བུད་མེད་རྩོམ་པ་པོ་འོད་ཟེར་ལགས་ཀྱིས་གནས་ཚུལ་སྤེལ་བ་ལྟར་ན། ཁ་སང་ཕྱི་ཚེས་ ༨ ཉིན་སྟེ་གཟའ་ལྷག་པའི་ཉིན། བཀའ་སྤྱི་གཉིས་ཀྱི་གོ་སྒྲིག་འོག བཞུགས་སྒར་ངྷ་རམ་ས་ལ་གཙོས་བཙན་བྱོལ་བོད་མི་འདུས་སྡོད་ས་གནས་ཡོངས་སུ་ཉིན་གཅིག་དུས་གཅིག་ཏུ་ལྷག་དཀར་སྲུང་གཙི་དང་མཉམ་དུ། ད་བར་བོད་
ཁ་སང་མི་མང་མང་པོ་འདུ་འཛོམས་བྱས་རྗེས། ཡུལ་ཤུལ་ས་གནས་སྲིད་གཞུང་གིས་བཀོད་མངགས་ལྟར། དམག་མི་སྟོང་ཕྲག་མང་པོ་རྫོང་གི་སྲང་ལམ་དང་ལུས་རྩལ་རྭ་བའི་མཐའ་བསྐོར་ཡོངས་སུ་འགྲེམས་འཇོག་ལྟ་རྟོགས་བྱས་ཡོད་ཀྱང་། བོད་མི་ཚོས་སྣང་མེད་ངང་གསང་གསོལ་དང་མཆོད་འབུལ་བྱས་པ་ལས་ངོ་རྒོལ་ལས་འགུལ་སྤེལ་མེད་སྟབས། མི་སྣ་འཛིན་བཟུང་གི་གནས་ཚུལ་ཅི་ཡང་ལྷག་མི་འདུག
ལྷག་དཀར་ལས་འགུལ་འདི་ནི། བོད་ཕྱི་ནང་གཉིས་སུ་དར་ཁྱབ་ཆེ་པའི་ལས་འགུལ་ཞིག་ཡིན་ཞིང་། བོད་ནང་ལ་མཚོན་ན། བོད་མི་ཚོས་ནམ་རྒྱུན་གཟའ་ལྷག་པའི་ཉིན་བོད་ལྭ་གྱོན་པ་དང་བོད་ཟས་ཟ་བ། མཆོད་འབུལ་སོགས་བྱེད་སྒོ་འདྲ་མིན་ཐོག་སྲུང་བརྩི་བྱེད་བཞིན་པ་མ་ཟད། ཉེ་བའི་ཆར་ཁ་པར་གྱི་ལམ་ནས་བོད་སྐད་གཙང་མ་བཤད་པ་དང་བོད་ཡིག་བྲིས་ཏེ་ཕན་ཚུན་ལ་འཚམས་འདྲིའི་འཕྲིན་ཐུང་བསྐུར་བ་སོགས་ཀྱི་ལྷག་དཀར་ཉིན་མོ་སྲུང་བརྩི་བྱེད་ཀྱི་ཡོད་འདུག
གསར་འགོད་པ། དོན་གོ
བདུད་རྡོ་ལགས་གནས་ཚུལ་འདི་འོད་ཟེར་གྱིས་རྣ་བས་ཉན་ནས་བསམ་བློ་གཏོང་སྟེ་གོ་བ་ཡིན་རྒྱུ་རེད། ལྷག་པར་མོ་ལ་ཕྱོགས་སུ་མ་ལྷུང་བའི་མི་རིགས་ཀྱི་བདེ་སྡུག་ཉན་བྱེད་ཅིག་དང་མཐོང་བྱེད་ཡོད་པའི་དབང་གི་གོ་བ་ལས་ཟུར་ཟ་དང་ཕྲག་དོག་གིས་ལྷད་པའི་མུག་བཤད་ཅིག་དུས་ནམ་ཡང་བྱེད་མི་སྲིད། གོ་བ་གྱིས་ཤིག
འདི་ནི་བོད་མི་རིགས་ཀྱི་རིགས་གཞུང་ཉམ་ཆགས་སུ་སོང་བ་དག་ཉམ་གསོའི་ཐབས་ལམ་ཡག་ཤོས་ཞིག་ཡིན་པས་ཡི་རང་ཡོད་པར་མ་ཟད་དགའ་སྤྲོའི་ངང་ལྟས་ནས་ཡོད། འདི་ལྟར་བོད་མདོ་དབུས་ཁམས་གསུམ་དུ་ལས་འགུལ་འདི་འདྲ་སྤེལ་ཐུབ་ན་དགེ་མཚན་ཆེ་བས་གང་ནུས་ཀྱི་བསྒྲགས་ཀྱི་གལ་ཆེན་རེད།
ལྷག་དཀར་སྲུང་བརྩི་འདི་དངོས་ནས་ཡག་པོ་འདུག།འོད་ཟེར་ཟེར་བ་མོས་ག་འདྲ་བྱས་ནས་གོ་ཡིན་ན།
