གཟའ་ཟླ་བའི་ཉིན་རྒྱ་ནག་སྲིད་འཛིན་གཞོན་པ་ཞི་ཅིན་ཕེན་ཨ་རིར་སླེབས་ཡོད་སྟབས། རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་སྡེ་ཁག་དང་བོད་དོན་རྒྱབ་སྐྱོར་ཚོགས་པ་ཁག་གིས་ངོ་རྒོལ་ལས་འགུལ་སྤེལ་རྒྱུ་ཡིན་འདུག
ཕྱི་ཚེས་ ༡༣ ཉིན་རྒྱ་ནག་གི་སྲིད་འཛིན་གཞོན་པ་ཞི་ཅིན་ཕེན་ཨ་རིར་སླེབས་ཡོད་པ་དང་། ཕྱི་ཚེས་ ༡༢ ཉིན་ནས་བཟུང་ཨ་རིའི་རྒྱལ་ས་ཝ་ཤིན་ཊོན་དུ། བོད་རང་དབང་སློབ་ཕྲུག་ཚོགས་པས་ཞི་ཅིན་ཕེན་ཨ་རིའི་ནང་སླེབས་པར་ངོ་རྒོལ་ལས་འགུལ་སྤེལ་བཞིན་པར་མ་ཟད། ཕྱི་ཚེས་ ༡༤ ཨ་རིའི་ཕོ་བྲང་དཀར་པོའི་མདུན་ཐང་དུ་ཨ་རིར་གནས་སྡོད་བོད་དང་ཡུ་གུར་མི་མང་རྣམས་འདུ་འཛོམས་ཀྱིས། རྒྱ་གཞུང་གིས་བོད་དང་ཡུ་གུར་སོགས་གྲངས་ཉུང་མི་རིགས་ཁག་ལ་དྲག་གནོན་དམར་གསོད་ཀྱི་དབང་སྒྱུར་སྲིད་ཇུས་སྤེལ་བཞིན་པའི་ཐད། རྒྱ་ནག་གི་སྲིད་འཛིན་གཞོན་པ་ཞི་ཅིན་ཕེན་ལ་ངོ་རྒོལ་སྐད་འབོད་ཀྱི་ལས་འགུལ་སྤེལ་འཆར་ཡོད་པ་དང་། དེ་བཞིན། ཨ་རིའི་ནང་གནས་སྡོད་ཐེ་ཝན་སྤྱི་མཐུན་ལས་དོན་ཚོགས་པའི་གཙོས། ཐེ་ཝན་གྱི་ཚོགས་སྡེ་ཁག་གིས་ཀྱང་མཉམ་འབྲེལ་ཐོག་སྲིད་འཛིན་ཨོ་བྷ་མར་འབོད་སྐུལ་བྱས་ཏེ། ཉེ་སྔོན་ཐེ་ཝན་སྲིད་འཛིན་འོས་བསྡུའི་སྐབས་ཨ་རིས་མཱ་ཡན་ཅིག་ལ་རྒྱབ་སྐྱོར་གྱི་རྣམ་འགྱུར་བསྟན་པར་ངོ་རྒོལ་དང་། ཨ་རིའི་གཞུང་གིས་ཐེ་ཝན་མི་མང་གིས་རང་ཉིད་ཀྱི་མ་འོངས་མདུན་ལམ་ཐད་ཀྱི་རང་ཐག་རང་གཅོད་ཀྱི་ཁེ་དབང་ལ་བརྩི་མཐོང་བྱེད་དགོས་པ་ནན་སྐུལ་བྱས་ཡོད་འདུག
