ཧུའུ་ཅིན་ཐའོ་ཡིས་ལམ་དབུ་མའི་རང་སྲིད་རང་སྐྱོང་ལ་སྒོ་ལྕགས་འཕར་མ་བརྒྱབ་པ།
ཚེ་རིང་རྡོ་རྗེ།
ཉེ་ཆར་ཀྲུའུ་ཝེ་ཆོན་གྱིས་སྤེལ་བའི་རྩོམ་ཡིག་སྟེ། དེང་སྐབས་མི་རིགས་ས་ཁོངས་གནད་དོན་ཐད་ཀྱི་བསམ་གཞིགས་ཐོར་བུ་ཞེས་པའི་སྐོར་ལ་དྲ་རྒྱ་དང་བརྙན་འཕྲིན་བརྒྱུད་ལམ་དུ་གླེང་སློང་བྱས་པ་དང་། དཔྱད་བརྗོད་པ་ཕལ་ཆེ་བས་འབྲེལ་ཡོད་མི་རིགས་ལ་ཤུགས་རྐྱེན་ཅི་འབྱུང་གི་དཔྱད་པ་དང་བསམ་ཚུལ་འདྲ་མིན་བཏོན་སོང་། ཁོ་བོས་འདིར་ངོས་གཞན་ཞིག་ནས་གླེང་བར་བྱ་བ་གཉིས་ཡོད་དེ། གནས་སྐབས་འདི་ལ་ཀྲུའུ་ཡིས་རྩོམ་ཡིག་དེ་འདྲ་སྤེལ་དགོས་པའི་རྒྱབ་ལྗོངས་དང་ཤུགས་བསྟན་གྱི་དམིགས་འབེན་ནོ།།
དང་པོ། རྒྱབ་ལྗོངས།
ཀྲུང་གུང་དམར་ཕྱོགས་གཞུང་གི་སྲིད་འཛིན་པ་སུས་ཀྱང་སྒྲིག་འཛུགས་ཀྱི་ལང་ཕྱོགས་ཙམ་ལས་ཐུན་མིན་གྱི་ལྟ་ཚུལ་བཤད་མི་སྲིད་པས། མཐོ་རིམ་གོ་གནས་འཁུར་ཞིང་མི་རིགས་སྲིད་ཇུས་ཀྱི་མགྲིན་ཚབ་པ་ལྟ་བུར་གྱུར་བའི་ཀྲུའུ་ཝེ་ཆོན་གྱི་རྩོམ་ཡིག་དེའང་མཐར་གཏུགས་ན་ཀྲུང་གོའི་དམར་ཕྱོགས་ཚོགས་པའི་མགོ་བདག་ཧུའུ་ཅིན་ཐའོ་ཡི་བསམ་ཚུལ་མཚོན་པར་སྙམ། འོན་ཀྱང་ཕྱོགས་གཞན་ཞིག་ནས་བལྟས་ཚེ། ཀྲུའུ་ཡིས་རང་ཉིད་ཀྱི་དབང་ཆའི་གོ་གནས་འཕར་བའམ་བརྟན་པའི་ཆེད་དུ་ཧུའུ་ཕྱོགས་ཁག་ལ་རྒྱབ་སྐྱོར་མཚོན་པར་རྩོམ་དེ་སྤེལ་བའང་སྲིད།
འོ་ན། ད་ལྟའི་དུས་སྐབས་འདི་ལ་རྩོམ་ཡིག་དེ་སྒེར་གྱི་རྣམ་པར་བརྫུས་ཏེ་གཞུང་གི་སྨྲ་ལྕེ་ཉེ་བར་མཚོན་བྱེད་ཀྱི་བརྒྱུད་ལམ་ཆེ་བ་མིན་པའི་ཚགས་ཤོག་ཅིག་ནས་ཕྱི་ལ་བསྒྲགས་པའི་རྒྱབ་ལྗོངས་ཅི་འདྲ་ཡིན་ནམ་ཞེ་ན། རྒྱ་ནག་གཞུང་གི་མགོ་ཁྲིད་བརྗེ་མཚམས་སུ་སླེབས་པ་དང་ཀྲུང་གོའི་དབང་ཆེན་ནང་ཁུལ་གྱི་དབང་རྩོད་གནས་བབ་ཛ་དྲག་པར་བརྟེན། ཧུའུ་ཅིན་ཐའོ་ཡིས་ནུས་ཤུགས་ཡོད་རྒུས་སྤྱི་ཚོགས་བརྟན་བརླིང་སྲུང་སྟེ་རང་ཉིད་ཀྱི་སྒེར་དབང་སྲ་བརྟན་དུ་