གཟའ་ཉི་མའི་ཉིན་ཨ་རབ་མཐུན་ཚོགས་ཀྱིས་བསྐྱར་དུ་རྒྱལ་ཚོགས་བདེ་འཇགས་ལྷན་ཁང་ལ། རྒྱལ་ཚོགས་དང་ཨ་རབ་མཐུན་ཚོགས་མཉམ་འབྲེལ་ཐོག་སེ་རི་ཡར་བདེ་འཇགས་དམག་མི་གཏོང་དགོས་པའི་བོད་སྐུལ་ཞུས་ཡོད་འདུག
ཁ་སང་ཕྱི་ཚེས་ ༡༢ ཉིན་ཨ་རབ་མཐུན་ཚོགས་ཀྱིས་རྒྱལ་ཚོགས་ལ། རྒྱལ་ཚོགས་དང་ཨ་རབ་མཐུན་ཚོགས་གཉིས་མཉམ་འབྲེལ་ཐོག་སེ་རི་ཡའི་ནང་བདེ་འཇགས་དམག་མི་གཏོང་དགོས་པའི་འབོད་སྐུལ་ཞུས་ཡོད་པ་མ་ཟད། ཨ་རབ་རྒྱལ་ཁབ་གཞན་དག་གིས་ཀྱང་སེ་རི་ཡ་དང་འབྲེལ་ལམ་གཅོད་དགོས་པའི་སྐུལ་མ་བཏང་ཡོད་འདུག གནད་དོན་དེའི་ཐད་སི་རེ་ཡ་གཞུང་གིས་ཨ་རབ་མཐུན་ཚོགས་ཀྱི་ཚོགས་འདུའི་ནང་སེ་རི་ཡའི་སྐུ་ཚབ་མེད་པར་གནད་དོན་དེ་ཐག་གཅོད་བྱས་པ་ཞིག་ཡིན་སྟབས། ཐག་གཅོད་དེ་རྩིས་མེད་ཡིན་པར་བསྒྲགས་འདུག
གཟའ་ཉི་མའི་ཉིན། ཡེ་ཤེའི་བླ་ཆེན་པོབ་བྷེ་ནེ་ཌེ་ཊི་(Pope Benedict XVI) ཡིས་སེ་རི་ཡ་དང་གྱེན་ལངས་ཤོག་ཁག དེ་བཞིན་རྒྱལ་སྤྱིའི་སྲིད་གཞུང་ཁག་ཚང་མས་ཕན་ཚུན་བསམ་ཤེས་ཐོགསེ་རི་ཡའི་ཟིང་འཁྲུག་གྲོས་མོལ་ཞི་འགྲིག་ཡོང་ཐབས་བྱ་དགོས་པའི་འབོད་སྐུལ་ཞུས་འདུག
གསར་འགོད་པ། བནྡེ་སྐྱབས།
སྤྱིར་རྒྱལ་ཁབ་སོ་སོ་དང་ཆོས་ལུགས་སོ་སོ་ཟེར་ནས། དང་ཐོག་ནས་སྙོག་དྲ་འགོ་བཙུགས་ཡོད་པ་རེད། འཛམ་གླིང་ཁྱིམ་གཅིག་ཡིན། གང་ནས་འདུག་ན་སྡོད། གང་ལ་སོང་ན་ཆོག་ཟེར་རྒྱུ་ན། དངོས་གནས་འགྲིགས་ཡོད་པ་རེད།
ཡོད་ཚད་བསམ་པ་གྲུ་ནང་ཡིན་ན་གནད་དོན་སེལ་རྒྱུ་ལས་སླ་བོ་རེད། འོན་ཀྱང་དཀའ་རྙོག་ཚང་མ་བསམ་པ་གྲུ་ནང་མིན་སྟབས་འབྱུང་གི་ཡོད་པ་རེད། བྱས་ཙང་འཛམ་གླིང་གི་སྐྱེ་བོ་ཡོངས་ཀྱིས་བསམ་པ་གྲུ་ནང་བྱེད་རྒྱུ་ཧ་ཅང་གལ་ཆེན་རེད། བསམ་པ་གྲུ་ནང་བྱས་ན་ད་གཟོད་གནད་དོན་ཡོངས་རྫོགས་ལས་སླ་བོ་དང་སྟབས་བདེ་བོའི་སྒོ་ནས་སེལ་ཐུབ་ཀི་རེད།