཅོད་བྱས་ཡོད་པ་དང་། རྗེས་སུ་ནང་མིར་བརྡ་ལན་དང་ཁྲིམས་རྩོད་པ་སོགས་གང་ཡང་མེད་པར་ལོ་ ༤ ཁྲིམས་ཐག་བཅད་དེ། ཉག་རོང་རྫོང་བཙོན་ཁང་དུ་བཙོན་འཇུག་གིས་ལོ་ ༡ དང་། དེ་ནས་མི་ཉག་བཙོན་ཁང་དུ་གནས་སྤོར་བྱས་འདུག རྒྱ་གཞུང་གིས་ཉག་རོང་བཙོན་ཁང་དང་མི་ཉག་བཙོན་ཁང་དུ་ལོ་ ༢ ལ་བཙོན་འཇུག་བྱས་རིང་ཁོང་གི་རྐང་པར་མེ་མདའ་ཕོག་ཡོད་པའི་མདེའུ་མ་བླངས་བར་བཞག་ཡོད་སྟབས། རྐང་པའི་རྨ་ཁ་རུལ་ཏེ་དཀའ་སྡུག་གང་མང་མྱངས་ཡོད་པ་དང་། རྗེས་སུ་ནང་མི་ཚོས་གནས་ཚུལ་དེ་གོ་རྗེས། རང་ལོ་ ༦༠ ཡས་མས་ཡིན་པའི་ཁོང་གི་ཨ་མར་སྙིང་གི་ན་ཚ་བྱུང་སྟེ་འདས་གྲོངས་སུ་གྱུར་ཡོད་འདུག
དེ་ནས་ཁོང་གི་ནང་མི་གཉེན་འབྲེལ་ཚོས་བཙོན་ཁང་ལ་རེ་བ་ཡང་ཡང་ཞུས་མཐར་རྒྱ་གཞུང་གི་བཀོད་མངགས་ལྟར། ཁྲིན་ཏུའུ་དམག་མིའི་སྨན་ཁང་ཞིག་ཏུ་སྨན་བཅོས་སུ་འཁྲིད་ཡོད་ཀྱང་། སྨན་ཁང་དེས་རྐང་པ་མ་བཅད་ན་སྲོག་གི་ཉེན་ཁ་ཡོད་ཚུལ་བརྗོད་དེ་རྐང་པ་གཡོན་པ་གཅོད་དགོས་བྱུང་འདུག་ལ། དེའི་ཚབ་ཏུ་རྒྱ་སྒོར་ཁྲི་ ༦ ལྷག་གི་འགྱིག་གི་རྐང་པ་རྫུས་མ་ཞིག་བཟོས་ཡོད་འདུག སྨན་བཅོས་གྲུབ་རྗེས་ཉེན་རྟོག་པས་ཁོང་ཕྱིར་མི་ཉག་བཙོན་ཁང་དུ་འཁྲིད་ཡོད་འདུག དེང་སྐབས་ནང་མི་ཚོར་ཐུག་འཕྲད་བྱེད་འཇུག་གི་མེད་ཀྱང་། འབྱུང་འགྱུར་ཟླ་ ༧ གྱི་མཚམས་སུ་ཁོང་གི་དུས་བཀག་བཙོན་འཇུག་གི་དུས་ཡུན་རྫོགས་ཡོད་འདུག
མཐའ་མར་ཁོང་ལ། རྒོད་པད་ལགས་དང་ཁོང་གི་ནང་མི། དེ་བཞིན་སྡེ་མི་ཡོངས་ཀྱི་རེ་བ་གཙོ་བོ་ཅི་ཞིག་ཡིན་མིན་དྲིས་པར་ཁོང་གིས། “ རྒོད་པད་ལགས་ད་ལྟ་གནས་སྟངས་འདི་འདྲ་ཞིག་གི་འོག་ཏུ་ལྷུང་དོན་གཙོ་བོ། ཆུང་ས་ནས་ཉག་རོང་བླ་བྲང་གྲོང་ཚོའི་བོད་རིགས་མི་མང་གི་ཆེད་རེད་ལ། ཆེ་ས་ནས་རྒྱའི་བཙན་འོག་གི་བོད་མི་ཡོངས་ཀྱི་བདེ་སྡུག་ཆེད་རེད། ཡིན་ནའང་ཁོང་རང་ཉིད་ཀྱིས་བློ་འགྱོད་སོགས་གང་ཡང་བྱེད་ཀྱི་མི་འདུག