གཏོང་བ་དེ་ལ་རག་ལུས། ཧུའུ་ཅིན་ཐའོ་ཡི་ཕྱོགས་ཁག་ལ་མཚོན་ན། བོད་དུ་བྱུང་བའི་ངོ་རྒོལ་དང་རང་ལུས་སྦྱིན་སྲེག་གི་གནས་སྟངས་ནི་སྤྱི་ཚོགས་བརྟན་བརླིང་དང་སྲིད་བྱུས་ཀྱི་ཕམ་ཁ་ཆེན་པོ་ཞིག་དང་། ཀྲུང་གོ་དམར་ཕྱོགས་དབང་ཆེན་ནང་ཁུལ་གྱི་ཁ་གཏད་ཕྱོགས་ཁག་གིས་ཧུའུ་ལ་བསྙོན་འཛུགས་ཀྱི་བྱ་ཡུལ་དུའང་འགྱུར་སྲིད། དེར་བརྟེན། ཀྲུའུ་ཝེ་ཆོན་གྱི་མིང་ཐོག་ནས་མི་རིགས་ས་ཁུལ་བརྟན་བརླིང་དང་རྒྱལ་ཁབ་གཅིག་གྱུར་ལ་ཁ་གཡར་ནས་ལྟ་ཚུལ་དེ་དག་ཕྱིར་བཏོན་པར་འདོད།
གཉིས་པ། ཤུགས་བསྟན་དམིགས་འབེན།
རྩོམ་ཡིག་གི་བསམ་ཚུལ་དེ་མི་རིགས་སྤྱི་བྱིངས་ལ་བརྗོད་ཡོད་ཀྱང་། ཧུའུ་ཅིན་ཐའོ་ལ་ན་ཟུག་སློང་བ་དང་ཁོའི་སྤྱི་ཚོགས་བརྟན་བརླིང་ལ་གནོད་པའི་གྲས་སུ་བགྲངས་པའི་མི་རིགས་ནི་བོད་དང་ཡུ་གུར་གཉིས་ཡིན། དེ་གཉིས་ལས་ཀྱང་བོད་དེ་གཙོ་བོར་བཟུང་འདུག ཧུའུ་ཡིས་རྒྱལ་བ་རིན་པོ་ཆེ་དང་བོད་གཞུང་། བོད་དོན་རྒྱབ་སྐྱོར་བ་བཅས་ནི་རྒྱལ་ཁབ་ཁ་བྲལ་གྱི་སྟོབས་ཤུགས་གཙོ་བོ་ཡིན་པར་འདོད་པ་དང་། བོད་ཁུལ་དུ་བྱུང་བའི་ངོ་རྒོལ་རིགས་ནི་༧གོང་ས་མཆོག་དང་བཙན་བྱོད་བོད་གཞུང་གི་ངན་སྐུལ་ལས་བྱུང་བར་བསྙོན་འཛུགས་པ་འདིས་ཀྱང་རྩོམ་ཡིག་དེའི་བསམ་ཚུལ་གྱི་ཁ་གཏད་ནི་བོད་ཡིན་པ་ཤེས་ཐུབ། ད་དུང་ཅུང་ཟད་སྤྲོ་ན། བོད་དུ་ལག་ལེན་བསྟར་བའི་གཏུམ་དྲག་གི་སྲིད་བྱུས་དང་དྲག་གནོན་ནི་ཧུའུ་དང་ཐད་ཀར་འབྲེལ། ཧུའུ་ཡི་གོ་གནས་ཐོལ་བརྒལ་བྱུང་བའང་བོད་རང་སྐྱོང་ལྗོངས་ཟེར་བའི་ཀྲུང་གུང་དམར་ཕྱོགས་ཚོགས་པའི་ཧྲུའུ་ཅིའི་སྐབས་སུ། ཁོས་བོད་ལ་གཏུམ་དྲག་གི་སྲིད་བྱུས་ལག་ལེན་དུ་བསྟར་ཏེ་བྱས་རྗེས་བཞག་པའི་རྐྱེན་ཡིན། མ་འོངས་པར་བོད་མི་ཚོ་ལ་བདེན་པ་ཁྲིམས་ཀྱི་རྒྱ་མའི་སྟེང་ཏུ་འཇོག་པའི་གོ་སྐབས་བྱུང་ཚེ། ཉེ་བའི་བགྲང་བྱ་བཅུ་ཕྲག་གཉིས་ཙམ་རིང་གི་བོད་མི་དམར་གསོད་ལ་སོགས་ཀྱི་ཉེས་ཅན་གཏེ་བོ་ཁྲིམས་གཏུག་བྱ་ཡུལ་ནི་ཧུའུ་ཅིན་ཐའོ་ཡིན། ཧུའུ་ཡིས་སྒེར་ངོས་ནས་ལུས་དང་གྲིབ་མ་བཞིན་འདོར་དཀའ་ཞིང་རྨི་ལམ་དུ་འཁོར་བ་ནི་བོད་ཡིན།