གནས་ཚུལ་འདིའི་ཁ་བྱང་མཐོང་བ་དང་ནང་དོན་ལ་བལྟ་འདོད་ཆེན་པོ་བྱུང་སྟེ་ཐོག་གི་ཡིག་འཕྲེང་(བོད་ཆོས་གྱོན་པ་དང་གསང་གསོལ་བཏང་བ། དགོན་པ་མཆོད་འབུལ་)འདི་ཀློག་སྐབས་ཚིགས་འཕྲེང་ཉུང་ངུ་འདིའི་ནང་དུའང་ཡིག་ནོར ༼ཆོས༽དང་༼གསང༽། ད་དུང་ལ་དོན་གྱི་ཕྲད་ཆད་པའི་༼པ༽སོགས་གསུམ་བྱུང་འདུག་པས་ཀློག་འདོད་མེད་པར་གྱུར་སོང་། རྩོམ་ཡིག་གཞན་ཁག་ཀྱང་དེ་དང་གཅིག་མཚུངས་རེད། དེང་སང་དུས་བབས་ཚང་གི་སྤུས་ཚད་དངོས་གནས་ཞན་དུ་འགྲོ་གིན་འདུག རྩོམ་སྒྲིག་པ་དང་གསར་འགོད་པ་ཚོས་དོ་སྣང་མང་ཙམ་གནང་རོགས། ཀློག་པ་པོ་མང་པོ་ཞིག་གིས་འདི་ལྟར་བསམ་འཆར་ཕུལ་འདུག་པ་མཐོང་སོང་ལ་ངས་ཀྱང་ཐེངས་མར་པོར་ཕུལ་བ་ཡིན། འོན་ཀྱང་ཤུགས་རྐྱེན་ཐེབས་མེད་པ་འདྲ་བོ་འདུག སྐུ་མཁྱེན། ད་བོད་ཡིག་ལ་རྨ་ཁ་མ་བཟོ་རོགས། འདི་ང་ཚོའི་སྲོག་རྩ་ཡིན། སྐུ་མཁྱེན་སྐུ་མཁྱེན།
༼བོད་ཀྱི་དོན་གྱི་བདག་པོ་གཞིས་ལུས་རྒྱ་ཆེའི་མི་མང་ཡིན།༽མི་འབོར་གྱི་ཆ་ནས་དང་། བསམ་བློའི་ཆ་ནས།། ས་ཡི་ཆ་ནས། སེམས་ཤུགས་དང་སྙིང་སྟོབས་ཀྱི་ཆ་ནས། ལ་རྒྱ་དང་ལྷག་བསམ་གྱི་ཆ་ནས། མདོར་ན་གང་གི་ཆ་ནས་ཡིན་ནའང་གཞིས་ལུས་རྒྱ་ཆེའི་མི་མང་དངོས་གནས་ཧ་ལས་པ་རེད། ད་ཁོང་ཚོར་མེད་པ་ནི་འཛམ་གླིང་ཕྱི་ཕྱོགས་སུ་དྲིལ་བསྒྲགས་དང་། སྡུག་བསྔལ་དེ་བཤད་ས་དང་ཉན་མི་མེད་པའི་དཀའ་ངལ་རེད། དེ་ང་ཚོའི་སྒྲིགས་འཛུགས་ཀྱི་ལས་ཀ་དངོས་གནས་ཡིན་ཕྱིར། དེ་རིང་ཁ་སང་དྲིལ་བསྒྲགས་ཤུགས་ཆེན་བྱེད་དགོས་ཀྱི་རེད་མ་གཏོགས་ལྷག་དཀར་ཀྱི་བསང་གསོལ་དང་། ཁ་འདོན་སུས་ཀྱང་བྱེད་ཐུབ་ཀྱི་རེད། ༼ཁྱི་མི་ཟུག་སྐུན་མས་སྐེ་སོ་བྱས།། ཝ་མི་བརྒྱལ་དྲེ་མོས་རྣ་རྩ་གཏགས་པ་རེད་མ་གཏོགས་ང་ཚོ་ལ་གོ་རྟོགས་གང་ཡོད་དམ། སྐུ་མཁྱེན་བཀའ་སྤྱི་གཉིས་ནས་མུ་འཐུད་དུ་དྲིལ་བསྒྲགས་དང་། རྒྱབ་སྐྱོར་བཙལ་ནས་བོད་ནང་དུ་ཞི་འཇམ་ཡོང་ཐབས་ཤིག་བྱེད་རོགས།
མདང་གི་བསང་གསོལ་དང་། བོད་ཆས་གྱོན། བོད་ཟས་བསྣམས་ནས་ཁ་ཏོན་འདོན་པ་དང་། སྨོན་ལམ་བརྒྱབ་ནས། བོད་དོན་ལས་འགུལ་སྲུང་བརྩི་། ཉིན་གཅིག་དུས་གཅིག་ལ་གནང་བ་འདི་ནི། ཆེས་ཚད་མཐོའི་ལམ་འགུལ་ཅིག་ཡིན་པ་ངོས་འཛིན་ཞུ་འོས་སུ་མཐོང་ལགས་ན། ཐུགས་རྗེ། བཀའ་དྲིན་ཆེ་ཞེས་ཞུའོ། །