དངོས་ཡོད་གནས་སྟངས་འདི་ཕྱི་ལོགས་སུ་ཁྱབ་བསྒྲགས་བྱ་དགོས་ཀྱི་འདུག་སྙམ་ནས་ངས་ད་ཐེངས་ཆེད་དུ་པར་དང་གནས་ཚུལ་འཁྱེར་ཡོང་བ་ཡིན། ཁོ་རང་གི་རེ་བའང་འདི་རེད། དུས་རྒྱུན་༸གོང་ས་མཆོག་བོད་ནང་ཕེབས་རྒྱུ་དང་། བོད་གཞིས་བྱེས་ལྷན་འཛོམ་ཡོང་རྒྱུ་དེ་རེད། ཁོང་གི་ནང་མི་དང་སྡེ་མང་ལ་མཚོན་ནའང་དཀའ་ངལ་ཅི་ཙམ་འཕྲད་ཀྱང་། སེམས་ནང་༸རྒྱལ་བ་རིན་པོ་ཆེ་བོད་ལ་ཕེབས་རྒྱུ་དང་། བོད་མི་རྣམས་རྒྱའི་བཙན་འོག་ནས་གྲོལ་ཐུབ་རྒྱུར་རེ་བ་བྱེད་ཀྱི་ཡོད་པ་རེད། གཞི་རྩའི་བོད་གཞིས་བྱེས་གཉིས་ཀྱི་རེ་བ་གཅིག་པ་ཡིན་ཡང་། བྱེས་སུ་སྡོད་པའི་བོད་མི་ཚོས་བོད་ནང་གི་བོད་མི་ཚོས་རེ་བ་ངོས་ཟིན་རྒྱུ་ཧ་ཅང་གལ་ཆེན་པོ་རེད། ངའི་གནས་ཚུལ་འདི་དག་ཁྱོད་རང་ཚོས་ཁྱབ་བསྒྲགས་བྱ་རྒྱུར་འབོད་སྐུལ་ཞུ་བཞིན་ཡོད”ཅེས་བརྗོད་བྱུང་།
རང་ལོ་ ༤༧ ཡིན་པའི་ཆབ་སྲིད་བཙོན་པ་རྒོད་པད་ལགས་ནི། དཀར་མཛེས་བོད་རིགས་རང་སྐྱོང་ཁུལ་ཉག་རོང་རྫོང་ཐང་སྐྱིད་ཞང་བླ་བྲང་གྲོང་ཚོ་ནས་ཡིན་ཞིང་། ཆུང་དུས་སློབ་གྲྭར་གང་འཚམ་ཕྱིན་རྗེས་བླ་བྲང་གྲོང་ཚོའི་མི་མང་གི་མགོ་ཁྲིད་གནང་ཡོད་པ་དང་། ས་གནས་དེ་གའི་གྲོང་མི་ཡོངས་ཀྱིས་ཧ་ཅང་བརྩི་བཀུར་ཞུ་ཡུལ་གྱི་མགོ་ཁྲིད་བཟང་པོ་ཞིག་ཡིན་འདུག ༢༠༠༨ ལོར་བོད་ས་ཡོངས་སུ་ཞི་རྒོལ་བྱུང་སྐབས་དཀར་མཛེས་ས་ཁུལ་ནས་ཀྱང་རྒྱ་གཞུང་ལ་ངོ་རྒོལ་སྣ་ཚོགས་བྱས་སྟབས། ༢༠༠༩ ལོར་ཁོང་རྒྱའི་བཙོན་འོག་ཏུ་ཚུད་དེ་ ༣ གྱི་ཁྲིམས་ཆད་མྱོང་བཞིན་ཡོད། ད་ཆར་ཁོང་གི་ཤུལ་དུ་ཆུང་མ་དང་བུ་མོ་གཉིས་བཅས་ཡོད་འདུག
གསར་འགོད་པ། དོན་གོ
ད་ལྟའི་འཆར་ས་སྟེང་འདིར་སྲོག་ཆགས་ཀྱི་ནང་ནས་གཟུགས་སྟོབས་ཆེ་ཤོས་དེ་གླང་ཆེན་རེད། གཟུགས་སྟོབས་ཆུང་བའི་སྲོག་ཆགས་ཙི་ཙི་ཆུང་ཆུང་ཙི་ཙི་རེད།
ཙི་ཙིས་གླང་ཆེན་ལ་སོ་བརྒྱབ་པ་དང་། སྐད་རྒྱག་པ། གླང་ཆེན་གྱི་སྟེང་དེ་ཡར་འཛེགས་རྒྱུགས་སོགས་ཅི་བྱས་ཀྱང་གླང་ཆེན་ལ་སྲོག་ཕར་བཞག་ལུས་ལའང་དེ་ཙམ་གྱིས་གནོད་སྐྱོན་མེད།