རྩོམ་ཡིག་དེར། སྔོན་ཆད་འཐོར་ཞིག་ཏུ་སོང་བའི་དམར་ཕྱོགས་རྒྱལ་ཁབ་ལས་བྱུང་བའི་ཉམས་མྱོང་དཔེ་མཚོན་དུ་དྲངས་ཏེ། མི་རིགས་རང་སྐྱོང་ས་ཁོངས་གསར་འཛུགས་དགག་པ་དང་མི་རིགས་གཅིག་གྱུར་གྱི་དགོས་དོན་ཤུགས་སུ་བསྟན། ཡང་དེར། གཞུང་གིས་མི་རིགས་ས་ཁུལ་ལ་གཏོང་བའི་དཔལ་འབྱོར་འགྲོ་སྒོ་རིགས་ཚང་མར་མཐུན་སྒྲིལ་ཇེ་བརྟན་དང་། བརྟན་བརླིང་སྲུང་སྐྱོབ། རྒྱལ་ཁབ་གཅིག་གྱུར་སྲ་བརྟན་བཅས་ཀྱི་དོན་སྙིང་དགོས་པ་དང་། འགྲོ་སྒོ་དེ་ཚང་མར་དཔལ་འབྱོར་དང་ཆབ་སྲིད་གཉིས་ཐད་ནས་འབྲས་བུ་འབྱུང་བར་བསམ་གཞིགས་བྱ་དགོས། ཞེས་འཁོད་འདུག འདི་ལ་དཔྱད་པ་ཕྲན་ཙམ་བཏང་ན། མི་རིགས་ས་ཁུལ་གྱི་དཔལ་འབྱོར་ཡར་རྒྱས་དང་ཆབ་སྲིད་བརྟན་བརླིང་གཉིས་ནི་དམིགས་ཡུལ་གཅིག་ཏུ་བཤད་དེ། ཧུའུ་ཅིན་ཐའོ་ཡིས་བོད་ཁུལ་དུ་ལག་བསྟར་བྱས་དང་བྱེད་མུས་ཀྱི་གཏུམ་དྲག་གི་སྲིད་ཇུས་དེ་དགོས་ངེས་ཞིག་དང་ལུགས་མཐུན་དུ་བསྒྲུབས་པ་དང་། ཧུའུ་ཡིས་སྒེར་གྱི་དབང་ཆ་སྲ་བརྟན་གྱི་ཕྱིར་དུ་བསགས་པའི་ནག་ཉེས་གནམ་འོག་ཏུ་མི་ཤོང་བ་བཟོས་པ་དེ་རྒྱལ་ཁབ་གཅིག་གྱུར་གྱི་བྱས་རྗེས་སུ་བསྒྲུབས་པ་ནི་གནད་འགག་ཏུ་མཐོང་། ཀྲུང་གུང་དམར་ཕྱོགས་ཚོགས་པའི་དབང་ཆེན་རུ་ཚོགས་ཀྱི་མི་སྣ་སུ་ཡིན་ཡང་རུལ་སུངས་དང་ནག་ཉེས་མེད་པ་ཉུང་། ནང་ཁུལ་དུ་དབང་རྩོད་དང་ཕྱོགས་ཁག་གི་འགལ་ཟླ་ཡོད་མོད་ཀྱང་། ཐུན་མོང་གི་སྲིད་དབང་འཇིགས་ཚེ་ཀུན་ལ་ནག་འདེད་ཀྱི་མཇུག་འབྲས་མྱོང་དགོས་པ་ཁོ་ཚོས་གསལ་བོར་ཤེས། དེའི་ཕྱིར། ཧུའུ་ཡིས་སྒེར་དབང་སྲ་བརྟན་དང་དབང་ཆེན་རུ་ཚོགས་ནང་ཁུལ་གྱི་རྒྱབ་སྐྱོར་ལ་དམིགས་ཏེ་རྒྱལ་ཁབ་གཅིག་གྱུར་འོང་བར་མི་རིགས་གཅིག་གྱུར་གལ་ཆེ་བའི་བསམ་ཚུལ་བཏོན།