གསར་ལམ་ཁག་ཏུ་གནས་ཚུལ་ཐོན་པ་ལྟར་ན། ཨ་རིར་གནས་སྡོད་རྒྱ་ནག་གཞུང་ཚབ་ཁང་གིས་ཨ་རིར་སློབ་སྦྱོང་བྱེད་བཞིན་པའི་རྒྱ་ནག་གི་སློབ་ཕྲུག་རྣམས་ལ་སྐུལ་སློང་བྱས་ཏེ། ཕྱི་ཚེས་ ༡༤ ཉིན་ཨ་རིའི་ཕོ་བྲང་དཀར་པོའི་མདུན་དུ་རྒྱ་ནག་སྲིད་འཛིན་གཞོན་པ་ཞི་ཅིན་ཕེན་ལ་བསུ་བ་བྱེད་དུ་ཡོང་དགོས་པ་དང་། ཡོང་མཁན་སློབ་ཕྲུག་རེ་རེར་ཉིན་རེར་ཨ་སྒོར་ ༡༠༠ ཡི་གླ་དངུལ་སྤྲོད་རྒྱུ་ཡིན་པ་བསྒྲགས་ཡོད་འདུག
ཡོད་ཚད་དཔལ་འབྱོར་གྱིས་ཉོས་ཏེ་ཨོ་སྦ་མ་ཡང་ས་མཚམས་ངེས་ཅན་ཞིག་ཏུ་སླེབས་ཡོད་པ་འདྲ། ད་ངོ་མ་དཔལ་འབྱོར་དང་རང་དབང་གིས་དབུལ་བའི་འགྲོ་བ་རྣམས་ཀྱིས་ཅི་ཞིག་བྱ་དགོས་སམ།
གང་དུ་དྲག་གནོན་ཡོད་ན། དེ་རུ་ངོ་རྒོལ་ཡོད།
དཔལ་འབྱོར་དང་དབང་ཤུགས་དྲག་ཤུགས་གསུམ།།
དེང་འཛམ་གླིང་འཛིན་པའི་སྙིང་པོ་ཡིན།།
ཞི་བདེ་དང་ཆོག་ཤེས་དྲང་བདེན་གསུམ་།།
ཚེ་ཕྱི་མར་མ་གཏོགས་བེད་སྤྱོད་མེད།།
བོད་མི་མགོ་བདེ་འགའ་རེ་ལའང་ཨ་སྒོར་༡༠༠་ཐོབ་སྲིད།
ཞི་ཅིན་ཕིན་ཌོ་ལོར་བརྒྱ་སྤྲད་བསུ་རུ་བཅུག
ཞི་ཅིན་ཕིན་རྒྱ་རིགས་སྐྱག་པས་བསུ་བར་ངེས།
ཡ་ཡ་་ད་རྒྱ་གཞུང་གིས་སོ་སོའི་མི་རིགས་ཀྱང་ཉོ་དགོས་པའི་དུས་ལ་སླེབས་པར་དགའ་པོ་བྱུང་།ཨུ་ཐུག་པའི་ལས།ངོ་མ་མཚར་ཀི་ཡ
གཏམ་རྣམས་དབང་དང་ཤེད་ཀྱིས་ཉོ་བ་དང་། །
ནུས་མེད་ཉམ་ཆུང་རྗེས་སུ་ལུས་པ་འདི། །
འགྲོ་བ་སྤྱི་ཡི་ལས་བསོད་མ་དག་པས། །
རྟགས་མཚན་ཡིན་པས་ལས་བསོད་སྤེལ་ལ་འབོད། །
སྤྱིར་ཡིན་ན་རྒྱ་ནག་གཞུང་འདི་ལྟར་རྒྱལ་སྤྱིའི་གཟུགས་བརྙན་ཤི་བཞིན་པའི་རྟགས་མཚན་གསལ་ཡང་། ཟོལ་བཅོས་ཟོག་རྫུ་བྱ་རྒྱུ་མཚམས་མི་འཇོག་པ་དེས་ག་ཚོད་བར་དུ་བརྟན་ཡོང་གི་ཡོད་ན། དངོས་གནས་ཐབས་སྐྱོ་བ་ལ།