ཉེ་ཆར་བལ་ཡུལ་མཉམ་འབྲེལ་རྒྱལ་ཚོགས་ལས་ཁུངས་མདུན་ཐང་དུ་འཛིན་བཟུང་བྱས་པའི་བོད་མི་ཚོས་བཀག་ཉར་ཁང་དུ་ཟས་བཅད་ངོ་རྒོལ་བྱེད་ཀྱི་ཡོད་འདུག
ཟླ་འདིའི་ཕྱི་ཚེས་ ༢༤ བོད་ཆུ་འབྲུག་ལོའི་ལོ་སར་ཚེས་ ༣ གྱི་ཉིན་རྒྱབ་ཚུ་ཚོད་ ༢ པའི་སྟེང་། བལ་ཡུལ་རྒྱལ་ས་ཀ་ཐ་མན་གྲུ་ཇཱ་ཝ་ལ་ཁཱེལ་ས་གནས་སུ་ཡོད་པའི་མཉམ་འབྲེལ་རྒྱལ་ཚོགས་ཀྱི་ཐོག་ཁང་མདུན་དུ། བོད་མི་ ༡༣ གྱིས་མཉམ་འབྲེལ་རྒྱལ་ཚོགས་ཀྱིས་བོད་ཀྱི་ཛ་དྲག་གནས་སྟངས་ལ་དོ་སྣང་གནང་དགོས་པའི་སྐད་འབོད་བྱེད་སྐབས། བལ་ཡུལ་ཉེན་རྟོག་པས་བོད་མི་ཚོར་དྲག་གནོན་གཅར་རྡུང་བྱེད་ཞོར་འཇུ་བཟུང་བཙན་འཁྲིད་བྱས་ཡོད་པ་ལྟར། ཉེ་ལམ་བལ་ཡུལ་གཞུང་གིས་ཁོང་ཚོའི་གནད་དོན་ཐག་གཅོད་བྱ་བར་བདུན་ཕྲག་གཅིག་ལྷག་འགོར་བའི་བརྡ་ལན་སྤྲད་ཡོད་སྟབས། བུ་ ༡༡ དང་བུ་མོ་ ༢ བཅས་བསྡོམས་ལས་འགུལ་བ་ ༡༣ གྱིས། བོད་ནང་བསྟན་སྲིད་མི་རིགས་ཀྱི་ཆེད་དུ་རང་ལུས་མེར་བསྲེགས་བཏང་བའི་རྒྱལ་གཅེས་དཔའ་བོ་དཔའ་མོ་རྣམས་ལ་གདུང་སེམས་མཉམ་སྐྱེད་དང་སྐྱིད་སྡུག་མཉམ་མྱོང་མཚོན་ཕྱིར་བཀག་ཉར་ཁང་དུ་ཟས་བཅད་ངོ་རྒོལ་གྱི་ལས་འགུལ་སྤེལ་གྱི་ཡོད་འདུག
གསར་འགོད་པ། དོན་གོ
བལ་ཡུལ་དུ་ལས་འགུལ་སྤེལ་བ་སྣ་མང་དང་། ཧ་ཅང་རྒྱུན་རིང་ཡིན་ནའང་། ལས་འགུལ་བ་རྒྱུན་དུ་ནས་ཉུང་ཉུང་དང་། མི་སྣ་གཅིག་འདྲ་བོ་མཐོང་སོང་། བོད་དང་བོད་དོན་རྒྱབ་སྐྱོར་གནང་མཁན་ཚོ་ངེས་པར་རྡོག་རྩ་གཅིག་སྒྲིལ་གནང་རྒྱུ་གལ་ཆེ་བར་ཞུ། ཐུགས་རྗེ་ཆེ།
སྙིང་ཐག་པ་ནས་རྗེས་སུ་ཡིད་རང་ཡོད། བོད་མི་རྣམས་ཁ་མིག་ཡར་ལྟས་བྱས་ནས་ཡར་ལོང་ཤོག ལྡོག་རྩ་གཅིག་ཏུ་སྒྲིག་མ་འོང་བོད་ཀྱི་རྩ་དོན་བསམ། གཞི་སྡོད་སྤུན་ཟླའི་དཀའ་སྡུག་བསམ།།
གསར་འགོད་པ་ལགས། ཟས་བཅད་ལས་འགུལ་ཁེ་ཉིན་མ་ནས་མཚམས་བཞག་ཚར་རེད། གསར་བ་མི་གཞན་ཁག་གཅིག་གིས་དེ་ལྟར་ཟས་བཅད་བྱེད་བཞིན་ཡོད་ན་ཤེས་མ་སོང་དགོངས་དག།
ཡ་མཚན་ཆེ། ངོ་སོ་བསྟོད། གུས་འདུད་ཞུ།