མཇུག་བསྡུས་ནས་བཤད་ན། ཧུའུ་ཅིན་ཐའོ་ཡིས་ཀྲུའུ་ཝེ་ཆོན་གྱི་སྨྲ་ལྕེ་བརྒྱུད་དེ་སྒེར་དབང་སྲ་བརྟན་གྱི་ཕྱིར་དུ་མི་རིགས་ས་ཁོངས་རང་སྐྱོང་གསར་འཛུགས་དགག་པ་དང་། ཤུགས་བསྟན་དུ་རྒྱལ་བ་རིན་པོ་ཆེ་མཆོག་གཙོས་པའི་བོད་མིས་བཏོན་པའི་ལམ་དབུ་མའི་རང་སྲིད་རང་སྐྱོང་ལ་སྒོ་ལྕགས་འཕར་མ་ཞིག་བརྒྱབ་བོ།།
གྲོགས་པོ་ཚོ། ཚེ་རིང་རྡོ་རྗེའི་རྩོམ་ཡིག་འདི་ཕྱོགས་གཅིག་རེད། ཉེ་ཆར་རྒྱ་གཞུང་གིས་དབུ་ལམ་ལ་སྒོ་ལྕག་བརྒྱབ་པ་གཅིག་བྱས་ན་བདེན་པ་ཡིན་རྒྱུ་རེད། དེ་ཡང་བོད་མིའི་མངོན་འདོད་ལ་རྒྱ་གཞུང་གིས་སྒོ་ལྕག་བརྒྱབ་ཐ་མ་ཡིན་ཤས་ཆེ། གང་ཡིན་ཞུས་ན། བོད་རང་བཙན་ལ་རྒྱ་གཞུང་མང་གཉིས་ཀྱིས་སྔ་མོ་ནས་སྒོ་ཆེན་པོ་ཞིག་བརྒྱབ་པ་དང་། སྒོ་ལྕག་དེའི་ཐོག་ཏུ་རྒྱལ་སྤྱི་དང་འབྱོར་ལྡན་རྒྱལ་ཁབ་ཨ་རི། བཙན་བྱོལ་མི་བོད་གཞུང་གནས་ཡུལ་རྒྱ་གར་བཅས་ཕལ་ཆེར་རྒྱལ་ཁབ་ཀྱི་མིང་ཐོགས་ཚད་ཀྱིས་ཐམ་ཀ་བརྒྱབ་ཚར་ཡོད་པ་རེད།
ད་བར་ས་སྒང་ཐོག་གི་གཞུང་འབྲེལ་དང་གཞུང་འབྲེལ་མིན་པའི་ཚོགས་པ་དང་། དེ་བཞིན་མི་སྒེར་བཅས་ཀྱིས་ངོ་ལེན་གནང་ས་དང། རེ་བ་རྒྱག་ས། སྒོ་ཕྱེས་ནས་ཡོད་པ་ནི་དབུ་ལམ་སྟེ་ས་ཁུལ་མི་རིགས་རང་སྐྱོང་དེ་རེད། འདི་སྒོ་བརྒྱབ་ན་རེ་བ་གཞན་མེད་ལ་རང་ལུས་མེ་བསྲེག་བཏང་བའང་དོན་ཆུང་དུ་ཕྱིན་པ་རེད།
དབུས་ལམ་སྒོ་ལྕག་བརྒྱབ་ན། རང་བཙན་ལམ་ཆེན་ཕྱེ་བདགོས
རྩོམ་འདི་ཀློག་དུས་ཡིད་སྐྱོ་བའི་གནས་ལས་མ་འདས།ད་ལྟའི་ང་ཚོའི་སྤྱི་ཚོགས་ཁྲོད་དུ་བྱིས་བློ་ལྟ་བུའི་ལམ་དབུ་མའི་དགོངས་པ་མ་འགྲིག་པ་དང་གཞོན་ལྷན་གྱི་ལྟ་བ་མ་འགྲིག་པ་ཟེར་བའི་ནང་འཁོར་དཀྲུག་པའི་དུས་ཚོད་གཏན་ནས་མིན་འབྲི་རྩལ་དང་ཆབ་སྲིད་ཀྱི་མཁྱེན་ཡངས་ནའང་རྒྱ་གཞུང་ལ་ཁ་འཁོར་ནས་སྐད་ཆ་བཤད་དགོས་པའི་དུས་བབ་ཡོད་པ་མཁྱེན་རྟོགས་ཞུའོ།