ཡིན་ནའང་གླང་ཆེན་གྱི་རྐང་པས་བརྫིས་ཐེངས་གཅིག་གིས་ཙི་ཙིའི་སྲོག་ལ་གནོད་པ་ཚབས་ཆེན་བཟོ་ཐུབ་པ་རེད། ད་དུང་གཡས་གཡོན་དུ་ཙི་ཙི་གང་ཙམ་ཞིག་ཡོད་ནའང་གླང་ཆེན་ལའང་སྐྲག་སྣང་ཅི་ཡང་མེད།
དེ་ནི་ཁོ་རང་ད་ལྟའི་འཆར་སྟེང་འདིའི་ཐོག་ཏུ་རང་ཉིད་སྟོབས་ཆེན་ཡིན་པ་དེ་ངོམ་བཞིན་ཡོད། ཙིཙིའི་ངོས་ནས་བཤད་ན་རང་ཉིད་ས་འོག་ཏུ་ཁུམ་བུའི་ནང་དུ་སྡོད་མཁས་པ་དང་། བཟའ་མཁས་པ། འགྲོ་མཁས་པ་བཅས་མཁས་པ་གསུམ་གྱི་གནད་ལུགས་དེ་ངེས་པར་དུའང་ཤེས་དགོས།
ནམ་ཞིག་ཙི་ཙིའི་རིགས་བརྒྱུད་རྣམས་མང་པོར་འཕེལ་བ་དང་། སྤྱང་གྲུང་འཛོམས་པ། གནད་ལུགས་ལ་མཁས་པ་བཅས་ཀྱི་སྐབས་སུ་དེ་དུས་གླང་ཆེན་དེ་ན་རྒས་ཤིང་གཟུགས་སྟོབས་ཉམས་པའི་སྐབས་དང་བསྟུན་ཏེ་ཙི་ཙིའི་ཁྱུང་ཚོགས་ཀྱིས་དུས་གཅིག་ཏུ་ཕྱོགས་བཞིས་ནས་རུབ་བརྒྱབ་ཏེ་སྟོབས་ཆེན་གྱི་གླང་ཆེད་དེ་བསད་ཐུབ་པའི་གནད་ལུགས་དེ་ཉམ་ཆུང་གི་ཙིཙི་ཆུང་ཆུང་ཚོས་ཤེས་དགོས།
དྲ་གྲོགས་རྣམ་པ་་་ང་ཚོད་བོད་རྒྱ་གྲོས་མོལ་ཆེད་སྲིད་བློན་བློ་བཟང་སེང་གེ་་རྒྱ་ནག་ཕེབས་དགོས་པའི་འབོད་བསྐུལ་ཞུ་ན་འགྲིག་གི་འདུག་གམ་་་
ད་ལམ་༧གོང་ས་མཆོག་དངཁོང་མ་གཏོགས་བོད་རྒྱ་གྲོས་མོལ་བྱེད་ཐུབ་མཁན་ཡོད་མ་རེད་་་་དེ་ན་ཁོང་ཕེབས་ཐུབ་ན་ངེས་པར་འབྲས་བུ་ཡོད་རེདདདདདདདད
རྒོད་པད་ལགས་གཙོས་རྒྱལ་གཅེས་དཔའ་བོ་དག་ལ་སེམས་བསམ་པའི་གཏིང་ནས་གུས་འདུད་ཞུ། བདེན་པ་རྒྱལ་ལོ།
ཨ་་་ཨ་་་བྱ་འདི་ཚོ་ཅི་ཞིག་ཡིན་ནམ། དམྱལ་ཁམས་བཟོ་མཁན་རྒྱ་གཞུང་རེད་འདུག ལས་འདི་འདྲ་ཞིག་ང་ཚོས་བསགས་ཨེ་ཡོད་དམ།
རྒོད་པད་ལགས་སུ་སེམས་གཏིང་ནས་གུས་བཀུར་དང་གདུང་སེམས་མཉམ་བསྐྱེད་ཡོད་ལགས།
རྒོད་པད་ལགས་སུ་སེམས་གཏང་ནས་གུས་བཀུར་དང་གདུང་སེམས་མཉམ་བསྐྱེད་ཞུ། འོན་ཀྱང་འདིས་ཅི་ཕན། གཞན་པར་ལ་བལྟས་ན་ཁོའི་རྐང་བ་གཡོན་མའི་རྨས་སྐྱོན་ཆེ་བ་འདྲ། རྐང་བ་གཡས་གཏུབ་པ་རེད་དམ།