ཀྲུས་ཝེ་ཆོན་གྱི་བསམ་ཚུལ་རྒྱ་གཞུང་གི་སྲིད་ཇུས་དངོས་གནས་དེ་ཡིན་སོང་ན། ང་ཚོ་བོད་མི་ཚང་མ་འཆི་འདོད་མེད་ཀྱང་གཞུང་གིས་གསོད་རྩིས་ཡིན་པ་རེད། སྤུན་ཟླ་ཚོ་སྐབས་དེ་འདྲ་ཞིག་དངོས་གནས་སླེབས་སོང་ན་གཟི་བརྗིད་ལྡན་པའི་འཆི་སྟངས་ཤིག་སྔར་ནས་གྲ་འགྲིག་ཡོད་པ་བྱོས། རང་ས་མ་མོའི་བྲང་འདྲ་བོ་ལས་སླ་པོ་བྱས་ནས་རྒྱ་གཞུང་ལ་རྩིས་མི་སྤྲོད་ཐག་གཅོད་ཡིན།
ལོ་ ༣༠ ནས་ ༥༠ ཕར་ཞོག ལམ་དབུ་མར་རྒྱབ་སྐྱོར་རག་གི་ཡོད་པ་བདེན་ན་ན་ནིང་ད་ལོ་ལ་གསལ་བོ་ཆགས་དགོས་པ་ཡིན་མོད། གནས་ཚུལ་འདྲ་གོ་རྒྱུ་མི་འདུག རང་བཙན་དང་རང་སྐྱོང་གང་ཡིན་ཡང་བོད་པ་རང་ཚོས་མ་འཇོན་ན་གཞན་ཞིག་གིས་རྒྱབ་སྐྱོར་བྱེད་གི་རེད་དང་། བྱེད་སྲིད་པ་རེད་ཅེས་བཤད་མཁན་ཚོ་ནི་གཞན་རྟེན་སྲིན་འབུའི་རིགས་རེད། དེའི་རིགས་ལ་སུས་ཀྱང་ཡ་བྱེད་གི་མ་རེད།
མི་རིགས་གང་ཡིན་རུང་རང་རང་གི་དོན་དུ་རང་རང་གིས་འབད་ནས་གྲུབ་འབྲས་བླངས་པ་མ་གཏོགས་གཞན་ཞིག་གིས་བརྩད་ནས་སྟེར་མཁན་མེད་ལ། བོད་པ་ཚོ་མ་གཏོགས་གཞན་ཁོ་ནར་རེ་བ་བརྒྱབ་ནས་འཐབ་རྩོད་བྱེད་མཁན་ཞིག་ཀྱང་མེད་པ་གསལ་བོ་རེད།
གུས་པས་གཞིག་ན་དབུ་མའི་ལམ་ལ་སྒོ་ལྕགས་རྒྱག་འདོད་པ་དེ་དངོས་ཡོད་རེད། གང་ཡིན་ཟེར་ན་གུང་ཁྲན་ཚོགས་པ་སྐྲག་ས་དེ་དབུས་བོད་མིའི་སྒྲིག་འཛུགས་ཀྱི་འཐབ་རྩོད་ལངས་ཕྱོགས་ཏེ་རང་སྲིད་རང་སྐྱོིང་ཡིན་པ་གསལ་བོ་རེད། འཐབ་རྩོད་ཀྱི་ལངས་ཕྱོགས་དེར་རྒྱལ་སྤྱིའི་སྤྱི་ཚོགས་ཀྱིས་རྒྱབ་སྐྱོར་བྱ་ངེས་པར་མ་ཟད་རྒྱ་མི་རིགས་ནང་ཁུལ་གྱིས་ཀྱང་རྒྱབ་སྐྱོར་ཐོབ་ངེས་པར་འདོད། ཉེ་སྔོན་རྩོམ་པ་པོ་བང་ལེ་ཤོང་གིས་ཀྱང་མི་རིགས་རང་སྐྱོང་འཐབ་རྩོད་བྱེད་སྟངས་སམ་ཐབ་ལམ་གསར་བ་བསྟན་པར། རྒྱ་ནག་དམར་ཤོག་པ་དེ་བས་ཀྱང་འཇིགས་སྐྲག་ངང་ན་ཅི་བྱ་གཏོལ་མེད་དུ་གྱུར་ཡོད་པ་གསལ་བོ་ཡིན་པས། ཧུའུ་དང་ཀྲུའུ་སོགས་ཀྱི་གླུན་རྟགས་དེ་ལ་ནུས་པ་ཅི་ཙམ་ཡོད་ལྟ་ཆོག་གི་རེད།